Category: لاہور

وزیر اعلیٰ پنجاب کے ترجمان شہباز گل نے کہا ہے کہ نواز اور زرداری نے لوٹ مار نہ کی ہوتی تو آج ہماری حکومت کو آئی ایم ایف کے پاس نہ جانا پڑتا

باغی ٹی وی کی رپورٹ کے مطابق وزیر اعلیٰ پنجاب کے ترجمان شہباز گل نے سماجی رابطے کی ویب سائٹ ٹویٹر پر کہا کہ آئی اہم ایف کا حالیہ پروگرام ماضی کے قرضے اتارنے کے لیے لیا جا رہا .قوم کو گمراہ کرنے اور مایوسی پھیلانے والوں کو منہ کی کھانہ پڑے گی. نواز اور زرداری نے بڑے پیمانے پر لوٹ مار نہ کی ہوتی,تو قوم کو آج IMF کے پاس نہ جانا پڑتا.عمران خان کی قیادت میں جلد پاکستان بیرونی قرضے اتارے گا .شہباز گل نے ایک اور ٹویٹ کرتے ہوئے کہا کہ ن لیگ اور پیپلز پارٹی کے کٹھ جوڑ نے ملکی معیشت کو اس نہج تک پہنچایا. زرادری اور نواز حکومت نے معیشت بارے قوم سے ہمیشہ جھوٹ بھولا.پاکستان کو پائیدار ترقی کی راہ پر گامزن ہونے کے لیے مشکل فیصلے کرنے پڑ رہے ہیں. ن لیگ اور پیپلز پارئی کی حکومتوں نے 50ارب ڈالر سے زائد کے قرضے لیے.

واضح رہے کہ آئی ایم ایف کا وفد پاکستان میں موجود ہے اور حکومت سے آئی ایم ایف کے ساتھ مذاکرات آخری مراحل میں ہیں. آج مذاکرات پھر ہوں گے.

وزیر اعظم عمران خان آج لاہور کا دورہ کریں گے،

باغی ٹی وی کی رپورٹ کے مطابق وزیر اظم عمران خان سے دورہ لاہور کے دوران وزیر اعلیٰ پنجاب عثمان بزدار،گورنر پنجاب چودھری سرور و دیگر سے ملاقات کریں گے، وزیر اعظم عمران خان پنجاب کی صوبائی کابینہ کے اجلاس کی بھی صدارت کریں گے. اجلاس میں رمضان المبارک میں عوام کو ریلیف دینے کے حوالے سے غورو خوض کیا جائے گا،. وزیر اعظم لاہور میں شوکت خانم ہسپتال کی فنڈ ریزنگ تقریب میں بھی شرکت کریں گے.

پنجاب میں نیب نے ایڈزروک تھام پروگرام کے ذمہ داران کو بلا لیا

باغی ٹی وی کی رپورٹ کے مطابق پنجاب میں تیزی سے پھیلتے ایڈز کےمرض کے تدارک کیلیے نیب لاہورسرگرم ہوم چکا ہے ،نیب نے سیکریٹری ہیلتھ،ڈی جی ہیلتھ سمیت دیگرکوبریفنگ کیلیے نیب آفس طلبکیا .ایڈیشنل سیکرٹری ٹیکنیکل ڈاکٹرعاصم الطاف نے اقدامات کے حوالہ سے بریفنگ د ی جس میں کہا گیا کہ بلڈبینک،بلڈٹیسٹنگ لیب،عطائی ڈاکٹر،حجام وغیر اخلاقی سرگرمیاں بڑی وجہ ہیں، ایڈز کے شکار مریضوں کومتعدد معاشرتی مسائل درپیش ہیں ،ایڈزکی روک تھام کیلیے 38 انفیکشن کنٹرول پروگرامزکوعمل میں لایاجاچکا ہے .نیب لاہور نے کہا کہ بریفنگ میں پنجاب ایڈزکنٹرول پروگرام کےمالی امورکی وضاحت نہیں کی گئی، مالی بجٹ کی مکمل تفصیلات بشمول بین الاقوامی فنڈنگ کی مکمل تفصیل طلب کر لی گئی ہیں .

مسلم لیگ ن کے رہنما قومی اسمبلی میں قائد حزب اختلاف شہباز شریف کو ڈاکٹروں نے اجازت دی تو وہ جلد پاکستان آ جائیں گے اور بجٹ اجلاس میں شرکت کریں گے

باغی ٹی وی کی رپورٹ کے مطابق سابق وزیر اعلیٰ پنجاب شہباز شریف کے لندن میں 16مئی کو میڈیکل ٹیسٹ کیے جائیں گے ،شہباز شریف اپنےذاتی معالج سے معائنہ کروائیں گے ، اگر ڈاکٹروں نے شہباز شریف کو اجازت دی تو وہ پاکستان واپس آءیں گے اور بجٹ اجلاس میں شرکت کریں گے اور اگر ڈاکٹروں نے اجازت نہ دی تو شہباز شریف لندن رہیں گے.

واضح رہے کہ سابق وزیر اعظم نواز شریف کی علاج کے بہانے لندن جانے کی کوشش سپریم کورٹ آف پاکستان نے ناکام بنادی ہے،. نواز شریف کوٹ لکھپت جیل میں قید ہیں.

صوبائی دارالحکومت لاہور میں حساس اداروں نے کاروائی کرتے ہوئے پانچ افراد کو حراست میں لے لیا

باغی ٹی وی کی رپورٹ کے مطابق حساس اداروں نے لاہور پریس کلب کے قریب گڑھی شاہو میں ایک چائے کے ہوٹل پر چھاپہ مارا جہاں سے پانچ افراد کو گرفتار کر لیا .چائے کا ہوٹل اسد عباسی نام کا شخص چلاتا تھا، اسد عباسی اور اس کے دوسرے دوست شاہد نے تین مہینے قبل ہوٹل کے لئے جگہ کرائے پر لی تھی. گرفتار کئے جانے والے افراد پر شبہ ہے کہ وہ داتا دربار حملہ آور کے سہولت کار ہیں.

واضح رہے کہ داتا دربار کے باہر ایلیٹ فورس کی گاڑی کے قریب دھماکے سے پولیس اہلکاروں سمیت بارہ افراد جاں بحق ہو گئے تھے.

چیئرمین گرینڈہیلتھ الائنس ڈاکٹرسلمان حسیب نے کہا کہ ہے پنجاب میں ایم ٹی آئی ایکٹ کےنام پرنجکاری کاقانون لایا جا رہا ہے .سرکاری ملازمین کی نوکری اور پنشن کا خاتمہ کردیا جائے گا ،مطالبات نہ مانے گئے تو عید کےبعد پنجاب اسمبلی کے سامنے دھرنا دیں گے،

باغی ٹی وی کی رپورٹ کے مطابق چیئرمین گرینڈہیلتھ الائنس ڈاکٹرسلمان حسیب نے پریس کانفرنس کرتے ہوئے کہا کہ حکومت اسپتالوں سےمفت علاج ختم کرکے انہیں کاروبار بنانےکی طرف لے جا رہی ہے. ہسپتالوں‌ کو کمپنی بنادیاجائےگا اورغریبوں کومفت علاج نہیں ملےگا ،انہوں نے کہا کہ صوبے بھرمیں تمام ملازمین نے گرینڈ ہیلتھ الائنس بنایا ہے ،اب مذاکرات صرف وزیراعلیٰ پنجاب سےمیڈیاکی موجودگی میں کرینگے ،ڈاکٹر عمار یوسف نے کہا کہ خیبرپختونخوامیں ایم ٹی ائی ایکٹ پر10انکوائری رپورٹس آچکی ہیں ہررپورٹ میں کہاگیاکہ بےضابطگیاں ہوئی ہیں،انہوں نے کہا کہ وزیرصحت کے پاس عوام کامینڈیٹ نہیں،وہ سلیکٹڈہیں. انہوں نے دعویٰ کیا کہ ہیلتھ کارڈسب سےبڑااسکینڈل ہوگا،وزیرصحت کی بنائی گئی کمیٹی صرف ایک دھوکہ تھا،ڈاکٹر قاسم اعوان نے مطالبہ کیا کہ وزیرصحت پراعتماد نہیں،بااختیارکمیٹی بنائی جائے.

گورنر پنجاب چودھری سرور نے اعلان کیا ہے کہ انہوں‌ نے گورنر ہاوس کو افطارپارٹیوں کے لئے کھول دیا ہے.

باغی ٹی وی کی رپورٹ کے مطابق گورنرپنجاب چودھری محمد سرور نے تمام شعبہ ہائے زندگی کیلیے دعوت افطار کا اعلان کرتے ہوئے کہا گورنر ہاوس میں افطار پارٹیوں کا سلسلہ 28 رمضان تک جاری رہے گا، گورنر ہاوس میں وزیرریلوے شیخ رشید 5ہزارسے زائد ریلوے مزدوروں کےاعزاز میں افطاری دیں گے ، گورنر پنجاب چودھری سرور نے بتایا کہ گورنر ہاوس میں افطار پارٹیوں کے اخراجات گورنر ذاتی جیب اور مخیر حضرات کے تعاون سے کریں گے. گورنرہاوس میں پارٹی اراکین اسمبلی ،کارکنان ،خواتین اور دیگر افراد کی بھی افطاریاں ہوں گی .

ڈائریکٹر ایف آئی اے وقار عباسی نے کہا کہ چین میں پاکستانی لڑکیوں سے غیر اخلاقی کام کے حوالہ سے معلومات ملی ہیں، تحقیقات کر رہے ہیں.

باغی ٹی وی کی رپورٹ کے مطابق ڈائریکٹر ایف آئی اے وقار عباسی نے لاہور سے میڈیا میں گفتگو کرتے ہوئے کہا کہ پاکستانی لڑکیوں کو چینی باشندے شادی کر کے لے جاتے ہیں بات نہ ماننے پر پاسپورٹ لے لیتےہیں، ظلم کرتے ہیں ،کچھ لڑکیاں واپس آئی ہیں اس کو تلاش کر رہے ہیں،ہم سماجی برائی کا قلع قمع کرنا چاہتے ہیں، انہوں نے کہا کہ پاکستانی لوگ بھی گرفتار کئے ہیں ان کا کردار ٹرانسلیٹر کا تھا، وہ پاکستانی لڑکیوں اوران کے خاندان سے لین دین کا کام کرتے تھے، ایک لڑکی کی پہلے شادی ہوئی پھر دوسری،پھر تیسری، اس طرح کی چین بنتی ہے. انہوں نے کہا کہ شادی کرنا جرم نہیں لیکن یہ شادیاں غلط ہیں، کافی ساری شکایات آئی ہیں کہ یہ ٹھیک نہیں ،کرسچیئن کا سرٹفکیٹ ہونا چاہئے جو ان کے پاس نہیں ہوتا،انہوں نے کہا کہ جوہر ٹاون میں گیارہ چینی اور دو پاکستانی گرفتار کئے گئے. ایک پاکستانی لڑکی نے انکشاف کیا ہے کہ اعضاء نکال کر فروخت کرنے کی دھمکی دی جاتی تھی.