Category: لاہور

باغی ٹی وی کی رپورٹ کے مطابق پنجاب اسمبلی کا سیشن نجی ہوٹل میں کرنے کے خلاف لاہور ہائیکورٹ میں درخواست پر سماعت ہوئی

چیف جسٹس لاہور ہائیکورٹ نے درخواست کو سماعت کے لیے منظور کر لیا، لاہور ہائیکورٹ نے پنجاب حکومت کو نوٹس، تحریری جواب طلب کر لیا

چیف جسٹس لاہور ہائیکورٹ نے انجم حمید کی درخواست پر سماعت کی،چیف جسٹس لاہور ہائیکورٹ نے استفسار کیا کہ اسمبلی کے رولز آف بزنس کے مطابق اجلاس اور سیشن کہاں ہونا ہے ۔وکیل درخواست گزار نے کہا کہ کرونا کی وجہ معیشت کا برا حال ہے ایسے ٹائم میں حکومت لاکھوں روپے لگا رہی ہے ۔ موجودہ حکومت نے کفایت شعاری کا اعلان کیا تھا۔

چیف جسٹس لاہور ہائیکورٹ نے کہا کہ کیا آئین یا قانون میں کہیں لکھا ہے کہ اجلاس یا سیشن ایک مخصوص جگہ ہو گا ۔ کیا آئین کے آرٹیکل 109 کے تحت گورنر اپنے اختیارات کسی کو دے سکتا ہے ۔

چیف جسٹس لاہور ہائیکورٹ نے سرکاری وکیل سے استفسار کیا کہ کیا قانون یہ اجازت دیتا ہے کہ گورنر سپیکر کو کہے کہ جہاں آپ جہاں اجلاس بلانا چاہیں بلا لیں ۔اسپیکر اسمبلی اپنے گھر اجلاس بلا لے اور کچھ لوگ وہاں نہ جانا چاہیں تو کیا ہو گا ۔

عدالت نے پنجاب حکومت سے جواب طلب کر لیا

واضح رہے کہ پنجاب اسمبلی کا بجٹ سیشن مقامی ہوٹل میں ہو رہا ہے، اپوزیشن جماعتوں نے بھی اخراجات کے حوالہ سے سوال اٹھائے تھے، تا ہم اجلاس مقامی ہوٹل میں ہی جاری ہے

غربت سے تنگ، چالان کرنے پر ڈرائیور نے رکشہ کو آگ لگادی

باغی ٹی وی کی رپورٹ کے مطابق پنجاب کے دارالحکومت قربان لائنز کے قریب ٹریفک پولیس کی جانب سے چالان کرنے پر ڈرائیور نے رکشے کو آگ لگادی۔

لاہور کے علاقے قربان لائنز کے قریب پولیس کی جانب سے چالان کرنے پر رکشہ ڈرائیور نے رکشے کو آگ لگادی ، رکشہ ڈرائیور نے چالان وصول کرنے کے بعد پیٹرول چھڑک کر رکشہ کو آگ لگائی۔ وارڈن نے بد اخلاقی اور بدتمیزی شروع کردی جس پر رکشہ ڈرائیور طیش میں آگیا۔

سی ٹی او حماد عابد نے ایس پی صدر کو انکوائری کا حکم دیتے ہوئے واقعے کی رپورٹ طلب کرلی۔

سی ٹی او نے سیف سٹی کیمروں سے مدد لینے کی بھی ہدایت کی، سی ٹی او کے مطابق واقعہ میں قصور وار کے خلاف قانون کے مطابق کارروائی عمل میں لائی جائے گی، کسی کو قانون ہاتھ میں لینے کی اجازت نہیں ہے.

بزدار حکومت ایک اور قدم آگے،تعمیراتی شعبہ کے فروغ کے لیے انقلابی اقدامات

باغی ٹی وی کی رپورٹ کے مطابق بزدار حکومت ایک اور قدم آگے ،وزیراعلیٰ پنجاب سردار عثمان بزدار کی قیادت میں پنجاب حکومت کے تعمیراتی شعبہ کے فروغ کےلیے انقلابی اقدامات ، ای گورننس پر مبنی محکمانہ اصلاحات کے ذریعے تعمیراتی شعبہ سے متعلقہ این او سی کا اجرا آسان بنا دیا گیا

وزیراعلیٰ پنجاب عثمان بزدار کا کہنا تھا کہ تعمیراتی شعبے سے متعلقہ این او سی اب ای خدمت مراکز سے ون ونڈو کے ذریعے حاصل کئے جا سکیں گے۔ نجی، کمرشل یا صنعتی تعمیرات کیلئے اجازت ناموں /این او سی کے حصول کے لیے اب برسوں انتظار نہیں کرنا پڑےگا ۔

وزیراعلیٰ پنجاب عثمان بزدار کا مزید کہنا تھا کہ این او سی کا اجرا آئندہ مقرر کردہ مدت میں چند ہفتے میں ہو گا۔ نقشوں کی منظوری، تکمیل تعمیر سرٹیفکیٹ، جگہ کے استعمال میں تبدیلی کا این او سی یا نجی رہائشی کالونیوں کی منظوری سے متعلقہ اجازت نامے نئے شیڈول کے تحت ملیں گے ،پہلے مرحلے میں پنجاب کے 9 ڈویژنل ہیڈکوارٹرز میں قائم ای خدمت مراکز میں ان سروسز کا آغاز کر دیا گیا ہے ۔عوام کو فائلیں اٹھائے متعدد سرکاری دفاتر کے چکر لگانے کی زحمت سے نجات ملے گی ۔

وزیراعلیٰ پنجاب عثمان بزدارکا مزید کہنا تھا کہ کرپشن کا ایک اور دروازہ بند کر دیا ہے۔ ڈویلپمنٹ اتھارٹیز، کارپوریشنز اور ایجنسیوں سے متعلقہ دستاویزات ای خدمت مرکز میں ایک چھت تلے میسر ہوں گی ۔ پنجاب میں Ease of Doing Business کی نئی تاریخ رقم کر رہے ہیں۔ان اصلاحات سے معیشت کا پہیہ بھی رواں دواں رہے گا اور کنسٹرکشن سیکٹر میں نوکریوں کے نئے مواقع پیدا ہوں گے۔عثمان بزدار
صارفین اپنی درخواستوں کا سٹیٹس جاننے کیلئے ای خدمت پورٹل یا موبائل اپ کے علاوہ 08009100 پر بھی رابطہ کرسکتے ہیں۔ہم باتیں کم اور کام زیادہ کرتے ہیں ۔

باغی ٹی وی کی رپورٹ کے مطابق پاکستان کے معروف اینکر پرسن عمران خان نے کہا ہے کہ پیپلز پارٹی الٹی لٹک جائے یا مجھے لٹکا دے تو بھی انکی کرپشن پر بات کرنے سے باز نہیں آؤں گا،

گزشتہ شب نجی ٹی وی پر اینکر عمران خان کے پروگرام میں پیپلزپارٹی کی رہنما پلوشہ خان بطور مہمان تھیں،جس میں پلوشہ خان نے کہا کہ فیصلہ آپ نے تو نہیں کرنا ،آپ تو بیٹھ کر وکالت کر رہے ہیں

اس پر اینکر عمران خان کا کہنا تھا کہ سندھ کے عوام کی وکالت میں کروں گا،سندھ کے عوام کی وکالت سے نہ بلاول، نہ زندہ بھٹو روک سکتا ہے، آپ مجھے نہیں روک سکتے، سندھ کی عوام پر ظلم کرین گے، گولیاں ماریں گے،‌صحافی کو قتل کر دیں گے، پھر ثبوت بھی سامنے نہیں آںے دیں گے تو میں تو آواز اٹھاؤں گا

اینکر عمران خان کا کہنا تھا کہ سندھ کے ہسپتالوں کی حالت دیکھ لیں،ان پر بات کروں گا، تھر میں بچے مر رہے ہیں، کرونا کو کنٹرول نہیں کر رہے تو میں اس پر بات کروں گا

پلوشہ خان کا کہنا تھا کہ دوسرے مہمان بات کریں، میرے سر میں درد ہے مجھے اجازت دیں جس پر عمران خان نے کہا کہ یہ آپ کا حق ہے،آپ چڑھائی کرین گی میرے اوپر اور میں چڑھائی کرنے دوں گا ایسا نہیں ہو سکتا، سیاسی بات آپس میں کریں مجھے جواب دیں،

آصف زرداری کی کرپشن پر پروگرام کیوں کیا؟؟ پلوشہ خان آپے سے باہر۔۔۔ اینکر عمران خان نے رہنما پیپلزپارٹی کو پروگرام سے اٹھادیا۔۔ pic.twitter.com/4ULGXdao63

— Trends Pakistan (@TrendsPaak) July 1, 2020

پلوشہ خان نے بات کی تو عمران خان نےکہا کہ آپ اپنا پوائنٹ آف ویو دیں، پلوشہ یہ بدمعاشی نہیں چلے گی، آپ نے موقف دینا ہے تو دیں ورنہ ماےئیک اتار کر جائیں، بدتمیزی نہیں کرنے دون‌گا، جو صحافی آپ کی بد تمیزی سنتے ہیں ان سے جا کر بد تمیزی کریں

اینکر عمران خان کا کہنا تھا کہ کل میں نے توشہ خان کیس پر بات کی تھی، آپ لوگوں نے میسجز کئے اور کہا کہ کرپشن پر بات نہ کریں ، الٹا بھی لٹک جائیں گے آپ لوگ پھر بھی میں بات کرنے سے باز نہیں آؤں گا

نجی ٹی وی کی یہ ویڈیو سوشل میڈیا پر وائرل ہو چکی ہے، ٹی وی کے ٹویٹر اکاؤنٹ سے یہ ویڈیو ایک بار پوسٹ کی گئی بعد ازاں اسکو ڈیلیٹ کر دیا گیا تا ہم یہ ویڈیو وائرل ہو چکی ہے

جام کمال کی عثمان بزدار سے ملاقات، بین الصوبائی ہم آہنگی اور دو طرفہ تعاون کے فروغ پر تبادلہ خیال

باغی ٹی وی : وزیراعلیٰ جام کمال نے بلوچستان کی تعمیر و ترقی کیلئے پنجاب حکومت کے تعاون پر وزیراعلیٰ عثمان بزدار کا شکریہ ادا کیا
کورونا وباء کا پھیلاؤ روکنے اور ٹڈی دل سے فصلوں کو بچانے کیلئے مشترکہ طور پر موثر اقدامات اٹھانے پر اتفاق کیا
وزیر اعلیٰ پنجاب نے بلوچستان میں بسنے والے بہن بھائیوں کی ہرممکن خدمت کرتے رہیں گے،بلوچستان کی ترقی بھی اتنی ہی عزیز ہے جتنی پنجاب کی ہے. خاران میں ٹیکنیکل کالج، تفتان میں کمیونٹی سنٹر اور تربت میں 100 بستر وں پر مشتمل ہسپتال بنائیں گے:
اوکاڑہ میں میر چاکر اعظم رند کے مقبرے کی اصل حالت میں بحالی کیلئے فنڈز مہیا کر دیئے ہیں اور کام شروع ہو چکا ہے
:وزیراعلیٰ بلوچستان نے کہا کہ میر چاکر اعظم رند مقبرے کی بحالی پر حکومت پنجاب کے شکر گزار ہیں، پنجاب کو بھی اپنا گھر سمجھتے ہیں،بین الصوبائی ہم آہنگی کی ضرورت پہلے سے کہیں زیادہ ہے، تجربات سے فائدہ اٹھا کر فلاح عامہ کے سفر کو آگے بڑھائینگے
وزیراعلیٰ پنجاب اور وزیراعلیٰ بلوچستان کورونا سے شہید سیکٹر کمانڈر آئی ایس آئی بلوچستان بریگیڈیئر حسن افضال کی رہائش گاہ بھی آئے عثمان بزدار اور جام کمال کا بریگیڈیئر حسن افضال شہید کے خاندان سے اظہار تعزیت، شہید کے درجات کی بلندی کیلئے دعا کی اور خدمات کو خراج عقیدت پیش کیا ،
وزیراعلیٰ عثمان بزدار سے جنوبی پنجاب سیکرٹریٹ کیلئے تعینات ایڈیشنل چیف سیکرٹری اور ایڈیشنل انسپکٹر جنرل پولیس نے ملاقات کی ، جنوبی پنجاب سیکرٹریٹ کے قیام کیلئے افسروں کی میرٹ پر تعیناتی کی ہے،مقامی لوگوں کو ریلیف ملے گا
افسران ہر کام میرٹ پر کریں، غلط کام کیلئے کسی کا دباؤ خاطر میں نہ لائیں، اپنے دفاتر کے دروازے لوگوں کیلئے کھلے رکھیں
جنوبی پنجاب سیکرٹریٹ کا قیام ایک حقیقی تبدیلی ہے اور عوام کو ریلیف ملنے سے یہ تبدیلی واضح نظر آئے گی
نجی سکول میں طالبات کو ہراساں کرنے کے واقعات کا نوٹس لیا ، رپورٹ طلب،ذمہ دار عناصر کے خلاف قانونی کارروائی کا حکم
لائن آف کنٹرول پر شہری آبادی پر بھارتی فوج کی اشتعال انگیزیوں کی شدید مذمت کی
: وزیراعلیٰ بلوچستان جام کمال خان نے آج 90 شاہراہ قائداعظم پر وزیراعلیٰ پنجاب سردار عثمان بزدار سے ملاقات کی جس میں باہمی دلچسپی کے امور، بین الصوبائی ہم آہنگی کے فروغ اور دو طرفہ تعاون کو وسعت دینے پر تبادلہ خیال کیا گیا۔ وزیراعلیٰ جام کمال نے بلوچستان کی تعمیر و ترقی کیلئے پنجاب حکومت کے تعاون پر وزیراعلیٰ عثمان بزدار کا شکریہ ادا کیا۔ ملاقات میں کورونا وباء کا پھیلاؤ روکنے اور ٹڈی دل سے فصلوں کو بچانے کیلئے مشترکہ طور پر موثر اقدامات اٹھانے پر اتفاق کیا گیا۔ وزیراعلیٰ عثمان بزدار نے کہا کہ کورونا وباء کے باعث غیر معمولی صورتحال سے گزر رہے ہیں۔پنجاب حکومت نے کورونا کا پھیلاؤ روکنے کیلئے ہر ضروری اقدام بروقت اٹھایا ہے اور ٹڈی دل سے فصلو ں کو بچانے کیلئے موثر اقدامات کئے گئے ہیں۔ اللہ تعالیٰ کے فضل و کرم اور حکومتی کاوشوں کے باعث ٹڈی دل سے فصلیں زیادہ متاثر نہیں ہوئیں۔ٹڈی دل کے ممکنہ اگلے حملے سے فصلوں کو بچانے کیلئے متعلقہ محکموں کو پیشگی ہدایات جاری کردی ہیں۔ انہوں نے کہا کہ بلوچستان میں بسنے والے بہن بھائیوں کی ہرممکن خدمت کرتے رہیں گے۔بلوچستان کی ترقی بھی اتنی ہی عزیز ہے جتنی پنجاب کی۔ بلوچستان کے علاقے خاران میں ٹیکنیکل کالج بنایا جائے گا۔ تفتان میں کمیونٹی سنٹر قائم کیا جائے گا اور تربت میں 100 بستر وں پر مشتمل ہسپتال بنائیں گے اور اس ضمن میں بجٹ میں ایک ارب 25 کروڑ روپے رکھے گئے ہیں۔ وزیراعلیٰ عثمان بزدار نے کہا کہ بلوچ بہن بھائیوں کی جو بھی خدمت ہو گی پنجاب پیچھے نہیں رہے گا۔ اوکاڑہ میں میر چاکر اعظم رند کے مقبرے کی اصل حالت میں بحالی کیلئے فنڈز مہیا کر دیئے ہیں اور کام شروع ہو چکا ہے۔پنجاب بڑے بھائی کے طور پر بلوچستان سمیت ہر صوبے سے محبت کا بھرپور حق ادا کر رہا ہے۔ وزیراعلیٰ عثمان بزدار نے کہا کہ ترقی اور خوشحالی کے سفر میں دونوں صوبے قدم سے قدم ملا کر آگے بڑھیں گے۔ بلوچستان کے لوگ محب وطن اور محنتی ہیں۔ نئے پاکستان کی تعمیر و ترقی کے سفر میں شانہ بشانہ چلیں گے۔ انہوں نے کہا کہ بلوچستان میرے دل کے بہت قریب ہے۔ پنجاب حکومت بلوچستان کی ترقی اور عوام کی خوشحالی کیلئے ہر ممکن تعاون جاری رکھے گی اور صوبوں کے درمیان یکجہتی، ہم آہنگی اور بھائی چارے کو فروغ دیا جائے گا۔ وزیراعلیٰ بلوچستان جام کمال خان نے کہا کہ میر چاکر اعظم رند مقبرے کی بحالی پر حکومت پنجاب کے شکر گزار ہیں۔ پنجاب کو بھی اپنا گھر سمجھتے ہیں۔ انہوں نے کہا کہ موجودہ حالات میں بین الصوبائی ہم آہنگی کی ضرورت پہلے سے کہیں زیادہ ہے۔ایک دوسرے کے تجربات سے فائدہ اٹھا کر فلاح عامہ کے سفر کو آگے بڑھائیں گے۔ صوبائی وزیر اطلاعات فیاض الحسن چوہان، رکن پنجاب اسمبلی سمیع اللہ چوہدری، چیف سیکرٹری بلوچستان فضیل اصغر، ایڈیشنل چیف سیکرٹری انفراسٹرکچر، ایڈیشنل چیف سیکرٹری داخلہ، سیکرٹری انسانی حقوق و اقلیتی امور، پرنسپل سیکرٹری وزیراعلیٰ بلوچستان، وزیراعلیٰ پنجاب کے سیکرٹری کوآرڈینیشن اور متعلقہ حکام بھی اس موقع پر موجود تھے۔ دریں اثنا وزیراعلیٰ بلوچستان جام کمال خان آج لاہور پہنچے تو وزیراعلیٰ پنجاب سردار عثمان بزدار نے ایئرپورٹ پر ان کا استقبال کیا۔
وزیراعلیٰ پنجاب اور وزیراعلیٰ بلوچستان کی کورونا سے شہید سیکٹر کمانڈر آئی ایس آئی بلوچستان بریگیڈیئر حسن افضال کی رہائش گاہ آمد،
خاندان سے اظہار تعزیت: وزیراعلیٰ پنجاب سردار عثمان بزدار اور وزیراعلیٰ بلوچستان جام کمال خان آج سیکٹر کمانڈر آئی ایس آئی بلوچستان بریگیڈیئر حسن افضال شہید کی رہائش گاہ پر گئے۔ دونوں وزرائے اعلیٰ نے کورونا سے شہید ہونے والے بریگیڈیئر حسن افضال کے خاندان سے دلی ہمدردی اور تعزیت کا اظہار کیا۔ وزیراعلیٰ پنجاب عثمان بزدار اور وزیراعلیٰ بلوچستان جام کمال خان نے سوگوار خاندان سے بریگیڈیئر حسن افضال کی شہادت پر گہرے دکھ اور افسوس کا اظہار کیا اور شہید بریگیڈیئر حسن افضال کے درجات کی بلندی کیلئے دعا کی۔ دونوں وزرائے اعلیٰ نے شہید بریگیڈیئر حسن افضال کی وطن عزیز کیلئے خدمات کو خراج عقیدت بھی پیش کیا۔چیف سیکرٹری بلوچستان فضیل اصغر، سی سی پی او لاہور اور متعلقہ حکام بھی اس موقع پر موجود تھے۔
جنوبی پنجاب سیکرٹریٹ کیلئے تعینات ایڈیشنل چیف سیکرٹری اور ایڈیشنل انسپکٹر جنرل پولیس کی ملاقات: وزیراعلیٰ عثمان بزدار سے آج وزیراعلیٰ آفس میں جنوبی پنجاب سیکرٹریٹ کیلئے تعینات ہونے والے ایڈیشنل چیف سیکرٹری زاہد اختر زمان اور ایڈیشنل انسپکٹر جنرل پولیس انعام غنی نے ملاقات کی۔ چیف سیکرٹری جواد رفیق ملک، انسپکٹر جنرل پولیس شعیب دستگیر، پرنسپل سیکرٹری وزیراعلیٰ افتخار سہو اور وزیراعلیٰ کے سیکرٹری کوآرڈینیشن جاوید اختر بھی اس موقع پر موجود تھے۔ وزیراعلیٰ عثمان بزدار نے ایڈیشنل چیف سیکرٹری ساؤتھ اور ایڈیشنل انسپکٹر جنرل پولیس ساؤتھ کیلئے نیک خواہشات کا اظہار کرتے ہوئے کہا کہ تحریک انصاف کی حکومت نے جنوبی پنجاب سیکرٹریٹ کے قیام کیلئے افسروں کی میرٹ پر تعیناتی کی ہے۔ جنوبی پنجاب سیکرٹریٹ کے قیام سے علاقے کے لوگوں کو ریلیف ملے گا۔ جنوبی پنجاب سیکرٹریٹ کے قیام سے عوام سے کیا گیا وعدہ پورا کیا ہے۔جنوبی پنجاب کے لئے 33 فیصد ترقیاتی بجٹ کی رنگ فینسنگ کی گئی ہے اور ساؤتھ پنجاب سیکرٹریٹ کے لئے بجٹ میں ڈیڑھ ارب روپے مختص کئے گئے ہیں۔ انہوں نے کہا کہ جنوبی پنجاب سیکرٹریٹ کے فنکشنل ہونے سے عوام کو اپنے کاموں کے سلسلے میں لاہور نہیں آ نا پڑے گا اور جنوبی پنجاب کے عوام کے مسائل مقامی سطح پر حل ہوں گے۔ وزیراعلیٰ عثمان بزدار نے کہا کہ جنوبی سیکرٹریٹ کیلئے آپ کی تعیناتی آپ کیلئے اعزاز ہے۔ نئے تعینات ہونے والے افسران ہر کام میرٹ پر کریں اور غلط کام کیلئے کسی کا دباؤ خاطر میں نہ لائیں۔ عوام کی خدمت کو شعار بناتے ہوئے ایمانداری سے فرائض سرانجام دیئے جائیں اور اپنے دفاتر کے دروازے لوگوں کیلئے کھلے رکھیں۔ وزیراعلیٰ عثمان بزدار نے کہا کہ جنوبی پنجاب سیکرٹریٹ کا قیام ایک حقیقی تبدیلی ہے اور عوام کو ریلیف ملنے سے یہ تبدیلی واضح نظر آئے گی۔ ساؤتھ پنجاب سیکرٹریٹ میں تعینات افسران کو عوام کی توقعات پر پورا اترنا ہے اور جنوبی پنجاب کے عوام کو ان کی دہلیز پر ریلیف فراہم کرنے کیلئے آپ نے جانفشانی سے سرکاری امور انجام دینے ہیں۔
نجی سکول میں طالبات کو ہراساں کرنے کے واقعات کا نوٹس، رپورٹ طلب،ذمہ دار عناصر کے خلاف قانونی کارروائی کا حکم:
وزیراعلیٰ عثمان بزدار نے لاہور کے نجی سکول میں طالبات کو ہراساں کرنے کے واقعات کا نوٹس لیتے ہوئے سی سی پی او لاہور سے رپورٹ طلب کر لی ہے اور واقعات کی غیر جانبدارانہ انکوائری کا حکم دیا ہے۔ وزیراعلیٰ عثمان بزدار نے کہا کہ طالبات کو ہراساں کئے جانے کے واقعات ناقابل برداشت ہیں۔ذمہ دار عناصر کے خلاف قانون کے مطابق کارروائی کی جائے۔ انہوں نے کہا کہ معصوم بچیوں کے ساتھ ایسے واقعات کے ذمہ دار عناصر کسی رعایت کے مستحق نہیں۔ہراساں کئے جانے والی طالبات کو ہر قیمت پر انصاف فراہم کیا جائے گا۔
لائن آف کنٹرول پر شہری آبادی پر بھارتی فوج کی اشتعال انگیزیوں کی شدید مذمت: وزیراعلیٰ عثمان بزدارنے لائن آف کنٹرول پر شہری آبادی پر بھارتی فوج کی اشتعال انگیزیوں کی شدید مذمت کی ہے۔ وزیراعلیٰ عثمان بزدار نے بھارتی فوج کی فائرنگ سے لیپا سیکٹر کے گاؤں میں نوجوان کی شہادت پر دکھ اور افسوس کا اظہار کرتے ہوئے لواحقین سے دلی ہمدردی اور تعزیت کا اظہار کیا ہے۔ وزیراعلیٰ عثمان بزدار نے کہا کہ بھارت شہری آبادی کو نشانہ بنا کر عالمی قوانین اور انسانی حقوق کی دھجیاں اڑا رہا ہے۔ شہری آبادی کو نشانہ بنانا بھارتی فوج کا انتہائی بزدلانہ اور قابل مذمت فعل ہے۔ ایل او سی پر مودی سرکار کی اشتعال انگیزیاں خطے کے امن کیلئے خطرہ ہیں۔ انہوں نے کہا کہ بھارت کسی غلط فہمی میں نہ رہے، پاک فوج بھارتی جارحیت کا منہ توڑ جواب دینے کی پوری صلاحیت رکھتی ہے اور 22 کروڑ عوام بہادر مسلح افواج کے شانہ بشانہ کھڑے ہیں۔







باغی ٹی وی کی رپورٹ کے مطابق بھارتی فوجیوں نے مقبوضہ کشمیر میں ظلم کی انتہا کرتے ہوئے بچے کے سامنے دادا کو گولی مار کرشہید کر دیا

بھارتی فوجیوں کے ہاتھوں شہید ہونے والے کشمیری کے ساتھ بچے کی ویڈیو اور تصویر سوشل میڈیا پر وائرل ہو چکی ہے، سیاسی و سماجی شخصیات کی جانب سے بھارت سرکار پر غم و غصہ کا اظہار کیا جا رہا ہے

مسلم لیگ ق کے رہنما، رکن قومی اسمبلی مونس الہیٰ نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ اپنے بزرگ کی بھارتی گولیوں سے چھلنی لاش پر بیٹھا کشمیر کا یہ معصوم بیٹا پکار پکار کر دنیا کی توجہ مانگ رہا ہے۔

اپنے بزرگ کی بھارتی گولیوں سے چھلنی لاش پر بیٹھا کشمیر کا یہ معصوم بیٹا پکار پکار کر دنیا کی توجہ مانگ رہا ہے۔ ان معصوموں کے سر سے بزرگوں کا سایہ چھیننے اور ان کو غلامی کی زنجیروں میں قید کرنے والے بھارت پر بے شمار لعنت۔ #Kashmir #KashmirBleeds pic.twitter.com/A0u8Sxnuzw

— Moonis Elahi (@MoonisElahi6) July 1, 2020

مونس الہیٰ کا مزید کہنا تھا کہ ان معصوموں کے سر سے بزرگوں کا سایہ چھیننے اور ان کو غلامی کی زنجیروں میں قید کرنے والے بھارت پر بے شمار لعنت۔

واضح رہے کہ بھارتی مقبوضہ کشمیرکے علاقے سوپور میں سنٹرل ریزرو پولیس فورس کے درندوں نے کیسے ایک عام شہری کو مار دیا.تین سالہ بچہ اسکی لاش پر بیٹھا ہے. صبح صبح جب وہ گھرسے اپنی فیملی کے ہمراہ نکلا تو اس وقت پولیس فورس کی گاڑی مجاہدین کے نرغے میں آگئی جس میں موجود ایک بھارتی تو مارا گیا لیکن فورس نے ایک نہتے شہری کے ساتھ جو کیا اس کی مثال صرف مقبوضہ کشمیر میں ہی بھارتی فوج کے ہاتھوں مل سکتی ہے۔‏وادی میں عام شہری کو شہید کرنے کے بعد دیکھئے کیسے بھارتی فوج اس شخص کی لاش پر پاؤں رکھ کرکس طرح بے حرمتی کر رہے.

باغی ٹی وی کی رپورٹ کے مطابق وزیراعلیٰ پنجاب سردار عثمان بزدارنے لائن آف کنٹرول پر شہری آبادی پر بھارتی فوج کی اشتعال انگیزیوں کی شدید مذمت کی ہے

وزیراعلیٰ عثمان بزدار نے بھارتی فوج کی فائرنگ سے لیپا سیکٹر کے گاؤں میں نوجوان کی شہادت پر دکھ اور افسوس کا اظہار کیا ہے، وزیراعلیٰ عثمان بزدار نے شہید کے لواحقین سے دلی ہمدردی و اظہار تعزیت کیا ہے

وزیراعلیٰ پنجاب عثمان بزدار کا کہنا تھا کہ بھارت شہری آبادی کو نشانہ بنا کر عالمی قوانین اور انسانی حقوق کی دھجیاں اڑا رہا ہے۔ شہری آبادی کو نشانہ بنانا بھارتی فوج کا انتہائی بزدلانہ اور قابل مذمت فعل ہے۔ ایل او سی پر مودی سرکار کی اشتعال انگیزیاں خطے کے امن کیلئے خطرہ ہیں۔

وزیراعلیٰ پنجاب عثمان بزدار کا مزید کہنا تھا کہ بھارت کسی غلط فہمی میں نہ رہے، پاک فوج بھارتی جارحیت کا منہ توڑ جواب دینے کی پوری صلاحیت رکھتی ہے۔ 22 کروڑ عوام بہادر مسلح افواج کے شانہ بشانہ کھڑے ہیں۔

بھارت باز نہ آیا،بھارتی فوج کی جانب سے لائن آف کنٹرول پر ایک بار پھر بلااشتعال فائرنگ کی گئی

ڈی جی آئی ایس پی آر کے مطابق بھارتی فوج نے لیپہ سیکٹر پر شہری آبادی کو ہتھیاروں سے نشانہ بنایا،بھارتی اشتعال انگیزی کے نتیجےمیں تلواڑی گاوَں کارہائشی شہید ہوگیا،

ڈی جی آئی ایس پی آر کے مطابق پاک فوج نے بھر پور جوابی کاروائی کرتے ہوئے بھارتی چوکیوں کو نشانہ بنایا،

یوم یکجہتی کشمیر، پاک فوج نے جاری کیا کشمیریوں سے یکجہتی کے لئے ملی نغمہ "کشمیر ہوں میں”

یوم یکجہتی کشمیر پر علی امین گنڈا پور نے کی قوم سے بڑی اپیل، کیا کہا؟

مقبوضہ کشمیر،کشمیری سڑکوں‌ پر،عمران خان زندہ باد کے نعرے، کہا اللہ کے بعدعمران خان پر بھروسہ

کشمیری اکیلے نہیں،ہم ان کے ساتھ کھڑے ہیں، غیر متزلزل حمایت جاری رہے گی،آرمی چیف

مسلح افواج کشمیریوں کے ساتھ ہیں، چیئرمین جوائنٹ چیفس آف سٹاف کمیٹی کا پیغام

خون کے آخری قطرے تک کشمیریوں کے ساتھ، نیول چیف کا دبنگ اعلان

رواں سال بھارت سیز فائر معاہد ے کی ایک ہزار87بار خلاف ورزی کی گئی،بھارتی فورسز کی طرف سے مسلسل شہری آبادی کو نشانہ بنایاجارہا ہے، بھارتی اشتعال انگیزیوں میں 13 شہری شہیداور106 زخمی ہوئے،

ماہ جون میں مختلف حادثات میں 252 افراد کی موت،ریسکیو 1122 نے کی ماہانہ رپورٹ جاری
ریسکیو1122 نے ماہ جون میں کتنے افراد کو ریسکیو کیا؟ رپورٹ جاری کر دی گئی

ڈسٹرکٹ ایمرجنسی آفیسر ڈاکٹر عبدالستار بابر نے ماہ جون کی رپورٹ جاری کر دی۔گذشتہ ماہ ریسکیو1122کو76407کالز موصول ہوئیں ۔جن میں سے 1735کالیں ایمرجنسی کی663انفارمیشن کی تھیں،73740کالیں غیرمتعلقہ اور269غلط کالیں کی گئیں۔ ریسکیو 1122نے 406 روڈ ٹریفک ایکسیڈنٹ ،29فائر،65لڑائی جھگڑے،18ڈوبنے،1027میڈیکل اور190دوسرے مشترق حادثات پرریسپانس کیا ،ان حادثات میں ریسکیو 1122نے1782مریضوں کوریسکیوکیا۔ جن میں386افرادکوموقع پر ابتدائی طبی امدادکی فراہمی،1145افرادکو قریبی ہسپتالوں میں منتقل کیا اور251افراد کی موقع پر موت واقع ہوئی۔7منٹ ریسپانس ٹائم اور 58ایمرجنسیز روزانہ کی اوسط رہی۔

ضلع میں کل406ایکسیڈنٹ ہوئے جن میں471افراد زخمی ہوئے زخمی افراد میں مردوں کی تعداد387اور عورتوں کی تعداد84تھی۔ایکسیڈنٹس میں 9افراد کی موقع پر موت واقع ہوئی ۔ان حادثات میں471مسافرمتاثر ہوئے۔258ایکسیڈنٹ تیز رفتاری اور148بے احتیاطی کے باعث پیش آئے۔جن گاڑیوں کاایکسیڈنٹ ہوا ان میں436موٹر سائیکلیں،51کاریں،40رکشے ،5بسیں،1ٹریکٹرٹرالی اور86دوسری گاڑیاں شامل تھیں۔زخموں کے لحاظ سے 9ہیڈ انجری،5سنگل فریکچر،457افرادکوخراشیں اورمعمولی چوٹیں آئیں۔

گذشتہ ماہ پیشنٹ ٹرانسفر سروس کے ذریعے ایک ہسپتال سے دوسرے ہسپتال 454مریضوں کو منتقل کیا گیا۔تحصیل رحیم یارخان میں 28، صادق آبادمیں 112،خان پور میں 177،لیاقت پور میں137اور ان میں سے 73مریضوں کو ضلع سے باہردوسرے اضلا ع کے بڑے ہسپتالوں میں منتقل کیاگیا۔

ڈسٹرکٹ ایمرجنسی آفیسر ڈاکٹر عبدالستار بابر نے گذشتہ ماہ کی اہم سرگرمیوں کے بارے میں بریفنگ دیتے ہوئے کہا کہ موجودہ ملکی صورتحال کے پیشِ نظرجامع منصوبہ بندی ترتیب دے کر تمام ریسکیورز کو ریڈ الرٹ کیاگیا ۔تمام ریسکیورز ہنگامی صورتحال سے بہترین انداز میں نبرآزما ہیں۔ہمیشہ کی طرح اس صورتحال میں بھی ریسکیورز نے فرنٹ لائن ورکرزکے طورپر اپنی خدمات پیش کیں ،ممکنہ مریضوں کی مکمل نگہداشت کے ساتھ ہسپتالوں ، قرنطینہ سینٹرز میں منتقلی کویقینی بنایاگیا۔سیلاب کا موسم آنے سے پہلے پیشگی تیاریوں کے سلسلے میں ضلع کی چاروں تحصیلوں میں سیلاب سے نمٹنے کے لیے تیاریاں مکمل کی گئیں۔گذشہ ماہ ضلعی انتظامیہ کی زیرنگرانی چاروں تحصیلوں میں دوسری سالانہ فلڈ موک ایکسرسائزز کیں گئیں جس میں ریسکیو1122کی رہنمائی میں تمام ضلعی اداروں نے مشترکہ طورپر سیلاب سے نمٹنے کے لیے اپنے اپنے اقدامات کا عملی مظاہرہ پیش کیا۔