مسلم لیگ ن کے صدر اور سابق وزیر اعلیٰ پنجاب شہباز شریف کی کوٹ لکھپت جیل میں نواز شریف سے خصوصی ملاقات ہوئی ہے جس میں‌ سياسي حکمت عملی طے کر لی گئی ہے، جیل مینویل میں‌ ملاقات کا دن جمعرات کا ہے تاہم آج خصوصی طور پر نواز شریف سے ملاقات کی گئی ہے،

باغی ٹی وی کی رپورٹ کے مطابق قومي اسمبلي ميں قائد حزب اختلاف شہباز شریف نے سابق وزیراعظم نواز شريف سے جيل ميں خصوصي ملاقات کی، اس موقع پر انہوں نے سياسی سرگرميوں اور اس حوالے سے ہونے والی ملاقاتوں سے آگاہ کيا، جمعیت علمائے اسلام کے سربراہ مولانا فضل الرحمان سے ہونے والی ملاقات اور آئندہ ماہ جمعيت علمائے اسلام کے آزادی مارچ سے متعلق لاک ڈاون سے بھي آگاہ کيا،

شہباز شريف نے مسلم ليگ ن کی سينٹرل ايگزيکٹو کميٹي کے تيس ستمبر کو اسلام آباد ميں ہونے والے اجلاس کے بارے ميں تبادلہ خيال کيا اور حکومتي رويہ اور اس کے خلاف نئي حکمت عملي بھي طے کي گئي ۔ نواز شريف نے اس حوالے سے شہباز شريف کو خصوصي ہدايت دی ہیں،

اسٹیٹ بینک نے آئندہ دو ماہ کیلئے مالیاتی پالیسی کا اعلان کردیا، پالیسی ریٹ 13.25 فیصد برقرار رکھا گيا ہے،

باغی ٹی وی کی رپورٹ کے مطابق اسٹیٹ بینک کی جانب سے جاری بیان کے مطابق مہنگائی کی شرح گیارہ سے بارہ فیصد رہے گی، آئندہ 24 مہینوں میں اسے پانچ سے سات فیصد تک لانے کیلئے سود کی موجودہ شرح موافق ہے، شرح نمو ساڑھے تین فیصد رہنے سے معاشی حالات بتدریج بہتر ہوں گے جبکہ عالمی شرح سود میں کمی سے ترسیلات بڑھیں گی، اسٹیٹ بینک کی پالیسی بورڈ کا اجلاس صبح سے جاری تھا اور تقریباً شام 6 بجے پالیسی بیان جاری ہوا۔ شرح سود 13.25 فیصد برقرار ہے، مہنگائی کے اندازے 11 سے 12 فیصد کے ہیں جبکہ شرح نمو ساڑھے تین فیصد رہے گی، پالیسی فیصلے کرتے ہوئے حقیقی معیشت، بیرونی اور مالیاتی شعبوں کو اہمیت دی گئی ہے، کمیٹی کا خیال ہے کہ معاشی سرگرمیاں بتدریج بہتر ہوں گی، مثبت رجحان اسے فروغ دے گا۔ بیرونی شعبہ بہتری دکھا رہا ہے، حکومت نے اپنے واجبات کم کیے ہیں اور زرمبادلہ بڑھائے ہیں،

مرکزی بینک کی جانب سے مزید کہا گیا کہ عالمی مالیاتی فنڈ (آئی ایم ایف) پروگرام اور دیگر ذرائع سے رقم کی آمد سے صورتحال بہتر ہوئی ہے، تیل کی سہولت بھی زرمبادلہ بڑھنے کا سبب ہے، یکم جولائی سے ایک ارب اٹھارہ کروڑ ڈالر بڑھ چکے ہیں، اسٹیٹ بینک کے مطابق مبادلہ مارکیٹ بھی مارکیٹ بیس سسٹم پر منتقل ہوگئی ہے، یہ اعتماد بڑھائیں گے۔ پرائیوٹ سیکٹر نے قرض کم کیا ہے البتہ ٹیکس محصولات پتہ دیتے ہیں کہ معاشی سست روی اندازوں سے کم ہے، اقتصادی شعبہ ملی جلی کارکردگی کا مظاہرہ کررہا ہے، مرکزی بینک کے مطابق مہنگائی کو آئندہ دو برسوں میں پانچ سے سات فیصد تک لانا ہے، اس مقصد کے حصول کیلئے پالیسی ریٹ کی موجودہ شرح درست ہے، تیل کی عالمی قیمتیں کم ہونے سے مہنگائی میں کمی توقعات سے پہلے ہوسکتی ہے،

سپیکر پنجاب اسمبلی چوہدری پرویز الہٰی نے کہا ہے کہ مسلم لیگ ق کشمیری بھائیوں کے ساتھ کھڑی ہے،

باغی ٹی وی کی رپورٹ کے مطابق چوہدری پرویزالہٰی نے ق لیگ برطانیہ کے صدرچوہدری احسن سے ملاقات میں گفتگو کرتے ہوئے کہا کہ مودی بھارت کے لیے گوربا چوف ثابت ہوگا، جبرکی رات ختم ہونے والی ہے، کشمیر کی آزادی نوشتہ دیوار ہے، اوورسیز پاکستانی کشمیریوں کے حق میں سفیرکا کردار ادا کر رہے ہیں،

چوہدری پرویز الہٰی نے کہاکہ اوورسیزپاکستانیوں کےمسائل ترجیحی بنیادوں پرحل کئےجارہےہیں، انہوں نے کہاکہ کشمیریوں‌کی تحریک آزادی جلد کامیابی سے ہمکنار ہو گی، بھارت زیادہ دیر تک کشمیر پر غاصبانہ قبضہ برقرار نہیں رکھ سکتا،

قائم مقام اسپیکر پنجاب اسمبلی نے حمزہ شہباز کے پروڈکشن آرڈر جاری کرنے کی درخواست مسترد کر دی

باغی ٹی وی کی رپورٹ کے مطابق پنجاب اسمبلی کا اجلاس آج ہونا ہے، اجلاس میں شرکت کے لئے مسلم لیگ ن نے سپیکر پنجاب اسمبلی کو حمزہ شہباز اور خواجہ سلمان رفیق کے پروڈکشن آرڈر کے لئے درخواست جمع کروائی تھی جسے ڈپٹی سپیکر دوست محمد مزاری نے مسترد کر دیا

پروڈکشن آرڈر کی درخواست مسترد ہونے پر حمزہ شہباز اجلاس میں شرکت نہیں کر سکیں گے،مسلم لیگ ن نے پروڈکشن آرڈر جاری نہ ہونے پر احتجاج کا فیصلہ کیا ہے، اس ضمن میں اسمبلی اجلاس میں ن لیگی اراکین کی جانب سے احتجاج کیا جائے گا

حمزہ شہباز کو نیب نے لاہور ہائیکورٹ سے ضمانت کی درخواست مسترد ہونے پر گرفتار کیا تھا وہ کوٹ لکھپت جیل میں قید ہیں، آج شہباز شریف نے جیل میں حمزہ شہباز سے ملاقات کی ہے.

 

پنجاب اسمبلی میں مسلم لیگ ن کی رکن پنجاب اسمبلی راحت افزا نے قرارداد جمع کروائی جس میں مطالبہ کیا گیا کہ مسلم لیگ ن کے گرفتار اراکین اسمبلی کے پروڈکشن آرڈر جاری کیے جائیں تا کہ وہ اسمبلی اجلاس میں شرکت کر سکیں.

حمزہ شہباز کو جوڈیشل ریمانڈ پر جیل بھیج دیا گیا

واضح رہے کہ حمزہ شہباز کو نیب نے لاہور ہائیکورٹ سے ضمانت کی درخواست مسترد ہونے پر گرفتار کیا تھا، حمزہ شہباز جوڈیشل ریمانڈ پر اڈیالہ جیل میں ہیں، ان کے خلاف نیب میں آمدن سے زائد اثاثہ جات کیسز کے علاوہ دیگر متعدد انکوائریاں چل رہی ہیں، خواجہ سلمان رفیق پیراگون سیکنڈل کیس میں گرفتار ہیں.

 

 

نیب قیامت تک کرپشن ثابت نہیں کرسکتا ،حمزہ شہباز کا عدالت میں دعویٰ

اپوزیشن جماعتوں نے اراکین کے پروڈکشن آرڈر جاری نہ ہونے کی وجہ سے بھر پور احتجاج کا فیصلہ کیا ہے، دوسری جانب حکومتی رکن اسمبلی سابق صوبائی وزیر جنگلات سبطین خان بھی جیل میں ہیں،ان کے پروڈکشن آرڈر کے لئے درخواست نہیں دی گئی

پانچ کمپنیوں میں 19 کروڑ کی منتقلی،حمزہ شہباز نیب کو مطمئن نہ کر سکے

شہباز شریف کو لائف ٹائم ایوارڈ برائے کرپشن دیا جائے: شہباز گل

سابق وزیراعظم نواز شریف سے ملاقات کیلئے شریف خاندان کی سینئر لیگل ٹیم بھی کوٹ لکھپت جیل پہنچ گئی

باغی ٹی وی کی رپورٹ کے مطابق لیگل ٹیم میں خواجہ حارث ایڈووکیٹ اور اعظم نذیر تارڑ شامل ہیں ،شہباز شریف کی موجودگی میں سابق وزیراعظم کے کیس بارے خصوصی بات چیت ہوگی ،لیگل ٹیم کی جیل میں سابق وزیراعظم سے ملاقات میں اسلام آباد ہائیکورٹ میں زیر سماعت ضمانت کے کیس پر بھی بات چیت ہوگی،

 

العزیزیہ ریفرنس میں سابق وزیراعظم نوازشریف کی سزا کے خلاف اپیل 18 ستمبر کو سماعت کے لیے مقرر کر دی گئی ہے، اسلام آباد ہائی کورٹ کےجسٹس عامرفاروق اورجسٹس محسن اخترکیانی سماعت کریں گے ،عدالت نے پیپر بک کی تیاری ایک ماہ میں جولائی کے آخر تک مکمل کرنے کا حکم دیا تھا .

مریم نواز کے اثاثے ہوں گے منجمند، نیب نے فیصلہ کر لیا

 

شہباز شریف اپنے بڑے بھائی سابق وزیراعظم نواز شریف سے ملنے کوٹ لکھپت جیل پہنچ گئے، نواز شریف سے جیل میں ملاقات کا دن جمعرات کا مقرر ہے، جمعرات کو بھی شہباز شریف نے نواز شریف سے ملاقات کی ہے تا ہم آج پھر وہ ملاقات کر رہے ہیں

شہبازشریف نے ملاقات کیلئے وزارت داخلہ سے خصوصی اجازت لی،گزشتہ روز شہبازشریف نے مولانا فضل الرحمان سے ملاقات کی تفصیلات نواز شریف کو بتائیں،حکومت مخالف تحریک کے امورپربھی مشاورت کی گئی،

شہباز شریف کی نواز شریف سے جمعرات کی بجائے پیر کو اچانک ملاقات کی وجہ سے سیاسی حلقوں میں چہ میگوئیاں جاری ہیں کہ کیا نواز شریف ڈیل پر آمادہ تو نہیں ہو گئے، شہباز شریف کو اچانک ملاقات کی ضرورت کیوں پیش آئی؟

ممکنہ ڈیل یا حکومت کے خلاف تحریک؟ نواز شریف سے ملنے شہباز شریف جیل پہنچ گئے

واضح رہے کہ سابق وزیراعظم نواز شریف کوٹ لکھپت جیل میں قید ہیں اور العزیزیہ ریفرنس کیس کی سزا کاٹ رہے ہیں، حکومت نے نواز شریف کا اے سی بند کر دیا ہے اور تمام سہولیات واپس لے لی ہیں، نواز شریف سے جمعرات کو ملاقات کا دن مقرر ہے.

مریم نواز نے پھر “ابا” کے لئے مشکل کھڑی کر دی

واضح رہے کہ اسلام آباد کی احتساب عدالت نمبر دو کے جج محمد ارشد ملک نے دونوں ریفرنسز پر فیصلے سنائے تھے اور العزیزیہ اسٹیل ملز ریفرنس میں نواز شریف کو سات سال قید اور جرمانے کی سزا سنائی تھی جبکہ فلیگ شپ ریفرنس میں عدم شواہد کی بناء پر بری کر دیا تھا۔ عدالتی چھٹیوں کے باعث اسلام آباد ہائی کورٹ 18ستمبر کودونوں اپیلوں پر سماعت کر گی

قومی اسمبلی میں قائد حزب اختلاف شہباز شریف اچانک کوٹ لکھپت جیل پہنچ گئے، نواز شریف سے ملاقات جاری ہے

باغی ٹی وی کی رپورٹ کے مطابق شہباز شریف اپنے بڑے بھائی سابق وزیراعظم نواز شریف سے ملنے کوٹ لکھپت جیل پہنچ گئے، نواز شریف سے جیل میں ملاقات کا دن جمعرات کا مقرر ہے، جمعرات کو بھی شہباز شریف نے نواز شریف سے ملاقات کی ہے تا ہم آج پھر وہ ملاقات کر رہے ہیں

شہبازشریف نے ملاقات کیلئے وزارت داخلہ سے خصوصی اجازت لی،گزشتہ روز شہبازشریف نے مولانا فضل الرحمان سے ملاقات کی تفصیلات نواز شریف کو بتائیں،حکومت مخالف تحریک کے امورپربھی مشاورت کی گئی،

شہباز شریف کی نواز شریف سے جمعرات کی بجائے پیر کو اچانک ملاقات کی وجہ سے سیاسی حلقوں میں چہ میگوئیاں جاری ہیں کہ کیا نواز شریف ڈیل پر آمادہ تو نہیں ہو گئے، شہباز شریف کو اچانک ملاقات کی ضرورت کیوں پیش آئی؟

 

جمعیت علماء اسلام کے سربراہ مولانا فضل الرحمان نے 18 ستمبر کو پارٹی اجلاس میں آزادی مارچ کی تاریخ کا اعلان کرنا تھا وہ متعدد بار کہہ چکے ہیں کہ اکتوبر میں اسلام آباد کا گھیراؤ کریں گے، گزشتہ روز ملتان میں انہوں نے کہا کہ 18 ستمبر کو مارچ کی تاریخ کا اعلان کریں گے تاہم آج ان کی قومی اسمبلی میں قائد حزب اختلاف شہباز شریف سے ملاقات ہوئی

 

حکومت کے گھیراؤ کے لئے مولانا فضل الرحمان نے پھیلائی جھولی

مولانا کا آزادی مارچ، مولانا متحرک، رابطے، ملاقاتیں شروع

شہباز شریف سے ملاقات کے بعد میڈیا سے گفتگو کرتے ہوئے مسلم لیگ ن کے رہنما احسن اقبال کا کہنا تھا کہ ن لیگ نے 30 ستمبر کو پارٹی کا اجلاس طلب کر رکھا ہے اس میں آزادی مارچ کے حوالہ سے مشاورت کی جائے گی اور تاریخ کا تعین مل کر کریں گے، جے یو آئی کے اکرم درانی نے بھی کہا کہ اب ن لیگ کی جانب سے مارچ میں شرکت نہ کرنے کے شکوک ختم ہو گئے، مارچ دونوں جماعتیں ملکر کریں گی ،اور تاریخ بھی ملکر طے کریں گی

 

مولانا کا آزادی مارچ،ملک کے بڑے سجادہ نشین نے کی حمایت

مولانا فضل الرحمان کا لانگ مارچ، ن لیگ اختلافات کا شکار، اراکین اسمبلی کا نواز شریف کی بات ماننے سے انکار

اب 18 ستمبر کو جے یو آئی کا اجلاس ہو گا لیکن اس میں‌ آزادی مارچ کی تاریخ کا اعلان نہیں ہو پائے گا کیونکہ مسلم لیگ ن نے 30 ستمبر کو اجلاس طلب کر رکھا ہے اس میں مشاورت ہونی ہے، اس اجلاس کے بعد آزادی مارچ کی تاریخ کا اعلان ہو گا.

قبل ازیں جمعیت علماء اسلام کے سربراہ مولانا فضل الرحمان نے قومی اسمبلی میں قائد حزب اختلاف شہباز شریف سے ملاقات کی ہے

لانگ مارچ، اپوزیش کا جواب، مولانا نے سجادہ نشینوں سے مانگی مدد

آزادی مارچ، مولانا فضل الرحمان گرفتار ہوئے تو قیادت کون کرے گا؟ اہم خبر

باغی ٹی وی کی رپورٹ کے مطابق دونوں‌ رہنماؤں کے مابین یہ ملاقات ماڈل ٹاؤن لاہور میں ہوئی، مسلم لیگ ن کی جانب سے ملاقات میں راجہ ظفر الحق، احسن اقبال، ایاز صادق ،مریم اورنگزیب موجود تھے جبکہ مولانا فضل الرحمان کے ہمراہ پارٹی رہنما اور رہبر کمیٹی کے چیئرمین اکرم درانی اور مولانا امجد خان تھے .دونوں پارٹیوں کے رہنماؤں کے مابین ملاقات میں ملکی موجودہ صورتحال پر غوروخوض کیا گیا،

ذرائع کے مطابق مولانا فضل الرحمان نے بلاول زرداری کے دھرنے میں شامل نہ ہونے کے بیان پر مایوسی کا اظہار کیا اور ن لیگی وفد سے کہا کہ رہبر کمیٹی پیپلز پارٹی کو دھرنے میں شمولیت کے لئے کہے، اگر بلاول خود نہیں آنا چاہتے تو کم از کم افرادی قوت تو دیں.

 

بلاول نے دیا مولانا فضل الرحمان کو دھوکہ

مولانا فضل الرحمان سے پہلے دے گی پیپلز پارٹی دھرنا.اعلان کر دیا

 

اکرم درانی نے لاہور میں قومی اسمبلی میں قائد حزب اختلاف شہباز شریف سے مولانا فضل الرحمان کی ملاقات کے بعد میڈیا سے گفتگو کرتے ہوئے کہا ہم یہاں شہبازشریف کی دعوت پر ملنے آئے ،اپوزیشن کی دیگر جماعتوں کے پاس جائیں گے ، آزادی  مارچ میں ن لیگ کی شرکت کے شکوک شبہات دور ہوگئے ہیں ،بار کونسل نے یقین دلایا ہے ہماری گرفتاریاں ہوئیں تووہ ہمارا ساتھ دینگے .

اکرم درانی نے مزید کہا کہ مل کرآزادی مارچ کی تاریخ کا تعین کریں گے، مرکزی مجلس عاملہ کےاجلاس میں مشاورت کریں گے آزادی مارچ ہمارا نہیں 22کروڑعوام کا ہے.

آزادی مارچ سے قبل گرفتاریاں ہوئیں تو لائحہ عمل کیا ہو گا؟ اکرم درانی نے بتا دیا

قبل ازیں احسن اقبال نے جے یو آئی کے وفد کے ہمراہ میڈیا سے گفتگو کرتے ہوئے کہ جے یو آئی اور مسلم لیگ ن نے مکمل یکجہتی کا اتفاق کیا ہے،معاشی میدان میں ایک سال میں 3.4فیصد ترقی گری جو رکارڈ ہے،حکومت ملک کے لیے معاشی خطرہ بن چکی ہے ،مہنگائی کی سطح20 سال میں سب سے زیادہ کی سطح پر ہے ،ہمارے دور میں پولیو ختم ہونے کے قریب آگیا تھا ، حکومت کا مزید اقتدار میں رہنا خطرے کاباعث بنے گا،

معروف ٹیوٹا موٹرز کرپشن سکینڈل میں نیب لاہور نے بڑی کاروائی کی ہے

باغی ٹی وی کی رپورٹ کے مطابق ٹیوٹا موٹرز گوجرانوالہ کے مرکزی مالکان ملزم جاوید مظفر بٹ اور ملزم ملک عثمان ریاض عوام سے دھوکہ دہی سے بھاری رقوم وصول کرنیکے الزام میں گرفتار کر لئے گئے،نیب لاہور کے مطابق ملزمان نے 2006 میں نئی گاڑیوں کی بکنگ کے نام پر کاروبار کا آغاز کیا تاہم عوام کو بھاری منافع کا لالچ دیتے ہوئے اربوں روپے وصول کئے،ملزمان نے 2015 تا 2019 کے دوران غیرقانونی طور پر 3 ارب روپے سے زائد کی رقوم وصول کی.

نیب کے مطابق ملزمان متاثرین سے گاڑیوں کی مکمل قیمت کے برابر رقم بطور انویسٹمنٹ وصول کرتے رہے جس پر بھاری منافع کے نام پر سبز باغ دکھاتے رہے ، ملزمان کیخلاف نیب لاہور میں کم و بیش 700 متاثرین کی شکایات موصول ہو چکی ہیں ،گوجرانوالہ سے شروع ہونیوالا غیرقانونی کاروبار گجرات، سیالکوٹ، فیصل آباد بعدازاں پورے پنجاب میں پھیل گیا

گوجرانوالہ ڈویژن میں ساڑھے 4 ارب سے زائد کا فراڈہوا تھا، گوجرانوالہ ، گجرات، سیالکوٹ کے لوگوں سے گاڑیوں کی بکنگ کی آڑ میں ساڑھے 3 ارب سے زائد کا فراڈ کر کے زیر زمین چلے گئے۔

اس فراڈ کا انکشاف اس وقت ہوا جب لوگوں کی بڑی تعداد نے گوجرانوالہ میں ٹیوٹا کے شو روم پر جا کر دھاوا بولا اور توڑ پھوڑ کی۔ذرائع سے معلوم ہوا ہے کہ ٹیوٹا شو روم گجرات اور گوجرانوالہ کے مالک لوگوں سے نئے ماڈل بکنگ کرنے کیلئے ایڈوانس رقم لیتے تھے اور گاڑیاں اپنے نام پر بُک کرا لیتے تھے۔

متاثرین کے مطابق انہوں نے 6 ، 6 گاڑیاں بک کرائی تھیں مگر ابھی تک نہیں ملیں جبکہ کئی لوگوں نے گوجرانوالہ ٹویوٹا کے ساتھ سرمایہ کی ہوئی تھی جو کہ 3 کروڑ روپے پر ماہانہ 3 لاکھ روپے انویسٹر کو ادا کرتے تھے۔ گجرات میںڈبل شاہ طیب موٹرز (جوش موٹر سائیکل) کے فراڈ کے بعد یہ تقریباً ساڑھے 4 ار ب روپے کا فراڈ سامنے آیا ہے۔ متاثرین گوجرانوالہ ٹیوٹا موٹر سروس جاتے ہیں اور توڑ پھوڑ کر کے واپس آجاتے ہیں۔

مصنوعی مہنگائی پرپر کنٹرول کرنے کے لیے وزیر اعلیٰ پنجاب نے اہم ہدایات جاری کر دیں،

تفصیلات کے مطابق : پنجاب کے وزیراعلیٰ عثمان بزدار نے اہم اقدام کرتے ہوئے عوام کو ریلیف دینے کی غرض سے کہا کہ شہریوں کو مصنوعی مہنگائی کے رحم و کرم پر نہیں چھوڑا جائے گا.سبزیوں، پھلوں اور دالوں کی قیمتوں میں مصنوعی اضافہ برداشت کسی صورت نہیں ہوگا.انہوں نےآرڈر جاری کیا کہ پرائس کنٹرول کمیٹیاں فعال انداز میں کام کریں۔اپنی ذمہ داریاں نبھاتےہوئے لوگوں کو ریلیف دیں.

اس سلسلے میں وزیر اعلیٰ نے مزید قدام کرتے ہوئے ہدایت کی کہ مصنوعی مہنگائی کے ذمے داروں کے خلاف کریک ڈاؤن کیا جائے اور اشیائے ضروریہ کی مقرر کردہ نرخوں پر فروخت ہر صورت یقینی بنائی جائے، مہنگائی کرنے والے افراد کو کسی صورت برداشت نہیں کیا جائےگا.