وزیراعلیٰ پنجاب سردارعثمان بزدار نے مولانا فضل الرحمن کی زیر صدارت اسلام آباد میں‌ ہونے والی اے پی سی پر سخت تنقید کرتے ہوئے کہا ہے کہ یہ اے پی سی ذاتی مفادات اور لوٹ مار کی دولت کو تحفظ دینے کی بیٹھک کے سوا کچھ نہیں ہے۔

باغی ٹی وی کی رپورٹ‌ کے مطابق وزیر اعلیٰ‌ پنجاب نے کہاکہ اپوزیشن جماعتیں اسلام آباد میں عوام کے لئے بلکہ اپنی کرسی بچانے کیلئے جمع ہوئی ہیں. آج کی اے پی سی بھی ناکام رہی ہے. اپوزیشن جماعتوں‌ کو پہلے کی طرح ناکامی کا سامنا کرنا پڑے گا. ان کے پاس کوئی ایجنڈا نہیں‌ ہے.

انہوں نے کہاکہ ملکی مفادات پر ذاتی مفادات کو ترجیح دینا عوام کے ساتھ مذاق کے مترادف ہے۔ جو لوگ پاکستان کی ترقی و عوام کی خوشحالی کا سفرکھوٹا کرنا چاہتے ہیں‌ان کی جانب سے آج اے پی سی کا انعقاد کیا گیا۔

واضح رہے کہ اے پی سی میں اپوزیشن جماعتیں‌ استعفوں پر اختلاف کے سبب حکومت مخالف تحریک کے حوالہ سے کوئی بڑا فیصلہ نہیں‌کر سکی ہیں.

اینٹی کرپشن لاہور ریجن کی طرف سے جناح‌ ہسپتال میں‌ ایک بڑی چھاپہ مار کاروائی کی گئی ہے جس پر ہیپا ٹائٹس کلینک کے سٹور سے زائد المیعاد ادویات بھاری مقدار میں برآمد کر لی گئی ہیں.

باغی ٹی وی کی رپورٹ‌ کے مطابق اینٹی کرپشن ٹیم کو شکایات موصول ہوئی تھیں کہ جناح‌ ہسپتال کے ہیپاٹائٹس کلینک میں زائد المیعاد ادویات مریضوں‌ کو دی جارہی ہیں جس سے ان کی زندگیوں‌ کو خطرات لاحق ہو سکتے ہیں. اینٹی کرپشن ٹیم نے ان اطلاعات پر آج چھاپہ مارا تو ہیپا ٹائٹس کلینک سے ایسی زائد المیعاد ادویات کی بھاری کھیپ برآمد کر لی گئی ہے.

چھاپہ مارے جانے کے وقت اینٹی کرپشن لاہور ریجن کے افسران بھی موجود تھے. واضح رہے کہ اس سے قبل مختلف سرکاری ہسپتالوں‌ سے زائد المیعاد ادویات برآمد کی جاتی رہی ہیں تاہم ابھی تک حکومت اس مسئلہ پر قابونہیں‌ پا سکی ہے.

پنجاب اسمبلی میں قائد حزب اختلاف حمزہ شہباز کے جسمانی ریمانڈ میں توسیع کر دی گئی

رمضان شوگر مل کیس، حمزہ شہباز کے بینچ پرعدم اعتماد کے بعد نیا بینچ تشکیل

رمضان شوگر ملز کا چیف ایگزیکٹو کون؟ حمزہ شہباز ضمانت کیس میں عدالت کا استفسار

باغی ٹی وی کی رپورٹ کے مطابق حمزہ شہباز کا جسمانی ریمانڈ پورا ہونے پر انہیں احتساب عدالت میں پیش کیا گیا، نیب پراسیکیوٹر نے عدالت سے مزید ریمانڈ کی استدعا کی جس پر عدالت نے حمزہ شہباز کے جسمانی ریمانڈ میں 9 دن کی توسیع کر دی. عدالت نے حمزہ شہباز کو دوبارہ 5 جولائی کو پیش کرنے کا حکم دے دیا

حمزہ شہباز کا فرنٹ مین بن گیا نیب میں وعدہ معاف گواہ،بیان ریکارڈ کروا دیا

حمزہ شہباز کا 14 روزہ جسمانی ریمانڈ منظور

نواز شریف کی طبیعت خراب، جیل حکام نےایسا فیصلہ کیا کہ ن لیگی پریشان ہو گئے

واضح رہے کہ رمضان شوگر مل کیس میں لاہور ہائیکورٹ سے ضمانت کی درخواست مسترد ہونے پر نیب نے حمزہ شہباز کو عدالت سے گرفتار کر لیا تھا، گزشتہ سماعت مٰیں عدالت نے حمزہ شہباز کا چودہ روزہ جسمانی ریمانڈ دیا تھا

تحریک انصاف کے سینئر رہنما عبدالعلیم خان نے استعفیٰ دے دیا

الیکشن کمیشن کی علیم خان کے خلاف کاروائی کی درخواست پر سماعت

علیم خان نے رہائی کے بعد حکومت سے ایسا مطالبہ کیا کہ سن کرنواز شریف بھی خوش ہو جائے

باغی ٹی وی کی رپورٹ کے مطابق تحریک انصاف کے سینئر رہنما سابق صوبائی وزیر عبدالعلیم خان نے پنجاب اسمبلی کی چار قائمہ کمیٹیوں سے استعفیٰ دے دیا ہے، انہوں نے اپنا استعفیٰ بھجوایا جس کے بعد اسمبلی سیکرٹریٹ نے استعفیٰ منظور کر کے نوٹفکیشن جاری کر دیا ہے.

شہباز شریف نے قومی اسمبلی میں کی نواز شریف کی مخالفت، اہم خبر

نیب کے بعد عدالت میں میڈیکل آفیسر نے جمع کروایا جواب، کہا نواز شریف کو……اہم خبر

واضح رہے کہ عبدالعلیم خان کو نیب نے آف شور کمپنی کیس میں گرفتار کیا تھا ،چند روز قبل لاہور ہائیکورٹ نے علیم خان کو ضمانت پر رہا کیا ہے، علیم خان کوگرفتاری کے دوران انسانی حقوق و اقلیتی امور سمیت اسپیشل کمیٹی چھ کا ممبر بنایا گیا تھا ، عبدالعلیم خان پنجاب اسمبلی کی پبلک اکاؤنٹس کمیٹی ٹو کے بھی ممبر تھے۔ تمام کمیٹیز کی رکنیت سے عبدالعلیم خان نے استعفیٰ دے دیا ہے.

نواز شریف کی بیماری کا علاج جیل میں نہیں ہو سکتا، ڈاکٹر کا انکشاف

میں پیر یا ولی نہیں لیکن عمران خان کے ساتھ کیا ہونیوالا ہے ؟ نواز شریف نے کیا کہہ دیا

 لاہور پریس کلب کی گورننگ باڈی نے پی ٹی آئی سندھ کے رہنما ڈاکٹر مسرور سیال کی جانب سے کراچی پریس کلب کے صدر امتیاز فاران پر تشدد کے خلاف کراچی پریس کلب کی کال پرلاہور پریس کلب میں‌ بھی احتجاجا” تحریک انصاف کے لیڈروں پر 3 دن کیلئے داخلے کی پابندی عائد کردی ہے۔

باغی ٹی وی کی رپورٹ کے مطابق لاہور پریس کلب کے صدر ارشد انصاری نے پنجاب کے دیگر پریس کلبز کے عہدیداروں سے بھی رابطے کئے ہیں جن کے بعد صوبے کے تمام کلبز میں پی ٹی آئی کے راہنما کل سے داخل نہیں ہوسکیں گے۔

لاہور پریس کلب کے عہدیداروں نے کہا ہے کہ فیاض چوہان سے فواد چودھری اور اب منصور سیال کے صحافیوں پر براہ راست حملوں سے ثابت ہوتا جارہا ہے کہ تحریک انصاف ملک میں فاشزم کی نئی تاریخ رقم کرنا چاہتی ہے اور عوام کی آواز بننے والی ہر قوت کو ڈرایا اور دھمکایا جانا معمول بن گیا ہے۔ آج کراچی پریس کلب میں شہر کے صحافیوں کا ایک ہنگامی اجلاس منعقد ہوا جس میں پی ٹی آئی کے لیڈروں پر پہلے مرحلے میں 3 دن داخلے کی پابندی عائد کر دی گئی۔ اس اجلاس میں کہا گیا کہ اگر 3 دن میں منصور سیال نے امتیاز فاران سے معافی نہ مانگی تو آئندہ کے لائحہ عمل کا اعلان کردیا جائے گا جو مزید سخت ہوسکتا ہے۔

واضح رہے کہ پی‌ ٹی آئی رہنما ڈاکٹر مسرور سیال کی جانب سے گزشتہ روز صدر کراچی پریس کلب امتیاز فاران پر ایک ٹی وی پروگرام کے دوران تشدد کا نشانہ بنایا گیا تھا جس پر پورے ملک کی صحافی برادری سراپا احتجاج ہے.

لاہور پریس کلب اور ایمرا نے پچھلے کئی ماہ سے تنخواہیں‌ ادا نہ کرنے والے الیکٹرونک اور پرنٹ میڈیا کے اداروں‌ کے خلاف شدید احتجاج کیا ہے اور اس بے رحمانہ عمل کی شدید مذمت کی ہے.

باغی ٹی وی کی رپورٹ کے مطابق لاہور پریس کلب کے سیکرٹری زاہد عابد کی جانب سے جاری کردہ پریس ریلیز میں‌ کہا گیا ہے کہ نیوز ون، پبلک نیوز، 7نیوزاورسٹارایشیا سمیت جن جن اداروں میں گذشتہ کئی ماہ سے تنخواہیں ادا نہیں کی جارہی ہیں۔ لاہور پریس کلب اس ظلم اور بے رحمانہ عمل کی شدید مذمت کرتے ہوئے انھیں متنبہ کرتا ہے کہ وہ رواں ہفتے تنخواہیں ادا کردیں بصورت دیگر ان اداروں کے دفاتر کے سامنے احتجاجی مظاہرہ کیاجائے گا اوران پر لاہور پریس کلب میں تمام ایونٹس کی کوریج پر پابندی عائد کردی جائے گی ۔

رپورٹ کے مطابق ایمرا کے صدر آصف بٹ نے بھی تنخواہیں‌ ادا نہ کرنے والے اداروں‌ کی شدید مذمت کی ا ور کہا ہے کہ ورکرز دشمن سرگرمیاں کسی طور قابل قبول نہیں‌ ہیں. کئی ادارے ایسے ہیں‌ جن میں کام کرنے والے ورکرز کی کئی ماہ کی تنخواہیں اور بقایا جات ابھی تک نہیں دئیے گئے ہیں اگر ان صحافتی اداروں کے مالکان نے جمعہ والے دن تک ہمارے ورکرز کی تنخواہیں اور بقایا جات ادا نہ کی گی ہے تو ایمرا باڈی کی طرف سے ان ورکرز دشمن مالکان کے دفتر کے باہر مظاہرے کئے جائیں گے اور گندے انڈے اور ٹماٹروں کا استعمال کیا جائے گا. اسی طرح یہ بھی کہا گیا ہےکہ لاہور بھر کی تمام کوریج اور پریس کانفرنسز میں سے ان نیوز چینلز کے لوگو اور کیمرے کو کوریج سے روکا جائے گا.

لاہور کی ایبٹ روڈ پر واقع ایک پلازے میں آگ بھڑک اٹھی، اطلاع ملنے پر ریسکیو ٹیموں اور فائر بریگیڈ کو متاثرہ پلازے کی جانب روانہ کر دیا گیا۔

ابتدائی اطلاعات کے مطابق ایبٹ روڈ پر واقع پلازے میں آگ شارٹ سرکٹ سے لگی جس نے دیکھتے ہی دیکھتے بالائی منزل کو اپنی لپیٹ میں لے لیا۔ آگ بجھانے کیلئے ریسکیو اہلکار اور فائربریگیڈ کو آگ بجھانے کیلئے روانہ کر دیا گیا۔

پولیس کے مطابق تاحال کسی ہلاکت یا زخمی ہونے کی اطلاع نہیں ملی۔

سابق صوبائی وزیر سبطین خان کو احتساب عدالت نے مزید جسمانی ریمانڈ پر نیب کے حوالہ کر دیا

چوہدری برادران کے دور میں اربوں کی کرپشن کرنیوالے صوبائی وزیر جنگلات گرفتار

باغی ٹی وی کی رپورٹ کے مطابق احتساب عدالت میں سابق صوبائی وزیر سبطین خان کو نیب نے پیش کیا اور مزید جسمانی ریمانڈ کی استدعا کی، عدالت نے نیب کی استدعا منظور کرتے ہوئے سبطین خان کے جسمانی ریمانڈ میں توسیع کر دی،عدالت نے سبطین خان کو 3 جولائی کو عدالت میں دوبارہ پیش کرنے کا حکم دے دیا.

نیب نے سبطین خان کو غیر قانونی ٹھیکے دینے کے الزام میں گرفتار کیا تھا، گزشتہ سماعت پر عدالت نے سبطین خان کا دس روزہ ریمانڈ دیا تھا.

واضح رہے کہ نیب نے سبطین خان کو گرفتار کیا تو انہوں نے وزارت سے استعفیٰ دے دیا. صوبائی وزیر جنگلات سبطین خان نے سیاست کا آغاز 90 کی دہائی میں کیا، وہ 1990 سے 93 سے پنجاب اسمبلی کے رکن رہے اور ساتھ میں صوبائی وزیر جیل خانہ جات بھی تھے، چوہدری برادران کی جب حکومت بنی تو وہ وزیر معدنیات بنے، گزشتہ الیکشن میں صوبائی وزیر جنگلات سبطین خان تحریک انصاف میں شامل ہوئے اور الیکشن جیتے، تحریک انصاف نے انہیں صوبائی وزیر بنا یا تھا.

نشاط چونیاں ملز کو 8 ارب کا غیر قانونی طور پر فائدہ پہنچانے والے ملزم کے ریمانڈ میں عدالت نے دس روز کی توسیع کر دی

نواز شریف کے قریبی دوست میاں منشا کی کمپنی کو نوازنے پر نیب کی تحقیقات کا آغاز

باغی ٹی وی کی رپورٹ کے مطابق نشاط چونیاں ملز کو 8 ارب روپے کا غیر قانونی طور پر فائدہ دینے کے معاملہ پر احتساب عدالت میں سماعت ہوئی، نیب کی جانب سے سید انصاف احمد کے 15 روزہ جسمانی ریمانڈ کی استدعا کی گئی ،نیب پراسکیوٹر کا کہنا تھا کہ ملزم سے ابھی مزید تفتیش کرنا باقی ہے،ملزم نے نیپرا میں باضابطہ طور پر مالی بے ضابطگی کی، ملزم نے نشاط چونیاں پاور کمپنی سے بجلی انتہائی مہنگے داموں خریدی ،ملزم کی وجہ سے حکومتی خزانے کو 8 ارب روپے کا نقصان اٹھانا پڑا،عدالت نے نیب کی درخواست منظور کرتے ہوئے ملزم سید انصاف احمد کے جسمانی ریمانڈ میں 10روزکی توسیع کر دی .

واضح رہے کہ نیب نے آئی پی پیزسے متعلقہ 300 ارب کی مبینہ کرپشن کیس میں جاری تحقیقات پر نیب لاہور نے اہم پیش رفت کے طور پر سابق ڈی جی نیپرا ملزم سید انصاف احمد کو دس جون کو حراست میں لیا تھا. ان پر مبینہ طور پر 8 ارب مالیت کی مبینہ کرپشن کا الزام ہے. نیب کی جانب سے کہا گیا تھا کہ ملزم سید انصاف احمد نے دانستہ بددیانتی کا مظاہرہ کرتے ہوئے نشاط چونیاں پاور لمیٹڈ (IPP) سے ٹھیکہ جات میں بجلی نرخ انتہائی مہنگے داموں مقرر کئے جو حکومتی خزانے کو 8 ارب کے نقصان کا موجب بنا. نشاط چونیاں پاور لمیٹڈ کی جانب سے 2010میں 200 میگا واٹ پر مشتمل پاور پلانٹ کی تنصیب کی گئی. معاہدہ کے مطابق تاحال 17 ارب روپے نشاط چونیاں پاور لمیٹڈ کو بجلی کی قیمت کی مد میں ادا کئے گئے ہیں. نیب کا کہنا ہے کہ ملزمان کی جانب سے 8 ارب روپے کی رقم صرف نشاط چونیاں پاور لمیٹڈ کو غیرقانو ی طور پر منتقل کی گئی. اسی طرح کہا گیا ہے کہ آئ پی پیز کیساتھ معاہدوں میں اختیارات کے ناجائز استعمال، مبینہ جعلسازی اور دھوکہ دہی سے غیر قانونی ٹیرف مقرر کئے گئے جسکی مد میں اربوں روپے کی زائد رقم آئ پی پیز کو ادا کی گئی. نیب لاہور آئی پی پیز میں مبینہ بدعنوانی کے دیگر 5 کیسز کی تحقیقات بھی جاری رکھے ہوئے ہے جس میں مبینہ طور پر اربوں روپے کے غبن کے شواہد حاصل ہو رہے ہیں.

نشان چونیاں ملز میاں منشا کی ہیں اور پاکستان کے معروف بزنس مین میاں منشا سابق وزیر اعظم نواز شریف کے قریبی ساتھیوں میں شمار کیے جاتے ہیں۔ سابق وزیراعظم کے پرنسپل سیکریٹری فواد حسن فواد نے تفتیش میں انکشافات کیا تھا کہ غیرملکی اثاثے شہزاد سلیم کے پاس محفوظ ہیں، چونیاں پاور، نشاط پاور سے قومی خزانے کو 80 ارب کا نقصان پہنچایا، دونوں پاور پلانٹ نشاط گروپ کی ملکیت ہیں، دونوں پاور پلانٹس سے سالانہ 80 ارب روپے کا فراڈ ہوتا تھا۔ میاں منشا اور اُن کے بیٹوں پرمنی لانڈرنگ کا بھی الزام ہے، میاں منشا نے 2010 میں برطانیہ میں سینٹ جیمز ہوٹل اینڈ کلب خریدا، جس کی خریداری کے لیے انہوں نے کروڑوں پاؤنڈز غیر قانونی طریقے سے برطانیہ بھیجے۔ واضح رہے کہ میاں منشا کے خلاف پاکستان ورکر پارٹی کے چیئرمین فاروق سلہریا نے گزشتہ برس بھی ایک درخواست نیب میں دائر کی تھی جس میں کہا گیا تھا کہ میاں منشا نے 95ملین ڈالر منی لانڈرنگ کرکے پاکستان سے برطانیہ منتقل کئے ہیں۔ ایم سی بی بینک‘نشاط گروپ‘ڈی جی خان سیمنٹ‘آدم جی انشورنس اور نشاط پاور کمپنیاں میاں منشا کی ملکیت ہیں. نیب نے گزشتہ سال جون میں میاں محمد منشا کے خلاف منی لانڈرنگ کی تحقیقات شروع کی تھیں۔