Category: لاہور

پیپلز پارٹی کی اہم شخصیت کی ہسپتال آمد، چودھری شجاعت کی عیادت کی

باغی ٹی وی کی رپورٹ کے مطابق پاکستان پیپلز پارٹی کے وفد نے چودھری شجاعت حسین کی سروسز ہسپتال میں عیادت کی۔

وفد میں چودھری منظور احمد، سید حسن مرتضی،ثمینہ خالد گھرکی اور اشرف بھٹی شامل تھے۔چودھری پرویز الٰہی اور چودھری سالک حسین نے اس موقع پر پیپلز پارٹی کے رہنماؤں سے ملاقات کی۔پیپلز پارٹی کے وفد نے چئیرمین بلاول بھٹو کی طرف سے بھی خیر سگالی کا پیغام پہنچایا۔

چودھری پرویز الٰہی نے چودھری شجاعت حسین کی صحت کے حوالے وفد کو آگاہ کیا۔۔چئیرمین بلاول بھٹو کی طرف سے چوہدری شجاعت حسین کو پھولوں کا گلدستہ بھی پیش کیا گیا۔

پیپلز پارٹی کے وفد نے چودھری شجاعت حسین کی سروسز ہسپتال میں عیادت کی۔#baaghiv #pakistan #lahore #ppp #chshujaat @SpeakerPunjab pic.twitter.com/85zA9Rp8GF

— Baaghi TV باغی ٹی وی (@BaaghiTV) November 11, 2020

چودھری پرویز الٰہی کا کہنا تھا کہ چودھری شجاعت حسین کی صحت بتدریح ٹھیک ہو رہی ہے۔چودھری منظور احمد کا کہنا تھا کہ پیپلز پارٹی چودھری شجاعت حسین کی صحت کیلئے دعا گو ہے۔

سروسز اسپتال میں زیر علاج مسلم لیگ ق کے سربراہ چوہدری شجاعت حسین کی حالت پہلے سے بہتر ہے ، حالت بہتر رہنے پر کل یا پرسوں اسپتال سے ڈسچارج کردیا جائے گا،

اسپتال انتظامیہ کے مطابق چوہدری شجاعت حسین کو سیمی سالڈناشتہ دیا گیا ہے ، ان کا شوگر بلڈ پریشر نارمل ہے جبکہ ان کے سینے اور پیٹ کی سٹی سکین ہو چکا ہے۔میڈیکل بورڈ کا کہنا ہے کہ چوہدری شجاعت کے سینے میں بلغم کی مقدار میں کمی آئی ، ان کی حالت میں بہتری آرہی ہے۔

سیاست میں شرافت کے پیکرچوہدری شجاعت حسین بیمارہیں،اللہ ان کوجلد صحت کاملہ عطافرمائے ،مبشرلقمان

مریم نواز کی چودھری شجاعت حسین کی صحتیابی کے لئے دعا

چوھدری شجاعت حسین کے کرونا ٹیسٹ کی رپورٹ آ گئی

انتہائی اہم شخصیت سے ملاقات کے لئے وزیراعظم کا دورہ لاہور شیڈول

چودھری شجاعت کا کرونا ٹیسٹ،ڈاکٹرز نے اہم فیصلہ کر لیا

چودھری شجاعت کا کرونا ٹیسٹ،ڈاکٹرز نے اہم فیصلہ کر لیا

انتہائی اہم شخصیت کی طبیعت خراب، ہسپتال منتقل، وزیراعلیٰ پنجاب،یاسمین راشد بھی ہسپتال پہنچ گئے

مسلم لیگ ق کے صدر چوہدری شجاعت حسین کو چھ نومبر کو طبعیت ناساز ہونے پر سروسز ہسپتال منتقل کیاگیا، چاررکنی بورڈ بورڈ روزانہ کی بنیاد پر چیک اپ کررہا ہے۔گذشتہ روز طبی معائنے کے بعد چوہدری شجاعت کو سینے اور پیٹ کا سی ٹی سکین تجویز ہوا تھا، جس کے بعد اسپتال کے ریڈیالوجی ڈیپارٹمنٹ میں ٹیسٹ کروانے کے بعد مسلم لیگ ق کے صدر کو دوبارہ وی آئی پی روم ون میں منتقل کردیا گیا تھا۔ڈاکٹرز کے مطابق چوہدری شجاعت کی حالت پہلے سے بہتر ہے، انھیں نرم غذا دی جارہی ہے۔

وزیر اعلیٰ‌ پنجاب کے کتنے اثاثے الیکشن کمیشن نے تفصیلات جاری کردیں

باغی ٹی وی :الیکشن کمیشن نے ارکان پنجاب اسمبلی کے اثاثوں کی تفصیلات جاری کر دیں‏،اس سلسلے میں بتایا گیا ہے کہ عثمان بزدار کا تونسہ شریف میں 14 کنال کا رہائشی بنگلہ موجود ہے ڈی جی خان میں 4 کنال اراضی ہے،

الیکشن کمیشن‏ کے مطابق وزیر اعلیٰ پنجاب عثمان بزدار کی 10غیر منقولہ جائیدادوں کی مالیت ساڑھے 3 کروڑ روپے ہے ، عثمان بزدار کی اہلیہ کی 3 جائیدادیں انکی ملکیت ہیں.

عثمان بزدار کی ملتان، ڈی جی خان میں زرعی اراضی بھی ہے ، عثمان بزدار کے پاس 3 ٹریکٹر اور 2 گاڑیاں بھی ہیں ، عثمان بزدار کے بینک اکاونٹ میں 77 لاکھ روپے اور 20 تولہ سونا ہے،

باغی ٹی وی کے مطابق سی ٹی او لاہورنے رنگ روڈ اتھارٹی میں بھیجنے کے لیے ٹریفک وارڈن رولز کے برخلاف 128 ٹریفک وارڈنز کی لسٹ تیار کرلی ہے اور ڈی آئی جی ٹریفک آ فس بھیج دی ہے جبکہ ٹریفک وارڈنز رولز 2017 کے تحت ٹریفک وارڈن پنجاب کے کسی بھی دوسرے ڈیپارٹمنٹ میں نا تو ٹرانسفر ہو سکتے ہیں اور نہ ہی آن ڈیپو ٹیشن جا سکتے ہیں۔جب 2012 میں شہبازشریف کے دور میں رنگ روڈ پر ٹریفک وارڈن کو بھیجا گیا تو اس کے لیے پنجاب کے دوسرے شہروں فیصل آباد ،راولپنڈی،گوجرانوالہ اور ملتان کو بھی مد نظر رکھتے ہوئے رنگ روڈ پر جانیکے لیے درخواستیں طلب کی گئیں۔

اور باقاعدہ میرٹ پر لسٹیں بھی تیار کی گئیں اور انٹرویوز بھی لیے گئے۔
انٹرویوز لینے کے لیے باقاعدہ تب کے کمشنر لاہور ڈویژن کی سربراہی میں ایک کمیٹی بھی بنائی گئی تھی جس میں سابقہ CCPO ذوالفقار حمید، کمانڈنٹ رنگ روڈ پولیس اور ایک آفیسر S&JAD ڈیپارٹمینٹ سے لیا گیا تھا۔
لیکن اس دفعہ 128 ٹریفک وارڈنز کو بھیجنے کے لیے نہ تو کوئی واضح میرٹ پالیسی بتائی جارہی ہے اور نہ ہی لاہور کے علاوہ کسی دوسرے شہر سے درخواستیں طلب کی گئی ہیں۔۔۔
حالانکہ ابھی 2017 کے ٹریفک وارڈنز رولز کے تحت کوئی 1 بھی ٹریفک وارڈن ڈیپوٹیشن پر کسی دوسرے ڈیپارٹمنٹ میں نہیِں جا سکتا۔۔۔
اس کے علاوہ نئے ٹریفک وارڈنز کو رنگ روڈ میں لانے کی وجہ سے رنگ روڈ اتھارٹی پر پیسے کا بھی کافی بوجھ پڑے گا

قاسم خان سوری کا لا ہور چیمبر آف کامرس کا دورہ ، مہنگائی کم کرنے کے متعلق اہم بات کہہ دی

باغی ٹی وی : ڈپٹی سپیکر قومی اسمبلی قاسم خان سوری نے لا ہور چیمبر آف کامرس کا دورہ کیا ہے .صدر لاہور چیمبر میاں طارق مصباح، سینئر نائب صدر ناصر حمید خان اور نائب صدر طاہر منظور چوہدری سے ملاقات کی
صدر لاہور چیمبر نے دورہ کرنے پر قاسم خان سوری کا شکریہ ادا کیا انہوں نے کہا کہ ہم سمجھتے ہیں کہ حکومت معیشت کی بحالی کے لیے کوشاں ہے: کرنٹ اکاؤنٹ ڈیفیسٹ کم کرنے پر حکومت کو خراج تحسین پیش کرتے ہیں.

میاں طارق مصباح کا کہنا تھا کہ حکومت کی جانب سے کرونا وائرس کے دوران کاروباوں کو سہولیات دینے پر ہم شکر گزار ہیں.معاشی بحران ابھی تک تھما نہیں، پارلیمنٹ کا کردار اہم ہو گا.پارلیمنٹ کے ذریعے موجودہ مہنگائی کے متعلق موثر قانون سازی کی جائے.مہنگائی کی وجہ سے زندگی گزارنے کی قیمت میں بھی اضافہ ہو گیا ہے: ہماری صنعتیں گزشتہ دو سال سے منفی گروتھ ریٹ دکھا رہی ہیں:
ہم غیر صنعتی دور میں داخل ہو رہے ہیں

انڈسٹریالائزیشن کے لئے پارلیمنٹ کو ساتھ بیٹھ کر دور اندیش فیصلے کرنے ہوں گے.نجی شعبے کو پالیسی میکنگ میں شامل کیا جائے:.پارلیمنٹ کی سٹینڈنگ کمیٹیز میں کاروباری برادری کو شامل کیا جائے.ہمارے مسائل ایوانوں میں سنے جائیں: صدر لاہور چیمبر
ہر ملک کی ترقی میں سب سے اہم اقتصادیات ہیں.

قاسم خان سوری نےکہا کہ بد قسمتی سے ہمارے ملک میں مضبوط جمہوریت نہیں ہے.ہماری پوری کوشش ہے پالیسیاں ہر حکومت اگے بڑھائے.جب ہمیں حکومت ملی اقتصادی بحران شدید تھا.کرونا کی وجہ سے معیشت زیادہ متاثر ہوئی.

آبادی زیادہ ہونے کی وجہ سے سہولیات کا فقدان ہے.اگر بیماری تیزی سے پھیلتی تو حالات قابو سے نکل جاتے.تاجروں کا کردار بہت اہم تھا.تاجروں کے کنٹری بیوشن سے ہم اس وبا پر قابو پا سکے ہیں،غریبوں کو 12000 روپے میرٹ پر دئے گئے، سیاست کی وجہ سے نہیں.حکومت نے کرونا کے باوجود معیشت کو سنبھالا: جون سے ابھی تک ایک روپیہ قرضہ نہیں لیا،روپے کی قدر مستحکم ہو رہی ہے

بینکنگ چینل سے آنے والہ پیسہ تاریخ میں سب سے زیادہ ہے .افغانستان میں ایکسپورٹ کم ہو رہی ہے .افغانستان میں ایکسپورٹ بڑھانے کے لیے کام کر رہے ہیں

پاکستان مسلم لیگ(ن) کی ترجمان مریم اورنگزیب نے پارٹی صدر اور قائد حزب اختلاف شہباز شریف پر فرد جرم عائد کرنے پر ردعمل میں کہا ہے کہ شہباز شریف پر پنجاب اور عوام کی خدمت کرنے کی فرد جرم ہے

مریم اورنگزیب کا کہنا تھا کہ آٹا چینی چوروں پر فرد جرم عائد کیوں نہیں ہوتی؟ فرد جرم بی آر ٹی کے 126 ارب کے کھڈوں پر عائد کیوں نہیں ہوتی؟ فرد جرم فارن فنڈنگ کیس، 23 خفیہ اکاؤنٹس پر کیوں عائد کیوں نہیں ہوتی؟ ہیلی کاپٹر، مالم جبہ، بلین ٹری سونامی کیس میں فرد جرم کیوں عائد نہیں ہوتی؟ عوام شہباز شریف پہ نیب نیازی گھٹ جوڑ کا فرد جرم عائد کرنے کو مسترد کرتی ہے

مریم اورنگزیب کا کہنا تھا کہ شہباز شریف پر فرد جرم لگانا ضروری ہے کیونکہ سلیکٹڈ ٹولہ ہر محاذ پر ناکام ہوچکا ہے شہباز شریف پر فرد جرم لگانا ضروری ہے تاکہ مہنگائی کی بات نہ ہوشہباز شریف پر فرد جرم لگانا ضروری ہے تاکہ سقوط کشمیر کی بات نہ ہوعوام ایک کروڑ نوکری اور پچاس لاکھ گھر دینے والے جھوٹے ووٹ چوروں پر فردِ جرم عائد کر چکی ہے

مریم اورنگزیب کا کہنا تھا کہ عوام ووٹ آٹا چینی دوائی چور نالائق اور نااہلوں پر فردِ جرم عائد کر چکی ہے عوام مہنگائی 3 فیصد سے 15 فیصد کرنے والے چوروں پر فردِ جرم عائد کر چکی ہے،عوام ترقی کی شرح 6 فیصد سے منفی کرنے والے چوروں اور جھوٹوں پہ فرد جرم عائد کر چکی ہے عوام میڈیا کی آواز بند کرنے والوں پر فرد جرم عائد کر چکی ہے

لاہور جلسے سے قبل گرفتاریاں، عظمیٰ بخاری کا بڑا اعلان، عمران خان پر لگائے الزام

باغی ٹی وی کی رپورٹ کے مطابق پاکستان مسلم لیگ ن پنجاب کی ترجمان عظمی بخاری نے جوڈیشل کمپلیکس کے باہر میڈیا سے گفتگو کرتے ہوئے کہا ہے آج معمار پنجاب شہباز شریف پر فرد جرم عائد کر دی گئی ہے ،شہباز شریف نے ترقیاتی منصوبوں میں قوم کے اربوں ڈالر بچائے

عظمیٰ بخاری کا کہنا تھا کہ شہباز شریف کے اقدامات سے ان کے آپ نے خاندان کے بزنس کو مالی نقصان پہنچا اس حکومت کا بنایا ہوا یہ سیاسی کیس ہے اس حکومت کے پاس سیف سٹی اتھارٹی کی فوٹیجز موجود ہیں یہ رپورٹ آ چکی ہے کہ نیب کے باہر کسی لیگی کارکن نے پتھراو نہیں کیا پولیس لاہور جلسے کو خراب کرنے کے لئے گرفتاریوں کی کوشش کر رہی ہے ہم سب تیار ہیں، ہمیں جیلوں سے ڈر نہیں لگتا ان ہتھکنڈوں سے لاہور جلسہ ناکام نہیں ہو سکے گا

عظمیٰ بخاری کا کہنا تھا کہ کراچی واقعہ پر انکوائری رپورٹ آنے کے بعد سوال اٹھتا ہے کہ کیا آئی جی کو اٹھانا صحیح تھا؟؟؟ سیاسی مخالفین کو تکلیف پہنچانے کے لئے یہ حکومت کبھی نیب تو کبھی دیگر اداروں کو استعمال کرتی ہے ہمیں بتایا جائے کہ مزار قائد پر مادر ملت زندہ باد کا نعرہ لگانے سے کس کو تکلیف ہوتی ہے؟؟ ہم اس انکوائری رپورٹ کو مسترد کر چکے ہیں کیونکہ اداروں کا اس نااہل حکومت کی جانب سے اپنا کندھا فراہم کرنا صحیح نہیں ،کراچی واقعے کا مقدمہ خارج کیا جا چکا ہے کیا جھوٹی اور غلط ایف آئی آر درج کروانے والوں کیخلاف مقدمہ درج نہیں ہونا چاہئے وفاقی وزرا اور حکومتی اراکین اسمبلی دھمکیاں دیتے رہے کہ یہ مقدمہ درج کیا جائے
ہمارے خلاف کی گئی حرکتیں الٹا ان کیخلاف پڑ جاتی ہیں

عظمیٰ بخاری کا کہنا تھا کہ عمران خان ملک کی سب سے مزاحیہ شخصیت ہیں عمران خان نے آئی جی سندھ کے اغوا کو مزاحیہ قرار دیا تھا، اس شخص کی اب مزید کوئی گنجائش نہیں ہے ہے کیونکہ انہوں نے اداروں کو اداروں کے سامنے کھڑا کیا جو انتہائی غلط ہے ہمارا صبح و شام میڈیا ٹرائل کیا جاتا ہے، ججوں سے مرضی کے فیصلے لئے جاتے ہیں پیپلزپارٹی کی سندھ حکومت کو علم ہو گا کہ انہوں نے کیا کرنا ہے اور کیا نہیں ہم سندھ حکومت کہ انکوائری رپورٹ کا انتظار کرینگے مریم نواز کی ضمانت قبل از گرفتاری کروانے کا ہم نے ابھی فیصلہ نہیں کیا مشرف اس حکومت سے زیادہ اچھا اور بہتر حکمران تھا ان حکمرانوں کا آخری ٹھکانہ پاگل خانہ ہے ہماری بدقسمتی ہے کہ ہمیں دشمن بھی کم ظرف ملا ہے

ن لیگی رہنما عطاء اللہ تارڑ کا کہنا تھا کہ اس ملک میں نیا این آر او دیا گیا ہے ،ان کا گزارہ نہیں ہو رہا تھا کیونکہ ان کی اے ٹی ایم خراب ہو گئی تھی جیسے اے ٹی ایم کو باہر بھیجا گیا، ویسے ہی انہیں واپس لایا گیا جہانگیر ترین نے چینی کی مد میں قوم کو 100 ارب کا ٹیکہ لگایا لیکن ان کیخلاف کوئی کارروائی نہیں کی جا رہی کیونکہ وہ حکومت کے لئے اراکین اسمبلی کو خریدتے رہے اسی لئے عمران خان نے قلت کے باوجود چینی ایکسپورٹ کرنے کی اجازت دی کیا نیب اندھی، گونگی اور بہری ہو چکی ہے جسے جہانگیر ترین، رزاق داود، ندیم بابر، آٹا، چینی و ادویات چور نظر نہیں آتے؟؟ عمران خان صحیح کہتے ہیں کہ ملک میں مہنگائی تب ہوتی ہے جب حمکران چور ہوتے ہیں
گذشتہ دور میں حکومت چور نہیں تھی اسی لئے ملک میں مہنگائی نہیں تھی آنے والے دنوں میں آپ کا گریبان اور عوام کا ہاتھ ہو گا آپ کے گھر جانے کا وقت آ چکا ہے لیکن آپ کو بھاگنے نہیں دیا جائے گا چیف جسٹس سے اپیل ہے کہ جہانگیر ترین کیخلاف ازخود نوٹس لے کر چینی کی قیمتیں نیچے لائی جائیں جہانگیر ترین عمران نیازی کے گھر کا خرچہ چلاتا ہے آپ ہمارے خلاف مزید کیا کر لیں گے، کیا ہمیں پھانسی لگا دینگے؟؟ پولیس صرف اپوزیشن کو نشانہ بنا رہی ہے ہمارا مطالبہ ہے کہ جہانگیر ترین کو گرفتار کیا جائے اور پوچھا جائے کہ چینی کا بحران کیسے آیا، انہیں 56 کروڑ سبسڈی کیوں دی گئی عوام گھبرا چکے اب آپ کے گھبرانے کا وقت آ چکا ہے ہم انتقام نہیں لیں گے بلکہ احتساب کر کے دکھائیں گے

باغی ٹی وی کی رپورٹ کے مطابق مسلم لیگ (ن) پنجاب کی ترجمان عظمیٰ بخاری نے فردوس عاشق کے بیان پر ردعمل میں کہا ہے کہ فردوس باجی آپ کو بھی عمران خان کی طرح جھوٹ بولنے اور غلط بیانی کرنے کی عادت پڑ گئی ہے

عظمیٰ بخاری کا کہنا تھا کہ فردوس باجی کوئی بیان دینے سے پہلے اس کی معلومات بھی اپنے سٹاف سے لے لیا کریں .کلین گرین مہم کے لگائے تمام پودے گل سڑ گئے ہیں ÷کلین گرین مہم کا حشر بھی عمران خان کے بلین ٹری منصوبے جیسا ہی ہوا ہے لاہورشہر فضائی آلودگی میں دنیا بھر میں پہلے نمبر پر آگیا ہے

عظمیٰ بخاری کا کہنا تھا کہ یہ سرسبز پنجاب منصوبے کی ناکامی کا سب سے بڑا ثبوت ہے ،شہبازشریف نے لاہور کے 29روٹس پر جدید اور لگژری بسیں چلائی،اور ابھی آپ نے انکی اورنج لائن کا افتتاح کیا ہے ،عثمان بزدار نے وہ تمام بسیں سکریب میں بیچ دیں ،پنجاب کی صنعتیں حکومت کی ناقص پالیسیوں کی وجہ سے بند ہوگئی ہیں

عظمیٰ بخاری کا کہنا تھا کہ عثمان بزدار نے مشترکہ مفادات کونسل میں پنجاب کے حقوق کی ایک بھی بات نہیں کی ،الٹا ہر مرتبہ عثمان بزدار پنجاب کے حصے کے اربوں روپے وفاق کو ہدیہ دیتا ہے .عثمان بزدار پنجاب میں وہی کرتے ہے جو عمران خان کہتا ہے عثمان بزدار کی ڈمی وزیراعلیٰ سے زیادہ حیثیت نہیں ہے

پنجاب میں صنعتی مراکز، وزیر صنعت میاں اسلم اقبال کی اہم ہدایات جاری

باغی ٹی وی کی رپورٹ کے مطابق صوبائی وزیر صنعت و تجارت میاں اسلم اقبال کی زیر صدارت سول سیکرٹریٹ میں اجلاس ہوا

اجلاس میں صنعتی مراکز میں ترقیاتی کاموں پر پیش رفت اور کالونائزیش کے عمل کا جائزہ لیا گیا ،چئیرمین پیڈمک نبیل ھاشمی کی ترقیاتی کاموں پر پیش رفت بارے بریفنگ دی گئی

صوبائی وزیر صنعت و تجارت میاں اسلم اقبال کا کہنا ہے کہ وزیر اعظم عمران خان کا ویزن انڈسٹر یلائزیش  کے ذریعے روزگار کے مواقع بڑھانا ہے، پنجاب حکومت نے صوبے میں صنعتکاری کے عمل کو تیز کرنے کے لئے موثر اقدامات کئے ہیں شیخوپورہ میں موٹر وے کے نزدیک بننے والے قائداعظم بزنس پارک میں کثیر المقاصد کمپلیکس بنے گا

صوبائی وزیر صنعت و تجارت میاں اسلم اقبال کا مزید کہنا تھا کہ سپشل اکنامک زون بھاول پور کاجلد افتتاح ہوگا ،ساہیوال میں ساڑھے سات سو ایکڑ رقبے پر سپیشل اکنامک زون بنے گا ،سیالکوٹ میں ایک ہزار ایکڑ رقبے پر انڈسٹریل زون بنائیں گے .جنوبی پنجاب میں لیہ مظفر گڑھ روڑپر چوبارہ کے مقام پر ملک کی سب سے بڑی انڈسٹریل اسٹیٹ بنائی جارہی ہے

صوبائی وزیر صنعت و تجارت میاں اسلم اقبال کا مزید کہنا تھا کہ 20 ہزار ایکڑ سے زائد رقبے پر بننے والی یہ انڈسٹریل اسٹیٹ خطے کی تقدیر بدل دے گی ،پنجاب میں بننے والے 13 خصوصی اقتصادی مراکز سے صوبے میں صنعتی انقلاب برپا ہوگا

صوبائی وزیر نے صنعتی مراکز میں ترقیاتی کاموں کی رفتار مزید تیز کرنے کی ہدایت کرتے ہوئے کہا کہ انڈسٹریل زونز میں بجلی اور گیس کی فراہمی کے عمل کو تیز کرنے کے لئے وفاقی حکومت سے رابطہ کیا جائے گا،

سیکرٹری صنعت و تجارت واصف خورشید اور پیڈمک کے حکام نے اجلاس میں شرکت کی

باغی ٹی وی کی رپورٹ کے مطابق وزیراعلیٰ پنجاب سردار عثمان بزدارکی زیر صدارت ٹرانسپورٹ سے متعلق خصوصی اجلاس ہوا

وزیراعلی عثمان بزدار نے گرین الیکٹرک بسیں چلانے کی اصولی منظوری دے دی ،الیکٹرک بسیں چلانے کے لیے ضروری امور جلد طے کرنے کی ہدایت کی ہے،سموگ کے مستقل سدباب کیلئے وہیکلز انسپکشن سرٹیفکیشن سسٹم فعال کرنے کا فیصلہ کیا گیا ہے

وزیراعلی عثمان بزدار کا کہنا تھا کہ لاہور ٹرانسپورٹ کمپنی کو پنجاب ٹرانسپورٹ کمپنی میں بدل دیا جائے گا۔وزیراعلی عثمان بزدار نے پنجاب میں ٹرانسپورٹ انسپکٹرز، سب انسپکٹر زاور سارجنٹس کی بھرتی کی بھی اصولی منظوری دے دی ،لاہور میں 103 کلومیٹر طویل 6 روٹس پر الیکٹرک بسیں چلائی جائیں گی۔عثمان بزدار

الیکٹرک بسوں کی خریداری کے لئے مختلف آپشز پر غور کیا گیا ،وزیراعلی عثمان بزدار کا کہنا تھا کہ محکمہ ٹرانسپورٹ تمام آپشز کا جائزہ لے کر فوری حتمی سفارشات پیش کرے۔پبلک پرائیویٹ پارٹنرشپ کے تحت دیگر شہروں میں بھی الیکٹرک بسیں چلائی جائیں گی۔الیکٹرک بسوں سے ماحولیاتی آلودگی اور سموگ میں کمی ہوگی ۔ہر وہ کام کریں گے جس کا فائدہ عوام کو ہوگا۔

وزیراعلیٰ نے اورنج لائن میٹرو ٹرین کے روٹ اسٹیشن پر صفائی کے انتظامات بہتر بنانے کا حکم دیتے ہوئے کہا کہ اورنج لائن میٹرو ٹرین اور سٹیشنز پر صفائی کے انتظامات پر کوئی سمجھوتہ نہیں ہو گا ۔سرپرائز وزٹ کرکے اورنج لائن میٹرو ٹرین کے انتظامات کا خود جائزہ لوں گا۔کوہ سلیمان کے علاقوں میں پہلی مرتبہ پبلک ٹرانسپورٹ چلائی جائے گی۔کوٹ چھٹہ، وہوا، ٹبی قیصرانی، تونسہ اور ڈیرہ غازیخان میں کم کرائے میں بہترین ٹرانسپورٹ فراہم کریں گے۔فیصل آباد اور دیگر ڈویژن میں جدید ترین بسیں چلائی جائیں گی۔

صوبائی وزیر ٹرانسپورٹ جہانزیب کھچی، سیکرٹری ٹرانسپورٹ، ٹرانسپورٹ سپیشلسٹ اور متعلقہ حکام نے اجلاس میں شرکت کی

باغی ٹی وی کی رپورٹ کے مطابق شہباز شریف فیملی منی لانڈرنگ، آمدن سے زائد کیس کی سماعت ہوئی

شہباز شریف کو جیل حکام نے عدالت میں پیش کیا، شہباز شریف نے عدالت میں کہا کہ آج فرد جرم عائد نہ کریں جس پر عدالت نے ریمارکس دیتے ہوئے کہا کہ ایک طرف آپ کہتے ہیں کہ کیس التوا کا شکار ہے ،دوسری طرف آپ کہہ رہے ہیں کہ آج فرد جرم عائد نا کریں عدالت نے شہباز شریف کی فرد جرم آج عائد نہ کرنے کی استدعا مسترد کردی

عدالت نے شہباز شریف،حمزہ شہباز سمیت دیگر پر فرد جرم عائد کردی ،شہبازشریف نے صحت جرم سے انکار کردیا ،شہباز شریف کا کہنا تھا کہ میں اپوزیشن لیڈر ہوں اور مسلم لیگ ن کا صدر ہوں ،یہ جھوٹا اور بے بنیاد کیس بنایا گیا ہے،نیب اپنی ساکھ مکمل کھو چکا ہے ،یہ بدنیتی سے بنایا گیا کیس ہے جس سے انکار کرتا ہوں ،اعلی عدالتوں نے بھی نیب پر بہت سے سوالات اٹھاٸے ہیں ،یہ ادارہ پولیٹکل انجینیرنگ کرنے والا ادارہ ہے ،آج تک نیب ہمارے خلاف کوٸی بھی ثبوت پیش نہیں کیا جا سکا

شہباز شریف کا کہنا تھا کہ اورنج لائن ٹرین عوام آدمی کی سہولت کے لیے بنائی،اس پراجیکٹ پر خزانے کے 6 سو ملین ڈالر بچائے،2016 میں یہ پراجیکٹ سائن ہوا 81 ارب کی بچت کی،شہباز شریف نے کہا سیاسی مخالفین میرے خلاف سازش کر رہے ہیں، میرے اوپر جس جس کیس میں فرد جرم عائد کی گئی وہ تمام کیسز بے بنیاد ہیں، میں نے ہسپتال بنائے۔

شہباز شریف پر فرد جرم عائد pic.twitter.com/n9frsMKszA

— Muhammad Haroon Abbas (@Haroonabbaskh) November 11, 2020

شہباز شریف نے عدالت میں کہا کہ نیب نے مختلف کیسوں میں مجھے گرفتار کیا ،آج تک مجھے پر ایک پیسے کی کرہشن ثابت نہیں ہو سکی ،میں نے قوم کے کھربوں روپے دس سالوں میں بچاٸے ، مجھے پر لگاٸے گٸے الزامات بد نیتی پرمبنی ہیں ، ایک دھیلے کی کرپشن اور منی لانڈرنگ ثابت نہیں میں اس قوم کا قابل فخر سپوت ہوں ہم نے اس خطے میں پاکستان کو آگے لے کر جانا ہے ہم نے انڈیا کو معاشی میدان میں شکست دینی ہے ،یہ کیس سیاسی انتقام کی مثال ہے ، اب تو اعلی عدالتوں کے بھی نیب کے خلاف فیصلے تواتر سے آ رہے ہیں

شہباز شریف کا عدالت میں مزید کہنا تھا کہ لاہور ہاٸی کورٹ نے چینی کی قیمت چالیس روے مقرر کر دی ، ہم نے اس آرڈر پر عمل کروایا اس فیصلے کے خلاف اپیل نہیں کی ، میرے خاندان کو اس فیصلے سے نقصان ہوا مگر میں نے اس پر عمل کروایا ،

عدالت نے شہباز شریف کو فرد جرم پر درج سوالوں کے جواب دینے کی ہدایت کی،عدالت نے کہا کہ آپ یہ سوالنامہ بیشک لے جائیں سکون سے بیٹھ کر اپنا جواب دے دیجیے گا، آپ انکار کی کاپی جمع کروا دیں تا کہ معمول کی کارروائی کا آغاز ہو،

عدالت نے حمزہ شہباز سے استفسار کیا کہ حمزہ آپ نے کچھ کہنا ہے ،جس پر حمزہ شہباز نے کہا کہ میں اپوزیشن لیڈر پنجاب ہوں ،نیب نے ہمارے خلاف بدنیتی سے کیس بنایا ،نیب کے لگاٸے گٸے تمام الزامات غلط ہیں ، تمام الزامات سے انکار کرتا ہوں ، بے گناہ ہوں اپنی بے گناہی ثابت کروں گا ،

عدالت نے آئندہ سماعت پر نیب گواہان کو طلب کرلیا۔ عدالت نے کیس کی سماعت ملتوی کردی، شہباز شریف اور حمزہ شہباز کو سخت سیکورٹی میں عدالت پہنچایا گیا تھا

اس موقع پر ن لیگی رہنما عطاء اللہ تارڑ و دیگر بھی عدالت میں موجود تھے جنہوں نے شہباز شریف اور حمزہ شہباز سے ملاقات کی

شہباز شریف بیٹی کے ہمراہ عدالت میں پیش، حمزہ شہباز جیل میں ہوئے بیمار

جج صاحب،میں آج عدالت میں یہ چیز لے کر آیا ہوں،عدالت نے شہباز شریف کو دیا کھرا جواب

شہباز شریف عدالت پہنچ گئے،نیب کی شہباز شریف کی ضمانت کی درخواست مسترد کرنے کی استدعا

کن گراونڈز پر گرفتاری درکار ہے بتایا جائے؟ شہباز شریف کے وکیل کی عدالت سے استدعا

عدالت میں شہباز شریف کے وارنٹ گرفتاری پیش،شہباز شریف کے وکیل نے کی سیاسی گفتگو

شہباز شریف کی ممکنہ گرفتاری، سی سی پی او لاہور ہائیکورٹ پہنچ گئے، اہم حکم دے دیا

شہبازشریف خاندان کے خلاف منی لانڈرنگ ریفرنس،تحریری حکم نامہ جاری

شہباز شریف کی جیل میں طبیعت بگڑ گئی ،ہسپتال منتقل کر دیا گیا

واضح رہے کہ شہباز شریف کو نیب نے ضمانت کی درخواست مسترد ہونے پر گرفتار کیا تھا، عدالت نے انہیں جوڈیشل ریمانڈ پر بھیج دیا تھا ، شہباز شریف کو عدالت میں بکتر بند گاڑی میں پیش کیا جاتا ہے جس پر ن لیگ نے احتجاج کیا تھا،

شریف فیملی منی لانڈرنگ کیس، شہباز شریف پر فرد جرم عائد