ڈیڈ لائن گزر گئی،پی ڈی ایم والے منہ چھپاتے پھر رہے ہیں،میاں اسلم اقبال
باغی ٹی وی کی رپورٹ کے مطابق صوبائی وزیر صنعت و تجارت میاں اسلم اقبال نے اپنے کیمپ آفس میں پارٹی ورکرز سے خطاب کرتے ہوئے کہا ہے کہ پی ڈی ایم کی کمزور عمارت کرپٹ قیادت کے بوجھ سے گرنے والی ہے،
صوبائی وزیر صنعت و تجارت میاں اسلم اقبال کا کہنا تھا کہ چار عشروں تک ملک پر حکمرانی کرنے والے دو خاندانوں نے عوام کو ترقی کے نام پر دھوکہ دیا ن لیگ اور پیپلز پارٹی نے عوام کی محرومیاں بڑھانے کے سوا کچھ نہ کیا دونوں سیاسی جماعتوں کی قیادت نے ملک کو کنگال کیا اور قومی وسائل سے بیرون ملک محلات بنائے عوام قومی وسائل کو بے دردی سے لوٹنے والوں کے چہرے پہچان چکے ہیں
صوبائی وزیر صنعت و تجارت میاں اسلم اقبال کا کہنا تھا کہ اپوزیشن کی انتشار اور نفاق کی سیاست سے دور رہ کر عوام نے لٹیروں کو واضح پیغام دے دیا ہے ذاتی مفادات کے تحفظ کیلئے پی ڈی ایم کی چھتری تلے اکھٹے ہونے والے مایوسی کا شکار ہیں منتخب وزیراعظم کو 31جنوری تک استعفے کی ڈیڈ لائن دینے والے منہ چھپاتے پھر رہے ہیں عوام نے کرپٹ اپوزیشن کو خدمت کا موقع دیا تو انہوں نے غریب عوام کے حق پر ڈاکہ ڈالا ملک میں کرپشن کی ترویج میں دوخاندانوں کے کردار کو قوم نہ بھولی
صوبائی وزیر صنعت و تجارت میاں اسلم اقبال کا کہنا تھا کہ 2018کے انتخابات میں عوام نے کرپٹ ٹولے کو مسترد کیا تو یہ عوام دشمنی پر اتر آئے ملک کے باشعور عوام نے اپوزیشن کے ترقی مخالف ایجنڈے اور سازش کو ناکام بنادیا وزیر اعظم عمران خان ملک کو کرپشن کی لعنت سے پاک کرنے کیلئے پر عزم ہیں ملک کی تاریخ میں پہلی بار بڑے مگرمچھ احتساب کے شکنجے میں آئے ہیں کرپشن کے خلاف جنگ کو منطقی انجام تک پہنچائیں گے قومی وسائل کی لوٹ مار کرنے والے ہر کردار کو حساب دینا ہوگا،
باغی ٹی وی کی رپورٹ کے مطابق خواجہ سراؤں کا ان کی تعلیمی قابلیت کے مطابق تمام ملازمتوں میں کوٹہ مقرر کرنے کے مطالبے کی قرارداد پنجاب اسمبلی میں جمع کروا دی گئی
قرارداد تحریک انصاف کی رکن پنجاب اسمبلی مومنہ عحید کی جانب سے جمع کرائی گئی ،قرارداد کے متن میں کہا گیا کہ پاکستان کی پارلیمنٹ نے 2018 میں خواجہ سراؤں کے حقوق کے تحفظ اور مساوی حقوق کی فراہمی کا قانون منظور کیا۔جو پورے پاکستان میں نافذ العمل ہے۔اس ایوان کی رائے ہے کہ خواجہ سراؤں کو قانون کے مطابق ان کے حقوق نہیں دیئے جا رہے۔
قرارداد کے متن میں مزید کہا گیا کہ انہیں تعلیمی قابلیت کے باوجود سرکاری ملازمتوں میں حصہ نہیں دیا جا رہا۔ یہ ایوان خواجہ سراء فیاض اللہ عرف فیضی کو تعلیمی قابلیت پوری ہونے کے باوجوہ محکمہ تعلیم پنجاب میں بھرتی کے عمل میں شامل نہ کرنے پر محکمہ تعلیم اور پنجاب پبلک سروس کمیشن کے کردار کی بھرپور مذمت کرتا ہے۔
قرارداد کے ذریعے مطالبہ کیا گیا کہ پنجاب کا ایوان مطالبہ کرتا ہے کہ خواجہ سراء تحفظ حقوق ایکٹ 2018 پر مکمل عملدرآمد کیا جائے۔ خواجہ سراؤں کا ان کی تعلیمی قابلیت کے مطابق تمام ملازمتوں میں کوٹہ مقرر کیا جائے۔
ستمبر سیشن کو مسلط کر کے طلبا کا مزید تیسرا سال ضائع نہیں ہونے دینگے،کاشف مرزا
باغی ٹی وی کی رپورٹ کے مطابق کاشف مرزا صدرآل پاکستان پرائیویٹ سکولز فیڈریشن نے کہا ہے کہ تعلیم بحالی تحریک کی کامیابی تدریس کا سلسلہ بحال ہونے پر پوری قوم کو مبارکباد ہو،
کاشف مرزا کا کہنا تھا کہ تعلیمی اداروں،مالکان،انتظامیہ،ٹیچرز،والدین،طلبا، سول سوسائیٹی اور حکومت نے ملکر SOPs کو یقینی اور بچوں کو محفوظ بنانا ہے ،بچوں کی تعلیم،صحت وتحفظ اولین ترجیح ، کوتاہی برداشت نہیں کریں گے سنگل شفٹ سے کرونا پھیلنے کا شدید خطرہ،ڈبل شفٹ کے تحت ریگولرکلاسز کی جائیں۔ متبادل دن پالیسی سے کورس نامکمل اور شدید تعلیمی نقصان ہوگا
کاشف مرزا کا کہنا تھا کہ سرکاری سکولز میں زیر تعلیم 2.5 کروڑ طلبا کیلیے SOPs پر کیلیے 50ارب روپےدرکار،فوری ادا کیے جائیں۔ سنگل نیشنل کریکلم تاحال کتب مارکیٹ میں میسر نہ ہیں۔“ون نیشن ون کریکولم‘‘سہانا خواب،عملیت سے تعلق نہیں۔نیاسیشن کا آغاز اپریل سے ہی ہوگا۔ ستمبر سیشن کو مسلط کر کےطلبا کا مزید تیسرا سال ضائع نہ ہونےدیں گے-وفاقی وصوبائی محکمہ تعلیم کی نا اھلیت کہ یکساں قومی نصاب ادھورا ہے۔
کاشف مرزا کا کہنا تھا کہ پری نرسری،نرسری اور پریپ پر کا نصاب تیار ہی نہیں کیا گیا۔سنگل نیشنل کریکم کی آڑ میں ایلیٹ کلاس کو استثنی دے کر طبقاتی نظام اورSNC کا کھوکھلا نعرہ لگایا گیا ہے۔
واضح رہے کہ اس سے قبل پاکستان میں کرونا وائرس کی دوسری لہر اور بڑھنے کیسز پر گزشتہ سال 26 نومبر سے ملک بھر میں تعلیمی ادارے بند کرنے کا اعلان کیا گیا تھا۔ قبل ازیں گزشتہ سال 23 مارچ کی پہلی بندش کے بعد تعلیمی اداروں کو گزشتہ سال 15 دسمبر سے مرحلہ وار کھولا گیا تھا
مسلم لیگ(ن) نے پیٹرولیم مصنوعات کی قیمتوں میں اضافہ مسترد کردیا
وفاقی حکومت سے پیٹرول کی قیمت میں اضافہ واپس لینے کے مطالبے کی قرارداد پنجاب اسمبلی میں جمع کروا دی گئی،قرارداد مسلم لیگ(ن) کی رکن حناپرویز بٹ کی جانب سے جمع کرائی گئی
قرارداد کے متن میں کہا گیا کہ پنجاب اسمبلی کا یہ ایوان پیٹرولیم مصنوعات کی قیمتوں میں اضافہ مسترد کرتا ہے ،یہ ایوان ایک ماہ میں تین مرتبہ پیٹرول کی قیمتوں میں اضافے کی مذمت کرتا ہے ،حکومت نے دو ماہ میں پیٹرول کی قیمت میں 16روپے سے زائد اضافہ کیا ،پیٹرول کی قیمت میں اضافے کا اثر ہر ضرورت اشیاءپر پڑتاہے پیٹرول مہنگا ہونے سے ہر چیز کی قیمت میں بھی مزید اضافہ دیکھنے میں آتا ہے
قرار داد کے ذریعے وفاقی حکومت سے مطالبہ کیا گیا کہ پیٹرولیم مصنوعات کی قیمتوں میں اضافہ فوری واپس لیا جائے
گڈزٹرانسپورٹرزایسوسی ایشن نے پیٹرولیم مصنوعات کی قیمتوں میں اضافے کومسترد کر دیا .صدر گڈزٹرانسپورٹرزایسوسی ایشن نے کہا کہ حکومت پیٹرولیم مصنوعات کی قیمتوں میں اضافہ فوری واپس لے،حکومت اپنی ضروریات پوری کرنے کے لئے ایسےاقدامات کررہی ہے
باغی ٹی وی کی رپورٹ کے مطابق ملک بھر میں تعلیمی سرگرمیوں کا دوبارہ آغاز ہو گیا، سکول کھل گئے
تمام صوبوں میں پہلی سے آٹھویں تک کلاسز کا آغاز ہوگیا، یونیورسٹیوں میں بھی تعلیمی سرگرمیاں بحال ہوگئیں، حکومت نے تعلیمی اداروں میں کورونا ایس او پیز پر عملدرآمد لازمی قرار دیا ہے۔
محکمہ سکول یجوکیشن اور ہائر ایجوکیشن کے مطابق طلبا کو متبادل دنوں میں بلایا جائے گا۔ سکولوں اور کالجز میں سمارٹ نصاب کے مطابق تعلیم دی جا رہی ہے جبکہ کچھ جامعات میں آن لائن اور بعض میں طلبا کے امتحانات آن کیمپس ہوں گے۔ تمام تعلیمی اداروں میں کورونا ایس او پیز پر عملدرآمد لازمی قرار دیا گیا ہے۔
طلبا و طالبات نے ماسک لگا رکھے ہیں اور ہاتھوں کو سینی ٹائرز کیا جا رہا ہے، کلاس رومز میں بچوں کو سماجی فاصلہ رکھنے کی ہدایت کی گئی ہے۔ کورونا وائرس کے باعث پاکستان بھر میں تعلیمی اداروں کو دوسری دفعہ بند کردیا گیا تھا تا ہم تعلیمی ادارے کھل گئے ہیں، طلبا تعلیمی اداروں میں پہنچے ہیں، تعلیمی اداروں میں کرونا ایس او پیز کا خیال رکھنے کی ہدایت کی گئی ہے
کورونا کی دوسری لہر میں شدت آنے پر 26 نومبر 2020 کو تعلیمی اداروں کو بند کیا گیا تھا۔ صورتحال قدرے بہتر ہونے پر سکول، کالجز اور یونیورسٹیوں کو کھولنے کی اجازت دی گئی ہے۔
دوسری جانب حکومت پنجاب کی جانب سے کورونا وائرس کے حوالے سے بدلتے حالات کے پیش نظر نئے ایس او پیز جاری کر دیئے گئے۔ جاری نوٹیفکیشن کے مطابق تمام سرکاری اور نجی اداروں کے 50 فیصد ملازمین گھر سے کام کریں گے۔
فوڈ پوائنٹس، ریسٹورانٹ کو رات 10 بجے بند کرنے کی پابندی ختم کر دی گئی۔ تمام کھانے پینے کے پوائنٹس رات 10 بجے کے بعد بھی کھلے رکھے جا سکتے ہیں۔ ریسٹورانٹ، ہوٹل اور تمام قسم کے فوڈ پوائنٹس کھانے پینے کے انتظامات صرف کھلی جگہوں پر کر سکتے ہیں۔
تمام پارکس، تفریحی مقامات شام 6 بجے بندکر دیئے جائیں گے۔ شادی بیاہ و دیگر تقریبات کے انتظامات بھی صرف کھلی جگہوں پر کیے جا سکیں گے۔ جاری کردہ ہدایات کی خلاف ورزی کرنے والے اداروں اور فوڈ پوائنٹس کے خلاف سخت قانونی کارروائی عمل میں لائی جائے گی
وفاقی نظامت تعلیم کے مطابق نیا تعلیمی سال 2 اگست سے شروع ہو گا، موسم گرما کی چھٹیاں کم کر کے ایک ماہ کر دی گئیں،موسم گرما کی چھٹیاں 2سے31جولائی تک ہوں گی، پانچویں اور آٹھویں کے مرکزی امتحانات 18 سے 31مئی تک ہوں گے،
پہلی سے چوتھی اور چھٹی ساتویں کے امتحانات ادارے یکم سے 15جون تک لیں گے،پانچویں اور آٹھویں کے مرکزی امتحانات کے نتائج کا اعلان 30جون کو ہوگا ،پہلی سے چوتھی اور ساتویں آٹھویں کے امتحانات کے نتائج کا اعلان یکم جولائی کو ہو گا
وزیر تعلیم شفقت محمود نے کہا ہے کہ رواں سال اگست سے اسکولوں کے تعلیمی سال کا آغاز ہو گا،وفاقی وزیر تعلیم شفقت محمود کا کہنا تھا کہ نجی اسکولوں کو قومی نصاب کے مطابق کسی بھی نصابی کتاب کو استعمال کرنے کا اختیار ہے،کتاب کو استعمال کرنے سے متعلق صوبائی حکومت سے این او سی لینا لازم ہوگا،
واضح رہے کہ اس سے قبل پاکستان میں کرونا وائرس کی دوسری لہر اور بڑھنے کیسز پر گزشتہ سال 26 نومبر سے ملک بھر میں تعلیمی ادارے بند کرنے کا اعلان کیا گیا تھا۔ قبل ازیں گزشتہ سال 23 مارچ کی پہلی بندش کے بعد تعلیمی اداروں کو گزشتہ سال 15 دسمبر سے مرحلہ وار کھولا گیا تھا
لاہور : لال پل، فتح گڑھ، لاری اڈا، داتا دربار اور بادشاہی مسجد کے اطراف لکشمی چوک، چوبرجی چوک سمیت 120 علاقوں میں نشہ کے عادی افراد کے ڈیرے منشیات کے استعمال میں تشویشناک حد تک اضافہ، خواتین کی بڑی تعداد بھی مبتلا، شہر میں کھلی سڑکوں پر منشیات عام ہو گئی، جبکہ پولیس خاموش تماشائی بنی ہوئی ہے۔ نشہ کے عادی افراد نے 120 مقامات پر ڈیرے جما لئے۔ لال پل، فتح گڑھ، مغلپورہ، ہربنس پورہ، باغبان پورہ اور پارکوں سمیت دیگر علاقوں میں کھلے عام نشے کا استعمال اور ٹیکے لگائے جا رہے ہیں ،سب سے زیادہ نوجوان نسل متاثر ہو رہی ہے ۔ ذرائع کے مطابق شہر میں 2020 کے دوران منشیات کی طلب اور رسد میں تشویشناک حد تک اضافہ ہوا ہے جس کی وجہ ملک میں معاشی عدم استحکام، مہنگائی ،بیروزگاری وغیرہ شامل ہیں۔ خواتین کی بڑی تعداد بھی نشہ جیسی لت کا شکار ہو رہی ہے ۔لاری اڈا، علی پارک، داتا دربار اور بادشاہی مسجد کے اطراف، ایف سی کالج میٹر وسٹیشن، پرندہ مارکیٹ، بھاٹی، موچی گیٹ، لوہاری، ٹیکسالی، شاہدرہ، لاہور ہوٹل، لکشمی ، ریگل، گنگا رام، چوبرجی چوک، سبزہ زار، علامہ اقبال ٹاؤن، گلشن راوی بند روڈ، شیر پاؤپل، مسلم ٹاؤن موڑ، کوآپ سٹور، مصری شاہ اور دیگر علاقوں میں منشیات کا استعمال ہو رہا ہے۔ ذرائع کے مطابق پاکستان میں نشہ کرنے والے افراد کی تعداد 2013 میں 67 لاکھ اور 2020 میں ایک کروڑ تک پہنچ چکی ہے ۔ترجمان پنجاب پولیس نے کہا انجکشن نشہ کو کنٹرول کرنا محکمہ ہیلتھ کا کام ہے کیونکہ نشئی انجکشن سمیت دیگر نشہ آور اشیا میڈیکل سٹورز سے لیکر استعمال کرتے ہیں۔ چیف ڈرگ کنٹرولر پنجاب اظہر جمال سلیمی نے کہا میڈیکل سٹورز پر نشہ آور ادویات کی روک تھام کیلئے اقدامات کئے جا رہے ہیں، بغیر نسخہ کے کسی کو بھی نارکوٹکس ادویات نہیں دی جا رہیں، اگر کوئی میڈیکل سٹور یا فارمیسی ایسا کر رہی ہے تو اس کے خلاف کارروائی کی جا رہی ہے ۔
پاکستان کے سینئیر اینکر پرسن اور صف اول کے مبشر لقمان کا کہنا ہے کہ صحافی پاکستان جغرافیائی طو ر پر جنوبی ایشیاء کا ایک اہم ترین ملک ہے ، جو مسلم دنیا کی واحد ایٹمی طاقت اور مسلم دنیا کی طاقت ور ترین مشینری رکھنے والا ملک ہے۔
باغی ٹی وی : اپنے یو ٹیب چینل پر جاری ویڈیو میں مبشر لقمان نے پاکستانی افواج اور حساس اداروں کے بارے میں بات کرتے ہوئے کہا کہ میں آپکو بتاوں کہ پاکستانی چیف اور پاکستانی فورسز ہمیشہ بڑے بڑے دعوے کرنے سے گریز کرتے ہیں۔ وہ بڑی بڑی باتوں کے بجائے مختصر اور جامع گفتگو کرنے کے عادی ہیں اور اس کا سب سے بڑا ثبوت ابھی نندن والی episodeمیں ساری دنیا کو پتہ چل چکا ہے ۔
انہوں نے کہا کہ اس وقت خطے میں پاکستانی بری فوج کے علاوہ ایئر فورس اور پاک نیوی کا بھی کوئی مقابلہ نہیں ہے میزائل ٹیکنالوجی میں تو ہم کب کا بھارت کو مات دے چکے ہیں تو دوسری جانب آپ دیکھیں خطے میں پاکستان پہلا ملک بن چکا ہے جو artificial intelligenceمیں مہارت حاصل کر چکا ہے یہاں تک کہ ابھی بھی بھارتی اس چیز پر پریشان ہیں کہ کیسے ابھی نندن والے واقعے میں پاکستان نے بھارتی جہازوں کا رابطہ کنڑول ٹاور سے منقطع کر دیا تھا-
مبشر لقمان کا کہنا تھا کہ اس وقت پاکستان کی تمام مسلح افواج نے بھارت کی cold star doctrineسے لے کر ہر طرح کی جارحیت کا موثر توڑ نکالا ہوا ہے اسی لیے تو مودی پاگل ہوا ہے اور دھڑا دھڑا بھارت اسلحہ کے انبار لگا رہا ہے کیونکہ اس کو پتہ چل گیا ہے کہ اس وقت مہارت ، قابلیت ، اسٹریٹجی اور ٹیکنالوجی میں پاکستان بھارتی افواج سے بہت آگے نکل چکا ہے اسلیے تو مودی اب کبھی امریکہ کے ترلے منتے کر رہا ہے تو کبھی اسرائیل کو بھلا پھسلا کر ڈراون حاصل کر رہا ہے ۔ تو کبھی اپنی اوقات سے بڑھ کر مہنگے داموں رافیل کی ڈیلیں کرتا پھر رہا ہے ۔ تو کبھی روس کے پاؤں پڑ جاتا ہے کہ S-400 میزائل دے دو ۔
سینئیر صحافی نے کہا کہ یہاں میں آپکو یہ بھی یاد کروا دوں کہ بھارتی فوج ہی نہیں بلکہ انکے سربراہ بھی پاکستان کے خوف سے ذہنی دباؤ کا شکار رہتے ہیں جنرل منوج مکنڈ تو میڈیا کے سامنے اس بات کا اعتراف کرچکے ہیں جب بھارتی فوج کے سربراہ کا یہ حال ہو تو باقی فوج دماغی طور پر کیسے مضبوط ہوسکتی ہے۔ اسی لیے تو بھارت کی تینوں افواج کے مشترکہ تھنک ٹینک، united service institue of india کی حالیہ رپورٹ میں انکشاف کیا گیا کہ بھارت کے تیرہ لاکھ فوجیوں میں سے آدھے سخت ترین ذہنی تناؤ کا شکار ہیں۔
انہوں نے بتایا کہ جبکہ بھارتی میڈیا کے مطابق بھارتی کی نام نہاد ظالم فوج کا عالم یہ ہے کہ 2008ء سے لیکر 2020ء کے دوران 1900
سے زائد فوجی اپنی زندگی کا خاتمہ کر چکے ہیں۔
مبشر لقمان کے مطابق بھارتی فوج میں اصل بیماری کی جڑ جوانوں اورافسروں کے مابین امتیازی سلوک ہے بھارتی فوج کی خواتین اعلی افسران کی جنسی زیادتیوں کی وجہ سے خودکشی کر لیتی ہیں بھارتی فوج کے ایک ریٹائرڈ بریگیڈیئر ڈاکٹر وکرم چوپڑہ کا کہنا ہے کہ کشمیرمیں بھارتی فوج کی اکثریت خطرناک امراض کا شکارہوچکی ہے بھارتی فوجی خود کو کشمیری قوم کا مجرم تصور کر رہے ہیں۔
سینئیر صحافی نے مزید انکشاف کیا کہ مقبوضہ وادی میں تعینات8لاکھ فوجیوں کا نصف کسی بھی دوسرے علاقہ میں پوسٹنگ کرانے کی تگ ودومیں مصروف ہیں۔بھارتی فوجیوں میں سب سے زیادہ خودکشی کا رجحان کشمیرمیں تعینات فوجی اہلکاروں میں ہے اور ہر سال درجنوں فوجی اپنی ہی بندوقوں سے اپنی زندگی کا خاتمہ کر لیتے ہیں۔
انہوں نے کہا کہ صرف پاکستانی افواج ہی نہیں اسی طرح آئی ایس آئی کا شمار بھی دنیا کے بہترین اور قابل حساس اداروں میں ہوتا ہے۔ اس وقت جو ملک میں امن وامان کا دور دورہ ہوا ہے ۔ اس میں آئی ایس آئی کی کاوشوں کو بھی نظر انداز نہیں کیا جا سکتا ہے ۔ کلبوشن یادو اس کی اعلی ترین کارکردگی کا منہ بولتا ثبوت ہے ۔ آئی ایس آئی نے افغانستان سے لے کر پاکستان اور دنیا کی ہر جگہ ملک دشمنوں کا مقابلہ بھی کیا ہے اور صفایا بھی کیا ہے ۔
انہوں نے کہا کہ اسی مسلسل بہتر کارکردگی کے بعد ہی تو افواجِ پاکستان دنیا کی دس بہترین افواج میں شامل ہوئی ہیں گلوبل فائر پاور کی جانب سے رواں سال 2021 کیلئے جاری کی گئی فہرست میں پاکستان کی پانچ درجے بہتری ہوئی ہے اور یہ 15 ویں نمبر سے 10 ویں نمبر پر آگیا ہے۔
مبشر لقمان کے مطابق دنیا کی دس بہترین افواج میں شامل ہونا ہر پاکستانی کے لیے باعث فخر ہے۔ افواجِ پاکستان نے یہ اعزاز مسلسل محنت، پیشہ وارانہ مہارت، خطرات کا مقابلہ کرنے کی اہلیت، اہداف کو حاصل کرنے کی صلاحیت، بہترین کارکردگی اور میرٹ کی بنیاد پر حاصل کیا ہے۔
سینئیر صحافی کا کہنا تھا کہ میرٹ کے حوالے سے تو پاک افواج کا کسی سے بھی مقابلہ نہیں بنتا ہے ۔ پاکستانی افواج واحد ایسا ادارہ ہے جہاں کسی کی ذات ، رنگ ، نسل ، مذہب ، تعلق اور عہدے سے ہٹ کر صرف اور صرف قابلیت اور ملک کی خاطر کچھ کرنے کے جذبے کو اہمیت دی جاتی ہے ۔
انہوں نے کہا کہ فوج کی پیشہ وارانہ مہارت کا اندازہ لگانے کے لیے یہ نئی درجہ بندی ہی کافی ہے کیونکہ ہر طرف سے دشمنوں میں گھرے ہوئے، معاشی مسائل سے دوچار اور وسائل کی کمی کے شکار ملک کی فوج عالمی سطح پر مسلسل ترقی کر رہی ہے۔ وسائل کے اعتبار سے دنیا کی بہترین افواج کے ساتھ موازنہ کیا جائے تو شاید یہ دو تین فیصد سے زیادہ نہیں ہو گا لیکن اس کے باوجود افواج پاکستان نے مسلسل محنت، پیشہ وارانہ مہارت، جوش و جذبے، لگن اور مادر وطن کے دفاع میں دن رات ایک کرتے ہوئے عالمی سطح پر بھی صلاحیتوں کا لوہا منوایا ہے۔آپ دیکھیں پہلے پہل باجوہ ڈاکٹرائن پر خاصی تنقید ہوتی رہی ہے لیکن آج دنیا ان کی صلاحیتوں اور کامیابیوں کا اعتراف کر رہی ہے۔
انہوں نے مزید کہا کہ پر پاک فوج نے آپریشن ردالفساد سے لے کر ملک میں بدامنی پھیلانے، امن و امان کے دشمنوں اور بیرونی آقاؤں کے اشاروں پر کام کرنے والوں کو عبرت کا نشان بنایا ہے۔ پاک فوج کی وجہ سے ہی آج ملک میں امن و امان کے حالات مثالی ہیں۔ بیرونی دنیا کا پاکستان پر اعتماد بڑھ رہا ہے۔ غیر ملکی ٹیمیں یہاں آ کر کھیل رہی ہیں اور پاکستان دنیا کے نقشے پر ایک مرتبہ پھر تیزی سے ایک پرامن ملک کے طور پر ابھر رہا ہے۔
منشر لقمان نے کہا کہ ہمیں یاد رکھنا چاہیے کہ مضبوط فوج ہی محفوظ ملک کی ضمانت ہے۔ دشمن ہر وقت پاکستان کو نقصان پہنچانے کے منصوبے بناتا رہتا ہے۔ ان حالات میں فوج کے پاس آرام کا کوئی وقت نہیں ہے انہوں نے ہر قسم کے حالات میں دفاع وطن کو یقینی بنانا ہے۔ خوشی کی بات ہے کہ ملکی دفاع مضبوط ہاتھوں میں ہے۔ خوشی کی بات ہے کہ فوج ناصرف اپنی ذمہ داریاں عمدہ و احسن انداز میں نبھا رہی ہے بلکہ وہ دنیا کا مقابلہ بھی کر رہی ہے۔
انہوں نے ضخواہش ظاہر کی کہ کاش کہ ہمارے سیاستدان بھی فوج کی اس کارکردگی، پیشہ وارانہ مہارت، انتھک محنت، مقصد سے محبت اور دنیا پر اپنی دھاک بٹھانے کے جذبے سے کچھ سیکھیں۔ وہ ہر وقت فوج کو سیاسی معاملات میں ملوث کرتے رہتے ہیں اس کے باوجود کہ اندرونی سطح پر فوج کو مختلف معاملات میں الجھانے کی کوشش کی جاتی ہے فوج غیر جانبدار رہتے ہوئے اپنا کام کر رہی ہے۔ ان حالات میں جب ہر طرف سے مسائل نے گھیرا ہو اہے فوج نے ثابت کیا ہے کہ مقصد کے ساتھ سچی لگن ہو تو کامیابی سے کوئی نہیں روک سکتا۔ اگر ہماری فوج مشکلات کے باوجود کامیابیاں حاصل کر سکتی ہے تو دیگر اداروں کو بھی اس سے سبق حاصل کرنا چاہیے۔ مسائل اور وسائل کی کمی کا رونا رونے کے بجائے وسائل پیدا کرنے اور مسائل کم کرنے کے لیے کام کیا جائے تو مشکلات میں کمی واقع ہو سکتی ہے۔
مبشر لقمان کے مطابق ہمارے سیاستدانوں کے لیے بھی ایک سبق ہے کہ وہ متحد ہو کر ملک کو معاشی طور پر مضبوط بنانے کے لیے کام کریں تو پاکستان صرف دفاع ہی نہیں ہر شعبے میں ترقی کر سکتا ہے۔
سینئیر صحافی نے کہا کہ اللہ اس ملک کو تاقیامت قائم و دائم رکھے، اس ملک کو اسلام کا قلعہ بنائے، اس ملک کو عالم اسلام کی خدمت کرنے کی توفیق عطاء فرمائے، اس ملک کو عالم اسلام کی رہنمائی کی توفیق عطاء فرمائے، اس ملک کو دنیا میں اسلام کا جھنڈا لہرانے کی توفیق عطاء فرمائے۔ آمین
ماضی کی معروف اداکارہ اور لالی وڈ معروف اداکار شان شاہد کی والدہ نیلو بیگم کی تدفین کردی گئی۔
باغی ٹی وی : اداکار شان شاہد کی والدہ نیلو بیگم کی نماز جنازہ لاہور میں ادا کی گئی نمازجنازہ میں فلمی و سماجی شخصیات کی کثیر تعداد نے شرکت کی اور مرحومہ کی مغفرت کے لیے دُعا کی۔
80 سالہ نیلو بیگم کافی عرصے سے کینسر کے مرض میں مبتلا تھیں اور گزشتہ روز لاہور میں انتقال کرگئی تھیں اداکارہ نیلو بیگم فلم ڈائریکٹر مرحوم ریاض شاہد کی اہلیہ اور اداکار شان کی والدہ تھیں جبکہ ان کا اصل نام عابدہ ریاض تھا۔
واضح رہے کہ پاکستان فلم انڈسٹری میں نیلو کے نام سے شہرت پانے والی عابدہ ریاض کا پیدائشی نام سنتھیا الیگزینڈر فرنینڈس تھا۔ اور وہ 30 جون 1940 کو بہرہ، سرگودھا میں پیدا ہوئیں۔ 16 برس کی عمر میں انہوں نے لاہور میں فلمائی گئی ہالی ووڈ فلم ’’بھوانی جنکشن‘‘ سے فنی زندگی کا آغاز کیا۔نیلو نے کئی یادگارفلمیں دیں۔ فلم سات لاکھ میں جلوہ گرہوئیں تو گانا”آئے موسم رنگیلے سہانے“اُن کی پہچان بن گیا لیکن انہوں نے شہرت پاکستانی فلموں میں آئٹم سانگ سے پائی۔
شاہ ایران کے سامنے رقص کے لئے مجبور کرنے پر نیلو نے خواب آور گولیاں کھا لیں جس پر نامور شاعر حبیب جالب نے نظم لکھی۔نیلو نے معروف ہدایتکار ریاض شاہد سے شادی کی اور اپنا نام عابدہ رکھا۔آج کا سپر اسٹار شان اُن کا صاحبزادہ ہے۔
پاکستان فلم انڈسٹری میں نیلو کے نام سے شہرت پانے والی عابدہ ریاض کا پیدائشی نام سنتھیا الیگزینڈر فرنینڈس تھا۔ اور وہ 30 جون 1940 کو بہرہ، سرگودھا میں پیدا ہوئیں اور اپنے فنی کیریئر میں دوشیزہ،عذرا،زرقا،بیٹی،ڈاچی،جی دار جیسی یادگار فلموں میں کام کیا-
لاہور31جنوری: وزیراعلیٰ پنجاب سردار عثمان بزدارکا اپوزیشن کے اتحاد کے حوالے سے کہا کہ پی ڈی ایم کا بلامقصد احتجاج دم توڑ چکا ہے۔ اپوزیشن کے پاس ماسوائے شرمندگی کے کچھ نہیں بچا۔ جھوٹ اور منفی سیاست زیادہ دیر نہیں چلتی۔ اپوزیشن جماعتوں کا غیر فطری اتحاد اپنے منطقی انجام کی جانب بڑھ رہا ہے۔ ان عناصر نے قومی مفادات کو یکسر فراموش کیا۔
وزیراعلی عثمان بزدار کا مزید کہنا تھا کہ ملک کی ترقی کے سفر میں رخنہ ڈالنے والوں کو عوام بری طرح مسترد کر چکے ہیں۔ اپوزیشن جماعتوں نے ہر موقع پر ترقی کے سفر کو روکنے کی کوشش کی۔ مشکل حالات کے باوجود آگے کی جانب بڑھ رہے ہیں اور بڑھتے رہیں گے۔
لاہور31 جنوری: ”تھینک یو وزیراعلی پنجاب سردار عثمان بزدار”
سیالکوٹ ڈویلپمنٹ اتھارٹی کے قیام کی منظوری پر تاجر برادری اور صنعتکاروں کا وزیر اعلی عثمان بزدار سے اظہار تشکر- وزیر اعلی پنجاب سردار عثمان بزدار کو سیالکوٹ چیمبر آف کامرس اینڈ انڈسٹری کا تہنیتی خط وصول ہوا جس میں سیالکوٹ چیمبر آف کامرس اینڈ انڈسٹری کے صدر قیصر اقبال بریار کا سیالکوٹ ڈویلپمنٹ اتھارٹی کے قیام پر وزیر اعلی عثمان بزدار کو زبردست خراج تحسین پیش کیا-
صدرچیمبر آف کامرس اینڈ انڈسٹری سیالکوٹ کا کہنا تھا کہ سیالکوٹ ڈویلپمنٹ اتھارٹی کا قیام شہر کی ترقی کے لئے حکومت کا انقلابی اقدام ہے –
قیصر اقبال بریارنی اس موقعےکی مناسبت سے کہا کہ ایس ڈی اے کے قیام سے شہر کے تعمیراتی اور دیگر حل طلب امور کو حل کرنے میں اور شہر کی سڑکو ں کی پلاننگ،مینجمنٹ اور روڈ انفراسٹرکچر کو بہتر بنانے میں مدد ملے گی – سیالکوٹ ڈویلپمنٹ اتھارٹی سے شہر میں سینی ٹیشن اور سیوریج کے مسائل بھی حل ہو سکیں گے –
صدرچیمبر آف کامرس اینڈ انڈسٹری کا مزید کہنا تھا کہ سیالکوٹ کی بزنس کمیونٹی ایس ڈی اے کے قیام کے لئے بھرپور کاوشیں کرنے پر وزیر اعلی عثمان بزدار کی خدمات کو قدر کی نگاہ سے دیکھتی ہے – وزیر اعلی عثمان بزدار نے 9 دسمبر کو دورہ سیالکوٹ میں کیا گیا وعدہ پورا کر کے دل جیت لئے ہیں – سیالکوٹ کی تاجر برادری حکومتی اقدامات کو قدر کی نگاہ سے دیکھتی ہے – تاجر برادری آنے والے سالو ں میں ایکسپورٹ بڑھانے کا عہد پورا کرنے کے لئے کوشاں ہے –
