Category: لاہور

پاکستان پوسٹ کے بعد پنجاب حکومت نے بھی ریسٹ ہاوس عوام کے لئے کھول دئیے

باغی ٹی وی کی رپورٹ کے مطابق سماجی رابطے کی ویب سائٹ ٹویٹر پر وزیراعلیٰ پنجاب عثمان بزدار نے ٹویٹ کرتے ہوئے کہا کہ پنجاب میں مختلف محکموں کے 177 ریسٹ ہاؤسز کو، جو کہ پہلے سرکاری عہدیدار صرف اپنے ذاتی استعمال میں رکھتے تھے، عام عوام کے استعمال کے لئے کھول دیا گیا ہے، اس سےحاصل ہونے والی آمدن سے ناصرف ملحقہ علاقوں کی کمیونٹی ڈویلپمنٹ کےلیے فنڈز جمع ہوں گے بلکہ ریسٹ ہاؤسز کی دیکھ بھال بھی ہو گی!.

پنجاب میں مختلف محکموں کے 177 ریسٹ ہاؤسز کو، جو کہ پہلے سرکاری عہدیدار صرف اپنے ذاتی استعمال میں رکھتے تھے، عام عوام کے استعمال کے لئے کھول دیا گیا ہے

اس سےحاصل ہونے والی آمدن سے ناصرف ملحقہ علاقوں کی کمیونٹی ڈویلپمنٹ کےلیے فنڈز جمع ہوں گے بلکہ ریسٹ ہاؤسز کی دیکھ بھال بھی ہو گی!

— Usman Buzdar (@UsmanAKBuzdar) June 8, 2019

واضح رہے کہ اس سے قبل پاکستان پوسٹ نے بھی اپنے ریسٹ ہاوس عوام کے لئے کھولنے کا اعلان کیا تھا وفاقی وزیر مراد سعید کی ہدایت پر پوسٹل سروسز کے ریسٹ ہاوسز کے بارے میں باضابطہ نوٹفکیشن جاری کیا گیا تھا، وزارت پوسٹل سروسز کے اعلامیہ کے مطابق شہری تفریحی مقامات کی سیر کے دوران سرکاری ریسٹ ہاوسز میں قیام کر سکیں گے.

پنجاب کے صوبائی وزیر اطلاعات صمصام بخاری نے کہا ہے کہ عید کے دنوں میں کوئٹہ و شمالی وزیرستان میں دہشت گردی قابل مذمت ہے.

باغی ٹی وی کی رپورٹ کے مطابق صمصام بخاری نے کہا کہ دھرتی ماں پر بیٹوں کی قربانیوں کا سلسلہ جاری ہے ،افواج پاکستان دفاع وطن کی نئی تاریخ رقم کررہی ہے ،پاک فوج کے جواں اور افسر بلاتفریق جانیں قربان کررہے ہیں۔ صمصام بخاری نے مزید کہا کہ بارودی سرنگیں بچھانے والے درندے کسی رعایت کے مستحق نہیں ،عید پر کوئٹہ و شمالی وزیرستان میں دہشتگردی قابل مذمت ہے ،ملکی اداروں کیخلاف ہرزہ سرائی کرنے والوں کو شرم آنی چاہئے ،صمصام بخاری کا مزید کہنا تھا کہ ہرمحب وطن پاکستانی پاک فوج کے شانہ بشانہ کھڑاہے، اپوزیشن جماعتیں حکومت کیساتھ قومی امور پرایک پیج پر آئیں کیونکہ ملکی تحفظ و دفاع پر کوئی سمجھوتہ نہیں کیا جا سکتا.

پاک فوج زندہ باد کے نعروں میں پاک فوج کے شہداء کی تدفین

واضح رہے کہ گزشتہ روز شمالی وزیرستان میں بارودی سرنگ کے دھماکے میں پاک فوج کے ایک افسر سمیت چار جوان شہید ہو گئے تھے جن کا آبائی علاقوں میں نماز جنازہ کے بعد تدفین کر دی گئی. سیاسی و سماجی رہنمائوں نے دہشت گردی کے اس واقعہ کی بھر پور مذمت کی ہے.

صوبائی دارالحکومت لاہور میں پنجاب فوڈ اتھارٹی کی ٹیم پر فائرنگ کا واقعہ پیش آیا ہے.

باغی ٹی وی کی رپورٹ کے مطابق فائرنگ کا یہ واقعہ ہربنس پورہ میں جعلی کولڈ ڈرنکس تیار کرنے والی فیکٹری پر چھاپے کے بعد پیش آیا ہے. فوڈ اتھارٹی کی ایک ٹیم مبینہ طور پر فیکٹری سے 5 ہزار جعلی مشروبات سے بھری بوتلیں اور دیگر سامان قبضے میں لے کر واپس آرہی تھی کہ راستے میں بغیر نمبر پلیٹ کار سے ٹیم پر فائرنگ کی گئی۔

رپورٹ میں‌ کہا گیا ہے کہ فائرنگ کئے جانے کے باوجود خوش قسمتی سے کوئی نقصان نہیں ہوا تاہم فوڈ اتھارٹی حکام کی درخواست پر پولیس نے چار نامعلوم افراد کے خلاف مقدمہ درج کر لیا ہے۔ واضح رہے کہ اس سے قبل بھی فوڈ اتھارٹی کی طرف سے چھاپوں اور جعلی مصنوعات قبضہ میں لئے جانے کے دوران اس نوعیت کے واقعات پیش آتے رہتے ہیں.

سابق نواز شریف اس بار عید الفطر جیل میں منائیں گے ، عید والے دن کسی سے ملاقات کی بھی اجازت نہیں ہو گی

باغی ٹی وی کی رپورٹ کے مطابق سابق وزیراعظم نواز شریف اس بار عید جیل میں منائیں گے، احتساب عدالت نے نواز شریف کو سات سال قید کی سزا سنائی ہے ، سپریم کورٹ نے نواز شریف کو طبی بنیادون پر چھ ہفتوں کی ضمانت دی تھی لیکن اس کے بعد ضمانت میں توسیع نہیں ہو سکی، اب نواز شریف نے اسلام آباد ہائیکورٹ میں ضمانت کے لئے درخواست دائر کر رکھی ہے لیکن نواز شریف عید جیل میں ہی گزاریں گے. مسلم لیگ ن کے رہنما سابق وفاقی وزیر خواجہ سعد رفیق اور ان کے بھائی خواجہ سلمان رفیق بھی عید جیل میں گزاریں گے. جماعۃ الدعوۃ کے مرکزی رہنما حافظ عبدالرحمان مکی کی عید بھی جیل میں ہو گی، انہیں حکومت نے تھری ایم پی او کے تحت تین ماہ کے لئے جیل میں قید کیا گیا ہے.

صدر مملکت ڈاکٹر عارف علوی کراچی ،وزیر اعظم عمران خان اسلام آباد ، آرمی چیف قمر جاوید باجو ہ راولپنڈی ،گورنر پنجاب چو دھری سرور اور وزیر اعلیٰ پنجاب عثمان بزدار لاہور، پیپلزپارٹی کے رہنما آصف زرداری اور بلاول زرداری نواب شاہ میں عید منائیں گے ،

لاہورہائیکورٹ نے پنجاب اسمبلی میں اپوزیشن لیڈر حمزہ شہباز کی عبوری ضمانت میں 11 جون تک توسیع کردی

باغی ٹی وی کی رپورٹ کے مطابق حمزہ شہباز کی ضمانت پر درخواست کی سماعت جسٹس مظاہر علی اکبر نقوی کی عدالت میں ہوئی، عدالت نے ضمانت میں 11 جون کی توسیع کر دی اور نیب کو گرفتاری سے روک دیا۔ دوران سماعت جسٹس مظاہر علی اکبر نقوی نے کہا کہ ہم نے قانون کےمطابق فیصلہ کرنا ہے،قانون کےمطابق ملزم کی تعریف کیا ہے، قانون کی نئی تشریح کہاں سےآگئی، یہ تشریح کہاں سےآگئی کہ ملزم کوگرفتارکرنےسے پہلے بتایاجائے،عدالت نے برہمی کا اظہار کرتے ہوئے کہا کہ عدالت کے باہرنعرےبازی ہوتی ہے،یہ کوئی موچی دروازہ ہے؟

لاہور ہائیکورٹ میں حمزہ شہباز کی ضمانت کی درخواست پر سماعت جسٹس مظاہرعلی اکبرنقوی نے کی،.حمزہ شہباز کے وکیل نے کہا کہ حمزہ شہبازکوسیاسی انتقام کانشانہ بنایاجارہا ہے، نیب پراسیکیوٹر نے کہا کہ ٹھوس شواہدکی بناپرحمزہ شہبازکےوارنٹ گرفتاری جاری کئے گئے،جسٹس مظاہرعلی اکبرنقوی نے کہا کہ معاملےپربہت کچھ کہا گیا، عدالت نے استفسار کیا کہ حمزہ شہبازکدھرہے؟عدالت کے حکم پرحمزہ شہبازروسٹرم پرآگئے،عدالت نے کہا کہ ہائی کورٹ میں نعرے بازی جاری ہے ،وکیل حمزہ شہباز نے کہا کہ سیاسی کیسز میں کنٹرول کرنا مشکل ہوتا ہے .نیب پروسیکیوٹر نے کہا کہ حمزہ شہبازکےاثاثوں میں کروڑوں روپےکا اضافہ ہوا،حمزہ شہبازاپنےاثاثوں کےذرائع بتانے میں ناکام رہےصاف پانی کمپنی کیس سےمتعلق ریفرنس احتساب عدالت میں دائرکیا جا چکا ہے، حمزہ شہباز کے وکیل نے عدالت میں کہا کہ نیب نےریفرنس دائرکرنے کے بعدحمزہ شہبازکونامزدکیا،رمضان شوگرملزمیں مقامی ایم پی اے کی درخواست پرنالہ تعمیرکیاگیا، سلمان بٹ ایڈووکیٹ بیرون ملک موجودہیں،پیش ہونےکےلئےمہلت دی جائے ،حمزہ شہباز کے وکیل نے عدالت سے استدعا کی کہ کیسزکی سماعت10روزکیلئےملتوی کی جائے،عدالت نے کہا کہ آپ کا کیس اگر روزانہ بنتا ہے تو روز سماعت کرائیں ، آپ کیس شروع تو کریں تاکہ معلوم ہو کیس ہے کیا،عدالت نے نیب پروسیکیوٹرکودلائل دینے کا حکم دیا.