وزیر اعظم عمران خان کی طرف سے نواز شریف اور زرداری کے کمروں سے اے سی اتارنے کے اعلان پرڈاکٹرز کے حوالہ سے کہا جارہا ہے کہ نواز شریف کے کمرے میں اے سی ڈاکٹرز کی ہدایات پر لگایا گیا ہے، ڈاکٹرز کی رپورٹس کے مطابق نواز شریف کی جان کو خطرہ ہو سکتا ہے،

نواز شریف ڈیل، ایک ملک کے بادشاہ نے انکی طرف سے رقم دینے کا کہا لیکن…؟ شیخ رشید نے بڑا دعویٰ کر دیا

باغی ٹی وی کی رپورٹ‌ کے مطابق ڈاکٹر اظہر کیانی نے رپورٹ میں نواز شریف کے گردے فیل ہونے کا خدشہ ظاہر کیا تھا، نواز شریف کو گھبراہٹ اورطبیعت کی خرابی کی بڑی وجہ پانی کی کمی بتائی گئی، ڈاکٹر اظہر کیانی کے حوالہ سے کہا گیا ہے کہ پسینے اور پانی کی کمی سے میڈیکل ایمرجنسی ہو سکتی ہے، پانی کی کمی سے گردے فیل ہو سکتے ہیں، دل کی تکلیف کااندیشہ ہے،

نواز شریف کی حکومت سے ڈیل، پچاس کروڑ کی پہلی قسط آ گئی، زرداری کے بھی سات بلین ڈالر آئیں گے، پی ٹی آئی لیڈر کا بڑا دعویٰ‌

ڈاکٹر حامد شریف خان نےبھی نوازشریف کی طبیعت خرابی کی وجہ ڈی ہائیڈریشن بتائی ہے، ڈاکٹر حامد شریف کی جانب سے کہا گیا ہے کہ پانی کی کمی سے نواز شریف کوما میں جا سکتے ہیں، پانی کی کمی سے نواز شریف کو دل کی تکلیف کا خدشہ ہو سکتا ہے،

صوبائی وزیر سید صمصام علی بخاری نے کہا ہے کہ وزیر اعظم عمران خان کے کامیاب دورہ امریکہ سے مخالفین کی امیدوں پر اوس پڑ گئی ہے، دورہ امریکہ سے وزیراعظم عمران خان نے نے ملک وقوم کے وقار میں اضافہ کیا ہے،

باغی ٹی وی کی رپورٹ کے مطابق وزیراعظم عمران خان کے دورے پر تنقید برائے تنقید کر کے پیپلز پارٹی اور نواز لیگ اپنی رہی سہی ساکھ بھی کھو بیٹھی ہیں، صوبائی وزیر نے کہا کہ اپوزیشن عوامی حمایت سے یکسر محروم ہو چکی ہے اور اپنے رہنماؤں کی کرپشن اور منی لانڈرنگ جیسے غیرقانونی دھندوں میں ملوث ہونے کے باعث اس میں اب کسی قسم کا دم خم نہیں رہا،

صوبائی وزیر نے کہا کہ اپوزیشن احتجاج کی بجائے عدالتوں میں اپنے اعمال کا جواب دے۔ انہوں نے کہا کہ منشیات کے ملزم کی حمایت میں ریلی کونسی جمہوریت ہے؟  سیدصمصام علی بخاری نے کہا کہ عوام احتجاج کرنے والوں کا ساتھ نہیں دیں گے۔ انہوں نے کہا کہ وزیراعظم عمران خان کو دنیا بھر میں پذیرائی ملی رہی ہے،

محکمہ صحت نے پنجاب میں پولیوکے خاتمے کے لیے جامع پلان تیارکر لیا ہے، چیف سیکرٹری پنجاب کوصوبائی کوآرڈینیٹربرائےانسداد پولیوسلمان غنی کی طرف سے بریفنگ دی گئی،

باغی ٹی وی کی رپورٹ کے مطابق کوآرڈینیٹربرائےانسداد پولیوسلمان غنی نے کہاکہ پلان قلیل، وسط اورطویل مدتی اقدامات پرمشتمل ہے، اس موقع پر گفتگو کرتے ہوئے چیف سیکرٹری پنجاب نے کہاکہ پولیو کےمکمل خاتمے کے لیے مشترکہ اورمسلسل کوششوں کی ضرورت ہے، پولیوکےخاتمےکےلیےقومی جذبےسےکام کرناہوگا،

چیف سیکرٹری پنجاب یوسف نسیم کھوکھر کا کہنا تھا کہ انسدادپولیوکےلیےاقدامات کےسلسلےمیں غفلت برداشت نہیں کی جائےگی،

پاکستان مسلم لیگ ن کی نائب صدر مریم نواز نے کہا ہے کہ پاکستانیو! سیلیکٹڈ سے پوچھو کہ یہ امریکہ جانے سے پہلے انکے ساتھ کیا شرائط طے کر کے گیا ہے؟

پاکستانیو ! سیلیکٹڈ سے پوچھو کہ یہ امریکہ جانے سے پہلے انکے ساتھ کیا شرائط طے کر کہ گیا ہے؟

— Maryam Nawaz Sharif (@MaryamNSharif) July 22, 2019

باغی ٹی وی کی رپورٹ کے مطابق یہ بات انہوں نے سوشل میڈیا سائٹ ٹویٹر پر اپنے پیغآم میں کہی ہے، مریم نواز نے آصف توقیر نامی ایک شخص کی طرف سے کی گئی اس ٹویٹ کو بھی ری ٹویٹ‌کیا ہے جس میں‌انہوں نے لکھا ہے کہ جلسے یا کمیونٹی خطاب میں مضائقہ کوئی نہیں، مگر سوال یہ ہے کہ لاکھوں ڈالر خرچ کر کے اس ایونٹ کی ضرورت کیا تھی؟ غیرملکی دورہ خارجہ پالیسی سے تعلق رکھتا ہے، مگر دورے میں کلیدی اہمیت امریکا میں جلسہ؟ خان صاحب نے ایسا کیا کہا، جو امریکا جا کر کہا جا سکتا تھا؟

کیونکہ اب پاکستان میں نا وہ عوام میں نکل سکتا ہے نا شکل دکھا سکتا ہے۔ https://t.co/Ebk5gxTpG6

— Maryam Nawaz Sharif (@MaryamNSharif) July 22, 2019

مریم نواز نے اس ٹویٹ‌ کے جواب میں‌ لکھا ہے کہ کیونکہ اب پاکستان میں نا وہ عوام میں نکل سکتا ہے نا شکل دکھا سکتا ہے۔

پاکستان کاٹن جنرز ایسوسی ایشن کے سابق چیئرمین سہیل محمود کھرل نے کہا ہے کہ سینئر اینکر پرسن مبشر لقمان کی جانب سے کاٹن پر ظالمانہ ٹیکس لگائے جانے کیخلاف بھرپور آواز بلند کرنے اور ہماری آواز اعلیٰ‌ حکام تک پہنچائے جانے پر ہم ان کے شکر گزار ہیں،

سہیل محمود کھرل نے باغی ٹی وی سے خصوصی گفتگو کرتے ہوئے کہا کہ مبشر لقمان نے ہمیں‌ کھرا سچ پروگرام میں وقت دیا اور پھر انہی کی وساطت سے ہم پی ٹی آئی لیڈر جہانگیر ترین سے ملے، ہم نے انہیں کاٹن پر لگائے گئے ظالمانہ ٹیکس سے آگاہ کیا، انہوں نے ہماری بات سنی، سمجھی اور پھر چیئرمین ایف بی آر شبر زیدی کو فون کیا جس پر ہم ان سے بھی ملے اور کاٹن انڈسٹری کو درپیش مسائل سے آگاہ کیا، انہوں نے کہاکہ چیئرمین ایف بی آر شبر زیدی نے ہمارے ساتھ وعدہ کیا ہے کہ وہ کاٹن پر ظالمانہ ٹیکس ختم کریں گے،

سہیل محھمود کھرل نے کہاکہ ہمیں امید ہے کہ حکومی ذمہ داران اپنا کیا ہوا وعدہ پورا کریں گے، کاٹن پر ظالمانہ ٹیکس سے کسانوں پر زبردست بوجھ پڑا ہے، انہوں نے کہاکہ میں ایک بار پھر سینئر اینکر پرسن مبشر لقمان، پی ٹی آئی لیڈر جہانگیر ترین، کسان اتحاد کے صدر خالد محمود کھوکھر، اسد قیصر، فخر امام اور صاحبزادہ محمود سلطان کا شکریہ ادا کرتا ہوں جنہوں نے ہمارے ساتھ بھرپور تعاون کیا ہے.

لاہور پولیس کی نا اہلی . گرمی کی شدت سے 20 ملزمان بے ہوش ہو گئے.ملزمان کو عدالت پیش کرنے کے بجائے ہسپتال منتقل کرنا پڑا.

باغی ٹی وی رپورٹ کے مطابق.لاہور پولیس کی نا اہلی کی وجہ اورگرمی کی شدت سے 20 ملزمان بے ہوش ہو گئے.ملزمان کو عدالت پیش کرنے کے بجائے ہسپتال منتقل کرنا پڑا.ملزمان جیل کے بجائے ہستال منتقل کر دیا گیا جہاں ان کو ابتدائی طبی امداد دی جا رہی ہے.

منشیات کیس میں گرفتار مسلم لیگ ن پنجاب کے صدر رانا ثناء اللہ کو گھر کا کھانا دینے کی درخواست عدالت نے مسترد کر دی

باغی ٹی وی کی رپورٹ کے مطابق لاہور کی سیشن عدالت میں رانا ثناء اللہ کو گھر کا کھانا دینے کے حوالہ سے کیس کی سماعت ہوئی، سیشن جج لاہور قیصر نذیر بٹ نے کیس کی سماعت کی، عدالت نے رانا ثناء اللہ کے وکیل کو حکم دیا کہ اس ضمن میں جیل کے سپریڈنٹ سے رجوع کیا جائے.

جیل حکام کی جانب سے عدالت میں کہا گیا کہ رانا ثناء اللہ کو بہترین کھانا دیا جا رہا ہے، رانا ثناء اللہ کا جیل میں روزانہ چیک اپ ہوتا ہے اور اسی بنیاد پر کھانا دیا جاتا ہے، جیل حکام نے اپنی رپورٹ میں یہ بھی کہا کہ رانا کی طبیعت بالکل ٹھیک ہے. رانا ثناء اللہ کے وکیل فرہاد علی شاہ نے عدالت میں موقف اپنایا تھا کہ رانا ثناء اللہ کی صحت ٹھیک نہیں اس لئے انہیں گھر کا کھانا جیل میں دینے کی اجازت دی جائے،.عدالت نے وکیل کو متعلقہ فورم پر رجوع کرنے کا حکم دیتے ہوئے کہا کہ اس ضمن میں جیل حکام سے رابطہ کیا جائے.

واضح رہے کہ رانا ثناء اللہ کو اے این ایف نے گرفتار کیا تھا، گرفتاری کے بعد انہیں عدالت میں پیش کیا گیا ،عدالت نے جوڈیشل ریمانڈ پر رانا ثناء اللہ کو جیل بھجوا دیا تھا. رانا ثنا اللہ کو جیل میں عام قیدی کی سہولیات میسر ہیں ،رانا ثنااللہ کو منشیات فروشوں کے مخصوص سیل میں رکھا گیا ہے ، منشیات فردوشوں کو جیل میں سہولیات میسر نہیں ہوتیں ،جیل قوانین کے مطابق منشیات فروشوں کو بی کلاس نہیں دی جاتی .

رانا ثناء اللہ کے خلاف درج ایف آئی آر میں لکھا گیا ہے کہ جب رانا ثناء اللہ کو روکا گیا تو انہوں نے بدتمیزی کی اور گریبان پکڑے، رانا ثناء اللہ نے ناجائز اختیارات کا استعمال کرتے ہوئے منشیات سمگل کرنے کی کوشش کی، رانا ثناء اللہ کی گاڑی سے 21 کلو منشیات ملی جس میں سے 15 کلو ہیروئن بھی شامل تھی، رانا ثناء اللہ کے خلاف مخبر کی اطلاع پر کاروائی کی گئی خبرنےاطلاع دی راناثنااللہ کی گاڑی میں منشیات ہے راناثنااللہ کی گاڑی کوروکنے کیلئےحکمت عملی مرتب کی گئی موٹروے سےآنیوالی تمام گاڑیوں کی چیکنگ کی گئی

مسلم لیگ ن کی ترجمان مریم اورنگزیب نے کہا ہے کہ 126 دن کے دھرنے میں بجلی گیس کے بل جلائے گئے،

منتخب وزیراعظم کی گرفتاریاں سلیکٹڈ کے کہنے پر ہورہی ہیں:مریم اورنگزیب

باغی ٹی وی کی رپورٹ کے مطابق دھرنے میں سول نافرمانی کا اعلان، شہروں کا لاک ڈاؤن کیاگیا، آپ کے ڈر میں فرق صرف اتنا ہے کہ نواز شریف منتخب وزیراعظم تھے ، آپ کی وزارت عظمیٰ کی کرسی عوام کے ووٹوں سے نہیں جڑی،

مریم اورنگزیب نے کہاکہ ان شاءاللہ نوازشریف پھررہا ہونگے اور منھگائی بے روزگاری کا خاتمہ ہوگا،