وزیراعلیٰ پنجاب کا ترجمان عائشہ نذیر جٹ کو مقرر کئے جانے کا امکان ہے، عائشہ نذیر جٹ امیر ترین خاتون ہیں ، گزشتہ عام انتخابات میں ان کے اندرون و بیرون ملک اثاثے 1 ارب 30 کروڑ سے زائد کے تھے

باغی ٹی وی کی رپورٹ کے مطابق شہباز گل کے استعفیٰ کے بعد وزیراعلیٰ پنجاب کا ترجمان خاتون کو مقرر کئے جانے کا امکان ہے، اس ضمن میں عائشہ نذیر جٹ کا نام سامنے آیا ہے جن کا تعلق وہاڑی سے ہے، وہ سابق رکن قومی اسمبلی چودھری نذیر احمد جٹ کی صاحبزادی ہیں ، عائشہ نذیر جٹ کے والد کا سعودی عرب میں کاروبار ہے اس لئے عائشہ نذیر جٹ نے اپنی ابتدائی تعلیم سعودی عرب میں حاصل کی اور اعلی تعلیم انگلینڈ سے حاصل کی۔ یونیورسٹی کالج لندن سے بی ایس سی کرنے کے بعد سرے یونیورسٹی سے ایم ایس سی کی ڈگری حاصل کی۔عائشہ نذیر جٹ نے 2012 میں سیاسی سرگرمیوں میں حصہ لینا شروع کیا .

شہباز گل کے استعفیٰ کے بعد وزیراعلیٰ کا ترجمان خاتون کو مقرر کرنے کا فیصلہ

عائشہ نذیر جٹ نے عام انتخابات 2018 میں اپنے کاغذات نامزدگی میں اندرون اور بیرون ملک اثاثے 1 ارب 30 کروڑ 49 لاکھ95 ہزار 967 روپے ظاہر کیے،انہوں نے اندرون ملک اثاثہ جات کی مالیت 3 کروڑ 20 لاکھ روپے بتائی ہے جبکہ برطانیہ میں فلیٹ اور سعودی عرب میں کنسٹرکشن کمپنی میں وہ 18 کروڑ 83 لاکھ کی حصہ دار ہیں ،عائشہ نذیر جٹ کے ہاس زیورات اور فرنیچر کی مالیت 40 لاکھ روپے ظاہر کی گئی ہے انکے پاکستانی بنک اکاونٹس میں 2 لاکھ 79 ہزار روپے موجود ہیں۔ عائشہ نذیر جٹ کے سعودی عرب کے اکاونٹ میں 990 ریال اور برطانیہ میں دو جوائنٹ اکاونٹس میں ایک لاکھ 14 ہزار 468 پاونڈ ظاہر کئے گئے ہیں عائشہ نزیر جٹ نے اپنے اثاثہ جات کو اپنے شوہرکے ساتھ مشترکہ ظاہر کیا ہے.

تحریک انصاف نے قومی اسمبلی کے حلقہ این اے 162 سے عائشہ نذیر جٹ کو ٹکٹ جاری کیا تھا۔ تا ہم بعد میں ٹکٹ واپس لے لیا تھا،عائشہ نذیر جٹ نے اس سے قبل پی پی 232 گگو منڈی (بورے والا) سے مسلم لیگی امیدوار یوسف کسیلیہ کا 2016 کے ضمنی انتخاب میں مقابلہ کیا تھا تاہم وہ اس الیکشن میں ہار گئی تھیں۔

شہباز گل نے استعفیٰ دے دیا

این اے 162 وہاڑی سے آزاد امیدوارعائشہ نذیر جٹ نے مسلم لیگ ن پر دھاندلی کا الزام لگایا تھا،عائشہ نذیر جٹ کا کہنا تھا کہ انہیں ابھی تک 330 پولنگ اسٹیشنز کے فارم 45 نہیں ملے۔وہ اکثریت سے جیت رہی تھیں۔شہباز شریف کے بیان کے بعد نتائج آنا بند ہو گئے ۔ن لیگ کے امیدوارں نے ہنگامہ کر کے ماحول خراب کیا۔ اور ہمارے پولنگ ایجنٹ کو نکال کر گنتی شروع کی گئی۔ این اے 162 سے مسلم لیگ ن کے چوھدری فقیر احمد الیکشن جیتے تھے اور عائشہ نذیر جٹ ہار گئی تھی انہوں نے پارٹی ٹکٹ کی واپسی کے بعد دعویٰ کیا تھا کہ وہ آزاد حیثیت میں سیٹ جیت کر عمران خان کی جھولی میں دیں گی.

جیل میں مریم نواز کے گھر کے کھانے پر پابندی کے خلاف پنجاب اسمبلی میں قرارداد جمع کروا دی گئی

باغی ٹی وی کی رپورٹ کے مطابق مسلم لیگ ن کی رکن پنجاب اسمبلی رابعہ فاروقی نے پنجاب اسمبلی میں قرارداد جمع کروائی گئی جس میں کہا گیا کہ یہ مقدس ایوان سابق وزیراعظم میاں نواز شریف کی صاحبزادی مریم نواز کو جیل میں کھانے کی فراہمی پر پابندی کی شدید الفاظ میں مذمت کرتا ہے جیلوں میں صاحب حیثیت بہت سے قیدیوں کو گھر کا کھانا پہنچانے کی قانونی اجازت موجود ہے، لیکن حکمران جس طرح انتقامی کارروائیاں کر رہے ہیں، اْس سے لگتا ہے کہ اس کا مقصد کچھ اور ہے اور دوسرا جیل سے ملنے والے کھانے پر اعتماد نہیں کیا جاسکتا۔

قرارداد میں مطالبہ کرتے ہوئے کہا گیا کہ اس ایوان کے معزز اراکین کی متفقہ رائے ہے کہ مریم نواز کو گھر کے کھانے کی پابندی کو فی الفور ختم کیا جائے.

قومی احتساب بیورو نیب نے چودھری شوگر مل کیس میں گرفتار سابق وزیراعظم نواز شریف کی بیٹی مریم نواز کے لئے گھر سے کھانا لانے پر پابندی عائد کر دی ہے، گزشتہ روز مریم نواز کے عملہ نے دوپہر کو مریم نواز کے لئے کھانا نیب آفس پہنچایا مگر جب رات کا کھانا لایا گیا تو نیب نے کھانا لینے سے انکار کر دیا جس پر عملہ واپس چلا گیا اور ن لیگ کی قیادت کو اس حوالہ سے بتایا .

مریم نواز کے اثاثے ہوں گے منجمند، نیب نے فیصلہ کر لیا

ذرائع کے مطابق نیب کے پاس گرفتار اگر کوئی ملزم نیب سے تعاون نہ کرے تو اس کو دی گئی تمام سہولیات بھی واپس لی جا سکتی ہیں ،اب مریم نواز کو نیب جیل مینوئل کے مطابق کھانا دیا جائے گا، اس ضمن میں چیئرمین نیب کو آگاہ کر دیا گیا ہے

آئندہ چند روز تک مریم نواز سے ملاقاتیں بھی محدود کی جائیں گی، یہ سب اقدامات تفتیش میں عدم تعاون کی وجہ سے نیب اٹھا رہا ہے

ن لیگی رہنماؤں کی عدالت میں پیشی، مریم نواز کے شوہر کو پولیس نے کیا کہا؟

مریم نواز کو کٹہرے میں لایا جائے، عدالت کا حکم

اہل یا نااہل ، مریم نوز کو ایک اور موقع مل گیا

حلال کی کمائی ہے، 5 ٹکے بھی ان کو نہ دیں، کیپٹن ر صفدر کا دعویٰ

مریم نواز تعاون نہیں کر رہی،مزید جسمانی ریمانڈ دیا جائے، نیب کی عدالت سے استدعا

واضح رہے کہ نیب نے چوہدری شوگر ملز کیس میں مریم نواز اورسابق وزیراعظم نواز شریف کے بھتیجے عباس شریف کو گرفتار کیا تھا ، جس کے بعد احتساب عدالت نے گرفتار مریم نواز اور عباس شریف کو  جسمانی ریمانڈ پر نیب کے حوالے کر دیا تھا۔ نیب پراسیکیوٹر نے عدالت میں بتایا تھا کہ 2008 میں مریم نواز کے نام پر11 ملین کے شیئر تھے، مریم نواز چوہدری  شوگرملزکی ڈائریکٹرہیں، مریم نوازکے84لاکھ روپے کے شیئر تھے، جو بڑھ کر 41 کروڑ ہوگئے

احتساب عدالت کے سابق جج ارشد ملک کو ویڈیو سیکنڈل آنے کے بعد او ایس ڈی بنا دیا گیا

باغی ٹی وی کی رپورٹ کے مطابق احتساب عدالت کے سابق جج ارشد ملک کو لاہور ہائیکورٹ نے او ایس ڈی بنا دیا،او ایس ڈی بنانے کا نوٹفکیشن جاری کر دیا ہے، جج ارشد ملک کو او ایس ڈی بنانے کی منظوری لاہور ہائیکورٹ کے چیف جسٹس نے دیا. سپریم کورٹ کے حکم کے بعد جج ارشد ملک کی خدمات احتساب عدالت سے لاہور ہائیکورٹ کے سپرد کر دی گئی تھیں، لاہور ہائیکورٹ میں جج ارشد ملک کے خلاف انکوائری چل رہی ہے.

اسلام آباد ہائیکورٹ کے چیف جسٹس اطہر من اللہ کی ہدایات پر قائم مقام رجسٹرار نے نوٹی فکیشن جاری کیا تھا، نوٹفکیشن میں کہا گیا کہ بادی النظر میں جج ارشد ملک مس کنڈکٹ کے مرتکب ہوئے ،جج ارشد ملک کے خلاف تادیبی کارروائی لاہور ہائی کورٹ کرے گی

سپریم کورٹ میں کیس کی سماعت کے دوران چیف جسٹس نے کہا تھا کہ ارشد ملک کے کردارسے ججوں کے سرشرم سے جھک گئے ، عجیب جج ہیں فیصلے کے بعد مجرمان کے گھر چلے جاتے ہیں،پھرمجرم کے بیٹے سے ملنے مدینہ منورہ جاتے ہیں،ارشد ملک کے کردارسے متعلق بہت سی باتیں دیکھنے والی ہیں،

سپریم کورٹ نے مزید کہا کہ لاہور ہائیکورٹ جج ارشد ملک کے خلاف کاروائی کرے، جسٹس عمر عطا بندیال نے کہا کہ جنہوں نے کہانی بنائی انہوں نے جان چھڑا لی، چیف جسٹس نے کہا کہ لاہور ہائیکورٹ کاروائی کر سکتی ہے.

چیف جسٹس نے کہا کہ وفاقی حکومت نے ابھی تک ارشد ملک کواپنے پاس کیوں رکھاہے؟ جج ارشدملک کی خدمات فوری واپس کی جائیں،حکومت ارشدملک کوپاس رکھ کرکیاکرناچاہتی ہے؟حکومت ارشدملک کو واپس نہ بھیج کرتحفظ دے رہی ہے، چیف جسٹس نے کہا کہ ایسےکردارکےحامل جج کوبہت سےلوگ بلیک میل کرسکتے ہیں،

واضح رہے کہ مسلم لیگ نون کی رہنما مریم نواز نے احتساب عدالت کے جج ارشد ملک کی ایک ویڈیو جاری کی تھی جس میں مبینہ طور پر بتایا گیا کہ احتساب عدالت کے جج ارشد ملک کو نوازشریف کو سزا سنانے کے لیے بلیک میل کیا گیا تاہم جج ارشد ملک نے ویڈیو جاری ہونے کے بعد ایک پریس ریلیز کے ذریعے اپنے اوپر عائد الزامات کی تردید کی تھی،

تبدیلی سرکار کے انوکھے فیصلوں کا سلسلہ نہ رک سکا، ایک ہی وقت میں مختلف شہروں میں تعیناتی پرافسران پریشان ہو گئے،

باغی ٹی وی کی رپورٹ کے مطابق محکمہ بلدیات پنجاب میں بدانتظامی عروج پر،ایک آفیسر4 جگہ تعینات ہونے کا انکشاف ہوا ہے، سنگین شکایات پرمعطل آفیسرکوبھی بحال کرکے3شہروں کاچارج دےدیا گیا، بڑےپیمانےپراکھاڑپچھاڑسےمحکمہ بلدیات پنجاب میں کھلبلی مچ گئی، میونسپل آفیسرمظفرگڑھ محبوب عالم کومیونسپل آفیسرعلی پور،جتوئی کااضافی چارج دے دیا، میونسپل آفیسرلیہ عمرفاروق کوڈسٹرکٹ آفیسرپلاننگ،میونسپل آفیسرچوبارہ کاچارج تفویض کر دیا گیا، ڈسٹرکٹ آفیسرپلاننگ حسین لیاقت کومیونسپل آفیسرخانپور،صادق آبادکاچارج دے دیا گیا،

اعجازحسین کومیونسپل آفیسرخانیوال کااضافی چارج دےدیاگیا، ایڈیشنل آئی جی آپریشنزانعام غنی پنجاب پولیس کےترجمان مقرر،نوٹی فکیشن جاری،م یونسپل آفیسرمری سمیع اللہ نیازی کواسسٹنٹ میونسپل آفیسرمری کااضافی چارج تفویض، میونسپل آفیسرراولپنڈی عبدالسلام خان کومیونسپل آفیسرکہوٹہ کااضافی چارج تفویض، میونسپل آفیسرطارق عزیزکومیونسپل آفیسرپنڈدادنخان،ڈسٹرکٹ آفیسرجہلم کاچارج تفویض،
میونسپل آفیسروزیرآبادعمران علی کومیونسپل آفیسرسمبڑیال کااضافی چارج سونپ دیاگیا، محمدبلال کومیونسپل آفیسرپنڈی بھٹیاں اورڈسٹرکٹ آفیسرحافظ آبادکاچارج تفویض، ڈسٹرکٹ آفیسرمنڈی بہاؤالدین محمدعثمان کومیونسپل آفیسرملکوال،پھالیہ کاچارج تفویض کر دیا گیا،

میونسپل آفیسر ساہیوال سرگودھاتوقیراقبال کومیونسپل آفیسرسلانوالی کاچارج تفویض، میونسپل آفیسرخوشاب محمدحیات کوڈسٹرکٹ آفیسرخوشاب کااضافی چارج دےدیاگیا، میونسپل آفیسربھکرمختارحسین کومیونسپل آفیسرمنکیرہ کااضافی چارج تفویض، ڈسٹرکٹ آفیسرفیصل آبادخالدمحمود کو میونسپل آفیسرچک جھمرہ کاچارج دےدیاگیا، میونسپل آفیسرفیصل آبادمحمدفاروق کومیونسپل آفیسرسمندری،تاندلیانوالہ کاچارج دےدیا، میونسپل آفیسرجھنگ محمداسلم کومیونسپل آفیسراحمدپورسیال،شورکوٹ کاچارج تفویض، ڈسٹرکٹ آفیسرپلاننگ محمدیونس کومیونسپل آفیسرٹوبہ ٹیک سنگھ کاچارج دےدیاگیا، اسسٹنٹ زونل آفیسرگلبرگ زون لاہورفریحہ امین کوزونل آفیسرسمن آبادکا چارج تفویض، میونسپل آفیسرشیخوپورہ عرفان رضاکومیونسپل آفیسرصفدرآبادکااضافی چارج دےدیاگیا،