لاہور:باغی ٹی وی کے مستقل لکھاری ممتاز عالم دین حافظ ابتسام الحسن ٹریفک حادثہ میں چل بسے, باغی ٹی وی کو موصول اطلاعات کے مطابق حادثہ لاہور انارکلی کے قریب پیش آیا جس کے بعد انہیں ہسپتال منتقل کردیا گیا جہاں وہ جانبر نا ہوسکے ,ان کی نماز جنازہ 4 بجے ڈونگی پارک اسامہ بلاک نشتر کالونی فیروز پور روڈ لاہور میں ادا کی جائے گی.
یاد رہے حافظ ابتسام الحسن لاہور کے علاقے شرقپور روڈ الرحمان گارڈن میں واقع حلیمہ سعدیہ مسجد میں بطور امامت و خطابت فرائض سرانجام دے رہے تھے, ان کے قریبی ساتھیوں کا کہنا ہے کہ وہ عرصہ 13 سال سال رمضان میں نماز تراویح کے فرائض سرانجام دے رہے تھے انکی پرسوز آواز سن کر لوگ خصوصی طور پر تشریف لاتے تھے اور ان کے خطبات اصلاح معاشرہ و تزکیہ نفس کے حوالے سے آگہی پر مشتمل ہوتے .اس کے علاوہ وہ قلمی میدان میں بھی خصوصی مہارت رکھتے تھے جن میں باغی ٹی وی ,روزنامہ جناح دیگر اخبارات کے لئے لکھتے رہے اور بلاگنگ کے حوالے سے پاک بلاگرز فورم کے ساتھ منسلک تھے. حافظ ابتسام الحسن تربیہ اور علم و عمل انسٹیٹیوٹ بطور دینی سکالر لیکچرز ریکارڈ کراتے رہے اور علم و عمل انسٹیٹیوٹ کی طرف سے ان کی پرسوز آواز میں تلاوت بھی ریکارڈ ہوچکی ہے. ان کی خدمات کو ہمیشہ کے لئے یاد رکھا جائے گا.
باغی ٹی وی میں شائع ہونے والے حافظ ابتسام الحسن کے بلاگز:
بچے مسجد میں.. حافظ ابتسام الحسن

رمضان ماہ قرآن.. حافظ ابتسام الحسن

رمضان برکتیں, رحمتیں اور سعادتیں..حافظ ابتسام الحسن

لاہور:لاہور میں لگے گرین پاکستان کے سرکاری اشتہارات سے کشمیر کو پاکستانی نقشے سے نکال دیا گیا ۔ لاہور کی شاہراہوں پرفلیکس پنجاب حکومت ، پی ایچ اے ، لاہور پریس کلب کی تعاون سے لگائے گئے ہیں. گرین پاکستان کے سب سے بڑے سپانسر فائیو سٹار فوم والے بھی ہیں.

ذرائع کے مطابق ضلعی انتظامیہ کی طرف سے پاکستان کا نقشہ کشمیر کے بغیر آویزاں کرنے کا معاملہ شدت اختیار کرگیا ہے اور شہریو‌ں میں اس حوالے سے بہت غصہ پایا جارہا ہے. شہریوں نے مطالبہ کیا ہے کہ اس سازش میں شریک کرداروں کے نام سامنے لائے جائیں اور ان کے خلاف قانونی کارروائی کی جائے

لاہور:چوری اور سینہ زوری یہ شریف خاندان کا وطیرہ بن گیا ہے. ن لیگ تین حصوں میں تقسیم ہوجائے گی .ن لیگ عوام کو بے وقوف نہ بنائے،ان خیالات کا اظہار وزیر کالونیز فیاض الحسن چوہان ڈی جی پی آر ایس میں ایک کانفرنس میں‌کیا ،فیاض الحسن چوہان کا کہنا ہے کہ کشمیری عوام پاکستان کا جھنڈا لیکر چلے ہیں، مودی سرکار سن لے کشمیری عوام تاریخ بدل رہے ہیں۔

ذرائع کے مطابق ڈی جی پی آر میں پریس کانفرنس سے خطاب کرتے ہوئے فیاض الحسن چوہان کا کہنا تھا کہ کشمیری عوام کا خون پی پازیٹو یعنی پاکستان پوزیٹو ہے، کشمیری عوام کی جدوجہد کو پاکستان عوام کی جانب سے خراج تحسین پیش کرتے ہیں کشمیری عوام کے شانہ بشانہ کھڑے ہیں-

اپنے خطاب میں فیاض الحسن چوہان نے کہا کہ ن لیگ والے چوری بھی کرتے ہیں اور آنکھیں بھی دکھاتے ہیں، مریم نواز کو پکڑا کرپشن کے الزام میں جاتا ہے اور کہتے ہیں کہ کشمیر پر تحریک چلانے لگے تھے۔ فیاص الحسن چوہان نے دعوی کیا کہ ن لیگ بکھر چکی ہے

فیاض الحسن چوہان نے کہا کہ آئندہ ایک سال میں وہ تین حصوں میں تقسیم ہوجائے گی۔ انہوں نے کہا کہ مریم نواز کی گرفتاری پر سب سے زیادہ خوشی شہباز شریف کو ہوئی ہے۔صوبائی وزیر نے کہا کہ عید کے روز ناشتے میں نواز شریف کی خواہش تو بونگ پائے کھانے کی ہوگی لیکن ڈاکٹر ہی فیصلہ کریں گے کہ انہوں نے کیا کھانا ہے۔

لاہور: احتساب عدالت کے باہر مسلم لیگ (ن) کی رہنما عظمیٰ بخاری بے ہوش ہوگئیں۔عظمی بخاری رش اور دھکم پیل کی وجہ سے گرکر بے ہوش ہوگئیں. ذرائع کے مطابق پولیس کے ساتھ مزاحمت کے دوران رکن اسمبلی عظمیٰ بخاری احتساب عدالت کے باہر رش اور گرمی کی وجہ سے بے ہوش ہوگئیں، ریسکیو نے عظمیٰ بخاری کو ہسپتال منتقل کردیا۔

ذرائع کے مطابق آج احتساب عدالت میں مسلم لیگ ن کےقائدین کی احتساب عدالت میں آج پیشی کے موقع پر ن لیگی اراکین اسمبلی خواجہ عمران نذیر،بلال یاسین،رمضان صدیق بھٹی،کنول لیاقت اورعظمی بخاری نے پولیس سے احتساب عدالت کےاحاطہ میں جانے کی اجازت مانگی،اجازات نہ ملنےپر کارکنوں نے زبردستی قدم بڑھائےتو پولیس کی جانب سےلاٹھی چارج کیا گیا.

احتساب عدالت سے ذرائع کے مطابق خاتون رکن صوبائی اسمبلی عظمی بخاری اور پولیس کےدرمیان دھکم پیل ہوئی،پولیس اہلکار کی جانب سے عظمی بخاری کونامناسب طریقےسے روکنے پر خاتون رکن نے تھپڑدے مارا، عظمیٰ بخاری کا کہنا تھا کہ ایسا تو کبھی دورآمریت میں بھی نہیں ہوا۔

لاہور : لاہور کو خوبصورت سے خوبصورت بنانے کے منصوبوں پر کام شروع ، تفصیلات کے مطابق لاہور ڈویلپمنٹ اتھارٹی کی گورننگ باڈی اجلاس میں سال 2019-20 کیلئے ایل ڈی اے اربن ڈویلپمنٹ ونگ اور واسا کے بجٹ کی منظوری دے دی گئی، ایل ڈی اے اربن ڈویلپمنٹ ونگ کو مجموعی طور پر 34 ارب 52 کروڑ 78 لاکھ روپے سے زیادہ کے وسائل دستیاب ہونگے۔

اطلاعات کے مطابق گورننگ باڈی کا اجلاس وائس چیئرمین ایل ڈی اے ایس ایم عمران کی زیر صدارت منعقد ہوا، اجلاس میں ایم پی اے سعدیہ سہیل رانا، میجر ریٹائرڈ سید برہان علی، انجینئر عامر ریاض قریشی اور ڈائریکٹر جنرل ایل ڈی اے محمد عثمان معظم سمیت محکمہ پی اینڈ ڈی، ہاؤسنگ، بلدیات، فنانس اور کمشنر لاہور کے نمائندوں نے شرکت کی،

18 ارب 82 کروڑ 25 لاکھ روپے ترقیاتی کاموں پر خرچ کیے جائیں گے ،جس میں 35 کروڑ روپے ایل ڈی اے ایونیو ون، 23 کروڑ روپے فنانس اینڈ ٹریڈ سنٹر جوہر ٹاؤن میں سڑکوں کی تعمیر، واٹر سپلائی اور سیوریج پر خرچ ہونگے، 11 کروڑ روپے ایل ڈی اے کی مختلف رہائشی سکیموں میں ترقیاتی منصوبوں کیلئے مختص کیے گئے ہیں،

کل اخراجات کا تخمینہ 17 ارب 75 کروڑ روپے لگایا گیا ہے جبکہ فراہمی و نکاسی آب کے ترقیاتی منصوبوں پر 3 ارب 80 کروڑ 92 لاکھ روپے خرچ کیے جائیں گے۔ مقامی شہریوں کا کہنا ہے کہ اتنے بڑے شہر کے لیے یہ رقم معمولی ہے. بہر کیف حکومت نے کچھ کرگزرنے کا ارادہ تو کیاہے ،