Category: لاہور

پاک فضائیہ کے 6 خصوصی افراد نے ابو ظہبی میں اسپیشل اولمپکس میں میڈل حاصل کیے ہیں، میڈل جیتنے والوں میں عمران غفار، عمر، یاسر،رضوان،فرقان اورسبرینہ شامل ہیں .

باغی ٹی وی کی رپورٹ کے مطابق ترجمان پاک فضائیہ کے مطابق میڈل حاصل کرنے والوں‌ کو انعامات دینے کی خصوصی تقریب پاک فضائیہ کی سینٹرل ایئرکمانڈ لاہور میں ہوئی جس میں‌ سربرا ہ پاک فضائیہ ایئر چیف مارشل مجاہد انورخان نےنقد انعامات تقسیم کیے.

ترجمان پاک فضائیہ کے مطابق سربرا ہ پاک فضائیہ ایئر چیف مارشل مجاہد انورخان نے میڈل جیتنے والوں‌ میں‌ نقد انعامات تقسیم کیے اور میڈل جیتنے والے کھلاڑیوں کی محنت اور ان کے عزم کی تعریف کی.

جماعت اسلامی پاکستان کے امیر سراج الحق نے منصورہ میں‌ مرکزی مجلس شوری کے تیسرے روز پریس کانفرنس کرتے ہوئے کہا ہے کہ ایک سال میں حکومت کی مایوس کن کارکردگی سامنے آئی ہے، سلیکٹڈ اور الیکٹڈ کا ایک سال میں فیصلہ نہ ہو سکا،

باغی ٹی وی کی رپورٹ‌ کےمطابق مرکزی مجلس شوری کے اجلاس میں سیاسی صورتحال ، حکومتی ایک سالہ کارکردگی، کشمیر سمیت مختلف معاملات زیر غور آئے. اس موقع پر خطاب کرتے ہوئے سراج الحق نے کہاکہ جماعت اسلامی موثر اپوزیشن کا کردار ادا کرکے عوام کی ترجمانی کرےگی حکومت نے ملک کو آئی ایم ایف کا غلام بنایااس کو وہ اختیارات دئیےجو ایسٹ کمپنی کے اختیارات تھے، آئی ایم ایف کا گریبان اور عوام کا ہاتھ ہے، بجلی تیل کی قیمتوں میں اضافہ کیا اور خوراک بھی مہنگی ہو گئی،

سراج الحق کا کہنا تھا کہ سیمنٹ پچیس روپے چینی تین روپے اور ہر خورونوش کی قیمت میں اضافہ ہوا. حکومت کا عوام پر ٹیکس لگا کر سانس بند کر دینا چاہتی ہے ، ڈالر کی بڑھتی قیمت اور روپےکی بے قدری ٹی وی سے پتہ چلتا ہے، سرکاری ملازمین کی تنخواہون میں اضافہ مہنگائی کے تناسب سے اضافہ کرتے، بھارت کا روپیہ ٹکا ہم سے بہتر ہے، ملک کو معدنیات پانی زرخیز مٹی سے نوازا ہے لیکن اس کے باوجود عوام کے ہاتھوں میں آئی ایم ایف کی ہتھکڑیاں ہیں، پیپلزپارٹی ن لیگ کی پالیسیوں کو ہی پی ٹی آئی نے آگے چلایاہے، آئی ایم ایف سے مذاکرات کی نوبت اس لئے نہیں آرہی وہ خزانے پر بیٹھ چکے ہیں.

مرکزی شوریٰ کے اجلاس میں‌ فیصلہ کیا گیا کہ جماعت اسلامی مہنگائی کے خلاف ملک بھر میں مظاہرے کرے گی اور ملتان میں بارہ جولائی اور انیس جولائی کو راولپنڈی میں عوامی مارچ ہو گا. سراج الحق کاکہنا تھا کہ ہمارا معاملہ یہی ہے غریبوں کو رلاج کی سہولیات بے روزگاروں کو روزگار دیاجائے ، حکومت اپنے وعدے اور نعرے جو لگائے وہ سے ایک کروڑ نوکریاں دے پچاس لاکھ لوگ گھر چاہتے ہیں ، حکومت اپنےوعدوں سے پیچھے ہٹ رہی ہے مہنگائی کا ہتھوڑا عوام کے سروں پر چلا رہی ہے، حکومت نے بھارت کو سلامتی کونسل کا غیر مستقل رکن بنانے کےلئے ووٹ دیا لیکن کشمیر میں بھارتی فوج بربریت کررہی ہے، انہوں نے کہاکہ اسوقت ارشد ملک کا ویڈیو سامنے آیاہے جس کو دنیا دیکھ رہی ہے چیف جسٹس آف پاکستان کو کہوں گا یہ ویڈیو عدالتی نظام پر سوالیہ نشان ہے، ملک قیوم اور نیب چئیرمین کی ویڈیو کیاہے آزاد عدلیہ ریاست کا سٹیک ہولڈر ہے، عوام نے 2007ء نے عدلیہ بحالی کےلئے قربانیاں دیں اسلئے چیف جسٹس جوڈیشل کمیشن بنایاجائے اوربتایاجائے کہ عدلیہ آزاد ہے یا نہیں سچ اور جھوٹ سامنے آنا چاہئے، کبھی حکومت کہتی ہے ہم نئےہیں اور ہر غلطی کے بعد اداروں کے پیچھے کھڑی ہو کر انہیں متنازعہ بناتی ہے ،

انہوں‌ نے کہاکہ وزیر اعظم امریکہ کے دورے پر جارہے ہیں بائیس جولائی کو ٹرمپ سے عمران خان ملیں گے اب موقع ہے قومی ترجمانی کرکے ڈاکٹر عافیہ صدیقی کو رہائی اور ساتھ لانے کےلئے اقدامات کریں، اب موقع ہے کہ عمران خان امریکہ کو کہیں کہ اقوام متحدہ کے قرارداد کے تحت کشمیری عوام کوُاستصواب رائے دیاجائے ، ایک طرف کشمیریوں کے راستے بند کئے جارہی ہیں دوسری طرف بھارتی شہریوں کےلئے راستے بنائےجا رہے ہیں کشمیرکے بغیر کوئی مسئلہ حل نہ ہو گا ، جماعت اسلامی گولی اور گالی کی سیاست سے بے زاری کااعلان کرتی ہے، ملک اور پارلیمنٹ پر سرمایہ داروں کا قبضہ ہے اپنی جدوجہد جاری رکھیں گے کرپشن فری مہم احتساب کا مطالبہ کیاتھا اب تک حقیقی احتساب نہیں گل گپاڑہ مچایاجارہاہے ایک روپیہ بھی نہیں لیاگیا ، نہ بیرونی بینکوں میں پڑے تین پچانوے بلین ڈالر اور پانامہ کے چار سو چھتیس لوگوں کا احتساب کیاگیا، جماعت اسلامی کرپشن فری اور احتساب مہم کو جاری رکھے گی اور نچلی سطح تک اقلیت و عوام کے حقوق کےلئے اپنا فرض ادا کرتے رہیں گے، نیب چئیرمین پر امیر جماعت اسلامی نے کہا کہ حکومت و اپوزیشن کااختیار نہیں ہونا چاہیے بلکہ چیف جسٹس اور چاروں صوبائی چیف جسٹس لائیں تاکہ غیر جانبدار شخص لایاجائے ، پی ٹی آئی اور پیپلزپارٹی میں کوئی فرق نہیں سمجھتے ان کا وزیر خزانہ اب لگایاگیا تو سوچا مبارکباد پیپلزپارٹی کو ہی دوں ، اپوزیشن کی اے پی سی میں اس لئے نہیں گئے کیونکہ پی ٹی آئی ن لیگ اور پیپلزپارٹی ایک ہی ہیں آدھی پیپلز پارٹی تو پی ٹی آئی میں ہے ، رانا ثنااللہ خان جب پکڑے گئے تو ان پر بہت ترس آیا، منڈی بہائوالدین میں مریم نواز کاجلسہ کرنا عوامی حق ہے اس کی مذمت کرتے ہیں ماضی کی حکومت نے جلسے جلوسوں پر پابندی لگائی تو اس سے عوام میں غصہ بڑھا ہے ، حکومت برائے ریلیف نہیں برائے ٹیکسز ہے

جماعت اسلامی نے سترہ نکاتی معاشی ایجنڈا حکومت کو دے چکے ہیں ہماری بات کے بھائے آئی ایم ایف پر یقین زیادہ کیااور ان کے کہنے پرآئی ایم ایف اور سٹیٹ بینک کے سربراہ کو تبدیل کیاگیا، جس جس نے پیسہ لیا وہ اگر پیپلزپارٹی پی ٹی آئی یا ن لیگ میں ہے ان سے پیسہ لینا چاہئے لیکن باہر بھیجنا درست نہیں ہے ، اس وقت مسئلہ چئیرمین سینٹ کا نہیں ہے بلکہ مہنگائی کا ہے ہمارا ایشو مہنگائی ہے جو قہر کی صورت میں ہےابھی وقت نہیں جب وقت آئے گا تو بتا دیں گے.

پاکستان مسلم لیگ ن کی نائب صدر مریم نواز شریف نے کہا ہے کہ جبر و بلیک میلنگ کا شکار ہو کر اپنے ضمیر کے خلاف فیصلہ دینے والے جج صاحب! میں سمجھ سکتی ہوں کہ آج بھی فیصلے کی طرح تیار شدہ پریس ریلیز پر آپ نے مجبوری میں دستخط کیے ہوں گے،

جبر و بلیک میلنگ کا شکار ہو کر اپنے ضمیر کے خلاف فیصلہ دینے والے جج صاحب! میں سمجھ سکتی ہوں کہ آج بھی فیصلے کی طرح تیار شدہ پریس ریلیز پر آپ نے مجبوری میں دستخط کیے ہوں گے، تھینک یو ویری مچ، آپ نے ویڈیو کا انکار نا کر کہ تصدیق کر دی۔ باقی شام کو منڈی بہاالدین ۔۔۔۔

— Maryam Nawaz Sharif (@MaryamNSharif) July 7, 2019

باغی ٹی وی کی رپورٹ‌ کے مطابق سوشل میڈیا سائٹ ٹویٹر پر اپنے پیغآم میں انہوں‌ نے جج ارشد ملک کو مخاطب کرتے ہوئے لکھا ہے کہ
تھینک یو ویری مچ، آپ نے ویڈیو کا انکار نا کر کہ تصدیق کر دی۔

واضح رہے کہ آج العزیزیہ ریفرنس کیس میں نواز شریف کو سزا سنانے والے جج ارشد ملک نے مریم نواز کی طرف سے کل پریس کانفرنس میں پیش کردہ ویڈیو کو جھوٹ پر مبنی اور جعلی قرار دیا ہے. ان کی اس پریس ریلیز کے بعد مریم نواز نے یہ ٹویٹ‌کی ہے.

وزیر اعلیٰ‌ پنجاب کے ترجمان شہباز گل نے کہا ہے کہ پہلے بھی کہہ چکے ہیں کہ مریم کی فہم و فراست ن لیگ کی سیاست کو دفنا دے گی،

باغی ٹی وی کی رپورٹ‌ کے مطابق شہباز گل نے کہا ہے کہ مریم صفدر کو سیاست کی ساکھ خراب کرنے پر سیاست سے دستبردار ہو جانا چاہیے، افسوس سیاسی جماعتیں اپنے بڑوں کی کرپشن بچانے کیلیے کسی بھی حدتک جا سکتی ہیں، کل شہباز شریف، شاہد خاقان، دیگر سیاستدانوں کواخلاقی جرات کامظاہرہ کرناچاہیےتھا، قوم نے دیکھ لیا اپنے مفاد کیلیے یہ لوگ کس طرح قومی اداروں پر کچڑا اچھالتے ہیں،

انہوں‌ نے کہاکہ ججوں پر دباؤ ڈالنا اور اثر ورسوخ استعمال کرنا ان کا پرانا وتیرہ رہا ہے، مریم کی جذباتی تقریر اور ڈرامے کا شو فلاپ ہو گیا، لیگی قیادت نے کل دو گھنٹے قوم کو یرغمال بنائے رکھا، ن لیگ کی سیاست جھوٹ، جھوٹ اور جھوٹ پر ہی مرکوز ہے. شہباز گل کا کہنا تھا کہ احتساب عدالت کے جج کےانکارکے بعد انہیں شرم سے ڈوب مرنا چاہیے، افسوس کہ لیگی رہنمااپنے پرانے وتیروں سے باز نہیں آئے، بیگم صفدر کی پریس کانفرنس کا24گھنٹےگزرنے سے پہلے ہی ڈراپ سین ہوگیا،

پاکستان مسلم لیگ ن کی نائب صدر مریم نواز نے منڈی بہاؤالدین جلسہ کی اجازت نہ دیے جانے پر سوشل میڈیا پر شاعرانہ انداز میں ردعمل ظاہر کیا ہے.

مانگے تانگے کی کرسی پر مرتے کیوں ہو؟
عمل نہیں تو جھوٹی باتیں کرتے کیوں ہو؟
کہتے تھے آؤ میں کنٹینر دوں گا
میں جو نکلی ہوں تو ڈرتے کیوں ہو ؟#MandiBahauddin pic.twitter.com/FdMQY8NXuR

— Maryam Nawaz Sharif (@MaryamNSharif) July 7, 2019

باغی ٹی وی کی رپورٹ‌ کے مطابق مریم نواز نے سوشل میڈیا سائٹ ٹویٹر پر اپنے پیغام میں‌ لکھا ہے کہ مانگے تانگے کی کرسی پر مرتے کیوں ہو؟ کہتے تھے آؤ میں کنٹینر دوں گا، میں جو نکلی ہوں تو ڈرتے کیوں ہو ؟ عمل نہیں تو جھوٹی باتیں کرتے کیوں ہو؟

واضح رہے کہ منڈی بہاؤالدین ضلعی انتظامیہ کی طرف سے قائداعظم گراؤنڈ میں جلسہ کی اجازت دینے سے انکار کیا گیا اور کہا گیا ہے کہ ایسا سکیورٹی خدشات کی بنا پر کیا جارہا ہے. دوسری طرف مریم نواز نے کہا ہےکہ وہ ہر صورت منڈی بہاؤالدین پہنچیں گی اور جلسہ سے خطاب کریں گی.

پاکستان مسلم لیگ ن کی ترجمان مریم اورنگزیب کی طرف سے منڈی بہاؤالدین میں کارکنوں کی گرفتاری کی شدید مذمت کی گئی ہے.

باغی ٹی وی کی رپورٹ‌ کے مطابق انہوں نے کہا ہے کہ مریم نوازسہ پہر 3 بجے رائیونڈ سےمنڈی بہاؤالدین جلسے کیلیے نکلیں گی. مریم اورنگزیب کا کہنا تھاکہ عمران صاحب آپ نے تو کہا تھا موت بھی برداشت کر سکتے ہیں لیکن عمران صاحب مریم نواز کا اتنا خوف کہ جلسہ گاہ میں پانی چھوڑ دیا گیا ہے.

مریم اورنگزیب نے کہاکہ عمران صاحب مریم نواز کومنڈی بہاءالدین میں جلسےکی اجازت نہیں دی گئی. واضح رہے کہ مسلم لیگ ن نے منڈی بہاؤالدین نے 15 کارکنان کی گرفتاری کا دعویٰ‌ کیا ہے. ادھر پولیس نے دوسرے شہروں سے بھی بھاری نفری طلب کر لی ہے اور سکیورٹی کے سخت انتظامات کئے گئے ہیں. پولیس نے جلسہ گاہ کی طرف جانےو الے تمام راستے سیل کر دیے ہیں.

صوبائی دارالحکومت پنجاب میں چونیاں کے علاقے شمس پورہ میں زمیندار کےگھردرجن سے زائد ڈاکوؤں کی طرف سے ڈکیتی کی واردات کی گئی ہے.

باغی ٹی وی کی رپورٹ کے مطابق ڈاکو گھر میں‌ گھس کر اہلخانہ کو یرغمال بنا کر20 لاکھ روپے نقدی،3 تولےطلائی زیورات لوٹ کرفرار ہو گئے. ڈاکوؤں کی جانب سے مزاحمت کرنے پراہلخانہ کو تشدد کا نشانہ بھی بنایا گیا ہے.

مقامی پولیس نے اس واقعہ کا مقدمہ درج کر کے ملزمان کی تلاش شروع کر دی ہے.

پاکستان مسلم لیگ ن کے صدر اور قومی اسمبلی میں‌ اپوزیشن لیڈر شہباز شریف نے کہا ہے کہ نوازشریف کے بے شمارخدمت کرنے کے ریکارڈز ہیں، ملک کےتین دفعہ بننےوالےوزیراعظم نوازشریف پابندسلاسل ہیں، نوازشریف صحیح معنوں میں سی پیک کےموجدہیں،

باغی ٹی وی کی رپورٹ کے مطابق شہباز شریف نے شاہد خاقان عباسی اور مریم نواز کے ہمراہ پریس کانفرنس سے خطاب کرتے ہوئے کہاکہ نوازشریف کی بےگناہی کےناقابل تردیدشواہدسامنےآئےہیں، آج نوازشریف سےمتعلق پریس کانفرنس کررہےہیں، یقین ہےکہ عدالت عظمیٰ اوردیگرادارےنوازشریف کوانصاف ضروردلوائیں گے،

شہباز شریف نے کہاکہ نوازشریف نےقوم کیساتھ ملکرپاکستان کوایٹمی قوت بنایا، تمام پارٹی رہنماؤں اورکارکنوں کاشکرگزارہوں،