Category: لاہور

وزیراعلیٰ پنجاب سردار عثمان بزداردوران سروس انتقال کر نے والے سرکاری ملازمین کے لواحقین کی آواز بن گئے ہیں، دوران سرو س انتقال کرنے والے سرکاری ملازمین کے لواحقین کو ملازمتیں دینے میں تاخیرکا سخت نوٹس لے لیا گیا ہے، لواحقین کو ملازمتیں دینے کے حوالے سے کیسوں کو زیر التواء رکھنے پر سخت برہم ہوگئے ہیں، تمام انتظامی محکموں اور فیلڈ فارمیشنز سے پنجاب سول سرونٹس رولز 1974 کے رول 17۔ اے کے تحت زیر التواء کیسوں کی رپورٹ طلب کرلی گئی ہے.

وزیر اعلیٰ عثمان بزدارنے کہا ہے کہ رول 17۔اے کے تحت دوران سروس انتقال کرنے والے سرکاری ملازمین کے لواحقین ملازمت کا قانونی حق رکھتے ہیں، ملازمت میں تاخیر سے لواحقین اپنے جائز حق سے محروم ہوتے ہیں، ایسے معاملات میں تاخیرکسی صورت قابل قبول نہیں.

وزیراعلیٰ عثمان بزدارنے زیر التواء کیسوں کو جلد نمٹانے کا حکم دے دیا ہے، قواعدوضوابط کے تحت زیر التواء کیسوں کو ایک ماہ کے اندر نمٹایا جائے، زیر التوا ء کیسوں کے بارے میں فیصلے کرکے رپورٹ وزیراعلیٰ آفس پیش کی جائے، وزیر اعلیٰ آفس کی جانب سے پنجاب سول سرونٹس رولز 1974 کے رول 17۔ اے کے تحت اپوائٹمنٹ کیلئے مراسلہ جاری کر دیا گیا.

سیشن کورٹ میں‌ وزیر اعظم عمران خان نے شہباز شریف کے ہتک عزت کے دعوے کا جواب جمع کروا دیا ہے، عمران خان نے شہباز شریف کی جانب سے دائردعوی خارج کرنے کی استدعا کردی ہے، وزیر اعظم عمران خان کی جانب سے بیرسٹرعلی ظفر نے جواب جمع کروایا ہے.

عمران خان نے کہا ہے کہ رقم کی آفر نواز شریف یا شہباز شریف کی طرف سے ڈائریکٹ نہیں بلکہ کسی کے ذریعے آئی تھی، عمرفاروق نامی شخص نے بتایا کہ آفر ہے، اگرعمران خان پانامہ لیکس کہ پیروی کرنا چھوڑدیں تو وہ بھاری رقم دینے کو تیارہیں، نواز شریف اور شہباز شریف نے ماضی میں ایک آرمی چیف کو بی ایم ڈبلیو گاڑی دینے کی کوشش بھی کی ہے، شہباز شریف کی ایک جج کے ساتھ آڈیو ٹیپ بھی منظر عام پرآ چکی ہے، شہباز شریف کے الزامات ہتک عزت کے دعوے میں نہیں آتے، شہباز شریف نے قانون کے مطابق 60 دن میں کوئی مخصوص نوٹس نہیں بھیجا ہے، شہباز شریف نے 8 مئی 2017 کو قانونی تقاضے پورے کیے بغیر صرف لیگل نوٹس بھیجا ہے،
شہباز شریف دو دہائیوں سے سیاسی مخالف ہے، شہباز شریف بدنام کرنے کے لیے خود کئی بیانات دے چکے ہیں.

مزید کہا ہے کہ رشوت کی آفربارے جیسے بتایا گیا اسی طرح ہی بیان دیا گیا ہے، شہباز شریف کی شہرت میرے بیان کے باعث نہیں کسی اور وجہ سے متاثر ہوئی ہو گی، شہباز شریف کا دعوی جھوٹا ہے، بنیاد اورحقائق کو مسخ کر کے دائر کیا گیا ہے، شہباز شریف سیاسی معاملات کو عدالتوں میں گھسیٹنا چاہ رہے ہیں، شہباز شریف کی جانب سے دائر کیا گیا دعوی اس عدالت کے دائرہ اختیار میں نہیں آتا ہے، شہباز شریف کے دعوے کو جرمانے کے ساتھ خارج کیا جانے ان سے وکیل کی فیس بھی وصول کی جائے.

پنجاب کے سہولت بازاروں میں سستا آٹا نایاب ہونے کےخلاف پنجاب اسمبلی میں قرارداد جمع کروا دی گئی ہے، قرارداد مسلم لیگ(ن) کی رکن حناپرویز بٹ کی جانب سے جمع کرائی گئی ہے.

قرارداد کے متن میں لکھا گیا ہے کہ پنجاب کے سستے سہولت بازاروں میں ریلیف برائے نام رہ گیا ہے، حکومت نے سہولت بازاروں میں سستے آٹے کی فراہمی میں 70 فیصد کمی کردی ہے، عام مارکیٹ میں 20 کلو آٹے کا تھیلا 1100 روپے تک فروخت ہورہا ہے، جبکہ سہولت بازاروں میں سستا آٹا بھی نایاب ہوچکا ہے، سہولت بازاروں میں صرف چند ایک اشیاءہی سستی دستیاب ہیں، پنجاب کے سہولت بازاروں میں سستے آٹے کی فراہمی یقینی بنائی جائے، پنجاب کے سہولت بازاروں میں تمام اشیاءسستی اورمعیاری فروخت کرنے کےلئے اقدامات اٹھائے جائیں.

وزیراعلیٰ پنجاب سردارعثمان بزدارسے ائیرآفیسر کمانڈنگ سنٹرل ائیرکمانڈ، ایئر وائس مارشل ظفر اسلم نے ملاقات کی ہے، فضائی سرحدوں کی حفاظت کیلئے پاک فضائیہ کی پیشہ ورانہ مہارت اور خدمات کوسراہا گیا ہے، پاک فضائیہ کے جانبازوں کی شجاعت اور بہادری کی تعریف کی گئی ہے.

وزیر اعلیٰ پنجاب نے مزید کہا کہ پاکستان ائیر فورس کے شاہین قوم کے ہیروہیں، ایئرفورس کے جوانوں نے ملک کی فضا ئی سرحدوں کی ہمیشہ بہادری سے حفاظت کی ہے، قوم کو پاک فضائیہ کے شاہینوں پر فخر ہے، دشمن نے جب بھی ملک پر میلی نظر ڈالی تو پاک فضائیہ کے بہادروں نے منہ توڑ جواب دیا ہے، پاک فضائیہ کا شمار دنیا کی بہترین فضائی فورسز میں ہوتا ہے، قومی تعمیر کے شعبوں میں پاک فضائیہ کے بہترین کردار کو قدر کی نگاہ سے دیکھتے ہیں، تعلیم و صحت کے شعبوں میں بھی پاک فضائیہ کی کاوشیں لائق تحسین ہیں۔

سیالکوٹ پی پی 38 میں آج سیاسی دنگل سجے گا

باغی ٹی وی :
سیالکوٹ پی پی 38 میں آج سیاسی دنگل سجے گا
سآج بروز بدھ 28 جولائی سیالکوٹ میں ضمنی الیکشن کا سیاسی دنگل سج رہا ہے،سیالکوٹ پی پی 38 میں ن لیگ کے امیدوار چوہدری طارق سبحانی،پاکستان تحریک انصاف کے امیدوار چوہدری احسن بریار،تحریک لبیک پاکستان کے امیدوار ملک فہیم مشتاق اعوان اور کچھ آزاد حثیت سے امیدوار بھی سامنے جو پی ٹی آئی،ن لیگ اور ٹی ایل پی کے امیدوارں کی حمایت کا اعلان کیا ہے

جب کانٹے دار جو مقابلہ ہے وہ ن لیگ کے امیدوار چوہدری طارق سبحانی اور پاکستان تحریک انصاف کے امیدوار چوہدری احسن بریار کے درمیان ہے،اور تحریک لبیک پاکستان کے امیدوار ملک فہیم اعوان بھی پرعزم ہے اپنی کامیابی کے لیے،سیالکوٹ پی پی 38 میں الیکشن کمیشن کا عملہ صبح سے ہی مختلف پولنگ اسٹیشن میں پہنچ چکا ہے،احساس پولنگ اسٹیشن پر پولیس کی باری نفری اور سی سی ٹی وی کیمرے بھی نصب کر دیے گٸے ہیں

رپورٹ فضل محمود کھوکھر

کمشنر گوجرانوالہ کا کتا کیا گم گیا، سرکاری عملے کی دوڑیں‌ لگ گئیں ، کاش کہ اتنی تگ و دو انسانوں کے لیے بھی ہوتی

باغی ٹی وی : سوشل میڈیا سائٹ ٹویٹر پر اس وقت ایک ٹرینڈ ” کمشنر کا کتا گم گیا” چل رہا ہے جو کہ ٹاپ ٹرینڈ بن گیا ہے .اس ٹرینڈ کے پیچھے حقیقت یہ ہے کہ کمشنر گوجرانولہ کا کتا گم ہوگیا ہے اور اس کو تلاس کرنے کے لیے کارپوریشن کا عملہ جگہ جگہ منادی کرتا پھر رہا ہے . اس کتے کی تلاش میں‌ باقاعدہ ایک تلاشی مہم جاری ہے ہے .

کہا جارہا ہے کہ کمشنر کے کتنے کی تلاش میں سرکاری عملہ رکشے پر لاؤڈ سپیکر سے اعلان کر رہا ہے . کہ کمشنر صاحب کا کتا گم ہو گیا ہے .اور جس کسی کو علم ہو وہ متعلقہ جگہ اور رابطوں پر اطلاع دے .اور ساتھ وارننگ بھی دی جارہی ہے .

اس سلسلے میں سوشل میڈیا صارفین نے بھی کیا کمال کی ٹویٹس کی ہیں‌. ایک نے لکھا ہے کہ گوجرانوالہ کے ڈپٹی کمیشنر کا کتا کہیں گم ہو گیا ہے اگر کسی بھائی کو ملے تو ضرور ڈپٹی کمشنر صاحب کو پہنچا دیں نہیں تو انہوں نے چھوٹے عملے کی جان عزاب کر دینی ہے.

گوجرانوالہ کے ڈپٹی کمیشنر کا کتا کہیں گم ہو گیا ہے اگر کسی بھائی کو ملے تو ضرور ڈپٹی کمشنر صاحب کو پہنچا دیں نہیں تو انہوں نے چھوٹے عملے کی جان عزاب کر دینی ہے 😅@CommissionerGu3#کمشنر_کا_کتا_گم_گیا pic.twitter.com/rlHvHD9KWJ

— رضــــــــوان الہـــــــــــی 🌐 (@MianSb_Official) July 27, 2021

اس کے علاوہ اعلان کرنے والے نے دھمکی بھی دی کے اگر کسی سے کاروائی کے دوران کتا برآمد ہواتو اس کے خلاف سخت کاروائی کی جائے گی.

ایک صارف نے لکھا کہ
غریب دی مر گئی ماں
تے کوئی نئی لیندا ناں
چوہدری دا گواچ گیا کتا
تے پنڈ ساری رات نہ سُتا

https://twitter.com/Ibrahim2k21/status/1420087747088375816?s=20

ایک صارف نے لکھا کہ جانوروں سے پیار ہر کسی کو ہوتا ہے مگر عوام جب بے حال ہو تو ایسے وقت میں انسانوں سے زیادہ کتوں کی قدر کی جائے تو کیا سمجھا جائے

جانوروں سے پیار ہر کسی کو ہوتا ہے مگر عوام جب بے حال ہو تو ایسے وقت میں انسانوں سے زیادہ کتوں کی قدر کی جائے تو کیا سمجھا جائے #کمشنر_کا_کتا_گم_گیا pic.twitter.com/PqJTKoB919

— Usman Qayyum 🇵🇰 (@IamUsmanAQ) July 27, 2021

فتح جنگ میں یکے بعد دیگرے خواتین کے قتل کی وارداتیں، علاقے میں خوف کی لہر

باغی ٹی وی : فتح جنگ میں یکے بعد دیگرے خواتین کے قتل کی وارداتیں،وائس آف پاکستان فورم کی جانب سے اظہار تشویش، اسلام آباد سے محض 25کلومیٹر کے فاصلے پر عورت غیر محفوظ، حکام سے موثر کاروائی کا مطالبہ، تفصیلات کے مطابق شہر فتح جنگ اور گردونواح میں ایک ہفتے کے اندر دو خواتین، جن میں ایک حاملہ تھی اور ایک معصوم بچی بے رحمانہ تشدد کا شکار ہوکر قتل کردی گئیں، اسی ہفتے کے دوران مٹھوخان ڈیم سے ایک حاملہ خاتون اور اس کی معصوم 3سالہ بچی کی لاش ملی،

جبکہ گزشتہ روز گاؤں برج میں خاوند کے ہاتھوں بولنے اور سننے کی صلاحیت سے محروم خاتون کا قتل کردیا گیا، فتح جنگ میں یکے بعد دیگرے ہونے والے ان واقعات پر وائس آف پاکستان فورم کی جانب سے شدید تشویش کا اظہار کیاگیا، وائس آف پاکستان فورم فتح جنگ کی خواتین رہنماؤں وجیہہ کرن، انیلہ عارف اور حاجرہ یونس نے اپنے مشترکہ بیان میں کہا کہ دو خواتین اور ایک معصوم بچی کے قتل کی واردات اس جانب اشارہ کرتی ہے کہ اسلام آباد سے محض 25کلومیٹر دو خواتین سفاکیت سے محفوظ نہیں ہیں،

ایسے واقعات ہمارے معاشرے پر بدنما داغ ہیں، حکومت خواتین پر تشدد روکنے کیلئے موثر قانون سازی کرے، وائس آف پاکستان کی جانب سے اسی ہفتے کے دوران احتجاجی سیمینار کے انعقاد کا اعلان کیا گیا ہے، خواتین سماجی کارکنان نے ڈی پی او اٹک رانا شعیب محمود سے اپیل کی ہے کہ ان دونوں واقعات کی شفاف انکوائری عمل میں لائی جائے اور مجرموں کو کیفرکردار تک پہنچایا جائے۔

نذیرچوہان کی گرفتاری، جہانگیر ترین گروپ نے بڑا فیصلہ کر لیا

باغی ٹی وی کی رپورٹ کے مطابق جہانگہر ترین گروپ کے ایم پی اے نذیر چوہان کو ایف آئی اے سائبرکرائم کےدفتر پیش کیا جائے گا تفتیشی ٹیم نذیرچوہان کی ویڈیو میں آواز کا معائنہ کرے گی

نذیر چوہان کو پولیس گرفتاری کے بعد تھانے میں لے گئی ہے، پولیس انہیں سائبر کرائم میں پیش کرے گی،دوسری جانب تحریک انصاف جہانگیر ترین گروپ نے اجلاس بلانے کا فیصلہ کیا ہے اجلاس میں تمام تر صورت حال کا جائزہ لیا جائے گا ،اجلاس میں جہانگیر ترین گروپ کے اراکین شرکت کریں گے، اجلاس میں گرفتاری کے بعد کی صورتحال اور لائحہ عمل پر غور کیا جائے گا

واضح رہے کہ وزیراعظم عمران خان کے مشیر احتساب شہزاد اکبر نے نذیر چوہان کے خلاف مقدمہ درج کروایا تھا، لاہور کے تھانہ ریس کورس میں شہزاد اکبر کی درخواست پر مقدمہ درج کیا گیا ،درخواست میں موقف اپنایا گیا کہ نذیر چوہان نے ٹی وی پروگرام میں میرے خلاف بے بنیاد الزامات لگائے۔مقدمے میں 298, 189,589 اور153 کی دفعات شامل ہیں

جہانگیر ترین کو ملی خوشخبری، ایسا اعلان کر دیا کہ سب کے پسینے چھوٹ گئے

جہانگیر ترین فیصلہ کر لیں پارٹی میں رہنا ہے یا نہیں، میرے ساتھ بھی زیادتی ہوتی رہی،پی ٹی آئی رہنما برس پڑے

جہانگیر ترین گروپ کی آج کس شخصیت سے ملاقات طے؟ پنجاب میں تہلکہ مچ گیا

جہانگیر ترین گروپ کا آج ہونے والا اجلاس ایک بار پھر موخر

جہانگیر ترین بارے رپورٹ وزیراعظم کو پیش،اہم شخصیت کا بڑا دعویٰ

وزیراعظم نے جہانگیر ترین بارے کیا رپورٹ مانگی تھی؟ بیرسٹر علی ظفر کا انکشاف

اسلام آباد ہائیکورٹ نے جہانگیر ترین بارے درخواست پر فیصلہ سنا دیا

بریکنگ..شہزاد اکبر کھل کر جہانگیر ترین گروپ کیخلاف آ گئے، مقدمہ درج کروا دیا

مقدمہ درج ہونے کے بعد ترین گروپ کے ایم پی اے کا گرفتاری دینے کا اعلان