Category: لاہور

بے روزگاری سے پریشان عوام کے لئے روزگار پروگرام امید کی کرن ہے.سیف اللہ قصوری
پاکستان مرکزی مسلم لیگ کے نائب صدر حافظ طلحہ سعید نے کہا ہے کہ "اپنا روزگار سہولت کے ساتھ” پروگرام کامیابی سے جاری ہے ،تیسرے مرحلے میں آج پھر شہریوں میں بلا سود نئے موٹرسائیکل اور رکشے تقسیم کیے گئے ہیں۔
شہریوں کی خدمت کا سلسلہ مزید وسیع کریں گے . ماہ رمضان میں ہزاروں سحرو افطار دسترخوانوں پر لاکھوں افراد مستفید ہو رہے ہیں.

مرکزی مسلم لیگ کے زیر اہتمام شہریوں میں بلا سود رکشے، موٹرسائیکل کی تقسیم کی تقریب ہوئی جس میں نائب صدر مرکزی مسلم لیگ حافظ طلحہ سعید، سیکر ٹری جنرل سیف اللہ قصوری سمیت سیاسی و سماجی رہنماؤں سمیت شہری بڑی تعداد میں شریک ہوئے. اس موقع پر سیف اللہ قصوری کا کہنا تھا کہ مرکزی مسلم لیگ کا منشور ہی خدمت کی سیاست ہے، ہم عوام کو اقتدار میں آئے بغیر سہولیات فراہم کر رہے ہیں۔مرکزی مسلم لیگ بلا سود نوجوانوں کو روزگار فراہم کر رہی.پاکستان کی معیشت کو بہتر بنانے کے لیے سودی نظام سے نجات حاصل کرنا ضروری ہے۔ سودی نظام نے ملکی معیشت کو تباہی کے دہانے پر لاکھڑا کیا ہے اور اس سے چھٹکارا پانے کے لیے اجتماعی کوششوں کی ضرورت ہے۔

سیف اللہ قصوری کا مزید کہنا تھا کہ حکمرانوں کو چاہئے کہ عوام کی فلاح و بہبود کے لیے ایسے منصوبے سامنے لائے جائیں جونوجوانوں کو بھکاری بنانے کی بجائے باعزت روزگار دے سکیں، مرکزی مسلم لیگ عوام کی فلاح و بہبود کے لیے عملی اقدامات کر رہی ہے اور مستقبل میں بھی اسی مشن کے تحت عوامی خدمت کے منصوبے جاری رکھے گی۔مہنگائی ، غربت، بے روزگاری سے پریشان عوام کے لئے مرکزی مسلم لیگ کا روزگار پروگرام امید کی کرن ہے.

ڈرامہ نگار خلیل الرحمان قمر ہنی ٹریپ اور اغوا برائے تاوان میں ملزمہ آمنہ عروج اور حسن شاہ سمیت دیگر ملزمان کیخلاف کیس کی سماعت ہوئی.

کیس کی سماعت انسداد دہشتگردی عدالت کے جج ارشد جاوید نےکی۔آمنہ عروج اور حسن شاہ سمیت 12 ملزمان کو جیل سے عدالت میں پیش کر دیا گیا۔مدعی مقدمہ خلیل الرحمان قمر نے اپنا بیان قلمبند کرادیا۔مقدمہ کے دیگر گواہان کی شہادتیں ریکارڈ ہو چکی ہیں۔خلیل الرحمان قمر نے اپنے بیان میں کہا کہ ملزمہ آمنہ عروج نے دھوکہ سے اپنے فلیٹ پر بلایا ،ملزمہ آمنہ عروج اور اس کے ساتھیوں نے مجھے اغوا کیا،میں نے 7 گھنٹے کا عذاب بھگتا ہے ، اللہ ایسا کسی کے ساتھ نہ کرے،ملزم حسن شاہ ملزموں کا سرغنہ ہے، مُجھے اغواء کیا مجھ سے رقم کا تقاضا کیا گیا میں نے کہا میرے پاس رقم نہیں ہے،مجھے کہا گیا ایک کروڑ دوورنہ جان سے مار دیں گے، انہوں نے گاڑی ایک جگہ روکی اور مجھے اتارا اور چار پانچ مسلح لوگوں نے مجھے بٹھا ئے رکھا دو گاڑیاں آئیں،ان میں سے ایک گاڑی میں مجھے بٹھایا اور نامعلوم مقام پر لے گئے اور دھمکایا گیا۔

خلیل الرحمٰن نے کہا کہ پندرہ بیس منٹ مسافت پر ویرانے میں گاڑی روکی اور جسمانی تشدد کیا اور ڈیمانڈ کی رقم کی،اور بعد میں مجھے گاڑی سے اتار دیا اور کہا کلمہ پڑلو اور میرے ہاتھ باندھ دیئے،ایک شخص نے میرے اوپر کلاشنکوف تان لی اور فائر کیا میں بچ گیا فائر میرے پاؤں سے کچھ دور لگا،دوبارہ پھر کروڑ روپے کا مطالبہ کیا،میں نے ان سے کہا کہ مُجھے فون دیں میں اپنے دوست کو کال کرتا ہوں،ملزم ذیشان قیوم نے فون کا سپیکر ان کیا اور میرے دوست ملک عبدالحفیظ کو کال کی او مجھے دھمکایا گیا کہ اپنے دوست کو ایسی کوئی بات نہیں کہنا کہ آپ کے دوست کو شک ہو ،میں نے اپنے دوست کو بتایا کہ میں لاہور سے باہر ہوں مجھے 10 لاکھ چاہے مجھے ایمر جنسی ہے میں پرابلم میں ہوں۔میرے دوست نے کہا میرے پاس اس وقت نہیں ہیں میں 20منٹ میں ارینج کرکے دیتا ہو لیکن 20منٹ بعد دوست نے انکار کر دیا۔

عدالت نے ریمارکس دیئے کہ کل تفتیشی افسر انسپکٹر عمران یوسف کا بیان ریکارڈ کیا جائے گا،بعدازاں عدالت نے مزید سماعت کل تک کیلئے ملتوی کر دی۔

پاکستان مرکزی مسلم لیگ کے صدر خالد مسعود سندھو نے کہا ہے کہ خیبر پختونخوا سمیت ملک بھر میں قیام امن کے لئے قومی کل جماعتی کانفرنس بلائی جائے،مرکزی مسلم لیگ عید کے بعد ملک گیر امن مارچ کرے گی.سابق سینیٹر مشتاق احمد خان کے بھائی کے بہیمانہ قتل کی مذمت کرتے ہیں.معاشی استحکام کے لئے ملک سے دہشت گردی کا خاتمہ ضروری ہے.

خالد مسعود سندھو کا کہنا تھا کہ خیبرپختونخوا میں دہشت گردی کے واقعات بڑھ چکے ہیں. اہم شخصیات کو نشانہ بنایا جا رہا ہے. مرکزی مسلم لیگ کے بلدیاتی امیدوار کو شہید کیا گیا. مولانا حامد الحق حقانی شہید ہوئے اب سابق سینیٹر مشتاق احمد کے بھائی کو گولیاں مار دی گئیں، ان حالات میں عام شہری بھی خود کو غیر محفوظ کر رہا ہے . پاکستان میں دہشت گردی کے خاتمے، قیام امن کے لئے مرکزی مسلم لیگ رمضان کے بعد ملک گیر تحریک چلانے کا اعلان کر چکی ہے .ہم تحصیل و ضلع کی سطح پر قوم کو قیام امن کے لیے متحد و بیدار کریں گے. بدامنی کا بڑھتا ہوا رجحان نہ صرف معصوم شہریوں کی زندگیاں چھین رہا ہے بلکہ معیشت پر بھی منفی اثر ڈال رہا ہے۔

سابق سینیٹر مشتاق احمد خان کے بڑے بھائی کے بہیمانہ قتل کی شدید مذمت کرتے ہوئے اس واقعے کو انتہائی افسوسناک اور قابل مذمت قرار دیا۔ انہوں نے مرحوم کے اہل خانہ سے دلی تعزیت کا اظہار کیا اور دعا کی کہ اللہ تعالیٰ مرحوم کو جنت الفردوس میں جگہ عطا فرمائے اور لواحقین کو صبرِ جمیل دے۔ انہوں نے کہا کہ اس طرح کے گھناؤنے واقعات معاشرتی بگاڑ اور قانون کی کمزوری کا ثبوت ہیں، جنہیں روکنے کے لیے فوری اقدامات کرنا ہوں گے۔

خالد مسعود سندھو کا مزید کہنا تھاکہ سابق سینیٹر مشتاق احمد خان کے بڑے بھائی کے قتل کے ملزمان کو گرفتار کیا جائے. حکومت اہم شخصیات کو سیکورٹی فراہم کرے. خیبرپختونخوا میں بڑھتی ہوئی بدامنی پر فوری قومی سطح کا اجلاس بلایا جائے جس میں تمام سیاسی قیادت جمع ہو اور قیام امن کے لئے ایک مضبوط ، جامع لائحہ عمل قوم کے سامنے رکھا جائے.