Category: لاہور

عامر لیاقت نے دانیہ سے صلح کیلئے پیغام بھجوایا تھا۔جنازے میں شرکت کریں گے۔ ساس

عامر لیاقت کے انتقال کی خبر کے حوالے سے جب ان کی ساس جن کا نام سلمیٰ بیگم ہے ان سے پوچھا گیا تو انہوں نے انتہائی افسوس اور غم کا اظہار کیا ۔
مزید تفصیلات کے مطابق ان کا کہنا تھا کہ میں نے ان کو اپنا سردار بیٹا بنایا ہوا تھا ۔وه بلکل میرے لیے میرے بیٹوں جیسا تھا ۔ میں ان کو اپنا بیٹا سمجھ کر بہت پیار کرتی تھی ۔ان کا کہنا تھا کہ حالات اور تقدیر کچھ یوں بدلی کہ کچھ سمجھ میں نہیں آیا ۔

انہوں نے مزید کہا اب ہم کراچی جانے کے لیے روانہ ہو رہے ہیں ۔اور ہمیں کراچی جانے کے لیے سیکورٹی کی بھی ضرروت درپیش ہے ۔کراچی ہمیں جلد سے جلد پہنچنا چاہیے ۔

انہوں نے ایک انکشاف بھی کیا کہ اس سب لڑائی کے بعد کچھ دن قبل سے وه صلح کے لیے فون کر رہے تھے ۔کہ مجھے میری بیوی واپس دیں دے میں صلح کرتا ہوں ۔اس حوالے سے ہم بھی کوشش میں تھے ۔لیکن ایسے اچانک ان کا انتقال ہو جاۓ گا معلوم نہیں تھا ۔ان کی پوری کوشیش تھی کے وه اپنی بیوی کے ساتھ صلح کر لیں۔

عامر لیاقت کی موت کا افسوس ہوا۔صلح کرنا چاہتے تھے ہم بھی سوچ رہے تھے ۔ساس سلمی بیگم #baaghitv #Pakistan #amirliaquat #Amirliaqathussain pic.twitter.com/vv9qzsWlmI

— Baaghi TV باغی ٹی وی (@BaaghiTV) June 9, 2022

سلمیٰ بیگم نے کہا کہ مجھے ان کے انتقال کا افسوس ہے اور انہوں نے ان کے لیے مغفرت کی دعا بھی کی ۔
انہوں نے دعا کی کہ اللّه پاک عامر لیاقت کو جنت میں اعلی مقام عطاء کریں ۔

عامر لیاقت کے انتقال کی خبر سن کر مولانا طارق جمیل کا اظہار افسوس ۔

باغی ٹی وی کی رپورٹ کے مطابق معروف عالم دین مولانا طارق جمیل نے عامر لیاقت جو کہ رکن قومی اسمبلی اور ٹی وی میزبان تھے ۔جن کی شخصیت کسی تعارف کی متحاج نہیں ہے ۔ان کے انتقال پر افسوس کا اظہار کیا ۔

مولانا طارق جمیل نے عامر لیاقت کے لیے مغفرت کی دعا کی ۔اور مزید یہ کہ یہ بھی دعا کی کہ اللّه پاک انھیں جنت میں اعلی مقام عطاء کریں ۔اور ان کے گھر والوں کو بھی صبر دیں۔

سماجی رابطے کی ویب سائٹ ٹویٹر پر مولانا طارق جمیل نے افسوس کا اظہار کرتے ہوئے چند الفاظ لکھے۔

عامر لیاقت کا تعلق کراچی سے تھا اور انہوں نے وہاں پر موجود اپنے گھر میں ہی وفات پائی ۔ عامر لیاقت رمضان ٹرانسمیشن بھی کرتے تھے ۔اس ٹرانسمیشن کو عوام بہت شوق سے دیکھتی تھی ۔

دبئی جانے والوں سیاحوں کی تعداد میں اضافہ ۔

باغی ٹی وی : دبئی محکمہ معیشت و سیاحت کا کہنا ہے کہ کہ مجودہ سال کے شروع کے مہینوں میں دبئی آنے والوں میں سعودی سیاحوں کی تعداد پہلے کی نسبت کم ہے ۔لیکن اس سال سب سے زیادہ سیاح سلطنت عمان سے پہنچے_

مزید تفصیلات سے اگاہ کیا جاتا ہے کہ دبئی آنے والے سعودی سیاحوں 4 نمبر پر ہیں جبکہ پاکستانی 9 نمبر پر آتے ہیں ۔ان کی تعداد تقریباً ایک لاکھ 32 ہزار ہے۔

محکمہ سیاحت نے اس حوالے سے یہ بھی بتایا کہ مجودہ سال کے شروع سے اپریل تک دبئی کے ہوٹلوں میں سیاحوں نے 12.65 ملین راتیں گزاریں ہیں ۔ جس کا تناسب 4.4 رات کا بنتا ہے۔ اعدادوشمار کے مطابق 2022 کے ماہ اپریل کے آخر تک ہوٹل کے کمرے کا اوسط کرایہ 59.6 فیصد بڑھا ہے۔اور یہ کہ ہوٹل کا کرایہ 640 درہم تک پہنچ گیا۔ اس کی وجہ سے فی کمرہ آمدنی میں اوسط اضافہ 93.6 فیصد ہوا ہے۔ 252 درہم سے بڑھ کر 488 درہم تک کرایہ بڑھایا گیا ہے۔

دبئی میں بہت سے ہوٹل ہیں جن کی تعداد 769 معلوم ہوتی ہے ۔اور اس کے علاوہ بہت سے ہوٹل اپارٹمنٹس بھی موجود ہیں ۔

مجودہ سال میں سب سے زیادہ دبئی آنے والوں سیاحوں کی تعداد سلطنت عمان سے آئے۔ جن کی تعداد 5 لاکھ 90 ہزار ہے ۔ اس کے بعد انڈیا سے سیاحوں نے بڑی تعداد سے دبئی پہنچے۔ جو کہ دوسرے نمبر پر آتےہیں ۔ جن کی تعداد 5 لاکھ 50 ہزار معلوم ہوتی ہے ۔پھر انگلینڈ تیسرے نمبر پر آتا ہے جس کے سیاحوں کی تعداد 3 لاکھ 67 ہزار پر آتی ہے ۔اس کے بعد سعودی عرب 4 نمبر پر آتا ہے جسکے سیاحوں کی کل تعداد 3 لاکھ 52 ہزار ہے ۔

اس کے بعد نمبر 5 پر روس جس کے سیاحوں کی تعداد 2 لاکھ35 ہزار ہے۔ اس کے بعد 6 نمبر فرانس کا ہے جو کہ ایک لاکھ 74 ہزار پر مشتمل ہے ۔اور اس کے بعد 7 نمبر پر امریکہ ایک لاکھ 74 ہزار جس کے سیاحوں کی تعداد ہے ۔اس کے بعد8 نمبر پر جرمنی جس کے سیاحوں کی تعداد ایک لاکھ 71 ہزار ہے اوراس کے ساتھ ساتھ پاکستان تعداد کے لحاظ سے 9 نمبر پر آتا ہے جس کےسیاحوں کی تعداد ایک لاکھ 32 ہزار ہے ۔اور ایران 10 نمبر پر آتا ہے ۔جو دبئی جانے والوں میں تعداد کے لحاظ سے ایک لاکھ 20 ہزار سے 10 نمبر پر آتا ہے ۔

اناللہ واناالیہ راجعون، ڈاکٹر عامر لیاقت انتقال کر گئے ،آخر وجہ کیا بنی ؟
باغی ٹی وی کی رپورٹ کے مطابق سینئر صحافی و اینکر پرسن مبشر لقمان نے کہا ہے کہ تکلیف دہ بات ہے،ڈاکٹر عامر لیاقت کی موت ہو گئی ہے، انا للہ و انا الیہ راجعون،

مبشر لقمان کا کہنا تھا کہ ڈاکٹر عامر لیاقت کسی تعارف کے محتاج نہیں، جس طرح ان کی طبیعت تھی جو انکے چاہنے والے ہیں یا ناقدین وہ بھی ان کی طرح کے ہی تھے، جب انکی موت کی خبرملی تو یقین نہیں آ رہا تھا، جب تفصیلات ملیں تو پتہ چلا کہ لوڈ شیڈنگ کی وجہ سے کمرے میں جنریٹر چل رہا تھا، جنریٹر کی آواز بھی ہوتی ہے پھر بھی وہ سو گئے صبح جب انکے ملازم کمرے میں گئے تو دھواں ہی دھواں تھا اور نیم مردہ حالت میں ڈاکٹر عامر لیاقت ملے، انکو ہسپتال منتقل کیا گیا ،

مبشر لقمان کا مزید کہنا تھا کہ عامر لیاقت مختلف قسم کے انسان تھے، کبھی ہماری لڑائی ہو جاتی، کبھی دوستی، پہلی بار پروگرام کیا تو انکی ڈگری کو چیلنج کیا، ہماری لڑائی رہی، پھر بول ٹی وی جوائن کیا تو پھر ایک ساتھ تھے،جب عالم آن لائن ڈاکٹر عامر لیاقت نے شروع کیا تھا تو میرا نہین خیال تھا کہ پاکستان میں اتنا اچھا بولنے والا کوئی اور ہو جس طرح وہ پروگرام کر رہے تھے، جب انکی بات سن رہے ہوتے ہیں تو ایک سے دوسری بات نکل رہی ہوتی اور یہی بولنے کا فن تھا عامر لیاقت کا

مبشر لقمان کا مزید کہنا تھا کہ بہت سی تھیوریز آ رہی ہے کوئی کچھ کہہ رہا ہے، میڈیکل رپورٹ آنی ہے، میڈیکل رپورٹ کا انتظار کیا جائے، عامر لیاقت نے ہر چیز اچیو کی، انکی شہرت بھی تھی،پیسہ بھی تھا، پارلیمنٹ کے رکن بھی بنے، فیم بھی ملی، انکے بہت لوگ چاہنے والے تھے، مبشر لقمان کا مزید کہنا تھا کہ بدترین دشمن بھی آج انکی مغفرت کی دعا کر رہے ہیں ،آزمائش سب پر آتی ہے، جو عامر لیاقت کو ملا ہے یا جانتا ہے وہ انکو بھول نہیں سکتا، خواہ وہ عامر لیاقت کو پسند کرتا تھا یا نا پسند نہیں بھول سکتا،

تحریک انصاف کے رکن قومی اسمبلی ڈاکٹر عامر لیاقت انتقال کر گئے ہیں

عامر لیاقت رات رو رہے تھے، کہہ رہے تھے میں مر جاؤں گا، ملازم

دنیا میں ایسے درخت بھی ہیں جن کی لکڑی کو کاٹنے سے خون نکلتا ہے ۔

باغی ٹی وی: یہ خبر پڑھنے والوں کو بہت حیرت ہو گی یہ جان کر کہ دنیا میں خوبصورت درختوں کے علاوہ اس طرح کے درخت بھی پاۓ جاتے ہیں ۔جن کا خیال انسانوں کو پہلے کبھی بھی نہیں آیا ہو گا ۔ان درختوں میں سے ڈریگن بلڈ ٹری ایک ہے۔

مزید یہ کہ اس ڈریگن بلڈ ٹری میں ایک بات خاص بھی ہے ۔کہ جب ان درختوں کو باقی درختوں کی طرح کاٹا جاتا ہے تو اس کی لکڑی ایک گاڑھے قسم کا خون چھوڑنا شروع کر دیتی ہے۔اس کو ڈریگن کا خون کہا جاتا ہے ۔
مزید تفصیلات کے مطابق ان درختوں کو سائنسی زبان میں ڈریسینا سینا باری کے نام سے پکارا جاتا ہے ۔
یہ ڈریگن بلڈ درخت بحیرہ عرب میں یمن کے ساحل سے دور ایک جزیرے پر پاۓ جاتے ہیں ۔

اس درخت کی زندگی کی ایک خاص مدت ہوتی ہے ۔جو کہ 650 سال پر محیط ہوتی ہے۔

مزید یہ کہ اس ڈریگن بلڈ درخت کی شاخیں باہر کی طرف کانٹے دار انداز میں نکلتی ہیں ۔جو کہ دیکھنے میں دیو ہیکل مشروم یا کسی چھتری کی طرح معلوم ہوتی ہیں ۔

صوبائی وزیر خواجہ سلمان رفیق طبی سہولیات کاجائزہ لینے اچانک ڈسٹرکٹ ہیڈ کوارٹرز ہسپتال قصورپہنچ گئے۔ صوبائی وزیر نے ڈی ایچ کیوہسپتال قصورمیں ایمرجنسی اور آپریشن تھیٹرزسمیت دیگرشعبہ جات کا دورہ کرکے مریضوں کی عیادت کی۔ خواجہ سلمان رفیق نے صفائی ستھرائی سمیت ادویات کی فراہمی کا جائزہ لیا۔

ایم ایس ڈی ایچ کیوہسپتال قصور ڈاکٹرنیازاحمدنے صوبائی وزیر خواجہ سلمان رفیق کو مریضوں کو دی جانے والی طبی سہولیات کی تفصیلات سے آگاہ کیا۔ صوبائی وزیر ڈاکٹرزکی غیرحاضری پر برہم ہوگئے۔ خواجہ سلمان رفیق نے ڈاکٹرزکی حاضری سمیت دیگرمسائل حل کرنے کیلئے وارننگ دے دی۔ خواجہ سلمان رفیق نے ڈی ایچ کیوہسپتال قصور میں بجلی کی فراہمی کو یقینی بنانے اور منصوبوں کی تکمیل کیلئے لیسکواور سی اینڈڈبلیوکے افسران کو ہدایات بھی جاری کیں۔

صوبائی وزیر خواجہ سلمان رفیق کا کہنا تھا کہ ڈی ایچ کیوہسپتال قصور میں کسی مریض کو پریشانی نہیں ہونی چاہئے۔ پنجاب کے سرکاری ہسپتالوں میں صفائی ستھرائی کے انتظامات میں کسی قسم کی کوتاہی برداشت نہیں ہوگی۔ پنجاب کے سرکاری ہسپتالوں کے ایم ایس حضرات مریضوں کے بہترعلاج معالجہ کو یقینی بنائیں۔ وزیراعلی پنجاب حمزہ شہباز کی ہدایت پر صوبہ کے سرکاری ہسپتالوں میں مریضوں کو صحت کی بہترسہولیات فراہم کریں گے۔

خوا جہ سلمان رفیق نے کہا کہ پنجاب کے سرکاری ہسپتالوں میں آنے والے مریضوں کیلئے آسانیاں پیداکی جائیں۔ پنجاب کے مختلف سرکاری ہسپتالوں کے سرپرائز دورے جاری رہیں گے۔

قبل ازیں صوبائی وزیر خواجہ سلمان رفیق نے کنگ ایڈورڈمیڈیکل یونیورسٹی میں ”نرسزڈے“سیمینارمیں بطورمہمان خصوصی شرکت کی۔وائس چانسلر کنگ ایڈورڈمیڈیکل یونیورسٹی پروفیسرڈاکٹرخالدمسعود گوندل اور فیکلٹی ممبران نے صوبائی وزیر کا پھولوں کے گلدستے پیش کرکے خوش آمدید کہا۔

صوبائی وزیر خواجہ سلمان رفیق نے کنگ ایڈورڈمیڈیکل یونیورسٹی میں خواتین کیلئے خصوصی طورپربنائی گئی مسجد کادورہ بھی کیا۔اس موقع پر پرووائس چانسلر پروفیسرڈاکٹر اعجازحسین،ڈی جی نرسنگ،ایڈیشنل سیکرٹری نرسنگ ڈاکٹرقرۃ العین،رجسٹرار ڈاکٹرریاست علی،پروفیسربلقیس شبیر،پروفیسرسائرہ افضل،پروفیسرثاقب سعید،ایم ایس مئیوہسپتال ڈاکٹرمنیراحمد ملک، پروفیسرابراراشرف ودیگرتمام فیکلٹی ممبران نے بھی شرکت کی۔

صوبائی وزیر خواجہ سلمان رفیق نے کہاکہ وزیراعظم شہبازشریف اور وزیراعلی پنجاب حمزہ شہباز دن رات ملک و قوم کی خدمت کررہے ہیں۔ مثبت پالیسیوں کے تسلسل کے ثمرات عوام تک ضرورپہنچتے ہیں۔ مہذب معاشرے نفرت نہیں بلکہ یگانگت کی بنیاد پرچلتے ہیں۔ کنگ ایڈورڈ میڈیکل یونیورسٹی میں ٹیلی میڈیسن کا شعبہ بہترین خدمت کررہاہے۔

خواجہ سلمان رفیق نے کہاکہ پنجاب کے سرکاری ہسپتالوں کادورہ کرکے مریضوں کیلئے صحت کی بہتر سہولیات کو یقینی بنایاجارہاہے۔ صوبہ کے تمام نرسنگ کالجزکے معیارکو مزید بہتربنایاجائے گا۔ پنجاب کے نرسنگ کالجزمیں جدیدطرزکے آڈیٹوریم اور تھیٹرزبنائے جائیں گے۔ نرسوں کی محکمانہ تربیت کیلئے آغاخان یونیورسٹی کے ماسٹرٹرینرزسے بات ہوئی ہے۔ صوبائی وزیر خواجہ سلمان رفیق ہمیں ہسپتالوں میں مریضوں کی دن رات خدمت کرنے والی نرسوں کی عزت کرنی چاہئے۔

وزیراعلی پنجاب حمزہ شہباز صحت کے شعبہ میں بہتری لانے کیلئے تعمیری اقدامات اٹھارہے ہیں۔ صوبائی وزیر نے کہاکہ حکومت پنجاب عوام دوست بجٹ پیش کرے گی۔ ہمیں خط غربت سے نیچے زندگی بسرکرنے والے طبقے کو سہولت دینی ہے۔ محکمہ صحت نرسوں کی بہتری کیلئے دن رات محنت کررہاہے۔ خواجہ سلمان رفیق نے کہاکہ کوروناکے دوران اپنی جانوں کو نذرانہ پیش کرنے والے ڈاکٹرز،رسزاور پیرامیڈیکل سٹاف نے سنہری تاریخ رقم کی ہے۔

صوبائی وزیر نے کورونا کے دوران اپنی جان کا نذرانہ پیش کرنے والے ڈاکٹرز،نرسزاور پیرامیڈیکل سٹاف کو خراج تحسین پیش کیا۔انہوں نے کہاکہ سابق وائس چانسلر نشترمیڈیکل یونیورسٹی مرحوم پروفیسرڈاکٹرمصطفی کمال نے فرائض منصبی انجام دیتے ہوئے اپنی جان کا نذرانہ پیش کیا۔ صوبائی وزیرخواجہ سلمان رفیق نے کنگ ایڈورڈمیڈیکل یونیورسٹی کالوہا عالمی سطح پر منوانے پر وائس چانسلر پروفیسر ڈاکٹر خالد مسعود گوندل اورنرسوں کی بہتری کا سوچنے پر سابق وزیر صحت ڈاکٹریاسمین راشد کو خراج تحسین پیش کیا۔

صوبائی وزیر خواجہ سلمان رفیق نے نمایاں کارکردگی کی حامل نرسوں کواعزازی شیلڈزبھی تقسیم کیں۔وائس چانسلر کنگ ایڈورڈمیڈیکل یونیورسٹی پروفیسرڈاکٹر خالدمسعودگوندل نے کہاکہ کنگ ایڈورڈ میڈیکل یونیورسٹی سے ملحقہ سرکاری ہسپتالوں کی کارکردگی انتہائی عمدہ ہے۔ کورونا کے دوران نرسوں نے مثالی کرداراداکیا۔

پروفیسرڈاکٹرخالدمسعودگوندل نے کہاکہ کنگ ایڈیورڈمیڈیکل یونیورسٹی میں پی ایچ ڈی نرسنگ کا آغازکیاجارہاہے۔مستقبل قریب میں کنگ ایڈورڈمیڈیکل یونیورسٹی کے کیمپس میں پوسٹ گریجوایٹ نرسنگ کالج کا قیام عمل میں لایاجائے گا۔ ایڈیشنل سیکرٹری نرسنگ ڈاکٹر قرۃ العین نے کہاکہ محکمہ نرسنگ شعبہ کی بہتری کیلئے مثبت پالیسیاں لارہاہے۔ آئندہ بجٹ میں نرسنگ شعبہ کی بہتری کیلئے فنڈز میں اضافہ کی استدعاکی گئی ہے۔ ڈی جی نرسنگ نے کہاکہ محکمہ نے نرسنگ شعبہ کے مسائل ترجیحی بنیادوں پر حل کئے ہیں۔

مسلم لیگ ق میں تقسیم کھل کر سامنے آگئی . مدتوں اکٹھے رہنے والے چوہدری برادران میں اضتلافات بڑھنے لگے.چوہدری شجاعت حسین کھل کر موجودہ حکومت اور شہباز شریف کی حمایت کر رہے ہیں جبکہ سپیکرپنجاب اسمبلی چوہدری پرویز الٰہی حکومت کے برعکس اپوزیشن (تحریک انصاف ) کے اتحادی ہیں اور حکومت کی کھل کر مخالفت کر رہے ہیں.

باغی ٹی وی کی رپورٹ کے مطابق مسلم لیگ ق کی تقسیم کے ساتھ ساتھ چوہدری شجاعت حسین، پرویزالہی اور وجاہت حسین کی اولادیں بھی سیاسی طور پر آمنے سامنے آگئی ییں.زرائع کے مطابق مسلم لیگ ق اور خاندان میں سیاسی اختلافات کے معاملے پر چوہدری شجاعت حسین، چوہدری پرویز الٰہی اور چوہدری وجاہت حسین جلد فیصلہ کن ملاقات کریں گے۔

ذرائع کے مطابق خاندان کے تینوں بڑے مستقبل سے متعلق فیصلہ کرنے کیلئے جلد ملاقات کریں گے ، مسلم لیگ ق کے ارکان اسمبلی اور پارٹی تنظیم کا اجلاس بھی جلد بلانے کا فیصلہ کیا گیا ہے۔

یاد رہے کہ گزشتہ روز چوہدری وجاہت حسین کے بیٹے چوہدری حسین الٰہی نے بھی مسلم لیگ ق سے اپنی راہیں جدا کرنے کا اعلان کرتے ہوئے کہا تھا کہ سیاسی مستقبل کا فیصلہ مونس الٰہی کے ساتھ مل کر کروں گا۔ چوہدری شجاعت حسین اور چوہدری پرویز الٰہی کے اختلافات کی وجہ سے مسلم لیگ ق ایوانوں میں بھی تقسیم ہو چکی ہے.

قومی اسمبلی میں مسلم لیگ ق کے بیشتر ارکان کی حمایت چوہدری شجاعت حسین کو حاصل ہے جبکہ پنجاب اسمبلی ارکان چوہدری پرویز الٰہی کے ساتھ ہیں چوہدری وجاہت حسین کے بیٹے حسین الٰہی نے بھی خاندانی پارٹی کو خیر باد کہہ دیا ہے اور واضع طور پر چوہدری پرویز الہی کے ساتھ کھڑے ہونے کا عندیا دیا ہے.

قومی اسمبلی میں مسلم لیگ ق کے پانچ اراکین اسمبلی موجود ہیں ان میں چوہدری سالک، طارق بشیر چیمہ اور بیگم فرخ خان چوہدری شجاعت حسین جبکہ چوہدری مونس اور چوہدری حسین الٰہی، چوہدری پرویز الٰہی کے ساتھ ہیں۔

یہ تقسیم صوبائی اسمبلی پنجاب میں بھی ہے مگر یہاں چوہدری پرویز الٰہی کا پلڑا بھاری ہے کیونکہ انہیں باؤ رضوان، عبداللہ وڑائچ، سعادت نواز، ساجد بھٹی اور خدیجہ عمر فاروقی کی حمایت حاصل ہے۔ طارق بشیر چیمہ گروپ کے ڈاکٹر افضل چوہدری شجاعت حسین کی حمایت کر رہے ہیں۔

یاد رہے کہ عمران خان حکومت کے خلاف تحریک عدم اعتماد کے معاملے پر چوہدری خاندان میں اختلافات پیدا ہوئے تھے۔ تاہم ذرائع کے مطابق اگر چوہدری خاندان کے درمیان مصالحت نہ ہوئی تو ایک دوسرے کو پارٹی سے نکالنے کی نوبت آسکتی ہے۔ اس کے لیے الگ الگ اجلاس بلائے جا سکتے ہیں۔

گجرات کے بڑے سیاسی خاندان میں دوریاں ختم کرانے کے لیے چوہدری خاندان کے پرانے رفقاء نے ایک بار پھر کوششیں تیز کر دی ہیں۔

وزیراعلی پنجاب حمزہ شہباز کا کہنا ہے کہ مہنگائی کے باعث پریشان عوام کو ریلیف دینے کیلئے پوری انتظامی اور سیاسی مشینری کو متحرک کر دیا ہے،اللہ تعالٰی کی مخلوق کی مشکلات کم کرنے کیلئے صوبائی وزراء، منتخب نمائندے اور پولیٹیکل اسسٹنٹس کو ٹاسک سونپ دیا ہے۔

حمزہ شہباز کا کہنا تھا کہ عوامی نمائندوں کو ہدایت کی ہے کہ وہ ہرچھوٹے بڑے شہر جا کر اشیاء ضروریہ کی قیمتوں کا جائزہ لیں ، ڈپٹی کمشنرز اور اسٹنٹ کمشنرز کی کارکردگی کو پرائس کنٹرول کے موٹر اقدامات سے جانچا جائے گا ، پرائس کنٹرول کے لئے ہر ضلع میں کئے گئے اقدامات کی مانیٹرنگ کا عمل شروع ہو چکا ہے.

انہوں نے کہا کہ ہر ضلع کی سرگرمیوں کی رپورٹ مرتب ہو گی ، ہر ضلع کی کارکردگی جانچ کر سزا اور جزا کا تعین ہوگا ۔اچھا کام کرنے والے کی تحسین کی جائے گی۔ پرائس کنٹرول کے حوالے سے تساہل کی کوئی گنجائش نہیں۔

حمزہ شہباز نے مزید کہا کہ عوام کو ریلیف دینے کیلئے پرائس کنٹرول کے اقدامات میں کوتاہی کرنے والوں کو جوابدہ ہونا ہوگا ۔ پرائس کنٹرول کے لئے سرگرمیاں تسلسل کے ساتھ جاری رہیں گی۔ میں عوام کو مہنگائی سے ریلیف دینے کے پلان کی خود نگرانی کر رہا ہوں۔

قبل ازیں وزیر اعلی پنجاب حمزہ شہباز نے اشیاء ضروریہ کی قیمتوں اور ہر ضلع میں پرائس کنٹرول کی سرگرمیوں کی آن لائن مانیٹرنگ کیلئے وزیراعلی پنجاب پرائس ڈیش بورڈ کا افتتاح کیا تھا .ڈیش بورڈ پر پرائس مانیٹرنگ کے لیے اضلاع میں ڈپٹی کمشنرزاور اسٹنٹ کمشنرز کی کارکردگی کی آن لائن مانیٹرنگ شروع ہو جائے گی.

پرائس کنٹرول کمیٹیوں کی سرگرمیوں کو بھی ڈیش بورڈ کے ذریعے مانیٹر کیا جا سکے گا ،وزیر اعلی پنجاب حمزہ شہباز روزانہ خود بھی ڈیش بورڈ کے ذریعے پرائس کنٹرول کے لئے اضلاع کی کارکردگی کو مانیٹر کریں گے.

گورنر پنجاب محمد بلیغ الرحمان سے جنوبی پنجاب کے مختلف علاقوں سےآئے پارٹی وفود نےملاقات کی.گورنر پنجاب نے دور دراز سے آئے پارٹی ورکزز کے مسائل بھی سنے.

گورنر پنجاب بلیغ الرحمان نے کہا کہ مشکل وقت میں ملک اور قوم کے مفاد میں اقتدار میں آنے کا چیلنج قبول کیا، ملک کو مشکل حالات سے نکالنے کے لیے حکومت کو سخت فیصلے بھی لینے پڑرہے ہیں ، پارٹی ورکرز کے لیے گورنر ہاوس کے دروازے کھلے ہیں ، گورنر پنجاب نے یقین دلایا کہ عوامی مسائل حل کریں گے.

پارٹی ورکزز سے گفتگو کے دوران گورنر پنجاب بلیغ الرحمان کا کہنا تھا کہ مسلم لیگ ن کے عوامی فلاح کے منصوبے اور کام اس بات کا کھلا ثبوت ہیں.اعلی تعلیم پہ فوکس کرنے سے ملک کو ترقی کی راہ پہ گامزن کیا جا سکتا ہے.اعلی تعلیم میں تحقیق پہ خصوصی توجہ دینے کی ضرورت ہے.

گورنر پنجاب نے کہا کہ ماضی میں سنگل کریکلم جیسے اقدام اور ایچ ای سی کو وافر فنڈز کی فراہمی مسلم لیگ ن کی علم دوستی کا ثبوت ہے.گورنر ہاوس انوائرمنٹ ایشوز پہ تمام سٹیک ہولڈرز، جامعات کے ساتھ ملکر کردار ادا کرے گا. مشکل حالات کے باوجود حکومت نے آٹے پہ سبسڈی دی.مسلم لیگ ن نے ہمیشہ جنوبی پنجاب کی ترقی پہ خاص توجہ دی.

گورنر پنجاب بلیغ الرحمان نے کہا کہ مسلم لیگ ن کی حکومت نے معاشرے میں طبقاتی نظام تعلیم ختم کرنے کے لیے دانش سکول جیسے ادارے بنائے. بلیغ الرحمان گئے. تعلیم صرف کتابی علم کا نام نہیں بلکہ اقدار اخلاقیات اس کا اہم جزو ہیں.اساتذۂ طلبا کی کردار سازی پہ خاص توجہ دیں.