ملزم پولیس کی غفلت سے چھوٹ جاتے ہیں اورکہا جاتا ہےعدالتیں چھوڑدیتی ہیں، عدالت پولیس پر برہم
باغی ٹی وی کی رپورٹ کے مطابق لاہور ہائیکورٹ میں ڈکیتی کے مقدمے میں ملوث ملزم کی درخواست ضمانت پر سماعت ہوئی،

عدالت کے طلب کرنے پر ایس پی انویسٹی گیشن صدر منصور عدالت میں پیش ہوئے،جسٹس اسجد جاوید گھرال نے ملزم کومل شہزاد کی درخواست ضمانت پر سماعت کی،ملزم کی طرف سے میاں داؤد ایڈووکیٹ عدالت میں پیش ہوئے

عدالت نے قانون کےمطابق ملزم کی شناخت پریڈنہ کرنے پرایس پی انویسٹی گیشن صدرکی سرزنش کی، عدالت نے ریمارکس دیتے ہوئے کہا کہ پولیس ناقص تفتیش کرتی ہے جس سے ملزم چھوٹ جاتے ہیں،تفتیشی نے شناخت پریڈ نہ کراکر،ناقص تفتیش کرکے کیس کابیڑاغرق کر دیا ،

جسٹس سجاد جاوید گھرال نے ریمارکس دیتے ہوئے کہا کہ ملزم پولیس کی غفلت سے چھوٹ جاتے ہیں اورکہا جاتا ہےعدالتیں چھوڑدیتی ہیں، ایس پی انویسٹی گیشن صدر نے عدالت میں کہا کہ یہ کیس میری تعیناتی سے پہلے کا ہے،جو کوتاہی ہوئی ، اس پر متعلقہ تفتیشی کیخلاف کارروائی کرینگے، جس پر عدالت نے ریمارکس دیتے ہوئے کہا کہ پولیس نے اپنی کوتاہی چھپانے کیلئے نیا طریقہ سیکھ لیا ہے،جس کیس میں دیکھیں، پولیس افسر کہتا ہے کیس میری تعیناتی سے پہلے کا ہے،پولیس کا یہی حال رہا تو پھر یہ سسٹم نہیں چلنے والا،

ایس پی انویسٹی گیشن نے کہا کہ غفلت کرنے پر متعلقہ پولیس افسر کیخلاف کارروائی کرینگے،جس پر عدالت نے ریمارکس دیتے ہوئے کہا کہ کیا کارروائی کرینگے، ایک دن معطل کر کے دوسرے دن بحال کر دینگے،

عدالت نے ملزم کی 1 لاکھ روپے کےمچلکوں کے عوض ضمانت منظور کر لی

سعودی عرب میں‌وباء‌ کی آڑ میں ‌کیا کھیل کھیلا جا رہا ، مبشر لقمان کے اہم انکشافات

باغی ٹی وی رپورٹ کے مطابق :معروف صحافی اور اینکر پرسن مبشر لقمان نے اپنی تازہ یو ٹیوب ویڈیو میں کہا ہے کہ شہزادہ محمد بن سلمان جب سے اقتدار میں آئے ہیں ان کی شخصیت متنا زعہ رہی ہے اور انہوں نے اس دوران اقتدار کی کرسی کو مضبوط بھی کیاہے .ان کا کہنا تھا کہ وباء کی آڑ میں وہ اپنے آپ کو اور بھی مضبوط کررہے ہیں. محمد بن سلمان ‌نے اس وباء کے دوران مزید سخت اقدام کیے ہیں، اور 20 کے قریب شہزادے ، شاہی خاندان کے افراد اور فوج کے ذمہ داران کو بھی گرفتار کر لیا ہے . ان میں اہم ترین سابق ولی عہد نائف اور شاہ سلمان کے بھائی احمد بن عبدالعزیز بھی شامل ہیں. سعودی حکومت نے ابھی تک واضح‌نہیں کیا کہ انہوں نے ان کو بغاوت کے الزام میں‌گرفتار کیا ہے یا کسی اور وجہ سے صرف تین سال میں محمد بن سلمان نے اپنے خلاف اٹھنےوالی تمام آوازوں کو خاموش کر دیا ہے.

مبشر لقمان نے کہا کہ جب سے محمد بن سلمان اقتدار میں آئے ہیں انہوں نے چند ایسے اقدامات کیے ہیں جس وجہ سے ان پر شدید تنقید کی جاتی ہے .جن میں سب سے اہم کرپشن کے خلاف اقدام ہے. اس سلسلے میں انہوں نے بہت بڑے بزنس مین اور شاہی گھرانے کے افراد کو حراست میں لیا اور بعض کی ہلاکت کی خبریں بھی ہیں. جب مال ملا توانہوں نے کافی کو چھوڑ بھی دیا اس طرح کی کاروائی کا سٹائل مافیا کے ڈان والا ہوتا ہے . جیسے کوئی بھتہ وصول کرتا ہے . ان کی کاروائی سے ، ایکٹر ، صحافی ، ایکٹیوسٹ حتی کہ ہر کوئی شکار ہوا ،محمد بن سلمان نے کئ ایسے اقدام کیے جس کی وجہ سے ان پر کافی تنقید کی جارہی ہے. جیسے جمال کشوگی کا قتل اور یمن کی جنگ ان ایشوز کی وجہ سے ان پر کافی تنقید کی جارہی ہے.
انہوں نے کہا کہ جمال کشوگی اور یمن جنگ کی وجہ سے ملک کے اندرسے اور باہر سے ان پر دباؤ تھا لیکن اب انہوں نے اس پر کافی حد تک قابو پا لیا ہے .تیل کی قیمتوں کی کمی اور مذہبی فریضے پر پابندی کی وجہ سے اب سعودی معیشت کافی دباؤ کا شکار ہے اور معیشت پر دباؤ کا مطلب ہے کہ محمد بن سلمان پر بھی دباؤ ہے لیکن اب ان پر ایک ہی دھن سوار ہے کہ اقتدار کو مضبوط سے مضبوط کس طرح‌کرنا ہے . اور وہ اس جدوجہد میں بظاہر کامیاب دکھائی دیتے ہیں.
مبشر لقمان کا کہنا تھا کہ اب شاہ عبدالعزیز کی بادشاہت ختم کر کے شاہ سلمان ک بادشاہت لائی جارہی ہے. لیکن یہ یاد رہے کہ بغاوت اور سازش کے سلسلے رکیں گے نہیں جاری رہیں گے. آگے شاہ سلمان کے خاندان میں بھی ایسی کوششیں جاری رہیں‌گی. بادشاہت آ ل سعود سے آل سلمان میں‌منتقل ہوگئی ہے . اب طاقت کا منبع آل سلمان ہے جو کہ پہلے آل سعود ہوا کرتا تھا . محمد بن سلمان سعودی عرب کے سیاہ سفید کے مالک ہیں ، سیکیورٹی ہو ، ایلیٹ گارڈ ہو یا آرامکو سب پر محمد بن سلمان کا کنٹرول ہے .

سعودی شاہی خاندان میں بغاوت:گورنرہاوسز،شاہی محل فوج کے حوالے،13شہزادےگرفتار،حرمین شریفین کواسی وجہ سےبندکیا : مبشرلقمان

سعودی ولی عہد کے خلاف بغاوت کے الزام میں شاہی خاندان کے 20 مزید افراد گرفتار

سعودی عرب میں بغاوت ، کون ہوگا اگلا بادشاہ؟ سینئر اینکر پرسن مبشر لقمان نےبتائی اندر کی بات

جب محمد بن سلمان کو پتہ چلا کہ نیا بادشاہ کون ہو گا تو انہوں نے کیا کیا؟ مبشر لقمان نے کیے تہلکہ خیز انکشافات

سینئر اینکر پرسن نے انکشاف کرتے ہوئے کہا کہ اب دیکھا جائے تو شاہ سلمان بادشاہ تو ہیں لیکن حقیقت میں بادشاہت محمدبن سلمان کے پاس ہے . محمد بن سلمان ایک سفاک آدمی ہے جس نے اپنی والدہ اور علیل بزرگ چچا کو بھی قید کر رکھا ہے. ثابت ہوتا ہے ایسا شخص اقتدار کے لیے کچھ بھی کر سکتا ہے . اور کوئی شخص محمد بن سلمان کی اجازت کے بغیر شاہ سلمان سے ملاقات تک نہیں کرسکتا،خیال کیا جاتا ہے کہ کہیں وہ بھی تو قید میں نہیں ہیں؟ انہوں نے کہا کہ اب شاہ سلمان اپنے جن ساتھیوں کے ساتھ تاش کھیلتے تھے ان کا ساتھ بھی میسر نہیں ہے . اب تو ایسا لگتا ہے جیسے شاہ سلمان کسی بلڈنگ پر لٹکی ہوئی پینٹنگ ہو.
سینئر صحافی اور اینکر پرسن مبشر لقمان نے کہا کہ تجزیہ نگاروں کے مطابق اس ظلم و ستم کا خاتمہ تب ہی ہو سکتا ہے یا تو محمد بن سلمان بادشاہ بن جائیں‌ یا ان کو راستے سے ہٹا دیا جائے لیکن یہ ممکنہ طور پر اب دکھائی نہیں‌ دیتا .انہوں نے مزید کہا کہ مجھے بعض دوستوں نے مشورہ دیا ہے کہ آپ لاہور میں بیٹھ ان کے خلا ف نہ بولا کریں کیونکہ ان کے ہاتھ بہت لمبے ہیں‌، اس بات کا جواب دیتے ہوئے مبشر لقمان نے کہا کہ جو بھی” مجھے ہے حکم اذاں لا الہ الا اللہ …”

مولانا ناصر مدنی نے اپنے اوپر تشدد کرنیوالوں سے صلح کر لی

باغی ٹی وی :عالم دین علامہ ناصر مدنی نے اپنے اوپر تشدد کرنیوالوں کو معاف کر دیا۔ ناصر مدنی نے اپنی رہائشگاہ پر مرکزی ملزم رضوان گجر کو معافی مانگنے پر معاف کردیا۔

عالم دین اور مبلح ،مشہور ٹک ٹاک اور سوشل میڈیا پر مزاحیہ گفتگو کی وجہ سے شہرت پانے والے علامہ ناصر مدنی کو چند ہفتے قبل کچھ افراد نے تشدد کا نشانہ بنایا تھا۔ بعد ازاں کاروباری شخصیت عصمت اللہ نیازی کی وساطت سے دونوں پارٹیوں میں صلح کی بات چیت شروع ہوگئی۔ ملزم رضوان گجر نے اپنے والد الیاس گجر کے ہمراہ علامہ ناصر مدنی سے انکی رہائشگاہ پر پریس کانفرنس میں اپنے کئے ہوئے پر معذرت کی۔

علامہ ناصر مدنی کا کہنا تھا کہ وہ اللہ اور اس کے رسول کی خوشنودی کی خاطر معاف کرتے ہیں۔ ہمارے درمیان اب کوئی رنجش نہیں رہے گی۔علامہ ناصر مدنی کا مزید کہنا تھا کہ پیر حق خطیب سرکار نے گزشتہ شب ان سے ملاقات کی۔ جس کے بعد صلح اور معافی تلافی اپنے انجام کو پہنچی.

واضح‌رہے کہ اس سے پہلےعالم دین مولانا ناصر مدنی نے تھانہ مزنگ میں تشدد کرنے والوں کے خلاف رپورٹ جاری کرائی تھی . انہوں نے پولیس کو دی گئی درخواست میں مؤقف اپنایا کہ نامعلوم افراد انہیں مزنگ سے اغواء کر کے کھاریاں لے گئے اور ان سے بھتہ مانگا اور برہنہ کر کے تشدد کا نشانہ بنایا۔
علامہ ناصر مدنی پر تشدد اور اغواء کرنے والے 4 ملزمان گرفتار

مولانا ناصر مدنی نے پولیس کو دی گئی درخواست میں مزید بتایا کہ انہیں پہلے بھی دھمکیاں مل رہی تھیں۔

عالم دین مولانا ناصر مدنی نے واقعے کی غیر جانبدارانہ تحقیقات کا مطالبہ کرتے ہوئے کہا تھا کہ انہوں نےہوم سیکرٹری کو بھی درخواست دی تھی لیکن تحفظ فراہم نہیں کیا گیا۔اس ضمن میں پولیس کا کہنا ہے کہ درخواست مل چکی ہے، طبی ملاحظے کے بعد قانون کے مطابق کارروائی کی جائے گی، اب تازہ ترین صورت حال کے مطابق پولیس نے ملزمان اسلحہ سمیت گرفتار کرلیے ہیں.

لاہور باغبانپورہ پولیس کی بڑی کامیابی

باغی ٹی وی :لاہور انویسٹی گیشن پولیس باغبانپورہ کی کارروائی، ڈکیتی اور سینیچنگ کی وارداتوں میں ملوث شہباز عرف غوری ڈکیٹ سینچر گینگ گرفتار کرلیا .گرفتار ملزمان میں گینگ کا سرغنہ شہباز عرف غوری اور ساتھی عثمان، احسن،علی اور شفیق شامل ہیں.گرفتار ملزمان سے ساڑھے تین لاکھ روپےسے زائدمالیت کے موبائل فونزاور نقدی برآمد کر لی .ملزمان کا شہر کے مختلف علاقوں میں متعدد وارداتوں کا انکشاف ہوا ہے .

انویسٹی گیشن پولیس باغبانپورہ نے ملزمان کو جدید ٹیکنالوجی کی مدد سے گرفتار کیا۔ایس پی کینٹ انویسٹی گیشن کیپٹن (ر)علی بن طارق کاگینگ نے گرفتاری پر پولیس ٹیم کو شاباش دی .
عمران انوار: پی آر او ٹو ڈی آئی جی انویسٹی گیشن،لاہور

شمالی وزیرستان میں پاک فوج کے جوان کی شہادت پر شہباز شریف کا اظہار تعزیت

باغی ٹی وی کی رپورٹ کے مطابق پاکستان مسلم لیگ(ن) کے صدر اور قائد حزب اختلاف شہباز شریف نے دہشت گردوں کے خلاف آپریشن میں پاک فوج کے جوان کی شہادت پر اظہار تعزیت کی ہے

شہباز شریف کا کہنا ہے کہ شمالی وزیرستان میں حوالدار اکبر حسین کی شہادت پر اہل خانہ سے ہمدردی کا اظہار کرتے ہیں ،دہشت گردی کے خاتمے میں شہداء نے لازوال قربانیاں دی ہیں

شہباز شریف کا مزید کہنا تھا کہ امن وامان کے قیام کی تاریخ میں افسروں اور جوانوں کی شہادتیں سنہری حروف سے لکھی جائیں گی ،اللہ تعالی شہداء کے درجات بلند فرمائے اور پسماندگان کو صبر جمیل دے۔ آمین

واضح رہے کہ شمالی وزیرستان کے علاقے میں دہشت گردوں کے ساتھ جھڑپ میں ایک فوجی جوان شہید جبکہ 5 دہشت گرد ہلاک ہو گئے

ڈی جی آئی ایس پی آر کے مطابق شمالی وزیرستان کے علاقے میرانشاہ سے 10 کلو میٹر مغرب میں دہشتگردوں نےسیکیورٹی چیک پوسٹ پرحملہ کیا،جس کے جواب میں سیکیورٹی فورس نے کاروائی کی جس کے نتیجے میں 5 دہشت گرد ہلاک ہو گئے ، سیکورٹی فورسز کے ساتھ فائرنگ کے مقابلے میں پاک فوج کا ایک جوان بھی شہید ہو گیا

ڈی جی آئی ایس پی آر کے مطابق پاک فوج کے 3 جوان زخمی بھی ہوئے جنہیں علاج کے لئے مقامی ہسپتال منتقل کر دیا گیا،دہشت گردوں کے ساتھ فائرنگ کے دوران حوالدار اکبر حسین خان شہید ہوئے جن کا تعلق آزاد کشمیر کے علاقے دھیر کوٹ تحصیل باغ سے ہے، شہید نے لواحقین میں دو بیٹے اور دو بیٹیاں چھوڑی ہیں