Category: لاہور

سی سی پی او لاہور کا انتہائی اہم فیصلہ عدالت میں چیلنج
باغی ٹی وی کی رپورٹ کے مطابق سی سی پی او لاہور کی جانب سے قبضہ گروپ کی جاری فہرست لاہور ہائیکورٹ میں چیلنج کر دی گئی

عدالت نے درخواست گزار وکیل کو اس نوعیت کے کیسز کے فیصلے پیش کا حکم دیدیا ،عدالت نے درخواست پر سماعت 25 جنوری تک ملتوی کردی

جسٹس سردار سرفراز ڈوگر نے رانا فراصت کی درخواست پر سماعت کی ، درخواست گزار کی طرف سے سید فرہاد علی شاہ ایڈووکیٹ پیش ہوئے،وکیل درخواست گزار نے کہا کہ ہائیکورٹ گزشتہ سال جاری کی جاری کی جانیوالی فہرست کیخلاف حکم امتناعی جاری کر چکی ہے، پولیس کی جانب سے جاری بدمعاش، بھتہ خوروں اور قبضہ گروپ کی فہرست غیر قانونی ہے،

درخواست گزار نے کہا کہ عدالت سے سزا یافتہ ہونے سے قبل درخواست کو قبضہ گروپ، بھتہ خور اور بدمعاش کی فہرست میں شامل کرنا غیر قانونی ہے، پولیس کی جانب سے گذشتہ برس جاری فہرست کے بعد مقدمات کے چالان عدالت میں پیش کئے جا چکے ہیں، درج مقدمات میں عدالتی کارروائی کا سامنا کررہے ہیںعدالت سی سی پی او لاہور کی جاری کردہ نئی فہرست کو کالعدم قرار دے،

لاہور ، وزیر جیل خانہ جات پنجاب فیاض الحسن چوہان نے بیگم صفدر اعوان کی جانب سے پی ٹی آئی پر بی جے پی کے رہنما اندرجیت دوسانجھ سے فنڈنگ لینے کے الزام پر اپنے ردعمل میں کہا ہے کہ بیگم صفدر اعوان اپنے بے سر و پا بیانات کے باعث رسوائی اور جگ ہنسائی کا سمبل بن چکی ہیں۔

انہوں نے کہا کہ پی ٹی آئی اور بی جے پی پر ساز باز کا الزام لگانے والی بیگم صفدر اعوان کی اپنی بیٹی کی شادی پر بی جے پی سے بھارتی وزیراعظم نریندر مودی بغیر ویزہ پاکستان آۓ۔ نریندر مودی اور نواز شریف سفارتی آداب کو بالائے طاق رکھتے ہوئے ہاتھوں میں ہاتھ ڈال کر گھومتے رہے.

انہوں نے مزید کہا کہ مریم نواز نے بھی اپنے والد کے نقش قدم پر چلتے ہوۓ غلط پرچی کا سہارا لیکر اپنی سبکی کروالی۔ مذکورہ بی جے پی لیڈر اندرجیت دوسانجھ کا پاکستان تو کیا پوری بی جے پی کو بھی ملنا ناممکن نظر آرہا ہے .فیاض الحسن چوہان کا کہنا تھا کہ مریم نواز نے پہلے لاہور میں روٹی تیس روپے ہونے کا دعوٰی کر کے اپنا مذاق بنوایا، اس کے بعد ان کا لندن تو کیا پاکستان میں جائیداد نہیں ہونے کا دعوٰی غلط ثابت ہوا۔

وزیر جیل خانہ جات نے یہ بھی کہا کہ بیگم صفدر اعوان کے وکیل پانامہ کیس میں انکی جائیدادوں کی لمبی فہرست پیش کر چکے ہیں۔ فیاض الحسن چوہان کا مزید کہنا تھا کہ فارن فنڈنگ کیس ن لیگ کے گلے کی ہڈی بن چکا ہے, جسے یہ نہ تو نگل سکتے ہیں اور نہ ہی اگل سکتے ہیں۔

عثمان بزدار کے 35گاڑیوں کے پروٹوکول سے شہری کیسے پریشان ہوئے

باغی ٹی وی رپورٹ کے مطابق : وزیر اعلی پنجاب عثمان بزدار 35 کے قریب گاڑیوں کے پروٹوکول میں چیچہ وطنی پہنچ گئے ۔

چیچہ وطنی : پروٹوکول کے نام پراوکانوالا روڑ اور کالج روڑ کی دوکانیں بند کروادی گئیں۔چیچہ وطنی کے دونوں بازار بند کروانے کے خلاف دکانداروں نے شدید احتجاج کیا ہے .
پی ٹی آئی حکومت جو کہ اپنے الیکشن میں یہ ایجنڈا لیکر آئی تھی کہ وہ وی آئی پی کلچر ختم کرے گی. خود اس وی آئی پی کلچر کا شکار ہو کر رہ گئی ہے . اور اس عمل سے نہ صرف عوام میں بد دلی ہے بلکہ عام شہری اور کاروباری حضرات بھی شدید پریشانی کا شکار ہیں.

https://twitter.com/tanzeeldurrani1/status/1351842367943307265?s=20

ایسے ہی وزیرا علیٰ‌پنجاب عثمان بزدار کے قافلے کی وجہ سے ہوا ہے . جس سے شہریوں کو بہت اذیت پہنچی ہے. ایسا ہی واقعہ کچھ دیر پہلے پیش آیا تھا جب صدر پاکستان نے پنڈی کے ایک مقام پر دہی بھلے کھانے کے لیے وہاں کا رخ کیا تھا اور ان کی آمد پر تمام بازار کو بند کردیا گیا تھا.اس طرح لوگوں کو بھی گھروں‌سے نکلنے کی اجازت نہیں‌ تھی. جس سے عوام بہت پریشنا ن ہوئی .

باغی ٹی وی کی رپورٹ کے مطابق مسلم لیگ ن کی ترجمان مریم اورنگزیب نے کہا ہے کہ آج شہباز شریف کو عدالت میں پیش کیا گیا ،ایک دھیلے کی کرپشن ثابت نہیں ہوتی

مریم اورنگزیب کا کہنا تھا کہ جو یہ لوگ پہلے برے برے کاغذات لہراتے تھے وہ بھی جھوٹے یوگئے ،جب سوال چینی چوری کا ہوا آٹا چینی چوری پکڑی گئی ،نیب نیازی گٹھ جوڑ کے کھل کر سامنے آگیا ہے فورن فنڈنگ کیس کے تیس کیس سامنے آئے ہیں وہ تمام شواہد ریمو کروائے جارہے ہے اتنا وقت لے کر ,اسرائیل ہندوستان اور دیگر ممالک سے فنڈنگ ہوئی ہے ،شوکت جانم اور یونیورسٹی کے نام سے باہر سے آیا اس کا حصہ دیا گیا ایجنٹوں کو،صحت اور تعلیم کے لیے لوگوں نے آپکو پیسے دیے

مریم اورنگزیب کا مزید کہنا تھا کہ بنی گالہ اور زمان پارک بھی فورن فنڈنگ سے بنے ہیں ،الیکشن کمشن نے کہہ کہ بہت جلد اس کا فیصلہ ہو جائے گاآپ کے پاس 30 جنوری کا وقت ہے اپنا استعفیٰ دے دیں.

ن لیگی رہنما عطاء اللہ تارڑ کا کہنا تھا کہ شہباز شریف نے شفاف طریقے سے پیسا استعمال کیا ہے ،عمران ع سے عثمان دونوں میں مماثلت عثمان کی وجہ سے کوڑے کے ڈھیر لگے ہیں ،وزیر آج بھی عمران خان کا کچن چلاتے ہیں شہزاد اکبر کو ہم جیل بھج کر چھوڑیں گے ،شہباز گل چھپ کر عدالت میں پیش ہوا اور جج کی گاڑی میں چھپ کر عدالت آیا اور ان کی گاڑی میں باہر آیا ،فیصل ووڈا کا کیس اتنی دیر سے زیرالتوا ہے وہ جلد سامنے آجانا چاہیے،عمران نیازی کو بھی این آر او نہیں ملے گا

شہباز شریف کی اہلیہ نصرت شہباز کو ملی خوشخبری

باغی ٹی وی کی رپورٹ کے مطابق لاہور ہائی کورٹ میں اپوزیشن لیڈر قومی اسمبلی شہباز شریف کی اہلیہ نصرت شہباز کی درخواست پر سماعت ہوئی

عدالت نے درخواست پر نیب کو نوٹس جاری کرتے ہوئے 8 فروری کو جواب طلب کر لیا ۔عدالت نے احتساب عدالت کو درخواست گزار کے خلاف تادیبی کاروائی کرنے سے روک دیا ،عدالت کے روبرو نیب کے وکیل فیصل بخاری نے درخواست کی مخالفت کی ۔نیب وکیل نے کہا کہ جب درخواستگزار بیرون ملک گئی اس وقت نیب میں انکے خلاف انکوائری شروع تھی

جسٹس سرفراز ڈوگر نے کہا کہ احتساب عدالت کو درخواست گزار کی بیماری کے پیش کردہ میڈیکل سرٹیفیکیٹس اور دستاویزات کو دیکھنا چاہے تھا۔ احتساب عدالت کا یہ کام نہین کہ وہ ہائی کمشنر کے ذریعے درخواستگزار کا میڈیکل سرٹیفکیٹ طلب کرتی ۔

وکلا درخواست گزار نے کہا کہ پراسس سرور نے کبھی احتساب عدالت کے نوٹس کی ان سے تعمیل نہیں کروائی ۔اگر کسی کیس میں انکوائری سے قبل کوئی شخص بیرون ملک چلا جاہے تو عدالت اسکو انتقامی کاروائی کا نشانہ نہین بنایا سکتی ۔درخواستگزار 19 ماہ سے علاج کے لیے بیرون ملک ہیں اس وقت درخواستگزار کے خلاف نیب میں کسی قسم کی کارروائی زیر التوا نہ تھی ۔

درخواستگزار کی طرف سے اعظم نذیر تارڑ اور امجد پرویز ایڈووکیٹس پیش ہوئے ،مسٹر جسٹس سرفراز ڈوگر اور مسٹر جسٹس اسجد جاوید گورال پر مشتمل احتساب اپیلٹ بنچ نے نصرت شہباز کے وارنٹ گرفتاری جاری ہونے اور حاضری معافی کی درخواست مسترد ہونے کے خلاف درخواست پر سماعت کی

درخواست میں احتساب عدالت کے جج، ڈی جی نیب، تفتیشی افسر سمیت دیگر کو فریق بنایا گیا ہے،وکیل درخواست گزار نے کہا کہ شہباز شریف فیملی کیخلاف نیب نے احتساب عدالت میں ریفرینس دائر کر رکھاہے ۔احتساب عدالت نے پیش نہ ہونے پر یکطرفہ ورانٹ گرفتاری جاری کر دیئے ہیں ۔احتساب نے حاضری معافی کے لیے دونوں درخواستیں مسترد کردیں۔ درخواست گزار عرصہ دار سے بیرون ملک علاج کی غرض سے مقیم ہیں۔

وکیل درخواستگزار نے کہا کہ انوسٹی گیشن کی منظوری اور ریفرنس کے دائر ہونے سے قبل کی درخواست گزار بیرون ملک ہیںدرخواست گزار عمد رسیدہ ہیں اور مخلتف بیماریوں میں مبتلا ہیں۔دل کی مختلف بیماریوں،جوڑوں کا درڈ، اور چلنے سے قاصر ہیں۔ نصرت شہباز کا بیرون ملک علاج معالجہ جاری ہے جس کے باعث وہ پاکستان نہیں آسکتیں۔ عدالت احتساب عدالت کا فیصلہ کعلدم قرار دے، عدالت حاضری معافی اور ورانٹ گرفتاری منسوخ کرنے کا حکم دے،