Category: لاہور

اگر یہ کام نہ کرتے تو اموات ہو سکتی تھیں،میں نے کتنے وکلاء کی جان بچائی تھی؟ فیاض الحسن چوہان بول پڑے

باغی ٹی وی کی رپورٹ کے مطابق صوبائی وزیر اطلاعات فیاض الحسن چوہان نے کہا ہے کہ ہنرمند نوجوان پروگرام کے تحت روزگار کے مواقع ملیں گے،پروگرام سے ملکی معیشت پرمثبت اثرات مرتب ہوں گے، (ن) لیگ والوں کوعثمان بزدار کے کام ہضم نہیں ہوتے،

فیاض الحسن چوہان نے مزید کہا کہ پی آئی سی پرحملے میں ملوث متعدد افراد کوگرفتارکیا جا چکا ہے، گرفتاربعض وکلا کوعدالت بھی پیش کردیا گیا، اسپتال،پیرامیڈیکل اسٹاف،ڈاکٹرزکے تحفظ کیلئے بل لارہے ہیں، وزیراعلیٰ کے بیٹے، بھائی یا رشتے دارکوکسی پروگرام کا انچارج نہیں بنایا گیا، نوازشریف نے مریم نوازکو 100ارب کے خزانے پربٹھا دیا تھا،

فیاض الحسن چوہان کا مزید کہنا تھا کہ :پی آئی سی واقعے کی تحقیقات جاری ہیں،جن ڈاکٹرزکی گاڑیوں کونقصان پہنچاانہیں بھی رقم دی گئی ہے،واقعےمیں جاں بحق افراد کے لواحقین کوچیکس دے دیئے گئے ہیں،پی آئی سی میں بحالی کا کام مکمل کر لیا گیا ہے،حسان نیازی کے خلاف بھرپورکارروائی کی جارہی ہے،پولیس نے حسان نیازی کی گرفتاری کیلئے 5 چھاپے مارے،پولیس شیلنگ اسپتال میں نہیں جیل روڈ پر ہو رہی تھی،اپنی تعریف نہیں کررہا لیکن شیلنگ جاکر بند کروائی،میں نے خود جان جوکھوں میں ڈال کر 15وکلا کو لوگوں سے بچایا

فیاض الحسن چوہان نے مزید کہا کہ جب نوازشریف نے رپورٹ دینی ہوتی ہے تو اسپتالوں کے دورے ہوتے ہیں،پھردیکھتے ہیں برگر کھایا جارہا ہے اور لندن کی سیرکی جارہی ہے،سیاستدان لڑتے جھگڑتے ہیں لیکن پیشہ ورافرادکی لڑائی کسی طورمناسب نہیں،وکلا،ڈاکٹرز اور ہر کمیونٹی کے افراد ہمارے لئے قابل احترام ہیں،ہمیں ملک اور معاشرے میں حکومت کی رٹ قائم کرنی ہے، شیلنگ بند نہ کر ائی جاتی تو خدانخواستہ زیادہ اموات ہو سکتی تھیں،نواز شریف کی واپسی سے متعلق پوری قوم کرب میں مبتلا ہے.

حمزہ شہباز کا ایک اور ملازم نیب نے کیا گرفتار

باغی ٹی وی کی رپورٹ کے مطابق منی لانڈرنگ کے الزام میں ملزم راشد کرامت کو نیب لاہور نے گرفتار کر لیا ہے، ملزم کو احتساب عدالت میں پیش کیا گیا، عدالت نے ملزم کا 14 روزہ جسمانی ریمانڈ منظور کر لیا،

نیب کے مطابق ملزم راشدکرامت 2007 سے حمزہ شہباز کا ملازم تھا، ملزم کے بینک اکاؤنٹ میں 45 کروڑکی ٹرانزیکشن ہوئی،

حمزہ شہباز کا فرنٹ مین بن گیا نیب میں وعدہ معاف گواہ،بیان ریکارڈ کروا دیا

مریم نواز کے وکلاء نے ہی مریم نواز کی الیکشن کمیشن میں مخالفت کر دی، اہم خبر

صرف اللہ کوجوابدہ ،کوئی کچھ بھی رائے رکھےانصاف کے مطابق فیصلہ دیں گے، عدالت کےحمزہ کیس میں ریمارکس

نیب نے احتساب عدالت میں رپورٹ جمع کروائی ہے جس میں کہا گیا ہے کہ شہبازشریف فیملی نے اپنے مختلف ملازموں کے ناموں پرکمپنیاں بنا رکھی ہیں،منی لانڈرنگ کی رقوم بے نامی کمپنیوں میں منتقل کی جاتی رہیں ،اور ان بے نامی کمپنیوں سے شریف فیملی کے اکاؤنٹس میں رقم منتقل ہوتی رہی. نیب رپورٹ میں مزید کہا گیا کہ نیب کو 10 غیرملکی منی ایکس چینجرزکا ریکارڈمل چکاہے، شہبازشریف، حمزہ،سلمان کوبرطانیہ کی 4 منی ایکس چینج سے رقوم منتقل ہوئیں، دبئی کی 6 منی ایکس چینج سے بھی رقوم منتقل کی گئیں۔ نیب رپورٹ کے مطابق شہبازشریف فیملی کو 10 کمپنیوں سے 37 کروڑبھیجے گئے.

بلاول نے اگر یہ "کام” کیا تو اسکی سیاست ختم ہو جائیگی، شیخ رشید کا دعویٰ

باغی ٹی وی کی رپورٹ کے مطابق وفاقی وزیر ریلوے شیخ رشید احمد نے لاہور میں میڈیا سے گفتگو کرتے ہوئے کہا کہ سابق صدر آصف زرداری،فریال تالپور کوملک سے باہر جاتا نہیں دیکھ رہا،نوازشریف کی طرف سے میڈیکل رپورٹ عدالت جمع کرائی گئی، پی آئی سی واقعے سے دنیا میں ملک کا تشخص مجروح ہوا، بلاول بھٹواس گروپ کا حصہ ہیں جس کا کیس نیب میں ہے،بلاول اگراس گروپ کا ساتھ دیں گے توانکی سیاست ختم ہوجائے گی،

لاہور سے واہگہ شٹل ٹرین کا کیا شیخ رشید نے افتتاح، مزید شٹل ٹرین کہاں چلائیں گے، وفاقی وزیر نے بتا دیا

شیخ رشید کے دعوے صرف ہوا میں،ریلوے کا خسارہ کم ہوا یا زیادہ، اہم خبر

ریلوے کے ریٹائرڈ ڈرائیور کو سنائی شیخ رشید نے خوشخبری

ن لیگ میں ایک اور پارٹی جنم لے رہی ہے، شیخ رشید احمد

شیخ رشید احمد نے مزید کہا کہ مستقبل میں پاکستان اوربھارت میں کشیدگی بڑھے گی، مودی آگ اورخون کی ہولی کھیل رہا ہے،مودی ہٹلرنےمسلمانوں کاجینا مشکل کردیا ہے،نہتے اور مظلوم کشمیریوں کے ساتھ کھڑا ہونا ہم پر فرض ہے الیکشن کمیشن سے متعلق غیرآئینی باتیں کی جارہی ہیں، ہرجماعت کہے کہ الیکشن کمشنران کا ہوتومطلب دال میں کچھ کالا ہے ،پیپلزپارٹی اور ن لیگ اپنے اپنے جج چاہتی ہیں،دونوں پارٹیوں نے دہرا معیار اپنا رکھا ہے

لاہور سے واہگہ شٹل ٹرین کا کیا شیخ رشید نے افتتاح، مزید شٹل ٹرین کہاں چلائیں گے، وفاقی وزیر نے بتا دیا

باغی ٹی وی کی رپورٹ کے مطابق وفاقی وزیر ریلوے شیخ رشید احمد نے نے شٹل سروس کا افتتاح کردیا،اس موقع پر شیخ رشید کا کہنا تھا کہ رائیونڈ کے لیے بھی شٹل سروس کا آغاز جلد کریں گے،لاہور سے گوجرانوالہ بھی شٹل ٹرین شروع کی جائیگی،22سال بعد واہگہ بارڈر کے لیے شٹل سروس شروع کی ہے،پشاور سے کراچی تک نیا ٹریک جلد مکمل کر لیا جائے گا،

شیخ رشید احمد نے مزید کہا کہ جلو تک ٹرین پر سفر کروں گا،30کلومیٹر فاصلے کو ٹرین ایک گھنٹے میں طے کرے گی

شٹل ٹرین لاہور اسٹیشن سے دن میں تین بار واہگہ کے لیے روانہ ہوگی جوکہ مغلپورہ، ہربنس پورہ اور جلو پارک کے اسٹیشنز پر رکے گی۔انتظامیہ نے شٹل ٹرین کی ٹکٹ 30 روپے مقرر کی ہے۔ شہری لاہور سے واہگہ تک 23 کلو میٹر کا سفر ايک گھنٹے ميں طے کرسکيں گے۔

لاہور ڈویزن کے ڈی ایس ریلویز عامر نثار کہتے ہیں کہ واہگہ اور جلو پارک میں تفریح کے لیے ٹرین چلے گی البتہ اسٹیشنز کی بحالی میں ابھی وقت لگے گا۔مغلپورہ کی کھنڈر بنی عمارت کو سنوارنے کے لیے رنگ و روغن کا کام جاری ہے جبکہ ہربنس پورہ اور جلو پارک اسٹیشنز کی عمارتوں پر کام شروع نہیں ہوسکا.

ترجمان ریلوے کا کہنا ہے کہ یہ شٹل ٹرین اکانومی کلاس کی دو کوچز پر مشتمل ہوگی جس میں 176 مسافروں کے بیٹھنے کی گنجائش ہوگی۔پہلی شٹل ٹرین لاہور سے صبح سوا 6 بجے چلے گی جب کہ دوسری شٹل ٹرین سہ پہر سوا 4 بجے واہگہ اسٹیشن کے لیے روانہ ہوگی۔ مطابق مسافروں کی کمی کے باعث 1986 میں یہ ٹرین بند کر دی گئی تھی۔

وزیراعظم کا بھانجا مقدمہ میں نامزد، گرفتاری کے لئے کتنے چھاپے مارے گئے؟

باغی ٹی وی کی رپورٹ کے مطابق پنجاب انسٹی ٹیوٹ آف کارڈیالوجی پر وکلا حملہ کیس میں 81 وکلاء کو گرفتار کیا گیا ہے تا ہم حسان خان نیازی کو تاحال گرفتار نہیں کیا جا سکا،حسان خان نیازی کی گرفتاری کے لیے پولیس نے دوسرا چھاپہ مارا تا ہم اسے کامیابی نہ ہوئی ،دوسرے چھاپے کے دوران بھی حسان نیازی پولیس کو چقمہ دینے میں کامیاب ہو گیا،

رائیونڈ پولیس نے حسان خان نیازی کی گرفتاری کے لیے چھاپہ مارا،پولیس کے مطابق چھاپہ حسان خان نیازی کی موجودگی کی اطلاع پر مارا گیا تھا، چھاپے کے دوران حسان خان نیازی گرفتار نہ ہو سکے،

قبل ازیں پولیس نے لاہور میں حسان خان نیازی کی گرفتاری کے لئے چھاپہ مارا تھا لیکن اس چھاپے میں بھی پولیس کو ناکامی ہوئی تھی،

سوشل مڈیا پر احتجاج کے بعد پی آئی سی حملہ کیس ایف آئی آر میں حسان نیازی کو نامزد کیا گیا ہے،پولیس کے مطابق حسان خان نیازی کو مقدمہ کی ضمنی میں نامزد کیا گیا ہےحسان نیازی کی گرفتاری کے لیے ابتک 5چھاپے مارےجا چکے ہیں

لاہور میں پی آئی سی کے باہر وکلا کے پرتشدد احتجاج کے دوران وزیر اعظم عمران خان کے بھانجے بیرسٹر حسان خان نیازی بھی ساتھی وکلا کے ساتھ موجود تھے، حسان خان نیازی معروف تجزیہ نگار حفیظ اللہ نیازی کے صاحبزادے ہیں، انہوں نے اس موقع پر دوستوں کے ساتھ تصاویر بھی بنوائیں۔جو سوشل میڈیا پر وائرل بھی ہوئیں، حسان نیازی کی موجودگی پر مسلم لیگ ن بھی حکومت پر شدید تنقید کی اور کہا کہ وزیراعظم کا بھتیجا بھی سانحہ پی آئی سی میں ملوث ہے.

سانحہ پی آئی سی، کتنے وکلاء پر مقدمات درج ہو گئے؟ اور کیا دفعات شامل کی گئیں؟ اہم خبر

الٹا چور کوتوال کو ڈانٹے،وکلاء کی ہڑتال،سائلین خوار،گرفتاریوں کے لئے ٹیمیں تشکیل

سانحہ پی آئی سی، وزیراعلیٰ پنجاب عثما ن بزدار کی طلبی ہو گئی

سانحہ پی آئی سی، نقصان کی ابتدائی رپورٹ جاری،کتنے کروڑ کا نقصان ہوا؟

واضح رہے کہ پنجاب انسٹی ٹیوٹ آف کارڈیالوجی میں گزشتہ روز مشتعل وکلا نے فیاض الحسن چوہان کو بھی تشدد کا نشانہ بنایا تھا،صوبائی وزیر کو موقع پر موجود صحافیوں نے وکلا سے بچایا تھا،فیاض الحسن چوہان نے پریس کانفرنس میں وکلاء تشدد سے بچانے والے صحافی سرفراز خان اور دیگر میڈیا کا شکریہ ادا کیا۔

سانحہ پی آئی سی، ایمرجنسی بحال، آؤٹ ڈورتاحال بند، وزیراعلیٰ نے کیا اہم اعلان

باغی ٹی وی کی رپورٹ کے مطابق پنجاب کے صوبائی دارالحکومت لاہور میں وکلاء حملے کے بعد پی آئی سی کی او پی ڈی اور ان ڈور سروسز مسلسل چوتھے روز بھی بند ہیں، مریض انجیو گرافی، ایکو کارڈیوگرافی سمیت ٹیسٹوں کی سہولت سے محروم ہیں۔

ہسپتال کی ایمرجنسی میں ڈاکٹرز، نرسز سمیت دیگر پیرا میڈیکل سٹاف مریضوں کو چیک کررہے ہیں،، مریض انجیو گرافی، ایکو کارڈیو گرافی سمیت ٹیسٹوں کی سہولت سے محروم ہیں، آپریشن تھیٹرز میں بھی کام بند ہے، تمام آپریشن ملتوی کر دیئے گئے جس سے ہسپتال آنیوالے مریضوں کو شدید مشکلات کا سامنا ہے۔

وزیراعلی پنجاب عثمان بزدار کا کہنا ہے اللہ تعالیٰ کے فضل و کرم ایمرجنسی کو کھول دیا گیا ہے، ایمرجنسی کی بندش کے باعث مریضوں کو بہت مشکلات کا سامنا تھا، دیگر سروسز کو بھی جلد بحال کر دیا جائے گا، پنجاب حکومت نے ہسپتالوں، ڈاکٹروں اور عملے کے تحفظ کے لئے قانون سازی کا فیصلہ کیا ہے، ہیلتھ پروفیشنلز سیکیورٹی بل کو کابینہ کے آئندہ اجلاس میں پیش کیا جائے گا

اس واقعہ کی تلخیوں کوکم کرنے میں پاکستان کے معروف تجزیہ نگار،ممتاز اینکرمبشرلقمان کو یہ اعزاز جاتا ہےکہ انہوں نے کل کے واقعہ کی سلگتی چنگاریوں کو بجھانے میں اہم کردار ادا کیا ہے ، باغی ٹی وی کے مطابق جمعہ کی شب مبشرلقمان نے اس اہم معاملے کی سختیوں کوسمیٹنے کی کوشش کرتے ہوئے اپنے ساتھ چند معتبروکلاء کو لیا اورساتھ ہی ڈاکٹرز میں سے بھی بہت ہی معزز اورقابل احترام شخصیات کو لے کرمعاملے کوٹھنڈاکرنے کی بھرپورکوشش کی ،

باغی ٹی وی کی مطابق یہ کوششیں کامیاب ہوتی نظرآرہی ہیں ،ذرائع کےمطابق ڈاکٹرز نے سنیر صحافی مبشرلقمان کی درخواست کااحترام کرتے ہوئے پنجاب کارڈیالوجی دوبارہ مریضوں کے لیے کھول دی ہے اور ڈاکٹرز اورپیرامیڈیکل سٹاف اپنی اپن ڈیوٹیوں پرپہنچ گیاہے،

سانحہ پی آئی سی، کتنے وکلاء پر مقدمات درج ہو گئے؟ اور کیا دفعات شامل کی گئیں؟ اہم خبر

الٹا چور کوتوال کو ڈانٹے،وکلاء کی ہڑتال،سائلین خوار،گرفتاریوں کے لئے ٹیمیں تشکیل

سانحہ پی آئی سی، وزیراعلیٰ پنجاب عثما ن بزدار کی طلبی ہو گئی

سانحہ پی آئی سی، نقصان کی ابتدائی رپورٹ جاری،کتنے کروڑ کا نقصان ہوا؟

دوسری طرف سنیر صحافی مبشرلقمان نے ڈاکٹرز اور سنیروکلا کا بھی شکریہ ادا کر تے ہوئے کہاکہ دونوں ہی محترم ہیں اور دونوں طبقات کو کل کے واقعہ پر بہت زیادہ دکھ ہوا ہے،مبشر لقمان نے اس موقع پر حکومت پنجاب کی کوششوں کی تعریف کی اور کہا کہ اتنے بڑے پیمانے پرپنجاب کارڈیالوجی میں جس طرح توڑ پھوڑ کی گیٰ اور اتنے پڑے پیمانے پر توڑپھوڑ کو جس تیزی کے ساتھ دورکرکے دوبارہ پھر پی آئی سی کو بحال کردیا ہے اس کا سہرہ پنجاب حکومت کو جاتا ہے،

مبشر لقمان نے کہا کہ دونوں طبقات نے اس عزم کا اظہار کیا ہے کہ وہ آئندہ کسی ایسے واقعہ کو رونما نہیں ہونے دیں گے اورکوشش کریں گے کہ معاملات احسن انداز سے چلتے رہیں،مبشرلقمان نے پنجاب کارڈیالوجی کے مناظربھی بیان کیے، انہوں نےیہ بتاکرسب کو حیران کردیا کہ جب وہ پی آئی سی پہنچے تو ڈاکٹرز اورپیرامیڈیکل سٹاف کے کئی لوگ کل کے دردناک مناظرکویادکرکے رورہے تھے اورڈاکٹروں اورمریضوں کے ساتھ ہونےوالے سلوک کے مناظربیان کرکے بہت زیادہ غم گین ہورہے تھے

ضلعی انتظامیہ نے پی آئی سی میں نقصان کی ابتدائی رپورٹ جاری کردی، پی آئی سی حملے میں تقریباً 7کروڑ روپے کا نقصان ہوا،وکلاء کی جانب سے حملے میں 10کارڈیک مانیٹرز،4ایکومشین ،3وینٹی لیٹرز اور 15ٹیلیفون توڑے گئے ،اسپتال کے داخلی وخارجی دروازوں اور2واک تھروگیٹ کونقصان پہنچا،

رپورٹ کے مطابق 4دروازوں اور6کھڑکیوں کے شیشے توڑے گئے، ایمرجنسی میں انفارمیشن کاؤنٹرز،کھڑکیاں اور کمپیوٹرز کونقصان پہنچایا گیا،وکلانے شیشے کے دروازوں اور6 پودوں کونقصان پہنچایا، جیلانی بلاک کے داخلی دروازے اور سسٹر کیبن  کونقصان پہنچا،

ضلعی انتظامیہ کی جانب سے جاری رپورٹ کے مطابق 16گاڑیوں کے شیشے توڑے گئے اور2گاڑیاں مکمل تباہ کی گئیں،

وکلا گردی کا شکار دل کا ہسپتال دو روز بعد بھی فعال نہ ہوسکا
باغی ٹی وی رپورٹ کے مطابق دل کا ہسپتال دو دن بعد بھی فعال نہ ہوسکا، ایمرجنسی اور آؤٹ ڈور بدستور بند ہیں، ہزاروں مریض متاثر ہو رہے ہیں، خوف میں مبتلا عملہ بھی ڈیوٹی پر واپس نہ آیا۔
پنجاب انسٹی ٹیوٹ آف کارڈیالوجی تیسرے روز بھی بند رہا، مریضوں کو شدید مشکلات کا سامنا کرنا پڑا، اب تک تقریباً 12 ہزار دل کے مریض متاثر ہو چکے، 35 کے قریب بائی پاس، 200 انجیو پلاسٹی اور 250 کے قریب انجیوگرافی نہ ہو سکیں، دل کے مریض تشخیصی ٹیسٹوں سے بھی محروم رہے۔

دوسری جانب پی آئی سی او پی ڈی میں میڈیسن کاؤنٹر بھی بحال کر دیا گیا ہے اور انتہائی نگہداشت یونٹ میں پہلے سے زیر علاج مریضوں کو ادویات کی فراہمی بھی شروع کر دی گئی ہے۔ پی آئی سی کے چیف ایگزیکٹو آفیسر پروفیسر ڈاکٹر ثاقب شفیع نے بتایا کہ رات 8 بجے ایمرجنسی سمیت ہسپتال کو مکمل فعال کر دیا جائے گا جبکہ او پی ڈی کل سے کھلے ہو گی۔
واضح رہے کہ پی آئی سی حملے کی وجہ سے پی آئی سی میں نقصان کی ابتدائی رپورٹ جاری کردی، پی آئی سی حملے میں تقریباً 7کروڑ روپے کا نقصان ہوا،وکلاء کی جانب سے حملے میں 10کارڈیک مانیٹرز،4ایکومشین ،3وینٹی لیٹرز اور 15ٹیلیفون توڑے گئے ،اسپتال کے داخلی وخارجی دروازوں اور2واک تھروگیٹ کونقصان پہنچا،

رپورٹ کے مطابق 4دروازوں اور6کھڑکیوں کے شیشے توڑے گئے، ایمرجنسی میں انفارمیشن کاؤنٹرز،کھڑکیاں اور کمپیوٹرز کونقصان پہنچایا گیا،وکلانے شیشے کے دروازوں اور6 پودوں کونقصان پہنچایا، جیلانی بلاک کے داخلی دروازے اور سسٹر کیبن کونقصان پہنچا،

ضلعی انتظامیہ کی جانب سے جاری رپورٹ کے مطابق 16گاڑیوں کے شیشے توڑے گئے اور2گاڑیاں مکمل تباہ کی گئیں،

وکلا گردی کے خلاف لاہور کے ڈاکٹرز اور میڈیکل سٹاف کا وسیع پیمانے پر ا‌حتجاج

باغی ٹی وی رپورٹ کے مطابق پنجاب انسٹیٹیوٹ آف کارڈیالوجی پر وکلا کے حملے کا معاملہ، ڈاکٹرز کا وسیع پیمانے پر ا‌حتجاج ہوا.

لاہور: جنرل اور جناح اسپتال میں پی آئی سی کے عملے سے اظہار یکجہتی کے لیے مارچ کیا گیا.لاہور چلڈرن اسپتال میں بھی احتجاجی ریلی نکالی گئی جس موقعے پر ڈاکٹرز، نرسز اور پیرامیڈیکس نے نعرے بازی کی

میڈیکل کالجز کی اکیڈیمک کونسل کی بھی احتجاج میں شرکت کی. اس موقع پر ڈاکٹرز نے مطالبہ کیا کہ اسپتالوں میں عملے کو تحفظ فراہم کیا جائے، احتجاج کے شرکا نے ہاتھوں میں بینرز اور پلے کارڈز اٹھا رکھے ہیں

سانحہ پی آئی سی، کتنے وکلاء پر مقدمات درج ہو گئے؟ اور کیا دفعات شامل کی گئیں؟ اہم خبر

الٹا چور کوتوال کو ڈانٹے،وکلاء کی ہڑتال،سائلین خوار،گرفتاریوں کے لئے ٹیمیں تشکیل

سانحہ پی آئی سی، وزیراعلیٰ پنجاب عثما ن بزدار کی طلبی ہو گئی

واضح رہے کہ پنجاب انسٹی ٹیوٹ آف کارڈیالوجی میں چند روز پہلے مشتعل وکلا نے جہاں ڈاکٹرز ، مریض اور عام شہریوں کو نشانہ بنایا وہاں فیاض الحسن چوہان کو بھی تشدد کا نشانہ بنایا تھا،صوبائی وزیر کو موقع پر موجود صحافیوں نے وکلا سے بچایا تھا،فیاض الحسن چوہان نے پریس کانفرنس میں وکلاء تشدد سے بچانے والے صحافی سرفراز خان اور دیگر میڈیا کا شکریہ ادا کیا۔

پی آئی سی ہنگامہ آرائی میں جان کی بازی ہار جانے والے کے لیے امدادی چیک

باغی ٹی وی رپورٹ کےمطابق صوبائی وزیرصحت پنجاب ڈاکٹریاسمین راشدنے پنجاب انسٹی ٹیوٹ آف کارڈیالوجی میں ہنگامہ آرائی کے دوران علاج کی معطلی کے باعث جان کی بازی ہارنے والے محمدبوٹا کے اہل خانہ کودس لاکھ روپے کاامدادی چیک دے دیا۔

اس موقع پرڈپٹی کمشنرلاہوردانش افضال بھی صوبائی وزیرصحت کے ہمراہ تھے۔ صوبائی وزیرصحت نے محمدبوٹاکے اہل خانہ سے اظہارتعزیت کیا۔وزیراعلی پنجاب سردارعثمان بزدارکی ہدایت پرمحمدبوٹاکے اہل خانہ کوامدادی چیک دیاجارہاہے۔۔

ڈاکٹریاسمین راشد نے کہا کہ وکلاء گردی کی ماضی میں اتنی بڑی بدترین مثال نہیں ملتی۔پی آئی سی میں ہنگامہ آرائی سے مالی وجانی نقصان ہوا۔ ہنگامہ آرائی کے باعث تقریباپانچ سومریضوں کودوسرے ہسپتالوں میں شفٹ کروانا پڑا۔وکلاء برادری بھی پی آئی سی حملہ سے شرمندہ ہے۔ہم تشددکانشانہ بننے والے ڈاکٹرز، مریضوں، صحافیوں اورراہگیروں کے ساتھ کھڑے ہیں۔