Category: لاہور

قومی اسمبلی میں قائد حزب اختلاف کل پیر کو اسلام آباد جائیں گے اور قومی اسمبلی کے اجلاس میں شرکت کریں گے

باغی ٹی وی کی رپورٹ کے مطابق شہباز شریف قومی اسمبلی اجلاس میں شرکت سے قبل پارٹی اجلاس کی صدارت کریں گے ،پارٹی کی تنظیم نو کے بعد شہباز شریف پہلے اجلاس کی صدارت کریں گے.شہبازشریف کوان کی عدم موجودگی میں ہوئےمعاملات پربریفنگ دی جائےگی،ن لیگ کےمشاورتی اجلاس میں آیندہ کےلائحہ عمل پرغورکیاجائےگا، قومی اسمبلی میں قائد حزب اختلاف بجٹ اجلاس میں بھی بھر پور کردار ادا کریں گے. وہ حکومت کی طرف سے ججز کے خلاف ریفرنس کے حوالہ سے بھی پالیسی بیان دیں گے ،اسلام آباد جانے سے قبل شہباز شریف کوٹ لکھپت جیل میں قید اپنے بھائی نواز شریف سے بھی ملاقات کی کوشش کریں گے.

واضح رہے کہ شہباز شریف آج اتوار کی صبح لاہور پہنچے ہیں. وہ لندن علاج کی غرض سے گئے ہوئے تھے.

وزیراعلٰیٰ پنجاب کے ترجمان شہباز گل نے کہا ہے کہ شہباز شریف عید لندن میں گزار کر واپس آئے، اچھا ہوتا مفرور داماد، بیٹے اور اسحاق ڈار کو بھی واپس لے آتے

باغی ٹی وی کی رپورٹ کے مطابق شہباز گل نے کہا کہ شہباز شریف نے علاج کے نام پر لندن میں عید گزاری ایسے لگتا ہے جیسے وہن ورلڈ کپ جیت کر آئے ہوں. شہباز گل کا مزید کہنا تھا کہ شہباز شریف نے غریب عوام کی خون پسینے کی کمائی پر ڈاکہ مارا.کرپشن اور معیشت کو تباہ کرنے کی وجہ سے شہباز شریف کو لائف ٹائم کرپسن ایوارڈ دیا جانا چاہئے.شہباز گل کا مزید کہنا تھا کہ پاکستان کی غریب عوام کا پیسہ لوٹ کر لندن میں جائیدادیں بنائی گئیں اور جب پکڑے گئے تو احتجاج کرنے لگ جاتے ہیں، اب احتساب احتجاج سے نہیں رکے گا.

واضح رہے کہ شہباز شریف آج اتوار کی صبح لندن سے لاہور پہنچے ہیں جہاں پارٹی قائدین و کارکنان نے شہباز شریف کا استقبال کیا.

سابق وزیراعظم نواز شریف سے کوٹ لکھپت جیل میں مریم نواز نے ملاقات کی، اس موقع پر نواز شریف نے مریم نواز کو ہدایت کی کہ ووٹ کوعزت دواورعدلیہ بحالی کے لیے تحریک بڑھائی جائے.

باغی ٹی وی کی رپورٹ کے مطابق مریم نواز کی سابق وزیراعظم نوازشریف سے ملاقات کوٹ لکھپت جیل میں ڈھائی گھنٹے جاری رہی ،مریم نوازشریف اپنے والد کے لیے گھر کا کھانا بھی لے کر آئیں سابق وزیراعظم نواز شریف نے اہل خانہ کے ساتھ کھانا کھایا،اس موقع پر نواز شریف نے کہا کہ مریم نواز اپوزیشن جماعتوں کی اے پی سی میں شریک ہوں ،اب ووٹ کوعزت سے بڑھ کرن لیگ کا کوئی اورنعرہ نہیں. نواز شریف نے مزید کہا کہ وزیرستان میں پاک آرمی کے جوانوں کی شہادت افسوسناک ہے ،دہشت گردی کےمکمل خاتمےتک جنگ جاری رہےگی، نواز شریف کا مزید کہنا تھا کہ عوام کومہنگائی کی چکی میں پستانہیں دیکھ سکتا،اس کےخلاف کھڑا ہونا ہوگا،جوکہتےتھےشہبازشریف واپس نہیں آئیں گے،اب وہ منہ چھپاتے پھررہے ہیں.صحت کی فکرنہیں،ملک کی معاشی صورتحال دیکھ کردل خون کےآنسوروتا ہے .

وفاقی وزیر ریلوے شیخ رشید احمد نے کہا ہے کہ عمران خان کی مخالفت میں تمام لٹیرے اکٹھے ہو گئے ہیں، مولانا فضل الرحمان ڈیرہ اسماعیل خان میں اپنی زمینوں کی حفاظت کریں

باغی ٹی وی کی رپورٹ کے مطابق شیخ رشید احمد نے میڈیا سے گفتگو کرتے ہوئے کہا کہ سیاسی اسکرین پر بڑی تبدیلی نہیں دیکھ رہا بہت سے وزیرتبدیل ہوگئے لیکن کسی کو پتہ نہیں چلا ،شیخ رشید احمد نے مزید کہا کہ اسوقت ملک میں سب کچھ ہو سکتا ہے نواز شریف اور زرداری کی حکومت نہیں ہو سکتی، شہباز شریف کو چیئرمین پی اے سی بنانا ہماری بڑی غلطی تھی، عمران خان کی مخالفت میں تمام لٹیرے اکٹھے ہو گئے ہیں، شیخ رشید احمد نے مزید کہا کہ میں نمبر ون سے دوستی اور دشمنی کرتا ہوں. میں اسد عمر کو وزیر دیکھنا چاہتا ہوں. اسد عمر کے گھر مٹھائی بھیجی تھی پتہ چلا کہ گھر خالی ہو گیا ہے.

واضح رہے کہ رمضان میں بلاول زرداری نے اپوزیشن جماعتوں کو افطار پارٹی دی تھی جس میں فیصلہ کیا گیا تھا کہ عید کے بعد مولانا فضل الرحمان کی سربراہی میں اپوزیشن کی اے پی سی ہو گی جس میں آئندہ کا لائحہ عمل طے کیا جائے گا، مولانا فضل الرحمان نے متحدہ مجلس عمل کے پلیٹ فارم سے 2018 کا الیکشن لڑا اور ہار گئے، الیکشن کے بعد متحدہ مجلس عمل بھی ٹوٹ چکی ہے.

شہباز شریف کی پاکستان واپسی پر مسلم لیگ ن نے کارکنان کو ائیر پورٹ پہنچنے کی کال نہیں دی

شہباز شریف کی پاکستان واپسی کب ہو گی؟ سلیمان شہباز نے اعلان کر دیا

شہباز شریف واپس ضرور آئیں، امید ہے وہ اپنے بیٹے اور داماد کو بھی ساتھ لائیں گے. فردوس عاشق اعوان

باغی ٹی وی کی رپورٹ کے مطابق مسلم لیگ ن کے مرکزی پارٹی سیکرٹریٹ میں اجلاس ہوا جس میں شہباز شریف کی وطن واپسی کے پروگرام کوحتمی شکل دی گئی، اجلاس کے بعد مسلم لیگ ن لاہور کے‌صدر پرویز ملک نے میڈیا سے گفتگو کرتے ہوئے کہا کہ اجلاس میں تنظیم سازی کے حوالہ سے بات ہوئی، کارکنوں کی خواہش ہے کہ وہ شہباز شریف کے استقبال کے لئے ائیر پورٹ جائیں مسلم لیگ ن نے کارکنان کو ائیرپورٹ کے لئے کال نہیں دی، پرویز ملک نے مزید کہا کہ عید کے دنوں میں نواز شریف سے ملاقات کی اجازت نہ ملنے کے واقعہ کی مذمت کرتے ہیں. خواجہ عمران نذیر نے کہا کہ پارٹی کی تنظیم سازی حکومت کے خلاف احتجاج کے سلسلہ میں ہے، شہباز شریف کی واپسی فردوس باجی اور ان کے آقاوں کے لئے تشویشناک ہے.

پاکستان پوسٹ کے بعد پنجاب حکومت نے بھی ریسٹ ہاوس عوام کے لئے کھول دئیے

باغی ٹی وی کی رپورٹ کے مطابق سماجی رابطے کی ویب سائٹ ٹویٹر پر وزیراعلیٰ پنجاب عثمان بزدار نے ٹویٹ کرتے ہوئے کہا کہ پنجاب میں مختلف محکموں کے 177 ریسٹ ہاؤسز کو، جو کہ پہلے سرکاری عہدیدار صرف اپنے ذاتی استعمال میں رکھتے تھے، عام عوام کے استعمال کے لئے کھول دیا گیا ہے، اس سےحاصل ہونے والی آمدن سے ناصرف ملحقہ علاقوں کی کمیونٹی ڈویلپمنٹ کےلیے فنڈز جمع ہوں گے بلکہ ریسٹ ہاؤسز کی دیکھ بھال بھی ہو گی!.

پنجاب میں مختلف محکموں کے 177 ریسٹ ہاؤسز کو، جو کہ پہلے سرکاری عہدیدار صرف اپنے ذاتی استعمال میں رکھتے تھے، عام عوام کے استعمال کے لئے کھول دیا گیا ہے

اس سےحاصل ہونے والی آمدن سے ناصرف ملحقہ علاقوں کی کمیونٹی ڈویلپمنٹ کےلیے فنڈز جمع ہوں گے بلکہ ریسٹ ہاؤسز کی دیکھ بھال بھی ہو گی!

— Usman Buzdar (@UsmanAKBuzdar) June 8, 2019

واضح رہے کہ اس سے قبل پاکستان پوسٹ نے بھی اپنے ریسٹ ہاوس عوام کے لئے کھولنے کا اعلان کیا تھا وفاقی وزیر مراد سعید کی ہدایت پر پوسٹل سروسز کے ریسٹ ہاوسز کے بارے میں باضابطہ نوٹفکیشن جاری کیا گیا تھا، وزارت پوسٹل سروسز کے اعلامیہ کے مطابق شہری تفریحی مقامات کی سیر کے دوران سرکاری ریسٹ ہاوسز میں قیام کر سکیں گے.

پنجاب کے صوبائی وزیر اطلاعات صمصام بخاری نے کہا ہے کہ عید کے دنوں میں کوئٹہ و شمالی وزیرستان میں دہشت گردی قابل مذمت ہے.

باغی ٹی وی کی رپورٹ کے مطابق صمصام بخاری نے کہا کہ دھرتی ماں پر بیٹوں کی قربانیوں کا سلسلہ جاری ہے ،افواج پاکستان دفاع وطن کی نئی تاریخ رقم کررہی ہے ،پاک فوج کے جواں اور افسر بلاتفریق جانیں قربان کررہے ہیں۔ صمصام بخاری نے مزید کہا کہ بارودی سرنگیں بچھانے والے درندے کسی رعایت کے مستحق نہیں ،عید پر کوئٹہ و شمالی وزیرستان میں دہشتگردی قابل مذمت ہے ،ملکی اداروں کیخلاف ہرزہ سرائی کرنے والوں کو شرم آنی چاہئے ،صمصام بخاری کا مزید کہنا تھا کہ ہرمحب وطن پاکستانی پاک فوج کے شانہ بشانہ کھڑاہے، اپوزیشن جماعتیں حکومت کیساتھ قومی امور پرایک پیج پر آئیں کیونکہ ملکی تحفظ و دفاع پر کوئی سمجھوتہ نہیں کیا جا سکتا.

پاک فوج زندہ باد کے نعروں میں پاک فوج کے شہداء کی تدفین

واضح رہے کہ گزشتہ روز شمالی وزیرستان میں بارودی سرنگ کے دھماکے میں پاک فوج کے ایک افسر سمیت چار جوان شہید ہو گئے تھے جن کا آبائی علاقوں میں نماز جنازہ کے بعد تدفین کر دی گئی. سیاسی و سماجی رہنمائوں نے دہشت گردی کے اس واقعہ کی بھر پور مذمت کی ہے.

صوبائی دارالحکومت لاہور میں پنجاب فوڈ اتھارٹی کی ٹیم پر فائرنگ کا واقعہ پیش آیا ہے.

باغی ٹی وی کی رپورٹ کے مطابق فائرنگ کا یہ واقعہ ہربنس پورہ میں جعلی کولڈ ڈرنکس تیار کرنے والی فیکٹری پر چھاپے کے بعد پیش آیا ہے. فوڈ اتھارٹی کی ایک ٹیم مبینہ طور پر فیکٹری سے 5 ہزار جعلی مشروبات سے بھری بوتلیں اور دیگر سامان قبضے میں لے کر واپس آرہی تھی کہ راستے میں بغیر نمبر پلیٹ کار سے ٹیم پر فائرنگ کی گئی۔

رپورٹ میں‌ کہا گیا ہے کہ فائرنگ کئے جانے کے باوجود خوش قسمتی سے کوئی نقصان نہیں ہوا تاہم فوڈ اتھارٹی حکام کی درخواست پر پولیس نے چار نامعلوم افراد کے خلاف مقدمہ درج کر لیا ہے۔ واضح رہے کہ اس سے قبل بھی فوڈ اتھارٹی کی طرف سے چھاپوں اور جعلی مصنوعات قبضہ میں لئے جانے کے دوران اس نوعیت کے واقعات پیش آتے رہتے ہیں.