Baaghi TV

Category: لاہور

  • عثمان بزدار دور میں اربوں روپے کا بڑا مالی سکینڈل!

    عثمان بزدار دور میں اربوں روپے کا بڑا مالی سکینڈل!

    عثمان بزدار دور حکومت میں اربوں روپے کی مالی بے ضابطگی بے نقاب،مظفر گڑھ ڈسٹرکٹ ہیلتھ اتھارٹی میں 3907 ملین روپے کا غیر قانونی بجٹ منظور
    مظفر گڑھ ڈسٹرکٹ ہیلتھ اتھارٹی میں 3907 ملین روپے کا غیر قانونی بجٹ منظور ، سی ای او کی مدت 2018 میں ختم ہو چکی تھی مگر 2021-22 کا بجٹ پھر بھی خود منظور کرایا! آڈٹ رپورٹ میں سی ای او اور ڈپٹی کمشنر کے خلاف کارروائی کی سفارش۔

    لاہور (باغی ٹی وی رپورٹ) سابق وزیر اعلیٰ پنجاب سردار عثمان بزدار کے دور حکومت میں مالی بے ضابطگی کا ایک اور بڑا اسکینڈل سامنے آ گیا ہے۔ آڈٹ رپورٹ میں انکشاف ہوا ہے کہ مظفر گڑھ کی ڈسٹرکٹ ہیلتھ اتھارٹی میں 3907 ملین روپے (تقریباً 3 ارب 90 کروڑ روپے) کا بجٹ غیر قانونی طور پر منظور کیا گیا۔

    آڈٹ دستاویزات کے مطابق ڈسٹرکٹ ہیلتھ اتھارٹی مظفر گڑھ کے اس وقت کے چیف ایگزیکٹو آفیسر (سی ای او) نے اپنی مدت ملازمت ختم ہونے کے باوجود مالی سال 2021-22 کے بجٹ کی منظوری دی۔ حیران کن طور پر مذکورہ سی ای او کی مدت 2018 میں ختم ہو چکی تھی، اس کے باوجود وہ مالی معاملات میں مداخلت کرتے رہے۔

    آڈٹ رپورٹ میں یہ بھی انکشاف کیا گیا ہے کہ مظفر گڑھ کے اس وقت کے ڈپٹی کمشنر نے بھی بجٹ کی منظوری میں سی ای او کا ساتھ دیا۔ رپورٹ کے مطابق دونوں افسران نے مالی اصولوں اور قوانین کی کھلم کھلا خلاف ورزی کی۔

    آڈٹ حکام نے صورتحال کو سنگین قرار دیتے ہوئے سی ای او ڈسٹرکٹ ہیلتھ اتھارٹی اور ڈپٹی کمشنر مظفر گڑھ کے خلاف کارروائی کی سفارش کر دی ہے۔ اس کے ساتھ ہی مالی سال 2021-22 کے بجٹ کو بھی غیر قانونی اور کالعدم قرار دے دیا گیا ہے۔

    رپورٹ میں کہا گیا ہے کہ 3907 ملین روپے کا یہ بجٹ کس مد میں خرچ کیا گیا، کن منصوبوں پر لگایا گیا، اور اس کی شفافیت کا کوئی ریکارڈ موجود نہیں۔ معاملے کی مکمل چھان بین کے لیے اعلیٰ سطحی انکوائری کا امکان ظاہر کیا جا رہا ہے۔

  • لاہور ایئر پورٹ،خاتون نے مارےجوتے،کسٹم حکام نے بالوں سے پکڑ کرگھسیٹا

    لاہور ایئر پورٹ،خاتون نے مارےجوتے،کسٹم حکام نے بالوں سے پکڑ کرگھسیٹا

    لاہور ایئرپورٹ پر خواتین مسافروں اور کسٹم اہلکاروں کے درمیان جھگڑا اور تشدد کا ایک افسوسناک واقعہ پیش آیا، جس میں خاتون مسافر اور کسٹم اہلکاروں نے ایک دوسرے کو تھپڑ مارے۔ اس واقعہ کی سی سی ٹی وی فوٹیج بھی منظر عام پر آگئی ہے، جس میں جھگڑے کی مکمل تفصیل ریکارڈ کی گئی ہے۔

    یہ واقعہ سامان کی کلیئرنس کے دوران پیش آیا۔ عینی شاہدین کے مطابق جب ایک خاتون مسافر نے اپنا لہنگا کلیئر نہ ہونے پر کسٹم اہلکاروں سے تنازعہ کیا تو صورتحال بگڑ گئی۔ اس دوران خاتون نے غصے میں آ کر کسٹم اہلکاروں کو جوتے مارے، جس کے بعد معاملہ ہاتھا پائی تک پہنچ گیا۔کسٹم حکام نے خاتون کو بالوں سے پکڑ کر گھسیٹا اور تشدد کیا،کسٹم حکام نے فوری طور پر خاتون مسافر کو حراست میں لے لیا اور اس کے خلاف مقدمہ درج کر کے قانونی کارروائی کا آغاز کر دیا۔ حکام کے مطابق ابوظہبی سے آنے والی خاتون مسافروں نے سامان کی کلیئرنس میں رکاوٹ کے باعث احتجاج کیا تھا، جس کے نتیجے میں جھگڑا اور ہاتھا پائی ہوئی۔

    https://x.com/MohUmair87/status/1909151377290408176

    واقعے کی تحقیقات جاری ہیں، اور سی سی ٹی وی کیمروں سے حاصل کردہ مواد کی مدد سے اس معاملے کی تفتیش کی جا رہی ہے۔ حکام کا کہنا ہے کہ معاملہ کی مکمل تحقیقات کے بعد مزید قانونی کارروائی کی جائے گی۔

  • نعیم بخاری عمران خان پر برس پڑے،بولےعمران”مردم شناس” نہیں

    نعیم بخاری عمران خان پر برس پڑے،بولےعمران”مردم شناس” نہیں

    سینئر وکیل اور معروف قانونی ماہر، نعیم بخاری نے بانی پی ٹی آئی عمران خان کو سخت تنقید کا نشانہ بنایا ہے۔

    نعیم بخاری کا کہنا تھا کہ اگر وہ بانی پی ٹی آئی عمران خان کے مشیر ہوتے، تو انہیں یہ مشورہ دیتے کہ وہ کبھی بھی القادر ٹرسٹ کی زمین کو ہاتھ نہ لگائیں۔یہ زمین ایسی چیز نہیں ہے جسے بانی پی ٹی آئی کو چھونا بھی چاہیے تھا۔نعیم بخاری نے عمران خان کی سیاست پر تنقید کرتے ہوئے کہا کہ بانی پی ٹی آئی مردم شناس نہیں ہیں۔ انہوں نے سوال اٹھایا کہ عمران خان نے فواد چوہدری کو کیسے منتخب کیا اور بابر اعوان کو مشیر کے طور پر کیوں مقرر کیا؟ ان کا کہنا تھا کہ یہ فیصلے ان کی سیاسی بصیرت پر سوالیہ نشان ہیں۔

    نعیم بخاری نے عمران خان پر مزید تنقید کرتے ہوئے کہا کہ ریاست کی ملکیتی کوئی بھی چیز، چاہے وہ ہار ہو یا کوئی اور چیز، عمران خان کو نہیں لینی چاہیے تھی۔ انہوں نے کہا کہ ریاست کی ملکیت پر کسی فرد کا حق نہیں ہے، یہاں تک کہ اگر کوئی بال پین یا پینسل تحفے میں ملے تو وہ بھی ریاست کی ملکیت سمجھی جاتی ہے۔نعیم بخاری نے بانی پی ٹی آئی کی توہم پرستی پر بھی سخت رائے دی، کہا کہ عمران خان توہم پرستی کی شکار ہو گئے تھے اور آج بھی ان کے ذہن میں یہ خیال تھا کہ "آج کا دن اچھا نہیں ہے”۔

  • پنجاب میں نوجوانوں کے لیے نئے پروگرام شروع کرنے کا فیصلہ

    پنجاب میں نوجوانوں کے لیے نئے پروگرام شروع کرنے کا فیصلہ

    پنجاب حکومت نے نوجوانوں کے لیے ٹیلنٹ ہنٹ اور یوتھ انٹرن شپ پروگرام شروع کرنے کا فیصلہ کرلیا۔

    باغی ٹی وی کے مطابق بتایا گیا ہے کہ پنجاب حکومت کی جانب سے صوبے میں یوتھ انٹرن شپ پروگرام شروع کرنے کا اصولی فیصلہ کیا گیا ہے جس کے حوالے سے وزیراعلیٰ مریم نواز نے جامع پلان طلب کرلیا، مریم نواز کا کہنا ہے کہ پنجاب میں نوجوان کھلاڑیوں کو اپنے ٹیلنٹ کے اظہار کے بھرپور مواقع فراہم کریں گے، خواتین کھلاڑیوں کو آگے بڑھنے کے مساوی مواقع ملیں گے، وزیراعلیٰ مریم نوازڈیپارٹمنٹ ملازمین کی تنخواہوں میں تعطل نہیں آنا چاہیئے۔

    دوسری جانب پنجاب میں پہلی مرتبہ ٹیلنٹ ہنٹ پروگرام شروع کرنے کا فیصلہ کیا گیا ہے، جس میں نوجوان کھلاڑیوں کو آگے بڑھنے کے مواقع فراہم کیے جائیں گے، وزیراعلیٰ پنجاب مریم نوازشریف نے پنجاب ٹیلنٹ ہنٹ پروگرام کا جامع پلان طلب کرلیا، وزیراعلیٰ مریم نواز شریف نے اسپورٹس ڈیپارٹمنٹ کو مالی خود مختاری کی راہ پر گامزن کرنے کے لیے ضروری اقدامات کا حکم دیا ہے۔

    وزیراعلیٰ پنجاب نے کھیلوں کے عالمی دن کے موقع پر خصوصی پیغام جاری کرتے ہوئے کہا کہ کھیلوں کا عالمی دن منانے کا مقصد دنیا میں امن کا فروغ ہے، کھیل معاشرے میں امن اور ترقی کی راہ ہموار کرتے ہیں، کھیل نوجوانوں میں ٹیم ورک، مسابقت اور برداشت پیدا کرنے میں اہم کردار ادا کرتا ہے، امن اور کھیل لازم و ملزوم ہیں، امن ہوگا تو کھیل بھی ہوں گے، پنجاب میں کھیلوں کے فروغ کے لیے کھیلتا پنجاب پروگرام شروع کیا، حکومت کھیلوں کے فروغ کے لیے گراؤنڈز اور جمنیزیم بنا رہی ہے، پنجاب میں 300 گراؤنڈز اور اسپورٹس کمپلیکس بنانے کے لیے اقدامات کر رہے ہیں۔

    علی امین گنڈاپور اورتیمورجھگڑامیں اختلافات سامنے آگئے

    سعودی دارالحکومت میں زیرِ زمین سڑکیں بنانے کا منصوبہ

    واٹس ایپ کا چیٹ پرائیویسی سے متعلق نیا فیچر آ گیا

    بی ایل اے کی لسانی دہشت گردی کے خلاف عوام سراپا احتجاج

  • اسرائیلی دہشتگردی، جماعت اسلامی کا امریکی سفارتخانےکی طرف مارچ کا اعلان

    اسرائیلی دہشتگردی، جماعت اسلامی کا امریکی سفارتخانےکی طرف مارچ کا اعلان

    امیر جماعت اسلامی حافظ نعیم الرحمان کا کہنا ہے کہ امریکا اور یورپی یونین اسرائیل کے حمایتی ہیں، 11 اپریل کو لاہور میں امریکی قونصل خانےکی طرف مارچ کریں گے.

    حافظ نعیم الرحمان نے لاہور میں پریس کانفرنس کرتے ہوئے کہا کہ مغرب کے چہرے کا نقاب فلسطین کے معاملہ پر اتر چکی ہے وحشیانہ طرز عمل و جبر سامنے آگیا، فلسطین میں شاید کوئی بلڈنگ باقی سلامت بچی ہو اس پر دنیا کی بے حسی سے پتہ چلتا ہے تقسیم پیدا کی ہے، مغرب طے کرچکی ہے مرنے والے مسلمان ہوں گے تو آواز نہیں اٹھائی جائے گی، امریکا اور یورپی یونین اسرائیل کے حمایتی ہیں، 11 اپریل کو لاہور میں امریکی قونصل خانےکی طرف مارچ کریں گے، 13 اپریل کو کراچی میں ملین مارچ ہوگا، 20 اپریل کو اسلام آباد میں امریکی سفارت خانےکی طرف مارچ کریں گے۔

    انہوں نے کہاکہ ایک طرف عالم اسلام میں ماہ رمضان کے بعد عید منائی لیکن دوسری طرف فلسطین میں عید الفطر کے موقع پر بچوں پر اسرائیل نے بمباری کی،فلسطینی بچے جو میدان میں کھیل رہے تھے ان پر بم برسائے گئے، پوری دنیا میں فلسطین کے معاملہ پر قبرستان جیسی خاموشی ہے، انسانی حقوق کی تنظیمیں جو جمہوریت و انسانیت کی بات کرتی ہے غزہ پر ظلم و ستم لب کشائی نہیں کررہیں۔ اسرائیل نے سارے ہسپتالوں کو تہس نہس کردیا گیا ہے مسلم ممالک نے بے حسی کی چادر اوڑھی ہوئی ہے اگر ان میں غیرت ہوتی تو اسرائیل درندگی نہ کرتا،صہیونیوں سے مل کر امریکاکے زیر سایہ معاہدہ کرکے خود کو محفوظ سمجھنے والے مسلم ملک نہیں بچیں گے۔

    حافظ نعیم الرحمان نے کہا کہ دو ریاستی نظریہ کو ماننے اور اسرائیل کو تسلیم کرنے کی باتیں ہو رہی ہیں۔ بات غزہ تک نہیں ویسٹ بینک کے بھی اسی ہزار گھروں کو تباہ کردیا ہے ہزاروں لوگوں کو جیلوں میں ڈال دیا ہے وہ نسل کشی کررہا ہے، پاکستان سے پارلیمنٹرین کا وفد ترکی ایران ملائیشیا سعودی عرب ، مصر سمیت مسلم ممالک سے بات کرے کہ اسرائیلی گھیرائو کو توڑا جائے، آئندہ چند ماہ میں اقوام متحدہ کےنام فلسطینوں کےلئے خط لکھیں گے اور عالمی ضمیر جگانے کی کوشش کریں گے۔

    سیالکوٹ میں ترقیاتی منصوبوں کا جال بچھایا جا رہا ہے، خواجہ آصف

    سیالکوٹ میں ترقیاتی منصوبوں کا جال بچھایا جا رہا ہے، خواجہ آصف

    پسند کی شادی کرنیوالی لڑکی سے 5 ملزمان کی اجتماعی زیادتی

    الیکشن کمیشن میں پی ٹی آئی انٹرا پارٹی انتخابات کیس سماعت کیلیے مقرر

    حکومتی غفلت سےتعلیمی تباہی، پنجاب میں ایک لاکھ سے زائد سکولوں کی رجسٹریشن رُک گئی

  • شہباز اور نوازشریف کا لندن کا جلد دورہ متوقع

    شہباز اور نوازشریف کا لندن کا جلد دورہ متوقع

    وزیراعظم شہباز شریف اور مسلم لیگ ن کے قائدنوازشریف کا لندن کا دورہ متوقع ہے۔

    باغی ٹی وی کے ذرائع کے مطابق لیگی قیادت 11 اپریل کو لندن پہنچے گی، وزیراعظم بیلاروس کے دورے کے بعد لندن جائیں گے، شہباز شریف تین دن جبکہ نواز شریف دو ہفتے تک لندن میں قیام کریں گے۔ذرائع کاکہنا ہے کہ نواز شریف لندن سے دوبارہ سیاسی سرگرمیوں کا آغاز کریں گے، قیام کے دوران نواز شریف کی کئی اہم سیاسی رہنماؤں سے ملاقاتیں بھی شیڈول ہیں۔

    لندن میں میاں نواز شریف کا معمول کا طبی معائنہ ہوگا جبکہ نواز شریف لندن میں پارٹی ورکررز کے اوورسیز کنونشن سے خطاب بھی کریں گے۔پارٹی ذرائع کا کہنا ہے کہ وزیراعلیٰ پنجاب مریم نواز کا بھی نواز شریف کے ہمراہ لندن جانے کا قوی امکان ہے۔

    نہروں کے معاملے پر پیچھے نہیں ہٹیں گے، شرجیل میمن

    محسن نقوی کی وزیر اعظم سے ملاقات، امن و امان پر بریفنگ

    میانمار زلزلہ متاثرین کیلئے امدادی سامان کی دوسری کھیپ روانہ

    ساڈا کتا،کتا ۔۔۔تے،تواڈا کتا ٹومی ،خدارا لوگوں کو جینے دو،تحریر:ملک سلمان

  • مراکز صحت کی نجکاری ظلم اور نا انصافی ہے، میاں غلام مصطفی

    مراکز صحت کی نجکاری ظلم اور نا انصافی ہے، میاں غلام مصطفی

    حکومت صحت کے بجٹ میں اضافہ اور نئے سرکاری ہسپتال تعمیر کرے، رانا جبران
    پاکستان ملی لیبر فیڈریشن 7 اپریل کو پنجاب اسمبلی کے سامنے ہونے والے ہیلتھ گرینڈ الائنس کے احتجاج میں بھرپور شرکت کرے گی۔ یہ احتجاج مراکز صحت اور سرکاری ہسپتالوں کی نجکاری کے منصوبے کے خلاف کیا جا رہا ہے۔ پاکستان ملی لیبر فیڈریشن کے صدر میاں غلام مصطفی، جنرل سیکرٹری رانا جبران، پنجاب کے صدر عبدالمجید سالک، کے پی کے صدر اصغر خٹک، بلوچستان کے صدر شکر خان رئیسانی اور آزاد جموں و کشمیر کے صدر میاں ظفر اقبال نے کہاکہ حکومت چھوٹے بڑے تمام مراکز صحت اور سرکاری ہسپتالوں کی نجکاری کر کے شہریوں سے صحت جیسا بنیادی حق بھی چھیننا چاہتی ہے۔ اس سے سرکاری ہسپتالوں میں مفت علاج و معالجہ کا نظام مکمل طور پر ختم ہو جائے گا، جس سے غریب عوام اور محنت کش طبقہ شدید مشکلات کا شکار ہو گا۔ یہ سرکاری ملازمین اور محنت کش طبقہ کے ساتھ سراسر ظلم اور نا انصافی ہے۔ انہوں نے حکومت سے مطالبہ کیا کہ وہ صحت کے بجٹ میں اضافہ کرے اور ہر علاقے میں نئے سرکاری ہسپتال تعمیر کیے جائیں۔ سرکاری ہسپتالوں میں طبی عملہ کی کمی کو پورا کیا جائے اور عوام کو مفت دوائیوں، ٹیسٹوں اور دیگر صحت کی تمام سہولتیں فراہم کی جائیں۔انہوں نے شہریوں سے اپیل کہ کہ وہ بھی اس پرامن احتجاج میں بھرپور شرکت کریں اور صحت کی سہولتوں کی نجکاری کے خلاف اپنی آواز بلند کریں تاکہ عوام کو صحت کی بنیادی سہولتوں کی فراہمی بلاتعطل جاری رہے۔

  • پاکستان مرکزی مسلم لیگ کا "غزہ لہو لہو” مہم کے تحت ہفتہ یکجہتی فلسطین کا اعلان

    پاکستان مرکزی مسلم لیگ کا "غزہ لہو لہو” مہم کے تحت ہفتہ یکجہتی فلسطین کا اعلان

    لاہور،اسلام آباد،کراچی، سکھر،پشاور ،کوئٹہ سمیت بڑے شہروں میں آج احتجاج ہو گا
    ہماری غیرت، انسانیت ہم سے تقاضا کر رہی ہے کہ ہم ظالم کے خلاف متحد ہوں۔ خالد مسعود سندھو

    اہل غزہ پر اسرائیل کے بڑھتے مظالم، فلسطینیوں کے قتل عام کے خلاف پاکستان مرکزی مسلم لیگ نے "غزہ لہو لہو” مہم کے تحت ہفتہ یکجہتی فلسطین کا اعلان کر دیا، غزہ لہو لہو مہم کے تحت ملک بھر کے تمام چھوٹے بڑے شہروں میں احتجاجی مظاہروں، ریلیوں، کانفرنسز کا انعقاد کیا جائے گا، اسرائیلی مظالم کے خلاف احتجاج سے مرکزی مسلم لیگ کے قائدین خطاب کریں گے،

    اس امر کا فیصلہ پاکستان مرکزی مسلم لیگ کے صدر خالد مسعود سندھو کی زیر صدارت ہنگامی اجلاس میں کیا گیا، اجلاس میں‌سیکرٹری جنرل سیف اللہ قصوری، نائب صدر حافظ طلحہ سعید ، حافظ عبدالرؤف، جوائنٹ سیکرٹری قاری محمد یعقوب شیخ، ڈپٹی سیکرٹری جنرل حافظ خالد نیک، ترجمان تابش قیوم نے شرکت کی،اجلاس میں فیصلہ کیا گیا کہ فسلطینیوں کے ساتھ اظہار یکجہتی کے لئے آج لاہور، اسلام آباد، پشاور، کوئٹہ ،کراچی، سکھر، قصور، ملتان، فیصل آباد،بہاولنگر، شیخوپورہ، گوجرانوالہ میں احتجاجی مظاہرے کئے جائیں گے، منگل کو بھی کئی شہروں میں احتجاج کیا جائے،بدھ اور جمعرات کو بھی شہروں میں کانفرنسز، سیمینارز کا انعقاد کیا جائے گا، جمعہ کو نماز جمعہ کے بعد ملک گیر احتجاج کیا جائے گا.

    مرکزی مسلم لیگ کے صدر خالد مسعود سندھو کا کہنا تھا کہ اسرائیلی درندہ صفت فوج کی جانب سے غزہ پر حالیہ شدید بمباری نے ظلم کی تمام حدیں پار کر دی ہیں۔ہسپتالوں، اسکولوں، پناہ گاہوں اور حتیٰ کہ مسجدوں تک کو نشانہ بنایا جا رہا ہے۔ہزاروں معصوم بچے، عورتیں اور بزرگ شہید ہو چکے ہیں۔غزہ کے لوگ پانی، خوراک، بجلی اور ادویات سے محروم ہیں، اور دنیا تماشائی بنی بیٹھی ہے۔یہ انسانیت کا نہیں، حیوانیت کا منظر نامہ ہے۔اب وقت ہے کہ پاکستان کی گلی گلی، کوچہ کوچہ، شہر شہر ایک آواز بلند ہو،مرکزی مسلم لیگ فلسطین کے مظلوموں کے ساتھ کھڑی ہے، ہمارا اہل غزہ سے کلمہ کا رشتہ ہے،غزہ لہو لہو مہم کے تحت ملک گیر احتجاج میں قوم شریک ہو کر فلسطنیوں کے ساتھ یکجہتی کا ثبوت دے .

  • پی ایس ایل 10: کمنٹری پینل کا اعلان ہوگیا،کمنٹری مکمل اردو میں ہو گی

    لاہور: پاکستان سپر لیگ کے 10ویں سیزن کے لیے کمنٹری پینل کا اعلان ہوگیا جبکہ پہلی بار مکمل اردو کمنٹری ہوگی-

    باغی ٹی وی : تفصیلات کے مطابق ایچ بی ایل پی ایس ایل میں پہلی بار مکمل اردو کمنٹری بھی ہوگی ، اردو کمنٹری پینل میں طارق سعید، علی یونس، عقیل ثمر، مرینہ اقبال اور سلمان بٹ شامل ہیں، اس کے علاوہ انگریزی کمنٹری کے لیے انگلینڈ کے سابق کپتان سرا لیسٹرکک پہلی بارپی ایس ایل کمنٹری پینل کا حصہ ہوں گے۔

    آسٹریلیا کی ویمن کرکٹر لیزا اسٹالکر بھی پہلی بارپی ایس ایل میں کمنٹری کریں گی جبکہ رمیز راجہ، وسیم اکرم، وقار یونس اور عامرسہیل ، بازید خان، عروج ممتاز، اطہر علی خان، مارٹن گپٹل، مارک نکولس، ڈومینک کارک، جے پی ڈومینی، مائیک ہیزمین بھی کمنٹری پینل میں شامل ہیں اور ایرن ہالینڈ اورزینب عباس میچوں کے دوران پریزینٹرز ہوں گی۔

    شادی میری سب سے بڑی غلطی اور ناسمجھی بھرا فیصلہ تھا،ویناملک

    واضح رہے کہ پی ایس ایل 10کے میچز 11 اپریل سے 18 مئی تک لاہور،کراچی،راولپنڈی اورملتان میں ہوں گے۔

    عورت کی شناخت، قانونی حقوق اور خود مختاری شادی کے بعد ختم نہیں ہوتی،سپریم کورٹ

  • تمام معاشی اشاریے عکاسی کرتے ہیں کہ پاکستان اڑان بھرچکا ہے،عطاء اللہ تارڑ

    تمام معاشی اشاریے عکاسی کرتے ہیں کہ پاکستان اڑان بھرچکا ہے،عطاء اللہ تارڑ

    لاہور: وفاقی وزیراطلاعات عطاء اللہ تارڑ نے کہا ہے کہ ہم نے حکومت سنبھالی تو ملک کو بہت سے چیلنجز درپیش تھے، کچھ عناصر نے سیاسی مفاد کے لیے ملکی مفادات کو داؤ پر لگایا-

    باغی ٹی وی : حلقے این اے127میں تقریب سے خطاب کرتے ہوئے عطاء اللہ تارڑ نے کہا کہ عوام ہماری طاقت ہیں، عوامی حما یت سے ہی مشکل اوردرست فیصلے کرنے میں کامیابی ملی، ارادے مضبوط اور نیت ٹھیک ہو تو اللہ تعالیٰ بھی مدد کرتا ہے، عوام جا نتے ہیں کہ آئی ایم ایف پروگرام رکوانے کے لیے خطوط لکھے گئے، مشکل وقت میں وزیراعظم شہبازشریف نے سیاست نہیں ریا ست کانعرہ لگایا۔

    عطا تارڑ نے کہا کہ ہم نے ریاستی مفاد کو ترجیح دیتے ہوئے سیاسی نقصان کو بالائے طاق رکھا، پاکستان سے ہی ہمارا وجود اورعہدے ہیں، قائد محمد نوازشریف کی قیادت میں وزیراعظم نے ملکی خدمت کا بیڑا اٹھایا، شبانہ روز محنت سے مسائل کو حل کرنے کے لیے جدوجہد کی ہے۔

    ملک کے ٹکڑے کرنے کی بات کرنیوالی جماعت آج خود ٹکڑوں میں بٹ چکی ہے،مریم اورنگزیب

    انہوں نے کہا کہ وزیراعظم نے بجلی سستی کرنے کاوعدہ پوراکردکھایا، گھریلوصارفین کیلئے بجلی 7روپے41 پیسے فی یونٹ سستی کی گئی ہے، عوام کو ریلیف کی فراہمی کیلئے سخت محنت کی بدولت کامیابی ملی، عوام کو ریلیف کیلئے نعروں کی بجائے عملی اقدامات کررہے ہیں، عا لمی سطح پر پاکستان کی معاشی میدان میں کارکردگی کااعتراف ہورہاہے، بجلی سستی، مہنگائی سنگل ڈیجٹ پر، اسٹاک مارکیٹ بلندیوں کو چھو رہی ہے، تمام معاشی اشاریے عکاسی کرتے ہیں کہ پاکستان اڑان بھرچکا ہے۔

    "پورا مائیکرو سافٹ خون میں رنگا ہے، مائیکروسافٹ کی تقریب میں فلسطین کے حق میں زبردست احتجاج

    ان کا کہنا تھا کہ اڑان پاکستان کے تحت وطن عزیزمعاشی ترقی کی بلندیوں کو چھوئے گا، صنعتی صارفین کیلئے بھی 7روپے 69 پیسے فی یونٹ بجلی سستی ہوئی ہے، سستی بجلی سے معاشی سرگرمیاں بڑھیں گی اور روزگارکے مواقع پیداہوں گے، پالیسی ریٹ 22 فیصد سے 12 فیصد پر آگیا ہے، آرمی چیف کی قیادت میں پاک فوج کا قومی سلامتی کے ساتھ معاشی استحکام میں بھی اہم کردارہے، اس ملک کو عظیم بنانے کیلئے مل کرآگے بڑھتے رہیں گے۔

    یونان: غیر قانونی تارکین وطن کی ایک اور کشتی حادثے کا شکار