Category: لاہور

محسن رانجھا کی درخواست پر .لاہور ہائیکورٹ نے نیب سے 13 جولائی تک تفصیلی جواب طلب کر لیا

ایم این اے محسن شاہ نواز رانجھا کی نیب طلبی کے خلاف لاہور ہائیکورٹ میں سماعت

باغی ٹی وی : عدالت نے محسن شاہ نواز رانجھا کی درخواست کو سماعت کے لیے منظور کر لیا .لاہور ہائیکورٹ کا نیب کو نوٹس 13 جولائی تک تفصیلی جواب طلب کر لیا

جسٹس شہباز رضوی کی سربراہی میں دو رکنی بینچ نے مسلم لیگ ن کے ایم این اے کی درخواست پر سماعت کی.محسن شاہ نواز رانجھا نے آمدن سے زائد اثاثوں کی انکوائری کیخلاف ہائیکورٹ میں درخواست دائر کی

درخواست میں موقف اختیار کیا کہ کمپلینٹ اور دیگر دستاویزات فراہم کئے بغیر نیب طلبی کے نوٹس جاری کر رہا ہے ۔متعدد درخواستیں دینے کے باوجود لگائے گئے الزامات سے متعلق بھی نہیں بتایا جا رہا ۔

نیب غیر قانونی طور آمدن سے زائد اثاثوں کے کیس میں بار بار طلب کر رہا ہے ۔تمام اثاثے ڈکلیئر کر چکا ہوں اور نیب کے پاس مکمل ریکارڈ بھی موجود ہے ۔ محسن شاہ نوازنے استدعا کی کہ لاہور ہائیکورٹ نیب کو غیر قانونی کاروائی سے روکے

کرونا ٹیسٹ کامعاملہ ، محمد حفیظ‌ مشکلات کا شکار

باغی ٹی وی رپورٹ کے مطابق ، محمد حفیظ کے کرونا ٹیسٹ کا معاملہ ، پروفیسر کی مشکلات میں اضافہ ہوا ہے ، ذرائع کے مطابق پی سی بی سے منسلک لیب نے پروفیسر کے پہلے سیمپل کا دوبارہ ٹیسٹ کیا ۔حفیظ کے پہلے سیمپل کا دوسرا ٹیسٹ پازیٹیو آیا ہے لیبارٹری انتظامیہ نے پی سی بی سے رابطہ کر کے دوسری رپورٹ سے آگاہ کردیا۔

لیبارٹری حکام نے موقف اختیار کیا ہے کہ محمد حفیظ کے عمل سے لیبارٹری کی ساکھ برقرار رکھنے کے لئے دوبارہ ٹیسٹ کیا ۔ محمد حفیظ کے عمل سے پاکستان میں ٹیسٹنگ کے عمل پر سوالات اٹھے ہیں ۔

محمد حفیظ نے ایک نجی لیبارٹری سے اپنا ٹیسٹ کروایا جو نیگیٹیو آیاتھا۔ محمد حفیظ کا باضابطہ ری ٹیسٹ کل ہوگا.
خیال رہے کہ محمد حفیظ نے دوسری لیبارٹری سے ٹیسٹ کرایا،محمد حفیظ کا کہنا ہے کہ میرا ٹیسٹ منفی آیا ہے،میں نے اپنی فیملی کا بھی ٹیسٹ کرایا،اللہ کا شکر ہے کہ سب کے ٹیسٹ منفی آئے ہیں

محمد حفیظ نے انفرادی طور بھی کوویڈ 19 ٹیسٹ کرا لیا،محمد حفیظ نے دوسرے لیبارٹری سے لرائے جانے والے ٹیسٹ کی پورٹ سوشل میڈیا پر جاری کر دی،محمد حفیظ کا کہنا تھا کہ میں نے اپنی تسلی کے لئیے دوسرا ٹیسٹ کرایامیں نے دوسری رائے لینے کے لئیے ٹیسٹ کرایا،پی سی بی کا کرائے گیا ٹیسٹ مثبت آنے کے بعد میں نے کل ٹیسٹ کرایا
واضح رہے کہ واضح رہے کہ پی سی بی نے اعلان کیا تھا کہ منگل کے روز 7 کھلاڑیوں اور ٹیم منیجمنٹ میں شامل ایک رکن کےکوویڈ19ٹیسٹ کے نتائج مثبت آئے ہیں۔ مجموعی طور پراسکواڈ میں شامل 35 کھلاڑیوں اور آفیشلز کے کوویڈ 19 ٹیسٹ پیر کے روز لیے گئے ۔ان کھلاڑیوں اور آفیشلز کے ٹیسٹ لاہور، کراچی اور پشاور میں لیے گئے تھے۔

جن کھلاڑیوں کے ٹیسٹ مثبت آئے ان میں فخر زمان، عمران خان، کاشف بھٹی، محمد حفیظ، محمد حسنین، محمد رضوان اور وہاب ریاض شامل ہیں

کورونا وائرس کے پھیلاؤ کو روکنے کے لئے ڈی ایچ اے لاہور کے تمام فیز سمیت کئی علاقوں کو سیل کرنے کا فیصلہ کیا گیا ہے۔

باغی ٹی وی : تفصیلات کے مطابق یہ فیصلہ پنجاب کی سب کابینہ کمیٹی کا اجلاس میں کیا گیا،فیصلے کے مطابق ڈی ایچ اے کے تمام فیز، تمام بڑی اور چھوٹی مارکیٹیں بند ہوں گی جبکہ حفیظ سینٹر سمیت تمام مالز کو بھی آج رات سے بند کردیا جائے گا،اس کے علاوہ گلبرگ،گلشن راوی،گارڈن ٹاؤن ،فیصل ٹاؤن،ماڈل ٹاؤن اور اولڈ سٹی کو بھی بند کردیا جائے گا،متعلقہ علاقےتیس جون تک مکمل بندرہیں گے۔

کابینہ کمیٹی کے اجلاس میں فیصلہ کیا گیا کہ سیل کئے جانے والے علاقوں میں صرف گراسری اسٹورز،دودھ دہی کی دکانیں اور میڈیکل اسٹورز کھلے رہیں گے۔

دوسری طرف لاہور میں سمارٹ لاک ڈاﺅن کے دوران کورونا ایس او پیز کی خلاف ورزی پر 8 ہزار 927 مقدمات درج کئے گئے ۔نجی ٹی وی کے مطابق سی سی پی او لاہور ذوالفقار حمید نے کہاہے کہ کورونا ایس او پیز کی خلاف ورزی پر ایک ہزار888 دکانیں سیل کی گئیں، ذوالفقار حمید نے کہاکہ پولیس نے ایک ہزار600 مارکیٹیں، بازاروں جبکہ 38 ہزار دکانوں کو چیک کیا،معمولی خلاف ورزی پر 26 ہزار590 دکانداروں اورشہریوںکو وارننگ دی گئی ۔

فواد چوہدری نے خود بیان نہیں‌ دیا دلوایا گیا ہے ، قمر زمان کائرہ

باغی ٹی وی : لاہور ہائیکورٹ میں پی پی رہنما قمر زمان کائرہ نے میڈیا سے گفتگو کرتے ہوئے کہا ہے کہ بینظیر انکم سپورٹ پروگرام کے حوالے سے درخواست دائر کی ہے ، پاکستان میں غربت بڑھنے کی وجہ سے محترمہ بینظیر بھٹو نے اس پروگرام کا خواب دیکھا تھا.یہ پروگرام صرف خواتین کو دینے کے لیے بنایا گیا

قمر زمان کائرہ نے کہا کہ اس پروگرام کے تحت صرف خواتین امدادی رقم حاصل کرسکتی.ملک بھر میں نوے لاکھ خواتین کے شناختی کارڈ بنائے گئے.بدقسمتی سے اج اس کا نام تبدیل کرکے احساس پروگرام رکھ دیا.پوری دنیا میں بینیظیر انکم سپورٹ پروگرام کی مثال دی جاتی ہے.یہ حکومت نہ تو عوام کی خدمت کرسکتی ہے اور نہ ہی میڈیا کو آزاد دیکھنا چاہتی ,

ہمارا کہنا ہے کہ حکومت اس پروگرام کا نام تبدیل کیے بغیر نئے پروگرام شروع کرے.عدالت نے ہماری درخواست پر حکومت سے جواب مانگا ہےحکومت کے اندر کے حال کھلنا شروع ہوگئے ہیں اور وہ خود ہی بیان دے رہےہیں ,

ان کا کہنا تھا کہ اختر مینگل کا معاملہ سب کے سامنے، سیاست میں اختلاف رائے ہوسکتا ہے , سیاست میں بات چیت کے دروازے بند نہیں کئے جاسکتے،زرداری صاحب کی صحت اب بہتر ہے ان سے سیاسی معاملات پر بات ہوئی ہےفواد چوہدری نے بیان دیا نہیں بلکہ دلوایا گیا ہے.اب حکومتی ایوانوں کی اندر کی باتیں باہر آنا شروع ہوگئی
یہ سمارٹ لاک ڈائون کی بات کرتے ہیں ان سے لاک ڈائون نہیں ہوسکتا ,

پنجاب کے مختلف اضلاع میں پی ایچ اے کنٹونمنٹ بورڈ کی من مانیاں

باغی ٹی وی : پی ایچ اے اتھارٹیز ایڈورٹائزرز سے زبردستی ٹیکس فیس وصول کر رہی ہے ،لاہور ہائیکورٹ راولپنڈی بینچ نے رٹ پٹیشن نمبر 3100/18 میں حکم جاری کیا ہے کہ پی ایچ اے اور کنٹونمنٹ بورڈ کو ایڈورٹائزمنٹ ٹیکس بھی وصول کرنے کے اختیارات نہیں دیے گئے ،
اور وہ کسی سے ٹیکس فیس وصول کرنے کے مجاز نہیں ہیں ، یہ اختیار صرف اور صرف لوکل گورنمنٹ کے پاس ہے جبکہ اس صورتحال میں لوکل گورنمنٹ ٹیکس وصول کرنے کی بجائے خاموش تماشائی بنی ہوئی ہے ، ہائی کورٹ کے احکامات پر عملدرآمد کرتے ہوئے لوکل گورنمنٹ پر ذمہ داری عائد ہونی ہوتی ہے کہ وہ قومی خزانے کو مالی نقصان سے بچائے

باغی ٹی وی کی رپورٹ کے مطابق بے نظیر انکم سپورٹ پروگرام کا نام تبدیل کرنے کا معاملہ پر پیپلز پارٹی کی درخواست پر لاہور ہائیکورٹ میں سماعت ہوئی

پیپلز پارٹی رہنما قمر الزمان کائرہ چیف جسٹس لاہور ہائیکورٹ کی عدالت میں پیش ہوئے، وکیل قمر الزمان کائرہ نے عدالت میں کہا کہ موجودہ حکومت نے بے نظیر انکم سپورٹ پروگرام کا نام تبدیل کر کہ احساس پروگرام رکھ دیا ہے ،سیکرٹری بے انظیر انکم سپورٹ پروگرام عدالت میں پیش ہوئے،

چیف جسٹس لاہور ہائیکورٹ نے کہا کہ وفاق بڑا تیز ہے ۔قانون اس معاملے پر کیا کہتا ہے کہ نام تبدیل ہو سکتا ہے یا نہیں ۔وکیل وفاقی حکومت نے کہا کہ کیا بے نظیر انکم سپورٹ پروگرام چل رہا ہے اسی ادارے کے تحت احساس اور کافلت پروگرام چل رہے ہیں ۔

چیف جسٹس نے استفسار کیا کہ بے نظیر انکم سپورٹ ایکٹ کے تحت کتنے پروگرام چل رہے ہیں ۔ سیکرٹری بے نظیر پروگرام نے کہا کہ کافی زیادہ پروگرام ہیں جو چل رہے ہیں ۔ چیف جسٹس نے کہا کہ بے نظیر انکم سپورٹ کی چیرپرسن کون ہیں ۔ سیکرٹری بے نظیر انکم سپورٹ پروگرام نے کہا کہ ڈاکٹر ثانیہ نشتر چیرپرسن ہیں جن کے انڈر تین اور پروگرام بھی ہیں ۔

چیف جسٹس لاہور ہائیکورٹ نے استفسار کیا کہ یہ ادارے کیسے بنے اور انکے نام کیسے رکھے گئے۔ جس پر عدالت میں جواب دیا گیا کہ کابینہ میں معاملہ زیر بحث لا کہ فیصلے کیے گئے ہیں

چیف جسٹس نے استفسار کیا کہ کیا قمر الزمان کائرہ صاحب آپ کچھ کہنا چاہتے ہیں ۔جس پر قمر الزمان کائرہ نے کہا کہ بے نظیر انکم سپورٹ غربا کے لیے بنایا گیا ۔محترمہ کی شہادت کے باعث تفصیلی بحث کے بعد یہ منظور ہوا ۔بے نظیر انکم سپورٹ پوری دنیا میں مثال کے طور پر پیش کیا جاتا ہے ۔ہمارے ملک میں روایت ہے کہ ہم ایک دوسرے کی تختیاں اکھاڑنا چاہتے ہیں ۔یہ پاکستان کا سب سے بڑا کیش پروگرام شروع کیا گیا۔

چیف جسٹس نے استفسار کیا کہ جب آپ بے نظیر انکم سپورٹ پروگرام کے چیرمین تھے تب کتنے پروگرام چل رہے تھے ، جس پر قمر زمان کائرہ نے عدالت میں کہا کہ تب ایک ہی بے نظیر انکم سپورٹ کے نام سے پروگرام چل رہا تھا

چیف جسٹس نے استفسار کیا کہ کیا آخری الیکشن سے پہلے بے نظیر انکم سپورٹ کے نام سے لوگوں کی مالی امداد دی جاتی تھی ۔یہ نام کب بدلا گیا ۔ سیکرٹری بے نظیر پروگرام نے کہا کہ فروری 2020 میں کفالت اور احساس ایمرجنسی کے نام سے بے نظیر انکم سپورٹ کے تحت رقم دی جا رہی ہے ۔

چیف جسٹس نے وفاق کے وکیل سے استفسار کیا کہ کیا یہ وفاقی حکومت نے قانون کی خلاف ورزی نہیں کی ۔کیا ایک ایکٹ آئینی حیثیت لے سکتا ہے

قمر زمان کائرہ کے وکیل نے عدالت میں کہا کہ کابینہ نے ایکٹ میں تبدیلی کوئی منظوری نہیں دی۔ حکومت اصل میں بے نظیر بھٹو کو نام ہٹانا چاہتی ہے ۔بے نظیر بھٹو صاحبہ کے ساتھ افسوسناک واقعہ پیش آیا اور وہ شہید ہو گئیں۔ ایکٹ میں ترمیم کیے بغیر حکومت کیسے یہ نام تبدیل کر سکتی ہے یہ قانون کی خلاف ورزی ہے

چیف جسٹس لاہور ہائیکورٹ نے کہا کہ ضرورت پڑی تو پارلیمنٹ کا ڈیٹا بھی منگوائیں کہ کیا کسی نے بے نظیر انکم سپورٹ نام رکھنے کی مخالفت بھی کی ۔آٹھ سال بعد اچانک نام بدلنے سے سوال تو پیدا ہوتا ہے کہ شاید کہیں سیاست ہو رہی ہے۔

لاک ڈاؤن ختم کیا جائے، شوہر کے دن رات ہمبستری سے تنگ خاتون کا مطالبہ

لاک ڈاؤن، فاقوں سے تنگ بھارتی شہریوں نے ترنگے کو پاؤں تلے روند ڈالا

کرونا مریض اہم، شادی پھر بھی ہو سکتی ہے، خاتون ڈاکٹر شادی چھوڑ کر ہسپتال پہنچ گئی

کرونا لاک ڈاؤن، رات میں بچوں نے کیا کام شروع کر دیا؟ والدین ہوئے پریشان

لاک ڈاؤن ہے تو کیا ہوا،شادی نہیں رک سکتی، دولہا دلہن نے ماسک پہن کے کر لی شادی

کوئی بھوکا نہ سوئے، مودی کے احمد آباد گجرات کے مندروں میں مسلمانوں نے کیا راشن تقسیم

لاہور ہائیکورٹ نے بے نظیر انکم سپورٹ کے ریگولیشن کی کاپی طلب کر لی ، لاہور ہائیکورٹ نے قمر الزماں کائرہ کی درخواست کو باقاعدہ سماعت کے لیے منظور کر لیا

چیف جسٹس لاہور ہائیکورٹ نے کہا کہ ہم فوری حکم جاری کر کے اور حکم امتناعی جاری کر کے غربا کی امداد نہیں روکنا چاہتے ۔لاہور ہائیکورٹ نے وفاقی حکومت سے تفصیلی جواب طلب کر لیا

 

بے نظیر انکم سپورٹ پروگرام، فائدہ لینے والے پولیس اہلکاروں کو ملازمت سے فارغ کر دیا گیا