مریم نواز کے شوہر کی ضمانت منسوخی کی درخواست پر سماعت کیوں نہ ہو سکی؟

باغی ٹی وی کی رپورٹ کے مطابق مسلم لیگ ن کی رہنما مریم نواز کے شوہر کیپٹن ر صفدر کی ضمانت منسوخی کی درخواست پر آج سماعت نہ ہو سکی،

لاہور ہائیکورٹ نے کیپٹن ریٹائرڈ صفدر کی ضمانت منسوخی کیلئے درخواست پر سماعت بغیر کارروائی ملتوی کر دی۔لاہور ہائیکورٹ میں بنچ کی عدم دستیابی پر سماعت ملتوی کی گئی۔ جسٹس فاروق حیدر نے آج پنجاب حکومت کی اپیل پر سماعت کرنا تھی۔ گزشتہ سماعت پر سرکاری وکیل نے ریکارڈ کی فراہمی اور کیس کی تیاری کیلئے وقت مانگا تھا۔

ڈپٹی پراسیکیوٹر جنرل نے کہا کہ کیپٹن ر صفدر نے سیشن کورٹ میں ریاستی اداروں کے خلاف میڈیا ٹاک کی، کیپٹن ریٹائرڈ صفدر کی میڈیا ٹاک قابل اعتراض اور مواد غداری کے زمرے میں آتا یے، کیپٹن ریٹائرڈ صفدر کے خلاف درج مقدمے میں دفعہ 124 اے لگائی گئی جو قابل ضمانت نہیں۔

سرکاری وکیل نے کہا کہ سیشن عدالت نے حکومتی مؤقف کو نظرانداز کرکے ملزم کیپٹن ریٹائرڈ صفدر کی ضمانت منظور کی۔ کیپٹن ریٹائرڈ صفدر کی ضمانت منظور کرنے کے فیصلے کو کالعدم قرار دیا جائے

لیگی رہنما اور سابق وزیراعظم نواز شریف کے داماد پر الزام ہے کہ نواز شریف کی صحت کی خرابی پر اشتعال انگیز تقریر کی اور لوگوں کو بھڑکاتے رہے جس پر انہیں حراست میں لیا گیا ہے،سیشن عدالت نے اُنہیں ضمانت پر رہا کرنے کا حکم دیا تھا۔عدالت نے اُنہیں 2 لاکھ روپے کے ضمانتی مچلکےجمع کرانے کا بھی حکم دیا تھا۔

شہباز شریف کو وزارت عظمیٰ کی پیشکش……..ملکی سیاست میں کھلبلی مچ گئی

جیل جا کر بڑے بڑے سیدھے ہو جاتے ہیں، مریم نواز بھی جیل جا کر”شریف” بن گئیں

مریم نواز کی تاریخ پیدائش کیا ہے؟ عدالت نے پوچھا تو مریم نے کیا جواب دیا؟

واضح رہے کہ لاہور پولیس نے محمد صفدر کو راوی ٹول پلازہ سے گرفتار کیا تھا اور ان کے خلاف تھانہ اسلام پورہ میں 16 ایم پی او کے تحت مقدمہ درج کیا گیا تھا۔گرفتاری کے اگلے روز جب انہیں عدالت میں پیش کیا گیا تو پولیس نے ان پر مزید دو مقدمات درج کرلیے تھے۔

نواز کی ضمانت، ہسپتال میں مریم نواز کو کس نے دیا بوسہ؟

آئی ایس پی آر کے ڈرامے "عہد وفا” پر پابندی کے لئے درخواست دائر
باغی ٹی وی کی رپورٹ کے مطابق آئی ایس پی آر کے ڈرامہ سریل ”عہدوفا“ کے خلاف لاہور ہائیکورٹ میں درخواست دائر کی گئی ہے، ہائیکورٹ نے درخواست پر رجسٹرار آفس کا اعتراض ختم کردیا اوردرخواست سماعت کیلئے مقرر کرنے کی ہدایت کردی

نجی ٹی وی کی رپورٹ کے مطابق آئی ایس پی آر کے ڈرامہ سریل ”عہدوفا“میں سیاستدانوں اورمیڈیا کی کردارکشی کیخلاف درخواست پر سماعت ہوئی،جسٹس شاہد وحید نے محمد ذیشان کی درخواست پر سماعت کی ،درخواست میں موقف اختیار کیا گیا ہے کہ ڈرامے میں سیاستدان ،میڈیا،بیوروکریسی کے کرداردکھائے گئے ،ڈرامہ عہد وفا میں سیاستدانوں اورمیڈیا کی کردارکشی کی جارہی ہے ،

درخواست میں مزید کہاگیا کہ سیاستدانوں کی کردارکشی سے بیرونی دنیا میں پاکستان کامنفی تاثر جارہاہے، درخواست میں استدعا کی گئی ہے کہ عدالت ڈرامہ عہد وفا پرپابندی عائد کرنے کا حکم دے. عدالت نے درخواست سماعت کے لئے جلد مقرر کرنے کی ہدایت کی ہے.

پاک فوج کے تعاون سے بننے والے ڈرامہ سیریل "عہد وفا”نے اپنی مقبولیت کے بھارت میں‌جھنڈے گاڈ دیئے ، اطلاعات کے مطابق یہ ڈرامہ اس وقت بھارت میں بہت زیادہ دیکھا جارہا ہے اورپسند بھی کیا جارہا ہے،ڈرامہ سیریل”عہد وفا”پاک فوج کے ترجمان ادارے آئی ایس پی آر اورایم ڈی کی مشترکہ کاوش ہے، اس ڈرامے کومصطفیٰ‌ آفریدی سنگ مر مر والے نے لکھا ہے

ذرائع کے مطابق اس ڈرامے کی مقبولیت سرحد پاربہت زیادہ بتائی جارہی ہے، اسی سلسلے میں آئی ایس پی آر نے ایک ویڈیوشیرکی ہے ،میجرجنرل اپنے انسٹاگرام کے ذریعے ایک ایسی ویڈیوشیرکرتے ہیں‌کہ جس سے اس ڈرامے کی مقبولیت کااندازہ لگایا جاسکتا ہے، کرتار پورراہداری کے موقع پرسرحد پار سے بڑی تعداد میں جب بھارتی سکھ پاکستان پہنچتے ہیں‌تو پوچھنے والے نے پوچھا جناب آپ کو کون سا ڈرامہ اچھا لگتا ہے تو وہاں کھڑے تمام سکھوں نے بتایا کہ انہیں ڈراما "عہدوفا”اچھالگتا ہے

سکھ لڑکی سے شادی، ہراساں کرنے پر عدالت نے کس کو کیا طلب؟

باغی ٹی وی کی رپورٹ کے مطابق ننکانہ میں سکھ لڑکی سے شادی کرنے والے جوڑے کو حراساں کرنے کے معاملہ پر لاہور ہائیکورٹ میں عائشہ اور حسن کی درخواست پر سماعت ہوئی، عدالت نے درخواست۔ پر سماعت 20 فروری تک ملتوی کر دی ۔

عدالت نے ڈائریکٹر سائبر کرائم عبدالرب کو ریکارڈ سمیت طلب کر لیا ،عدالت نے ڈائریکٹر فرانزک لاہور اور ڈپٹی ڈائریکٹر رضوان صابر کو ریکارڈ سمیت دیگر سمت طلب کر رکھا ہے

گزشتہ سماعت پر ڈپٹی ڈائریکٹر فرانزک سائنس رضوان صابر نے عدالت میں پیش کردہ اپنی رپورٹ میں ٹیلی فون گفتگو کو منفی قرار دے دیا تھا اور تسلیم کیا تھا کہ مدعی کے فون میں تمام ڈیٹا موجود ہے ۔عدالت نے اس رپورٹ کو مسترد کر دیا تھا۔

عدالت نے عائشہ سے والدہ کی بجائے اسکی بڑی بہن کو دارالامان میں ملاقات کی اجازت دے رکھی

سکھوں نے کشمیر پر دلیرانہ موقف اپنا کر کشمیریوں کو حوصلہ دیا ، عثمان بزدار

جسٹس مظاہر علی اکبر نقوی نے عائشہ اور حسن کی درخواست پر سماعت کی، درخواست گزار کا کہنا ہے کہ ننکانہ کی سکھ لڑکی عائشہ کو مسلمان کر کے لاہور میں اس سےشادی کی۔ شادی کرنے پر سکھوں کی جانب سے دھمکیاں اور حراساں کیا جا رہا ہے ۔گورنر پنجاب نے صلح بھی کروائی ۔لیکن اس کے بعد پھر مسلسل حراساں کیا جا رہا ہے ۔دارالامان لاہور میں مقیم ہیں ۔سکھ ملاقاتوں میں مسلسل دھمکیاں دے رہے ہیں ۔عدالت ہمیں تحفظ اور سیکورٹی فراہم کرنے کا حکم دے ۔

عدالتی احکامات پر عمل نہ کرنیوالے افسران کو کیوں نہ مس فٹ قرار دیا جائے؟ عدالت برہم

باغی ٹی وی کی رپورٹ کے مطابق لاہور ہائیکورٹ میں ڈپٹی کمشنر لاہور افضال دانش کیخلاف توہین عدالت کی درخواست پر سماعت ہوئی، عدالت نے درخواست پر سماعت دو ہفتوں کے لیے ملتوی کر دی ۔عدالت نے ڈی سی لاہور کو اے سی کے فیصلہ کردہ ریونیو ریکارڈ کو پیس کرنے کا حکم دے دیا

عدالت کے حکم پر ڈی سی مچلکے جمع کروا کر عدالت میں پیش ہو گئے ،ایڈشنل ایڈووکیٹ جنرل پنجاب عارف راجہ نے کہا کہ متعلقہ پٹواری کو معطل کر دیا گیا ہے ۔ عدالت نے کہا کہ افسر شاہی عدالتوں کے احکامات پر عمل نہین کرتی ۔کیوں نہ ایسے افسروں کو مس فٹ قرار دے کر ہٹا دیا جائے جو عدالت کے احکامات پر عمل درآمد نہیں کرتے ۔متعلقہ ایڈشنل ڈپٹی کمشنر کے خلا ف کیوں ایکشن نہیں لیا گیا ۔

سرکاری وکیل نے کہا کہ عدالت کے حکم کی تعمیل کر دی جائے گی مہلت دی جائے ،ڈی سی لاہور نے کہا کہ درخواستگزار نے جعلی دستاویزات پر وراثتی اراضی انتقال کروانے کی کوشش کی ۔عدالت نے استفسار کیا کہ 2016 سے اب تک کیوں ایکشن نہ لیا گیا ۔اب صرف پٹواری کو معطل کر دیا گیا ۔

ڈی سی لاہور نے کہا کہ وفات کے جعلی سرٹیفیکیٹ کے ذریعے انتقال کی کوشش کی گئی ،

عدالت نے پیش نہ ہونے پر ڈپٹی کمشنر افضال دانش کے وارنٹ گرفتاری جاری کر دیئے تھے ، عدالت نے ڈی سی لاہور کے خود پیش نہ ہونے پر اظہار برہمی کا اظہار کیا تھا ،جسٹس شاہد وحید نے مقامی شہری عبدالباری کی توہین عدالت کی درخواست پر سماعت کی ،ایڈیشنل ڈپٹی کمشنر ریونیو محمد اصغر جوئیہ عدالت میں پیش ہوئے تھے

درخواست گزار نے کہا کہ عدالت نے درخواست ڈپٹی کمشنر لاہور کو کارروائی کیلئے بھجوائی، عدالتی حکم کے باوجود ڈپٹی کمشنر لاہور افضال دانش نے کارروائی نہیں کی، عدالتی حکم پر عمل درآمد نہ کرنا توہین عدالت کے زمرے میں آتا ہے، عدالت ڈی سی لاہور کیخلاف توہین عدالت کی کارروائی عمل میں لائے،

رجسٹرار پنجاب یونیورسٹی کے خلاف توہین عدالت کی درخواست پر عدالت نے کیا کہا؟
باغی ٹی وی کی رپورٹ کے مطابق لاہور ہائی کورٹ میں رجسٹرار پنجاب یونیورسٹی کے خلاف توہین عدالت کی درخواست پر سماعت ہوئی، عدالت نے درخواست پر سماعت سے معذرت کر لی ۔ درخواست چیف جسٹس کو دوسرے بنچ کی تشکیل کے لیے بھجوا دی ۔

عدالت نے نوٹ میں لکھا کہ میں یونیورسٹی کی سنڈیکیٹ کمیٹی کا ممبر ہوں ایسے میں درخواست پر سماعت نہیں کر سکتا ۔مسٹر جسٹس شاہد وحید نے اسلامک سٹڈیز کے اسسٹنٹ پروفیسر ڈاکتر عثمان احمد کی درخواست پر سماعت کی ۔

درخواست گزار نے کہا کہ وہ ایکس پاکستان لیو پر دو سال کے لیے پی ایچ ڈی کے لیے بیرون ملک چلا گیا ۔اسکی 2014 سے تنخواہوں سے کٹوتی شروع کر دی گئی ۔اس پر بغیر اجازت بیرون ملک جانے کا الزام عائد کیا گیا ،عدالت نے اسکی کٹوتی کے خلاف درخواست دادرسی کے لیے رجسٹرار یونیورسٹی کو بھجوا دی

درخواستگزار نے اب تک مزید کہا کہ اسکی اب تک 8لاکھ 40ہزار کی کتوتی کی گئی ۔عدالت کے سات ستمبر 2018 پر عمل درآمد نہیں کیا جا رہا ۔عدالت رجسٹرار پنجاب یونیورسٹی کے خلاف توہین عدالت کی کارروائی عمل میں لائے

گورنر پنجاب چوہدری محمدسرور تحر یک انصاف کے راہنما نعیم الحق کی نماز جنازہ میں شرکت کیلئے روانہ

باغی ٹی وی : گورنر پنجاب چوہدری محمدسرور تحر یک انصاف کے راہنما نعیم الحق کی نماز جنازہ میں شرکت کیلئے روانہ ہو گئے.چوہدری محمدسرور دورہ کراچی کے دوران نعیم الحق کے اہل خانہ اظہار تعزیت بھی کر یں گے انہوں نے کہا کہ نعیم الحق کی پارٹی‘جمہوریت اور عوام کیلئے قر بانی کو ہمیشہ یاد رکھا جائیگا.وہ اب تک پی ٹی آئی کے سب سے وفادار ساتھی تھے، تیئیس سال کی جدوجہد میں نعیم الحق ہمیشہ میرے ساتھ کھڑے رہے، جب بھی پارٹی پر مشکل وقت آیا انہوں نے ساتھ دیا۔موت کی خبر سن کر مختلف سیاسی شخصیات کی جانب سے تعزیت کا سلسلہ جاری ہے۔

خیال رہے کہ پاکستان تحریک انصاف کے بانی رہنما نعیم الحق70برس کی عمر میں انتقال کرگئے، وہ 11جولائی1949کو کراچی میں پیدا ہوئے، نعیم الحق پیشے کے اعتبار سے بینکر اور کاروباری شخصیت تھے، وہ پی ٹی آئی کے بانی ارکین میں شمار کیے جاتے تھے، انہوں نے 1996میں عمران خان کے ساتھ پاکستان تحریک انصاف کی بنیاد رکھی۔نعیم الحق کی نماز جنازہ آج بعد نماز عصر مسجد عائشہ خیابان اتحاد کراچی میں ادا کی جائے گی۔

سردی کی شدت میں کمی، سوئی ناردرن کا سی این جی اسٹیشنز کو گیس سپلائی جاری رکھنے کا فیصلہ

باغی ٹی وی :ترجمان سوئی ناردرن گیس کے مطابق لاہور:سوئی ناردرن گیس نے پنجاب بھر میں سی این جی اسٹیشنز کو گیس سپلائی جاری رکھنے کا فیصلہ.کیا ہے.
لاہور:سی این جی اسٹیشنز کو گیس سپلائی آج رات منقطع کی جانی تھی جو اب جاری رہے گی ۔لاہور:موسم میں بہتری کے پیش نظر سوئی ناردرن کا سی این جی اسٹیشنز کو گیس سپلائی جاری رکھنے کا فیصلہ کیا ہے:

انصاف صحت پروگرام کی کامیابی سے ن لیگ کے چمچوں کڑچھوں کے پیٹ میں مروڑ اٹھ رہے ہیں، فیاض الحسن چوہان کا جواب

باغی ٹی وی :وزیرِ اطلاعات پنجاب فیاض الحسن چوہان کا رانا ثناءاللہ کے بیان پر ردعمل دیتے ہوئے کہا ہےکہ پنجاب میں صحت انصاف کارڈ کی فراہمی کا منصوبہ کامیابی سے جاری ہے۔انصاف صحت پروگرام پہلے کے پی کے میں پی ٹی آئی حکومت نے 2013 میں متعارف کروایا۔ آل شریف نے کے پی کے میں کامیاب انصاف صحت پروگرام کارڈ پروگرام کی نقل کی۔ کے پی کے عوام نے پرفارمنس کی بنیاد پر پی ٹی آئی مو دوبارہ موقع دیا۔ ن لیگ نے صرف دس سے بارہ اضلاع میں پونے تین لاکھ مالیت کا پروگرام شروع کیا۔

شوباز شریف نے کارڈ تقسیم کر دیئے لیکن پریمیم ادا کرنا مناسب نہ سمجھا۔ کئی اضلاع میں عوام کو ہسپتالوں میں خفت کا سامنا کرنا پڑا۔بزدار حکومت آج 72 لاکھ خاندانوں میں سات لاکھ مالیت کے صحت انصاف کارڈز تقسیم کر رہی ہے۔ابھی تک ساڑھے اڑتالیس لاکھ خاندانوں میں کارڈز تقسیم کر دیئے گئے ہیں۔

اس کارڈ میں ایکسیڈنٹ سے لے کر کینسر تک تمام بیماریوں کی سہولت ہو گی۔انصاف صحت پروگرام کی کامیابی سے ن لیگ کے چمچوں کڑچھوں کے پیٹ میں مروڑ اٹھ رہے ہیں۔ن لیگ نے تو ق لیگ دور کے عوامی فلاح کے جاری منصوبے تک بند کروا دیئے۔ رانا نثار کے منہ سے بزدار حکومت کے کامیاب منصوبوں پر تنقید جچتی نہیں۔ ان شاء اللہ پی ٹی آئی وزیرِ اعظم عمران خان کے ویژن کے مطابق ترقی کا سفر جاری رکھے گی۔

:پنجاب حکومت نے سرکاری دفاتر میں‌ لگائی واٹس ایپ پر پابندی

باغی ٹی وی :پنجاب حکومت نے غیر متعلقہ افراد پر خفیہ معلومات افشاں ہونے کے خدشات کے پیش نظر دفاتر میں واٹس ایپ کے ذریعے سرکاری دستاویزات کی شیئرنگ پر پابندی عائد کردی ہے۔

ذرائع کے مطابق صوبائی حکام کو اس ضمن میں شکایات موصول ہوئی تھیں کہ سرکاری محکمے اپنے دفتری معاملات چلانے کے لئے واٹس ایپ کا استعمال کررہے ہیں اور میسجنگ سروس پر دستاویزات کا تبادلہ کیا جارہا ہے۔
بتایا گیا ہے کہ دستاویزات شیئرنگ کے لیے واٹس گروپس تشکیل دیئے گئے تھے جہاں سے یہ دستاویزات لیک ہوئے ہیں۔

اعلی افسران نے اس سنگین معاملے کا نوٹس لیتے ہوئے تمام محکموں کو ہدایت کی ہے کہ وہ حکومت کو ممکنہ خطرات کے پیش نظر کراس پلیٹ فارم میسجنگ سروس پرسرکاری دستاویزات اور معلومات کا تبادلہ کرنے سے اجتناب کریں۔صوبائی حکومت کے عہدیداروں نے انکشاف کیا کہ محکمہ سروسز اینڈ جنرل ایڈمنسٹریشن (ایس اینڈ جی اے ڈی) نے یہ احکامات جاری کیے ہیں۔

ڈاکوؤں کی فائرنگ کا نشانہ بنے پولیس اہلکار اور شہری

باغی ٹی وی :ڈاکو راج نے معاشری کو یرغمال بنا لیا ، کندھ کوٹ کے قریب کچے کے علاقے میں پولیس اور ڈاکوؤں کے فائرنگ سے ایس ایچ او اور ایک اہلکار زخمی ہو گیا، ایک راہگیر خاتون کوثر بھیو بھی زخمی ہو گئی جنہیں ہسپتال منتقل کر دیا گیا۔

پولیس کے مطابق تھانہ درانی مہر کی حدود کچے کے علاقے میں خاتون کی آواز میں بلا کر اغوا کی وارداتیں کرنے والے گروہ کی گرفتاری کے لیے ایس ایس پی اسد رضا شاہ کی ہدایات پر ضلع کے مختلف تھانوں کی پولیس پولیس موبائلز بکتر بند گاڑیوں کے ساتھ پورے علاقے کا گھیراؤ کیا گیا جس کے بعد پولیس اور ڈاکوؤں کے درمیان فائرنگ کا سلسلہ شروع ہوگیا جس کے نتیجے میں تھانہ کشمور کے ایس ایچ او زیاد نوناری اور ایک اہلکار صدام چاچڑ زخمی ہو گیا جنہیں کندھ کوٹ سول ہسپتال منتقل کردیا گیا۔
یس ایس پی اسد رضا شاہ نے ہسپتال پہنچ کر زخمیوں کی عیادت کی، دوسری جانب ڈاکوؤں اور پولیس کی فائرنگ کے دوران ایک راہگیر خاتون کوثر بھیو بھی زخمی ہو گئی تھی جن کو علاج کے لئے ہسپتال منتقل کیا گیا ہے، ڈاکٹرز کے مطابق خاتون کی حالت تشویشناک بتائی جاتی ہے جبکہ مقابلے میں زخمی ایس ایچ او اور اہلکار کے فوٹیج لینے کے لئے پولیس نے صحافیوں کو روک دیا تھا، کچے کے علاقے میں پولیس اور ڈاکوؤں میں مقابلہ جاری ہے اور وقفے وقفے سے فائرنگ کی جا رہی ہے جس میں پولیس کو تاحال ڈاکوؤں کی گرفتاری کے متعلق کوئی کامیابی حاصل نہیں ہوئی۔ واضح رہے کہ اس وقت پنجاب سمیت ملک بھر میں لاء ایند آرڈر کی صور ت حال خراب ہے شہری آئے روز چوروں اور ڈاکوؤں سے اپنے جان مال کو دیتنے پر مجبور ہیں.