Category: لاہور

خدمت کی سیاست،ایک اور وعدے کی تکمیل، صلاحیت بڑھاؤ "اپنا کماؤ”پروگرام، یکم مئی سے آغاز

پاکستان مرکزی مسلم لیگ ڈیجیٹل روزگار پروگرام صلاحیت بڑھاؤ "اپنا کماؤ” یکم مئی سے شروع کر رہی ہے،پروگرام کے تحت ملک بھر میں بے روزگار مردوخواتین کو ڈیجیٹل کورس کروائے جائیں گے اور انہیں ہنر مند بنایا جائے گا.

ترجمان مرکزی مسلم لیگ تابش قیوم کا کہنا تھا کہ پاکستان مرکزی مسلم لیگ ملک بھر کے نوجوانوں کو بااختیار بنانے اور انہیں جدید دور کے تقاضوں کے مطابق ہنر سکھانے کے لیے "صلاحیت بڑھاؤ، اپنا کماؤ” کے نام سے ڈیجیٹل روزگار پروگرام کا پہلا مرحلہ شروع یکم مئی 2025 سے شروع کر رہی ہے جو 10 مئی تک جاری رہے گا،پروگرام کا مقصد نوجوانوں کو ڈیجیٹل مہارتوں میں تربیت دینا ہے تاکہ وہ خود کفیل بن سکیں اور ملک کی معیشت میں مثبت کردار ادا کر سکیں۔ یہ اقدام پاکستان میں بڑھتی ہوئی بیروزگاری، خصوصاً نوجوان طبقے میں مایوسیوں کے خاتمے کے لیے ایک اہم قدم ہے،ڈیجیٹل روزگار پروگرام کے تحت ملک کے تمام چھوٹے بڑے شہروں میں ڈیجیٹل ہنر سکھائے جائیں گے ،پاکستان بھر میں تمام شہریوں کے لئے ڈیجیٹل روزگار پروگرام فری ہے، رجسٹریشن کروا کر کوئی بھی ہنر سیکھ سکتا ہے،

مرکزی مسلم لیگ کے ترجمان تابش قیوم کا مزید کہنا تھا کہ ہمارا خواب ایک خودمختار، باہنر اور جدید پاکستان ہے، ہم چاہتے ہیں کہ ہمارے نوجوان صرف ملازمت کے منتظر نہ رہیں بلکہ خود اپنے لیے روزگار پیدا کریں اور دوسروں کو بھی مواقع فراہم کریں .

بھارتی سکھ یاتریوں کی حسین یادوں کے ساتھ واپسی ہو گئی ہے،5803 سکھ یاتری واہگہ بارڈر سے اپنے وطن واپس روانہ ہوگئے

صوبائی وزیر اقلیتی امور رمیش سنگھ اروڑہ نے یاتریوں کو رخصت کیا،ایڈیشنل سیکرٹری شرائنز سیف اللہ کھوکھر موجود تھے،ممبران پاکستان سکھ گوردوارہ پربندھک کمیٹی بھی موجود تھے،سکھ یاتیروں کا کہنا تھا کہ پاکستان میں انسان اور انسانیت کی تعظیم دیکھی ہے ۔ دہلی گوردوراہ مینیجمینٹ کمیٹی کے جتھہ لیڈر سردار دلجیت سنگھ کا کہنا تھا کہ یہاں سے ملنے والے پیار سے بھارتی سرزمین کو مہکانے کی کوشش کریں گے ۔ حکومت پاکستان ، حکومت پنجاب اور متروکہ وقف املاک بورڈ کے شکر گزار ہیں ۔

شرومنی گوردوراہ پربندھک کمیٹی کے جتھہ لیڈر سردار رویندر سنگھ کا کہناتھا کہ پاکستان حقیقت میں اقلیت نواز ملک ہے۔پاکستانیوں کی طرف سے ملنے والا مان کبھی بھلا نہیں پائیں گے ۔

سردار رمیش سنگھ اروڑہ کا کہنا تھا کہ دعاگو ہیں کہ بہت جلد آپ لوگ واپس آئیں اور ہم ملکر محبتیں بانٹیں ۔ ہم نے خدمت میں کوئی کمی نہی چھوڑ ی۔کوشش ہے کہ اگلی مرتبہ ویزوں کی تعداد کو مزید بڑھایا جائے ۔کوشش کی کہ ایک بہترین ٹیم ورک سے تمام مراحل ادا کیے جائیں ۔جو کمیاں رہ گئیں ، انکو اگلی مرتبہ لازمی درست کریں گے ۔امید ہے ہم آپ کی مہمان نوازی میں پورے اترے ہوں گے ۔

9 مئی کے 13 مقدمات میں ملزمان میں چالان کی نقول تقسیم کردی گئیں، جس کے بعد عدالت نے فرد جرم عائد کرنے کے لیے تاریخ مقرر کردی۔

سانحہ 9 مئی کے 13 مقدمات کی سماعت انسداد دہشت گردی عدالت میں جج امجد علی شاہ کے روبرو ہوئی، جس میں وکلائے صفائی، پراسیکیوٹرز اور ملزمان پیش ہوئے۔ اس موقع پر عدالت میں سکیورٹی کے سخت انتظامات کیے گئے تھے جب کہ پولیس کی بھاری نفری بھی تعینات کی گئی تھی،دورانِ سماعت بانی چیئرمین پی ٹی آئی عمران خان کی جیل روبکار پر حاضری لگائی گئی،سابق وزیر خارجہ اور پی ٹی آئی رہنما شاہ محمود قریشی کی بھی حاضری لگائی گئی۔ شیخ رشید احمد اور عمران خان کے وکیل فیصل ملک بھی عدالت پہنچے،عدالت میں حاضر ہونے والے ملزمان میں مقدمات کی نقول تقسیم کی گئیں،عدالت نے 9 مئی کے 13 مقدمات کی سماعت 25 اپریل تک ملتوی کردی۔ آئندہ سماعت پر ان 13 کیسز میں فرد جرم عائد کی جائے گی۔

پاکستان کے کئی شہروں میں زلزلے کے جھٹکے محسوس کئے گئے ہیں
اسلام آباد، لاہور، پشاور، پنڈی، کوہاٹ، لوئر دیر، مانسہرہ، چترال اور باجوڑ،سرگودھا،چنیوٹ، شیخوپورہ، ہری پور، ایبٹ آباد،ساہیوال، پنڈی بھٹیاں، سمیت کئی شہروں میں آج زلزلے کے زور دار جھٹکے محسوس کئے گئے جس کی وجہ سے شہریوں میں شدید خوف و ہراس پایا گیا۔

زلزلہ تقریباً 11 بج کر پچاس منٹ پر آیا، زلزلہ محسوس ہوتے ہی لوگ خوف کے مارے اپنے گھروں، دفاتر اور دکانوں سے باہر دوڑنے لگے۔ لاہور اور پشاور کے شہری بھی اسی طرح سڑکوں پر نکل آئے،چترال اور باجوڑ جیسے دور دراز علاقوں میں بھی زلزلے کے اثرات نمایاں تھے، جہاں مقامی افراد نے فوراً حفاظتی تدابیر اختیار کیں۔ تاہم، ابھی تک کسی جانی یا مالی نقصان کی کوئی اطلاعات موصول نہیں ہو سکیں،

زلزلے کے بعد متعلقہ اداروں نے شہریوں سے اپیل کی ہے کہ وہ احتیاطی تدابیر اختیار کریں اور کسی بھی ایمرجنسی کی صورت میں حکومتی اداروں کے ساتھ تعاون کریں۔ محکمہ موسمیات اور زلزلہ پیما ادارے نے بھی شہریوں کو آگاہ کیا ہے کہ آئندہ چند گھنٹوں میں مزید جھٹکے محسوس ہو سکتے ہیں۔

محکہ زلزلہ پیماء کے مطابق ریکٹراسکیل پرزلزلے کی شدت 5 عشاریہ 9 ریکارڈ کی گئی،زلزلہ زیر زمین 94 کلومیٹر پرمحسوس کیا گیا ،زلزلے کے مرکز افغانستان اور تاجکستان سرحد تھا ،

وزیراعلیٰ پنجاب مریم نواز شریف سے یورپی یونین کے پارلیمانی وفد برائے جنوبی ایشیا (DSAS) کی ملاقات ہوئی ہے.

وزیراعلیٰ مریم نواز شریف نے وفد کا پرتپاک خیرمقدم کیا،ملاقات کے دوران باہمی دلچسپی کے امور، دوطرفہ تعلقات، تجارت، تعلیم اور سرمایہ کاری پر تبادلہ خیال کیا گیا، تعلیم، آئی ٹی، گرین انرجی اور صحت کے شعبوں میں سرمایہ کاری کی پیش کش کی گئی،تجارت، امن، ترقی اور مشترکہ اہداف کے لئے تعلقات کو مزید مضبوط بنانے پر اتفاق کیا گیا، وزیراعلیٰ پنجاب مریم نواز کا کہنا تھا کہ یورپی یونین پارلیمانی وفد کی آمددوطرفہ مضبوط، پُرامن اور دوستانہ تعلقات کا مظہر ہے۔ پاکستان یورپی یونین کے ساتھ قابل اعتماد دوستی کو قدر کی نگاہ سے دیکھتا ہے۔ یورپی یونین کو پاکستان کا شراکت دار ہی نہیں بلکہ دنیا میں استحکام کی آواز بھی ہے۔جی ایس پی پلس ملنے سے پاکستان کی برآمدات، بالخصوص ٹیکسٹائل کے شعبے میں بہت بہتری آئی ہے۔ انسانی حقوق اور لیبر ریفارمز سمیت تمام تقاضے پورے کرنے کے لئے اقدامات کر رہے ہیں۔پنجاب پاکستان کی معیشت کا دل ہے، سرمایہ کاری کے لئے سازگار ماحول مہیا کر رہے ہیں۔زراعت، توانائی، ڈیجیٹل انفراسٹرکچر اور ماحولیاتی منصوبوں میں یورپی یونین کے ساتھ تعاون بڑھانا چاہتے ہیں۔پاکستان کا نوجوان باصلاحیت اور متحرک ہیں، عالمی جاب مارکیٹ سے منسلک کرنے کے لئے ٹریننگ کورسز کرا رہے ہیں۔ خوشی ہے کہ پاکستانی طلبہ تیسرے سال بھی Erasmus Mundusاسکالرشپ حاصل کرنے والوں میں سرفہرست ہیں۔پاکستان علاقائی و عالمی امن کے لئے پرعزم ہے۔یورپی یونین کے وفد نے حکومت پنجاب کے اختراعی اقدامات کو سراہا