Category: لاہور

لاہور ہائیکورٹ نے ڈیزل بسوں کو الیکٹرک بسوں میں تبدیل کرنےکی پالیسی بنانےکا حکم دے دیا۔

لاہور ہائیکورٹ کے جسٹس شاہد کریم نے ماحولیاتی آلودگی سے بچاؤکے معاملے پر درخواست کی سماعت کی، متعلقہ حکام عدالت میں پیش ہوئے۔جسٹس شاہد کریم نے ریمارکس دیتے ہوئے کہا کہ ڈیزل بسوں کو الیکٹرک بسز میں تبدیل کرنے کےلیے فیز آؤٹ پالیسی بنانی چاہیے، الیکٹرک بسوں کی طرف جانا بہت ضروری ہےچاہے اس میں 2، 3 سال کاعرصہ لگ جائے،لاہور ہائیکورٹ نے پنجاب ٹرانسپورٹ ڈپارٹمنٹ کورکشہ مینوفیکچررز پربھی پالیسی بنانےکاحکم بھی دیا۔

جسٹس شاہد کریم نے ریمارکس دیتے ہوئے کہا کہ محکمہ ٹرانسپورٹ کو رکشوں سے متعلق پالیسی بنانی چاہیے، رکشوں کو الیکٹرک رکشاز میں کنورٹ کیاجاسکتا ہے، بھارت اور دیگر ممالک میں کامیابی سےکیاجاچکا ہے، رکشا مینوفیکچررزکو ساتھ ملا کرپلان بناناچاہیےکہ دھواں کیسےکنٹرول کیاجاسکتا ہے، صبح میں اسکول جاتےہوئے اور چھٹی کے ٹائم ایک مربوط ٹریفک پلان بنانا ضروری ہے، بڑے اسکولوں کےلیے پارکنگ ایریا لازم ہونا چاہیے، لوگوں کوحکومت کے ساتھ مل کر چلناہوگا، گھرکے آگے صفائی اور خوبصورتی کاخیال کرناہوگا۔

پاکستان مرکزی مسلم لیگ کے صدر خالد مسعود سندھو نے کہا ہے کہ خدمت کا رمضان مہم کے تحت ملک بھر میں ہزاروں سحرو افطار دسترخوان لگائے گئے ہیں. انتخابات کے دنوں میں عوام کے ساتھ رابطہ قائم کرنا اور پھر انہیں فراموش کر دینا مفادات کی سیاست کہلاتا ہے، ہم عوام کی حقیقی خدمت پر یقین رکھتے ہیں اور ہر مرحلے پر ان کے ساتھ کھڑے ہیں.مولانا حامد الحق حقانی کے قاتلوں کو گرفتار کیا جائے.

ان خیالات کا اظہار انہوں نے مقامی ہوٹل میں صحافیوں کے اعزاز میں افطار ڈنر کی تقریب کے موقع پر بات چیت کرتے ہوئےکیا. اس موقع پر مرکزی مسلم لیگ کے ڈپٹی سیکرٹری جنرل حافظ خالد نیک، ترجمان تابش قیوم بھی موجود تھے. خالد مسعود سندھو کا کہنا تھا کہ ہمارا نعرہ خدمت کی سیاست کا تھا.ہم مفادات کی سیاست کی بجائے عوام کی خدمت کر رہے ہیں. سیاسی جماعتیں انتخابات کے دنوں میں عوام سے رابطے کرتی ہیں ہمارا عوام کے ساتھ ہمیشہ رابطہ رہتا ہے.مولانا حامد الحق حقانی پر ہونے والے حملے کی مذمت کرتے ہیں. دہشت گردی کے خلاف سب ایک ہیں. مرکزی مسلم لیگ نے ہمیشہ اتحاد امت کی بات کی ہے. احتجاج اور فسادمیں فرق ہونا چاہئے . احتجاج جمہوری حق لیکن احتجاج کے نام پر ملک میں انتشار اور جلاؤ گھیراؤ کی اجازت نہیں ہونی چاہئے.

خالد مسعود سندھو کا مزید کہنا تھا کہ مرکزی مسلم لیگ رمضان المبارک کے بعد بھی فلاحی سرگرمیاں جاری رکھے گی. خدمت کی سیاست کے منشور سے کبھی پیچھے نہیں ہٹیں گے، حکومتیں عوام کو ریلیف دینے کے دعوے تو کر رہی ہیں لیکن حقیقت میں عوام کو ریلیف نہیں مل رہا.مہنگائی بڑھ چکی.غریب عوام پر ٹیکس لگائے جا رہے. بجلی، گیس کے بلوں میں اضافے اور روزگار کا نہ ہونا، ہر سطح پر شہری پریشان ہیں. اسی لئے مرکزی مسلم لیگ نے ملک بھر میں سحر و افطار دسترخوان لگانے کا منصوبہ بنایاتا کہ شہریوں کو سحری و افطاری میں آسانی ہو.

وزیراعلیٰ پنجاب مریم نوازشریف کی میو ہسپتال آمد، مریضوں نے شکایات کے انبار لگا دیئے ،وزیراعلیٰ کاشدید اظہاربرہمی، میوہسپتال انتظامیہ کی سخت سرزنش،، ایم ایس میو اسپتال کو فوری عہدے سے ہٹانے کا حکم دیدیا۔

وزیراعلیٰ پنجاب مریم نواز کا کہنا تھا کہ مخلوق رل رہی ہے،کوئی پوچھنے والا نہیں۔ کیا اللہ کو جواب نہیں دینا، میوہسپتال کے حالات بہت برے ہیں۔ لوگ ہسپتال میں علاج کی توقع اور امید لیکر آتے ہیں۔ کس وارڈ میں کیا ہو رہا ہے، ہسپتال انتظامیہ کو علم ہی نہیں۔ جو عوام کے ساتھ ہورہا ہے ذمہ داروں کے اپنوں کے ساتھ ہو تو پتہ چلے۔ کسی کی بد انتظامی کی سزا عوام کو کیوں ملے۔ میو ہسپتال میں زیر علاج مریضوں اور لواحقین نے سرنج،برنولا وغیرہ تک نہ ملنے کے بارے میں بتایا۔ کارڈیالوجی وارڈ میں کیڑے مکوڑے پائے جانے کی شکایت پر وزیراعلیٰ مریم نواز شریف مزید برہم ہوگئیں۔وزیراعلیٰ مریم نواز شریف نے رک کر انتظارِ گاہ اور راستے میں کھڑے مریضوں اور لواحقین کی شکایات سنیں۔ بیماروالدہ کیساتھ آئی بچی نے وزیراعلیٰ کو بتایا کہ ماں بیمار ہے، رات بھر دوائیوں کیلئے بھاگ بھاگ کرتھک گئی ہوں۔وزیراعلیٰ مریم نواز نے شدید ناراضگی کا اظہار کیا۔وزیراعلیٰ مریم نواز شریف نے دورہ کے دوران ہی میو ہسپتال میں ہنگامی اجلاس طلب کرلیا۔

میو ہسپتال کے امور کے بارے میں تفصیلی انکوائری اور تمام ذمہ داروں کی جواب طلبی کی ہدایات جاری کردیں۔وزیراعلیٰ مریم نواز شریف نے میڈیسن کے واجباتِ کی ادائیگی کے لئے فوری اقدامات کا حکم دیا۔وزیراعلیٰ مریم نواز شریف میو ہسپتال میں ادویات کی100 فراہمی یقینی بنانے کی ہدایت کردی۔ اس کے علاوہ سیکرٹری ہیلتھ کو ذمہ داروں کا تعین کرکے کارروائی کی ہدایت بھی کی۔

وزیراعلیٰ مریم نواز شریف نے میو ہسپتال کی تعمیر و مرمت کا جامع پلان طلب کر لیا۔وزیراعلیٰ مریم نواز شریف نے سٹور میں ادویات، سرنج،برنولا اور دیگر اشیاء کی فراہمی چیک کرائی ۔وزیراعلی مریم نواز شریف نے میو ہسپتال ایمرجنسی بلاک،ٹی بی اینڈ چیسٹ، آئی سی یو کارڈیالوجی اور دیگر وارڈ کا جائزہ بھی لیا۔

وزیراعلیٰ مریم نوازشریف نے وارڈز میں زیر علاج مریضوں کی عیادت کی، جلد صحت یابی کی دعائیں کیں۔ وزیراعلی جگہ جگہ رک کر لوگوں کی شکایات اور مسائل سنتی رہیں۔وزیراعلی مریم نواز شریف نے سندھ سے آئے میاں بیوی کی شکایت سنیں اور فوری ازالہ کی ہدایت کردی۔ وزیراعلی مریم نواز شریف نے گوجرانوالہ سے علاج کیلئے آنے والی خاتون کو گلے لگا کر تسلی دی۔وزیراعلیٰ مریم نواز شریف نے زیر علاج مریضوں اور تیمارداروں سے علاج کے بارے میں مکمل تفصیلات دریافت کیں۔وزیراعلیٰ مریم نوازشریف نے وارڈز میں مریضوں کے علاج کے عمل کا مشاہدہ کیا۔وزیراعلیٰ مریم نوازشریف نے ہسپتال کے مختلف وارڈزمیں صفائی کی صورتحال کا بھی جائزہ لیا۔گردے کے مرض میں مبتلا بچی کی ماں کی اپیل پر فوری ٹرانسپلانٹ کیلئے اقدامات کی ہدایت کردی۔

لاہور: لاہور ہائیکورٹ کے جج، جسٹس چودھری عبد العزیز نے اپنے عہدے سے استعفیٰ دے دیا ہے۔ تفصیلات کے مطابق جسٹس چودھری عبد العزیز نے ذاتی وجوہات کی بنا پر مزید کام کرنے سے معذرت کی ہے۔

اپنے استعفے میں جسٹس چودھری عبد العزیز نے کہا کہ انہوں نے 2016 میں لاہور ہائیکورٹ کے جج کی حیثیت سے اپنی ذمہ داریاں سنبھالی تھیں اور اس دوران تقریباً 40 ہزار کیسز کے فیصلے کیے ہیں۔ انہوں نے یہ بھی کہا کہ وہ آئین پاکستان کے آرٹیکل 206 کے تحت اپنے عہدے سے استعفیٰ دے رہے ہیں۔انہوں نے اپنے استعفے میں مزید بتایا کہ وہ ذاتی وجوہات کی بنا پر مزید اس عہدے پر نہیں رہ سکتے اور اپنے کام میں مزید کوئی حصہ نہیں لے سکتے۔