قطری ایئرایمبولینس پر نواز شریف پاکستان چھوڑ گئے
باغی ٹی وی کی رپورٹ کے مطابق سابق وزیراعظم نواز شریف قطری ایئر ایمبولینس پر لندن روانہ ہو گئے ہیں،سابق وزیراعظم نوازشریف لاہورائیرپورٹ پہنچے تو انکا شہبازشریف، ڈاکٹر عدنان کے پاسپورٹ امیگریشن حکام کے حوالے کئے گئے، نوازشریف کی میڈیکل فائل ایئرایمبولینس کے ڈاکٹرزکے حوالے کی گئی،نواز شریف کے ہمراہ 50 گاڑیوں کا قافلہ ایر پورٹ پہنچا،کارکنان کی بڑی تعداد پولیس کا حصار توڑتے ہوئے اندر داخل ہو گئے ،کارکنان نے نواز شریف کی گاڑی کو حصار میں لے لیا،نواز شریف کے حق میں نعرے بازی کی.
نواز شریف نے ایئرپورٹ پہنچ کر پارٹی رہنماؤں سے آخری ملاقات کی اور انہیں پارٹی کے حوالہ سے اہم ہدایات دیں، اس موقع پر راجہ ظفرالحق، شہباز شریف و دیگر پارٹی رہنما موجود تھے، عدالتی آرڈر امیگریشن حکام کو دیا گیا،امیگریشن کا عمل مکمل ہونے کے بعد نواز شریف طیارے پر سوار ہوئے،نواز شریف کی والدہ اور مریم نواز بھی ایئر پورٹ پر نواز شریف کے ہمراہ آئی تھیں،نواز شریف کو ایمبولینس کے ذریعے طیارے تک منتقل کیا گیا.
نواز شریف براستہ دوحہ لندن جائیں گے، دوحہ میں نواز شریف کی میڈیکل ٹیم تبدیل ہو گی، ائیر ایمبولینس میں آپریشن کی سہولت بھی موجود ہے، ایئر ایمبولینس کسی بھی ایئر پورٹ پر لینڈ کر سکتی ہے، نواز شریف کی ایئر ایمبولینس شام 6 بجے لندن پہنچے گی.،
سابق وزیراعظم نواز شریف علاج کےلیے آج بیرون ملک روانہ ہوگئے،21 اور 22 اکتوبرکی درمیانی شب نوازشریف کی طبیعت خراب ہوئی،اسپتال منتقل کیاگیا تھا،میڈیکل ٹیسٹ میں نوازشریف کے پلیٹلٹس کی تعداد خطرناک حد تک کم پائی گئی تھی۔ سروسز اسپتال لاہور کے پرنسپل پروفیسر ایاز محمود کی سربراہی میں چھ رکنی میڈیکل بورڈ نواز شریف کا علاج کررہا ہے جس میں ڈاکٹر کامران خالد، ڈاکٹر عارف ندیم ، ڈاکٹر فائزہ بشیر، ڈاکٹر خدیجہ عرفان اور ڈاکٹر ثوبیہ قاضی شامل تھے۔میڈیکل بورڈ سینئر میڈیکل اسپیشلسٹ، گیسٹرو انٹرولوجسٹ، انیستھیزیا اسپیشلسٹ اور فزیشن پر مشتمل تھا۔
نواز شریف کی صحت، ڈاکٹرز نے وارننگ دے دی، خطرے کی گھنٹی
بانڈ نہیں ہم یہ چیز دے سکتے ہیں،ن لیگ نے عدالت میں کیا کہا؟ سماعت دوسری بار ملتوی
نوازان ای سی ایل، وفاقی حکومت کیا کرنے جا رہی؟ ایڈیشنل اٹارنی جنرل نے بتا دیا
شہباز اگر مگر کے بغیر واضح طور پہ بتائیں کہ نواز شریف واپس آئیں گے؟ عدالت
25 اکتوبر،چودھری شوگر ملز کیس میں طبی بنیاد پر نواز شریف کی ضمانت منظور ہوئی،26 اکتوبر،العزيزيہ ریفرنس میں انسانی بنیادوں پر نوازشریف کی عبوری ضمانت منظور ہوئی،26اکتوبر، نواز شریف کو ہلکا ہارٹ اٹیک ہوا ، وزیرصحت پنجاب یاسمین راشد نےتصدیق کی،نوازشریف سروسزاسپتال سےڈسچارج ہوئے،جاتی امرامیں آئی سی یوبناکرمنتقل کیا گیا،29 اکتوبر ، العزيزيہ ریفرنس میں طبی بنیاد پرنوازشریف کی2 ماہ کے لیے سزا معطل کردی گئی،8 نومبر، شہباز شریف نے وزارت داخلہ کو نوازشریف کا نام ای سی ایل سے نکالنے کی درخواست دی،12 نومبر ، وفاقی کابینہ نے نوازشریف کو باہر جانے کی مشروط اجازت دی،انڈیمنٹی بانڈ دینے کا کہا،14 نومبر ، ن لیگ نے انڈيمنٹی بانڈ کی شرط لاہور ہائی کورٹ میں چیلنج کر دی ،16 نومبر،لاہور ہائیکورٹ نےنواز شریف کوعلاج کیلیےبیرون ملک جانے کی اجازت دے دی،
شہباز بتائیں آپ نواز کو واپس لائیں گے؟ شہباز شریف نے عدالت میں کیا جواب دیا؟
لندن جانے کا خواب ڈاکٹر نے مٹی میں ملا دیا، نواز شریف کا علاج کہاں سے کروایا جائے؟ نئی ہدایات
عدالت نے نواز شریف کو بیرون ملک جانے کی غیر مشروط اجازت دی، عدالت نے نواز شریف کا نام غیر مشروط طور پر ای سی ایل سے نکالنے کا حکم دے دیا ،لاہور ہائی کورٹ نے نوازشریف کو4ہفتوں کے لیے بیرون ملک جانے کی اجازت دے دی، لاہورہائیکورٹ نے وفاقی حکومت کا ڈرافٹ پراعتراض مستردکردیا ، عدالت نے اپنے فیصلے میں کہا کہ 4 ہفتے بعد صحت ٹھیک نہ ہوئی توقیام میں توسیع ہوسکتی ہے،
نواز شریف نیب کے پاس جسمانی ریمانڈ پر تھے جب ان کی طبیعت خراب ہوئی اور سروسز ہسپتال منتقل کیا گیا، بعد ازاں لاہورہائیکورٹ نے نواز شریف کی چوھدری شوگر ملز کیس میں ضمانت منظور کی، اسلام آباد ہائیکورٹ نے نواز شریف کی العزیزیہ ریفرنس کیس میں سزا آٹھ ہفتوں کے لئے معطل کی،
