Category: لاہور

صوبائی وزیر عطا اللہ تارڑنے کہا کہ پنجاب کا بجٹ تاریخ ساز بجٹ ہوگا،مالی سال2023۔2022 کے بجٹ میں کوئی نیا ٹیکس نہیں لگایا جائے گا.

صوبائی وزیر عطا اللہ تارڑ کی ہوم اکنامکس کالج لاہور میں ویمن ایمپاورمنٹ اینڈ سسٹین ایبل ڈویلپمنٹ کے عنوان سے منعقدہ سیمینار میں بطور مہمان خصوصی شرکت کی.

اس موقع پر صوبائی وزیر عطا اللہ تارڑکا کہنا تھا کہ خواتین کے خلاف پرتشدد واقعات میں اضافہ قابل تشویش ہے ۔ خواتین کے حقوق کے تحفظ کے لیے آگاہی مہم وقت کی اہم ضرورت ہے ۔ ہمارے گزشتہ دور حکومت میں عورت کے خلاف تشدد بل اور عورت کے تحفظ کابل پاس ہوا ۔

عطاء اللہ تارڑنے کہا کہ خواتین کے حقوق کے تحفظ کے لیے وقت کے ساتھ ساتھ نئی قانون سازی اشد ضروری ہے ۔ معاشرے کی سماجی ترقی اور فلاح کے لیے خواتین کو بااختیار بنانا ہوگا ۔ انہوں نے مزید کہا کہ شہروں میں سموگ کی مقدار تشویشناک حد تک بڑھ گئی ہے ۔ شہروں میں سموگ کی روک تھام کے لیےاقدامات اٹھانا پورے معاشرے کی ذمہ داری ہے ۔ ماحولیاتی آلودگی میں اضافہ آنے والی نسلوں کے لیے نقصان دہ ہے.

عطاء اللہ تارڑکا کہنا تھا کہ آنے والی نسلوں کو محفوظ اور آلودگی سے پاک ماحول فراہم کرنا ہماری اجتماعی ذمہ داری ہے ۔ عطا اللہ تارڑ نے بتایا کہ حکومت
مالی سال2023۔2022 کے بجٹ میں کوئی نیا ٹیکس نہیں لگایا جائے گا. پنجاب کا بجٹ تاریخ ساز بجٹ ہوگا ۔

عطا اللہ تارڑنے کہا کہ عام آدمی کو ریلیف مہیا کرنا ہمارا بنیادی ایجنڈا ہے. اس سال صحیح معنوں میں عوام دوست بجٹ پیش کیا جائے گا۔ گزشتہ دور میں ترقیاتی بجٹ کم کر دیا گیا ہم دوبارہ اسے بڑھائیں گے ۔ عام آدمی کی زندگی کو آسان بنانا وزیراعلی پنجاب کا مشن ہے۔ پنجاب کا بجٹ متوازن ہو کا جس میں تمام سیکٹرز پر خصوصی توجہ دی جائے گی۔ انہوں نے بتایا کہ پنجاب کی صوبائی کابینہ کو جلد مکمل کر لیا جائے گا.

گورنر پنجاب محمد بلیغ الرحمن نے پنجاب اسمبلی کا بجٹ اجلاس 13 جون کو طلب کر لیا.پنجاب کا بجٹ 13 جون کی دوپہر دو بجے اسمبلی میں پیش کیا جاے گا تاہم
یہ بجٹ کون پیش کرے گا؟ اس حوالے سے ابھی نوٹفکیشن ہونا باقی ہے.زرائع کے مطابق اسمبلی میں بجٹ وزیر خزانہ پیش کرتے ہیں مگر پنجاب کی نئی حکومت ابھی تک وزیر خزانہ کا تقرر نہیں کر سکی.اور نہ ہی ابھی تک کابنیہ کی تشکیل مکمل کی جا سکی ہے،زرائع کے مطابق پنجاب کابنیہ کیلئے میاں مجتبی شجاع الرحمان کا نام بطور وزیر خزانہ پنجاب زیر غور ہے.مگر ابھی تک ان سے وزارت کا حلف نہیں لیا گیا ،توقع ہے کہ آئیندہ 48 گھنٹوں کے دوران پنجاب کابنیہ کی تشکیل مکمل کر لی جائے گی اور نئے وزراء حلف اٹھا لین گے.

دوسری طرٍف پنجاب اسمبلی میں مزدور کی کم از کم ماہانہ اجرت 25ہزار پر عملدرآامد کے مطالبے کی قرارداد جمع کرائی گئی ہے.قرارداد مسلم لیگ(ن) کی رکن حناپرویز بٹ کی جانب سے جمع کرائی گئی،قرارداد کے متن میں کہاگیا ہے کہ متعدد فیکٹریاں مزدور کو 18سے 20ہزار ماہانہ تنخواہ دے رہی ہیں ، مہنگائی کے دور میں مزدور کےلئے بیس ہزار میں گھر چلانا مشکل ہو گیا ہے.

قرارداد کے متن میں میں کہا گیا کہ مہنگائی کی وجہ سے سب سے زیادہ عام آدمی متاثر ہورہا ہے ، قرارداد میں وزیراعظم پاکستان سے مطالبہ کیا گیا کہ نجی فیکٹریوں میں مزدور کی کم از کم اجرت ماہانہ 25ہزار پر عملدرآمد کرایا جائے اورجو فیکٹری مالک مزدور کو 25ہزار سے کم تنخواہ دے اس کو بھاری جرمانہ کیا جائے.

پنجاب اسمبلی میں آج ہی کے دن ایک اور قرارداد جمع کرائی گئی جس میں کہا گیا ہے کہ پرائس کنٹرول کمیٹیاں کوفعال کیا جائےاور مجسٹریٹوں کی تعداد بڑھائی جائے،قرارداد مسلم لیگ(ن) کی رکن سعدیہ تیمور کی جانب سے جمع کرائی گئی

قرارداد کے متن میں کہا گیا کہ پرئس کنٹرول کمیٹیاں اور مجسٹریٹ کی قلت کی باعث ناجائز منافع خور من مرضی کے ریٹ وصول کررہے ہیں ، دکاندارمارکٹیوں میں سبزیاں اور پھل اپنے ریٹس پر فروخت کررہے ہیں، سادہ لوح شہری ناجائز منافع خوروں کی رحم و کرم پر ہیں، قرارداد میں مطالبہ کیا گیا کہ پرائس کنٹرول کمیٹیوں کو فوری فعال کیا جائےاورلاہور سمیت صوبے بھر میں مجسٹریٹوں کی تعداد بڑھائی جائے.

شریف فیملی منی لانڈرنگ مقدمے میں پیش ہونے والا پراسکیوٹرعدالت میں بیہوش
باغی ٹی وی کی رپورٹ کے مطابق شہباز شریف، حمزہ شہباز منی لانڈرنگ کیس کے پراسیکیوٹر کی عدالت میں حالت غیر ہو گئی

فاروق باجوہ ایف آئی اے بینکنگ کورٹ میں دوران سماعت بے ہوش ہوگئے ایف آئی اے پراسیکیوٹر کو فوری طور پر سروسز اسپتال منتقل کر دیا گیا ہے جہاں ان کا طبی معائنہ کیا جا رہا ہے، ڈاکٹرز کا کہنا ہے کہ فاروق باجوہ کا طبی معائنہ ،ٹیسٹ کروائے جائیں گے ،

واضح رہے کہ فاروق باجوہ شریف فیملی منی لانڈرنگ کیس میں عدالت میں پیش ہوتے ہیں،گزشتہ روز ایف آئی اے کے پراسیکیوٹر فاروق باجوہ نے مقصود چپڑاسی کی موت پر بیان میں کہا تھا کہکہ ملک مقصود کی وفات کا ابھی علم ہوا ہے، مقصود چپڑاسی کی وفات سے کیس پر کوئی اثر نہیں پڑے گا،ملک مقصود گواہ نہیں ملزم تھا، کیس پرکوئی اثر نہیں پڑے گا، ملزمان کیخلاف کیس ایف آئی اے عدالت میں چل رہا ہے

واضح رہے کہ شریف خاندان کے خلاف منی لانڈرنگ کیس ایف آئی اے سپیشل کورٹ میں زیر سماعت ہے، وزیراعظم شہباز شریف اور وزیراعلیٰ حمزہ شہباز خود عدالت میں پیش ہو چکے ہیں، یہ کیس سابق وزیراعظم کے سابق مشیر شہزاد اکبر کی جانب سے بنایا گیا ہے

نواز شریف کو سرنڈر کرنا ہو گا، اگر ایسا نہ کیا تو پھر…عدالت کے اہم ریمارکس

نواز شریف حاضر ہو، اسلام آباد ہائیکورٹ نے طلبی کی تاریخ دے دی

نواز شریف کو فرار کروانے والے پروفیسر محمود ایاز کے نئے کارنامے،سنئے مبشر لقمان کی زبانی

پر امید اور خوش رہ کر لمبی عمر پا سکتے ہیں ۔

باغی ٹی وی : ہارورڈ ٹی ایچ چین اسکول نے ایک تحقیق کی ہے ۔ایسی خواتین جن کا حوصلہ بلند ترین ہوتا ہے ۔ ایسی خواتین کی زندگی کو طویل کیا جا سکتا ہے ۔یہاں تک کے ہررنگ، نسل، اور علاقے کی خواتین کی زندگی کے دورانئے کو 90 سال تک بھی پہنچایا جاسکتا ہے۔

اس تحقیق کی سربراہ ہیامی کوگا ہیں ۔جن کا کہنا ہے کہ خواتین میں بہت زیادہ امید اور حوصلہ اعتماد ان کی زندگی کو غیرمعمولی طور پر بڑھا سکتا ہے۔

اس سے قبل نہ امیدی اور مایوسی پر تحقیق ہو چکی ہے تاہم اب اس تحقیق سے پتا چلا ہے کہ بلند حوصلہ اور امید اعتماد سے نہ صرف عمر دراز ہوتی ہے بلکے بزرگوں کی صحت پر بھی اچھے اثرات مرتب ہوتے ہیں ۔

مزید تفصیلات کے مطابق امریکی جیریارٹرکس سیوسائٹی کے جرنل میں 8 جون کو شائع تحقیق میں کہا گیا ہے کہ بالخصوص خواتین پرامید رہ کر 80 سے 90 برس تک بھی پہنچ سکتی ہیں۔تو اس تحقیق سے معلوم ہوا کہ ناامید رہنے والی خواتین کے مقابلے میں بہت پرامید رہنے والی 25 فیصد خواتین کی عمر میں 5.4 فیصد اضافہ دیکھا گیا ہے اور ان میں سے 10 فیصد کی عمر 90 برس تک بھی دیکھی جا چکی ہے ۔

تاہم اس سے اس بات کا اندازہ لگایا جا سکتا ہے کہ زندگی میں دکھ اور تکلیفیں آتی رہتی ہیں ۔لیکن امید کا دامن ہاتھ سے نہیں چھوڑنا چاہئے ۔اور ہر حال میں خوش رہنا چاہئے ۔

ایم ایل ون اپنے طور پر شروع کر رہے ہیں۔ پاکستان ریلوے کا اعلان
باغی ٹی وی کی رپورٹ کے مطابق اسلام آباد(محمداویس ) چیف ایگزیکٹو پاکستان ریلویز فرخ تیمور غلزئی نے کہاہے کہ ایم ایل ون منصوبہ شروع کرنے جا رہے ہیں۔ پہلے ایم ایل ون سی پیک کے ساتھ منسلک تھا، مگر اب ہم اپنے طور پر شروع کررہے ہیں جس کو مختلف مراحل میں مکمل کیا جائیگا۔ پہلے مرحلے میں کراچی سے حیدرآباد، دوسرے میں حیدرآباد سے ٹنڈو آدم اور ٹنڈو آدم سے روہڑی اور پھر تیسرے مرحلے میں روہڑی سے خانپور کے درمیان ٹریک کی مکمل طور پر اپ گریڈیشن کی جائیگی۔

جمعرات کوسی ای او پاکستان ریلویز کا دورہ کراچی، ڈی ایس آفس میں میٹنگ کی اور ساوتھ ایشیا پیسیفک ٹرمینل کا دورہ بھی کیا۔چیف ایگزیکٹو پاکستان ریلویز فرخ تیمور غلزئی جمعرات کی صبح 42 ڈاؤن قراقرم ایکسپریس سے دو دن کے سرکاری دورے پر کراچی پہنچے۔ کینٹ اسٹیشن پہنچنے پر ڈویژنل سپرنٹنڈنٹ کراچی کاشف رشید یوسفانی اور تمام ڈویژنل افسران نے اُن کا پرتپاک استقبال کیا۔سی ای او ریلویز نے ڈی ایس آفس کراچی میں میٹنگ کی صدارت کی جہاں ان کو کراچی ڈویژن میں رواں مالی سال کے دوران حاصل کیئے گئے اہداف پر بریفنگ دی گئی اور افسران نے ان کو مسائل سے بھی آگاہ کیا گیا۔ اس موقعے ڈویژنل آفیسرز سے مخاطب ہوتے ہوئے انہوں نے کہا اس وقت ہم ایم ایل ون منصوبہ شروع کرنے جا رہے ہیں۔ پہلے ایم ایل ون سی پیک کے ساتھ منسلک تھا، مگر اب ہم اپنے طور پر شروع کررہے ہیں جس کو مختلف مراحل میں مکمل کیا جائیگا۔ پہلے مرحلے میں کراچی سے حیدرآباد، دوسرے میں حیدرآباد سے ٹنڈو آدم اور ٹنڈو آدم سے روہڑی اور پھر تیسرے مرحلے میں روہڑی سے خانپور کے درمیان ٹریک کی مکمل طور پر اپ گریڈیشن کی جائیگی۔سی ای او ریلویز نے کہا کہ محکمہ ریلوے عوام کے مسائل سے بخوبی واقع ہے اور ان کے مسائل کو سامنے رکھتے ہوئے تیل کی قیمتیں بڑھنے کے باوجود محکمہ ریلوے نے کرایوں میں اضافہ نہ کرنے کا فیصلہ کیا ہے۔ انہوں نے افسران پر زور دیا کو وہ سچی لگن اور ایمانداری کے ساتھ کام کریں تاکہ محکمہ کی ساکھ اور عوامی خدمت میں مزید بہتری لائی جاسکے۔ڈویژنل افسران سے ملاقات کے بعد خطاب سی ای او ریلویز نے پی آر ایف ٹی سی کے چیف نثار احمد میمن سے ملاقات کی اور گڈز ٹرینز کے بارے مکمل تفصیل لیں جس کے بعد انہوں نے ساؤتھ ایشیا پاکستان ٹرمینل کا دورہ بھی کیا جہاں ہوچیسن کمپنی کے سی ای اؤ کیپٹن راشد جمیل نے اپنے ادارے کی مکمل بریفنگ دی۔ اس موقعے پر کیپٹن راشد جمیل صاحب نے چیف ایگزیکٹیو آفیسر فرخ تیمور غلزئی صاحب کو ادارے کی جانب سے شیلڈ کا تحفہ بھی پیش کیا ۔

ڈوپنگ سے متعلق آگاہی کیلئے دو روزہ سیمینار منعقد کرنے کا فیصلہ ،

باغی ٹی وی کی رپورٹ کے مطابق کامن ویلتھ گیمز، کھلاڑیوں، کوچز کو ڈوپنگ سے متعلق آگاہی کیلئے دو روزہ سیمینارمنعقد کررہے ہیں،ڈی جی سپورٹس پنجاب جاویدچوہان کا کہنا تھا ۔
سپورٹس بورڈ پنجاب پاکستان اولمپک ایسوسی ایشن کے تعاون سے ڈوپنگ سیمینار 11اور 12جون کو ای لائبریری میں منعقد ہوگا۔
مزید یہ کہ جس میں سینئر ڈاکٹرز اور ماہرین لیکچر ز دیں گے، زوم کے ذریعے سیمینار براہ راست نشر ہوگا، ملک بھر کے کھلاڑی سیمینار سے استفادہ کرسکتے ہیں
ڈوپنگ کے بارے میں کھلاڑیوں کو آگاہی بہت ضروری ہے،سپورٹس بورڈ پنجاب کے سالانہ سپورٹس کیلنڈر میں ڈوپنگ کو شامل کیا گیا ہے۔
ڈوپنگ بین الاقوامی ایشوہے، ڈوپنگ آگاہی سیمینار کے انعقاد پر ڈی جی سپورٹس پنجاب جاوید چوہان کا شکریہ ادا کرتے ہیں، سیکرٹری پاکستان اولمپک ایسوسی نے اس حوالے سے کہا ۔
ڈاکٹر اسد عباس، لبنی سبطین، ڈاکٹر وقار،اداجعفری اور دیگر ماہرین کھلاڑیوں کو آگاہی دینگے،ڈی جی سپورٹس پنجاب جاوید چوہان اور، خالد محمود کی پریس کانفرنس میں شامل ہوۓ۔

لاہور (پ ر)9جون2022ء۔ ڈائریکٹر جنرل سپورٹس پنجاب جاوید چوہان نے کہا ہے کہ کامن ویلتھ گیمز میں حصہ لینے والے کھلاڑیوں، کوچز اور مینجرز کو ڈوپنگ سے متعلق آگاہی دے رہے ہیں، اس حوالے سے سپورٹس بورڈ پنجاب اور پاکستان اولمپک ایسوسی ایشن مل کر دو روزہ ڈوپنگ سیمینار 11اور 12جون کو منعقد کررہے ہیں، سیکرٹری پاکستان اولمپک ایسوسی ایشن خالد محمود نے کہا ہے کہ کھلاڑی کو رول ماڈل ہونا چاہئے، کھلاڑیوں کے ڈوپنگ ٹیسٹ مثبت آنے سے مشکلات کا سامنا کرنا پڑتا ہے، ڈوپنگ سیمینار کے انعقاد پر ڈائریکٹر جنرل سپورٹس پنجاب جاوید چوہان کا شکریہ ادا کرتے ہیں، ان خیالات کا اظہار انہوں نے جمعرات کے روز نیشنل ہاکی سٹیڈیم میں پریس کانفرنس کرتے ہوئے کیا، ڈائریکٹر جنرل سپورٹس پنجاب جاوید چوہان نے مزید کہا ہے کہ کامن ویلتھ گیمز میں حصہ لینے والے کھلاڑیوں، کوچز اور مینجرز کو ڈوپنگ سے متعلق آگاہی کیلئے دوروزہ سیمینار ای لائبریری میں ہوگا جس میں سینئر ڈاکٹرز اور ماہرین لیکچرز دیں گے، زوم کے ذریعے سیمینار براہ راست نشر ہوگا ملک بھر کے کھلاڑی سیمینار سے استفادہ کرسکتے ہیں،ان کا کہنا تھا کہ ڈوپنگ کے بارے میں کھلاڑیوں کو آگاہی بہت ضروری ہے، سپورٹس بورڈ پنجاب کے سالانہ سپورٹس کیلنڈر میں ڈوپنگ کو شامل کیا گیا ہے۔ ڈوپنگ سے آگاہی سے کھلاڑی بہتر کارکردگی کا مظاہرہ کریں گے۔
سیکرٹری پاکستان اولمپک ایسوسی ایشن خالد محمود نے کہا ہے کہ ڈوپنگ اب بین الاقوامی ایشو بن چکا ہے، ڈوپ ٹیسٹ مثبت آنے سے ہمیں مشکلات کا سامنا ہے، ڈائریکٹر جنرل سپورٹس پنجاب جاوید چوہان کا شکریہ ادا کرتا ہوں جنہوں نے ڈوپنگ جیسے معاملے پر سیمینار کا انعقاد کیا ہے جو خوش آئند ہے، ڈاکٹر اسد عباس، لبنی سبطین، ڈاکٹر وقار اور دیگر ماہرین سیمینار میں کامن ویلتھ گیمز میں حصہ لینے والے کوچز، مینجرز اور کھلاڑیوں کو ڈوپنگ کے بارے میں آگاہی دیں گے، ان کا کہنا تھا کہ کھلاڑی کو رول ماڈل ہونا چاہیے، سپورٹس کے علاوہ کھلاڑی کو ہر معاملے میں صاف ہونا چاہئے، اس وقت دنیا کلین سپورٹس (clean sports)پر فوکس کررہی ہے جس کے لئے سپورٹس بورڈ پنجاب اور پاکستان اولمپک ایسوسی ایشن مل کر کام کررہے ہیں۔ اس موقع پر چیف سپورٹس کنسلٹنٹ سپورٹس بورڈ پنجاب محمد حفیظ بھٹی، ڈائریکٹر یوتھ افیئرز سید عمیر حسن ودیگر افسران بھی موجود تھے۔

شہری کی لاٹری اس کی سوچ سے بھی زیادہ نکل گئی ۔
باغی ٹی وی : امریکا کے شہر واشنگٹن میں ایک آدمی پر قسمت بہت مہربان ہوئی ۔کیونکہ اس کی لاٹری میں سے 11 کروڑ کے قریب پاکستانی روپے نکل آئے ۔

میڈیا رپورٹ کے مطابق ریاست نارتھ کیرولائنا سے تعلق رکھنے والے شہری جن کا نام جوشوا ہے ۔انہوں نے پہلے لاٹری خریدی لاٹری ہیڈ کوارٹر سے جس میں ان کا نام نکل آیا ۔ جب اس کا نام نکل آیا تو اس کے خیال میں صرف 600 ڈالر کا ہی انعام نکلا ۔
مزید تفصیلات کے مطابق جب یہ جوشوا اپنا انعامی رقم لینے ہیڈ کوارٹر گیا تو اس کو یہ جان کر بہت حیرانگی ہوئی اس کی لاٹری میں سے 5 لاکھ 85 ہزار 949 ڈالر تقریباً 11 کروڑ 74 لاکھ پاکستانی روپے نکلے ہیں۔ کیونکہ اس کے خیال میں صرف اس کا انعام 600 ڈالر کا نکلا تھا۔
جب جوشوا نے اتنا بڑا انعام حاصل کر لیا تو اس نے کہا کہ مجھے یقین نہیں آ رہا کے میرا انعام اتنا بڑا نکل آیا ہے ۔
پھر جب جوشوا سے پوچھا گیا کہ آپ اس رقم کا کیا کریں گے تو ان کا کہنا تھا کہ میں اس سے نیا گھر خریدوں گا اور ساتھ میں گاڑی بھی خریدوں گا ۔

باغی ٹی وی کی رپورٹ کے مطابق ملکی موجودہ ابتر معاشی صورتحال تباہ کن مغربی سودی نظام ہے،علامہ زاہدالراشدی کا کہنا تھا ۔متحدہ علماء محاذ کے بانی مولانا محمد امین انصاری،سرپرست مولاناجعفرالحسن تھانوی پر مشتمل وفد سے گفتگو ہوئی ۔
متحدہ علماء محاذ کا تحریک انسداد سود کی کامیابی کیلئے سیمینار کے انعقاد کا اعلان کیا گیا ۔
اور سودی نظام کے خاتمے کیلئے وفاقی شرعی عدالت کا تاریخی فیصلہ مقاصد پاکستان کی اساس اور قومی امنگوں کا آئینہ دار ہے۔
وفد نے علامہ زاہدالراشدی کو سودی نظام کے خاتمے کیلئے جاری تحریک کی کامیابی کیلئے اپنے ہر ممکن تعاون کا یقین بھی دلایا تھا ۔

کراچی پاکستان شریعت کونسل کے مرکزی سیکریٹر جنرل اور تحریک انسداد سود کے کنوینر شیخ الحدیث مولانا زاہد الراشدی نے جامعہ انوارالقرآن نارتھ میں متحدہ علماء محاذ پاکستان کے وفد سے گفتگو کرتے ہوئے کہاہے کہ سودی نظام کے خاتمے کیلئے تمام مکاتب فکر موثر کردار اداکریں۔ سودی نظام کے خاتمے کیلئے وفاقی شرعی عدالت کا تاریخی جرأت مندانہ فیصلہ مقاصد پاکستان کی اساس اور قومی امنگوں کا آئینہ دار ہے۔ ملک کی موجودہ ابتر معاشی صورتحال غیر اسلامی تباہ کن مغربی سودی نظام ہے۔وفد میں متحدہ علماء محاذ پاکستان کے بانی سیکریٹری جنرل مولانا محمد امین انصاری،سرپرست مولاناجعفرالحسن تھانوی، مفتی وجاہت الحسن تھانوی، حافظ اضفرتھانوی،میڈیا کوآرڈینیٹر فاروق احمد ریحان شامل تھے۔عالمی شہرت یافتہ بین المسالک و بین المذاہب ہم آہنگی کے عظیم داعی علامہ زاہد الراشدی نے شدید مذمت کرتے ہوئے کہا کہ بعض ناعاقبت اندیش امریکی غلامی کے اسیر مغرب کے پروردہ مالیاتی ادارے وفاقی شرعی عدالت کے فیصلے کے خلاف دوبارہ اپیل دائر کرنے کی منصوبہ بندی کررہے ہیں جبکہ گذشتہ 30سال پہلے ہی اپیلوں میں ضائع کئے جاچکے ہیں انہوں نے دو ٹوک انداز میں واضح کیا کہ ملک بھر کے تمام مکاتب فکر کے علماء مشائخ متفق ہیں کہ وفاقی شرعی عدالت کے فیصلے پر مقررہ وقت کے اندر مکمل عمل درآمد کیلئے عوامی جدوجہد جاری رکھی جائے گی۔ متحدہ علماء محاذ کے وفد نے تحریک انسداد سود کے مرکزی کنوینر علامہ زاہدالراشدی کو سودی نظام کے خاتمے کیلئے جاری تحریک کی کامیابی کیلئے اپنے ہر ممکن تعاون کا یقین دلایا۔ اس موقع پر محاذ کے بانی مولانا محمد امین انصاری نے اعلان کیا کہ 12جون بروز اتوار کو مرکزی سیکریٹریٹ گلشن اقبال میں ”انسداد سود سیمینار“ کا انعقاد کیاجائے گاجس میں مختلف مکاتب فکر کے جید علماء مشائخ سیاسی جماعتوں کے زعماء سمیت دانشور، وکلاء، صحافی، تاجر اور ممتاز شخصیات شرکت و خطاب کریں گے اور مشترکہ طور پر وفاقی شرعی عدالت کے فیصلے کے خلاف اپیل کرنے والوں کے خلاف لائحہ عمل کا اعلان کریں گے۔

سپیکر پنجاب اسمبلی چودھری پرویزالٰہی سے جھنگ سے سابق وفاقی وزیر صاحبزادہ محبوب سلطان اور ایم پی اے رانا شہباز نے یہاں ان کے چیمبر میں ملاقات کی۔ ارکان پنجاب اسمبلی فاروق امان اللہ دریشک اور حنیف پتافی بھی ملاقات میں شریک تھے۔ ملاقات میں موجودہ ملکی سیاسی صورتحال اور ضمنی انتخابات پر تفصیلی تبادلہ خیال کیا گیا۔ صاحبزادہ محبوب سلطان اور رانا شہباز نے چودھری پرویزالٰہی کو ضمنی انتخاب میں حکومت پنجاب کے دھاندلی پر مبنی اقدامات سے آگاہ کیا۔

سپیکر پنجاب اسمبلی چودھری پرویزالٰہی نے کہا کہ پنجاب میں دھاندلی کی انتہا شروع ہو چکی ہے، جعلی حکومت کو اپنی شکست نظر آ رہی ہے اس لئے ان کا دھاندلی کا پلان ہے جس پر انہیں عوام کی جانب سے سخت مزاحمت کا سامنا کرنا پڑے گا۔ انہوں نے کہا کہ اس جعلی امپورٹڈ حکومت نے عوام کیلئے آج تک کیا کیا ہے جو انہیں ووٹ ملیں، بجلی گیس پٹرول مہنگا کرنے کے علاوہ اس حکومت کا کیا کارنامہ ہے، انشاء اللہ عوام لوٹوں کو عبرتناک شکست سے دوچار کریں گے۔

چودھری پرویزالٰہی نے مزید کہا کہ بھارتی حکمران جماعت کی جانب سے توہین رسالت کے معاملے پر بھی امپورٹڈ حکومت نے کوئی سخت ردعمل نہیں دیا، عالمی سطح پر اس معاملے پر بھارت کے خلاف آواز بلند کرنے کے ساتھ ساتھ بھارت کی مصنوعات کا بائیکاٹ بھی کیا جائے۔

صاحبزادہ محبوب سلطان نے کہا کہ پنجاب حکومت نے لوٹے امیدواروں کیلئے من پسند پولیس آفیسرز کو تعینات کر دیا ہے، پی ٹی آئی ارکان اسمبلی کے فنڈز بھی ضمنی انتخاب کے حلقوں میں ٹرانسفر کر دیئے گئے ہیں۔ رانا شہباز نے کہا کہ حکومت پنجاب کے دھاندلی پر مبنی اقدامات کے خلاف الیکشن کمیشن کو درخواست دے دی ہے.

انہوں نے کہا کہ لوٹے امیدواروں کے ساتھ پولیس کے چار چار اہلکار بھی تعینات کر دیئے گئے ہیں جو عوام کو ہراساں کر رہے ہیں، ضمنی حلقوں میں دھاندلی کا ہر حربہ استعمال کیا جا رہا ہے جہاں جہاں ضمنی الیکشن ہو رہا ہے وہاں پر جعلی پنجاب حکومت اور متعلقہ ڈپٹی کمشنر نے گلی، محلے، موضع کی سطح پر اداروں کو ترقیاتی کام کروانے کیلئے ٹاسک سونپ دئیے ہیں، الیکشن کمیشن ایکشن لے