Category: لاہور

لاہور: امیر بالاج قتل کیس میں بڑی پیش رفت سامنے آئی ہے جہاں کیس کے مرکزی ملزم گوگی بٹ کو شاملِ تفتیش کرلیا گیا۔ ذرائع کے مطابق ڈی آئی جی انویسٹیگیشن کی سربراہی میں تفتیشی ٹیم نے گوگی بٹ سے ایک گھنٹے سے زائد پوچھ گچھ کی۔

تفصیلات کے مطابق گوگی بٹ کو سخت سیکیورٹی حصار میں ڈی آئی جی انویسٹیگیشن کے دفتر لایا گیا، جہاں انویسٹیگیشن ٹیم نے مختلف پہلوؤں پر سوالات کیے۔ تفتیشی حکام نے گوگی بٹ سے مقتول امیر بالاج کے قتل کے محرکات اور اس واقعے میں ملوث دیگر افراد کے حوالے سے معلومات حاصل کرنے کی کوشش کی۔ذرائع کے مطابق دورانِ تفتیش گوگی بٹ کو بعض شواہد اور بیانات کے تناظر میں وضاحتیں دینے کے لیے کہا گیا۔ اس موقع پر ڈی آئی جی انویسٹیگیشن نے ٹیم کے ہمراہ تفصیلی سوال و جواب کیے۔ تاہم تفتیش کے بعد گوگی بٹ کو جانے کی اجازت دے دی گئی

پولیس حکام کا کہنا ہے کہ کیس کی تفتیش کو مزید آگے بڑھایا جارہا ہے اور ملزم کو دوبارہ بھی طلب کیا جاسکتا ہے۔

لاہور: مسلم لیگ (ن) کے صدر و سابق وزیرِ اعظم میاں نواز شریف اور وزیرِ اعظم شہباز شریف اہلِ خانہ کے ہمراہ اپنے آبائی قبرستان پہنچے، جہاں انہوں نے اپنے مرحوم والدین، اہلیہ بیگم کلثوم نواز اور دیگر عزیزوں کی قبور پر حاضری دی۔

ذرائع کے مطابق نواز شریف اور شہباز شریف نے قبور پر پھول چڑھائے اور مرحومین کے درجات کی بلندی کے لیے فاتحہ خوانی کی۔ اس موقع پر قرآن خوانی اور خصوصی دعاؤں کا اہتمام کیا گیا، جس میں خاندان کے افراد سمیت قریبی رفقاء نے بھی شرکت کی۔اہلِ خانہ اور شرکاء نے بیگم کلثوم نواز، میاں محمد شریف اور دیگر مرحومین کے ایصالِ ثواب کے لیے اجتماعی قرآن خوانی کی، جبکہ محفل میلادِ مصطفیٰ ﷺ کا انعقاد بھی کیا گیا۔ اس محفل میں قرأت اور نعت خوانی پیش کی گئی، جس سے ماحول روحانی فضاء میں ڈھل گیا۔

دعائیہ تقریب کے دوران امتِ مسلمہ کی کامیابی، پاکستان میں امن و ترقی، خوشحالی اور شہدائے وطن کے بلند درجات کے لیے بھی دعائیں مانگی گئیں،اس موقع پر مسلم لیگ (ن) کے کارکنان اور مقامی افراد بھی بڑی تعداد میں موجود تھے، جنہوں نے شریف برادران کے ساتھ مل کر مرحومین کے ایصالِ ثواب کے لیے دعا کی۔

پی ٹی آئی سابق میڈیا کوارڈینیٹر جاوید بدر نے کہا ہے کہ علیمہ خان کو انڈا مارنا تو ابھی شروعات ہے ہم نے جو اس نسل میں بیچ بوئیں ہیں وہ ہمیں ہی کاٹنے پڑیں گے ،میں نے تو اس بات کا اعتراف نواز شریف سے مُعافی مانگ کر کرلیا تھا

جاوید بدر کا کہنا تھا کہ عمران خان کو قوم کے بچے خراب کرنے پر قوم سے مُعافی مانگنی چاہیے مزومبی نسل تیار ہوچُکی ہے جو اپنوں کو ہی کاٹتی ہے ،وہ دن دور نہیں جب عمران خان کا گریبان اس نسل کے ہاتھوں میں ہوگا ،علیمہ خان نے اپنے بیٹوں کے ذریعے فیک سوشل میڈیا اکاؤنٹس سے فوج پر گند اُچھالا،قوم سے مُعافی مانگنے پر تو بانی کو کوئی اعتراض نہیں ہونا چاہیے ،پی ٹی آئی سوشل میڈیا کی فنڈنگ وہ لوگ کرتے تھے جو آج حکومت میں بیٹھے ہیں،قوم کے بچوں کو خراب کرنے والوں کو نواز شریف نے گلے لگایا ،علیمہ خان اور اُس کے بیٹوں کو بانی کئی سال سے نہیں بُلاتے ،علیمہ خان نے ہسپتال کے پیسوں سے جائیداد خریدی جس سے بانی ناراض ہوۓ،پی ٹی آئی پر خاندانی قبضے کی کوشش نے پارٹی توڑ دی ہے

پاکستان میں طوفانی بارشوں، سیلاب اور لینڈ سلائیڈنگ کے باعث پیش آنے والے حادثات میں جاں بحق افراد کی تعداد 900 سے تجاوز کر گئی۔

این ڈی ایم اے نے بارش اور سیلاب کے باعث ہونے والے جانی و مالی نقصان کا ڈیٹا جاری کر دیا ہے جس کے مطابق ملک میں اب تک 907 افراد جاں بحق اور 1044 زخمی ہوئے،اعداد و شمار کے مطابق پنجاب میں بارشوں کے باعث 223 افراد جاں بحق اور 654 زخمی ہوئے جبکہ خیبر پختونخوا میں 502 افراد جاں بحق اور 218 زخمی ہوئےلسندھ میں بارشوں کے باعث 58 افراد جاں بحق اور 78 زخمی ہوئے جبکہ بلوچستان میں بھی 26 افراد جاں بحق اور 5 زخمی ہوئے،گلگت بلتستان میں بارشوں کے باعث 41 افراد جاں بحق اور 52 زخمی ہوئے جبکہ آزاد کشمیر میں 38 اور اسلام آباد میں 9 افراد جان کی بازی ہار گئے،این ڈی ایم اے کے مطابق بارشوں اور سیلاب کے باعث اب تک 7 ہزار 848 مکانات کو نقصان پہنچا جبکہ اب تک 6 ہزار 180 مویشی بھی ہلاک ہو چکے ہیں۔