Category: لاہور

موسلادھار بارش،کڑکتی بجلی اور گرجتے بادل بھی اس ٹریفک وارڈن کو فرض کی ادائیگی سے روک نا پائے
باغی ٹی وی رپورٹ کے مطابق : موسلادھار بارش،کڑکتی بجلی اور گرجتے بادل بھی اس ٹریفک وارڈن کو فرض کی ادائیگی سے روک نا پائے
طوفانی بارش میں سخت ڈیوٹی کرنا چند اداروں کی ذمہ داری ہوتی ہے لیکن ایسے طوفانوں میں اپنے فریضہ منصبی پر استقامت سے ڈٹے رہنا چند ہی بہادروں اور کمٹڈ افراد کا خاصہ ہوتا ہے .اس لیے ایسے افراد کو خراج تحسین پیش کرنا اور ان کی دل سے عزت کرنا ہر شہری کا اخلاقی فرض‌ ہے . جب تک وطن عزیز میں‌ایسے فرض‌شناس‌ پاکستانی موجود ہیں وطن کی ترقی کا رستہ روشن رہے گا.

"اے پتر ہٹاں تے نئیں وکدے"

راولپنڈی شہر کے مصروف ترین شاہراہ پر واقع کچہری چوک: موسلادھار بارش،کڑکتی بجلی اور گرجتے بادلوں تلے محو ادائیگی فرائض ٹریفک وارڈن عمران آصف
آپکی خدمت ہمارا نصب العین
FOCUS ✅
MOTIVATION ✅
DEDICATION ✅
SELFLESSNESS ✅
EXCUSES ❌@ahsanpsp @RwpPolice pic.twitter.com/jH8riCUyCc

— City Traffic Police, Rawalpindi (@ctprwp) July 11, 2020

واضح رہے کہ کل ملک بھر میں شدید بارش ہوئی جس سے کئی جگہوں پر نقصان کی اطلاعات بھی ہیں.ہر شہر بادلوں نے ڈیرے لیے، ،شہر اقتدار میں موسلا دھار بارش سے موسم بھی خوشگوار ہوگیا، لاہور میں نشیبی علاقوں میں پانی جمع ہوگیا، اڑھائی سوسے زائد فیڈرز ٹرپ کرگئے، پنجاب، خیبرپختونخوامیں اتوار کو بھی بادل برسیں گے۔

تفصیلات کے مطابق کہیں گھنگھور گھٹائیں، کہیں تیز ہوائیں نے انٹری ڈال دی، آسمان سے چھم چھم برستے پانی نے کئی شہروں میں موسم دلکش بنادیا، اسلام آباد، راولپنڈی اور مری میں موسلادھار بارش نے رنگ جمایا۔

لاہور میں دن بھر سورج اور بادلوں میں آنکھ مچولی جاری رہی، رات کو مختلف علاقوں میں بادل برسے، جس سے گرمی کا زور ٹوٹ گیا، اڑھائی سو سے زائد فیڈرز ٹرپ کرگئے، آدھا شہر تاریکی میں ڈوب گیا۔

دریں اثناء مرید کے، فیصل آباد، منڈی بہاؤالدین، بھلوال، دینہ، بہاولپور، منچن آباد اورچشتیاں میں برکھا رت پڑی، ٹانک اورڈیرہ اسماعیل خان سمیت خیبرپختونخوا میں بھی ابررحمت برسی، کئی علاقوں میں بجلی غائب ہوگئی۔موسم کا احوال بتانے والوں کا کہنا ہے کہ پنجاب، خیبرپختونخوا، گلگت بلتستان، اور کشمیر میں گرج چمک کے ساتھ بادل برسیں گے

موٹر وے پولیس نے ملتان خانیوال موٹر وے پر ملنے والے گم شدہ بچے کو والدین سے ملوا دیا

باغی ٹی وی : ترجمان موٹروے پولیس موٹروے پولیس نے خانیوال ملتان موٹر وے پر ملنے والے گم شدہ بچے کو والدین سے ملوا دیا

12سالہ بچہ گھر سے ناراض ہو کر نکلا تھا. موٹروے پولیس نے بچےکے والدین کو کافی کوشش کے بعد تلاش کیا. گم شدہ بچہ ملنے پر والدین کی موٹروے پولیس کو دعائیں دیں. ڈی آئی جی احمدارسلان ملک نے موٹروے پولیس افسران کی کارکردگی کو سراہا

میلسی : گمشدہ بچی ڈھونڈ کر والدین کے حوالے

وزیر اعلی پنجاب کا بغیر پروٹوکول لاہور کے بارش زدہ علاقوں کا دورہ
باغی ٹی وی : وزیر اعلی پنجاب سردار عثمان بزدار کا بغیر پروٹوکول لآہور شہر کے مختلف علاقوں کا اچانک دورکیااور بغیر سکیورٹی شدید بارش وآندھی سے پیدا ہونے والی صورتحال کا جائزہ لیا ۔

وزیراعلی عثمان بزدار نے جیل روڈ ،گلبرگ، کینال روڈ، مال روڈ ،لارنس روڈ اور دیگر علاقوں میں نکاسی آب کے انتظامات کا معاینہ کیا ۔ وزیراعلی عثمان بزدار نے پانی کی نکاسی کے انتظامات پر اطمینان کا اظہار کیا .بعض مقامات پر پانی کھڑا دیکھ کر برہمی کا اظہار کا اظہار کیا

وزیر اعلیٰ پنجاب کا لاہور میں بارش زدہ علاقوں کا دورہ pic.twitter.com/tL1rqpITX4

— Baaghi TV باغی ٹی وی (@BaaghiTV) July 12, 2020

وزیراعلی عثمان بزدار نے نکاسی آب کے لیے موقع پر ہی ہدایات دیں۔واسا اورانتظامی افسران کو فیلڈ میں موجود رہنے کا حکم جاری کیا
میں اگر فیلڈ میں ہوں تو متعلقہ افسران کو بھی گھروں میں آرام کرنے کی بجائے کام کرتے نظر آ نا چاہیئے ۔ لاہور کے شہریوں کے ساتھ ہیں اور ساتھ رہیں گے ۔
اچانک دورہ کرکے شہر کے مختلف علاقوں میں واسا کی جانب سے کیے ایمرجنسی انتظامات کا مشاہدہ کیا.ایسے وزٹ سے حقیقی معنوں میں اصل صورت حال کا علم ہوتا ہے شہریوں کے لئے اس بار مون سون سیزن میں سب سے بہتر انتظامات کیے ہیں ۔

باغی ٹی وی کی رپورٹ کے مطابق مسلم لیگ ن کے رکن قومی اسمبلی خواجہ آصف کی جانب سے قومی اسمبلی میں ادیان کے بارے میں بات کرنے پر کڑی تنقید کی جا رہی ہے

مرکزی جمعیت اہلحدیث کے سربراہ سینیٹر ساجد میر نے سماجی رابطے کی ویب سائٹ ٹویٹر پر ٹویٹ کرتے ہوئے کہا ہے کہ ‏خواجہ آصف کو مذہب پر بات کرنے سے پہلے مذہب کا مطالعہ کر لینا چاہیے۔

خواجہ آصف کو مذہب پر بات کرنے سے پہلے مذہب کا مطالعہ کر لینا چاہیے۔
دین اسلام کامل دین ہے اور دیگر مذاہب پر فوقیت رکھتا ہے۔

— Professor Sajid Mir Rahimahullah (@senatorsajidmir) July 10, 2020

سینیٹر ساجد میر کا مزید کہنا تھا کہ دین اسلام کامل دین ہے اور دیگر مذاہب پر فوقیت رکھتا ہے۔

سینیٹر ساجد میر ایک طرف مرکزی جمعیت اہلحدیث کے سربراہ ہیں تو دوسری جانب مسلم لیگ ن کے ٹکٹ پر ہی وہ سینیٹ کے رکن منتخب ہوئے ہیں، ن لیگی سینیٹر کی جانب سے خواجہ آصف پر تنقید کی گئی ہے

قبل ازیں خواجہ آصف کے خلاف توہین اسلام اور توہین قرآن کی دفعات کے تحت مقدمہ درج کرنے کی درخواست تھانہ ظفر وال میں دی گئی ہے،مدعی کا کہنا ہے کہ میں ظفر وال کا رہائشی ہوں اور وکالت سے منسلک ہوں،9 جولائی کو قومی اسمبلی کے اجلاس کی کاروائی دیکھ رہا تھا جس میں ن لیگی رکن قومی اسمبلی خواجہ آصف ولد خواجہ محمد صفدر نے خطاب کے دوران یہ الفاظ کہے کہ دنیا کے کسی مذہب کو دوسرے مذہب پر فوقیت نہ ہے،اسلام اور تمام مذاہب برابر ہیں،

درخواست گزار کا کہنا تھا کہ خواجہ آصف کے یہ الفاظ قرآن و سنت کے خلاف ہیں اور توہین اسلام کے زمرے میں آتے ہیں،شریعت کی رو سے یہ ایک سنگین جرم ہے جس میں تمام عالم اسلام کی توہین کی گئی ہے،

درخواست گزار کا کہنا تھا کہ خواجہ آصف کے بیان سے مسلمانوں کے جذبات مجروح ہوئے، ملزم کے خلاف توہین اسلام اور توہین قرآن کی دفعات کے تحت مقدمہ درج کیا جائے اور اسے گرفتار کیا جائے

مندر کی تعمیر پر اعتراض کرنے والے خواجہ آصف کی اپنی تصویر سوشل میڈیا پر وائرل

اسلام آباد میں مندر کی تعمیر، مولانا فضل الرحمان کا موقف بھی آ گیا

مندر کی تعمیر کی مخالفت وہ عناصر کر رہے ھیں جو پاکستان کے سافٹ امیج کے مخالف ہیں۔ لال مالہی

اسلام آباد میں مندر کی تعمیرفوری روکنے کی درخواست مسترد

وزیراعظم کی اسلام آباد میں مندر کی تعمیر کے حوالے سے فنڈز جاری کرنے کی ہدایت

اگر یہ مندر ہوتا ۔۔۔ لیکن یہ تو مسجد ہے ، تحریر: محمد عاصم حفیظ

دوسری جانب ن لیگی رہنما خواجہ آصف نے سماجی رابطے کی ویب سائٹ ٹویٹر پر ٹویٹ کرتے ہوئے کہا ہے کہ میری تقریرکونامناسب مطلب پہنائے جا رہے ھیں۔میں نےآئین کے تحت شہریوں کو یکساں بنیادی حقوق کی بات کی۔ وضاحت تقریر کے فوری بعد کر دی۔ کلپ حاضر ھے۔ مکمل تقریرسوشل میڈیا پہ موجود ھے

باغی ٹی وی کی رپورٹ کے مطابق وزیراعلیٰ پنجاب سردارعثمان بزدار ڈیرہ گجراں اورنج لائن میٹرو سٹیشن پہنچ گئے

وزیراعلیٰ نے اورنج لائن میٹروٹرین کے آغاز کے لئے تیاریوں کاجائزہ لیا ،وزیراعلیٰ نے اورنج لائن میٹرو ٹرین پر موجود جدید ترین سہولتوں اور آٹومیٹک آلات کا بھی معائنہ کیا ،وزیراعلیٰ نے اورنج لائن میٹرو ٹرین سٹیشن کے مختلف شعبوں کا معائنہ کیا

وزیراعلیٰ پنجاب عثمان بزدار کا کہنا تھا کہ اورنج لائن میٹرو ٹرین سی پی پیک کا منصوبہ ہے، جلد ازجلد چلانے کی کوشش کریں گے-اورنج لائن میٹروٹرین کا تعمیراتی کام تقریباً مکمل ہوچکا ہے،سازگار حالات کا انتظار کررہے ہیں -کورونا کی وجہ سے پیدا ہونے والی رکاوٹیں دور ہوتے ہی ٹرین سروس کا باقاعدہ آغاز کردیا جائے گا- اورنج لائن ٹرین چلا کر سابقہ حکومتوں کے منصوبے بند کرنے کی روایت کا خاتمہ کررہے ہیں –

وزیراعلیٰ پنجاب @UsmanAKBuzdar کی ڈیرہ گجراں اورنج لائن میٹرو سٹیشن آمد۔ وزیراعلیٰ نے اورنج لائن میٹروٹرین کے آغاز کے لئے تیاریوں کاجائزہ لیا۔
▪︎وزیراعلیٰ نے اورنج لائن میٹرو ٹرین پر موجود جدید ترین سہولتوں اور آٹومیٹک آلات کا بھی معائنہ کیا۔ pic.twitter.com/Y9SRBXJtVd

— . (@CMPunjabPK) July 11, 2020

وزیراعلیٰ پنجاب عثمان بزدار کا مزید کہنا تھا کہ اورنج لائن میٹروٹرین مسافروں کے تحفظ کے لئے ایس او پیز کے تحت چلانے کا فیصلہ کیاگیاہے- لاہور کے شہریوں کو سفر کی بہترین سہولتیں فراہم کرنے کا اہتمام کررہے ہیں – عوام کی فلاح او رسہولت کے لئے میٹرو ٹرین چلارہے ہیں –

وزیراعلیٰ پنجاب سردار عثمان بزدار کو اورنج لائن میٹرو ٹرین کے بارے میں تفصیلی بریفنگ دی گئی،ایم ڈی ماس ٹرانزٹ اتھارٹی نے وزیراعلی کو اورنج لائن ٹرین کو فنکشنل کرنے کے لئے اقدامات پر پیشرفت سے آگاہ کیا ،سیکرٹری ٹرانسپورٹ، ڈی جی ایل ڈی اے، چیف انجینئر ایل ڈی اے،ڈپٹی کمشنر لاہور ڈویژن، جی ایم پی ایم اے، ایم ڈی نیسپاک اور دیگر متعلقہ حکام بھی اس موقع پر موجود تھے

کیا نواز شریف صحتیاب ہو گئے؟ شہباز شریف کی پارٹی کو جشن منانے کی ہدایت

حریم شاہ کی دبئی میں کر رہے ہیں بھارتی پشت پناہی، مبشر لقمان نے کئے اہم انکشاف

حریم شاہ کو کریں گے بے نقاب، کھرا سچ کی ٹیم کا بندہ لڑکی کے گھر پہنچا تو اسکے والد نے کیا کہا؟

مبشر صاحب ،گند میں نہ پڑیں، ایس ایچ او نے حریم شاہ کے خلاف مقدمہ کی درخواست پر ایسا کیوں کہا؟

واضح رہے ایگزم بنک چائنہ سے 1.62 بلین ڈالر کے قرض سے بننے والی میٹرو اورنج لائن ٹرین منصوبہ پر کام کا آغاز 2 اکتوبر 2015 میں ہوا، پی سی ون کے مطابق منصوبہ 27 ماہ میں مکمل کیا جانا تھا مگر لاہور ہائی کورٹ کے حکم امتناعی، کام کی سست رفتاری اور لاگت میں ہوشربا اضافے کے باعث 50 ماہ بعد بھی منصوبہ ادھورا ہے۔

اورنج لائن منصوبہ مکمل نہ ہونے پر چیف جسٹس سے از خود نوٹس کا مطالبہ آ گیا

باغی ٹی وی کی رپورٹ کے مطابق ڈی آئی جی آپریشنز اشفاق خان کی پتنگ بازی روکنے کیلئے اہم کاوش سامنے آ گئی

ترجمان لاہور پولیس کے مطابق مخصوص نائیلون تار پر پابندی، سخت قانون وسزاوں سمیت قابل عمل تجاویز اعلٰی پولیس حکام کو بجھوا دیں۔

ڈی آئی جی آپریشنز اشفاق خان کا کہنا ہے کہ پتنگ کی ڈور سے حادثات و اموات کے کیسز میں نائیلون کا مخصوص دھاگہ استعمال ہوا۔نائیلون کا مخصوص دھاگہ ٹیکسٹائل انڈسٹری میں زیر استعمال نہیں بلکہ پتنگ بازی کیلئے ڈورمیں استعمال ہو رہا ہے۔ درامد پر پابندی کیلئے ایف بی آر سمیت متعلقہ اداروں سے مشاورت جاری ہے۔

ڈی آئی جی آپریشنز اشفاق خان کا مزید کہنا تھا کہ پتنگ بازی ایکٹ کے حوالے سے موجودہ قانون میں ترمیم بھی اشدضروری ہے۔ پتنگ بازی،پتنگ فروشی اور مینو فیکچرنگ پر ایک جیسا قانون لاگو ہونے سے بیشترملزمان سزا سے بچ جاتے ہیں۔ پتنگ اور ڈور کی آن لائن سیل پرچیز، ویب سائٹس و اکاؤنٹس کی بندش کیلئے ایف آئی اے سمیت متعلقہ اداروں سے رابطے میں ہیں۔ پتنگ بازی صرف لاہور شہر کاہی مسئلہ نہیں بلکہ بین الاضلاعی و صوبائی جرم بن چکا ہے۔

ڈی آئی جی آپریشنز اشفاق خان کا مزید کہنا تھا کہ کائٹ فلائنگ نہ ہماری ثقافت ہے نہ روایت، یہ سراسر جرم ہے۔ پتنگ اور ڈور کی رسد کو کاٹ کر ہی مسئلے کا حل ممکن ہے،شہری،تمام ادارے مل کر کام کریں۔ والدین اپنے بچوں کو پتنگ بازی اور پر تشدد آن لائن ڈیجیٹل گیمز سے دور رکھیں۔ والدین بچوں کے ساتھ تعلق کو مزید مضبوط بنا کر اُن کی اور دوسروں کی سیفٹی یقینی بنائیں۔

ڈی آئی جی آپریشنز اشفاق خان کا مزید کہنا تھا کہ رواں سال پتنگ بازی ایکٹ پر 8751ملزمان گرفتار،8721 مقدمات درج کئے گئے۔ گذشتہ سال اسی دورانیہ کی نسبت اس سال 5443 مقدمات زیادہ درج کئے گئے۔ جس علاقے میں پتنگ بازی ہو گی متعلقہ افسران کے خلاف سخت کارروائی عمل میں لائیں گے۔