Category: لاہور

لاہور کے علاقے شمالی چھاؤنی میں ایک دلخراش واقعہ پیش آیا جہاں 10 سالہ بچہ کھلے ہوئے سیوریج لائن کے مین ہول میں گر کر جاں بحق ہو گیا۔ واقعہ کی اطلاع ملتے ہی ریسکیو ٹیمیں موقع پر پہنچ گئیں اور بچے کو نکالنے کے لیے فوری کارروائی شروع کی۔

ریسکیو حکام کے مطابق مین ہول تقریباً 50 فٹ گہرا تھا جس کی وجہ سے بچے کو باہر نکالنے میں ریسکیو ٹیم کو 4 گھنٹے کا عرصہ لگا۔ حکام نے بتایا کہ کھلا ہوا مین ہول سیوریج لائن کے نظام کا حصہ تھا اور حفاظتی اقدامات کا فقدان اس حادثے کی بنیادی وجہ تھا۔واقعے کی اطلاع ملتے ہی مقامی انتظامیہ نے علاقے میں سیفٹی معائنہ شروع کر دیا ہے تاکہ مزید حادثات سے بچا جا سکے۔ علاوہ ازیں، شہریوں میں بھی سیوریج لائنز اور کھلے مین ہولز کے حوالے سے خبردار کرنے کی ضرورت پر زور دیا جا رہا ہے۔ریسکیو حکام نے والدین اور سرکاری اداروں پر زور دیا ہے کہ وہ ایسے خطرناک جگہوں کو فوری طور پر محفوظ بنائیں تاکہ معصوم بچوں اور شہریوں کی جان کو خطرات سے بچایا جا سکے

لاہور: وزیراعلیٰ پنجاب مریم نواز اور کیپٹن (ر) محمد صفدر کے صاحبزادے جنید صفدر کا رشتہ دوبارہ طے پا گیا ہے۔ ذرائع کے مطابق جنید صفدر کا نیا رشتہ سابق وزیر اعظم نواز شریف کے قریبی عزیزوں کے ساتھ طے پایا ہے،

نجی ٹی وی کے مطابق ذرائع کا کہنا ہے کہ جنید صفدر کے رشتے کی بات چیت تقریباً ایک ماہ قبل شروع ہوئی تھی اور اب یہ رشتہ باضابطہ طور پر طے پا گیا ہے۔ یہ خاندان لاہور میں مقیم ہے اور دونوں خاندانوں کے درمیان تعلقات گہرے اور خوشگوار ہیں۔

واضح رہے کہ جنید صفدر نے پہلے 2021 میں عائشہ سیف سے شادی کی تھی، تاہم اکتوبر 2023 میں انہوں نے اپنی اہلیہ سے علیحدگی کی تصدیق کی تھی۔ جنید صفدر نے اپنی تعلیم برطانیہ سے مکمل کی ہے اور اس وقت وہ لاہور میں قیام پذیر ہیں۔اس رشتے کے طے پانے سے شریف خاندان میں خوشی کی لہر دوڑ گئی ہے اور خاندان کے قریبی حلقوں میں اس خبر کا خیرمقدم کیا جا رہا ہے۔

لاہور میں 9مئی کے پر تشدد واقعات میں سرکاری املاک کو کتنا نقصان ہوا ، رپورٹ پیش کر دی گئی

رپورٹ کے مطابق کیمروں، سرکاری گاڑیوں کی مد میں 10 کروڑ 68 لاکھ7ہزار 900کا نقصان ہوا ، جے آئی ٹی نے 9مئی کو نقصانات کی رپورٹ ٹرائل کورٹ میں جمع کر ادی ،دستاویزات کے مطابق لاہور میں9 مئی کے واقعات میں پولیس اور رینجرز کی 21 گاڑیاں تباہ ہوئیں، لاہور کے 9تھانوں کی حدود میں 9مئی کو درجنوں سرکاری گاڑیاں توڑی گئیں ، سرکاری گاڑیوں کو 8 کڑور 22 لاکھ 7ہزار 500 روپے کی مالیت کا نقصان پہنچایا گیا ،جناح ہاؤس کے قریب رینجرز کے ڈالے سمیت12 گاڑیوں میں توڑپھوڑ کی گئی .9مئی کے واقعات میں ٹریفک سگنلز اور آلات کو 53 لاکھ 5ہزار کا نقصان پہنچایا گیا، سیف سٹی کے کیمروں کو ایک کڑور 41لاکھ37ہزار500 روپے کا نقصان ہوا ،گرجا چوک کینٹ میں 25لاکھ 62ہزار 300 روپے مالیت کے کیمروں کو نقصان پہنچا ، شیر پاؤ پل کے قریب 5لاکھ 18ہزار مالیت کے کیمروں کو نقصان پہنچایا گیا ، قرطبہ چوک ،جیل روڈ ،شالیمار چوک پر بھی 5لاکھ 18روپے کی سرکاری املاک کو نقصان پہنچا

آل پاکستان رائٹرز ویلفیئر ایسوسی ایشن (APWWA) کے زیر اہتمام ، استاد،شاعر،کالمنگار ناصر بشیر صاحب کی زیر صدرات ، ملک یعقوب اعوان کی زیر سرپرستی اور بانی اپووا ایم ایم علی کی زیر نگرانی مقامی ہوٹل میں یومِ تکبیر کے سلسلے میں ایک پروقار کانفرنس اور کیک کاٹنے کی تقریب کا انعقاد کیا گیا۔ اس پروقار محفل میں ملک بھر سے ممتاز ادیبوں، شعراء، لکھاریوں اور مختلف شعبہ ہائے زندگی سے تعلق رکھنے والی شخصیات نے شرکت کی۔
تقریب کا باقاعدہ آغاز حافظ محمد زاہد نے تلاوتِ کلام پاک سے کیا گیا، جس سے محفل میں روحانیت اور تقدس کی فضا قائم ہوئی۔ اس کے بعد، شریک محفل معززین نے یومِ تکبیر کی اہمیت، پاکستان کے ایٹمی پروگرام کی ضرورت اور اس کے دفاعی اثرات کے حوالے سے اپنے اپنے نادر خیالات اور جذبات کا اظہار کیا۔ مقررین نے پاکستان کی خودمختاری اور استحکام میں ایٹمی قوت کے کردار پر روشنی ڈالی اور مستقبل میں بھی اسی جذبے سے ملک کی ترقی اور خوشحالی کے لیے کام کرنے کے عزم کا اظہار کیا۔

کانفرنس کے اختتام پر، یومِ تکبیر کی مناسبت سے ایک خصوصی کیک کاٹا گیا، جو اس عظیم قومی دن کی یاد میں ایک علامتی جشن تھا۔ اس موقع پر تمام شرکاء نے پاکستان کی امن و سلامتی، ترقی اور خوشحالی کے لیے خصوصی دعائیں بھی کیں۔ آخر میں، شرکاء کے لیے ناشتے کا اہتمام کیا گیا، جس کے دوران ادبی گفتگو اور باہمی رابطوں کا سلسلہ جاری رہا۔یہ تقریب APWWA کی جانب سے قومی دنوں کو یاد کرنے اور ادبی حلقوں میں قومی جذبے کو فروغ دینے کے عزم کی عکاس تھی۔

تقریب میں معروف ادبی شخصیت،استاد ،شاعر کالمنگار ناصر بشیر ،معروف ادیب اشفاق احمد، معروف شوبز جرنلسٹ امبرین فاطمہ،سنئیر صحافی ندیم نظر ،ملی ادبی پنچائت کے چئیرمین ریاض احمد احسان نے بطور مہمان خصوصی شرکت کی جبکہ دیگر مہمان اعزاز میں معروف ادبی شخصیت ڈاکٹر فضیلت بانو،معروف شاعرہ عروج درانی ،سنئیر صحافی ممتاز بانو، کالمنگار شاعر چوہدری غلام غوث، نوید شیخ، ایگزیکٹو پروڈیوسر کھرا سچ ،اردونیوز کے رپورٹر ادیب یوسفزئی،سینئر صحافی حافظ نعیم، نوجوان لکھاری خنیس الرحمان، ایک نیوز سے حافظ طارق،ایڈیٹر باغی ٹی وی ممتاز اعوان۔سرپرست گلبل رسالہ نعمان احمد صابری،بچوں کے معروف ادیب عبدالصمد مظفر،لکھاری محمد نادر کھوکھر محمد قاسم کھوکھر، امجد نذیر ، محمد سعید ،محمد دانش رانا،بچوں کے معروف ادیب امان اللہ نیر شوکت ۔صحافی و کالمنگار ،مہر اشتیاق احمد سیالکوٹ،معروف کالمنگار ملک فیصل رمضان،صحافی و کالمنگار ،، فہد نفیس،محمد بابر، قصور سے چوہدری اکبر علی اپووا عہددران میں سے بانی و صدر اپووا ایم ایم علی،سنیئر نائب صدر حافظ محمد زاہد،نائب صدر سفیان فاروقی،نائب صدر میل ونگ محمد اسلم سیال،محمد بلال جوائینٹ سیکرٹری،اظہر حسین بھٹی ڈپٹی سیکرٹری انفارمیشن ،ڈپٹی جوائینٹ سیکرٹری اویس چوہدری،ڈپٹی سیکررٹری میل ونگ حافظ معاویہ ظفر،ڈپٹی پریس سیکرٹری عثمان بن معاویہ ۔جبکہ خواتین عہداران میں جنرل سیکرٹری مدیحہ کنول،ڈپٹی سیکرٹری کو آرڈینیشن لاریب اقراء،ایڈیشنل سیکرٹری انفارمیشن ایمن سعید،نور فاطمہ ،سنئیر لکھاریہ تسنیم کوثر ،سوشل ایکٹیوسٹ سونیا معراج کے علاہ ماہ نور ،سدرہ رحمت،عائزہ بتول،اور دیگر شرکاء نے کثیر تعداد میں شرکت شرکت کی۔تمام شرکاء نے پرتکلف ناشتہ دینے پر سنئیر وائس چئیرمین اپووا ملک یعقوب اعوان کا شکریہ ادا کیا .