Category: لاہور

پاکستان ملی لیبر فیڈریشن کے صدر میاں غلام مصطفی نے کہا ہے کہ فلسطینی عوام پر ہونے والا ظلم انسانیت سوز اور عالمی انسانی حقوق کی صریح خلاف ورزی ہے۔ انہوں نے عالمی طاقتوں، اقوامِ متحدہ اور انسانی حقوق کی تنظیموں سے مطالبہ کیا کہ وہ اسرائیلی جارحیت کا فوری نوٹس لیں اور مظلوم فلسطینی عوام کو انصاف فراہم کریں۔

ان خیالات کا اظہار انہوں نے انجن شیڈکے علاقہ میں ہونے والی عظیم الشان یکجہتی فلسطین ریلی سے خطاب کرتے ہوئے کیا۔ ریلی میں ملی لیبر فیڈریشن کے چیف کوآرڈینیٹر اسلم خان، ملی ٹرانسپورٹرز و ڈرائیورز فیڈریشن کے صدر سلیم خلجی ، ملی لیبر فیڈریشن لاہور کے سینئر نائب صدر اصغر گجر، ریلوے ورکرز یونین سی بی اے کے قائد رضوان ستی، صدر سید زاہد جاوید شاہ، سیکرٹری جنرل سید زاہد حسین شاہ ،مختلف شعبہ ہائے زندگی سے تعلق رکھنے والے افراد، تاجر برادری، مزدور، سماجی کارکنان اور عام شہریوں نے بڑی تعداد میں شرکت کی۔ ریلی کے شرکاءنے مظلوم فلسطینی عوام سے یکجہتی اور اسرائیلی جارحیت کے خلاف زبردست نعرے بازی کی۔ریلی کے شرکاءنے ہاتھوں میں بینرز اور پلے کارڈز اٹھا رکھے تھے جن پر فلسطینی عوام کے حق میں اور اسرائیل کے مظالم کے خلاف نعرے درج تھے۔

ریلی سے میاں غلام مصطفی، سلیم خلجی ، اصغر گجر و دیگر نے خطاب کیا۔انہوں نے کہا کہ پاکستانی عوام ہمیشہ اپنے فلسطینی بھائیوں کے شانہ بشانہ کھڑے رہے ہیں اور یہ رشتہ صرف اسلامی بھائی چارے کا نہیں بلکہ انسانیت کا رشتہ ہے۔ اسرائیل کی طرف سے نہتے فلسطینیوں پر بمباری، خواتین و بچوں کے قتل عام اور مسجد اقصیٰ کی بے حرمتی کو کسی صورت برداشت نہیں کیا جا سکتا۔ مقررین نے بین الاقوامی برادری، او آئی سی، اور اقوامِ متحدہ پر زور دیا کہ وہ اسرائیل کو ظلم سے باز رکھنے کے لیے ٹھوس اور عملی اقدامات کریں۔

قوم کا مستقبل محفوظ بنانے کیلیے جان دینے والے پاکستانی قوم کے ہیرو ہیں،حافظ خالد نیک

پاکستان مرکزی مسلم لیگ کے ڈپٹی سیکرٹری جنرل حافظ خالد نیک نے جنوبی وزیرستان میں انسداد پولیو مہم پر مامور پولیس اہلکار کی دہشت گردی کے واقعہ میں شہادت پر کہا ہے کہا کہ انسدادِ پولیو مہم پر مامور اہلکاروں کی سیکیورٹی کو مزید مؤثر بنایا جائے تاکہ ایسے افسوسناک واقعات دوبارہ رونما نہ ہوں۔

حافظ خالد نیک کا کہنا تھا کہ پولیو جیسا موذی مرض ہمارے بچوں کے مستقبل کے لیے ایک سنگین خطرہ ہے، اور اس کے خاتمے کے لیے حکومت اور سیکیورٹی ادارے اپنی جانیں خطرے میں ڈال کر خدمات سرانجام دے رہے ہیں،پاکستان کو پولیو سے پاک بنانے کے لئے امن دشمنوں کے خلاف سب کو ایک ہونا ہو گا،والدین بھی انسدادِ پولیو مہم میں تعاون کریں اور اپنے بچوں کو پولیو سے بچاؤ کے قطرے لازمی پلائیں .

حافظ خالد نیک کا مزید کہنا تھا کہ ہم اس بہادر کانسٹیبل کو سلام پیش کرتے ہیں جس نے قوم کے مستقبل کو محفوظ بنانے کے لیے اپنی جان قربان کر دی، ایسے جوان ہمارے ہیرو ہیں، جو اپنی جانوں کا نذرانہ دے کر ہمارے بچوں کو بیماریوں سے بچانے کی جدوجہد کرتے ہیں۔ ہم شہید کے اہلخانہ کے غم میں برابر کے شریک ہیں، اللہ تعالیٰ اُنہیں صبرِ جمیل عطا فرمائے،آمین

لاہور ہائی کورٹ کے جسٹس فاروق حیدر نےسابق وزیراعلیٰ پنجاب چودھری پرویز الٰہی کے بیٹے راسخ الٰہی، بہو سائرہ راسخ اور دیگر کے خلاف منی لانڈرنگ کے مقدمے کے اخراج کی درخواست پر کیس کی سماعت سے معذرت کرلی۔

لاہور ہائی کورٹ کے جسٹس فاروق حیدر نے ذاتی وجوہات کی بنیاد پر کیس کی سماعت سے معذرت کرلی۔عدالت نے کیس کی فائل چیف جسٹس لاہور ہائیکورٹ کو واپس بھجوا دی ہے تاکہ مقدمہ کسی اور بنچ کے روبرو سماعت کے لیے مقرر کیا جا سکے،دوران سماعت راسخ الٰہی اور دیگر شریک ملزمان کے وکیل، ایڈووکیٹ عامر سعید راں نے عدالت میں پیش ہو کر دلائل دینے کی کوشش کی، تاہم سماعت ملتوی ہونے کے باعث وہ مؤقف مکمل طور پر پیش نہ کر سکے۔

درخواست گزاروں نے مؤقف اختیار کیا کہ ایف آئی اے نے ان کے خلاف بلاجواز اور بے بنیاد مقدمہ درج کیا، جو سراسر سیاسی بنیادوں پر قائم کیا گیا ہے۔ مؤقف میں کہا گیا کہ ایف آئی اے آج تک مقدمہ میں الزامات کو ثابت کرنے میں ناکام رہا ہے.درخواست میں عدالت سے استدعا کی گئی ہے کہ اس بے بنیاد اور بدنیتی پر مبنی مقدمہ کو خارج کیا جائے تاکہ انصاف کے تقاضے پورے ہو سکیں

وفاقی وزیرِ قانون اعظم نذر تارڑ نے کہا ہے کہ نئی ترمیم لانے کی فی الحال کوئی تجویز نہیں۔

لاہور میں میڈیا سے گفتگو میں وفاقی وزیر قانون اعظم نذر تارڑ کا کہنا تھا کہ آئینی بینچ بننے سے مقدمات کے فیصلے جلد ہو رہے ہیں، 26 ویں ترمیم ادارہ جاتی اصلاحات کے لیے تھی، اس کے بعد کسی ترمیم کی ضرورت نہیں،ہو سکتا ہے کل کوئی ضرورت پڑ جائے تو نئی ترمیم آ سکتی ہے، اس کے لیے ساری اتحادی جماعتیں مل کر فیصلہ کریں گی، الزام لگایا جاتا ہے کہ اس وقت قانون کی خلاف ورزی ہو رہی یے، سب کچھ سب کے سامنے ہے، ایک وقت میں ہم بھی اس کا سامنا کر رہے تھے،ہمارے کلائنٹ سابق وزرائے اعظم تھے مگر ان کی گاڑیاں عدالتوں کے اندر نہیں آتی تھیں، آج جھندے والی گاڑیوں میں لوگ آتے ہیں، تقریر کر کے چلے جاتے ہیں، آج عدالتوں کے دروازے ان کے لیے کھل جاتے ییں۔

وزیر قانون نے پی ٹی آئی پر تنقید کرتے ہوئے کہا کہ آپ فوجی املاک پر حملے کریں گے، پولیس کی گاڑیاں جلائیں گے، بلوے کریں گے تو پھولوں کے ہار نہیں پہنائے جا سکتے، ہم تو چاہتے ہیں کہ قانون کی حکمرانی ہو۔

وزیرقانون اعظم نذیر تارڑ کا مزید کہنا تھا کہپندرہ سال پہلے محمد احمد نعیم صاحب سے گذارش کی تھی کہ سیکھنے کے عمل میںُ ہمارا ساتھ دیں،لاہور کا شکریہ کہ جو رسپانس ہے وہ خوش آئیند ہے،اے ڈے آر کی مصالحت کی بات ہو، کہا جائے کہ یہ جوڈیشل سسٹم کا حصہ نہیں یہ غلط ہے،یہ ایڈووکیسی کی ایک نئی شکل ہے،حکومت پاکستان نے وقت کی اس ضرورت کو محسوس کرتے ہوئے ہم نے آئی میک کا سنگ بنیاد رکھا ،میرے پاس بہت وائبرینٹ ٹیم ہے ،بنیادی پلیٹ فارم فراہم کرنا ہمارا کام ہے باقی آپکا کام ہے،پاکستان نے اپنے آپ کو عالمی کمیونیٹی میں رہنے کے لیئے اور اپنا رول پلے کرنے کے لیئے بل تیار کر لیا ہے ،صوبائی اسمبلیوں کا شکرگزار ہوں جنہوں نے اس قراردادیں پیش کیں،تین لاکھ مقدمات ہائیکورٹس میں پینڈنگ ہیں،سپریم کورٹ میں بھی ایسے کیس ہزار ہا ہیں، جو مقدمات سپریم کورٹ میں نہیں آنے چاہیئیں انکے لیئے الگ سے بینچ اور ٹائم مختص کر دیا گیا ہے،جو نئے قانون میں شقیں ہیں اس میں آپکو زیادہ رول ملے گا،وکلا کا رول کم ہونے کے بجائے بڑھا ہے،مستقبل کی وکالت کا آپکو حصہ ہونا ہے،نئی چیزوں کو نئے آئیڈیا کو لے کر چلیں گے تو بلندیوں تک جائیں گے،علم کا قانون کا یہ ایک اور آسمان ہے جس پر ہمیں پرواز کرنا ہے،امید کرتا ہوں کہ اگلے دو روز پوری دلچسپی کے ساتھ ہماری ٹیم کے ساتھ کام کریں گے،

وزیرِ اطلاعات پنجاب عظمیٰ بخاری نے کہا ہے کہ سندھ کا پانی پنجاب نہیں لے سکتا، جو پانی جس صوبےکا ہے اسی کا ہے۔

وزیرِ اطلاعات پنجاب عظمیٰ بخاری نے پروگرام نجی ٹی وی کے پروگرام میں گفتگو کرتے ہوئے کہا کہ کوئی صوبہ دوسرے صوبے کے معاملے میں مداخلت نہیں کر سکتا، پانی کے معاملے پر سیاست کی گئی ہے، پانی کے معاملے پر سیاست کی جا رہی ہے اور ہمارےخلاف بیانات دیے جا رہے ہیں جس کا ردِ عمل نہیں دیتے، پنجاب میں فوڈ چین پر حملہ کرنے والے افراد کو فوری طور پر گرفتار کیا گیا ہے، میں نہیں کہتی کہ فوڈ چین پر حملہ کوئی انفرادی عمل ہے، یقیناً لوگوں کو اکسایا گیا ہے، اس طرح کے واقعات میں ملوث لوگ ملک میں استحکام نہیں چاہتے۔

عظمیٰ بخاری نے پنجاب حکومت کے اس حوالے سے اقدامات کی تفصیل بتاتے ہوئے کہا ہے کہ ان گروہوں کے خلاف ہر قسم کے اقدامات کیے جا رہے ہیں، فوڈ چین پر حملے میں ملوث افراد کی گرفتاریاں بھی ہوئی ہیں۔