نواز شریف کے ضمانت کے بعد جیل منتقلی کے بعد نیب نے مسلم لیگ ن ایک اور رہنما کو طلب کر لیا
باغی ٹی وی کی رپورٹ کے مطابق نیب لاہور نے فیصل آباد سے مسلم لیگ ن کے رہنما رانا افضل کو طلب کیا ہے. نیب نے رانا افضل کو 16 مئی کو طلب کرتے ہوئے کہا کہ تین بجے نیب میں حاضر ہوں، رانا افضل کو ساحل پرائیویٹ لمیٹڈ کی جاری انکوائری میں طلب کیا گیا ہے، رانا افضل سابق وزیرمملکت برائےخزانہ رہ چکے ہیں. انہیں نواز شریف کا قریبی دوست سمجھا جاتا ہے،
مسلم لیگ ن کی نائب صدر مریم نواز نے کہا ہے کہ نواز شریف نے عوام کی مشکلات پر تشویش کا اظہار کیا ہے،
باغی ٹی وی کی رپورٹ کے مطابق مریم نواز نے کوٹ لکھپت جیل میں اپنے والد نواز شریف سے ملاقات کی ہے . ملاقات کے بعد مریم نواز نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ "ابھی کوٹ لکھپت جیل میں میاں صاحب سے ملاقات کی۔ کارکنوں کو محبت بھرا سلام بھیجا اور مہنگائی اور عوام کی بڑھتی ہوئی مشکلات پر تشویش کا اظہار کیا۔ کہا داتا صاحب کے باہر دھماکے میں شہید ہونے والوں کے لیے دل بہت دُکھی ہے۔ اللّہ پاکستان پر رحم فرمائے۔ آمین۔”
ابھی کوٹ لکھپت جیل میں میاں صاحب سے ملاقات کی۔ کارکنوں کو محبت بھرا سلام بھیجا اور مہنگائی اور عوام کی بڑھتی ہوئی مشکلات پر تشویش کا اظہار کیا۔ کہا داتا صاحب کے باہر دھماکے میں شہید ہونے والوں کے لیے دل بہت دُکھی ہے۔ اللّہ پاکستان پر رحم فرمائے۔ آمین۔
— Maryam Nawaz Sharif (@MaryamNSharif) May 9, 2019
مریم نواز نے ایک اور ٹویٹ می کہا کہ "عوامی حکومتیں عوام کے خواہشات پر چلتی ہیں ۔دھاندلی اور چور دروازے سے آنے والے نالائقوں کی حکومتیں دوسروں کی شرائط پر چلتی ہیں ۔ 9 مہینے سے پاکستان کے حوالے سے ایک بھی اچھی خبر نہیں آئی ۔ غریب پر رحم کرو اور اپنے محلوں سے نکل کر عوام میں جا کر دیکھو وہ کیسے سسک رہے ہیں۔ ”
عوامی حکومتیں عوام کے خواہشات پر چلتی ہیں ۔
دھاندلی اور چور دروازے سے آنے والے نالائقوں کی حکومتیں دوسروں کی شرائط پر چلتی ہیں ۔
9 مہینے سے پاکستان کے حوالے سے ایک بھی اچھی خبر نہیں آئی ۔ غریب پر رحم کرو اور اپنے محلوں سے نکل کر عوام میں جا کر دیکھو وہ کیسے سسک رہے ہیں۔ pic.twitter.com/CmEVk6gHZU— Maryam Nawaz Sharif (@MaryamNSharif) May 9, 2019
واضح رہے کہ نواز شریف کو طبی بنیادوں پر چھ ہفتوں کے لئے ضمانت پر رہا کیا گیا تھا ضمانت کی مدت پوری ہونے پر نواز شریف دوبارہ کوٹ لکھپت جیل منتقل ہو گئے ہیں، جمعرات کو ان سے ملاقات کی جا سکتی ہے، آج جمعرات کو نواز شریف سے ان کی والدہ اور بیٹی نے ملاقات کی ہے .
پنجاب کے صوبائی دارالحکومت لاہو رمیں داتا دربار میں ہونیوالے خود کش حملے کے بارے میں انکشاف ہوا ہے کہ ہے حملہ آور نے بھارتی برانڈ کا جوتا پہن رکھا تھا
باغی ٹی وی کی رپورٹ کے مطابق داتا دربار پر ہونے والے خود کش حملہ کے نیتجے میں گیارہ افراد شہید ہوئے. دہشت گرد نے پولیس کی گاڑی کو نشانہ بنایا تھا، اس کے بارے میں تحقیقاتی ٹیم نے انکشاف کیا ہے کہ حملہ آور نے جو جوتا پہنا تھا وہ بھارتی برانڈ کاتھا، برانڈ اور جوتے کی مکمل تفصیلات پنجاب فرانزک سائنس ایجنسی نے جمع کر لی ہیں. حملہ آور کے فنگر پرنٹس شناخت کے لئے نادرا کو بھجوائے گئے ہیں.
پنجاب اسمبلی میں قائد حزب اختلاف حمزہ شہباز نے کہا ہے کہ عمران خان کٹھ پُتلی ہیں،سارا اختیارآئی ایم ایف کے پاس چلا گیا ہے .
باغی ٹی وی کی رپورٹ کے مطابق حمزہ شہباز نے کہا کہ پاکستان میں تحریک انصاف کی حکومت عملاًختم ہوچکی ہے،تبدیلی سرکار غربت مٹانے نہیں غریب مٹانےکا ایجنڈا لےکرآئی ہے ،انہوں نے کہا کہ پاکستان کوغیرملکی مفادات کی چراگاہ نہیں بننے دے سکتے.معیشت،خزانہ،اسٹیٹ بینک آئی ایم ایف کےحوالےکرنے کے نتائج آناشروع ہوگئے ،چھوٹےصارفین کے لئےسبسڈیزختم کرنے سے مہنگائی کابدترین سونامی آئےگااپوزیشن عوام دشمن ٹیکسوں کوقبول نہیں کرتی ہم ڈٹ کرمخالفت کریں گے
سابق وزیر اعظم نواز شریف سے کوٹ لکھپت جیل میں جمعرات کے روز ہی ملاقات ہو سکتی ہے. آج صرف خاندان کے افراد کو ملاقات کی اجازت دی گئی ہے
باغی ٹی وی کی رپورٹ کے مطابق نواز شریف سے ملاقات کے لئے ان کی والدہ بیگم شمیم اختر، مریم نواز اور دیگر چند افراد کوٹ لکھپت جیل پہنچے ہیں جہان وہ سابق وزیر اعظم نواز شریف سے ملاقات کریں گے.
واضح رہے کہ نواز شریف طبی بنیادوں پر چھ ہفتوں کی ضمانت پر رہائی کی مدت ختم ہونے کے بعد دوبارہ جیل منتقل ہوئے ہیں.
لاہور ہائیکورٹ نے حکومت کو حکم دیا ہے کہ فوری بلدیاتی الیکشن کا اعلان کریں
باغی ٹی وی کی رپورٹ کے مطابق لاہور ہائیکورٹ میں لوکل گورنمنٹ ایکٹ 2019 کے خلاف درخواست پر سماعت ہوئی ،جس میں درخواست گزار کے وکیل نے کہا کہ منتخب بلدیاتی نمائندوں کو اپنی مدت پوری کرنے سے قبل نہیں ہٹایا جا سکتا، پنجاب حکومت نے آرٹیکل 140 اے کی خلاف ورزی کی ہے.عدالت نے بلدیاتی نمائندوں سے استفسار کیا کہ اب تک بلدیاتی نمائندوں نے عوام کے لئے کیا اقدامات کئے ؟عدالت نے پنجاب حکومت کو 30 منٹ میں جواب جمع کرانے حکم دیا اورلوکل گورنمنٹ ایکٹ 2019کیخلاف درخواست سماعت کیلئے منظور کرلی ،عدالت نے حکومت کو کہا کہ الیکشن کااعلان کریں،یہ بلدیاتی نمائندے الیکشن میں حصہ لیں گے،سرکاری وکیل نے کہا کہ ابھی بلدیاتی الیکشن کے شیڈول کااعلان نہیں کرسکتے۔
واضح رہے کہ حکومت پنجاب نے پنجاب اسمبلی سے نیا لوکل سسٹم کا بل پاس کروایا ہے جس پر گورنر پنجاب نے بھی دستخط کر دئیے ہیں.
صوبائی دارالحکومت لاہور کے علاقے داتا دربار میں دھناکے کا مقدمہ درج کر لیاگیا.
باغی ٹی وی کی رپورٹ کے مطابق لاہور کے علاقے داتا دربار میں پولیس کی گاڑی پر ہونیوالے حملے کا مقدمہ درج کر لیا گیا ہے مقدمہ سی ٹی ڈی کےانسپکٹر عابد بیگ کی مدعیت میں درج ہوا ہے ،مقدمہ میں انسداد دہشتگردی ایکٹ سمیت دیگرسنگین دفعات کےتحت درج کیا گیا ہے.
داتا دربار کے قریب ایلیٹ فورس کی گاڑی کے قریب جو داتا دربار کے گیٹ نمبر 2 کے پاس کھڑی تھی دھماکا ہوا ،جس سے گاڑی مکمل طور پر تباہ ہو گئی. داتا دربار کے قریب ہونے والے دھماکے میں پانچ پولیس اہلکار،ایک سیکورٹی گارڈ اور ایک راہگیر شہید ہوا ہے. دھماکے کی اطلاع ملنے پر سیکورٹی فورسز نے علاقے کو گھیرے میں لیا اور دربار کے تمام دروزاے بند کر دئیے دھماکے میں زخمی ہونے والوں کو میو ہسپتال منتقل کیا گیا.وزیراعظم عمران خان نے دھماکے کی مذمت کرتے ہوئے رپورٹ طلب کر لی۔ عمران خان نے قیمتی انسانی جانوں کے ضیاع پر گہرے دکھ کا اظہار کیا، وزیراعلیٰ پنجاب عثمان بزدار نے داتا دربار کے باہر پولیس وین پر دھماکے کی مذمت کرتے ہوئے آئی جی پولیس اور ایڈیشنل چیف سیکریٹری داخلہ سے رپورٹ طلب کرلی۔ عثمان بزدار نے واقعے کی تحقیقات کا حکم دیتے ہوئے زخمیوں کو علاج کی بہترین سہولتیں فراہم کرنے کی ہدایت کر دی۔
گورنر پنجاب چودھری سرور نے کہا کہ لاہور شہر میں نو شہیدوں نے جان ملک پر قربان کی ، اللہ تعالیٰ شہیدوں کو اعلیٰ مقام عطا فرمائے، ہماری ہمدردیاں ان خاندانوں کے ساتھ ہیں جو اس حادثے کا شکار ہوئے، پانچ شدید زخمی ہیں ، سولہ زخمی بہتر ہیں. انہوں نے مزید کہا کہ رمضان المبارک کے مبارک مہینے میں دہشت گردی کرنے والے درندے ہیں. ڈاکٹرز،پروفیسر اور ریسکیو کے عملے کو خراج تحسین پیش کرتا ہوں، دہشت گرد بزدل ،قوم، اسلام کے دشمن ہیں لیکن ہمارا عہد ہے کہ پاکستان کے تمام ادارے، عوام، افواج ،پولیس اکٹھے ملکر دہشت گردوں کو شکست دیں گے،دہشت گردوں کا ٹارگٹ کیا تھا اس پر ابھی کچھ نہیں کہا جا سکتا،
آئی جی پنجاب عارف نواز خان نے کہا ہے کہ داتا دربار حملے میں تقریبا ً7 کلو گرام دھماکا خیز مواد استعمال کیا گیاہے، آئی جی پنجاب نے مزید کہا کہ جائے وقوعہ سے مبینہ طور پر خود کش حملہ آور کے جسم کے اعضا ملے ہیں. دہشت گرد نے پولیس کی گاڑی کو نشانہ بنایا ،شہید ہونے والوں میں ایک ہیڈ کانسٹبل، 4 کانسٹبل اور تین سویلین ہیں
لاہور ہائیکورٹ نے پنجاب اسمبلی میں اپوزیشن لیڈر حمزہ شہباز کی ضمانت میں توسیع کر دی
باغی ٹی وی کی رپورٹ کے مطابق عدالت نے نیب سے سوال کیا کہ کن وجوہات پر حمزہ شہباز کی گرفتاری مطلوب ہے، جس پر نیب پراسیکیوٹر نے جواب دیا کہ حمزہ شہباز کو دوران تفتیش سوالنامے فراہم کیے گئے، حمزہ شہباز سوالات کے تسلی بخش جواب نہیں دے سکے،حمزہ شہباز کے وکیل نے کہا کہ ڈی جی نیب اوردیگر کیخلاف عدالتی حکم کی خلاف ورزی پر توہین عدالت کی درخواست دائرکی ہے،عدالت نے گرفتاری سے 10 دن پہلے آگاہ کرنے کا کہا مگر نیب نے پھر بھی گرفتاری کیلیے چھاپا مارا،حمزہ شہباز کے خلاف الزامات کی دستاویزات تاحال فراہم نہیں کی گئیں، لاہور ہائیکورٹ نے سوال کیا کہ کہاں ہیں حمزہ شہباز ، جس پر وکیل نے عدالت کو بتا یا کہ حمزہ شہباز کمرہ عدالت میں موجود ہیں.حمزہ شہباز کے وکیل نے کہا کہ نیب کی طرف سے تین دستاویزات دی گئی ہیں ،ہم نے پانچ مانگی تھیں جس پر نیب کے وکیل نے کہا کہ ایم ایف یو سے متعلق دستاویزات خفیہ ہیں حمزہ شہباز کو نہیں دے سکتے، حمزہ شہباز کے وکیل نے کہا کہ وارنٹ گرفتاری بھی حمزہ شہباز کو نہیں دیے گئے،نیب کے وکیل نے کہا کہ حمزہ شہباز کی گرفتاری کے وقت ان کو وارنٹ گرفتاری دیے جائیں گے بعد ازاں عدالتی حکم پر وارنٹ حمزہ شہباز کو دے دیئے گئے .عدالت نے حمزہ شہبازکی درخواست ضمانت میں22 مئی تک توسیع کر دی.
واضح رہے کہ حمزہ شہباز کی عدالت پیشی کے موقع پر سیکورٹی کے سخت انتظامات کئے گئے تھے.
وزیر اعظم کی مشیر برائے اطلاعات فردوس عاشق اعوان نے کہا ہے کہ دہشتگرد قوم کا حوصلہ پست کرنے کیلئے معصوم افراد کو نشانہ بناتے ہیں،
باغی ٹی وی کی رپورٹ کے مطابق معاون خصوصی اطلاعات فردوس عاشق اعوان نے لاہور دھماکے کی شدید مذمت کرتے ہوئے کہا کہ دہشتگردوں نے بے گناہ عوام کیخلاف بزدلانہ کارروائی کی ہے، دشمن قوتیں پاکستان کو عدم استحکام کا شکار کرنا چاہتی ہیں،ہمارا عزم ہے کہ دہشتگردی کو جڑ سے ختم کرنا ہے ،انہوں نے کہا کہ سیکیورٹی ادارے ملک کو امن کا گہوارہ بنانے کیلیے کوشاں ہیں.
واضح رہے کہ پنجاب کے صوبائی دارالحکومت لاہور میں داتا دربار کے قریب دھماکے سے سیکورٹی اہلکاروں سمیت 9 افراد شہید جبکہ 25 زخمی ہو گئے.
گورنر پنجاب چودھری سرور نے کہا ہے کہ لاہور میں دھماکہ کرنے والے دہشت گرد کا ٹارگٹ پولیس تھی یا کچھ اور تحقیقات سے قبل کچھ نہیں کہا جا سکتا
باغی ٹی وی کی رپورٹ کے مطابق گورنر پنجاب چودھری سرور نے کہا کہ لاہور شہر میں نو شہیدوں نے جان ملک پر قربان کی ، اللہ تعالیٰ شہیدوں کو اعلیٰ مقام عطا فرمائے، ہماری ہمدردیاں ان خاندانوں کے ساتھ ہیں جو اس حادثے کا شکار ہوئے، پانچ شدید زخمی ہیں ، سولہ زخمی بہتر ہیں. انہوں نے مزید کہا کہ رمضان المبارک کے مبارک مہینے میں دہشت گردی کرنے والے درندے ہیں. ڈاکٹرز،پروفیسر اور ریسکیو کے عملے کو خراج تحسین پیش کرتا ہوں، دہشت گرد بزدل ،قوم، اسلام کے دشمن ہیں لیکن ہمارا عہد ہے کہ پاکستان کے تمام ادارے، عوام، افواج ،پولیس اکٹھے ملکر دہشت گردوں کو شکست دیں گے،دہشت گردوں کا ٹارگٹ کیا تھا اس پر ابھی کچھ نہیں کہا جا سکتا،