ینگ ڈاکٹرزکی توہین عدالت کی درخواست پر عدالت نے کیا حکم دے دیا؟

باغی ٹی وی کی رپورٹ کے مطابق لاہورہائیکورٹ میں ینگ ڈاکٹرزاورپیرامیڈیکل ا سٹاف کی توہین عدالت کیس کی سماعت ہوئی ،لاہورہائیکورٹ نے درخواست واپس لینےکی بنیادپرمسترد کردی ،جسٹس جواد حسن نے کہا کہ یہ کیا معاملہ ہے، وکیل کیوں کھڑے ہیں؟ آپ حکومت سےبات کریں،ابھی تو یہ کیس زیر التواہے،یہ نیا کیس بنتا ہے قانون کے مطابق چلیں،

جسٹس جواد حسن نے کہا کہ حکومت سے بات کریں، میں قانون کے مطابق چلتا ہوں،

ینگ ڈاکٹرز کی ہڑتال، عدالت نے بڑا حکم دیتے ہوئے کہا کہ قانون پر عمل کراؤں گا

ڈاکٹروں کی ہڑتال، عدالت نے ایسا حکم دیا کہ ڈاکٹر پریشان ہو گئے

واضح رہے کہ گزشتہ سماعت پر عدالت نے کہا تھا کہ آئین کے تحت ہڑتال جائز نہیں،ہڑتال ختم نہ کی تو اچھا نہیں ہوگا،عدالت نے حکم دیا کہ مجھے پورے صوبے میں تمام ڈاکٹرز ڈیوٹی پر چاہئیں،ینگ ڈاکٹرز کے نمائندوں نے یقین دہانی کرائی ہے کہ ہڑتال ختم کررہے ہیں،جب تک مکمل قانون سازی نہیں ہوتی ہڑتال بلا جواز ہے،

جنرل باجوہ ہمیشہ سول اداروں کو مضبوط بنانے کی بات کرتے ہیں، فواد چوہدری

تفصیلات کے مطابق وفاقی وزیر سائنس و ٹیکنالوجی فواد چوہدری کا کہنا ہے کہ جنرل باجوہ ہمیشہ سول اداروں کو مضبوط بنانے کی بات کرتے ہیں، آرمی ایکٹ میں ترامیم اور معاشی امور پر اتفاق رائے سے بڑھنے کی ضرورت ہے۔

فواد چوہدری نے اپنے ایک بیان میں کہا کہ پاکستان کے اداروں کے درمیان نئے میثاق کی بنیاد رکھنے کی ضرورت ہے، جب تک اداروں کے درمیان توازن نہیں ہوگا پاکستان آگے نہیں بڑھے گا ۔
انہوں نے کہا کہ اس وقت ادارے اپنا اختیار بڑھانے کو مد نظر رکھے ہوئے ہیں، سیاسی استحکام کے لئے اپوزیشن کا کردار تسلیم کرنا ہوگا ۔فواد چوہدری نے کہا کہ پاکستان کے بننے میں اسٹوڈنٹس یونینز کا اہم کردار ہے.
لاہور میں پریس کانفرنس کرتے ہوئے وفاقی وزیر سائنس اینڈ ٹیکنالوجی کا کہنا تھا کہ پاکستان کے سیاسی منظرنامے میں ارتعاش ہے، اداروں کو اختیارات کی لڑائی نہیں، اختیارات کا توازن رکھنا چاہیے۔ ملک میں اداروں کے درمیان ایک نئے میثاق کی ضرورت ہے۔

فواد چودھری نے کہا کہ آرمی ایکٹ میں ترامیم پراتفاق رائے سے آگے بڑھنا ہو گا، دونوں ایوانوں کی مشترکہ پارلیمانی کمیٹی قائم کی جائے، پارلیمنٹ کو بحیثیت ادارہ تسلیم اور اپوزیشن کا کردار بھی ماننا چاہیے، ملکی مسائل ایک ادارہ یاشخص حل نہیں کر سکتا، وزیراعظم چاہتے ہیں ادارے ایک دوسرے کا احترام کریں۔

وزیراعظم کی قیادت میں ملک پائیدار ترقی کی جانب گامزن، عثمان بزدار

وزیراعلی پنجاب سردار عثمان بزدار نے کہا ہے کہ حکومت اپنی مدت پوری کرے گی اور عدم استحکام پیدا کرنے کی سازشیں کرنے والے عناصر کے عزائم پورے نہیں ہوں گے۔ وزیراعلی کہتے ہیں کہ اداروں میں تصادم کی خواہش رکھنے والوں کو منہ کی کھانا پڑی ہے۔
اپوزیشن کی سرگرمیوں کے ردعمل میں وزیراعلی پنجاب سردار عثمان بزدار نے اپنے بیان میں کہا کہ حکومت نے بے پناہ محنت کیساتھ ملک کو درست سمت کی طرف گامزن کردیا ہے۔ وزیراعظم عمران خان کی قیادت میں ملک پائیدار ترقی کی جانب بڑھ رہا ہے۔

عثمان بزدار نے مزید کہا کہ کچھ عناصر نہیں چاہتے کہ پاکستان آگے بڑھے اورترقی کی راہ پر گامزن ہو۔ پاکستان کے عوام نے تحریک انصاف کی حکومت کو پانچ سال کا مینڈیٹ دیا ہے، حکومت اپنی مدت پوری کرے گی اور عدم استحکام پیدا کرنے کی سازشیں کرنے والے عناصر کے عزائم پورے نہیں ہوں گے- اداروں میں تصادم کی خواہش رکھنے والوں کو منہ کی کھانا پڑی ہے۔
ایڈز کی روک تھام کے لیے پنجاب حکومت کیا کر رہی، اہم خبر

اس سے قبل انہوں نے کہا کہ اجتماعی اقدامات سےایڈزکےمرض کوبہت حدتک کنٹرول کیاجاسکتاہے،پنجاب حکومت ایڈز پر قابو پانے کیلئے موثر حکمت عملی کے تحت جامع اقدامات اٹھارہی ہے،نجاب ایڈز کنٹرول پروگرام کے تحت مریضوں کو مفت ادویات اور ٹیسٹوں کی سہولت میسر ہے،ایڈزکےحوالے سے مفت مشاورت،تشخیص اورعلاج کیلئےمراکز کام کر رہے ہیں،

ایف آئی اے کی تحفظ قرآن کے حوالے سے قابل ستائش کارروائی

باغی ٹی وی رپورٹ کے مطابق چنیوٹ میں ایف آئی اے سائبر کرائم ونگ لاہور نے بروقت بڑی کارروائی کرتے ہوئے قرآن پاک کے تحریف شدہ ترجمے کو پلے اسٹور اور ایپ اسٹور پر اپ لوڈ کرنے والا ملزم گرفتار کرلیا۔

ایف آئی اے سائبر کرائم ونگ لاہور کو اطلاع ملی کہ پابندی کے باوجود کچھ افراد جن کا تعلق قادیانی جماعت سے ہے قرآن پاک کے تحریف شدہ ترجمے کو سوشل میڈیا پر وائرل کرنے والے ہیں، اگر بروقت کارروائی نہ کی گئی تو سارا مواد اپ لوڈ ہو جائے گا۔

ایف آئی اے نے کارروائی کرتے ہوئے ملزم وقار احمد کو چنیوٹ سے گرفتار کر لیا اور اس کے قبضے سے قرآن پاک کے تحریف شدہ نسخے، ڈیجیٹل میڈیا، لیپ ٹاپ سمیت دیگر مواد برآمد کر لیا۔

ایف آئی اے ذرائع کے مطابق فوری اقدامات کے نتیجے میں تحریف شدہ نسخے سوشل میڈیا پر اپ لوڈ ہونے سے بچ گئے ورنہ انہیں وائرل کردیا جاتا۔

دوران تفتیش پتہ چلا کہ ملزم تحریف شدہ نسخوں کو گوگل اور یوٹیوب پر اپ لوڈ کرنے کی منصوبہ بندی کررہا تھا، اگر وہ اپنے ناپاک عزائم میں کامیاب ہو جاتا تو گوگل اور یوٹیوب سے ہٹانے میں بڑی مشکلات پیش آتیں۔

ایڈز کنٹرول پروگرام کے لیے پنجاب حکومت کیا کر رہی، اہم خبر

تفصیلات کے مطابق وزیراعلیٰ پنجاب عثمان بزدار نے کہا ہے کہ ایڈزایک مہلک مرض ہے،اس بیماری سےبچاؤکیلئےاحتیاط لازم ہے،صحت مندزندگی کےمثبت رویوں کواختیارکرکےموذی مرض سےمحفوظ رہاجاسکتاہے،ایڈز سے بچاؤ اوراحتیاطی تدابیر کیلئے موثر آگاہی مہم سے نتیجہ خیز نتائج برآمد ہوسکتے ہیں،ایڈز سے بچاؤ کیلئےسوشل میڈیا پر بھی موثر آگاہی مہم چلانا وقت کا تقاضا ہے.ایڈز کی روک تھام کیلئے سول سوسائٹی اور سماجی تنظیموں کو مشترکہ جدوجہد کرنا ہوگی،

انہوں نے کہا کہ مشترکہ کاوشوں اوراجتماعی اقدامات سےایڈزکےمرض کوبہت حدتک کنٹرول کیاجاسکتاہے،پنجاب حکومت ایڈز پر قابو پانے کیلئے موثر حکمت عملی کے تحت جامع اقدامات اٹھارہی ہے،نجاب ایڈز کنٹرول پروگرام کے تحت مریضوں کو مفت ادویات اور ٹیسٹوں کی سہولت میسر ہے،ایڈزکےحوالے سے مفت مشاورت،تشخیص اورعلاج کیلئےمراکز کام کر رہے ہیں،

حافظ محمد سعید کی عدالت پیشی،سرکاری وکیل کو عدالت نے کیا کہا؟

باغی ٹی وی کی رپورٹ کے مطابق امیر جماعۃالدعوۃ پاکستان پروفیسر حافظ محمد سعید، حافظ عبدالسلام بن محمد اور حافظ عبدالرحمن مکی سمیت دیگر رہنماؤں کو انسداد دہشت گردی کی عدالت میں پیش کیا گیا جہاں کیس کی سماعت ہوئی اورآئندہ تاریخ 7دسمبر مقرر کی گئی ہے۔

حافظ محمد سعید کو منجمند اکاؤنٹس سے رقم نکالنے کی اقوام متحدہ نے دی اجازت

حافظ محمد سعید کی گرفتاری کیوں ہوئی؟ ترجمان جماعةالدعوة نے پول کھول دیا

جماعۃالدعوۃ کے سربراہ حافظ محمد سعیداور پروفیسر ظفر اقبال کو انسداد دہشت گردی کی عدالت نمبر 1کے جج ملک ارشد بھٹہ کے روبرو پیش کیا گیا جہاں جماعۃالدعوۃ کے رہنماؤں پر درج مقدمات کی نقول تقسیم کی گئیں۔ اس موقع پر سرکاری وکیل نے فاضل جج سے درخواست کی کہ مقدمات کی کاپیاں پیش کر دی گئی ہیں لہٰذا کیس کی سماعت روزانہ کی بنیاد پر کی جائے جس پر حافظ محمد سعید و دیگر کے وکیل نصیر الدین نیئر اور محمد عمران گل نے مؤقف اختیار کیا کہ انہیں ایک ہفتے کا وقت دیا جائے تاکہ وہ ان نقول کو تفصیل سے دیکھ کر دلائل پیش کر سکیں۔

اس دوران سرکاری وکیل نے دوبارہ روزانہ کی بنیاد پر سماعت کی بات کی تو جج ملک ارشد بھٹہ نے کہا کہ قانونی طور پر لازم ہے کہ ٹرائل فیئر ہو اور کیس اچھی طرح تیار ہو سکے اس لئے سب کو موقع ملنا چاہیے۔ یہ کہہ کر انہوں نے کیس کی سماعت 7دسمبر تک کیلئے ملتوی کر دی۔

قبل ازیں جماعۃالدعوۃ کے سربراہ پروفیسر حافظ محمد سعید، حافظ عبدالسلام بن محمد، پروفیسر حافظ عبدالرحمن مکی، پروفیسر ظفر اقبال، محمد اشرف اور محمد یحییٰ عزیز کو انسداد دہشت گردی کی عدالت نمبر 2میں جج محمد اقبال کے روبرو پیش کیا گیا۔ مذکورہ عدالت نے بھی کیس کی سماعت 7دسمبر تک کیلئے ملتوی کی ہے۔

حافظ محمد سعید و دیگر رہنماؤں کو عدالت میں پیش کئے جانے کے موقع پر سکیورٹی کے انتہائی سخت انتظامات کئے گئے تھے۔

واضح رہے کہ حافظ محمد سعید و دیگر رہنماؤں کو اقوام متحدہ کی سلامتی کمیٹی کی قرارداد 1267کے تحت گرفتار کیا گیا ہے تاہم ان کے خلاف درج مقدمات کالعدم قرار دیے گئے الانفال ٹرسٹ سے تعلق کی بنیاد پر بنائے گئے ہیں جو ملک بھر میں مساجد کی تعمیر کرنے والا ادارہ ہے۔

میں نے تو حافظ محمد سعید کے مسلح‌ افراد کبھی نہیں‌ دیکھے، مبشر لقمان نے ایسا کیوں‌ کہا؟ اہم خبر

عمران خان نے دورہ امریکہ کی کامیابی کیلئے حافظ محمد سعید کو گرفتار کروایا، صاحبزادہ ابوالخیر زبیر

واضح رہے کہ سی ٹی ڈی نے حافظ محمد سعید کو لاہور سے گوجرانوالہ جاتے ہوئے گرفتار کیا تھا. انہیں گرفتاری کے بعد عدالت میں پیش کیا گیا تھا. جس پر عدالت نے جوڈیشیل ریمانڈ پر حافظ محمد سعید کو جیل منتقل کر دیا تھا.

جماعۃ الدعوۃ کے مرکزی رہنما حافظ عبدالرحمان مکی کو کیوں گرفتار کیا گیا؟

ڈرائیور اناڑی ہوگا تو پھر یہی ہو گا، قصور وزیراعظم کا ہے، احسن اقبال

باغی ٹی وی کی رپورٹ کے مطابق مسلم لیگ ن کے رہنما احسن اقبال نے کہا کہ وزیراعظم نے اپنی اقتصادی اور قانونی ٹیم کی کارکردگی سراہا ہے،بتایا جائے وزیراعظم نے مہنگائی میں اضافہ کرنے پر ٹیم کی کارکردگی کو سراہا؟ 4سے 6مرتبہ سیکریٹری بدلے جاچکے ہیں 3دن سپریم کورٹ حکومت کی غلطیاں ٹھیک کرتی رہی،موجودہ حکومت کو ہاتھ پکڑ کر چلایا جارہا ہے،ایسی حکومت کیسے ملک چلا سکتی ہے؟

احسن اقبال نے مزید کہا کہ 12لاکھ سے زائد لوگ بے روزگار ہوچکے ہیں،ہماری برآمدات میں 5فیصد بھی اضافہ نہیں ہوا، قصور افسران کا نہیں وزیراعظم کا ہے،حکومت نے معیشت کو تباہ کردیا ہے،حکومت نے ایک سال میں چوتھی بار بجلی کی قیمتوں میں اضافہ کردیا، آج سرکاری دفاتر میں بے انتہا کرپشن ہورہی ہے،موجودہ حکومت کرپٹ ترین حکومت ہے،

احسن اقبال کا مزید کہنا تھا کہ حکومت ملک کوتجربوں کی بنیاد پرچلا رہی ہے، حکومت نے100سے زائد سینئرافسران کا تبادلہ کیا،حکومت کوسمجھ نہیں آرہی ملک کیسے چلانا ہے،ڈرائیوراناڑی ہوگا توپھریہی حال ہوگا، ہرناکامی کا الزام افسروں پرلگایا جاتا ہے،آج پاکستان کا روپیہ کمزورترین ہے،بجلی کی قیمت میں اضافے سے بجلی چوری میں اضافہ ہوگا،بجلی کی قیمتوں میں اضافہ واپس لیا جائے،