سابق پرنسپل سیکرٹری فواد حسن فواد کیخلاف آمدن سے زائد اثاثہ جات کیس کی سماعت آج ہوگی

نشاط چونیاں ملز،غیر قانونی فائدہ دینے والے ملزم کے ریمانڈ میں توسیع

شہباز شریف کو لائف ٹائم ایوارڈ برائے کرپشن دیا جائے: شہباز گل

پانچ کمپنیوں میں 19 کروڑ کی منتقلی،حمزہ شہباز نیب کو مطمئن نہ کر سکے

رانا کی گرفتاری قوم کے ساتھ مذاق، دعا ہی کر سکتا ہوں، حمزہ شہباز

باغی ٹی وی کی رپورٹ کے مطابق فواد حسن فواد کو جوڈیشل ریمانڈ ختم ہونے پر احتساب عدالت میں پیش کیا جائے گا ، اس موقع پر سیکورٹی کے سخت انتظامات کئے گیے ہیں، فواد حسن فواد کےخلاف آشیانہ اقبال اسکینڈل میں بھی ریفرنس دائر کیا جا چکا ہے .

شہباز شریف کی کمردرد پھر سے شروع، عدالت پیش نہ ہوئے

نیب کا کہنا ہے کہ فواد حسن فواد نے اربوں روپے مالیت کے غیر قانونی اثاثہ جات بنائے ، فواد حسن فواد نے 4 ارب 56 کروڑ روپے سے زائد کے اخراجات کیے .نیب نے فواد حسن فواد کےخلاف آمدن سے زائد اثاثہ جات کیس کا ریفرنس دائر کررکھا ہے ،نیب کے مطابق فواد حسن فواد نے راولپنڈی میں 50 کروڑ روپے مالیت کا کمرشل پلاٹ لیا،فواد حسن فواد کے راولپنڈی کے ایک 15 منزلہ پلازے میں 3 ارب 85 کروڑ روپے کے حصص سامنے آئے

نواز شریف کے قریبی دوست میاں منشا کی کمپنی کو نوازنے پر نیب کی تحقیقات کا آغاز

سابقہ پیشی میں شہباز شریف احتساب عدالت میں پیش نہیں ہوسکے ، ، شہباز شریف کے وکیل عدالت میں حاضری سے استثنیٰ کی درخواست دائرکی تھی .کیس میں شہبازشریف فوادحسن فواد اور احد چیمہ سمیت 13 ملزمان شامل ہیں،بسم اللہ کنسٹرکشن کمپنی کے چیف ایگزیکٹو شاہد شفیق ،بلال قدوائی اور امتیاز حیدر بھی ملزمان میں شامل ہیں.

پاکستان مسلم لیگ ن کی صوبائی پارلیمانی پارٹی کا اجلاس ہوا ہے جس میں وزیراعظم عمران خان سے ملنے والے لیگی ایم پی ایزکی ملاقات پربات چیت ہوئی ہے،

جنوبی پنجاب سے مسلم لیگ ن کے بیشتر اراکین اسمبلی کا تحریک انصاف میں شمولیت کا فیصلہ، باغی ٹی وی کی خصوصی رپورٹ

باغی ٹی وی کی رپورٹ‌ کے مطابق اجلاس کے دوران لیگی رہنماؤں نے عمران خان سے ملنے والے ایم پی ایز کی اجلاس میں موجودگی پراعتراض‌ کیا گیا. ارکان کےپوچھنےپرملاقات کرنےوالےایم پی ایزنےبتایاکہ وہ ن لیگ کےساتھ ہیں،

وزیر اعظم عمران خان سے ملاقات کرنے والے ن لیگی اراکین اسمبلی کے نام سامنے آ گئے

اجلاس میں 90 سے زائد لیگی ارکان نےشرکت کی، دریں اثناء مسلم لیگ ن کی رہنما عظمیٰ‌ بخاری نے میڈیا سے گفتگو کرتے ہوئے کہا ہے کہ مسلم لیگ ن پوری طاقت کےساتھ اپنی قیادت کےساتھ کھڑی ہے، امیدہےکہ صوبائی اسمبلی کےاجلاس میں جمہوری روایات کوقائم رکھاجائےگا، انہوں نے کہاکہ پارٹی اراکین کومہنگائی کی صورتحال پرتشویش ہے، اسمبلی کوچلاناحکومت کی ذمہ داری ہے،

نون لیگ میں ایم پی اے اور ایم این اے کے بعد سینیٹرز کا فاروڈ بلاک بھی سامنے آگیا، باغی کی خاص رپورٹ

حکومت نے ممبران کو خریدنے کیلئے کیا حکمت عملی طے کی ہے؟ رانا ثناء‌اللہ نے بڑا دعویٰ‌ کر دیا

پی ٹی آئی حکومت مہنگائی کے جن کو قابو کرنے میں بری طرح ناکام ہو چکی ہے، غربت اور بے روزگاری میں بھی دن بدن اضافہ ہو رہا ہے، حکومت کی کوئی معاشی پالیسی نظر نہیں آرہی، ریاست مدینہ کے دعوے دار حکمران غریب عوام کو فوری ریلیف دیں، قادیانیوں کی سرگرمیاں اور ریشہ دوانیاں خطرناک حد تک بڑھ چکی ہیں جو آئین پاکستان کی صریح خلاف ورزی بلکہ بغاوت ہے، بے رحم اور بلاامتیاز احتساب جاری اور اس میں تیزی آنے چاہیے،

باغی ٹی وی کی رپورٹ کے مطابق ان خیالات کا اظہار جامعہ مرتضائیہ قلعہ شریف میں نیشنل علماء کونسل پاکستان کے خصوصی اجلاس سے قائدین کونسل چیئرمین علامہ صاحبزادہ مفتی محمد طاہر تبسم قادری سرپرست اعلیٰ علامہ صاحبزادہ پیر خلیل احمد مرتضائ۔سیکرٹری جنرل پیر سید وسیم الحسن نقوی۔ علامہ ڈاکٹر خادم حسین خورشید ۔علامہ عبدالمصطفی چشتی علامہ۔ صاحبزادہ انوار رسول مرتضائ۔ علامہ حسن رضا قادری رائے صلاح الدین ایوبی کر ایڈوکیٹ۔علامہ قاری زخار حیدری قاری محمد یونس قادری اور دیگر علماء و مشائخ نے خطاب کرتے ہوئے کیا. انہوں نے کہا کہ عمران خان اور ان کے ساتھیوں نے حکومت میں آنے سے پہلے بڑے بڑے دعوے کی یہ سبز باغ دکھائے اور عوام کی توقعات میں اضافہ کیا جن پر پورا اترنے میں بری طرح ناکام نظر آ رہے ہیں مہنگائی میں ہوش ربا اضافہ ہوچکا ہے،

انہوں نے کہاکہ وزیراعظم عمران خان اگر ریاست مدینہ کا نام سن کر دل سے لیتے ہیں تو فوری طور پر نظام مصطفی کے نفاذ کا اعلان کریں کیونکہ اس ملک اور قوم کی تقدیر نظام مصطفی سے جڑی ہوئی ہے اور حکومت اور عوام کی تمام تر پریشانیوں اور مسائل کا حل اسی نظام میں ہے فھاشی و عریانی کے سیلاب کو روکا جائے میڈیا کو خلاقیات کا پابند بنایا جائے فلاحی ریاست کے تصور کو عملی جامہ پہنانے کے لیے تعلیم صحت اور بنیادی ضروریات کو عام اور فری کیا جائے.

لاہور بورڈ آف انٹرمیڈیٹ‌ کی طرف سے دسویں‌ کلاس میں‌ پوزیشنیں‌ حاصل کرنے والے طلباء و طالبات کے ناموں‌ کا اعلان کر دیا گیا ہے.

باغی ٹی وی کی رپورٹ کے مطابق کریسنٹ ماڈل ہائر سیکنڈی سکول کے طالب علم دانش اطہر نے 1092 نمبر لے کر پہلی پوزیشن حاصل کی ہے، پنجاب گرلز ہائی سکول جوہر ٹاؤن کی طالبہ انوشہ زکریا، لاہور ریلائنس بوائز ہائی سکول علامہ اقبال ٹاؤن کے طالب علم سید حسن عباس اور امریکن لائسٹف سکول گلشن راوی کے محمد عفان عامر نے 1090 نمبر حاصل کر کے دوسری پوزیشن حاصل کی ہے.

لاہور بورڈ کے میٹرک کے امتحان میں ڈویژنل پبلک گرلز سکول ماڈل ٹاؤن کی طالبہ صبا اقبال اور گورنمنٹ‌ ماڈل گرلز ہائی سکول کی طالبہ سائرہ حیات نے 1089 نمبر حاصل کر کے تیسری پوزیشن حاصل کی ہے. واضح‌ رہے کہ لاہور بورڈ کی طرف پوزیشن ہولڈرز طلباء و طالبات کا اعلان کر دیا گیا ہے جبکہ باقاعدہ رزلٹ کا اعلان کل 15 جولائی کو کیا جائے گا.

لاہور کے باٹا پور علاقہ میں دس سالہ بچے کو مبینہ طور پر زیادتی کے بعد قتل کر دیا گیا ہے.

باغی ٹی وی کی رپورٹ‌ کے مطابق قتل کئے جانے والے بچے کا تعلق باٹا پور لکھن شریف علاقہ سے بتایا جاتا ہے. کہا گیا ہے کہ سبحان امجد نامی یہ بچہ گھر سے کھیلنے کیلئے باہر گیا تاہم وہ واپس گھر نہیں‌ آ سکا. گھر سے باہر کسی درندے نے اسے بہلا پھسلا کر زیادتی کا نشانہ بنایا اور پھر اسے وحشیانہ انداز میں قتل کر دیا گیا،

باٹا پور کےعلاقہ میں دس سالہ بچے کے قتل پر اہل علاقہ سراپا احتجاج ہیں اور انہوں نے قاتلوں کی فی الفور گرفتاری کا مطالبہ کیا ہے.

پاکستان مسلم لیگ ن کے صدر شہباز شریف نے کہا ہے کہ عمران صاحب آپ کومیری جانب سےکیےگئے3 ہتک عزت کےدعوؤں کاجواب دینا ہے،

شہبازشریف کا نیا سکینڈل، زلزلہ متاثرین کی امداد کھاتے رہے ،برطانوی اخبار

باغی ٹی وی کی رپورٹ کے مطابق شہباز شریف نے کہاکہ عمران خان اورشہزاداکبرکے خلاف بھی قانونی چارہ جوئی کریں گے، خود ساختہ اور گمراہ کن خبر عمران خان اور شہزاد اکبر کے ایما پرچھاپی گئی، برطانوی اخبارکےخلاف قانونی چارہ جوئی کا فیصلہ کیا ہے،

برطانوی صحافی بکاؤ مال نہیں جو ن لیگ کی جھوٹی خبروں‌ کا دفاع کرے، فردوس عاشق اعوان

واضح رہے کہ برطانوی صحافی ڈیوڈ روز نے اخبار ڈیلی میل کی رپورٹ میں دعویٰ کیا ہے کہ برطانیہ کی غیر ملکی امداد میں پوسٹر بوائے کے طور پر استعمال ہونے والے سابق وزیر اعلیٰ پنجاب شہباز شریف کے خاندان نے زلزلہ متاثرین کے لیے دی جانے والی امداد میں سے چوری کی ہے. مسلم لیگ ن نے اس رپورٹ کا چیلنج کرنے کا دعویٰ کیا ہے.

وزیراعظم پاکستان عمران خان کی معاون خصوصی فردوس عاشق اعوان نے کہا ہے کہ برطانوی صحافی نےسسلین مافیا کے دعوؤں کو مسترد کردیا ہے.

باغی ٹی وی کی رپورٹ کے مطابق فردوس عاشق اعوان نے سوشل میڈیا سائٹ ٹویٹر پر اپنے پیغام میں‌ لکھا ہے کہ برطانوی صحافی بکاؤمال نہیں جون لیگ کی جھوٹی خبروں کادفاع کرے،

UK journalist has rejected claims of Sicilian Mafia. It’s not like very few media / Journalists who are paid by PML N to defend fake news / stories

— Dr. Firdous Ashiq Awan (@Dr_FirdousAwan) July 14, 2019

واضح رہے کہ برطانوی صحافی ڈیوڈ روز نے اخبار ڈیلی میل کی رپورٹ میں دعویٰ کیا ہے کہ برطانیہ کی غیر ملکی امداد میں پوسٹر بوائے کے طور پر استعمال ہونے والے سابق وزیر اعلیٰ پنجاب شہباز شریف کے خاندان نے زلزلہ متاثرین کے لیے دی جانے والی امداد میں سے چوری کی ہے. مسلم لیگ ن نے اس رپورٹ کا چیلنج کرنے کا دعویٰ کیا ہے.

وزیراطلاعات پنجاب سید صمصام علی بخاری نے کہا ہے کہ برطانوی اخبار نے سابق وزیر اعلیٰ‌ شہباز شریف کیخلاف منی لانڈرنگ سکینڈل کی خبر شائع کر کے ان کا اصل چہرہ واضح‌ کر دیا ہے، خود کو خادم اعلیٰ کہلوانے والے کا اصل چہرہ ساری دنیا کے سامنے واضح‌ ہو گیا ہے.

باغی ٹی وی کی رپورٹ کے مطابق صمصام علی بخاری نے کہاکہ سچ کہتے ہیں کہ چھوٹے میاں‌ تو چھوڑے میاں بڑے میاں‌ سبحان اللہ، افسوس ہے کہ شہباز شریف نے زلزلہ زدگان کیلئے آنےو الی امدادی رقوم کو بھی نہیں چھوڑا، شہبازشریف کی کرپشن نے سب سے بڑے صوبے کو دیوالیہ کردیا ہے،

صمصام بخاری کا کہنا تھا کہ عمران خان کا لٹیروں کے بارے میں موقف درست ثابت ہواہے اور یہ بات بھی واضح‌ ہو گئ ہے کہ شہباز شریف منی لانڈرنگ کے اصل ماسٹر مائنڈ ہیں، ان کا کہنا تھا کہ سابق حکومت نے ملک کو دیوالیہ کر دیا ہے.

وزیراعلیٰ پنجاب سردار عثمان بزدار سے چیئرمین کشمیر کمیٹی فخر امام کی ملاقات ہوئی ہے، وزیراعلیٰ پنجاب اور چیئرمین کشمیر کمیٹی کی مقبوضہ کشمیر میں بھارتی ظلم وستم کی شدید مذمت کی گئی ہے.

باغی ٹی وی کی رپورٹ کے مطابق ملاقات کے دوران سردار عثمان بزدار نے گفتگو کرتے ہوئے کہاکہ بھارتی مظالم مقبوضہ کشمیر کے عوام کے دلوں میں جذبہ حریت دبا نہیں سکتے. بھارتی مظالم مقبوضہ کشمیر کے عوام کے دلوں میں جذبہ حریت دبا نہیں سکتے، بھارتی افواج نے مقبوضہ کشمیر میں بربریت کی انتہا کردی ہے، مقبوضہ کشمیر کے نہتے عوام اپنے لہو سے آزادی کی شمع روشن کررہے ہیں، عالمی برادری مقبوضہ کشمیر میں انسانی حقوق کی خلاف ورزیوں کا نوٹس لے،

چیئرمین کشمیر کمیٹی سید فخر امام نے کہاکہ آزادی کشمیری عوام کا حق ہے جو انہیں ہر صورت ملنا چا ہیے، مقبوضہ کشمیر میں انسانی حقوق کی خلاف ورزی پرعالمی برادری کو بیدار ہونا پڑے گا،