Category: لاہور

پنجاب حکومت نے 20 کلو آٹے کے تھیلے کی قیمت کم کردی

باغی ٹی وی : فلور ملز کو سرکاری گندم 1475 روپے من فراہم کی جائے گی۔ عبوری پالیسی دو ماہ کے لئے ہوگی۔ سردار عثمان بزدار کہتے ہیں کہ آٹے کی قیمت کم کرکے عوام کو ریلیف فراہم کیا جائے گا۔

وزیراعلیٰ پنجاب سردار عثمان بزدار کے زیر صدارت پنجاب کابینہ کا اجلاس ہوا جس میں آٹے اور گندم کی قیمتوں میں استحکام لانے کا فیصلہ کرتے ہوئے بیس کلو آٹے کے تھیلے کی قیمت 850 روپے مقرر کر دی گئی۔ سرکاری گندم کے اجرا سے مارکیٹ میں 20 کلو کا تھیلا 1050 روپے سے کم ہو کر 850 روپے پر دستیاب ہوگا۔

پنجاب کابینہ نے فلور ملز کو قبل از وقت گندم ریلیز کرنے اور سرکاری گندم کا نرخ مقرر کرنے کی بھی منظوری دی۔ فلور ملز کو حکومت پنجاب 1475 روپے من کے حساب سے سرکاری گندم جاری کرے گی۔

فلور ملز حکومت پنجاب کے ساتھ طے شدہ نرخ پر آٹے کے تھیلے کی قیمت مقرر کرے گی۔ گندم کی عبوری پالیسی دو ماہ کے لئے نافذ العمل ہوگی۔ محکمہ خوراک پنجاب صرف فنکشنل فلور ملوں کو سرکاری گندم کا کوٹہ دے گا۔

پنجاب کابینہ نے محکمہ خوراک سے ٹارگٹڈ سبسڈی کیلئے جامع پلان بھی طلب کر لیا ہے۔ محکمہ خوراک 30 روز میں اپنی حتمی سفارشات پیش کرے گا۔

اجلاس سے خطاب میں وزیراعلی پنجاب سردار عثمان بزدار کا کہنا تھا کہ آٹے اور گندم کی قیمتوں میں استحکام لایا جائے گا۔ آٹے کی قیمت میں کمی لا کر عوام کو ریلیف فراہم کریں گے

لاہور:ڈاکٹر محمد اشرف آصف جلالی حق پہ پہرا دینے کی وجہ سے حق پرستوں کی آنکھوں کا تارا بن گئے ہیں ،اطلاعات کے مطابق مرکز صراط مستقیم تاج باغ لاہور اور جامعہ جلالیہ کے فضلائے کرام کی نمائندہ تنظیم ”جلالیہ علماء کونسل“ کے زیر اہتمام ”جلالیہ علماء کنونشن“ کا انعقاد کیا گیا جس میں مختلف اضلاع سے جلالیہ علماء کونسل کے علماء نے شرکت کی۔

کنونشن کی صدارت ڈاکٹر محمد اشرف آصف جلالی نے کی جبکہ شخ الحدیث مولانا محمدا ارشاد احمد جلالی صاحب مہمان خصوصی تھے۔ کنونشن میں مقررین نے اپنے مشترکہ بیان میں یہ کہا: ڈاکٹر محمد اشرف آصف جلالی حق پہ پہرا دینے کی وجہ سے حق پرستوں کی آنکھوں کا تارا بن گئے ہیں۔ عقائد اہل سنت کے تحفظ کے محاذوں پر ہم ہر گھڑی میں ڈاکٹر محمد اشرف آصف جلالی کے ساتھ رہیں گے۔

علما کونسل کا کہنا تھا کہ نظریاتی اور اعتقادی بگاڑ کے مقابلہ میں جس طرح ڈاکٹر محمد اشرف آصف جلالی سینہ سپر رہے ہیں، علمائے ربانی کا ہمیشہ سے یہی شیوہ رہا ہے۔ آپ کی سالہا سال سے یہ تحریک ہے کہ عوام علماء کی پیروی کریں نہ کہ علماء عوام کی پیروی کریں۔ آپ نے یہ جد و جہد کی کہ جو نظریہ ہمارے آئمہ کی کتابوں میں ہے وہی مجمع عام کے خطابوں میں ہونا چاہیے۔

علما کونسل کا کہنا تھا کہ آج کچھ لوگ اہل سنت کے مخالفین ایجنڈے پر یہ کام کر رہے ہیں۔ ڈاکٹر محمد اشرف آصف جلالی کے کردار، مذہبی خدمات اور دلیل و برہان کا جن لوگوں کے پاس جواب نہیں وہ آپ کے خلاف سازشوں میں مصروف ہیں۔ شرکائے کنونشن نے چند قراردادوں کے لیے حکومت سے یہ مطالبات کیے:

علما کونسل کا کہنا تھا کہ ڈاکٹر محمد اشرف آصف جلالی کے کلام کو سیاق و سباق سے ہٹا کر جن لوگوں نے عوام کو گمراہ کرنے کی کوشش کی اور حضرت سیدہ فاطمہ رضی اللہ تعالی عنہا کے بارے میں اپنی طرف سے خطاکار اور غیر صدیقہ کے الفاظ گھڑ کے لکھے اوراپنی طرف سے ایک من گھڑت داستان بنا کے ایف آئی آر کٹوائی ان کا سختی سے محاسبہ کیا جائے۔

علما کونسل کا کہنا تھا کہ جن لوگوں نے سوشل میڈیا پر ڈاکٹر محمد اشرف آصف جلالی کو مبینہ طور قتل کی دھمکیاں دی ہیں اور سر کی قیمت مقرر کی ہےِ حکومت ان کو گرفتار کر کے ارادہئ قتل کی سزا دے۔ ڈاکٹر محمد اشرف آصف جلالی کے خلاف حکومت کی ظالمانہ کاروائیاں برداشت نہیں کر سکتے۔

علما کونسل کا کہنا تھا کہ ایک قرارداد کے ذریعے اسلام آباد میں مندر کی تعمیر کی مذمت کی گئی اور اسے نظریہئ پاکستان کی خلاف ورزی قرار دیا گیا۔ کنونشن میں مولانا سید محمد ابو بکر عمار شاہ جلالی، مفتی محمد شفیع اللہ جلالی، مولانا محمد خلیل مہروی، ڈاکٹر محمد رضاء المصطفیٰ قادری، علامہ محمد ثاقب علوی، علامہ غلام محمد وٹو، مولانا محمد عدیل جلالی سمیت کثیر تعداد میں علماء نے شرکت کی۔

ایلیٹ فورس کی فوری ریسپانس ٹیموں کا ہنگامی صورتحال سے نمٹنے کے لیے ایک روزہ ٹریننگ کا آغاز
باغی ٹی ٹی وی : ایلیٹ فورس کی فوری ریسپانس ٹیموں Quick Respone کا ہنگامی صورتحال سے نمٹنے کی ایک روزہ ٹریننگ کا آغاز ہو گیا جس کا ڈی آئی جی آپریشنز اشفاق خان نے مشقوں کا افتتاح کیا۔

اس موقع پر ڈی آئی جی انوسٹی گیشن محبوب رشید،ایس ایس پی انوسٹی گیشن،ایس ایس پی آپریشنز فیصل شہزاد،ایس پی ڈولفن سکواڈ راشد ہدایت،ایس پی ہیڈ کوارٹرزملک جمیل ظفر،ایس پی سکیورٹی بلال ظفر و دیگر افسران کی شرکت۔

ترجمان لاہور پولیس کے مطابق ایلیٹ فورس کی کوئک ریسپانس ٹیمیں ملک دشمن عناصر کی مذموم کاروائیوں کو ناکام بنانے کے لئے آپریشنل سٹرٹیجی کی تربیت حاصل کریں گی۔مشقوں میں سپیشل ایلیٹ ٹیموں کی گاڑیوں،بکتر بند گاڑی ایمرجنسی ٹرکوں اور دیگر لاجسٹک نے حصہ لے رہی ہیں۔

ڈی آئی جی آپریشنز اشفاق خان کی ایلیٹ ٹیموں کو ہنگامی صورتحال سے نبردآزما ہونے بارے ہدایات دیں۔

مشقوں کے افتتاحی سیشن سے ڈی آئی جی آپریشنز اشفاق خان،ڈی آئی جی سکیورٹی محبوب رشید،ایس ایس پی انوسٹی گیشن ذیشان اصغر،ایس ایس پی آپریشنز فیصل شہزاد نے ایلیٹ ٹیموں کے دستوں سے خطاب کیا۔

منافع میں چلنے والے اداروں کو بھی فروخت کرنا ظاہر کرتا ہے کہ عمران خان کا ایجنڈا ملک کی تباہی ہے، بلاول

باغی ٹی وی : چیئرمین بلاول بھٹو زرداری کی سربراہی میں سول ایوی ایشن اور پی آئی ای یونین کے نمائندوں کے الگ الگ ویڈیو لنک اجلاس کیا.بلاول ہاؤس میں ہونے والے ویڈیو لنک اجلاس میں سول ایوی ایشن یونین کے پیٹرن انچیف تیمور بیگ اور چیئرمین ایاز بٹ شریک ہوئے.ویڈیو لنک اجلاس میں سول ایوی ایشن یونین کے صدر نوید کیانی، سیکریٹری جنرل سمیع اللہ بھی موجود تھے

ویڈیو لنک اجلاس میں سول ایوی ایشن یونین کے اصغر علی، آصف شاہ، ملک رب نواز، محمد اصغر، راجہ بلال، رضوان نسیم، صمد زمان بھی شریک ہوئے ویڈیو لنک اجلاس میں پی آئی اے پیپلز یونٹی کے صدر ہدایت اللہ، سینئرنائب صدر محمداشرف، نائب صدر ضمیر چانڈیو ودیگر موجود تھے. اجلاس میں پی آئی اے پیپلزیونٹی کے جنرل سیکریٹری علی احمد لاشاری اور ڈپٹی جنرل سیکریٹری رفیق خان . پی آئی اے پیپلزیونٹی کے ساجد گجر، رمضان لغاری، جہانگیر خان، کاشف رانا، ملک وقار اور سہیل مختار بھی موجود تھے.چیئرمین بلاول بھٹو زرداری کے ہمراہ قمر زمان کائرہ اور چوہدری منظور بھی ویڈیو لنک اجلاس میں شریک ہوئے.

چیئرمین بلاول بھٹو زرداری کو سول ایوی ایشن اور پی آئی اے یونٹیز کے نمائندوں نے اداروں کی صورت حال پر بریفنگ دی جس میں کہا گیا کہ کورونا وائرس کی وباء کے باوجود سول ایوی ایشن نے 89 ارب روپے کا منافع دیا، حکومت کراچی، لاہور اور اسلام آباد کے ائیرپورٹس کو فروخت کرنا چاہتی ہے،سول ایوی ایشن یونٹی سیکشن 29 کو کسی صورت قبول نہیں کرے گی،
ایک منظم منصوبہ بندی کے تحت پی آئی اے کو بدنام کیا جارہا ہے تاکہ اسے فروخت کیا جاسکے، چیئرمین بلاول بھٹو زرداری نے کہا کہ پاکستان ہماری ماں ہے اور اس کے ادارے دھرتی ماں کے زیورات ہیں،میں اپنی دھرتی ماں کے زیورات کسی صورت فروخت نہیں ہونے دوں گا، سیکشن 29 کے خاتمے کے لئے سول ایوی ایشن یونین کے ساتھ ہیں، پاکستان کے ائیرپورٹس کو سیکیورٹی ادارے بھی استعمال کرتے ہیں، ائیرپورٹس کی فروخت ملک میں سیکیورٹی کو داؤ پر لگادے گی، ہم عمران خان کو ائیرپورٹس کی قیمتی زمینیں اونے پونے اپنے دوستوں کو نوازنے نہیں دیں گے،

بلاول کا مزید کہنا تھا منافع میں چلنے والے اداروں کو بھی فروخت کرنا ظاہر کرتا ہے کہ عمران خان کا ایجنڈا ملک کی تباہی ہے، وقت آچکا ہے کہ پاکستان بھر کے مزدور اور ورکرز عمران خان کی فاشسٹ حکومت کے خلاف متحد ہوں، حکومت نے اپنی نااہلی کی وجہ سے پی آئی اے کی پروازوں پر عالمی پابندی لگوادی، پاکستان کے اثاثے قوم کی ملکیت ہیں اور قوم اپنی ملکیت کا تحفظ کرے گی، عمران خان کا مقصد صرف اپنے کاروباری دوستوں کے مفادات کا تحفظ ہے، یہ بات صاف ظاہر ہوچکی ہے کہ پاکستان اور عمران خان ساتھ ساتھ نہیں چل سکتے، پی پی پی اقتدار میں آکر ریاستی اداروں کے مزدوروں کو نہ صرف دوبارہ شیئرز دے گی بلکہ ان میں اضافہ بھی کرے گی،ریاست کے اداروں کو خریدنے والے خبردار رہیں، پی پی پی اقتدار میں آکر فروخت کے فیصلوں کو کالعدم قرار دے دیگی،
https://twitter.com/BaaghiTV/status/1278684058994819072?s=20

پنجاب اسمبلی کا سیشن نجی ہوٹل میں کرنے کے خلاف درخواست سماعت کے لیے منظور

باغی ٹی وی پنجاب اسمبلی کا سیشن نجی ہوٹل میں کرنے کے خلاف لاہور ہائیکورٹ میں سماعت ہوئی ، چیف جسٹس لاہور ہائیکورٹ نے درخواست کو سماعت کے لیے منظور کر لیا، لاہور ہائیکورٹ کا پنجاب حکومت کو نوٹس، تحریری جواب طلب کر لیا

تفصیلات کے مطابق چیف جسٹس لاہور ہائیکورٹ نے انجم حمید کی درخواست پر سماعت کی جس میں چیف جسٹس نے استفسار کیا کہ اسمبلی کے رولز آف بزنس کے مطابق اجلاس اور سیشن کہاں ہونا ہے ۔ وکیل درخواستگزار نے کہا کہ کرونا کی وجہ معیشت کا برا حال ہے ایسے ٹائم میں حکومت لاکھوں روپے لگا رہی ہے ۔موجودہ حکومت نے کفایت شعاری کا اعلان کیا تھا۔کیا چیف جسٹس نے استفسار کیا کہ آئین یا قانون میں کہیں لکھا ہے کہ اجلاس یا سیشن ایک مخصوص جگہ ہو گا ۔ کیا آئین کے آرٹیکل 109 کے تحت گورنر اپنے اختیارات کسی کو دے سکتا ہے ۔

کیا قانون یہ اجازت دیتا ہے کہ گورنر سپکیر کو کہے کہ جہاں آپ جہاں اجلاس بلانا چاہیں بلا لیں ۔چیف جسٹس نے سرکاری وکیل سے سرکاری وکیل س:اسپیکر اسمبلی اپنے گھر اجلاس بلا لے اور کچھ لوگ وہاں نہ جانا چاہیں تو کیا ہو گا ۔

جنسی ہراسانی کا مسئلہ ،جہاں طالبات ہوں وہاں نجی اسکول مرد اساتذہ کو نوکری پر نہ رکھیں، صوبائی وزیر تعلیم

باغی ٹی وی : صوبائی وزیر تعلیم مراد راس کی نجی اسکول میں جنسی ہراسانی کے واقعہ پر پریس کانفرنس کرتے ہوئے کہا ہے کہ جنسی ہراسانی پر بہت سارے اسکولوں سے کمپلینٹ آنا شروع ہوگئی ہے. نجی اسکول جنسی ہراسانی واقعے میں بہت فون آئے. نجی اسکول میں ہونے والا معاملہ بہت سنجیدہ معاملہ ہےجن بچوں کے ساتھ یہ واقعہ پیش آیا ناجانے ان پر کیا گزرا ہوگا.ایسی بچیاں سامنے آئی جو بات کرتے ہوئے رو پڑیں. اس واقعہ کو آج تیسرا دن ہوگیا، انتظار ہے والدین اور طلبا ہمارے پاس آئیں.جب تک ہمارے پاس کوئی کمپلینٹ نہیں ہوگی ایکشن کیسے لیں گے؟ ہم نجی اسکولوں کے لیے نیا ایکٹ لے کرآرہے ہیں

صوبائی وزیر تعلیم کا کہنا تھا کہ سیکرٹری اسکول نے ایکٹ میں جنسی ہراسانی پر چیزیں شامل کروائی ہے.جن بچوں نے والدین کو نہیں بتایا تو وہ اپنے گھر بات کریں.والدین خود اس معاملے میں اپنے بچوں سے بات کریں.جہاں طالبات ہوں وہاں نجی اسکول مرد اساتذہ کو نوکری پر نہ رکھیں.اسکول میں سب ہورہا ہو تو پرنسپل کو نہ پتا ہو؟بچیاں نجی اسکول کو کمپلینٹ کرتی رہیں مگر انکو سنجیدہ نہیں لیا گیا
ہمیں جنسی ہراسانی پر لڑکوں کی شکایات آرہی ہیں.اگر کہیں جنسی ہراسانی ہورہی ہے تو اسکول کے خلاف ہم ایکشن لیں گے
نجی اسکول اساتذہ کو کورونا وبا میں نکال رہے ہیں.سنئیر بیوروکریٹس نے مجھے آکر نجی اسکول کے معاملے کا بتایا
نجی اسکول اپنے اساتذہ کی تنخواہوں میں کٹوتی کرلیں مگر نوکری سے مت نکالیں.اساتذہ جنہوں نے جنسی ہراسانی کی انکی تصویریں ٹی وی پر دکھاؤں گا.اسی نجی اسکول کی دوسری برانچز میں بھی جنسی ہراسانی ہورہی ہے،نوکریوں سے نکالنے سے کچھ نہیں ہوگا
اگر ان لوگوں کو کسی اور اسکول نے نوکری دی تو میں اس اسکول کو نہیں چھوڑوں گا.پنجاب ایجوکیشن فاونڈیشن میں بہت لوگوں کے کنٹریکٹ ری نیو نہیں ہوں گےاگر مجھے کسی نے کسی کا کنٹریکٹ ری نیو کرنے کی سفارش کی تو میڈیا پر انکے نام لوں گا
یہ ادارے تب ہی ٹھیک ہوں گے جب درست لوگ آئیں گے

لاھور2جولائ: ناصر سلمان وائس چیئرمین پنجاب وزیراعلی شکایت سیل، ترجمان حکومت پنجاب کی ہدایات پر جدید مسٹ کوئین کے ذریعے شہر کے مختلف علاقوں جن میں ساندہ روڈ، حکیماں والا بازار، آخری بس سٹاپ، کرشن نگر، اسلام پورہ بازار، نیلی بار، بابا گراؤنڈ، ایم او کالج روڈ، چوبرجی ملتان روڈ پر کلورین سپرے کروایا گیا،

وزیراعلی عثمان بزدار کی زیر قیادت پنجاب حکومت نے کورونا کے پھیلاؤ کو روکنے کے لیے شہر کے مختلف علاقے سمارٹ لاک ڈاؤن پالیسی کے تحت سیل کیئے ہیں، اس کے علاوہ مختلف علاقوں میں کلورین سپرے کا عمل جاری ہے جس کے ذریعے شہریوں کو کورونا وائرس سے تحفظ دیا جارہا ہے۔ عادل بشیر کوآرڈینیٹر وائس چیئرمین اور انجینئر غلام عباس جنرل سیکرٹری یونین کونسل 74 کلورین سپرے کے کام کی نگرانی کررہے ہیں۔