Category: لاہور

فیس بک نے کشمیری لیڈر برہان وانی شہید کی تصاویر اور بھارتی مظالم پر مبنی دیگر مواد والے اکاؤنٹس اور پوسٹیں ڈیلیٹ‌ کرنا شروع کر دی ہیں جس پر سوشل میڈیا صارفین نے شدید احتجاج کیا ہے،

باغی ٹی وی کی رپورٹ کے مطابق سوشل میڈیا صارفین نے باغی کو بعض پوسٹیں بھیجی ہیں جن میں دکھایا گیا ہے کہ صرف برہان وانی کی تصویر شیئر کرنے پر فیس بک انتظامیہ کی طرف سے انہیں‌ نوٹس بھیجا گیا اور پھر یہ پوسٹیں ڈیلیٹ کر دی گئی ہیں، سوشل میڈیا صارفین نے اس امر پر شدید احتجاج کیا ہےکہ فیس بک، ٹویٹر اور سوشل میڈیا کے  جتنے بھی ذرائع ہیں ان کی طرف سے بھارت نوازی کا مظاہرہ کیا جاتا ہے اور کشمیر سے متعلق بھارتی دہشت گردی کے خلاف مواد پھیلنے سے روکا جاتا ہے،

متاثرہ شہریوں کا کہنا ہے کہ کشمیر میں اس وقت بدترین دہشت گردی جاری ہے اور نہتے شہریوں کے خلاف کلسٹر بم استعمال کئے جارہے ہیں لیکن ایسا مسئلہ جس کے متعلق یو این نے قراردادیں پاس کر رکھی ہیں اس کے متعلق بات کرنے اور برہان وانی جیسے عظیم کشمیری شہداء کی تصاویر شیئر کرنے پر پوسٹیں اور اکاؤنٹس ڈیلیٹ کر دیے جاتے ہیں، یہ امر انتہائی افسوسناک ہے اور حکومت پاکستان کو چاہیے کہ وہ اس صورتحال کا نوٹس لے اور فیس بک انتظامیہ سے خاص طور پر اس کی بھار ت نوازی سے متعلق بات کی جائے

برہان وانی کی تصویر شیئر کرنے والے جس کی پوسٹ ڈیلیٹ کر دی گئی اس کا کہنا ہے کہ کیا آپ تصور کر سکتے ہیں کہ انڈیا کس حد تک چلا گیا ہے، کشمیر میں خون بہہ رہا ہے اور فیس بک پر برہان وانی کی تصویر لگانا بھی جرم بن کر رہ گیا ہے،

واضح‌ رہے کہ فیس بک انتظامیہ میں انڈین لابی پوری طرح متحرک ہے اور برہان وانی سمیت کشمیر کی تحریک آزادی سے متعلق تصاویر لگانے پر فیس بک اکاؤنٹ بھی فوری ڈیلیٹ کر دیے جاتے ہیں، جب بھی کشمیر میں قتل عام میں تیزی آتی ہے اور لوگ بھارتی ظلم و دہشت گردی کے خلاف سوشل میڈیا پر آواز اٹھاتے ہیں‌ تو فیس بک انتظامیہ میں موجود بھارتی لابی فوری متحرک ہوتی ہے اور ہزاروں کی تعداد میں لوگوں کے اکاؤنٹس ڈیلیٹ کر دیے جاتے ہیں، پچھلے چند برسوں‌ میں اکثر مواقع پر یہ صورتحال دیکھنے میں آئی ہے،

باغی ٹی وی کے نمائندے خنیس الرحمن کی طرف سے چند دن قبل چیئرمین کشمیر کمیٹی سید فخر امام کی توجہ بھی اس جانب مبذول کروائی گئی تو ان کا کہنا تھا کہ آپ یہ باتیں ہمارے نوٹس میں‌ لائیں ہم اس بارے میں جائزہ لیں گے.

انٹرنیشنل ہیومن رائٹس موومنٹ کے مرکزی وصوبائی عہدیداران نے لاہورمیں بھارتی بربریت کیخلاف ایک بڑے احتجاجی مظاہرے سے خطاب کرتے ہوئے کہا ہے کہ مودی مائنڈسیٹ سے دنیامیں اپ سیٹ ہوسکتا ہے۔بھارت کے متعصب حکمران عالمی امن کیلئے زہرقاتل ہیں۔انتہاپسندمودی کی ایک چنگاری خدانخواستہ دنیا کوراکھ کاڈھیربناسکتی ہے ۔دنیادوایٹمی ملکوں کے درمیان تصادم کی متحمل نہیں ہوسکتی،شایداس آگ سے کوئی ملک محفوظ نہ رہے اسلئے مقتدرقوتوں کوکشمیریوں کی آزادی کیلئے اپناکلیدی کرداراداکرناہوگا۔

باغی ٹی ویی کی رپورٹ کے مطابق مقررین نے بھارتی بربریت پرشدیدغم وغصہ کااظہارکرتے ہوئے شیرخواربچوں سمیت معصوم شہریوں پرکلسٹربمباری کی شدیدمذمت کی ہے ۔بھارت کشمیریوں کی نسل کشی کرکے جموں وکشمیر کی آئینی وقانونی حیثیت تبدیل نہیں کرسکتا ۔اگربھارت میں مٹھی بھر بھی انسانی حقوق کے علمبردارہیں تووہ نریندرمودی کیخلاف اٹھ کھڑے ہوں۔بھارت بدترین جارحیت کے باوجود جموں وکشمیرمیں ہارگیا،بھارت کاوہاں مزیدفوج بھجوانامدہوش عالمی ضمیر کوجھنجوڑنے کیلئے کافی ہے ۔ کشمیریوںکے مقدس خون سے دریندرمودی کاداغداردامن صاف نہیں ہوسکتا۔مظاہرین نے اپنے ہاتھوں میں بھارت سے اظہار نفرت ومذمت کیلئے بینرز اورپلے کارڈاٹھائے ہوئے تھے ۔

انٹرنیشنل ہیومن رائٹس موومنٹ کے مرکزی صدرمحمدناصراقبال خان،مرکزی سیکرٹری جنرل محمدرضاایڈووکیٹ، سینئر نائب صدورتنویرخان ،میاں محمداشرف عاصمی ایڈووکیٹ،ندیم اشرف ،ناصرقریشی،مخدوم وسیم قریشی،مرکزی ایڈیشنل سیکرٹری جنرل سلطان حسن بٹ، مرکزی نائب صدور سلمان پرویز ، ناصرچوہان ایڈووکیٹ ،ممتازاعوان،محمدشاہدمحمود اورصدرپنجاب محمدیونس ملک نے مظاہرے سے خطاب کرتے ہوئے مزید کہا کہ برطانیہ کے بعدامریکاتنازعہ کشمیر پرثالثی کرناچاہتا ہے مگربھارت مسلسل انکارکررہا ہے مگر وہ اس طرح راہ فراراختیار نہیں کرسکتا ۔بھارت کونہتے مسلمانوں کی نسل کشی پرعالمی برادری کوجواب دیناہوگا۔ انہوں نے کہا کہ دنیا کاکوئی باضمیرانسان کشمیریوں پرہونیوالے ظلم وستم سے چشم پوشی نہیں کرسکتا ۔نریندرمودی کاجنون دنیا کوخون میں ڈبودے گا ،جموں وکشمیر بھارت کااٹوٹ انگ نہیں پاکستان کی شہ رگ ہے۔ انہوں نے کہا کہ ٹرمپ کی طرف سے تنازعہ کشمیر پرثالثی کابیان امریکا کاامتحان بن گیا ،اگرامریکا واقعی دنیاکی سپرپاورہے تووہ اوراس کے اتحادی بھارت کولگام دیں۔

وزیراعلیٰ پنجاب سردار عثمان بزدار نے مقبوضہ کشمیر میں بھارتی فوج کی ریاستی دہشت گردی کی شدید مذمت کی اور کہا ہے کہ کشمیریوں کی شہادت پر دکھ اور افسوس کا اظہار اورشہداء کے لواحقین سے دلی ہمدردی اور تعزیت کا اظہار کیاہے،

باغی ٹی وی کی رپورٹ کے مطابق وزیراعلی عثمان بزدار نے کہا کہ بھارتی افواج نے مقبوضہ جموں وکشمیر کی وادی کو معصوم کشمیریوں کے خون سے نہلا دیا ہے اوربھارتی فوج نے نہتے کشمیری عوام پر ظلم و ستم کی انتہا کردی ہے، بھارتی ظلم و ستم اور تشدد کی جتنی بھی مذمت کی جائے کم ہے، وزیراعلیٰ نے کہاکہ ریاستی دہشت گردی کے ذریعے بھارت کشمیریوں کی تحریک آزادی کا گلا نہیں گھونٹ سکتا۔ بھارتی ظلم و ستم کے باوجود کشمیری عوام میں آزادی کی تڑپ مزید بڑھی ہے۔کشمیر کی آزادی کی صبح شہدائے کشمیر کے خون سے طلوع ہوگی۔ انہوں نے کہاکہ بھارت جان لے کہ وہ ظلم کے پہاڑ توڑ کر بھی کشمیری عوام کی تحریک آزادی کو نہیں دبا سکتا۔ بھارتی مظالم مقبوضہ کشمیر کے غیور عوام کے دلوں میں جذبہ حریت کو ختم نہیں کر سکتے،

سردارعثمان بزدار نے کہاکہ بھارتی ظلم و ستم پر عالمی برادری کی خاموشی کا کوئی جواز نہیں۔عالمی برادری مقبوضہ کشمیر میں بھارتی فوج کی وحشیانہ کارروائیاں رکوانے میں اپنا کردار ادا کرے۔ انہوں نے کہاکہ مقبوضہ کشمیر میں انسانی حقوق کی کھلم کھلا خلاف ورزی پر عالمی برادری کو بیدار ہونا پڑے گا۔ آزادی کشمیری عوام کا حق ہے جو انہیں ہر صورت ملنا چاہیئے۔وزیراعلیٰ نے کہاکہ پاکستانی قوم کشمیر ی عوام کے ساتھ کھڑی تھی،ہے اور رہے گی اورکشمیری عوام کی اخلاقی اور سفارتی حمایت جاری رکھیں گے -پاکستان کی پوری قوم کشمیری عوام کے ساتھ بھرپور یکجہتی کا اظہار کرتی ہے- انہوں نے کہاکہ لائن آف کنٹرول پر شہری آبادی کو کلسٹر بموں سے نشانہ بنانا مودی سرکار کا وحشیانہ فعل ہے- بھارت جنگی جنون میں خطے کا امن تباہ کرنے پر تلا ہوا ہے-مودی سرکار کے جارحیت پسند عزائم کی پرزور مذمت کرتے ہیں -عثمان بزدارنے کہاکہ شہری آبادی کو کلسٹر بموں سے نشانہ بنانا بھارت کا پاگل پن ہے، معصوم شہریوں کو کلسٹر بموں سے نشانہ بنا کر بھارت کا مکروہ اور گھناؤنا چہر ہ دنیا کے سامنے ایک بار پھر بے نقاب ہوگیا ہے-

انہوں نے کہاکہ بھارت نے کلسٹر بم استعمال کر کے انسانی حقوق کی کھلم کھلا خلاف ورزیاں کی ہیں -بھارت غلط فہمی میں نہ رہے، پاکستان کی بہادر مسلح افواج کسی بھی جارحیت کا منہ توڑ جواب دینے کی بھرپور صلا حیت رکھتی ہیں -عثمان بزدارنے کہاکہ وطن عزیز کی عزت، وقار اور سلامتی کیلئے پوری قوم پاکستان کی مسلح افواج کے شانہ بشانہ کھڑی ہے-شہداء کے لواحقین کے ساتھ دلی ہمدردی ہے اوردعا گو ہیں کہ اللہ تعالیٰ زخمیوں کو جلد صحت یاب کرے-

پاکستان مسلم لیگ (ن) نے مقبوضہ کشمیر میں‌ جاری بھارتی فوج کی ریاستی دہشتگردی کی شدید مذمت کرتے ہوئے حریت قائدین کو یقین دلایا ہے کہ وہ مشکل کی اس گھڑی میں ان کے ساتھ ہیں،

باغی ٹی وی کی رپورٹ کے مطابق انہوں نے کہاکہ کپواڑہ میں‌ سات کشمیری نوجوانوں کا قتل قابل مذمت ہے، نریندر مودی ہوش کے ناخن لینے چاہئیں اور یاد رکھیں کہ بے گناہ انسانوں کا خون ظالم اقوام اور ریاستوں کو کھاجاتا ہے، شہباز شریف کا کہنا تھا کہ سلامتی کونسل کے پانچ مستقل ارکان سمیت پوری دنیا کو مقبوضہ وادی میں بھارتی فوج کی بربریت کا فوری نوٹس لینا چاہیے،

انہوں نے حریت قائدین سید علی گیلانی، میر واعظ عمر فاروق، یٰسین ملک اور دیگر قائدین کو یقین دلایا کہ پوری قوم ان کے ساتھ ہے، کشمیریوں کی جدوجہد آزادی جلد کامیابی سے ان شاء اللہ ہمکنار ہو گی، اپنے ایک بیان میں شہباز شریف نے سیکیورٹی اداروں اورپولیس کے شہداء کی عظیم قربانیوں‌پر انہیں خراج تحسین پیش کیا اور کہا ہے کہ شہداکےلواحقین کوسلام ،ان کے پیاروں نے مادروطن کیلیے جانیں قربان کیں،ارضِ وطن کیلیے جانوں کےنذرانے دینے والے قوم کے اصل ہیروہیں، اللہ تعالیٰ شہداکےدرجات بلند فرمائے اور ان کےاہلخانہ کو صبر جمیل دے،