Category: لاہور

لاہور:پنجاب کے سرکاری ہسپتالوں میں اسٹیٹ آف دی آرٹ ریفرل سسٹم نافذ کرنے کا فیصلہ کر لیا گیا جس کیلئے وزیراعلیٰ پنجاب مریم نواز نے ریفرل سسٹم کے نفاذ کیلئے جامع پلان طلب کر لیا ۔

باغی ٹی وی : تفصیلات کے مطابق مراکز صحت، ہیلتھ کلینک اور چھوٹے ہسپتالوں سے سپیشلائزڈ ہسپتالوں میں مریضوں کا بے جا لوڈ کم کرنے کے لئے فول پروف ریفرل سسٹم نافذ کیا جائے گا وزیراعلیٰ مریم نواز کی زیر صدارت خصوصی اجلاس منعقد ہوا جس میں ہیلتھ ریفار مز کا جائزہ لیا گیا۔

اجلاس میں فیصلہ کیا گیا کہ ٹیکساس، جدہ، دوحہ کی طرز پر لاہور میں سٹیٹ آف دی آرٹ میڈیکل سٹی قائم کیا جائے گا،عالمی معیار کے میڈیکل سٹی کے قیام کے لیے پروفیشنل کنسلٹنٹ کی خدمات حاصل کی جائیں گی میڈکل سٹی لاہور میں بہترین پرائیویٹ ہسپتال قائم کرنے کے لیے بنیادی سہولتیں حکومت پنجاب فراہم کرے گی۔

وزیراعلیٰ مریم نواز نے میڈیکل سٹی لاہور کے لیے مناسب مقام پر اراضی مختص کرنے کی ہدایت کی، اجلاس میں میڈیکل سٹی اتھارٹی کے قیام کی اصولی منظوری دی گئی، اجلاس میں ہر ڈویژنل ہیڈ کوارٹر میں میڈیکل سٹی قائم کرنے کا بھی اصولی فیصلہ کیا گیا، وزیراعلیٰ مریم نواز نے ڈسٹرکٹ لیول پر سٹیٹ آف دی آرٹ میڈیکل فیسلٹی قائم کرنے کے لئے اقدامات کی ہدایت کی، سرکاری ہسپتالوں سے متعلق امور کے لئے خصوصی ہیلپ لائن 999بھی قائم کی جائے گی۔

اجلاس میں سیکرٹری سپیشلائزڈ ہیلتھ اینڈ میڈیکل ایجوکیشن نے ہیلتھ ریفارمزکے بارے میں تفصیلی بریفنگ پیش کی، بریفنگ میں بتایا گیا کہ سرکاری ہسپتالوں میں انفیکشن کنٹرول کے سلسلے میں 92فیصد بہتری آئی ہے جبکہ ادویات کی فراہمی کے عمل میں 92فیصد بہتر ی کا مشاہدہ کیا گیا ہے، لاہور کے ہسپتالوں میں مریضوں کو دستیاب سہولتوں میں 83 اورڈیوٹی روسٹر ڈسپلے احکامات پر 75فیصد عملدرآمد ہورہا ہے۔

بریفنگ میں بتایا گیا کہ ہسپتالوں میں مریضوں کے شکایات کے ازالے کے سسٹم میں 75، ہسپتالوں میں کیو(que) مینجمنٹ سسٹم میں 71 اور ہسپتالوں میں صفائی کے امور میں 84 فیصد بہتری نوٹ کی گئی ہے ہوم ڈلیوری میڈیسن میں کامیابی کا تناسب 83، پارکنگ اور کیفے ٹیریا سے متعلق امور میں 84، پتھالوجی اور ڈائیگناسٹک، بلڈ بنک کے امور میں 93 اورفائی سیفٹی کے امور میں 83 فیصد بہتری آئی ہے۔

وزیراعلیٰ مریم نواز نے کہا کہ ہسپتالوں میں مریضوں کو سٹیٹ آف دی آرٹ سروسز فراہم کرنے کے لیے پرعزم ہیں۔

وزیراعلیٰ پنجاب کا آفس سے واپسی پر اچانک سروسز ہسپتال کا دورہ

لاہو: وزیراعلیٰ پنجاب مریم نواز نے آفس سے واپسی پر اچانک سروسز ہسپتال کا دورہ کیا۔

باغی ٹی وی : وزیراعلیٰ مریم نواز نے سروسز ہسپتال کے ایمرجنسی وارڈ کا تفصیلی معائنہ کیا مریضوں کو دستیاب سہولتوں کی فراہمی کا جائزہ لیا اوروارڈ میں مریضوں کے علاج کا مشاہدہ کیا وزیراعلیٰ نے ایمرجنسی وارڈ میں مریضوں اور تیمارداروں سے ادویات کی دستیابی کے بارے میں دریافت کیا۔

وزیراعلیٰ مریم نواز نے سروسز ہسپتال کے انتظامات پر اطمینان کا اظہار کیا اور ایمرجنسی میں زیر علاج مریضوں سے بات چیت کی، وزیر اعلیٰ نے ننھے مریض سے ہلکی پھلکی گفتگو کی، خواتین سے مصافحہ کیا اور حال چال بھی دریافت کیا۔

وزیراعلیٰ مریم نواز نے کہا کہ جناح اور میو ہسپتال میں ایکشن لینے سے ہسپتالوں کے حالات میں بہت بہتری آئی جناح ہسپتال میں ادویات ڈبوں میں بند پڑی تھیں لیکن مریضوں کو نہیں مل رہی تھیں، فوری ایکشن کی وجہ سے مریضوں کو ریلیف ملا سروسز ہسپتال سےخوش ہوکر جارہی ہوں کسی نےنہیں کہا کہ ادویات باہر سے لانی پڑی، مریضوں کو انتظار بھی نہیں کرنا پڑتاہسپتالوں میں اناؤنسمنٹ ہورہی ہیں حکومت مفت میڈیسن دے رہی ہے، اگر آپ سے کوئی آپ سے پیسے لے تو آپ نے نہیں دینے۔

حکومت نجکاری کے عمل کو تیز کرنے کے لیے پرعزم ہے ،وزیر خزانہ

وزیر اعلیٰ نے کہا کہ عوام کے لیے ہسپتالوں کو چیک کرنا وزیراعلیٰ کی ذمہ داری ہے وزیراعلیٰ کا م نہیں کرے گا تو نیچے والے لوگ کیسے کام کریں گے فیلڈ میں جاکر حالات کا جائزہ لینا وزیراعلیٰ کا کام ہے، آفس میں کرسی پر نہیں بیٹھ سکتی وزیراعلیٰ کا کام ٹانگ پر ٹانگ رکھ کر بیٹھے رہنا نہیں ادویات فراہم کرنا حکومت کا کام ہے، مریضوں نے میڈیسن بازار سے نہیں لینی ہسپتالوں میں کیبنٹ رکھوادیئے ہیں، مریضوں کو نظر آتا ہے کہ جو ادویات چاہیے وہ یہاں دستیاب ہیں میرا کام پنجاب کے عوام کے مفاد میں بہترین فیصلے کرنا ہے، اس سے مجھے کوئی نہیں روک سکتا۔

آرمی چیف سے امریکا کےاعلی سطحی وفد کی ملاقات

لاہور: وزیر ریلوے حنیف عباسی نے کہا ہے کہ مسافرٹرینوں کو مکمل آؤٹ سورس کرنا ٹارگٹ ہے، 10 ٹرینوں کو آؤٹ سورس کرنے کا پلان طلب کیا ہے۔

باغی ٹی وی : لاہور میں وفاقی وزیر ریلوے حنیف عباسی نے میڈیا سے گفتگو کرتے کہا کہ ریلوے کے لیے جو ٹارگٹ سیٹ کیے گئے تھے، وہ پورے ہو رہے ہیں اور حکومتی سطح پر مکمل طور پر ریلوے کے شعبے میں اصلاحات کی جانب پیشرفت ہو رہی ہے،مسافر ٹرینوں کو مکمل طور پر آؤٹ سورس کرنے کا ٹارگٹ ہے، تاکہ ریلوے کی کارکردگی کو مزید بہتر بنایا جا سکے-

حنیف عباسی نے کہا کہ فریٹ ٹرینوں کے حوالے سے بھی ایک نئی حکمت عملی تیار کی گئی ہے جس کا مقصد ملک بھر میں مال برداری کے نظام کو مزید مستحکم کرنا ہے 31 دسمبر تک فریٹ ٹرینوں کی تعداد کو دوگنا کرنے کا منصوبہ ہے، جس سے مال برداری کی صلا حیت میں نمایاں اضافہ ہوگا حالیہ برسوں میں مسافر ٹرینوں میں مسافروں کی تعداد میں کمی آئی ہے، اس کا حل تلاش کیا جا رہا ہے اور مریم اورنگزیب کے ساتھ ایک طویل میٹنگ میں اس بارے میں اہم فیصلے کیے گئے ہیں۔

سونے کی فی تولہ قیمت میں 3 ہزار روپے کا اضافہ

حنیف عباسی نے کہا کہ پاکستان ریلوے کے اندر مسافروں کو بہترین سہولیات فراہم کرنے کے لیے اقدامات کیے جائیں گے، تاکہ سفر کو زیادہ آرام دہ اور محفوظ بنایا جا سکے 10 ٹرینوں کو آؤٹ سورس کرنے کے لیے ایک منصوبہ طلب کیا گیا ہے، جس سے ٹرینوں کی کارکردگی کو بہتر بنانے میں مدد ملے گی ریلوے کے شعبے میں مزید اصلاحات کی جائیں گی تاکہ عوام کو بہتر سفری سہولتیں فراہم کی جا سکیں اور ملک بھر میں ریلوے کے نظام کو ایک نئی زندگی مل سکے۔

بھارت: مسلسل دوسری بار بنیادی شرح سود میں کمی

لاہور: پنجاب حکومت نے ہوز پائپ کے استعمال پر پابندی عائد کردی،جس کا نوٹیفکیشن بھی جاری کردیا گیا-

باغی ٹی وی: ڈی جی ماحولیات ڈاکٹر عمران حامد شیخ نے پابندی کا نوٹیفکیشن جاری کیا، پانی کا ضیاع روکنے کے لیے یہ اقدام اٹھایا گیا ہے نوٹیفکیشن کے اجرا کے بعد آج سے پنجاب بھر میں پانی کا ہوز پائپ استعمال نہیں ہوسکے گا، گھروں میں گاڑیاں دھونے کے لیے استعمال ہونے والے پائپ پر پابندی لگادی گئی ہے۔

نوٹیفکیشن میں کہا گیا ہے کہ سرکاری دفاتر، کمرشل عمارتوں میں بھی ہوز پائپ استعمال نہیں ہوگا، پائپ کے استعمال پر پابندی کا اطلاق فوری ہوگا، پابندی کی خلاف ورزی کرنے پر سخت کارروائی کی جائے گی، پانی کے ضیاع کو روکنے کے لیے ہوزپائپ پر پابندی عائد کی گئی ہے، خشک سالی کے خدشے کے پیش نظر پانی کا بچاؤ ناگزیر ہے۔

پی ایس ایل 10 کی افتتاحی تقریب کہاں ہو گی؟کون سے گلوکار پرفارم کریں گے؟

’کیونکہ ساس بھی کبھی بہو تھی سیزن 2 میں سمرتی ایرانی کی واپسی

کنگنا رناوت 1 لاکھ کا بجلی کا بل موصول ہونے پر چیخ اٹھیں

لاہورہائی کورٹ میں بانی پی ٹی آئی عمران خان کے خلاف شہباز شریف کے ہتک عزت کے دعوے کے کیس پر سماعت ہوئی-

باغی ٹی وی :جسٹس چوہدری محمد اقبال نے بانی پی ٹی آئی کی درخواست پر سماعت کی،جس میں عدالت نے سماعت کرنے والے جج کے دائرہ اختیار سے متعلق تمام درخواستوں کو یکجا کرنے کا حکم دے دیا۔

دوران سماعت وکیل نے کہا کہ ڈسٹرکٹ اینڈ سیشن جج کے دعویٰ پر سماعت کے اختیار کی اور درخواست زیرِ سماعت ہے، وزیرِ اعظم شہباز شریف نے 10 ارب روپے ہرجانے کا دعویٰ دائر کیا ہے، ڈسٹرکٹ جج کو 10 ارب روپے مالیت کا دعویٰ سننے کا اختیار نہیں۔

پی ایس ایل 10: غیرملکی کھلاڑیوں کے پاکستان آنے کا سلسلہ جاری

درخواست میں مؤقف اپنایا گیا ہے کہ ڈسٹرکٹ جج صرف 5 کروڑ روپے تک کے دعوے کی سماعت کر سکتا ہے،درخواست میں استدعا کی گئی ہے کہ ڈسٹرکٹ جج کو ہتک عزت کے دعوے پر سماعت سے روکنے کا حکم دیا جائے۔

واضح رہے کہ وزیراعظم شہباز شریف نے بانی پی ٹی آئی عمران خان کے خلاف دس ارب روپے کا ہرجانے کا دعویٰ دائر کر رکھا ہے،عمران خان نے شہباز شریف پرالزام عائد کیا تھا کہ انہوں نے پاناما کے معاملے سے الگ ہونے پر رشوت کی آفر کی تھی جس پر شہباز شریف نے عمران خان کے خلاف سیشن عدالت میں 10 ارب ہرجانے کا دعوی دائر کر دیا تھا۔

لاہور ہائیکورٹ کی خشک سالی کے خطرات کے پیش نظر واٹر ایمرجنسی نافذ کرنے کی تجویز

پنجاب پولیس نے ڈیجیٹل ای-لائسنس سسٹم متعارف کرایا ہے، جس سے صوبے بھر کے ڈرائیورز اپنے اسمارٹ فون پر ڈرائیونگ لائسنس حاصل کرسکتے ہیں۔

باغی ٹی وی کےمطابق ای-لائسنس کے نظام کے فعال ہونے کے بعد، گاڑی چلانے والے اپنے لائسنس کی ڈیجیٹل کاپی تک آسانی سے رسائی حاصل کرسکتے ہیں۔اس الیکٹرانک دستاویز کو قانون نافذ کرنے والے اداروں کی طرف سے ڈرائیونگ کی قانونی حیثیت کے ثبوت کے طور پر قبول کیا جائے گا، اس اقدام کا مقصد سڑک پر بغیر لائسنس ڈرائیوروں کی تعداد کو کم کرنا اور تصدیقی عمل کو ہموار کرنا ہے۔ یہ نظام ٹریفک پولیس پنجاب کی ایک وسیع مہم کا حصہ ہے تاکہ تمام ڈرائیورز خواہ وہ موٹر سائیکلیں، کاریں، یا بھاری گاڑیاں چلا رہے ہوں، لائسنس کے ضوابط کی تعمیل کریں۔

اپلائی کرنے کا طریقہ

ڈیجیٹل لائسنس سرکاری پورٹل کے لئے اپلائی کرنے کا طریقہ آسان بنایا گیا ہے تاکہ شہری بغیر کسی پریشانی کے اس تک رسائی حاصل کرسکیں، شہری اپنے ڈیجیٹل لائسنس سرکاری پورٹل dlims.punjab.gov.pk کے ذریعے حاصل کر سکتے ہیں۔صارفین سرکاری پورٹل پر ’لائسنس کی معلومات‘ سیکشن میں جاکر ’ای لائسنس‘ پر کلک کریں، وہاں اپنا شناختی کارڈ نمبر اور تاریخ پیدائش درج کریں، ان کے لائسنس کی پی ڈی ایف کاپی حاصل کرنے کے لیے ’ڈاؤن لوڈ‘ پر کلک کریں۔

ای لائسنس کی فیس ؟
لائسنسنگ فیس لائسنس میعاد کی مدت کی بنیاد پر مختلف ہے، درخواست دہندگان کو برائے 150 روپے ٹیسٹ فیس ادا کرنا ہوگی۔ایک سالہ لائسنس کے لیے فیس ایک ہزار 930 روپے، 2 سال کے لیے 3 ہزار 330، 3 سال کے لیے 4 ہزار 680 روپے ہوگی، 4 سال کے لیے لائسنس کی فیس 6 ہزار 30 روپے جبکہ 5 سال کے لیے لائسنس کی فیس 7 ہزار 380 روپے ہوگی۔

سکھر: صدرمملکت کیخلاف غیرمہذب پوسٹ ، پیکا کے تحت مقدمہ درج

کراچی میں مبینہ پولیس مقابلے، 4 ملزمان گرفتار

کراچی بار کے صدرمبینہ حملے میں زخمی،وزیر داخلہ کا نوٹس

کے الیکٹرک کی اربوں روپے وصولی کیلیے درخواست

پریانکا چوپڑا زیادہ معاوضہ لینے والی ہیروئن بن گئیں