تحریک انصاف کے رہنما، صوبائی وزیر فیاض الحسن چوہان نے کہا ہے کہ میں بات کروں گا تو اپوزیشن ارکان ٹھمکے ماریں گے .
مریم صفدر دھمکیاں دینا بند کریں ، فیاض چوہان
باغی ٹی وی کی رپورٹ کے مطابق پنجاب اسمبلی کا اجلاس ڈپٹی سپیکر پنجاب اسمبلی دوست محمد مزاری کی زیر صدارت جاری ہے، اجلاس میں حمزہ شہباز کے پروڈکشن آرڈر کو لے کر اپوزیشن نے ایوان میں ہنگامہ کیا، جس پر فیاض الحسن چوہان نے اسمبلی میں خطاب کیا، فیاض الحسن کے خطاب کے دوران بھی اپوزیشن اراکین نے خوب شورشرابا کیا.
فیاض الحسن چوہان کو ایک بار پھر بڑا عہدہ مل گیا
فیاض الحسن چوہان نے اسمبلی میں خطاب کرتے ہوئے کہا کہ شریف خاندان پاکستان لوٹ مار ایسوسی ایشن ہے،ن لیگ نے یتیموں کا پیسا بھی نہیں چھوڑا ،رانا مشہود تازہ تازہ خضاب لگا کرآئے ہیں ، جوان بننے کی کوشش کر رہے ہیں ، چوہان کا مزید کہنا تھا کہ میں بات کروں گا تو اپوزیشن ارکان ٹھمکے ماریں گے ، اپوزیشن میں سچ بات سننے کی ہمت نہیں .
اجلاس میں مسلم لیگ ن کے رہنما رانا مشہود نے کہا کہ پروڈکشن آڈرجاری نہ کئے گئے تو ہاؤس نہیں چلنے دیں گے،اب سلیکشن سے نکل کرپارلیمانی روایات آگےبڑھائی جائیں ، جس پر ڈپٹی سپیکر دوست مزاری نے کہا کہ پروڈکشن آڈر جاری کرنا اسپیکر کا اختیار ہے .
شہباز شریف کو لائف ٹائم ایوارڈ برائے کرپشن دیا جائے: شہباز گل
حمزہ شہباز کے پروڈکشن آرڈر کے خلاف درخواست دائر
مسلم لیگ ن کے رکن پنجاب اسمبلی نے کہا کہ لیڈرآف اپوزیشن کواجلاس بلانےکیلئے پروڈکشن آڈرجاری کئےجائیں،تھوڑی دیرکے لئے اجلاس ملتوی بھی کرنا پڑے توکر دیں . رانا مشہور نے کہا کہ آپ سب بھی کرپشن کی بنیاد پر اندر ہوں گے، جھوٹ کی سیاست کا وقت گزر چکا سچ کا سامنا کریں،اتنا ہی کریں جتنا کل آپ خود برداشت کرسکیں،ہم مشرف کے خلاف بھی کھڑے ہوئے،جو آئین کیخلاف جائیگا اسکے خلاف کھڑے ہونگے ،اپوزیشن کیساتھ امتیازی سلوک روا رکھا گیا،اس کی مذمت کرتے ہیں
ڈپٹی اسپیکر دوست مزاری نے دوران اجلاس ن لیگی اراکین کی سرزنش کرتے ہوئے کہا کہ چیمبرمیں یقین دہانی کروا کر ایوان میں آکر مکر جاتے ہیں، آپ کی ایک زبان ہی نہیں ہے ،ایوان کا ماحول خراب نہ کریں .
