مسلم لیگ ن کے رہنما راناثنااللہ سے متعلق منشیات کیس کی تفتیش کا دائرہ وسیع کردیا گیا ہے.

رانا ثناءاللہ کی گرفتاری سے حکومت کا کوئی لینا دینا نہیں، اپوزیشن جرائم سے توجہ نہ ہٹائے، عمران خان

باغی ٹی وی کی رپورٹ کے مطابق راناثنااللہ سے تفتیش کے لیے اے این ایف کی 5 رکنی خصوصی ٹیم تشکیل دی گئی ہے. اےاین ایف ہیڈکوارٹرز کے سینئرڈائریکٹر تفتیشی ٹیم کے سربراہ مقرر کئے گئے ہیں. خصوصی تفتیشی ٹیم نے عدالت کی اجازت سے ڈسٹرکٹ جیل لاہورکا دورہ کیا ہے.

حیران ہوں کہ راناثناءاللہ پرکرپشن نہیں منشیات کا کیس ہے، وفاقی وزیربحری امورعلی زیدی

کہا گیا ہے کہ راناثنااللہ سمیت دیگرگرفتارملزمان سےجیل میں تفتیش کی گئی، منشیات کیس میں مزید افراد کے ملوث ہونے کے شواہد بھی مل گئے ہیں.

آل پاکستان ٹیکسٹائل ایسوسی ایشن کے مرکزی عہدیداران نے مشینری پر ود ہولڈنگ ٹیکس بڑھانے کو سراسر ناجائز قرار دیا اور کہا ہے کہ تاجر مال نہیں‌ اٹھا رہے جس سے ملیں بند ہو رہی ہیں‌ اور لاکھوں مزدوروں کیلئے سخت مشکلات پیدا ہو رہی ہیں.

باغی ٹی وی کی رپورٹ کے مطابق آل پاکستان ٹیکسٹائل ایسوسی ایشن بھی کھل کر ایف بی آر کیخلاف میدان میں آ گئی ہے، اپٹما ہاؤس میں پریس کانفرنس کے دوران آل پاکستان ٹیکسٹائل ایسوسی ایشن کے عہدیداران نے کہا کہ سات اعشاریہ پانچ فیصد جی ایس ٹی فیصلے کے باوجود ایس آر او جاری نہیں کیا گیا، اپٹما عہدیداران نے ایک مرتبہ پھر پریس کانفرنس کے ذریعہ حکومت کی توجہ اپنے مسائل کی جانب دلوانے کی کوشش کی. انہوں نے وزیراعظم عمران خان کو معاملات میں مداخلت کا مشورہ دیتے ہوئے کہا کہ ہم ہڑتال نہیں کر رہے مگر مارکیٹیں بند ہونے سے کاروبار نہیں چل رہا۔

اپٹما عہدیداروں کا کہنا تھا کہ جو لوگ ٹیکس نیٹ میں نہیں انہیں ٹیکس دینا چاہیے جبکہ حکومت کاروباری طبقے کے ساتھ بیٹھ کر ٹیکس کا نظام قابل عمل بنائے، واضح رہے کہ آل پاکستان ٹیکسٹائل ملز ایسوسی ایشن سمیت دیگر تاجر تنظیمیں بھی اپنے مسائل کے حل کیلئے سراپا احتجاج ہیں‌ اور ہڑتالیں‌ کی جارہی ہیں تاہم حکومت ابھی تک ان کے مسائل حل کرنے اور مطمئن کرنے میں کامیاب نہیں‌ ہو سکی ہے.

پاکستان مسلم لیگ ن کی نائب صدرمریم نوازکی چھوٹی بیٹی علیل ہوگئی ہیں‌ اور ایک نجی ہسپتال میں زیر علاج ہیں.

باغی ٹی وی کی رپورٹ کے مطابق ماہ نورکی اچانک طبیعت خراب ہونےپردوپہرکونجی ہسپتال لایاگیا، ڈاکٹرنے طبیعت زیادہ خراب ہونے کی وجہ سےاسپتال میں داخل کرلیا ہے.

ماہ نورکو طبیعت کی خرابی کی وجہ سے مریم نوازخود ہسپتال لےکر آئیں، مریم نواز کے خاندانی ذرائع کا کہنا ہے کہ ماہ نور کی طبعیت خراب ہوئی تھی تاہم اب وہ پہلے سے بہت بہتر ہیں.

جیپنیز کار ڈیلرز ایسوسی ایشن اور انجمن تاجران لاہور کے وفد نے منسٹر ایکسائز حافظ ممتاز سے ملاقات کی ہے.

باغی ٹی وی کی رپورٹ کے مطابق وفد میں علی سلہری شاہد ڈوگر اور ناصر ڈولہ بھی شریک ہوئے، نائب صدر انجمن تاجران لاہور حافظ سجاد نے وفد کی قیادت کی، ملاقات کرنے والوں میں فرحان حافظ ابوبکر عدنان اسلم اور ابراہیم شبیر بھی شریک ہوئے.

جپنیز کار ڈیلرز ایسوسی ایشن اور انجمن تاجران لاہور کے وفد کی منسٹر ایکسائز حافظ ممتاز سے ملاقات کےد وران کار ڈیلرز کو درپیش مسائل پر تفصیلی گفتگو کی گئی. وفد نےکار شوروم کی رجسٹریشن اور سروس ٹیکس پر اپنے مطالبات پیش کئے.

مسلم لیگ ن کے اہم رہنما اور سابق وزیر اعظم شاہدخاقان عباسی کی پریس کانفرنس پرترجمان وزیراعلیٰ پنجاب شہبازگل نے شدید ردعمل ظاہر کیا اور کہا ہے کہ شاہدخاقان عباسی کی ڈیوٹی اپنےآقاؤں کےجھوٹ اورکالےکرتوتوں کادفاع کرناہے،

باغی ٹی وی کی رپورٹ کے مطابق شہباز گل نے کہاکہ شاہدخاقان عباسی نے شہبازشریف کےداماد کی کمپنی اورچیک وصولی کی تردید نہیں کی، شہبازشریف ایک دھیلےکی کرپشن بھی ثابت نہ ہونےکادعویٰ کرتے تھے، اربوں روپےکی کرپشن سامنےآنےپرشہبازشریف بوکھلاگئےہیں، ن لیگ کرپشن کےتمام ثبوتوں کومتنازع بنانےکی ناکام کوشش کرتی ہے،

انہوں نے کہاکہ شاہدخاقان بتائیں شریف خاندان کامنظورپاپڑوالےاورمشتاق چینی سےکیاتعلق ہے؟ ن لیگ کی سیاست گلوبٹ،پومی بٹ اورناصربٹ جیسےفراڈیوں کےگردگھومتی ہے، موجودہ حکومت کرپٹ عناصراورچوروں کےخلاف گھیراتنگ کررہی ہے، ن لیگ کرپٹ مفروروں اوراشتہاریوں کےدفاع کےمشن پرہے،

وزیرصحت پنجاب ڈاکٹریاسمین راشد کی ہدایت پر ڈی جی ہیلتھ سروسز پنجاب ڈاکٹر ہارون جہانگیرنے پنجاب کے تمام نجی ہسپتالوں سے فضلہ کو تلف کرنے کی روزانہ کی بنیاد پررپورٹ مرتب کرنے کا حکم دیا ہے،

باغی ٹی وی کی رپورٹ کے مطابق ڈاکٹر ہارون جہانگیرنے یہ احکامات ڈائریکٹوریٹ جنرل ہیلتھ سروسز اور ہیپاٹائٹس انفیکشن کنٹرول پروگرام کی جانب سے مقامی ہوٹل میں ہسپتالوں کے فضلہ کو تلف کرنے کے حوالہ سے منعقدہ اہم کانفرنس کے شرکاء سے خطاب کرتے ہوئے جاری کئے۔ اس موقع پر ڈاکٹر خالد محمود، ڈاکٹر شعیب گرمانی، ایم ایس گنگارام ہسپتال ڈاکٹر فیاض بٹ، ڈاکٹر مشتاق سلہریا اور ڈاکٹر یداللہ سمیت شرکاء کی کثیر تعداد نے شرکت کی۔

ڈاکٹر ہارون جہانگیر نے کانفرنس کے شرکاء سے خطاب کرتے ہوئے کہا کہہسپتالوں کے فضلے کو تلف کرنے کا دائرہ کار دیہی اور بنیادی صحت مراکز تک بڑھایاجائے گا۔ہیلتھ کیئر کمیشن کے ذریعے تمام نجی ہسپتالوں اور کلینکس سے فضلہ تلف کرنے کے حوالہ سے مشاورت اور اہم فیصلے کئے جائیں گے۔

سی ای او ہیلتھ کیئر کمیشن ڈاکٹر مشتاق سلہریا نے اپنے خطاب میں کہا کہ ہسپتالوں کے فضلہ کو ایس او پی کے مطابق تلف کرنے کے حوالہ سے ہیلتھ کیئر کمیشن کے ساتھ ساتھ باقی منسلک اداروں کو بھی اہم کردار ادا کرنا ہوگا۔ نجی ہسپتالوں و کلینکس سے فضلہ کو تلف کرنے کے حوالہ سے سوفیصد عمل درآمد کروایا جائے گا۔

صوبائی وزیر اوقاف پیر سید سعید الحسن شاہ نے کہا ہے کہ حکومت پنجاب نے ننکانہ صاحب میں سیاحوں کے لئے ٹی ڈی سی پی موٹل 13 کروڑ روپے کی لاگت سے مکمل کر لیا ہے جو مذہبی سیاحتی فروغ کا باعث ہوگا۔ موٹل میں سیاحوں کیلئے جدید ترین سہولتوں سے آراستہ 14 گیسٹ روم، 4 سوئیٹ، ریسٹورنٹ، کانفرنس ہال اور دیگر سہولیات فراہم کی گئی ہیں۔

باغی ٹی وی کی رپورٹ کے مطابق موٹل میں سکھ زائرین اور دیگر سیاحوں کو قیام و طعام کی عمدہ سہولت میسر ہوگی۔ حکومت پنجاب مذہبی رواداری کی پالیسی کے تحت سکھ برادری کو ان کے مذہبی مقامات پر بہترین سہولتیں فراہم کر رہی ہے۔   وزیر اوقاف نے کہا کہ ننکانہ صاحب میں اپنی نوعیت کی پہلی بابا گورو نانک یونیورسٹی کا سنگ بنیاد رکھ دیا گیا ہے۔ننکانہ صاحب میں بابا گورو نانک یونیورسٹی 10 ایکڑ زمین پر تقریباً6 ارب روپے کی لاگت سے مکمل کی جائے گی۔

انہوں نے کہا کہ بابا گورو نانک یونیورسٹی وزیراعظم عمران خان کے وعدوں کی تکمیل کی جانب ایک اور قدم ہے۔بابا گورو نانک یونیورسٹی کے قیام سے ننکانہ صاحب اور گرد و نواح کے لاکھوں طلبا مستفید ہوں گے۔ننکانہ صاحب میں سڑکوں کی تعمیر و مرمت کا میگاپراجیکٹ 15 کروڑ روپے کی لاگت سے مکمل کیا جائے گا۔پیر احمد شاہ روڈ کو دو رویہ بنایا جائے گا، گوردوارہ تنبو صاحب تا گوردوارہ جنم استھان براستہ ڈوھولار چوک کی تعمیر و مرمت کی جائے گی۔لاری اڈہ روڈ کی بھی تعمیر و توسیع کی جائے گی۔گورونانک یونیورسٹی تا ننکانہ واربرٹن روڈ رابطہ سڑک تعمیر کی جائے گی۔

انہوں نے کہا کہ پنجاب کے تمام علاقوں کو ترقی کے سفر میں یکساں طورپر شریک رکھا جائے گا۔پنجاب کے ہر شہر،ہرقصبے اورہر گاؤں کی ترقی کو فو قیت دی جا رہی ہے۔ ننکانہ صاحب جیسے نظرانداز اضلاع کو ترقی یافتہ شہروں کے برابر لایا جائے گا