لاہور: وزیراعلیٰ پنجاب مریم نواز نے آسان کاروبار پروگرام کا اجرا کردیا –
باغی ٹی وی: وزیر اعلیٰ پنجاب مریم نواز نے آسان کاروبار فنانس اور آسان کاروبار کارڈ تقسیم کرنے کی تقریب میں شرکت کی، جہاں انہوں نے آسان کارو بار فنانس کے چیک اور آسان کاروبار کارڈ تقسیم کیے،فیصل آباد کے آصف کو فارما سوٹیکل کے کاروبار کے لیے 3 کروڑ قرض کا چیک ملا، راولپنڈی کے وجاہت فرید کو سافٹ ویئر ہاؤس کے لیے 3 کروڑ قرض کا چیک ملا، لاہور کے ارشد کو اسپورٹس ایکسپورٹ کے لیے 3 کروڑ قرض کا چیک دیا گیا۔
ساہیوال کے علی آصف کو فرنیچر کے لیے 50 لاکھ روپے قرض کا چیک ملا، افضل کو ٹرانسپورٹ بزنس کے لیے 31 لاکھ 75 ہزار قرض ملا، لاہور کے شبیر کو ہیر سیلون اور کاسمیٹک بزنس کے لیے 50 لاکھ قرض کا چیک ملا، فیضان ممتاز کو گارمنٹس بزنس کے لیے 57 لاکھ 50 ہزار کا آسان بزنس کارڈ ملا، ابو بکر صالح کو پیپر مینو فیکچرنگ کے لیے 10 لاکھ کا آسان بزنس کارڈ دیا گیا، چوہدری ذوالفقار علی کو بیکری بزنس کے لیے 10 لاکھ کا آسان بزنس کارڈ دیا گیا۔
ارکان پارلیمنٹ کی تنخواہوں میں اضافے کا بل سینیٹ سے بھی منظور
اس موقع پر وزیراعلیٰ پنجاب مریم نواز نے آسان کاروبار پروگرام کا اجرا کیا اور تقریب سے خطاب کرتے ہوئے کہا کہ آسان کاروبار کارڈ کے تحت بلاسود 10 لاکھ سے 3 کروڑ روپے تک قرضے دیے جا رہے ہیں، پروگرام کے تحت ملنے والے قرضے کی 3 سال میں آسا ن اقساط پر واپسی ہوگی۔
مریم نواز نے کہا کہ آسان کاروبار کے تحت چیک وصول کرنے والوں کو مبارکباد دیتی ہوں، نوازشریف کی بیٹی مریم نواز نے آج ایک اور وعدہ پورا کردیا، اسکیم کامیاب ہونے کے بعد ہی اس کا اجرا کررہی ہوں، 17 جنوری کو پروگرام لانچ کیا، ایک ماہ کے اندر اس کا اجرا کردیا، آسان کاروبار پروگرام کا آسان سوالنامے سے اجرا کیا گیا۔
پاکستان نے عالمی بینک کے ساتھ شراکت داری سے استفادہ کیا،وزیراعظم
وزیراعلیٰ پنجاب نے کہا کہ پنجاب بینک نے بہت بہترین انداز میں اسکیم کو لانچ کیا، آسان کاروبار پرگرام سے روزگار کے مواقع پیدا ہوں گے، بیمار معیشت کو درست کیا جو گزشتہ ایک سال سے استحکام کی جانب گامزن ہے، منہگائی کی شرح 4 فیصد تک لے آئے ہیں، معاشی اشاریے بہتر ہورہے ہیں، میری حکومت عوام سے کیے وعدے پورے کررہی ہے، اسکیم پر عملدرآمد سے لوگوں کے گھرو ں میں آسودگی آئے گی،، اپنا گھر اسکیم کے تحت لوگوں کو آسان اقساط پر قرض فراہم کیا جارہا ہے، غریب اور نادار افراد کو مفت پلاٹ فراہم کریں گے۔
مریم نواز نے کہا کہ پاکستان کی معیشت اڑان کے لیے تیار ہے، جلاؤ گھیراؤ کی کال پر کوئی بھی باہر نہیں نکلا، لوگ جلاؤ گھیراؤ سے تنگ آچکے ہیں، عوام نے فتنہ فساد کی سیاست کو مسترد کردیا ہے، نالائق حکمرانوں نے مہنگائی کی شرح 38 فیصد تک پہنچائی، نااہلی کے باعث معیشت کو گزشتہ 4 سال میں ڈبو دیا گیا پاکستان کا تشخص دنیا بھر میں خراب کیا گیا مہنگائی کے جن کو قابو کیا ہے، روٹی کی قیمت کم ہوچکی ہے، پورے پنجاب میں 700 سڑکیں تعمیر ہورہی ہیں، مخالفین کو پنجاب کی ترقی ہضم نہیں ہورہی، مخالف جماعت میں ایک دوسرے پر تھپڑ مارنے کی نوبت آگئی ہے۔
چیف جسٹس سے اطالوی سفیر کی ملاقات
وزیر اعلیٰ پنجاب نے کاروبار شروع کرنے والوں کے لیے کامیابی کی دعا، آسان کاروبار فنانس اور کارڈ کے بارے میں پراجیکٹ ڈاکو مینٹری بھی دکھائی گئی۔
بریفنگ میں بتایا گیا کہ آسان کاروبار کارڈ کے ذریعے 10لاکھ روپے تک قرض حاصل کیا جا سکتا ہے، آسان کاروبار فنانس کے تحت 10لاکھ سے تین کروڑ تک قرض حاصل کیا جا سکتا ہے، آسان کاروبار کے تحت قرض کی ادائیگی آسان قسطوں میں کی جائے گی، قرض حاصل کرنے والوں کو سود ادا نہیں کرنا پڑے گا۔
ایلون مسک کو ”رائل سوسائٹی“ سے نکالے جانے کا امکان
بریفنگ میں مزید بتایا گیا کہ آسان کاروبار فنانس کے تحت 36 -ارب کے قرضےدئیےجائیں گے، آسان کاروبار کارڈ سکیم کے تحت 48ارب روپے کےبلاسود قرضے دئیےجا رہے ہیں، پنجاب کے 21 سال سے 57 سال تک کے شہری قرض کے لئے اپلائی کرسکتے ہیں۔
