Category: لاہور

لاہور، ملی رکشہ یونین کی طرف سے کشمیریوں سے اظہار یکجہتی کیلئے لاہور میں بڑی یکجہتی کشمیر ریلی نکالی گئی جس میں رکشہ ڈرائیوروں کی بڑی تعداد نے شرکت کی،

کشمیر ریلی کا آغاز استنبول چوک سے ہوا اور اسمبلی ہال چوک پہنچ کر یہ ریلی ختم کی گئی، ملی رکشہ یونین کی یہ ریلی صبح گیارہ بجے شروع ہوئی، رکشہ ڈرائیوروں کی بڑی تعداد پہلے ٹاؤن ہال جمع ہوئی اور پھر مال روڈ پر ریلی نکالی گئی، کشمیریوں سے اظہار یکجہتی کیلئے نکالی گئی ریلی میں مقبوضہ کشمیر میں‌ جاری بھارتی ظلم و دہشت گردی کے خلاف سخت احتجاج کیا گیا، مقررین کا کہنا تھا کہ حکومت کو مظلوم کشمیریوں‌ کو غاصب بھارت کے ظلم و دہشت گردی سے نجات دلانے کیلئے عملی اقدامات کرنے چاہئیں، ریلی کے دوران شرکاء کی طرف سے زبردست نعرے بازی کی گئی اور مال روڈ کشمیر بنے گا پاکستان کے نعروں سے گونجتا رہا،

واضح رہے کہ آج پانچ اگست کو مقبوضہ کشمیر کی خصوصی حیثیت والی دفعات کے خاتمہ اور لاک ڈاؤن کا ایک سال مکمل ہوا ہے جس پر دنیا بھر میں بھارتی دہشت گردی کے خلاف احتجاجی مظاہرے کئے جارہے ہیں، ملی رکشہ یونین کی جانب سے بھی فاشسٹ انڈیا کے خلاف یوم استحصال منائے جانے کے حوالہ سے لاہور میں احتجاج کیا گیا ہے،

لاہورمیں سنٹرل زون نے شہداء کے بچوں اور فیملی میں تحائف تقسیم کیے ہیں،

باغی ٹی وی کی رپورٹ کے مطابق موٹروے پولیس کے شہداء کے لئے تمام دفاتر میں قرآن خوانی اور دعا کا خصوصی اہتمام بھی کیا گیا، اس موقع پر ڈی آئی جی احمد ارسلان ملک نے کہا پولیس شہداء قوم کے محسن اور ہیروز ہیں۔۔پولیس کے شہدا قوم کے محسن اور ماتھے کا جھومر ہیں، شہداء کی قربانی کو کبھی فراموش نہیں کیا جائے گا،

انہوں نے کہاکہ شہداء کے ورثا اور بچوں کی فلاح ہماری اولین ترجیح ہے۔۔ لاہور ، اوکاڑہ ، ساہیوال ،خانیوال ، ملتان ، بہاولپور او رحیم یارخان میں شہداء کے اعزاز میں تقریبات بھی منعقد کی گئیں۔

حکومت پنجاب نے یوم استحصال کشمیر پر بڑا اعلان کر کے کشمیری و پاکستانی قوم کے دل جیت لئے ہیں،

باغی ٹی وی کی رپورٹ کے مطابق حکومت پنجاب نے فیصلہ کیا ہے کہ لاہور سمیت ہر ڈویژن میں ایک روڈ کو سری نگر سے منسوب کرنے کا اعلان کیا ہے، حکومت پنجاب کے اس اعلان پر شہریوں کی طرف سے خوشی کا اظہار کیا گیا ہے اور ان کا کہنا ہے کہ کشمیریوں‌سے اظہار یکجہتی کیلئے اس نوعیت کے فیصلے کرنے بہت اہمیت رکھتا ہے،

باٹی ٹی وی کی رپورٹ کے مطابق پاکستان میں تمام ایئرپورٹس پر لگی گھڑیوں پر آج سری نگر کا وقت لگا دیا گیا ہے، اس کا مقصد بھی اپنے کشمیریوں سے یکجہتی کا اظہار کرنا ہے، واضح رہے کہ پاکستان میں آج یوم استحصال کشمیر منایا جارہا ہے اور شہر شہر مظاہرے کئے جارہے ہیں،

وزیر اطلاعات پنجاب فیاض الحسن چوہان نے کہا ہے کہ بھارتی حکومت اورفوج کےخلاف کشمیریوں کی جدوجہدکوسلام پیش کرتاہوں

یوم استحصال کشمیر پر اپنے پیغام میں انہوں نے کہا کہ مودی سرکار،بھارتی فوج اورراکےخلاف کشمیری عوام کی جدوجہد کوسلام پیش کرتا ہوں، کشمیری ماؤں،بہنوں،نوجوانوں پرجبرواستبدادکی جتنی مذمت کی جائےکم ہے، 22کروڑپاکستانی عوام کشمیریوں کےساتھ ہیں، پاکستان کشمیریوں‌ کو کسی صورت تنہا نہیں چھوڑے گا،

فیاض الحسن چوہان نے کہاکہ کشمیریوں‌کی جدوجہد آزادی جلد کامیابی سے ہمکنار ہو گی، شہداء کی قربانیاں رائیگاں نہیں‌جائیں‌ گی، پاکستان کشمیری بھائیوں کے ساتھ قدم سے قدم ملا کر کھڑا ہے،

صوبائی دارالحکومت لاہور میں آج مختلف مذہبی، سیاسی و سماجی جماعتوں کے زیراہتمام یوم استحصال کشمیر کے حوالہ سے ریلیاں‌ نکالی جائیں گی،

مختلف تنظیموں کی جانب سے اس سلسلہ میں کشمیریوں سے اظہار یکجہتی کیلئے بڑے پیمانے پر ریلیاں‌ نکالنے کی تیاریاں‌ مکمل کر لی گئی ہیں، لاہور میں گورنر پنجاب اور وزیراعلیٰ پنجاب کی قیادت میں گورنر ہاؤس سے چیئرنگ کراس تک ریلی نکالی جائے گی، اسی طرح ملی رکشہ یونین کی طرف سے استنبول چوک سے فیصل چوک تک ریلی نکالی جائے گی، جماعت اسلامی اور دوسری تنظیمییں بھی ریلیاں‌ نکالیں گی، انتظامیہ کی طرف سے اس موقع پر سکیورٹی کے سخت انتظامات کئے گئے ہیں اور مال روڈ پر عام ٹریفک روکنے کیلئے مختلف اطراف میں بیریئر لگائے گئے ہیں،

گورنر ہاؤس سے چیئرنگ کراس تک نکالی جانے والی ریلی میں لوگوں کی کثیر تعداد شریک ہو گی،

لاہور، ملی رکشہ یونین کشمیریوں سے اظہار یکجہتی کیلئے کل لاہور میں بڑی یکجہتی کشمیر ریلی نکالے گی،

کشمیر ریلی کا آغاز استنبول چوک سے ہو گا اور اسمبلی ہال چوک میں ریلی کا اختتام کیا جائے گا. ملی رکشہ یونین کی یہ ریلی صبح دس بجے شروع ہو گی، ریلی میں رکشہ یونین کے زیر اہتمام بڑی تعداد میں لوگ شریک ہوں‌گے اور مقبوضہ کشمیر میں‌ جاری بھارتی ظلم و دہشت گردی کے خلاف سخت احتجاج کیا جائے گا،

واضح رہے کہ کل پانچ اگست کو مقبوضہ کشمیر کی خصوصی حیثیت والی دفعات کے خاتمہ اور لاک ڈاؤن کا ایک سال مکمل ہو رہا ہے جس پر دنیا بھر میں بھارتی دہشت گردی کے خلاف احتجاجی مظاہرے کئے جارہے ہیں، ملی رکشہ یونین بھی فاشسٹ انڈیا کے خلاف یوم استحصال منائے جانے کے حوالہ سے لاہور میں احتجاج کر رہی ہے،

لاہور، وزیراعلیٰ پنجاب عثمان بزدار نے یوم شہداء پر پولیس افسروں ا ورجوانوں کی عظم قربانی پر زبردست خراج عقیدت پیش کیا اور کہا ہے کہ پنجاب حکومت شہداء کے خاندانوں کے ساتھ کھڑی ہے اور کھڑی رہے گی، پنجاب حکومت شہید پولیس اہلکاروں کے خاندانوں کو تنہا نہیں چھوڑے گی،

یوم شہدا ئے پولیس کے موقع پر وزیر اعلی پنجاب سردار عثمان بزدار نے یادگار شہدا پر حاضری دی ، پھولوں کی چادر چڑھائی اور فاتحہ خوانی کی، وزیراعلیٰ پنجاب سردار عثمان بزدار نے کہا کہ عوام کے جان ومال کے تحفظ کے لئے اپنی جانیں دینے والے پولیس افسران اورجوانوں کی جرات کو سلام پیش کرتا ہوں، پولیس کے شہداء ہمارا مان ہیں، یوم شہدائے پولیس بہادر سپوتوں کی عظیم قربانیوں کو یاد کرنے کا دن ہے،

انہوں نے کہا کہ شہداء پولیس کی لازوال قربانیوں کو ہمیشہ یاد رکھا جائے گا، پنجاب حکومت شہید پولیس افسروں اور جوانوں کے اہل خانہ سے بھی مکمل یکجہتی کااظہار کرتی ہے، وزیراعلی پنجاب کا کہنا تھا کہ شہداء کے خاندانوں کی دیکھ بھال ہماری ذمہ داری بھی ہے اور فرض بھی۔ جسے ہر صورت پورا کیا جائے گا،