لاہور 07فروری 2021:
ڈی آئی جی آپریشنز ساجد کیانی نے شہر کے مختلف گرجا گھروں، نیو راوی بریج چیک پوسٹ سمیت اہم مقامات کا دورہ کیا. ساجد کیانی نے پولیس کی طرف سے کئے جانے والے سکیورٹی انتظامات کا جائزہ لیا. انہوں نے چیکنگ پوائنٹس کا معائنہ کیا اور موقع پر موجود افسران و جوانوں کو ضروری ہدایات دیں.انہوں نے ڈیوٹی پر تعینات پولیس جوانوں سے بات چیت کرتے ہوئے کہا کہ دوران ڈیوٹی الرٹ رہیں اور مشکوک افراد اور گاڑی پر کڑی نظر رکھیں. ساجد کیانی نے کہا کہ شہریوں سے خوش اخلاقی سے پیش آئیں اور ناکوں پر انہیں غیر ضروری تنگ نہ کیا جائے.ڈی آئی جی آپریشنز نے کہا کہ کرپشن اور اختیارات سے تجاوز ہر گز برداشت نہیں کیا جائے گا.ناکوں پر شہریوں کے ساتھ بدسلوکی اور کرپشن کی شکایت پر زیرو ٹالرنس ہو گا۔ قصوروار ثابت ہونے پر سخت مہکمانہ کارروائی عمل میں لائی جائے گی. انہوں نے مزید کہا کہ پولیس ناکے اور دیگر ضروری حفاظتی اقدامات شہریوں کی حفاظت یقینی بنانے کے لئے ہیں۔شہریوں کی جان و مال کی حفاظت کے لئے تمام ممکنہ اقدامات عمل میں لائے جا رہے ہیں.

ڈولفن سکواڈ اور پولیس ریسپانس یونٹ کے جوان ہوائی فائرنگ اور اسلحہ کی نمائش کرنے والے عناصر کا قلع قمع کریں۔
ڈی آئی جی آپریشنزساجد کیانی
لاہور،07 فروری2021:
ڈی آئی جی آپریشنزلاہورساجد کیانی نے کہا ہے کہ سٹریٹ کرائم کی روک تھام میں ڈولفن سکواڈ کا کلیدی کردار ہے۔ڈولفن سکواڈ اور پولیس ریسپانس یونٹ کے جوان ہوائی فائرنگ اور اسلحہ کی نمائش کرنے والے عناصر کا قلع قمع کریں۔ پولیس جوان اور شہری کورونا وباء سے بچاؤ کے لئے احتیاطی تدابیر اختیار کریں۔
ایس پی راشد ہدایت نے ڈولفن سکواڈ اور پولیس ریسپانس یونٹ کی ہفتہ وار کارکردگی رپورٹ سے آگاہ کرتے ہوئے بتایاکہ ڈولفن سکواڈ اور پولیس ریسپانس یونٹ کے جوان ہیلپ لائن15پر موصولہ تمام321کالزپر فوری ریسپانس عمل میں لائے۔ڈکیتی و چوری کی وارداتوں میں ملوث65 ملزمان کو گرفتار کر کے اُن کے قبضہ سے26موٹرسائیکلیں،19موبائل فونزاور43ہزارروپے سے زائد نقدی برآمد کی گئی۔ناجائزاسلحہ کے خلاف کارروائی کرتے ہوئے34پسٹلز،06رائفلز،02 پمپ ایکشن،43میگزین اور849گولیاں برآمد کی گئیں۔ منشیات کے خلاف کارروائی کے دوران شراب سمیت بھاری مقدار میں منشیات برآمد کی گی۔شہر کے مختلف علاقوں میں کمیونٹی پولیسنگ کو فروغ دیتے ہوئے44افراد کی مدد کی گئی۔دوران پٹرولنگ01لاکھ45ہزار590 موٹر سائیکلوں،2981 گاڑیوں اور01لاکھ50ہزارسے زائداشخاص کی چیکنگ عمل میں لائی گئی جبکہ81موٹر سائیکلوں،03 گاڑیوں اور34اشخاص کوکوائف نامکمل ہونے پر حراست میں لیا گیا۔جعلی نمبرپلیٹس والی02گاڑیوں اور05موٹر سائیکلوں کے خلاف کارروائی عمل میں لاکر مقدمات درج کئے گئے۔ ون ویلنگ میں ملوث27 جبکہ پتنگ و آتش بازی میں 02،02ملزمان گرفتار کئے گئے۔ڈولفن سکواڈ اورپولیس ریسپانس یونٹ کے جوانوں نے دوران پٹرولنگ اشتہاری سمیت 110 عادی و عدالتی مجرمان کو بھی گرفتار کیا۔

سی سی پی او لاہور غلام محمود ڈوگر کی ہدایت پر اندرون شہر ناجائز تعمیرات کے خلاف کامیاب ایکشن
کشمیری گیٹ میں غیر قانونی زیر تعمیر کثیر المنزلہ پلازہ سر بمہر کر دیا گیا. پولیس،والڈ سٹی اتھارٹی،ریونیو ڈیپارٹمنٹ اور ضلعی انتظامیہ کی ٹیموں نےمشترکہ آپریشن میں حصہ لیا۔
والڈ سٹی اتھارٹی کی 02کنال اراضی اور غیر قانونی سٹرکچر کی مالیت 03 ارب روپے سے زائد ہے۔پلازہ بدنام زمانہ طیفی بٹ قبضہ گروپ نےناجائز تجاوزات کے طور پر غیر قانونی تعمیر کیا۔سی سی پی او لاہور
لاہور میں اب قبضہ مافیا کے لئے کوئی جگہ نہیں،شہریوں کی املاک پر کسی کو قابض نہیں ہونے دیں گے۔غلام محمود ڈوگر
سی سی پی او لاہور کی قبضہ مافیا کے خلاف کامیاب کاروائی پر ایس ایس پی آپریشنز اور ایس پی سٹی کو شاباش۔ایس ایس پی آپریشنز،ایس پی سٹی کی زیر نگرانی ناجائز تجازات کے خلاف علی الصبح آپریشن کیا گیا۔اینٹی رائٹ فورس،ایلیٹ فورس،02 ڈی ایس پی،09 ایس ایچ اوز اور سینکڑوں جوانوں نےاینٹی تجاوزات آپریشن کو مکمل سکیورٹی فراہم کی۔
علاقے کو آپریشن سے قبل مکمل طور پر گھیرے میں لیا گیا،بلند عمارات پر پولیس جوان تعینات رہے۔آپریشن کے دوران کسی بھی ممکنہ مزاحمت کو روکنے کے لئے واٹر کینن اور پرژن وین بھی موقع پر موجود رہی۔

گورنر ہاؤس میں پنجاب چوہدری محمدسرور کا بیان سامنے آگیا ہے-

چوہدری محمدسرور نے کہا کہ 26مارچ کے بعد 27مارچ ہوگا اور کچھ نہیں ہوگا۔ دسمبرجنوری میں کچھ نہ کر سکنے والی اپوزیشن مارچ میں بھی ناکام ہی ہو گی ۔ 2023 تک مارچ آتے اور جاتے رہیں گے حکومت قائم رہے گی ۔ اپوزیشن جماعتوں کو ایک دوسرے پر اعتبار ہے اور نہ ہی ان میں اتفاق ہے۔ سینیٹ انتخابات کیلئے اوپن بیلٹ سے ووٹ چوری کاخاتمہ ہوجائے گا ۔ اتحادی جماعتیں اور عوام بھی حکومت کے بیانیہ کے ساتھ کھڑے ہیں ۔ لانگ مارچ سے حکومت کا خاتمہ اپوزیشن کی غلط فہمی کے سوا کچھ نہیں ۔ عوام نے تحریک انصاف کو پانچ سال حکومت کا مینڈ یٹ دیا ہے ۔

٭ سیاسی مخالفین کو مشورہ ہے صبر کے ساتھ2023 کے انتخابات کا انتظار کر یں ۔ سینیٹ انتخابات میں تحر یک انصاف اور اتحاد ی ہی کامیاب ہوں گے ۔ وزیر اعظم عمران خان قومی امنگوں کی ترجمانی کر رہے ہیں ۔ معاشی سمیت تمام شعبوں میں ملک کامیابی سے آگے بڑھ رہا ہے ۔ ملک کو عدم استحکام کا شکار کر نے کی کوشش کرنے والے عوام کے خیر خواہ نہیں ۔