نیب لاہور میں پاک-عرب ہائوسنگ سوسائٹی کیس میں پیش رفت کے حوالے سے بریفنگ دی گئی

باغی ٹی وی کی رپورٹ کے مطابق بریفنگ کی صدارت ڈائریکٹر جنرل نیب لاہور نے کی جبکہ ڈی جی ایل ڈی اے عثمان معظم، ایم ڈی واسا سید زاہد عزیز و دیگر حکام نے بریفنگ میں شرکت کی .

نیب کا شہباز شریف کے خلاف شکنجہ مزید سخت

بریفنگ کے مطابق پاک عرب ہائوسنگ سوسائٹی حکام کیجانب سے سوسائٹی کے فیز-1 میں مبینہ غیرقانونی پرائیویٹ تعمیرات جاری ہونیکی شکایات ہیں ، فیز-2 میں ایل ڈی اے سے ابتدائی اجازت کے بغیر تعمیرات کی شکایات بھی موصول ہوئی ہیں ، انتظامیہ نے 150 فٹ کی مرکزی سڑک کو 100 فٹ تک محدود کردیا جبکہ50 فٹ پر مبینہ غیرقانونی کمرشل تعمیرات جاری ہیں.

ڈی جی نیب لاہور نے کہا کہ نیب ایل ڈی اے کے بائی لاز کی خلاف ورزی کسی صورت برداشت نہیں کریگا ،سوسائٹی مالکان عوام کو ریلیف کے نام پر درحقیقت مالی نقصان پہنچانے کے مرتکب ہورہے ہیں،منظور شدہ لے آئوٹ پلان میں بعد ازاں تبدیلی ناقابل قبول تصور کی جانی چاہیئے ، شکایات موصول ہوئیں کہ نیب کے نام پر ڈرایا جا رہا ہے نیب کا ہر اقدام آئین و قانون کیمطابق ہوگا ، کوشش ہے کہ جلد از جلد سوسائٹی کے معاملات کو متاثرین کی منشاء اور قانون کیمطابق حل کروایا جائے.

گرفتاری کا خوف یا کچھ اور، نیب چھاپے کے فوری بعد استعفیٰ آ گیا

ڈی جی ایل ڈی اے نے سوسائٹی میں ہونیوالی تمام غیرقانونی تعمیرات فورا گرانے کی یقین دہانی کروا دی.ڈی جی ایل ڈی اے عثمان معظم نے کہا کہ ایل ڈی اے کے ریگولیٹری اور مانیٹرنگ نظام میں بہتری کی گنجائش موجود ہے ،ایل ڈی اے غیرقانونی تعمیرات منحدم کرنیکے لئے روزانہ کی بنیاد پر کارروائیاں کر رہاہے

ایم ڈی واسا نے کہا کہ پاک عرب سوسائٹی انتظامیہ کیجانب سے تاحال انفراسٹرکچر چارجز بھی مکمل ادا نہیں کئے گئے.ڈی جی نیب نے کہا کہ ماضی میں ریگولیٹرز کی مبینہ سست روی سے مافیا کو بھرپور فائدہ ہوا،نیب لاہور کیجانب سے پاک عرب ہائوسنگ سوسائٹی کے تمام معاملات کو فوری حل کرنے اور متاثرین کو انکا حق دلوانے پر زور دیا گیا.

اس وقت پنجاب حکومت کے 40 سے زائد ترجمان ہیں لیکن ان کی کارکردگی ابھی تک زیرو ہے۔ ترجمانوں کی ایک میٹنگ بھی نہیں بلائی گئی۔

باغی ٹی وی کی رپورٹ کے مطابق اتنے ترجمان ہونے کے باوجود پنجاب حکومت کی کارکردگی رپورٹ وزیراعلی سیل کی جانب سے ہی جاری کی جارہی ہیں، وزیراعلی پنجاب عثمان بزدار اپنی حکومت کی کارکردگی رپورٹ خود جاری کروا رہے ہیں۔

وزیراعظم ہاﺅس نے استفسار کیا ہے کہ اگر سارے کام وزیراعلی سیل نے کرنا ہے تو ترجمانوں کا کیا فائدہ۔ دریں اثنا وزیراعظم عمران خان نے ترجمانوں کی رپورٹ طلب کر لی ہے پنجاب حکومت کی ایک سالہ کارکردگی پر رپورٹ کوئی بھی عوام کے سامنے مناسب انداز میں نہ لاسکا۔

یاد رہے کہ 3 ماہ سے زائد کا عرصہ گزرنے کے باوجود ترجمانوں کی کوئی میٹنگ بھی کال نہیں کی گئی۔ طے شدہ امور کے تحت ترجمانوں کی میٹنگ ہر ایک ماہ بعد ہونا تھی۔میٹنگ میں حکومت کے اہداف کو عوام کے سامنے لانا طے کرنا تھا۔

نیب لاہور کی جانب سے شہباز شریف کے گرد شکنجہ سخت کر دیا گیا

باغی ٹی وی کی رپورٹ کے مطابق نیب لاہور نے اربوں روپے کنسلٹنٹس کو ادا کرنے پرسابق وزیراعلیٰ پنجاب شہباز شریف سے تفتیش کرنے کا فیصلہ کیا ہے، گزشتہ 10سال کے پراجیکٹس کے دوران کنسلٹنٹس کو ادا شدہ اربوں روپے کی تفتیش شروع کی جائے گی ،نیب نے محکمہ پلاننگ اینڈ ڈویلپمنٹ، محکمہ خزانہ اور متعلقہ محکموں سے رکارڈ طلب کر لیا، گزشتہ 10 برس میں اربوں روپے من پسند کنسلٹنٹس کو ادا کیے گئے،

دوسری جانب نیب نے مسلم لیگ ن کے صدر شہباز شریف کو ایک بار پھر طلب کر لیا، شہباز شریف کو 23 اگست کو طلب کیا گیا ہے، شہباز شریف سے چودھری شوگر ملز کیس کی تحقیقات کی جائیں گی.نیب کی جانب سے ہدایت کی گئی ہے کہ وہ تمام دستاویزات اور ریکارڈ کے ساتھ تفتیشی ٹیم کے سامنے پیش ہوں ۔

نیب نے چوہدری شوگر ملز کیس میں مریم نواز اورسابق وزیراعظم نواز شریف کے بھتیجے عباس شریف کو گرفتار کیا تھا ، جس کے بعد احتساب عدالت نے گرفتار مریم نواز اور عباس شریف کو 21 اگست تک جسمانی ریمانڈ پر نیب کے حوالے کردیا تھا۔ نیب پراسیکیوٹر نے عدالت میں بتایا تھا کہ 2008 میں مریم نواز کے نام پر11 ملین کے شیئر تھے، مریم نوازچوہدری شوگرملزکی ڈائریکٹرہیں، مریم نوازکے84لاکھ روپے کے شیئر تھے، جو بڑھ کر 41 کروڑ ہوگئے

گرفتاری کا خوف یا کچھ اور، نیب چھاپے کے فوری بعد استعفیٰ آ گیا

دوسری جانب نیب نے شہباز شریف کے بیٹے حمزہ شہباز کو بھی چوھدری شوگر ملز کیس میں شامل تفتیش کر لیا ہے اور دستاویزات مانگ لی ہیں، نیب نے حمزہ شہباز کے خلاف تحقیقات کا آغاز کر دیا ہے.

نیب میں حمزہ شہباز کیخلاف رمضان شوگر مل، منی لانڈرنگ اور آمدن سے زائد اثاثہ جات کیس کی انکوائری ہو رہی ہے، حمزہ شہباز کی آئندہ پیشی پر نیب اپنی رپورٹ احتساب عدالت میں جمع کرائے گا۔

ایڈونچر ٹریول پاکستان کے بانی خواجہ شیراز ناصر ایک حادثہ میں خالق حقیقی سے جا ملے۔ ان کی وفات وادی چترال کے قریب پیراگلائڈنگ حادثے میں ہوئی۔ شیراز ناصر کو طبی امداد کے لیے ڈی ایچ کیو منتقل کیا جا رہا تھا کہ راستے میں ہی دم توڑ گئے۔

خواجہ شیراز کا تعلق لاہور سے تھا اور وہ میجر (ر) شاہد ناصر کے بیٹے تھے۔ وہ گذشتہ دس سال سے پیرا گلائیڈنگ سے منسلک تھے۔

خواجہ شیراز کی کاوشوں سے پاکستان دنیا میں سیاحت دوست ملک کے طور پر مشہور ہوا۔ ان کی میت کو لاہور منتقل کر دیا گیا۔ نماز جنازہ آج شام پانچ بجے ڈی ایچ اے مسجد میں ادا کی جائے گی۔

وفاقی وزیر ریلوے شیخ رشید احمد نے کہا ہے کہ کوئی غلط فہمی میں نہ رہے،کشمیرفلسطین یا بوسنیا نہیں،میرے خیال میں بھارت سے مذاکرات کے راستے بند ہوچکے،مودی نے اپنے آپ کوخود پھنسایا،اب صرف کشمیر ہے اور کشمیری ہیں

آرمی چیف کی مدت ملازمت میں‌ توسیع، شیخ رشید بھی میدان میں آ گئے،کیا کہا؟

باغی ٹی وی کی رپورٹ کے مطابق شیخ رشید نے پریس کانفرنس کرتے ہوئے کہا کہ بھارت مسلمانوں پر ظلم کررہا ہے ، مودی نے ظلم کا سلسلہ جاری رکھا ہے ،وزیراعظم نےکشمیریوں کا مقدمہ بھرپور طریقے سے لڑا،کشمیریوں کے ساتھ خون کا رشتہ ہے ،

کشمیریوں کی مدد کیسے کریں گے، شیخ رشید نے ایسا دبنگ اعلان کیا کہ ہر کوئی حیران رہ گیا

شیخ رشید کا مزید کہنا تھا کہ ایم ایل ون بنانے کے لیے وزیراعظم عمران خان پرعزم ہیں،عمران خان کی قیادت میں ریلوے کوٹھیک کریں گے، وزیراعظم کو کہہ چکاہوں بیوروکریٹس کام نہیں کررہے،میں نےکہا تھا 3 ماہ مشکل ہیں،کشمیر کا علم نہیں تھا ،23 نئی ٹرینیں چلائی ہیں،کریڈٹ ملازمین کوجاتا ہے،

فردوس عاشق اعوان کو یہ بات نہیں کرنی چاہئے تھی……شیخ رشید نے ایسا کیوں کہا؟

وفاقی وزیر ریلوے نے اعلان کیا کہ ہفتےکو آزادکشمیر جا رہاہوں،اجتماعات سے خطاب کروں گا،کشمیر کےساتھ چین بھی کھڑا ہے ،24 اگست سے آزاد کشمیر کا دورہ کروں گا۔ اپنے وطن کیلیے جان دینے والوں کو کوئی شکست نہیں دے سکتا،

بھارت نے منتیں کی تو شیخ رشید نے بھی دبنگ اعلان کر دیا

شیخ رشید احمد کا مزید کہنا تھا کہ ریلوےکا 4 ارب کاخسارہ کم کیا ،23 نئی ٹرینیں چلائی ہیں،کریڈٹ ملازمین کو جاتا ہے،ریلوےملازمین کا نظام بائیومیٹرک کررہےہیں،سب ملازمین کی بائیومیٹرک حاضری لگے گی،لیبر کے ساتھ ہوں،ان کے خلاف فیصلے بھی نہیں ہونے دیئے،