Category: لاہور

وزیراعظم شہباز شریف نے کہا ہے کہ قدرتی آفات سے نمٹنے کے لیے پانی ذخیرہ کرنے کی صلاحیت بڑھانا وقت کی اہم ضرورت ہے-

لاہور میں وزیراعظم شہباز شریف کو حالیہ سیلابی ریلوں اور متاثرہ علاقوں کے حوالے سے تفصیلی بریفنگ دی گئی،اس موقع پر وزیراعلیٰ پنجاب مریم نواز، وفاقی وزیر منصوبہ بندی چوہدری احسن اقبال، صوبائی و وفاقی وزرا، چیئرمین این ڈی ایم اے، چیف سیکریٹری اور آئی جی پولیس سمیت اعلیٰ حکام بھی موجود تھے۔

وزیراعظم نے کہا کہ حالیہ ہفتوں میں آنے والی قدرتی آفات نے پہلے گلگت بلتستان اور خیبرپختونخوا کو متاثر کیا اور اب پنجاب کے میدانوں میں تباہی مچا دی ہے، جس کے نتیجے میں انسانی جانوں کا ضیاع ہواانہوں نے جاں بحق ہونے والوں کے لیے مغفرت اور لواحقین کے لیے صبر جمیل کی دعا کی۔

کل سے پنجاب میں مون سون کا 9 ویں اسپیل کی پیشگوئی

شہباز شریف نے سیلابی صورتحال سے نمٹنے میں وزیراعلیٰ پنجاب کی قیادت میں انتظامیہ اور اداروں کی کاوشوں کو سراہتے ہوئے کہا کہ پی ڈی ایم اے، ریسکیو 1122، محکمہ صحت، پولیس اور دیگر محکمے دن رات کام کر رہے ہیں جو قابلِ تعریف ہے،انہوں نے افواجِ پاکستان، این ڈی ایم اے اور مقامی قیادت کی خدمات کو بھی خراجِ تحسین پیش کیا جنہوں نے ہیلی کاپٹر، کشتیاں اور دیگر ضروری سہولتیں فراہم کر کے عوام کی مدد کی۔

شہباز شریف نے کہا کہ یہ ٹیم ورک ہی ہے جس کے نتیجے میں بڑے پیمانے پر نقصان کم ہوا 2022،میں سندھ اور بلوچستان شدید متاثر ہوئے تھے اور پاکستان کو اربوں ڈالرز کا نقصان اٹھانا پڑا تھا، پاکستان ان ممالک میں شامل ہے جو موسمیاتی تبدیلیوں اور قدرتی آفات کے نشانے پر ہیں، لہٰذا آئندہ سالوں میں بھی ایسی صورتحال کا سامنا کرنا پڑ سکتا ہےاس چیلنج سے نمٹنے کے لیے وفاق اور تمام صوبوں کو مل کر کام کرنا ہوگا۔

بجلی اور گیس کی قیمتوں میں اضافے سے مہنگائی میں اضافے کا خدشہ

ان کا کہنا تھا کہ سب سے بڑا حل پانی ذخیرہ کرنے کی صلاحیت بڑھانا ہے تاکہ فلیش فلڈز اور نقصانات پر قابو پایا جا سکے، اس مقصد کے لیے فوری طور پر ڈیمز اور ذخیرہ کرنے کی گنجائش بڑھانے پر کام شروع کرنا ہوگا اور دیامر بھاشا ڈیم سمیت موجودہ ڈیموں کی گنجائش میں اضافہ وقت کی اہم ضرورت ہے، اگر آج سے عملی اقدامات شروع کیے جائیں تو اس بڑے مقصد کو حاصل کرنے میں کئی سال لگیں گے،انہوں نے کہا کہ سندھ کی جانب بڑھنے والے سیلابی ریلے میں اللہ تعالیٰ اپنی خاص رحمت سے کمی فرمائے۔

پنجاب میں سیلابی صورتحال کے باعث پاکستان ریلوے نے ٹرینوں کے شیڈول میں بڑی تبدیلیاں کی ہیں۔

کراچی سے لاہور آکر مارگلہ جانے والی گرین لائن کو لاہور تک محدود کر دیا گیا ہے، جبکہ کراچی سے آنے والے گرین لائن کے مسافروں کو تیزگام میں ایڈجسٹ کیا جائے گا۔ تیزگام کو براستہ شاہدرہ، سانگلہ ہل، شاہین آباد اور سرگودھا راولپنڈی پہنچایا جائے گا۔لاہور اور سیالکوٹ کے درمیان چلنے والی سیالکوٹ ایکسپریس منسوخ کر دی گئی ہے۔تیزگام، جعفر ایکسپریس اور عوام ایکسپریس کو براستہ لالہ موسیٰ خانیوال پہنچایا جائے گا۔

گرین لائن اور رحمان بابا ایکسپریس کو براستہ سرگودھا خانیوال لے جایا جائے گا۔کراچی سے پشاور جانے والی خیبر میل کو لاہور اور ملکوال کے راستے پشاور پہنچایا جائے گا۔تیزگام اور جعفر ایکسپریس کے مسافروں کو خانیوال پہنچانے کے لیے لاہور سے شٹل ٹرین چلائی جائے گی۔عوام ایکسپریس اور گرین لائن کے مسافروں کے لیے بھی لاہور سے خانیوال تک شٹل ٹرین چلائی جائے گی۔

لاہور سے براستہ ساہیوال کراچی جانے والی تمام ٹرینیں اپنے مقررہ راستے سے کراچی پہنچیں گی۔

پنجاب میں بارشوں اور طغیانی سے سیلابی صورتحال، ہنگامی نمبرز جاری

پنجاب کے مختلف اضلاع میں شدید بارشوں اور دریاؤں میں طغیانی کے باعث سیلابی صورتحال پیدا ہو گئی، متاثرین کی فوری امداد اور ریسکیو کے لیے انتظامیہ نے ہنگامی نمبرز جاری کر دیے۔

ترجمان کے مطابق سیلابی علاقوں میں پاک فوج کے جوان سول انتظامیہ کے ساتھ مل کر امدادی سرگرمیوں میں مصروف ہیں، درجنوں دیہات سے متاثرہ افراد کو محفوظ مقامات پر منتقل کیا جا رہا ہے جبکہ امدادی کیمپ بھی قائم کیے گئے ہیں۔پنجاب میں سیلاب کے باعث ٹرینوں کے شیڈول میں تبدیلی کر دی گئی ہے۔

ہنگامی رابطہ نمبرز
ساہیوال: 03040920056، 0409200499، 03040920086
تاندلیانوالہ: 03230660267، 03218515007، 0409200499
جڑانوالہ: 03326695050
پاکپتن: 03457308886، 03004332713
گجرات: 03465391803، 0409200499
پیر محل: 03007855960، 0409200499
پنڈی بھٹیاں: 0409200499، 03008641649
چنیوٹ: 03040920089

لاہور ڈویژن میں 500 فوجی افسران اور جوان مختلف مقامات پر امدادی سرگرمیوں میں حصہ لے رہے ہیں۔ قصور اور دیگر متاثرہ علاقوں میں فوجی و سول انتظامیہ نے اب تک 21 ریسکیو اور ریلیف کیمپس قائم کیے ہیں۔ترجمان کے مطابق 72 دیہات سے تقریباً 10 ہزار افراد کو محفوظ مقامات پر منتقل کیا جا چکا ہے۔ ریسکیو ٹیمیں کشتیوں اور دیگر آلات کے ذریعے مسلسل متاثرہ علاقوں تک پہنچ رہی ہیں۔

متاثرین کو خوراک، پانی اور ادویات فراہم کی جا رہی ہیں جبکہ ابتدائی طبی امداد کے انتظامات بھی کیے گئے ہیں تاکہ کسی بھی ہنگامی صورتحال سے فوری طور پر نمٹا جا سکے۔دریاؤں میں ممکنہ سیلابی صورتحال سے متعلق بھارت نے بھی پاکستان کو آگاہ کر دیا ہے۔

29اگست سے 9ستمبرتک بارشوں کے نئے سلسلے کی پیشگوئی

وزیر اطلاعات پنجاب عظمیٰ بخاری نے کہا ہے کہ دریائے راوی میں 38 سال بعد اتنا پانی آیا ہے، بھارت کی طرف اچانک دریائے راوی میں پانی چھوڑا گیا، پنجاب کے مختلف اضلاع میں آرمی طلب کرلی گئی،ہے-

ڈی جی پی آر میں وزیربلدیات ذیشان رفیق اور وزیر قانون صہیب بھرت کیساتھ،پریس کانفرنس کرتے ہوئے عظمی بخاری نے کہا کہ دریائے راوی میں 38 سال بعد اتنا پانی آیا ہے، بھارت کی طرف اچانک دریائے راوی میں پانی چھوڑا گیا، پنجاب کے مختلف اضلاع میں آرمی طلب کرلی گئی، گزشتہ 48 گھنٹوں میں پنجاب میں سیلاب کی وجہ سے کوئی جانی نقصان نہیں ہوا، جاپان کے دورہ کے دوران بھی وزیراعلی سیلاب کے حوالے سے اپ ڈیٹس لیتی رہیں، جہاں جہاں سیلابی صورتحال تھی اداروں نے لوگوں کو ریسکیو کیا گیا۔

عظمیٰ بخاری نے کہا کہ جاپان میں وزیراعلیٰ نے زراعت کے حوالے سے دیگر محکموں کے ساتھ ایم او یو سائن کیے ہیں، وزیراعلی پنجاب جاپان کی حکومت کی دعوت پر گئی تھیں، وزیر اعلی نے جاپانی کمپنیوں کو پاکستان میں انویسٹمنٹ پر راضی کیا، جن کو جرمنی جاپان کی سرحد کا پتا نہیں فون کوئی اٹھاتا نہیں ان کو اس دورے سے تکلیف ہوئی، یہ دورہ پنجاب اور پاکستان کے لئے اہم تھا پی ٹی آئی مقابلہ کارکردگی پر نہیں کرسکتی تو پھر غلاظت بکتی ہے۔

انڈیا کی جانب سے تقریباً 9 لاکھ کیوسک پانی چھوڑے جانے کی اطلاعات ہیں،نثار کھوڑو

عظمیٰ بخاری نے کہا کہ سیلاب سے قصور، وہاڑی، اوکاڑہ، دیپالپور کے علاقے متاثر ہوئے، قصور میں پچھتر دیہات سیلاب سے متاثر ہوئے، تمام علاقوں میں ریلیف کیمپ قائم کر دیے گئے ہیں،ادویات کی پنجاب بھر میں کہیں بھی قلت نہیں ہے، ایسا نہیں ہوسکتا گودام میں میڈیسن پڑی ہو باہر کہیں ادویات نہیں، وزیراعلی تنخواہ بھی نہیں لیتیں بلکہ چھٹی بھی نہیں کرتیں، وزیراعلی تمام تر اخراجات اپنی جیب سے کرتی ہیں، باقی صوبے تو کہہ رہے ہے ہمارے پاس وزیر اعلیٰ مریم نواز ہوتی۔

وزیر قانون صہیب بھرت نے کہا کہ جاپان میں ہم مکمل تیاری کے ساتھ گئے تھے، جاپان انسٹی ٹیوٹ آف میڈیسن کا ہم نے دورہ کیا، جاپان کے دورے کے معاملات کو مکمل پلان کے ساتھ شروع کیا جائے گا۔

وزیر بلدیات ذیشان رفیق نے کہا کہ ہمارے تمام ادارے سیلابی صورتحال میں کام کررہے ہیں،جاپان میں ہمارے چیف منسٹر کے ستھرا پنجاب پروگرام کو سراہا گیا، ہم نے بتایا روزانہ پچاس لاکھ ٹن کوڑا اٹھا رہے ہیں، جاپان نے واٹر ٹریٹمنٹ اور ویسٹ واٹر ٹریٹمنٹ پلانٹ کا وزٹ کیا، پنجاب کے تیرہ شہروں میں اس پر کام شروع کیا جائے گا-

فوج مشکل حالات میں اپنے عوام کے ساتھ کھڑی ہے، ڈی جی آئی ایس پی آر

واضح رہے کہ بھارت کی جانب سے آبی دہشتگردی کے باعث دریائے روای، چناب اور ستلج میں سیلابی صورت حال کے جس کے باعث پنجاب کے متعدد دیہات ڈوب گئے ہیں ضلعی انتظامیہ اور دیگر متعلقہ اداروں کی جانب سے ریسکیو آپریشن جاری ہے،محکمہ موسمیات کے مطابق پنجاب کے ضلع سیالکوٹ میں بارشوں کا 49 سالہ ریکارڈ ٹوٹ گیا ہے، جس کے باعث کئی علاقے ڈوب گئے ہیں، اور گلیاں تالاب کا منظر پیش کررہی ہیں۔ وزیراعظم پاکستان شہباز شریف نے وزرا کو ہدایت کی ہے وہ اپنے اپنے علاقوں میں خود ریسکیو آپریشن کی نگرانی کریں۔

ہیڈ قادر آباد پر انتہائی اونچے درجے کا سیلاب، حفاظتی بند توڑ دیا گیا

پاکستان تحریک انصاف (پی ٹی آئی) نےہ این اے 129 لاہور کے ضمنی الیکشن میں حصہ لینےکا اعلان کیاہے-

پاکستان تحریک انصاف کی سیاسی کمیٹی کا اجلاس گزشتہ رات اسلام آباد میں زوم پر ہوا، جس کا اعلامیہ جاری کردیا گیا ہے، اعلامیے کے مطابق بانی پی ٹی آئی کا شکریہ ادا کرتے ہیں کہ انہوں نے سیاسی کمیٹی پر مکمل اعتماد کیا، سیاسی معاملات پر مزید مشاورت کے لیے سیاسی کمیٹی کے سپرد کردیے گئے ہیں، توشہ خانہ ٹرائل کی اڈیالہ جیل میں روزانہ سماعت پر گہری تشویش ہے، روزانہ سماعت سے ملزمان کے بنیادی حقوق متاثر ہوں گے، روزانہ سماعت سے انصاف کی فراہمی میں رکاوٹ پیدا ہو گی۔

سیاسی کمیٹی کے اعلامیے میں کہا گیا ہے کہ 9 مئی کے مقدمات میں نااہلی پانے والے ارکان کو پی ٹی آئی اپنا حقیقی نمائندہ سمجھتی ہے، ناحق سزائیں پانے والے اراکین کو خراج تحسین پیش کرتے ہیں، نااہل ارکان کے حلقوں میں ہونے والے ضمنی انتخابات کا بائیکاٹ کیا جائے گا،لاہور کے حلقہ این اے 129 پر انتخاب میں حصہ لیا جائے گا، سیاسی کمیٹی نے میاں اظہر کی وفات کے بعد خالی نشست پر امیدوار کھڑا کرنے کا فیصلہ کیا ہے۔

بھارت پر 50 فیصد امریکی ٹیرف کا آج سے نفاذ

سیاسی کمیٹی کے اجلاس کے اعلامیے میں مزید کہا گیا ہے کہ بانی پی ٹی آئی کی ہدایت پر قومی اسمبلی کی پبلک اکاؤنٹس کمیٹی سے مستعفی ہونے کا اعلان کیا گیا جبکہ قائمہ کمیٹیوں کی چیئرمین شپ اور رکنیت سے بھی فی الفوراستعفیٰ دینے کا فیصلہ ہوا ہے،سیاسی کمیٹی نے ناحق سزائیں پانے والے اراکین کو خراج تحسین پیش کیا ہے۔

پختونخوا میں دھاندلی کے سہارے کھڑے ہیں ، پنجاب میں عوامی فیصلہ سہنے کی ہمت نہیں،خواجہ آصف