Category: لاہور

حکومت پنجاب نے این جی اوز کے خلاف آپریشن شروع کرنے کا فیصلہ کیا ہے

پاکستان میں کن ممالک کی این جی اوز کام کر رہی ہیں؟ اہم خبر آ گئی

باغٰی ٹی وی کی رپورٹ کے مطابق پنجاب حکومت نے این جی اوز کے خلاف آپریشن شروع کرنے کا فیصلہ ایک اجلاس میں کیا، ایڈیشنل سیکرٹری داخلہ ظہوراحمد کے زیر صدارت اجلاس میں فلاحی تنظیموں سےمتعلق اہم فیصلے کئے گئے، اجلاس میں محکمہ سوشل ویلفیئر اورانڈسٹریزکےآفیسرزنے بھی شرکت کی، اجلاس میں فیصلہ کیا گیا کہ صوبہ بھر میں تمام این جی اوز کی نگرانی کی جائے گی.

اجلاس میں فیصلہ کیا گیا کہ پنجاب بھر میں تمام این جی اوز کے ریکارڈ، مالی معاملات کی تحقیقات کی جائیں گی، اجلاس میں مزید فیصلہ کیا گیا کہ صوبے بھر میں تمام غیر رجسٹرڈ فلاحی تنظیموں‌ کو فوری رجسٹرڈ کروانے کا کہا جائے گا اور رجسٹریشن نہ کروانے والی تنظیموں کے خلاف کریک ڈاون کیا جائے گا .

واضح رہے کہ پنجاب میں ایسی این جی اوز بھی سامنے آئی ہیں جو صرف کاغذات کی حد تک موجود ہیں مگر انکے بینک اکائونٹس موجود ہیں، زکوۃ اور دیگر فنڈنگ ان کے اکائونٹ میں جاتی ہے جبکہ ایسی این جی اوز کا بھی انکشاف ہوا جو پاکستان کے اند ر مختلف ناموں سے کام کر رہی ہیں، زیادہ تر غیر ملکی فنڈنگ سے چلائی جا رہی ہیں

مودی سرکار باز نہ آئی، ایک بار پھر پاکستان آنے والے سکھ یاتریوں کو اٹاری بارڈر پر روک لیا

جوڑ میلے میں شرکت کیلئے آنیوالے سکھ یاتریوں کو بھارت سرکار نے روک دیا

باغی ٹی وی کی رپورٹ کے مطابق بھارت نے سکھ یاتریوں کے پاکستان آمد پر رکاوٹیں ڈالنا شروع کر دی ہیں، بھارت نے ٹرین کے‌ذریعہ پاکستان آنے والے سکھ یاتریوں کو اٹاری بارڈر پر روک لیا اور پاکستان آنے کی اجازت نہیں دی جارہی، سکھ یاتریوں نے آج جمعرات کی صبح دس بجے لاہور پہنچنا تھا لیکن بھارت نے انہیں اٹاری سے آگے نہیں آنے دیا، جس پر سکھ یاتریوں نے بھارت سرکار کے روئیے کے خلاف احتجاج کیا اور مودی کے خلاف نعرے بازی کی.

سکھ یاتریوں کی بھارت میں ہی مودی کے خلاف نعرے بازی

سکھ یاتری تاحال اٹاری سٹیشن پر موجود ہیں لیکن بھارتی حکام انہیں آگے نہیں آنے دے رہے، سک یاتریوں کو کیوں روکا گیا ہے اور پاکستان نہیں آنے دیا جا رہا اس پر بھارتی حکام نے انہیں کچھ نہیں بتایا،سکھ یاتریوں نے بھارتی غیر اخلاقی روئیے کے خلاف احتجاج کیا اور شدید نعرے بازی کی۔

واضح رہے کہ پاکستان نے مہاراجہ رنجیت سنگھ کی برسی میں شرکت کے لئے پاکستان آنے کے خواہشمند 463 بھارتی سکھ یاتریوں کوویزے جاری کئے تھے، مہاراجہ رنجیت سنگھ کی برسی 27 جون سے 6 جولائی کو منائی رہی ہے۔ پاکستان اور بھارت کے درمیان مذہبی مقامات کے دوروں کے پروٹوکول 1974ءکے قانون کے تحت ہزاروں بھارتی یاتری مختلف مذہبی تہواروں کے موقع پر ہر سال پاکستان آتے ہیں.

واضح رہے کہ اس سے قبل بھی 14 جون کو بھارت سے دو سو کے قریب سکھ یاتری جوڑ میلے میں شرکت کے لئے پاکستان آنا چاہتے تھے ،پاکستان نے اس ضمن میں سکھ یاتریوں کے لئے خصوصی انتظامات کر رکھا تھا، واہگہ ریلوے سٹیشن پر خصوصی ٹرین بھجوائی گئی تھی ، تا ہم بھارتی حکام نے اٹاری سٹیشن سے سکھ یاتریوں کو واپس بھجوا دیا اور پاکستان آنے کی اجازت نہیں دی

شہباز شریف فیملی کے فرنٹ مین مشتاق چینی کی عدالت نے ضمانت منظور کر لی

شریف فیملی کے فرنٹ مین نے ایسے انکششافات کئے کہ جان کر ہوں حیران
باغی ٹی وی کی رپورٹ کے مطابق لاہور ہائی کورٹ میں حمزہ شہباز کے خلاف وعدہ معاف گواہ مشتاق چینی کی درخواست ضمانت منظور کر لی گئی، لاہور ہائی کورٹ کےجسٹس علی باقر نجفی اور جسٹس سردار احمد نعیم پر مشتمل بینچ نے سماعت کی،مشتاق چینی نے عدالت میں موقف اختیار کیا کہ نیب کی جانب سے کرپشن الزامات کے تحت گرفتار کیا گیا، حمزہ اور سلمان شہباز کے خلاف وعدہ معاف گواہ بن کر بیان رکارڈ کرا دیا ہے، ضمانت دی جائے، عدالت نے مشتاق چینی کی درخواست ضمانت منظور کر لی .

حمزہ شہباز کا فرنٹ مین بن گیا نیب میں وعدہ معاف گواہ،بیان ریکارڈ کروا دیا

مریم نواز کے وکلاء نے ہی مریم نواز کی الیکشن کمیشن میں مخالفت کر دی، اہم خبر

واضح رہے کہ حمزہ شہباز کے فرنٹ مین مشتاق چینی نے وعدہ معاف گواہ بننے کے بعد جوڈیشل مجسٹریٹ کے روبرو اپنا بیان ریکارڈ کروایا تھا ،مشتاق چینی نے عدالت میں بیان ریکارڈ کرواتے ہوئے کہا کہ حمزہ شہباز اورسلمان شہباز نے رمضان شوگرملزکے معاملات دیکھنے کا کہا،حمزہ شہبازاورسلمان شہباز کےساتھ 2005 سے میں کاروبارکررہاہوں،سلمان شہباز نے 2 مفروضہ معاہدے برائے قرض تیارکرائے،ایک معاہدے میں لکھا گیا کہ میں نے 31 کروڑبطورقرض دیئے،دوسرامعاہدہ میرے اورمیرے بیٹے یاسر مشتاق کے مابین لکھا گیا۔معاہدے کے تحت میرے بیٹے نے سلمان شہبازکو 30 کروڑقرض دیا،یہ دونوں معاہدے فرضی تھے،حقیقت سے کوئی تعلق نہیں،جورقم سلمان شہباز کوبھیجی وہ ان کی ہی تھی،مشتاق چینی نے بیان ریکارڈ کراتے ہوئے مزید کہا کہ مفروضی قرضوں کوحقیقی رنگ دینے کیلئے سلمان شہبازنے رقم منتقل کی،سلمان شہبازنے 10 کروڑہماری کمپنی کے اکاؤنٹ میں منتقل کئے ،

واضح رہے کہ نیب نے مشتاق چینی کو لاہور ائیر پورٹ سے گرفتار کیا تھا جب وہ دبئی فرار ہو رہا تھا

میڈیا مالکان کی اپنے ملازمین اور کارکنان کے مالی استحصال، تنخواہوں کی عدم ادائیگی اور بقایا جات نہ دیے جانے پر صدر ایمرا محمد آصف بٹ کا چیئرمین نیب کے نام کھلا خط ، مظلوم کارکنان کی داد رسی کی استدعا

باغی ٹی وی رپورٹ کےمطابق میڈیا مالکان کی اپنے ملازمین اور کارکنان کے مالی استحصال، تنخواہوں کی عدم ادائیگی اور بقایا جات نہ دیے جانے پر صدر ایمرا محمد آصف بٹ کا چیئرمین نیب کے نام کھلا خط لکھا ہےجس میں مظلوم کارکنان کی داد رسی کی استدعا کی ہے ، اپنے خط میں انہوں نے جناب چیئرمین نیب کو مخاطب کرتے ہوئے کہا کہ محکمہ نیب عوام کی دولت لوٹنے والے اور فراڈ اور جعلسازی سے ان کی رقم چھینے والے عناصر کے خلاف بننا ہے جس میں آج ہم آپ کی پاکستان میں سب سے زیادہ دولت لوٹنے والے عناصرز کی نشاندہی کرنا چاہتے ہیں جو چند سالوں میں اربوں روپے اثاثوں کے مالک بن گے ہیں میرے کہنے کا مطلب صحافتی اداروں کے مالکان ہیں جو ہر ماہ ہمارے صحافی ورکرز کی تنخواہیں ہڑپ کرجاتے ہیں کئی کئی ماہ تنخواہیں نہیں دی جاتی ہیں اور کئی سالوں تک اپنی زندگی ان اداروں کے نام پر وقف کرنے والے صحافتی ورکرز کو رولز اور شرائط کے مطابق کوئی سہولتیں نہیں دی جارہی ہے بلکہ ہر ماہ ان کی تنخواہوں سے میڈیکل ، اولڈ ایج بینفٹ انسٹیٹیوشن کے نام سے کٹواتی کی جاتی ہے

جناب اعلی ان مالکان کے خلاف سینکڑوں درخواست مختلف ایشوز پر نیب میں چل رہی ہیں لیکن ان درخواستوں پر کوئی کارروائی نہیں ہوتی ہے بلکہ ان کے تمام غیر قانونی کاروبار ، فراڈ اور جعلسازی کو نظر انداز کیا جارہا ہے کیا پاکستان میں دو قانون ہے یہ ایک

جناب چئیرمین نیب صاحب آپ خود بھی ایک ورکرز دشمن مالکان طاہر اے خان نیوز ون چینل کی بلیک میلنگ کا شکار ہوچکے ہیں اس بندے نے ابھی تک اپنے ہی ادارے کے ملازمین کی پانچ ماہ کی تنخواہیں دینی ہیں اس طرح جہاں پاکستان کے مالک میاں روف اور میاں اویس روف کی نیب میں انکوائریاں چل رہی ہیں اس طرح بول نیوز چینل ، نوائے وقت ، سیون نیوز چینل ، چینل فائیو، کیپٹل نیوز ، پنجاب نیوز ، اسٹار ایشیاء نیوز، رائل نیوز ، پبلک نیوز ، نیوز ون ، وقت نیوز ، جیو نیوز، کے کیسز بھی آپ کے پاس ہیں اور صحافیوں کی تنخواہوں اور بقایا جات کی مد میں کروڑوں کا فراڈ
بھی شامل ہیں .جناب اعلی اس پر فوری میرٹ پر کارروائی جائے تاکہ ہمیں پتہ چلے نیب ایک آزاد ادارہ ہے.

واضح رہے کہ ایک نجی چینل نے چیئرمین نیب کے خلاف ایک وڈیو اپنے چینل پر نشر کی تھی جس کا پیمرا نے بھی نوٹس لیا تھا.

آئی جی پنجاب کی جانب سے میڈیا پر پابندیاں لگانے کا حکم جاری ہوگیا . بغیر اجازت میڈیا پرسن تھانے میں داخل نہیں ہو سکتا . میڈیا DSNG کے داخلے پر بھی پابندی ہو گی . آر پی او اور ڈی پی او ہنگامی صورتحال پر میڈیا پر اپنا موقف دے گے.

باغی ٹی وی رپورٹ کے مطابق آئی پنجاب کی جانب سے میڈیا پر پابندیاں لگانے کا حکم جاری ہو گیا اس سلسلے میں بغیر اجازت میڈیا پرسن تھانے میں داخل نہیں ہو سکتا. میڈیا DSNG کے داخلے پر بھی پابندی ہو گی . پنجاب پولیس نے میڈیا کے حوالے سے نئی پالیسی جاری کر دی.چھوٹے رینک کے افسران میڈیا کو بیان نہیں دے سکیں گے.آر پی اوز اور ڈی پی اوز کو صرف ہنگامی صورتحال میں ہی میڈیا کو بیان دینے کی اجازت ہو گی.میڈیا نمائندگان ڈی پی او کی اجازت کے بغیر تھانوں میں داخل نہیں ہوں گے.

کرائم سین کے دوران بھی میڈیا کو کوریج کی ہرگز اجازت نہیں ہو گی..میڈیا پرسن بغیر اجازت انکی حدود میں داخل نہیں ہو سکیں گے.خاص قسم کے حالات کے سوا کسی بھی ملزم کو انٹرویو کرنے کی اجازت نہیں ہو گی

پیرا گون ہاوسنگ سوسائٹی کیس میں احتساب عدالت نے خواجہ برادران کا مزید 14 روزہ جوڈیشیل ریمانڈ دے دیا

پیپلز پارٹی کو زور لگا کر ہم دفن نہیں کر سکے، خواجہ سعد رفیق کا اسمبلی میں خطاب

باغی ٹی وی کی رپورٹ کے مطابق لاہور کی احتساب عدالت میں پیرا گون ہاوسنگ سوسائٹی کیس کی سماعت ہوئی، نیب نے خواجہ سلمان رفیق کو عدالت میں پیش کیا ،خواجہ سعد رفیق پروڈکشن‌آرڈر جاری ہونے کی سے اسمبلی اجلاس میں گئے ہیں وہ پیش نہیں ہوئے، احتساب عدالت کے جج جواد الحسن نے سماعت کی، کمرا عدالت میں سلمان رفیق نے اپنے وکیل امجد پرویز سے مشاورت کی . عدالت میں آج خواجہ برادران کے کیس سے متعلق ریفرنس کی کاپیاں تقسیم کر دی گئیں ,نیب پراسیکیوٹر نے کہا کہ خواجہ برادران پر پیرا گون سٹی کرپشن میں مبینہ مالی فوائد لینے کا الزام ہے،
عدالت نے سماعت کے بعد مزید 14 دن کا جوڈیشل ریمانڈ دے دیا اور خواجہ برادران کو 11 جولائی کو دوبارہ پیش کرنے کا حکم دے دیا،

خواجہ برادران کی احتساب عدالت میں پیشی کے موقع پر سیکیورٹی کے سخت انتظامات کیے گئے تھے، سڑکوں کو کنٹینرز لگا کر عام ٹریفک کے لیے بند کر دیا گیا ہے .

خواجہ سعد رفیق نے کہا کہ ایک بار میرے بھائی کو دل کی تکلیف ہوئی تو دل نے کہا بد دعا دوں لیکن نہیں دی،منتخب وزیراعظم این آر او نہیں دے سکتا،

واضح رہے کہ 11 دسمبر کو لاہور ہائی کورٹ نے مسلم لیگ ن کے رہنماؤں خواجہ سعد رفیق اور ان کے بھائی سلمان رفیق کی عبوری ضمانت خارج کردی تھی، جس کے بعد نیب نے دونوں بھائیوں کو حراست میں لے لیا تھا۔ خواجہ برادران کو پیراگون ہاؤسنگ اسکینڈل میں گرفتار کیا گیا ہے جبکہ دونوں بھائی پیراگون ہاؤسنگ اسکینڈل سمیت 3 مقدمات میں نیب کو مطلوب تھے۔

پنجاب کے وزیر اطلاعات سید صمصام علی بخاری نے کہا ہے کہ اے پی سی کا پہلا شو ہی فلاپ ہو گیا۔عوام کو اے پی سی سے کہیں زیادہ دلچسپی  پاکستان کے کرکٹ میچ سے رہی۔ بلاول بھٹو کا اے پی سی سے قبل از وقت چلے جانا معنی خیز ہے۔ مولانا کا استعفوں اور بائیکاٹ کا ایجنڈا کبھی کامیاب نہیں ہو سکتا۔اے پی سی نے استعفوں کی بجائے کمیٹی بنانے کا بہتر فیصلہ کیا۔

باغی ٹی وی کی رپورٹ کےمطابق صوبائی وزیر نے بدھ کو اے پی سی سے متعلق دیے گئے اپنے بیان میں کہاکہ اے پی سی میں نان ایشوز پر سیاست چمکانے کی کوشش کی گئی۔ مولانا کے سیاسی دسترخوان پر کرپشن پر سوچ بچار ہوئی۔ جبکہ اے پی سی کے شرکاء نے  ایک دوسرے سے دروغ گوئی کا مقابلہ کیا۔

صوبائی وزیر نے کہا کہ فنانس بل اور بجٹ کی کامیابی سے تمام افواہیں دم توڑ گئی ہیں۔ پنجاب اسمبلی میں بجٹ کی منظوری کے عمل کا شاندار آغاز خوش آئندہے۔ مطالبات زر کے بعد فنانس بل بھی بھاری اکثریت سے منظور ہوگا۔ صوبائی وزیر نے کہا کہ کہا تھا ناکہ یہ بازو آزمائے ہوئے ہیں۔پنجاب میں 43مطالبات زر منظور ہوئے مگراپوزیشن کچھ نہیں کر سکی۔پنجاب کی طرح وفا ق میں بھی بجٹ کی منظوری یقینی ہے۔ اپوزیشن نے اپنے مفادات کیلئے بجٹ کو ایشو بنانے کی ناکام کوشش کی۔

انہوں نے کہاکہ جمہوریت کے نام پر سازشیں کرنے والے کامیاب نہیں ہوں گے۔ اے پی سی جیسے ہتھکنڈے عمران خان کو دباؤ میں نہیں لا سکتے۔کوئی راستہ نہیں روک سکتا، نیا پاکستان بننے جا رہا ہے۔ صمصام بخاری نے کہا کہ گزشتہ روز شہباز شریف کی پیشی کہیں اور تھی اور وہ کہیں اور چلے گئے۔25 جولائی ہر محب وطن نے یوم تشکر کے طور پر منایا کیونکہ اس روز ہونے والے عام انتخابات میں دہائیوں سے باریاں لے کر ملکی خزانے سے کھلواڑ کرنے والی سیاسی جماعتوں کی بساط لپیٹ دی۔ الیکشن کے بعد ایک سال مکمل ہونے پر قوم چوروں اور لٹیروں سے نجات کا دن منارہی ہے۔ صوبائی وزیر نے کہا کہ نواز لیگ اور پیپلزپارٹی کا ایجنڈا مولانا سے قطعی مختلف ہے۔ وزیر اطلاعات پنجاب کا کہنا تھا کہ اے پی سی ناکام رہی ہے.

واضح رہے کہ اپوزیشن جماعتوں‌کی اے پی سی میں‌ کوئی بڑا فیصلہ نہیں‌ کیا جاسکا ہے جبکہ اسمبلیون سے استعفوں‌ پر پارٹیون میں‌اختلاف رہا.

کسٹم حکام نے علامہ اقبال انٹرنیشنل ایئر پورٹ پر ہزاروں گولیوں کی سمگلنگ کی کوشش ناکام بنا دی ہے۔

باغی ٹی وی کی رپورٹ‌ کے مطابق کسٹم حکام کے مطابق علامہ اقبال انٹرنیشنل ایئر پورٹ سے گولیوں سے بھرے 3 بیگ ضبط کر لیے گئے ہیں۔ کسٹم حکام کا واقعہ سے متعلق کہنا تھا کہ نامعلوم مسافرگولیوں سے بھرے 3 بیگ کسٹمز کی چیکنگ بیلٹ پر رکھ کر غائب ہوگئے تاہم جب کسٹم حکام نے ان بیگ کو چیک کیا تو اس میں سے 4 ہزار 600 گولیاں اور 800 خول موجودتھے ۔

کسٹم حکام نے گولیوں کے بیگ ضبط کرکے یہ گولیاں‌ رکھنے والے افراد کی تلاش شروع کر دی ہے. کسٹم حکام کی جانب سے ایئرپورٹ پر سکیورٹی انتظاما ت بھی سخت کر دیے گئے ہیں.