Category: لاہور

صوبائی دارالحکومت لاہور کے علاقے داتا دربار میں دھناکے کا مقدمہ درج کر لیاگیا.

باغی ٹی وی کی رپورٹ کے مطابق لاہور کے علاقے داتا دربار میں پولیس کی گاڑی پر ہونیوالے حملے کا مقدمہ درج کر لیا گیا ہے مقدمہ سی ٹی ڈی کےانسپکٹر عابد بیگ کی مدعیت میں درج ہوا ہے ،مقدمہ میں انسداد دہشتگردی ایکٹ سمیت دیگرسنگین دفعات کےتحت درج کیا گیا ہے.

داتا دربار کے قریب ایلیٹ فورس کی گاڑی کے قریب جو داتا دربار کے گیٹ نمبر 2 کے پاس کھڑی تھی دھماکا ہوا ،جس سے گاڑی مکمل طور پر تباہ ہو گئی. داتا دربار کے قریب ہونے والے دھماکے میں پانچ پولیس اہلکار،ایک سیکورٹی گارڈ اور ایک راہگیر شہید ہوا ہے. دھماکے کی اطلاع ملنے پر سیکورٹی فورسز نے علاقے کو گھیرے میں لیا اور دربار کے تمام دروزاے بند کر دئیے دھماکے میں زخمی ہونے والوں کو میو ہسپتال منتقل کیا گیا.وزیراعظم عمران خان نے دھماکے کی مذمت کرتے ہوئے رپورٹ طلب کر لی۔ عمران خان نے قیمتی انسانی جانوں کے ضیاع پر گہرے دکھ کا اظہار کیا، وزیراعلیٰ پنجاب عثمان بزدار نے داتا دربار کے باہر پولیس وین پر دھماکے کی مذمت کرتے ہوئے آئی جی پولیس اور ایڈیشنل چیف سیکریٹری داخلہ سے رپورٹ طلب کرلی۔ عثمان بزدار نے واقعے کی تحقیقات کا حکم دیتے ہوئے زخمیوں کو علاج کی بہترین سہولتیں فراہم کرنے کی ہدایت کر دی۔

گورنر پنجاب چودھری سرور نے کہا کہ لاہور شہر میں نو شہیدوں نے جان ملک پر قربان کی ، اللہ تعالیٰ شہیدوں کو اعلیٰ مقام عطا فرمائے، ہماری ہمدردیاں ان خاندانوں کے ساتھ ہیں جو اس حادثے کا شکار ہوئے، پانچ شدید زخمی ہیں ، سولہ زخمی بہتر ہیں. انہوں نے مزید کہا کہ رمضان المبارک کے مبارک مہینے میں دہشت گردی کرنے والے درندے ہیں. ڈاکٹرز،پروفیسر اور ریسکیو کے عملے کو خراج تحسین پیش کرتا ہوں، دہشت گرد بزدل ،قوم، اسلام کے دشمن ہیں لیکن ہمارا عہد ہے کہ پاکستان کے تمام ادارے، عوام، افواج ،پولیس اکٹھے ملکر دہشت گردوں کو شکست دیں گے،دہشت گردوں کا ٹارگٹ کیا تھا اس پر ابھی کچھ نہیں کہا جا سکتا،
آئی جی پنجاب عارف نواز خان نے کہا ہے کہ داتا دربار حملے میں تقریبا ً7 کلو گرام دھماکا خیز مواد استعمال کیا گیاہے، آئی جی پنجاب نے مزید کہا کہ جائے وقوعہ سے مبینہ طور پر خود کش حملہ آور کے جسم کے اعضا ملے ہیں. دہشت گرد نے پولیس کی گاڑی کو نشانہ بنایا ،شہید ہونے والوں میں ایک ہیڈ کانسٹبل، 4 کانسٹبل اور تین سویلین ہیں

لاہور ہائیکورٹ نے پنجاب اسمبلی میں اپوزیشن لیڈر حمزہ شہباز کی ضمانت میں توسیع کر دی

باغی ٹی وی کی رپورٹ کے مطابق عدالت نے نیب سے سوال کیا کہ کن وجوہات پر حمزہ شہباز کی گرفتاری مطلوب ہے، جس پر نیب پراسیکیوٹر نے جواب دیا کہ حمزہ شہباز کو دوران تفتیش سوالنامے فراہم کیے گئے، حمزہ شہباز سوالات کے تسلی بخش جواب نہیں دے سکے،حمزہ شہباز کے وکیل نے کہا کہ ڈی جی نیب اوردیگر کیخلاف عدالتی حکم کی خلاف ورزی پر توہین عدالت کی درخواست دائرکی ہے،عدالت نے گرفتاری سے 10 دن پہلے آگاہ کرنے کا کہا مگر نیب نے پھر بھی گرفتاری کیلیے چھاپا مارا،حمزہ شہباز کے خلاف الزامات کی دستاویزات تاحال فراہم نہیں کی گئیں، لاہور ہائیکورٹ نے سوال کیا کہ کہاں ہیں حمزہ شہباز ، جس پر وکیل نے عدالت کو بتا یا کہ حمزہ شہباز کمرہ عدالت میں موجود ہیں.حمزہ شہباز کے وکیل نے کہا کہ نیب کی طرف سے تین دستاویزات دی گئی ہیں ،ہم نے پانچ مانگی تھیں جس پر نیب کے وکیل نے کہا کہ ایم ایف یو سے متعلق دستاویزات خفیہ ہیں حمزہ شہباز کو نہیں دے سکتے، حمزہ شہباز کے وکیل نے کہا کہ وارنٹ گرفتاری بھی حمزہ شہباز کو نہیں دیے گئے،نیب کے وکیل نے کہا کہ حمزہ شہباز کی گرفتاری کے وقت ان کو وارنٹ گرفتاری دیے جائیں گے بعد ازاں عدالتی حکم پر وارنٹ حمزہ شہباز کو دے دیئے گئے .عدالت نے حمزہ شہبازکی درخواست ضمانت میں22 مئی تک توسیع کر دی.

واضح رہے کہ حمزہ شہباز کی عدالت پیشی کے موقع پر سیکورٹی کے سخت انتظامات کئے گئے تھے.

وزیر اعظم کی مشیر برائے اطلاعات فردوس عاشق اعوان نے کہا ہے کہ دہشتگرد قوم کا حوصلہ پست کرنے کیلئے معصوم افراد کو نشانہ بناتے ہیں،

باغی ٹی وی کی رپورٹ کے مطابق معاون خصوصی اطلاعات فردوس عاشق اعوان نے لاہور دھماکے کی شدید مذمت کرتے ہوئے کہا کہ دہشتگردوں نے بے گناہ عوام کیخلاف بزدلانہ کارروائی کی ہے، دشمن قوتیں پاکستان کو عدم استحکام کا شکار کرنا چاہتی ہیں،ہمارا عزم ہے کہ دہشتگردی کو جڑ سے ختم کرنا ہے ،انہوں نے کہا کہ سیکیورٹی ادارے ملک کو امن کا گہوارہ بنانے کیلیے کوشاں ہیں.

واضح رہے کہ پنجاب کے صوبائی دارالحکومت لاہور میں داتا دربار کے قریب دھماکے سے سیکورٹی اہلکاروں سمیت 9 افراد شہید جبکہ 25 زخمی ہو گئے.

گورنر پنجاب چودھری سرور نے کہا ہے کہ لاہور میں دھماکہ کرنے والے دہشت گرد کا ٹارگٹ پولیس تھی یا کچھ اور تحقیقات سے قبل کچھ نہیں کہا جا سکتا

باغی ٹی وی کی رپورٹ کے مطابق گورنر پنجاب چودھری سرور نے کہا کہ لاہور شہر میں نو شہیدوں نے جان ملک پر قربان کی ، اللہ تعالیٰ شہیدوں کو اعلیٰ مقام عطا فرمائے، ہماری ہمدردیاں ان خاندانوں کے ساتھ ہیں جو اس حادثے کا شکار ہوئے، پانچ شدید زخمی ہیں ، سولہ زخمی بہتر ہیں. انہوں نے مزید کہا کہ رمضان المبارک کے مبارک مہینے میں دہشت گردی کرنے والے درندے ہیں. ڈاکٹرز،پروفیسر اور ریسکیو کے عملے کو خراج تحسین پیش کرتا ہوں، دہشت گرد بزدل ،قوم، اسلام کے دشمن ہیں لیکن ہمارا عہد ہے کہ پاکستان کے تمام ادارے، عوام، افواج ،پولیس اکٹھے ملکر دہشت گردوں کو شکست دیں گے،دہشت گردوں کا ٹارگٹ کیا تھا اس پر ابھی کچھ نہیں کہا جا سکتا،

آئی جی پنجاب عارف نواز خان نے کہا کہ لاہور میں ہونے والا دھما کا خود کش حملہ تھا، جس میں سات کلو گرام بارود استعمال ہوا ہے

باغی ٹی وی کی رپورٹ کے مطابق آئی جی پنجاب عارف نواز خان نے کہا ہے کہ داتا دربار حملے میں تقریبا ً7 کلو گرام دھماکا خیز مواد استعمال کیا گیاہے، آئی جی پنجاب نے مزید کہا کہ جائے وقوعہ سے مبینہ طور پر خود کش حملہ آور کے جسم کے اعضا ملے ہیں. دہشت گرد نے پولیس کی گاڑی کو نشانہ بنایا ،شہید ہونے والوں میں ایک ہیڈ کانسٹبل، 4 کانسٹبل اور تین سویلین ہیں.

پنجاب کے صوبائی دارالحکومت لاہور میں داتا دربار کے قریب دھماکے سے سیکورٹی اہلکاروں سمیت 9 افراد شہید جبکہ 25 زخمی ہو گئے.

باغی ٹی وی کی رپورٹ کے مطابق داتا دربار کے قریب ایلیٹ فورس کی گاڑی کے قریب جو داتا دربار کے گیٹ نمبر 2 کے پاس کھڑی تھی دھماکا ہوا ،جس سے گاڑی مکمل طور پر تباہ ہو گئی. داتا دربار کے قریب ہونے والے دھماکے میں پانچ پولیس اہلکار،ایک سیکورٹی گارڈ اور ایک راہگیر شہید ہوا ہے. دھماکے کی اطلاع ملنے پر سیکورٹی فورسز نے علاقے کو گھیرے میں لیا اور دربار کے تمام دروزاے بند کر دئیے دھماکے میں زخمی ہونے والوں کو میو ہسپتال منتقل کیا گیا.

وزیراعظم عمران خان نے دھماکے کی مذمت کرتے ہوئے رپورٹ طلب کر لی۔ عمران خان نے قیمتی انسانی جانوں کے ضیاع پر گہرے دکھ کا اظہار کیا، وزیراعلیٰ پنجاب عثمان بزدار نے داتا دربار کے باہر پولیس وین پر دھماکے کی مذمت کرتے ہوئے آئی جی پولیس اور ایڈیشنل چیف سیکریٹری داخلہ سے رپورٹ طلب کرلی۔ عثمان بزدار نے واقعے کی تحقیقات کا حکم دیتے ہوئے زخمیوں کو علاج کی بہترین سہولتیں فراہم کرنے کی ہدایت کر دی۔

واضح رہے کہ داتا دربار پر اس سے قبل بھی ایک دھماکا ہو چکا ہے.

سابق وزیر اعظم نواز شریف کے ذاتی معالج نے محکمہ داخلہ کو درخواست میں کہا ہے کہ نوازشریف کوجیل میں ہمہ وقت علاج کی سہولت میسررہنی چاہیے .

باغی ٹی وی کی رپورٹ کے مطابق نواز شریف کے ذاتی معالج نے محکمہ داخلہ کو درخواست لکھی ہے جس میں کہا ہے کہ نواز شریف کی صحت سے متعلق لمحہ بہ لمحہ آگاہی دی جائے ،نوازشریف کی صحت ٹھیک نہیں ہے،روزے رکھنےسے طبیعت بگڑسکتی ہے، نوازشریف کوجیل میں ہمہ وقت علاج کی سہولت میسررہنی چاہیے،ہوم ڈیپارٹمنٹ نے تا حال نوازشریف کے ذاتی معالج کی درخواست کا جواب نہیں دیا.

وزیر اعلیٰ پنجاب کے ترجمان شہباز گل نے کہا ہے کہ شریف میڈیکل کمپلیکس ایک معمولی نوعیت کااسپتال ہے جہاں نواز شریف کا معائنہ کروایا گیا،پنجاب حکومت ان کی فیملی سےبہترعلاج کروارہی تھی. شہباز گل نے کہا کہ محکمہ داخلہ پنجاب نے شریف خاندان کو نوازشریف کے علاج بارے خط لکھا تھا ،نوازشریف کواپنی مرضی کے ڈاکٹراوراسپتال سےعلاج کرانے کی آفرکی تھی ،عدالت نے نواز شریف کو چھ ہفتوں کی طبی بنیادوں ہر ضمانت دی تھی لیکن شریف خاندان نے 6ہفتے محض ٹیسٹ کروانے میں ضائع کیے، شہباز گل نے مزید کہا کہ عدالت کےاحکامات ہیں آج7مئی کونوازشریف واپس جیل میں ہوں،جیل مینول کےمطابق آج شام غروب آفتاب سے پہلے نوازشریف کوجیل میں ہوناہے ،دیکھنا یہ ہے وہ عدالت کے حکم کی تعمیل کرتے ہیں یااپنی من مانی،

مسلم لیگ ن کی ترجمان مریم اورنگزیب نے کہا ہے کہ پرامن کارکنان کے جلوسوں میں کوئی گڑبڑ کی گئی تو پنجاب حکومت ذمے دار ہو گی.مریم اورنگزیب نے کہا کہ سابق وزیر اعظم نوازشریف کوجیل تک الوداع کہنے کارکنان طے شدہ پروگرام کے مطابق پہنچیں گے ،پہلے سے طے شدہ پروگرام میں کوئی تبدیلی نہیں کی گئی ،انہوں نے کہا کہ وفاقی اورپنجاب حکومت عقل اورہوش کے ناخن لیں اوربوکھلاہٹ میں حماقت نہ کرے .مریم اورنگزیب نے کہا ہے کہ نواز شریف کی صاحبزادی مریم نواز بھی اپنے والد کو چھوڑنے جیل تک جائیں گی ،نواز شریف کے بھتیجے حمزہ شہباز بھی ان کے ہمراہ ہوں گے، مریم نواز اور حمزہ شہباز نواز شریف کی گاڑی میں سوار ہوں گے. مریم اورنگزیب کا مزید کہنا ہے کہ پارٹی کافیصلہ ہے کہ مریم نواز پارٹی کارکنان میں موجود ہوں گی ،رائیونڈ سے کوٹ لکھپت تک حمزہ شہباز،مریم نواز آخری لمحے تک ساتھ ہوں گے .

رانا مشہور نے میڈیا سے گفتگو کرتے ہوئے کہا کہ کل افطاری کےبعد نواز شریف جیل جانے کے لیے نکلیں گے، افطاری کے بعد لاہور کی سڑکوں‌ پر لیگی کارکنوں کا ایک سمندر ہو گا، جگہ جگہ استقبالیہ کیمپ لگائے جائیں گے جہاں کارکنان اپنے قائدکا استقبال کریں گے. انہوں نے کہا کہ جاتی امراسے کوٹ لکھپت جیل تک جگہ جگہ کیمپ لگائےجائیں گے،کارکن اپنی محبت سےنکل رہا ہےپارٹی ان کی کال پرلبیک کہہ رہی ہے .نواز شریف کا چھبیس مارچ کو سپریم کورٹ نے طبی بنیادوں پر علاج کے لئے ضمانت دی تھی. رہائی کے دوران نواز شریف نے اپنی سیاسی سرگرمیاں جاری رکھیں لیکن علاج پر کوئی توجہ نہیں دی. نواز شریف نے دوران رہائی مولانا فضل الرحمان سے بھی ملاقات کی جبکہ پارٹی رہنمائوں اور اراکین اسمبلی سے بھی ملتے رہے. نواز شریف دوران رہائی نو بار ہسپتال تو گئے لیکن ٹیسٹ کروا کر واپس آتے رہے ان کی ایک ہی ضد تھی کہ پاکستان میں میرا علاج نہیں ہو سکتا.نواز شریف طبی معائنے کیلئے شریف میڈیکل سٹی میں آٹھ بار اور الرازی ہسپتال میں ایک بار گئے،نواز شریف کا نیفرولوجسٹ، کارڈیالوجسٹ اورنیورولوجسٹ نےطبی معائنہ کیا .پنجاب کے ہسپتالوں اور ڈاکٹروں‌ پر عدم اعتماد کے بعد آغا خان ہسپتال کراچی کے ڈاکٹرز کی خصوصی ٹیم نے بھی نواز شریف کا طبی معائنہ کیا اور انکو ذہنی دباؤ نہ لینے کا مشورہ دیا ،ضمانت پر رہائی کی معیاد ختم اور سپریم کورٹ کی جانب سے توسیع نہ ملنے پرسابق وزیر اعظم نواز شریف کو کل دوبارہ کوٹ لکھپت جیل میں قید کردیا جائے گا۔

جیل منتقلی کے موقع پر ن لیگ نے نواز شریف سے اظہار یکجہتی کیلئے 10 کیمپ لگانے کا فیصلہ کیا ہے۔ اس حوالہ سے مسلم لیگ ن کا ایک اجلاس ماڈل ٹاون میں آج ہو گا. جس کی‌صدارت حمزہ شہباز کریں گے. نواز شريف سے اظہار یکحيہتی کے لئے مختلف مقامات پر 10 کيمپ لگائے جائیں گے، مسلم لیگ ن نے پٹرول کی قيمتوں ميں اضافے کے خلاف صوبائی دارالحکومت لاہور ميں بينرز آويزاں کرنيکا بھی فيصلہ کیا ہے۔ ترجمان مسلم لیگ نون مریم اورنگ زیب نے سماجی رابطے کی ویب سائٹ ٹویٹر پر ٹویٹ کرتے ہوئے کہا ہے کہ وزیر اعظم ایک گھنٹہ تقریر کرنے کے بجائے پارلیمنٹ میں صرف ایک منٹ کے لئے آکر یہ وضاحت دیں کہ رمضان سے قبل عوام پر پٹرول بم کیوں گرایا گیا ؟ مریم اورنگ زیب نے سوال اٹھایا کہ ملک کو کس دام میں آئی ایم ایف میں گروی رکھوایا ؟ آئی ایم ایف کے ملازم کو کیوں راتوں و رات سٹیٹ بنک کا گورنر لگایا ؟

گورنر پنجاب چودھری سرور نے کہا ہے کہ نئی اور پرانی یونیورسٹیز کاچارٹرایک جیسا کر دیا جائیگا

باغی ٹی وی کی رپورٹ کے مطابق گورنر ہاؤس میں وائس چانسلرزکانفر نس منعقد ہوئی جس میں گورنرپنجاب چودھری محمدسرور اور وزیر ہائر ایجوکیشن یاسر ہمایوں بھی شر یک تھے، کانفرنس میں مستقل وائس چانسلرز کی تقر ری کا مسئلہ فوری حل کر نے کا فیصلہ کیا گیا ہے، پنجاب میں یونیورسٹیز امور چلانے کیلیے آن لائن فائل ٹر یکنگ سسٹم شروع کرنیکا فیصلہ بھی کیا گیا ہے، یونیورسٹیز کےمسائل کے حل کیلیے گور نر،وزیر ہائرایجوکیشن وزیراعظم سےملیں گے .

پنجاب کے سرکاری ہسپتالوں کی نجکاری کیخلاف پنجاب اسمبلی میں قرارداد جمع کروا دی گئی ہے

باغی ٹی وی کی رپورٹ کے مطابق پنجاب اسمبلی میں قرارداد مسلم لیگ ن کی رکن حنا پرویز بٹ نے جمع کرائی ،قرارداد میں کہا گیا ہے کہ ینگ ڈاکٹرز میڈیکل ٹیچنگ انسٹی ٹیوشنز ایکٹ کیخلاف احتجاج کررہے ہیں ، او پی ڈیز بند ہونے سے مریضوں کو شدید پریشانی کا سامنا کرنا پڑ رہا ہے،ینگ ڈاکٹرز اور سرکاری اسپتالوں کے ملازمین کے جائز مطالبات تسلیم کیے جائیں ،حکومت سرکاری اسپتالوں کی نجکاری کرنے کا سلسلہ فوری بند کرے ،اپوزیشن جماعتیں حکومت کوسرکاری اسپتالوں کی نجکاری کی اجازت نہیں دیں گی ،پنجاب حکومت سرکاری اسپتالوں کی نجکاری کررہی ہے جوناقابل قبول ہے.