لاہور: مریم نواز جب اوکاڑہ جانے کے لیے پتو کی پہنچی تو اس دوران مریم نواز کے استقبال کے لیے کھڑے نوجوانوں نے خوشی سے گلاب کے پھولوں کی پتیاں مریم نواز کی طرف پھینکیں ، ان میں سے ایک پھول مریم کے دائیں رخسار پر آلگا .
ذرائع کے مطابق اس دوران جب مریم نواز لوگوں کو خوشی سے ہاتھ ہلا کر جواب دے رہی تھیں تو نوجوانوں نے مریم نواز کو دیکھ کر نعرے لگانا شروع کردیئے کہ وہ دیکھو کون آئی شیرنی آئی شیرنی آئی ، اس موقع پر مریم نواز نے اپنی طرف محبت سے پھول پھینکنے والے نوجوانوں کا شکریہ ادا کیا
جماعت اسلامی کے امیر سراج الحق نے کہا ہے کہ حکومت نے 365 بارمنشور،نظریات اوروعدوں کی خلاف ورزی کی، حکمرانوں نے مدینہ کی ریاست کے نام پر عوام کو دھوکا دیا
باغی ٹی وی کی رپورٹ کے مطابق جماعت اسلامی کے امیر سینیٹر سراج الحق نے کہا کہ موجودہ حکومت کےآنے کےبعدعوام مشکل اورتکلیف سےدوچارہوئے ،موجودہ حکومت نے5سال کےسبزباغ دکھائے.
سراج الحق کا مزید کہنا تھا کہ حکومت شعوری طورپرجھوٹ بول رہی ہے،اوورسیزپاکستانیوں کواحساس ہوگیاکہ اس حکومت میں رنگ ہےنہ خوشبو، جس طرح روٹی کپڑا اور مکان کا نعرہ لگا کر غریبوں کا مذاق اڑایا گیا اسی طرح موجودہ حکمران عوام کے دینی جذبات سے کھیل رہے ہیں۔ جماعت اسلامی کے مہنگائی بے روز گاری اور آئی ایم ایف کی غلامی کے خلاف ہونے والی عوامی ریلیوں میں عوام کی بڑھتی ہوئی شرکت نے ثابت کردیا ہے کہ موجودہ حکومت سے لوگوں کی توقعات اور امیدیں دم توڑ چکی ہیں۔25اگست کو پشاور میں ہونے والا مارچ حکومت کے خلاف عوامی ریفرنڈم ثابت ہوگا۔
لاہور: لاہور ہائی کورٹ نے لاہور سمیت صوبہ بھر میں تعینات ڈسٹرکٹ اینڈ سیشن ججزکی نئی سنیارٹی لسٹ جاری کردی ، نئی فہرست کے مطابق 71 ڈسٹرکٹ اینڈ سیشن ججز کی سنیارٹی برقرار جبکہ 89 کی سنیارٹی میں ایک درجہ اضافہ ہوا۔
ذرائع سے ملنے والی اطلاعات کے مطابق لاہور ہائیکورٹ نے سیشن جج ممتاز حسین کی ریٹائرمنٹ کے باعث نئی سنیارٹی لسٹ مرتب کی ہے، نئی سنیارٹی لسٹ کے مطابق سیشن ججز کی کل تعداد 160 ہے اور اس کا اطلاق 5 اگست سے ہوگا۔
لاہور ہائی کورٹ نے کس جج کو کون سا نمبر دیا ہے وہ جانتے ہیں اس فہرست کے مطابق ڈسٹرکٹ اینڈ سیشن جج سہیل ناصر کا سنیارٹی میں پہلا نمبر برقرار رہا، ممبر پنجاب سروس ٹریبونل، ڈسٹرکٹ اینڈ سیشن جج عابد حسین قریشی کا چھٹا نمبر، ڈی جی پنجاب جوڈیشل اکیڈمی سیشن جج عبدالستار کا پانچواں نمبر، ممبر جوڈیشل پنجاب ریونیو اپیلٹ ٹربیونل سیشن جج حبیب اللہ عامرکا آٹھواں، رجسٹرار ہائیکورٹ ہمایوں امتیاز کا سنیارٹی میں نواں نمبر برقرار رہا۔
لاہور ہائی کورٹ کی طرف سے جاری اس فہرست کے مطابق جج اینٹی کرپشن کورٹ لاہور بہادرعلی خان کا سنیارٹی لسٹ میں 18 واں نمبر، سیشن جج ملتان سہیل اکرام 24 ویں نمبر، جج احتساب عدالت نمبر 4 لاہور امیر محمد خان 25 ویں نمبر، جج اینٹی کرپشن کورٹ لاہور محمد رفیق 32، جج بنکنگ کورٹ لاہور سردار طاہر صابر35 ویں نمبر پر، ڈسٹرکٹ اینڈ سیشن جج فیصل آباد محمد یوسف پنتالیسویں، ڈسٹرکٹ اینڈ سیشن جج لاہور قیصر نذیر بٹ سنیارٹی میں 56 ویں نمبر پربرقرار رہے۔
لاہور ہائی کورٹ کی طرف سے جاری کی گئی یہ فہرست بڑی دلچسپ ہے جس کے مطابق جج چائلڈ پروٹیکیشن کورٹ لاہور سیشن جج ثمر حیات کی سنیارٹی میں ایک درجہ اضافہ ہوا اور وہ 72 ویں نمبر پر آگئے، چیئرمین ڈرگ کورٹ لاہور سید مظفرعلی شاہ بھی سنیارٹی میں اضافہ ہونے پر74 ویں نمبر پر آگئے، سیشن جج بھکرمحمد محسن رضا 77 ویں نمبر، سیشن جج لیہ اعجاز حسین78 ویں، جج انسداد دہشت گردی عدالت لاہور عبدالقیوم 81 ویں، ڈائریکٹر پنجاب جوڈیشل اکیڈمی سیشن جج مسرور احمد خان سنیارٹی میں ایک درجہ اضافہ کے بعد 82 ویں نمبر پر، جج بینکنگ کورٹ لاہور محمد سلیم سنیارٹی میں ایک درجہ اضافہ کے بعد 86 ویں نمبر پر آگئے۔
سب سے جونئیر سیشن غلام عباس سیال جو کہ جج سپیشل کورٹ سنٹرل گوجرانوالہ تعینات ہیں ان کی سنیارٹی میں بھی ایک درجہ اضافہ ہوا، وہ سنیارٹی میں 160 ویں نمبر پر آگئے ہیں
صوبہ بہاولپور کی بحالی کے لئے پنجاب اسمبلی میں قرارداد جمع کروا دی گئی
باغی ٹی وی کی رپورٹ کے مطابق بہاولپورصوبہ فی الفوربحال کرنے کے مطالبے کی قراردادپنجاب اسمبلی میں جمع کروا دی گئی، قرارداد مسلم لیگ ن کے رکن ملک ظہیراقبال کی جانب سےجمع کرائی گئی
قرارداد کے متن میں کہا گیا ہے کہ 1951سے1954تک بہاولپورکوایک الگ صوبےکی حیثیت حاصل تھی ،:بہاولپور کا پانی بھی بھارت کو دے دیا گیا ہے،بہاولپورریاست نےہرقدم پرقائداعظم کےساتھ تعاون کیا، بہاولپور صوبہ کو فوری بحال کیا جائے .
واضح رہے کہ تین ماہ قبل بھی پنجاب اسمبلی میں مسلم لیگ ن کی رکن حنا پرویز بٹ نے قرارداد جمع کروائی جس کے متن میں کہا گیا کہ جنوبی پنجاب کے ساتھ صوبہ بہاولپور بھی بنایا جائے. تبدیلی سرکار اگر صوبے بنانے میں سنجیدہ ہے تو بہاولپور صوبے کو بھی تسلیم کرے. قرارداد کے متن میں مزید کہا گیا کہ نئے صوبوں کے قیام سے وسائل اور اختیارات برابری کی سطح پر تقسیم ہوں گے .انہوں نے کہا کہ الیکشن سے قبل حکومتی جماعت نے نئے صوبوں کے قیام کا وعدہ کیا تھا،اب حکومت کی ذمے داری ہے کہ نئے صوبوں کے قیام کا وعدہ وفا کرے،
واضح ہے کہ صوبہ جنوبی پنجاب کے لئے قومی اسمبلی میں بل منظورہو چکا ہے ،مسلم لیگ ن نے قومی اسمبلی میں بھی بہاولپور صوبے کا مطالبہ کیا تھا
لاہور:سوشل میڈیا کے جہاں فوائد ہیںوہاں اس کی تباہ کاریاں اس کے فوائد سے کئ گنا زیادہ اورخطرناک ہیں. اس نئی ایپ نے نوجوانوں کومزید تباہ کرکے رکھ دیا . نوجوانوں کو تباہی سے بچانے کے لیے ایک شہری نے ٹک ٹاک ‘ کی بندش کے لیے لاہور ہائیکورٹ میں درخواست دائر کردی گئی،
لاہورہائی کورٹ سے ذرائع کے مطابق’ ٹک ٹاک ‘ ایپ پر پابندی کی درخواست ایڈوکیٹ ندیم سرور نے دائر کی، درخواست میں وفاقی حکومت، پی ٹی اے اور پیمرا کو فریق بنایا گیا , درخواست میں مؤقف اختیار کیاگیاہےکہ’ ٹک ٹاک ‘موبائل ایپ نوجوان نسل کو تباہ کر رہی ہے,عدالت پی ٹی اے کو ٹک ٹاک پر پابندی عائد کرنے کا حکم دے ۔
ایڈوکیٹ ندیم سرور نے اپنی اس درخواست میں مزید استدعا کی ہے کہ’ ٹک ٹاک ‘ سے وقت اور پیسےکا ضیاع، فحاشی عام ہو رہی ہے،عدالت پی ٹی اے کو ٹک ٹاک پر پابندی عائد کرنے کا حکم دے ۔
احتساب عدالت نے حمزہ شہباز کا مزید 7 روزکا جسمانی ریمانڈ دے دیا
باغی ٹی وی کی رپورٹ کے مطابق آمدن سے زائد اثاثہ جات کیس میں حمزہ شہباز کو احتساب عدالت میں پیش کیا گیا،حمزہ شہبازکے وکیل امجدپرویزبھی عدالت میں پیش ہوئے، نیب پراسیکیوٹرحافظ اسداللہ نے حمزہ شہبازکےجسمانی ریمانڈمیں توسیع کی استدعا کی جس پر عدالت نے استفسار کیا کہ حمزہ شہباز کا کتنے روز کا جسمانی ریمانڈ ہو چکا ہے،
نیب کے تفتیشی افسر نے عدالت کو بتایا کہ حمزہ شہبازکا 52 روزکاریمانڈ ہوچکا ہے
نیب وکیل نے عدالت کو بتایا کہ ندیم سعید نے بتایا کہ 2016 میں حمزہ شہباز اور سلمان شہباز نے ایک ایک کمپنی بنائی ،چنیوٹ میں 155 کنال زمین خریدی لیکن وہ رقم کہاں سے آئی بتایا نہیں گیا،
حمزہ شہباز کے وکیل نے عدالت میں کہا کہ تمام رکارڈ پہلے ہی نیب کے پاس ہے مزید جسمانی ریمانڈ کیوں لیا جا رہا ہے؟گزشتہ سماعت پر بھی نیب کا یہی موقف تھا جو آج ہے حمزہ شہباز سے کسی قسم کی کوئی ریکوری نہیں کرنی،جسمانی ریمانڈ کی ضرورت نہیں ہے،ایک بھائی دوسرے بھائی کو گفٹ دےتو قانونی طور پریہ کوئی جرم نہیں ہے،
عدالت نے سماعت کے بعد حمزہ شہباز کے ریمانڈ میں سات دن کی توسیع کر دی
حمزہ شہباز کی پیشی کے لئے احتساب عدالت کے باہر سیکورٹی کے سخت انتظامات کئے گئے ہیں، پولیس کی بھاری نفری تعینات کی گئی ہے، واضح رہے کہ حمزہ شہباز رمضان شوگر ملز کیس میں نیب کی تحویل میں ہیں ، نیب نے حمزہ کو عدالت سے ضمانت کی درخواست مسترد ہونے پر گرفتار کیا تھا.
پنجاب اسمبلی میں قائد حزب اختلاف حمزہ شہباز کے خلاف آمدن سے زائد اثاثہ جات کیس میں نیب نے مزید ریمانڈ مانگ لیا
باغی ٹی وی کی رپورٹ کے مطابق حمزہ شہبازکےخلاف آمدن سےزائداثاثہ جات کیس کی سماعت ہوئی،حمزہ شہبازکے وکیل امجدپرویزبھی عدالت میں پیش ہوئے، نیب پراسیکیوٹرحافظ اسداللہ نے حمزہ شہبازکےجسمانی ریمانڈمیں توسیع کی استدعا کی جس پر عدالت نے استفسار کیا کہ حمزہ شہباز کا کتنے روز کا جسمانی ریمانڈ ہو چکا ہے،
نیب کے تفتیشی افسر نے عدالت کو بتایا کہ حمزہ شہبازکا 52 روزکاریمانڈہوچکا ہے
حمزہ شہباز کی پیشی کے لئے احتساب عدالت کے باہر سیکورٹی کے سخت انتظامات کئے گئے ہیں، پولیس کی بھاری نفری تعینات کی گئی ہے، ن لیگی کارکنان کے عدالت جانے پر پابندی ہے،
واضح رہے کہ حمزہ شہباز رمضان شوگر ملز کیس میں نیب کی تحویل میں ہیں ، نیب نے حمزہ کو عدالت سے ضمانت کی درخواست مسترد ہونے پر گرفتار کیا تھا.
حمزہ شہباز نے گزشتہ سماعت پر کہا تھا کہ نیب قیامت تک کرپشن ثابت نہیں کر سکتا،
پنجاب یوتھ فیسٹیول میں مبینہ کرپشن کیس کی سماعت ہوئی، عدالت نے ملزم عثمان انور کے ریمانڈ میں توسیع کر دی
باغی ٹی وی کی رپورٹ کے مطابق پنجاب یوتھ فیسٹول میں کرپشن کیس کی سماعت احتساب عدالت میں ہوئی، نیب کے استدعا پر عدالت نے ملزم عثمان انور کے جوڈیشل ریمانڈ میں 14 دن کی توسیع کر دی، عدالت نے حکم دیا کہ ملزم کو دوبارہ 17 اگست کو پیش کیا جائے.
واضح رہے کہ پنجاب یوتھ فیسٹیول میں مبینہ طور پر کروڑوں کی کرپشن کے الزام میں نیب لاہور نے پنجاب سپورٹس بورڈ کے سابق سابق ڈی جی سپورٹس ملزم عثمان انور کو گرفتار کیا گیا تھا ، حکومت پنجاب کی جانب سے 2011 اور 2012 میں یوتھ فیسٹیول کروائے گئے جن میں مبینہ طور پر مختلف معاہدوں کی مد میں کروڑوں روپے کی کرپشن کی گئی۔ نیب کے مطابق سابق ڈی جی سپورٹس ملزم عثمان انور مبینہ طور پر اختیارات کا ناجائز استعمال کرتے ہوئے یوتھ ایونٹ کیلئے کئے گئے ٹھیکوں میں مالی بے ضابطگیوں کے مرتکب ٹھہرے، جن معاہدوں میں پیپرا رولز سے بھی انحراف کیا گیا۔
پنجاب اسمبلی میں قائد حزب اختلاف حمزہ شہباز کو آج احتساب عدالت میں پیش کیا جائے گا
باغی ٹی وی کی رپورٹ کے مطابق حمزہ شہباز کے خلاف کیسز کے حوالہ سے آج احتساب عدالت میں سماعت ہو گی، نیب حمزہ شہباز کے جسمانی ریمانڈ کی رپورٹ پیش کرے گی اور مزید جسمانی ریمانڈ کی استدعا کرے گی،
حمزہ شہباز کی پیشی کے لئے احتساب عدالت کے باہر سیکورٹی کے سخت انتظامات کئے گئے ہیں، پولیس کی بھاری نفری تعینات کی گئی ہے، ن لیگی کارکنان کے عدالت جانے پر پابندی ہے،
واضح رہے کہ حمزہ شہباز رمضان شوگر ملز کیس میں نیب کی تحویل میں ہیں ، نیب نے حمزہ کو عدالت سے ضمانت کی درخواست مسترد ہونے پر گرفتار کیا تھا.
حمزہ شہباز نے گزشتہ سماعت پر کہا تھا کہ نیب قیامت تک کرپشن ثابت نہیں کر سکتا،
صوبائی دارالحکومت لاہورمیں خواتین پرتشدد کےواقعات کم نہ ہوسکے،ایک اورحوا کی بیٹی پرمبینہ تشدد کا واقعہ سامنے آگیا.
باغی ٹی وی کی رپورٹ کے مطابق معروف اداکار ببوبرال کی20سالہ بیٹی مریم برال پرشوہرنے مبینہ طور پر تشدد کیا، مریم اپنے شوہر کے خلاف مقدمہ کے اندراج کے لئے تھانے پہنچ گئیں، انہوں نے تھانہ اقبال ٹاؤن میں شوہرکے خلاف اندراج مقدمہ کیلئےدرخواست جمع کروادی ،درخواست میں کہا گیا ہے کہ شوہرساقی خان متعدد بارتشدد کانشانہ بناچکاہے،مریم اورساقی خان کی شادی پچھلےسال مارچ میں ہوئی تھی.
پولیس کا کہنا ہے کہ مریم کےچہرے اوربازوپرتشدد کےنشانات بھی ہیں، درخواست موصول ہوگئی ہے،قانون کےمطابق کارروائی عمل میں لائی جائےگی.
کمیشن برائے حقوق نسواں پنجاب کی ایک رپورٹ کے مطابق چھ ماہ میں انیس اعشاریہ پانچ فیصد عورتیں تشدد کا نشانہ بنیں۔ صرف لاہور میں دو ہفتوں کے دوران دس خواتین، کسی نہ کسی صورت جبر کا شکار ہوئیں، بیشتر واقعات میں قریبی رشتہ دار ہی ظلم ڈھانے میں ملوث نکلے۔محکمہ داخلہ پنجاب نے 21 فروری کو پنجاب اسمبلی میں خواتین پر تشدد کے حوالہ سے ایک رپورٹ جمع کروائی تھی جس کے مطابق ضلع لاہور میں گزشتہ ششماہی کے دوران غیرت کے نام پر کل 6 مقدمات درج کروائے گئے لیکن کسی ایک پر بھی کارروائی مکمل نہ ہوئی۔