صوبائی دارالحکومت میں فی کلو سبزیوں کی قیمتیں
لاہور ۔ 31 جولائی(اے پی پی )مقامی مارکیٹ میں بدھ کو سبزیوں کی جاری کردہ قیمتیں اس طرح رہیں ۔ آلو نیا کچا چھلکا 21سے23 روپے فی کلو، پیاز39سے41 روپے اور ٹماٹر45 سے47 روپے فی کلو فروخت ہوا ۔ اسی طرح ادرک چائنہ254 سے 260 روپے، پالک19 سے20، بینگن46سے48 ، بھنڈی توری43سے45،کریلا58سے60، گھیا کدو45 سے47، مٹر110 سے115، اروی58سے 61 ، شملہ مرچ69سے72، پھول گوبھی62 سے 64، بند گوبھی46 سے48، شلجم30 سے32 اور مولی12سے13روپے فی کلو رہی ۔
آ ٓئندہ دوروز کے دوران ملک کے بیشترعلاقوں میں چند ایک مقامات پر گرج چمک کے ساتھ بارش کا امکان ہے، محکمہ موسمیات
لاہور ۔ 31 جولائی(اے پی پی ) محکمہ موسمیات کے مطابق مون سون ہوائیں بحیرہ عرب اور خلیج بنگا ل سے ملک کے بلائی علاقوں میں بد ھ کے روز سے داخل ہورہی ہیں اس دوران مغربی ہواؤں کا ایک سلسلہ ملک کے بلائی علاقوں پر موجود رہے گا ۔ محکمہ موسمیات کے مطابق آئندہ دو روز کے دوران ملک کے بیشترعلاقوں لاہورڈویژن،گوجرانوالہ ڈویژن،اسلام آباد ، اور کشمیر میں چند مقامات پر تیز ہواءوں ، اور گرج چمک کے ساتھ بارش کا امکان ہے تاہم ملک کے دیگر علاقوں میں موسم ابر آ لود رہےگا ۔ گزشتہ 24گھنٹوں کے دوران لاہورڈویژن ،راولپنڈی ،گوجرانوالہ، اسلام آباد،کشمیر میں اکثرمقامات پر تیز ہواءوں کے ساتھ وقفہ وقفہ سے ہلکی بارش کا سلسلہ جا ری رہا ۔ سب سے زیادہ بارش پنجاب،نارووال2،لاہور، ائیرپورٹ 46،سٹی3،سیالکوٹ ائیرپورٹ 62،سٹی46، گوجرانوالہ 24،گجرات میں 3ملی میٹربارش ریکارڈ کی گئی ۔ بدھ کے روز لاہور شہر کا زیادہ سے زیادہ درجہ حرارت 36 اور کم سے کم34سینٹی گریڈ ریکارڈ کیا گیا جبکہ ہوا میں نمی کا تناسب 88فیصد رہا ۔
ایسکس کی جانب سے کھیلنے کےلئے فاسٹ باولر محمد عامر کے ورک ویزہ کا مسئلہ حل، وہ (آج) ٹی ٹونٹی بلاسٹ میں کھیلتے نظر آئیں گے
لاہور ۔ 31 جولائی (اے پی پی) ایسکس کی جانب سے کھیلنے کےلئے فاسٹ باءولر محمد عامر کے ورک ویزہ کا مسئلہ حل ہوگیا ہے اور اب وہ جمعرات کو ٹی ٹونٹی بلاسٹ میں ایسکس کی جانب سے کھیلتے نظر آئیں گے ۔ محمد عامر جو کہ ورلڈ کپ کے بعد انگلینڈ میں ہی رک گئے تھے ۔ وہ ٹی ٹونٹی بلاسٹ ٹورنامنٹ میں ایسکس کی طرف سے پورا ٹورنامنٹ کھیلنا چاہتے تھے لیکن ٹی ٹونٹی ورلڈ کپ کے ویزے کی بنیاد پر وہ ٹورنامنٹ نہیں کھیل سکتے تھے جس کے بعد انہوں نے برطانیہ کے ہوم آفس کو ویزہ کے بارے میں درخواست دی اور اب پتہ چلا ہے کہ محمد عامر کے ویزے کا مسئلہ حل ہوگیا اور وہ جمعرات کو ہمپشائر کے خلاف میچ میں ایسکس کی ٹیم کا حصہ ہوں گے ۔ واضح رہے کہ ایسکس نے محمد عامر کی ٹیم میں شمولیت کے بغیر ہی تین میچز میں حصہ لیا ۔ ورلڈکپ کے بعد انگلینڈ میں ہی رک جانے والے محمد عامر ٹی ٹونٹی بلاسٹ ٹورنامنٹ میں ایسکس کی نمائندگی کے خواہاں تھے ۔ ان کا معاہدہ پورے ایونٹ کیلئے تھا ۔ میگا ایونٹ میں قومی ٹیم کی نمائندگی کیلئے حاصل کئے جانے والے ویزے پر وہ ٹی ٹونٹی بلاسٹ میں شریک نہیں ہوسکتے تھے ۔ انھوں نے انگلینڈ کی وزارت داخلہ سے رجوع کرتے ہوئے درخواست بھی دیدی لیکن کارروائی میں وقت لگ گیا ۔ ایسکس نے اپنے اہم باءولر کے بغیر ہی 3 میچز میں حصہ لیا، اب گذشتہ روز محمد عامر کو ورک ویزا مل گیا اور وہ جمعرات کو ہمپشائر کی خلاف میچ میں ایسکس کی ٹیم کا حصہ ہوں گے ۔
جماعت اسلامی کے امیر سینیٹر سراج الحق نے کہا ہے کہ ملک میں کوئی احتساب نہیں ہورہا، صرف سیاست ہورہی ہے،
باغی ٹی وی کی رپورٹ کے مطابق سراج الحق نے کہا کہ سینیٹ الیکشن میں کسی کےساتھ نہیں ہیں، یہ ایک نالائق حکومت ہے، اس حکومت میں انصاف بالکل نہیں ہے، کم ٹیم کےدعوے کرنے والوں نے 47افراد کی کابینہ بنا رکھی ہے،
سراج الحق نے کہاکہ 25 اگست کو پشاورمیں حکومت کیخلاف احتجاجی مارچ کریں گے، واضح رہے کہ سینیٹ میں تحریک عدم اعتماد کے حوالہ سے جماعت اسلامی نے غیر جانبدار رہنے کا فیصلہ کیا ہے اور وہ اپوزیشن جماعتوں کو بھی ساتھ نہیں دے گی،
مسلم لیگ ن کی رہنما مریم نواز اسلام آباد میں منسٹر انکلیو میں قیام کریں گی
نیب میں 40 منٹ کی پیشی کے بعد مریم نواز کہاں روانہ ہوئیں؟ اہم خبر
باغی ٹی وی کی رپورٹ کے مطابق مسلم لیگ ن کی رہنما مریم نواز نیب پیشی کے بعد اسلام آباد روانہ ہو گئی ہیں، مریم نواز کو سینیٹ میں چیئرمین کے امیدوار میر حاصل بزنجو نے عشائیے میں دعوت دی تھی، مریم نواز آج اسلام آباد میں عشائیہ میں شرکت کریں گی.
مریم نواز براستہ موٹروے اسلام آباد روانہ ہوئیں، مریم نواز کے شوہر کیپٹن ر صفدر ان کی گاڑی چلا رہے تھے جبکہ پرویز رشید ان کے ہمراہ تھے. مریم نواز اسلام آباد میں شہباز شریف کے گھر منسٹر انکلیو میں قیام کریں گی .
مریم نواز اسلام آباد میں اپوزیشن جماعتوں کے رہنماؤں سے بھی ملاقاتیں کریں گی. مریم نواز سے پارٹی رہنما و کارکنان بھی ملاقات کریں گے.
واضح رہے کہ مریم نواز کی نیب پیشی کے موقع پر مسلم لیگ ن کے ایک درجن کارکنان کی تعداد نیب دفتر کے باہر موجود تھی جنہوں نے مریم نواز کی گاڑی پر پھول پھینکے اور مریم نواز کے حق میں نعرے لگائے . مریم نواز نے نیب پیشی کے دوران نیب حکام سے کافی مانگی جس پر نیب کی جانب سے انہیں کافی پیش کی گئی .مریم نواز کو نیب نے کہا کہ آپ کو سمن بھیجے گئے تھے کوئی جواب نہیں دیا، جس پر مریم نواز نے کہا کہ مجھے زیادہ وقت چاہئے تھا.
جماعت اسلامی کے امیر سراج الحق نے کہا ہے کہ پی ٹی آئی نےجس منشورپرووٹ لیا اسے یکسر نظرانداز کردیا گیا ہے ،جماعت اسلامی سینیٹ چیئرمین کے الیکشن میں غیر جانبدار رہے گی۔ سینیٹ میں ایک سیاسی دنگل ہو رہا ہے جس کا ہم حصہ نہیں بنیں گے۔ تحریک انصاف کی حکومت ایک سال میں ہی ناکام ہو چکی
باغی ٹی وی کی رپورٹ کے مطابق لاہور میں پریس کانفرنس سے خطاب کرتے ہوئے سراج الحق نے کہا کہ یہ حکومت سبزباغ دکھا کرآئی ہے،پی ٹی آئی حکومت کی مقبولیت ختم ہورہی ہے،حکومت نے عوام کےساتھ دھوکا کیا،غیرملکی چینل پرخبرآئی کہ ٹرمپ ایک دن میں 50 جھوٹ بولتےہیں، مقابلہ کیاجائےتوہمارےحکمران جھوٹ میں ٹرمپ سےجیت جائیں،اگرجھوٹ کاکوئی ورلڈ کپ ہوتو موجودہ حکمران جیت جائیں گے،
سراج الحق نے مزید کہا کہ پی ٹی آئی کےغیرمقبول ہونیکی وجہ اپوزیشن نہیں بلکہ ان کی اپنی پالیسیاں ہیں، جس تیزی سے یہ مقبول ہوئے اسی تیزی سے غیر مقبول ہو رہے ہیں ، حکومت کی غلط پالیسیوں کے خلاف احتجاج جاری رکھتے ہوئے 25 مارچ کو پشاور میں عوامی مارچ کا اعلان کرتے ہیں.
سراج الحق کا مزید کہنا تھا کہ اتنے قرضے لیے لیکن عوامی مسائل کم نہیں ہوئے ،جماعت اسلامی مہنگائی اور بے روزگاری کے خلاف تحریک پورے ملک میں جاری ہے اور منزل کے حصول تک جاری رہے ،قوم حکومت کی غلط معاشی پالیسیوں کی وجہ سے دلدل میں پھنس گئی ہے۔ پی ٹی آئی کے لیے دن رات ایک کرنے والے ڈگری ہولڈر نوجوان مایوس اور پریشان چہروں کے ساتھ مارے مارے پھر رہے ہیں مگر ان کا کوئی پرسان حال نہیں۔ صنعت، زراعت اور تجارت تباہ ہو گئی ہے۔عوام مہنگائی کی وجہ سے شوگر، بلڈ پریشر اور ڈیپریشن کا شکار ہورہے ہیں اور حکومت آئے روز ان بیماریوں کی دواﺅں کی قیمتوں میں اضافہ کر رہی ہے۔ جان بچانے والی ادویات کی قیمتوں میں دو سو فیصد تک اضافہ کر دیا گیا ہے۔ یہ بےحسی کی انتہا ہے۔
آج کے بعد کوئی یہ نہ کہے کہ شہباز شریف کی کمر میں درد ہے، مبشر لقمان نے ایسا کیوں کہا؟
سراج الحق کا مزید کہنا تھا کہ کل پیپلزپارٹی اور پی ٹی آئی نے کس معاہدے کے تحت چیئرمین اور ڈپٹی چیئرمین سینیٹ کو ایک لائن میں لگ کر ووٹ دیا تھا۔ وہ معاہدہ اب تک قوم کے سامنے نہیں آ سکا۔ کل ایک دوسرے کا سہارا بننے والی پارٹیاں اب الگ اور سابقہ حکومتی و مخالف پارٹیاں ایک ہوچکی ہیں۔
لاہور : چوراں نوں پئے مور تے موراں نوں پئے ہور، عوام الناس پر بجلی بن کر گرنے والے کرپٹ پولیس افسران کی باری آگئی،اطلاعات کے مطابق شہر میں جرائم پر قابو پانا مشکل ہی نہیں ناممکن ہوگیا،لاہور پولیس کے اعلیٰ افسران ہی رشوت خور نکلے،سی پی او بشیر احمد ناصر نے کرپٹ پولیس افسران کی لسٹ تیار کر لی،
ذرائع کے مطابق پولیس افسروں کے قحبہ خانوں، منشیات فروشوں اور جوا خانوں سے رشوت لینے کا انکشاف ، رشوت لینے والے 14 ڈی ایس پیز اور 14 انسپکٹرز کی فہرست نے تہلکہ مچا دیا۔ان پولیس افسروںکے خلاف کارروائی کیے جانے کا امکان پیدا ہوگیا ہے.
معتبر ذرائع کے مطابق ڈی ایس پی ذوالفقاربٹ کا نام رشوت وصول کرنیوالوں میں سرفہرست ہے، ڈی ایس پی لوئرمال شوکت علی شیخ، ڈی ایس پی ملک عبدالغفور، ڈی ایس پی ابراہیم، ڈی ایس پی عثمان، ڈی ایس پی لائسنسنگ امتیاز الرحمان، ڈی ایس پی ڈیفنس سجاد حیدر، ڈی ایس پی لوئر مال نوید اکمل، ڈی ایس پی سی آئی اے عثمان حیدر رشوت خور افسران میں شامل ہیں،
کرپٹ افسران کی فہرست کے مطابق ڈی ایس پی ٹریفک ندیم بٹ، ڈی ایس پی سکیورٹی میاں ابصار بھی رشوت لینے میں پیش پیش ہیں، ڈی ایس پی ٹاؤن شپ اعجاز علی، ڈی ایس پی پی ایچ پی لاہور طاہراقبال وڑائچ، ڈی ایس پی خالد محمود تبسم بھی رشوت خور نکلے،انسپکٹرحسنین حیدر، ایس ایچ او نوانکوٹ علی عباس، ایس ایچ او ملت پارک طاہر اکرام بھی رشوت لینے والوں میں شامل ہیں۔
یہ بھی معلوم ہوا ہے کہ سی سی پی او لاہور بشیر احمد ناصر نے رشوت خور افسران کیخلاف ایکشن لینے کیلئے ڈی آئی جی آپریشنز، ڈی آئی جی انویسٹی گیشن اور ڈی آئی جی سکیورٹی کو مراسلہ تو لکھ دیا مگر پنجاب پولیس کے اعلیٰ افسران کا یہ کارنامہ محکمہ پولیس کی کارکردگی پر کئی سوال چھوڑ گیا۔
لاہور : بلڈ کینسر کے مریض کے مریض نے لاہور بورڈ کے امتحانی طریقہ کار کو ہائیکورٹ میں چیلنج کردیا گیا، جواب میں عدالت نے لاہور بورڈ کے ایگزامینشن رولز 14 دو کو کالعدم قرار دینے کی استدعا مسترد کر دی اور درخواستگزار کو چیئرمین لاہور بورڈ سے رجوع کرنے کی ہدایت کی۔
ذرائع کے مطابق اس کیس میں جسٹس مزمل اختر شبیرنے بلڈ کینسر کے مریض طالبعلم شیردل محمد کی درخواست پر سماعت کی، درخواستگزار نے پنجاب حکومت، سیکرٹری تعلیم، چئیرمین لاہوربورڈ سمیت دیگر کو فریق بناتے ہوئے موقف اختیار کیا کہ وہ بلڈ کینسر کا مریض اور دسویں کلاس کا طالبعلم ہے۔
بلڈ کینسر کے مریض کے مریض شیردل محمد نے کہا کہ وہ مرض کی شدت کے باعث میٹرک کے چارپیپرزنہ دے سکا جس پر فیل کر دیا گیا، درخواستگزار نے استدعا کی کہ عدالت لاہور بورڈ کے امتحانی طریقہ کار اور ایگزامینیشن رولز 14 دو کو کالعدم قرار دے ، لاہور بورڈ کے لیگل ایڈوائزر محبوب اظہر شیخ ایڈووکیٹ نےموقف اختیارکیا کہ درخواستگزار نے چیئرمین لاہور بورڈ سے رجوع نہیں کیا۔
ہائی کورٹ نے اس درخواست کے جواب میں کہا کہ متعلقہ فورم سے رجوع کئے بغیرعدالت میں درخواست دائرنہیں کی جاسکتی، لیگل ایڈوائزر لاہور بورڈ نے استدعا کی کہ عدالت درخواست کو ناقابل سماعت قراردے کر مسترد کرنے کا حکم دے۔ عدالت نے فریقین کے وکلاء کےدلائل سننے کے بعد چیئرمین لاہور بورڈ کوقانون کے مطابق درخواست پر فیصلہ کرنے کا حکم دیتے ہوئے پٹیشن نمٹا دی۔
لاہور: لڑکی کی والدہ روتے رہ گئی جبکہ لڑکی نے والدہ اور خاندان کو ٹھکراتے ہوئے شوہر کے ساتھ جانے کا اعلان کردیا .تفصیلات کے مطابق لڑکی کی جانب سے اغوا کے الزام کی تردید کے بعد عدالت نے شوہر کے ساتھ جانے کا حکم دیدیا، لڑکی کی والدہ فیصلے پر مایوس ہیں، چیخ و پکاراورگریہ سے آسمان سر پر اٹھا لیا۔
ذرائع کے مطابق لاہور ہائیکورٹ کے سنگل بنچ نے رضیہ بی بی کی درخوست پرسماعت کی ، ہائیکورٹ نے پسند کی شادی کرنیوالی لڑکی کو شوہر کے ساتھ جانے کی اجازت دی دی، عدالتی حکم کے بعد لڑکی کی والدہ کی احاطہ عدالت میں چیخ و پکار، سکیورٹی اہلکاروں نے خاتون کو سکیورٹی روم منتقل کردیا۔
درخواستگزار کا کہنا ہے کہ پسند کی شادی کی ہے کسی نے اغوا نہیں کیا، گھر والوں نے شوہر پر اغواء کا مقدمہ درج کروا رکھا ہے۔ لڑکی کا کہنا ہے کہ شوہر کے ساتھ رہنا چاہتی ہوں، جانے کی اجازت دی جائے۔عدالت نے لڑکے اور لڑکی کے حق میںفیصلہ دیتے ہوئے ان کی شادی کو قانونی قرار دیا
لاہور:ابھی تو سلسلہ شروع ہوا ہے شریف خاندان کی کرپشن کی داستانیں بہت طویل ہیں. ان خیالات کا اظہار صوبائی وزیر اطلاعات پنجاب میاں اسلم اقبال نے اپنے دفتر میں پارٹی وفود سے ملاقاتوں کے دوران ان کا کیا . میاں اسلم اقبال کا کہنا تھا کہ کرپٹ عناصر کا واویلا ’چور مچائے شور‘ کے سوا کچھ نہیں ہے، دوسروں کو عدالت جانے کا کہنا ’الٹا چور کوتوال کو ڈانٹے‘ کے مترادف ہے۔
میاں اسلم اقبال نے کہا کہ وزیراعظم عمران خان بلاامتیاز احتساب کو یقینی بنا رہے ہیں، بدعنوانی کے مرتکب افراد کی کوئی چال کامیاب نہیں ہو سکے گی، انہیں حساب دینا پڑے گا۔شریف خاندان کو آڑے ہاتھوں لیتے ہوئے انہوں نے کہا کہ جھوٹ کے واقعی پاؤں نہیں ہوتے، اب ثابت ہو گیا ہے کہ شہباز شریف لندن کی کسی عدالت سے رجوع نہیں کریں گے۔
وزیراطلاعات پنجاب کا کہنا تھا کہ نواز لیگ اور پیپلزپارٹی کا اتحاد صرف کرپشن چھپانے کے لیے ہے۔ اس اتحاد کی وجہ سے دونوں جماعتیں عوام میں اپنی رہی سہی ساکھ بھی کھو بیٹھیں گی۔