Category: لاہور

چیف آف آرمی اسٹاف کا پاک بحریہ کے وار کالج لاہور کا دورہ، یادگار شہدا پر فاتحہ خوانی

باغی ٹی وی : چیف آف آرمی اسٹاف جنرل قمر جاوید باجوہ نے آج پاک بحریہ کے وار کالج لاہور کا دورہ کیا ، جہاں ان کا استقبال ریئر ایڈمرل محمد زبیر شفیق پاکستان نیوی وار کالج کے کمانڈنٹ نے کیا اس موقع پر لیفٹیننٹ جنرل ماجد احسان کمانڈر لاہور کور بھی موجود تھے اس دورے میں انہوں نے یادگارشہدہ میں پھولوں کی چادر چڑھائی اور فاتحہ خوانی کی۔
بعد ازاں آرمی چیف نے 49 ویں نیول اسٹاف کورس کے شرکاء اور پاکستان نیوی وار کالج کے فیکلٹی ممبران سے خطاب کیا۔ آرمی چیف نے خراج تحسین پیش کرتے ہوئے کہا کہ نیول وار کالج پاکستان نیوی کا ایک قابل فخر ادارہ ہے ، جہاں پاکستان آرمڈ فورسز اور دوست ممالک کے افسران کو اہم کمانڈ اور اسٹاف کی تقرریوں کے بارے میں تربیت دی جاتی ہے۔
انہوں نے تعریف کرتے ہوئے کہا کہ پاک بحریہ زبردست طاقت کی حیثیت سے بہادری اور قربانیوں کی قابل فخر تاریخ کے ساتھ ہمیشہ مادر وطن کے سمندری محاذوں کا دفاع کرنے میں قوم کی توقعات پر ہمیشہ قائم رہی ہے۔ خطاب کے دوران جنرل قمرجاوید باجوہ نے جیوسٹریٹجک ماحول ، سیکیورٹی چیلنجوں سے نمٹنے کی صلاحیت پر بھی بات کی ۔

باغی ٹی وی کی رپورٹ کے مطابق سپیکر پنجاب اسمبلی چوہدری پرویز الٰہی کی وزیراعلیٰ پنجاب سردار عثمان بزدار سے ملاقات ہوئی ہے، ملاقات میں بجٹ سیشن،سیاسی صورتحال اور فلاح عامہ کے پروگرام پر تبادلہ خیال کیا گیا

ملاقات میں کورونا وباء کا پھیلاؤ روکنے کے لئے کئے جانے والے اقدامات پر بھی بات چیت کی گئی،چوہدری پرویز الہی نے ریلیف بجٹ پیش کرنے پر سردار عثمان بزدار کو مبارکباد دی، وزیر اعلی عثمان بزدار نے بجٹ سیشن احسن طریقے سے چلانے پر چوہدری پرویز الہی کی کاوشوں کو سراہا

وزیراعلیٰ اور سپیکر پنجاب اسمبلی نے عوام کی خدمت کیلئے مل کر کام کرنے کے عزم کا اعادہ کیا،دونوں رہنماؤں نے بہترین ورکنگ ریلیشن شپ پر اطمینان کا اظہارکیا

وزیراعلیٰ پنجاب عثمان بزدار کا کہنا تھا کہ اتحادی ساتھ رہیں گے اور اتحاد بھی مضبوط تر ہو گا- پاکستان مسلم لیگ ق سے اتحاد پہلے سے مضبوط اور ورکنگ ریلیشن شپ بہتر ہوئی ہے – آس لگانے والوں کو یاس کے سوا کچھ نہیں ملے گا- پہلے بھی ایک تھے، اب بھی ایک ہیں اور آئندہ بھی ایک رہیں گے – غلط فہمیاں پیدا کرنے والوں کی کوئی سازش کامیاب نہیں ہو گی۔اتحادیوں کے ساتھ ملکر عوام کی فلاح و بہبودکا مشن جاری رکھیں گے۔ اپوزیشن کے پاس فلاح عامہ کا کوئی ایجنڈا نہیں، صرف نان ایشوز پر سیاست چمکائی جا رہی ہے۔ تنقید کی پروا کئے بغیر عوام کی خدمت کے سفر کو مزید تیزی سے آگے بڑھائیں گے۔

سپیکر پنجاب اسمبلی چودھری پرویز الہیٰ کا کہنا تھا کہ وزیر اعلی عثمان بزدار کے ساتھ ہیں اور رہیں گے – عوام کی خدمت کے سفر میں تحریک انصاف کے ساتھ شانہ بشانہ کھڑے ہیں – اپوزیشن کے پاس فلاح عامہ کا ایجنڈا ہے نہ کورونا سے نمٹنے کا۔ سابق حکمرانوں نے میرے دور کے لینڈ مارک منصوبوں کو ختم کر کے عوام پر ظلم کیا- ہم صرف خدمت خلق پر یقین رکھتے ہیں –

چوہدری پرویز الہی کا مزید کہنا تھا کہ صوبے کے عوام کوریلیف کی فراہمی کیلئے مل کر کام کرتے رہیں گے۔ اتحاد میں دراڑ ڈالنے کی خواہش رکھنے والوں کے ارمان پورے نہیں ہوں گے۔ وزیراعلیٰ عثمان بزدار محنت کے ساتھ صوبے کے عوام کی خدمت کررہے ہیں –

اس موقع پر رکن قومی اسمبلی مونس الہی، صوبائی وزیر میاں محمود الرشید اور سیکرٹری پنجاب اسمبلی محمد خان بھٹی بھی اس موقع پر موجود تھے

باغی ٹی وی کی رپورٹ کے مطابق پاکستان کی معروف ادارکاہ وینا ملک نے کہا ہے کہ ‏بھارت نے ایٹمی آبدوزیں بڑھانے کا فیصلہ کیا ہے، دفاعی بجٹ پر بھونکنے والوں کو دشمن سے پہلے کچلنا چاہیے،

سماجی رابطے کی ویب سائٹ ٹویٹر پر ٹویٹ کرتے ہوئے وینا ملک کا کہنا تھا کہ بھارت نے ایٹمی آبدوزیں بڑھانے کا فیصلہ کرلیا ہے 2030 تک بھارت کے پاس 110 ایٹمی آبدوزیں ہونگی جبکہ نیوی کیلئے جدید ٹیکنالوجی سے لیس جہاز خریدے جائینگے جوکہ گوادر بندرگاہ کیلئے خطرہ ہیں

بھارت نے ایٹمی آبدوزیں بڑھانے کا فیصلہ کرلیا ہے 2030 تک بھارت کے پاس 110 ایٹمی آبدوزیں ہونگی جبکہ نیوی کیلئے جدید ٹیکنالوجی سے لیس جہاز خریدے جائینگے جوکہ گوادر بندرگاہ کیلئے خطرہ ہیں

دفاعی بجٹ پر بھونکنے والے پاکستان دشمنوں کے ایجنٹس ہیں دشمن سے پہلے ان غداروں کے سر کچلنے چاہیے

— VEENA MALIK (@iVeenaKhan) June 21, 2020

وینا ملک کا مزید کہنا تھا کہ دفاعی بجٹ پر بھونکنے والے پاکستان دشمنوں کے ایجنٹس ہیں دشمن سے پہلے ان غداروں کے سر کچلنے چاہیے

قبل ازیں گزشتہ برس گلوبل فائر پاور نے عالمی طاقتور ترین مسلح افواج کی فہرست جاری کی تھی جس کے مطابق 137ممالک میں طاقت کے لحاظ سے پاکستان پانچویں نمبر پر ہے جبکہ بھارت ساتویں نمبر پر ہے

واضح رہے کہ پاکستان کے دفاعی بجٹ پر لبرل انگلیاں اٹھاتے رہتے ہیں حالانکہ اسی پاک فوج کی وجہ سے وہ شدید گرمی میں اپنے گھروں میں محفوظ ہیں، پاک فوج کے جوان سخت گرمی و سردی میں اگلے مورچوں پر دن رات پاکستانی عوام کی حفاظت کے لئے جانوں کی قربانیاں دیتے رہتے ہیں، گزشتہ روز بھی وزیرستان میں پاک فوج کا افسر شہید ہوا، لائن آف کنٹرول پر بھی پاک فوج کے جوانوں کی شہادتیں ہوتی رہتی ہیں لیکن دفاعی بجٹ پر تنقید کرنے والوں کو کیا پتہ کہ جان کی کیا قیمت ہے، دفاعی بجٹ پر تنقید کرنے والے صرف ایک گھنٹہ بارڈر پر اگلے مورچوں پر گزار لیں تو ان کی بولتی وہیں بند ہو جائے

بھارتی عزائم جاننے کے باوجود دفاعی بجٹ میں اضافہ نہیں کیا گیا، وزیر خارجہ

"ابو آپ یاد آتے ہیں” نجم شیراز کا اپنے والد کو جزبات سے بھرپور خراج تحسین ، سن کر آنکھیں‌ پرنم ہو جائیں

باغی ٹی وی رپورٹ کے مطابق ، باپ کے عالمی دن کے موقع پر معروف سنگر اور سپر سٹار نجم شیراز نے اپنے ابوجان کو خراج تحسین پیش کرتے ہوئے ایک خوبصورت گانا پیش کیا ہے ، دل کو چھو جانے والا یہ گانا بہت ہی سادہ جملوں پر مشتمل ہے جو پدرانہ شفقت کے آئینہ دار اور باپ کے شجر سایہ دار ہونے کا احساس دلاتے ہیں …باب جیسی شخصیت اپنے بیٹے کے لیے ہر عمر میں کتنی اہم ہے ایسے لطیف اور دل نشین احساسات کو اپنی خوبصورت آواز میں نجم شیراز نے دھیمی دھن کے ساتھ گا کر باب کے کردار کو امر کردیا ہے ،جسے سن کو ہر کسی کی اپنے ابو کو یاد کر کے اشکیں بھیگ جائیں ، خصوصا وہ افراد جن کے ابوجان اس دنیا سے رخصت ہو چکے ہیں.

اس گانے کے بول ہیں ” مجھےآپ بہت یاد آتے ہیں، مجھے آپ بہت یاد آتے ہیں. ابو… ابو… سپنے سارے آپ نے دکھائے ، دنیا کیا ہے آپ نے سکھایا ، جب بھیگی رات میں اٹھایا تھا آپ نے ، معاف کیا اور پیار کیا تھا آپ نے ، یاد اندھری آتی جاتی ہے ، مجھے آپ بہت یاد آتے ہیں ، ابو … ابو …مجھے آپ بہت یاد آتے ہیں. مسکراتا چہرہ مجھے یاد بہت آئے ، پاس پاس رہتاہے پر نظر نہ آئے . کیسے بھلا دوں آپ کے سارے احسان ، کھو گئے ہیں‌کہا آپ مہربان…آپ بہت یاد آتے ہیں‌. ابو..ابو…. آپ بہت یاد آتے ہیں.

واضح رہے کہ آج دنیا بھر میں والد کا عالمی دن منایا جا رہا ہے، یہ دن اپنے بچوں کی زندگی بہتر بنانے کے لیے باپ کی جانب سے کی جانے والی کوششوں کو تسلیم کرنے کے لیے منایا جاتا ہے۔

باپ وہ ہستی ہے جس کے دم سے گھرانہ قائم رہتا ہے اور اولاد محفوظ رہتی ہے، ایک ایسی ہستی جو اولاد کے لیے سب کچھ لٹا کر بھی خوش رہتی ہے،ماتھے پر شکن نہیں لاتی۔

ایک ایسی ہستی جو ہر حال میں گھر کا سہارا اور محافظ ہوتی ہے، باپ کے دم سے بچے پڑھتے لکھتے اور ترقی کرتے ہیں، اس دن کا مقصد والد کی قربانیوں اور خاندان کے لیے کوششوں کا اعتراف کرنا ہے۔

اس دن دنیا بھر میں بیٹیاں اور بیٹے اپنے والد کو خصوصی تحائف پیش کرتے ہیں اور ان سے اپنی محبت کا اظہار کرتے ہیں، اور یہ باور کراتے ہیں کہ انھیں ان قربانیوں کا ادراک ہے جو وہ ان کی بہتر زندگی کے لیے دے رہے ہیں۔

اسلام ، ہندو مت، سکھ ازم اور عیسائیت سورج گرہن سے متعلق کیا نظریات رکھتے ہیں، باغی ٹی وی کی خصوصی رپورٹ

باغی ٹی وی رپورٹ کے مطابق ، سورج گرہن کے بارے میں مخلف مذہب کے لوگوں نے اپنی رائے دیتے ہوئے باغی ٹی وی سے بات کی ہے . اس سلسلے میں بشپ فرانسس شاہ نے کہا کہ ہماری بائبل مقدس میں لکھا ہے کہ ساری مخلوقات اور نظام حیات خداوند نے بنایا ہے. اسی طرح ستاروں اور نظام شمسی کے متعلق بعض چیزیں‌ ایسی ہیں جسے ہم مذہب یا ثقافت کی وجہ سے اپنے لوگوں کو بتاتے ہیں ایسے ہی بعض چیزیں سائنس کی روشنی میں ہیں جو صحت کے لیے نقصان دہ ہو سکتی ہیں‌. توہم سائنس کی روشنی میں اپنے ماننے والوں کو رہنمائی کرتے ہیں. انہوں نے کہا کہ ہمارے ہم لوگوں‌کو بتاتے ہیں‌ کہ سورج گرہن کے وقت باہر نہ نکلیں اس سے نطر اور جسم پر نقصان دہ شعاعیں پڑھنے سے نقصان کا اندیشہ ہے. اسی طرح‌جو خواتین امید سے ہوتی ہیں‌ . ان ہم بھی اپنی روایات اور کلچر میں چلتی باتوں‌کے تحت بتاتے ہیں‌ کہ وہ باہر نہ نکلیں اس سے بچے اور ماں‌دونوں کو نقصان ہو سکتا ہے .فرانسس بشب کا کہنا تھا یہ ہم بھی انے کلچر میں پھیلی باتوں کی بنا پر لوگوں کو کہتے ہیں کیونکہ یہ لاکھوں‌ لوگوں‌ کا تجربہ ہے . ہم اس دوران دعا کرتے ہیں
اسی طرح سکھ رہنما سکھپال سنگھ نے کہا کہ ہماری گرنت میں سورج گرہن بارے کچھ نہیں ہے کہ اس سے بچاجائے یااحتیاط کی جائے بلکہ ہم بھی اپنے معاشرے میں جاری ہدایات کو مد نظر رکھ کر اپنے پیروکاروں کو احتیاط کا کہتے ہیں.اس دوران کوئی خاض‌عبادت نہیں ہے صرف دو وقت عبادت جو کرتے ہیں وہی کرتے ہیں.
اسی طرح سکھ رہنما پریم جند نے کہا کہ ہم اپنی ان عورتوں کو جو حاملہ ہوتی ہیں ہدایت کرتے ہیں‌کہ وہ باہر نہ نکلیں اور اسی طرح لوہے کی چیز استعمال نہ کریں . مردوں کو کہا جاتا ہے کہ وہ سورج کومت دیکھیں.
مسلم سکالر حافظ ابتسام الہی ظہیر نے اس بارے میں‌کہا کہہ اسلام اجرام فلکی کے بارے ہندو مذہب اور دیگر مذاہب سے مختلف رائے رکھتا ہے انہوں نے کہا اسلام اس بارے میں‌کسی توہمات پر یقین نہیں‌رکھتا اور نہ کسی امور عامہ کی انجام دہی سے روکتا ہے . یہ ساری باتیں ہمارے اندر ہندوؤں سے آئی ہیں. اسلام میں سورج گرہن سے کوئی موت و حیات پر اثر ندازی ہونے والی کوئی بات نہیں ہے . اس سلسلے میں نماز ادا کرنی چاہیے ، استغفار اور دعا زیادہ سے زیادہ کرنی چاہیے.
‌

سورج گرہن پر اسلام ہماری کیا رہنمائی کرتا ہے؟ مولانا صہیب میر محمدی کی باغی ٹی وی سے گفتگو
باغی ٹی وی رپورٹ کے مطابق : معروف مذہبی سکالر قاری صہیب میر محمدی نے باغی ٹی وی سے بات کرتے ہوئے سورج گرہن اور چاند گرہن کے متعلق اسلامی نقطہ نظر پیش کرتے ہوئے کہاکہ سور ج گرہن یا چاند گرہن اللہ کی نشانیوں‌ میں سے ایک نشانی ہے اور یہ کسی ایک کی موت یا زندگی کی وجہ سے نہیں‌ ہوتا.انہوں نے کہا کہ اللہ کے نبی کریم صلی اللہ علیہ سلم کے بیٹے ابراہیم فوت ہوگئے تو لوگوں نے کہنا شروع کردیا کہ ان کی وفات کی وجہ سے چاند گرہن لگا ہے . تو اس پر اللہ کے نبی نے ارشاد فرمایا کہ یہ اللہ کی نشانیاں‌ ہیں اور کسی کی موت و حیات کی وجہ سے یہ گرہن نہیں‌ہوتا.
انہوں نے مزید کہا کہ جب چاند گرہن یا سورج گرہن ہوجاتا تو نبی کریم صلی اللہ علیہ وسلم کا کیا رویہ ہوتا یہ ہمارے لیے نمونہ ہے اور اس کو ایسے موقع پر اپنانا اہل ایمان کے لیے لازم ہے . ایک دفعہ جب سورج گرہن ہوا تو آپ بہت زیادہ خوف زدہ ہو گئے اور جلدی سے اپنے گھر والوں کی چادر لی اور صحابہ کرام کو کہہ دیا کہ آؤ .الصلاۃ جامعۃ…آو نماز پرھیں. اورجلدی سے نماز پڑھنے لگتے . اتنی جلدی کہ اپنی چادر لینا بھی یاد نہ رہا اور پھر آپ کو آپ کے گھر والوں کی چادر دی گئی ، اسی طرح جب بھی کوئی پریشانی ہوتی تو آپ نماز پڑھتے. اپنے غم و پریشانی کو ایسے دور فرماتے .

اسی طرح ہمارے جد امجد سیدنا ابراہیم علیہ السلام کی بیوی کے ساتھ جب ظالم بادشاہ نے برائی کا ارادہ کیا تو آپ جلدی سے نماز پڑھنے لگے. آفاقی مصیبتوں کو دور کرنے کا علاج نماز ہے. ہمارے لیے بھی ایسے حالات میں نبی کریم صلی اللہ علیہ وسلم کی زندگی بہترین نمونہ ہے ان حلالات میں نماز پڑھنی چاہیے