Category: لاہور

گلگت بلتستان پوری دنیا میں پرامن خطہ قرار دیا گیا ہے

خودکشی اور غیرت کے نام پر قتل جیسے واقعات کی روک تھام کےلئے اصلاحات کی گئی ہیں .وزیراعلیٰ گلگت بلتستان کی ہیومن راٹس کمیشن پاکستان کے وفد سے گفتگو

گلگت ۔ 2 اگست (اے پی پی) وزےراعلیٰ گلگت بلتستان حافظ حفےظ الرحمن نے کہا ہے کہ ہیومن راءٹس کمیشن کو قدر کی نگاہ سے دیکھاجاتا ہے جو مظلوم اور محروم طبقے کی آواز ہمیشہ بلند کرتا ہے ۔ وزےراعلیٰ گلگت بلتستان حافظ حفےظ الرحمن نے کہا ہے کہ گلگت بلتستان پوری دنیا میں پرامن خطہ قرار دیا گیا ہے جہاں گزشتہ چار سالوں میں دہشتگردی کا کوئی واقعہ رونما نہیں ہوا ہے، پولیس میں فوری اصلاحات متعارف کروانے اور سیف سٹی پروجیکٹ کا قیام امن و امان کے قیام میں معاون ثابت ہوا ہے، امن وامان کی وجہ سے گلگت بلتستان میں معاشی اور سیاحتی سرگرمیوں کو فروغ ملا ہے اور مقامیو بین الاقوامی سیاحوں کی بڑی تعداد گلگت بلتستان آرہی ہے جس کی وجہ سے دنیا بھر میں گلگت بلتستان اور پاکستان کا مثبت تشخص اجاگر ہورہاہے ۔ ان خیالات کا اظہار انہوں نے ہیومن راءٹس کمیشن پاکستان کے وفد سے گفتگو کرتے ہوئے کیا ۔

وزےراعلیٰ گلگت بلتستان نے کہا کہ گلگت بلتستان آرڈر2018 کے تحت تمام سبجکٹس گلگت بلتستان حکومت کو منتقل کئے گئے ہیں جوگورننس آرڈر2009 ء کے تحت کونسل کے پاس تھے، گلگت بلتستان آرڈر 2018 کے تحت گلگت بلتستان حکومت اور اسمبلی کو وہ تمام اختیارات حاصل ہوئے جو دیگر صوبوں کو حاصل تھے ۔ انہوں نے کہاکہ بلدیاتی انتخابات سے قبل حلقہ بندیوں کا مرحلہ لازمی ہے جو الیکشن کمیشن نے کرنا ہے، گلگت بلتستان میں چھوٹے انتظامی یونٹس کے قیام سے عوامی مسائل ان کی دہلیز پر حل ہو رہے ہیں اور عوام کو بنیادی سہولیات کی فراہمی میں مدد ملی ہے ۔

انہوں نے کہا کہ گلگت بلتستان واحد صوبہ ہے جس کے تقریباً تمام اضلاع میں ویسٹ مینجمنٹ کمپنی کام کر رہی ہے، گلگت بلتستان حکومت نے خواتین کو با اختیار بنانے کےلئے بھرپور اقدامات کئے ہیں ، خودکشی اور غیرت کے نام پر قتل جیسے واقعات کی روک تھام کےلئے بھی اصلاحات کی گئی ہیں اور اس ضمن میں تمام اضلاع کے ڈپٹی کمشنرز اور ایس پیز کو واضح ہدایات دی گئی ہیں کہ خودکشی کے واقعات پر پوسٹ مارٹم لازمی کرایا جائے، پوسٹ مارٹم نہ کروانے کی صورت میں متعلقہ ڈپٹی کمشنر اور ایس پی کےخلاف سخت کارروائی عمل میں لائی جائے گی ۔

عوام کوبجلی سے متعلق مسائل کے حل کے لیے کھلی کچہریوں کاسلسلہ شروع کیاہے،گوہررحمن بنگش

پشاور ۔ 02اگست(اے پی پی)ایس ای واپڈا بنوں گوہر رحمن بنگش نے کہا ہے کہ بنوں میں بجلی کی کوئی کمی نہیں لیکن واپڈا پیسکو کے فارمولے کے مطابق ہر علاقے کو بل کی ادائیگی کے مطابق بجلی دی جاتی ہے، بجلی قومی امانت ہے اس میں خیانت نہیں کرناچاہیے ۔ ان خیالات کا اظہارانہوں نے میڈیاسے بات چیت کرتے ہوئے کیا ۔

انہوں نے کہاکہ پیسکواہلکارعوام کوبجلی کی بلاتعطل فراہمی کے لیے دن رات مصروف عمل ہے،عوام کوبجلی سے متعلق مسائل کے حل کے لیے کھلی کچہریوں کاسلسلہ بھی شروع کردیاہے ،صارفین کوچاہیے کہ وہ میٹرلگاکربجلی قانونی طوراستعمال کریں کیونکہ غیرقانونی بجلی استعمال کرنے والا قومی مجرم ہے ۔ انہوں نے علاقے کے عوام سے اپیل کی کہ وہ کنڈاکلچراورغیرقانونی بجلی استعمال کرنے والے عناصرکے خلاف ہمارے ساتھ تعاون کرکے ایک اچھے شہری ہونے کاثبوت دیں ۔

لاہور: پاکپتن کی پہلی ایس ایچ او خاتون آفیسر نے 200 سے زائد ہراساں کرنے کے کیسز صرف 2 ماہ میں نمٹا کر تاریخ رقم کردی.

تفصیلات کے مطابق کلثوم فاطمہ نامی ایس ایچ او نے صرف 2 ماہ میں 200 سے زائد ہراساں کرنے کے کیسز نمٹا دیے. اس حوالے سے کلثوم فاطمہ نے کہا کہ یہ ان کیلئے اعزاز کی بات ہے کہ انہوں نے اس چھوٹے سے دورانیے میں 200 سے زائد کیسز نمٹا دیے ہیں. انہوں نے مزید کہا کہ یہ انتہائی خوشی کا لمحہ ہے کہ وہ عورتوں کو انصاف دلانے میں اہم کردار ادا کر رہی ہیں. انہوں نے مزید کہا کہ وہ اس مشن کو مستقبل میں بھی جاری رکھیں گی. دوسری جانب ڈی پی او پاکپتن عبادت ناصر جنہوں نے کلثوم فاطمہ کو ایس ایچ او مقرر کیا تھا، ان کا کہنا تھا کہ پاکپتن پولیس میں مزید خواتین کی شمولیت پولیس کی ترقی میں اہم کردار ادا کرے گی.

ماہرین زراعت کی کاشت کاروں کوکپاس کی خصوصی دیکھ بھال کرنے کی ہدایت

فیصل آباد ۔ 02 اگست (اے پی پی) کاشت کاروں کو پھول ، گڈی ، ٹینڈے بننے کے مرحلہ پر کپاس کی سب سے اہم اور نقد آور فصل کی خصوصی دیکھ بھال کی ہدایت کی گئی ہے اور کہاگیاہے کہ کپاس صوبہ پنجاب کی سب سے اہم نقد آور فصل ہے جبکہ کپاس اگانے والے علاقوں کی دیہی آباد ی کے روزگار کا انحصار اس فصل پر منحصر ہے لہٰذا کاشت کار پھول ،گڈی اورٹینڈے بننے کے مرحلہ پر اس کی بہتر دیکھ بھال کو یقینی بنائیں تاکہ فی ایکڑ زیادہ پیداوار حاصل ہوسکے ۔ ماہرین زراعت نے بتایاکہ کپاس کی کاشت کے اکثر علاقوں میں کاشت کار چھوٹے رقبوں کے مالک ہیں اور وہ کھادوں کی بڑھتی ہوئی قیمتوں کے باعث سفارش کردہ مقدار سے کم کھادیں استعمال کرتے ہیں جس کے باعث پیداوار میں کمی واقع ہوجاتی ہے ۔

انہوں نے بتایا کہ کاشت کار اگست کے مہینے میں ناءٹروجنی کھادوں کا استعمال فصل کی بڑھوتری اور پھل کو مدنظر رکھ کر دو سے تین اقساط میں کریں ۔ مزید برآں زنک اور بوران کی کمی کی علامات ظاہر ہونے کی صورت میں ان کا بذریعہ سپرے استعمال کپاس کی پیداوار میں خاطر خواہ اضافہ کا باعث بنتا ہے ۔ انہوں نے بتایاکہ زنک سلفیٹ 35فیصد والا 250گرام فی 100لیٹر پانی اوربورک ایسڈ 200گرام فی 100لیٹر پانی فی ایکڑ 2سے 3بار سپرے کرنا چاہیے ۔ انہوں نے بتایاکہ نمی والے موسم میں کپاس کی فصل میں سفید مکھی اور چست تیلے کے حملے کے بروقت تدارک کے لیے اپنی فصل کی ہفتے میں دوبار پیسٹ سکاءوٹنگ کریں ۔

انہوں نے بتایاکہ پیسٹ سکاءوٹنک کے بعد اگر سفید مکھی کا حملہ نقصان کی معاشی حد 5بالغ یا بچے فی پتہ یا دونوں ملاکر پانچ فی پتہ ہوں جبکہ چست تیلہ ایک بالغ یا بچہ فی پتہ ہو تو محکمہ زراعت توسیع و پیسٹ وارننگ کے مقامی زرعی ماہرین کے مشورہ سے سفارش کردہ زہروں کا سپرے یقینی بنائیں ۔ انہوں نے بتایاکہ کاشت کار مزید رہنمائی کےلیے محکمہ زراعت پنجاب کی فری ایگری کلچر ل ہیلپ لائن کے نمبروں 0800-15000اور 0800-29000پر صبح 8تا شام 8بجے تک مفت کال کرکے مشاورت کرسکتے ہیں ۔ انہوں نے بتایاکہ جو کاشت کار بذریعہ موبائل مشاورت یا رہنمائی چاہتے ہوں وہ ایس ایم ایس ہیلپ لائن 0304-4000172پر بھی ایس ایم ایس کرسکتے ہیں ۔

نشے کا بڑھتا ہوا رجحان ذہنی امراض میں اضافہ کا موجب بن رہا ہے ،ڈاکٹر ذوالفقار رضوی

فیصل آباد ۔ 2 اگست (اے پی پی)نوجوان نسل میں دن بدن نشے کی طرف بڑھتا ہوا رجحان ذہنی امراض کو بڑھانے کا ذمہ دار ہے جن میں چرس ، افیون ،ہیرءون ، بھنگ ، کوکین ، نشہ آور گولیاں اور ٹیکوں کا استعمال شامل ہے ۔ ذہنی امراض کے ماہر ڈاکٹر سید ذوالفقار علی رضوی نے بتایا کہ منشیات کا استعمال نوجوان نسل کو تباہ کر رہا ہے ۔ انہوں نے کہا کہ دہشت گردی کے بعد دنیا کو سب سے بڑا خطرہ منشیات کے استعمال سے ہے کیونکہ نشے کی وجہ سے نوجوان نسل اپنے فراءض سے غافل ہوتی جا رہی ہے ۔

انہوں نے کہا کہ پاکستان بھر میں ریلوے اسٹیشنوں ، پارکوں ، قبرستانوں اور دیگر مقامات پر لوگ سر عام نشہ کرتے ہیں ۔ مگرانہیں کو ئی پوچھنے والا نہیں ۔ انہوں نے کہا کہ 18سال سے کم عمر کے نوجوانوں کے سگریٹ پینے اور خریدنے پر سختی سے عملدرآمد ہونا چاہیے ۔ انہوں نے کہا کہ دنیا کے کئی ممالک میں منشیات کے خلاف قانون سازی کی گئی ہے جبکہ پاکستان میں بھی قانون موجود ہے لیکن اس پر عملدرآمد کی اشد ضرورت ہے ۔

چیئرمین نیب جسٹس جاوید اقبال کی سربراہی میں نیب لاہور نے گزشتہ 2 سالوں کے دوران ہائوسنگ سیکٹر میں اٹھائے گئے اقدامات کی تفصیلات جاری کر دیں:

لاہور: نیب لاہور نے اکتوبر 2017 سے جولائی 2019 کے دوران 62 مبینہ غیرقانونی ہائوسنگ سوسائٹیوں کے کیسز پر کارروائی کا آغاز کیا. جن میں سے 40 ہائوسنگ سوسائٹیوں کے معاملات کو بروقت مکمل کروا دیا گیا. جبکہ نیب لاہور میں فی الوقت 22 مبینہ غیرقانونی ہائوسنگ سوسائٹیوں کے کیسز زیر سماعت ہیں

نیب لاہور حکام کی انتھک کاوشوں سے صرف ہائوسنگ سیکٹر میں ملزمان سے 3 ارب مالیت پر مشتل معاہدات کئے گئے. اس رقم سے 2 ارب 80 کروڑ روپے کامیابی کیساتھ وصول کئے جا چکے ہیں جنکی منتقلی بھی جاری ہے: نیب لاہور

اس دوران نیب نیب لاہور کیجانب سے 25 ارب مالیت کی ان ڈائریکٹ ریکوری بھی ممکن بنائی گئی. ڈی جی نیب لاہور کی سربراہی میں نیب افسران کی نے 24 ہزار 300 متاثرین کو انکی لوٹی گئی رقوم یا پلاٹ و مکانات واپس دلوائے. اکتوبر 2017 تا جولائی 2019 نیب لاہور نے 7 غیرقانونی ہائوسنگ سوسائٹیوں کی انتظامیہ و مالکان کیخلاف 24 ارب مالیت پر مشتمل ریفرنس احتساب عدالت میں داخل کئے گئے: نیب لاہور

لاہور: ان 7 ہائوزنگ سوسائٹیوں کے متاثرین کی تعداد15750 رہیجو اپنی ڈوبی ہوئی رقوم اور پلاٹ و مکانات ملنے کے منتظر ہیں۔ چیئرمین نیب جسٹس جاوید اقبال کے اقتدار سنبھالتے ہی ہائوسنگ سیکٹرکے متاثرین کے ازالے پر زور دیا۔۔۔۔

تربیلا۔غازی بروتھا کے متاثرین کے مسائل کو حل کرنے کے لیے خصوصی اقدامات اُٹھائے جارہیے ہیں۔ اسپیکر قومی اسمبلی

اسلام آباد؛اسپیکر قومی اسمبلی نے کہا ہے کہ تربیلا۔غازی بروتھا کی مقامی آؓبادی کے مسائل کا ازالہ کیا جا رہا ہے۔ انہوں نے کہا کہ علاقے کی مقامی آبادی کی قربانیوں کو فراموش نہیں کیا جا سکتا ہے۔انہوں نے کہا کہ غا زی بر وتھا پا ور پر وجیکٹ کے متا ثرین کو معاوضے کی ادائیگی کو جلد از جلد ممکن بنایا جائے گا۔ ان خیالات کا اظہار انہوں نے جمعہ کے زوز پارلیمنٹ ہاؤس میں تربیلا۔غازی بروتھا کے متاثرین کے مسائل کو حل کرنے سے متعلق ایک اعلی سطحی اجلاس کی صدارت کے دوران گفتگو رکرتے ہوئے گیا۔

اجلاس میں وفاقی وزیر برائے تونانی عمر ایوب کے علاوہ ارکان صوبائی اسمبلی فیصل زمان، زنگیزخان اور تحصیل ناظم ٹوپی سہیل خان بھی شریک تھے۔اسپیکر نے کہا کہ زراعت اورر فیشریز کے شعبے پانی کی سطح کم ہونے سے مسائل کا شکار ہیں ان شعبوں کے مسائل کو ختم کرنے کے لیے ترجیحی بنیادوں پر خصوصی اقدامات اُٹھانے کی ضرورت ہے۔ انہوں نے کہا کہ غازی بروتھا پاور پروجیکٹ کی تعمیر سے علاقے میں زیر زمین پا نی کی سطح گرنے کی وجہ سے علاقے میں آبپاشی کا نظام بری طرح متاثر ہوا ہے۔ انہوں نے کہا کہ ملک سے پانی کی قلت کے خاتمے کے لیے نئے ڈیموں کی تعمیر ناگزیر ہے۔ انہون نے مزید کہا کہ ملک میں جنگلات اور جھیلوں کی بحالی کے لیے خصوصی اقدامات کرنے کی ضرورت ہے۔
اسپیکر نے کہا کہ تربیلا واٹر پارک سے علاقے میں تفریحی گاہوں میں اضافہ ہو گا اور سیاحت کے شعبے کو فروغ ملے گا جس سے علاقے کی عوام کو روزگار کے نئے مواقع میسر آئیں گے۔ انہوں نے کہا کہ غازی بروتھا پاور پروجیکٹ کے متاثرین کو معا وضے کی ادائیگی کے حصول میں ہر ممکن تعاون کو یقینی بنا یا جائیگا۔اسپیکر کی متعلقہ اداروں کو لارنس پور روڈ کی بحالی کے لیے کام کو جلد شروع کرانے کی ہدایت کی ہے۔ اسپیکر نے متعلقہ محکموں کو علاقے میں درپیش مسائل کو فوری حل کرنے کی ضرورت پر زور دیا۔ اجلاس میں شریک واپڈا سمیت دیگر اداروں کے اعلی حکام نے علاقے کو درپیش ضروری مسائل کو حل کرنے کی یقین دہانی کروائی۔

لاہور( پ ر) آل پاکستان انجمن تاجران کے مرکزی سیکرٹری جنرل نعیم میر ریٹیلرز کے لئے جاری کردہ ایف بی آر کی فکسڈ ٹیکس سکیم کے حوالے سے ہنگامی پریس کانفرنس ہوئے.

کہا ہے کہ فکسڈ ٹیکس سکیم تضادات کا مجموعہ ہے جو چھوٹے تاجروں کی امنگوں کے برعکس ہے۔ہم سے مشاورت کے بغیر فکس ٹیکس کا مسودہ جاری کیا گیا جس پر شدید تحفظات ہیں۔لہذا پاکستان بھر کے تاجر فکس ٹیکس کا لولی پاپ تسلیم نہیں کرتے ،نعیم میر نے پریس کانفرنس میں فکس ٹیکس کا مسودہ بھی پھاڑ دیا۔وہ گزشتہ روز لاہور پریس کلب میں سہیل محمود بٹ، ملک امانت ، عبدالودود علوی ،ملک کلیم ، ذوالفقار بھٹی، شاہد بلال، میاں خلیل عبیر، رضوان بٹ، شیخ عرفان و دیگر کے ہمراہ پریس کانفرنس کررہے تھے۔

انہوں نے مزید کہا جب ملکی معیشت ہچکولے کھا رہی ہو تو ایسے میں تاجروں سے مذاق سوجنا افسوسناک ہے۔فکس ٹیکس مسودہ ملک بھر کے 31 لاکھ ریٹیلرز سے سنگین مذاق ہے۔ رقبے کے لحاظ ٹیکسیشن نہیں کی جا سکتی، رقبے کو بنیاد بنا نے پر تحفظات ہیں۔ فکسڈ ٹیکس مسورہ کے مطابق جیولرز، رئیل سٹیٹ ایجنٹس، چارٹرڈ اکا?نٹنٹس اور کریڈٹ کارڈ مشینیں رکھنے والے دوکاندار شامل نہیں۔ سکیم سے نان چنے کی ریڑھی والا، پنچر لگانے والا، آلو چنے اور بریانی والے آتے ہیں جو پہلے ہی بجلی بلوں پر ٹیکس دے رہے ہیں۔ فکسڈ ٹیکس سکیم تضادات کا مجموعہ ہے جو چھوٹے تاجروں کی امنگوں کے برعکس ہے۔ فکس ٹیکس چھوٹے تاجروں کیلئے ایک نا قابل عمل دستاویز ہے، ہمیں فکس ٹیکس کا لولی پاپ دیا گیا جسے ڈبے میں پیک کرکے واپس کر رہے ہیں۔

انہوں نے مزید کہا تاجر برداری احتجاج کررہی ہے اور حکومت تاجروں کے ساتھ مذاق کررہی ہے۔ہم اس فکسڈ ٹیکس مسودے کو مسترد کرچکے ہیں۔رقبے کے لحاظ سے کبھی ٹیکسوں کا نفاذ نہیں کیا جا سکتا۔شاپنگ پلازوں کو اس فکسڈ ٹیکس مکمل چھوٹ دے دی گئی ہے۔

جوائنٹ ایکشن کمیٹی کا اجلاس

ملک کی مختلف صحافتی تنظیموں نے لاہور پریس کلب کے صدر ارشد انصاری کی سربراہی میں قائم جوائنٹ ایکشن کمیٹی پر ایک بارپھر مکمل اعتماد کا اظہار کیا ہے اور کہا ہے کہ جو صحافتی ادارے کارکنوں کو عید سے قبل تنخواہیں ادا نہیں کریں گے ان کے خلاف سخت احتجاج کے تحت دفاتر اور گھروں کا گھیراو کیا جائے گا۔ صحافتی اداروں سے چھانٹیوں کا سلسلہ بند کیا جائے جو ادارے اس پر عمل نہیں کریں گے ان کے ٹی وی چینل کے مائیک پریس کانفرنسز سے ہٹادیئے جائیں گے۔ یہ فیصلے لاہور پریس کلب میں ہونے والے اجلاس میں کیئے گئے اجلاس صدر لاہور پریس کلب ارشد انصاری کی صدارت میں ہوا جس میں سیکرٹری جنرل پی ایف یو جے رانا محمد عظیم، صدر پی یو جے شہزاد حسین بٹ سابق صدر لاہور پریس کلب اعظم چوہدری، پی یو جے کے صدر نعیم حنیف،پریس گیلری کمیٹی پنجاب اسمبلی کے صدر میاں اسلم ،سیکرٹری فیضان بنگش، ایمرا کے رہنما آصف بٹ، ایمرا کے رہنما شوکت علی سمیت فوٹوگرافر ایسوسی ایشن، اینکا، کے عہدداران نے شرکت کی ۔

اجلاس میںمتفقہ طور پر فیصلہ کیا گیا کہ صحافتی اداروں میں صحافیوں کے ساتھ ہونے والی زیادتیوں پر متحد ہو کر بھرپور تحریک چلائی جائے اجلاس میں تمام صحافتی اداروں سے یہ مطالبہ کیا گیا کہ عید سے قبل کارکنوں کی تنخواہیں ادا کی جائیں تا کہ کارکن بھی عید کی خوشیوں میں شامل ہو سکیں۔ اجلاس میں فیصلہ کیا گیا کہ اگر جو بھی ادارہ عید سے قبل تنخواہ نہیں دے گا اس ادارے کے باہر اور ادارے کے مالک کے گھر کے باہر احتجاج کیا جائے گا اور اس ادارے کا مائیک تقریبات سے ہٹایا جائے گا۔ متفقہ طور پر فیصلہ کیا گیا کہ تمام تنظیمیں اور گروپ مل کر جوائنٹ ایکشن کمیٹی کے پلیٹ فارم سے بھرپور احتجاجی تحریک کو تیز کریں گے۔ اجلاس میں یہ بھی فیصلہ کیا گیا کہ 3 اگست کی احتجاج کی کال کو سینئر صحافی حنیف عاصم مرحوم کی وفات اور ان کے تین اگست کو نماز جنازہ کی وجہ سے ملتوی کر دیا گیا ہے اور نئی تاریخ کا اعلان بعد میں کیا جائے گا۔

لاہور2 اگست :….صوبائی وزیر ملک محمد انور نے کہا ہے کہ115 نئے اراضی ریکارڈ سنٹر ز اگلے دسمبر تک فعال ہو جائیں گے جس کے نتیجے میں زمینداروں اور کسانوں کو زرعی اراضی سے متعلق تمام سہولیات باآسانی حاصل ہو سکیں گے۔

صوبائی وزیر مال ملک محمد انور نے آج اپنے دفتر میں پنجاب لینڈ ریکارڈ اتھارٹی کی جانب سے دی گئی بریفنگ کے دوران ڈی جی پی ایل آر اے کو ہدایت کی کہ بارہ اراضی ریکارڈ سنٹر فوری شروع کرنے کے لئے تمام اقدامات کیے جائیں اس سلسلہ میں کوئی غفلت اور سستی برداشت نہیں کی جائے گی۔اس موقع پر سینئر ممبر بورڈ آف ریونیو شوکت علی اور ڈی جی پنجاب لینڈ ریکارڈ اتھارٹی حافظ شوکت علی بھی موجود تھے۔صوبائی وزیر مال نے کہا کہ صوبہ بھر میں اس وقت 142 اراضی ریکارڈ سنٹر ز کام کر رہے ہیں جوکسانوں اور زمینداروںکو زرعی اراضی کے متعلق سہولیات فراہم کرنے میں مصروف ہیں تاہم مزید 115 نئے اراضی ریکارڈ سنٹر و کے قیام سے سے نہ صرف زرعی زمینوں کا ریکارڈ کمپیوٹرائز ہوجائے گا بلکہ زمینداروں کو ریونیو افسران کی پیچھے خوار ہونا نہیں پڑے گا۔