Category: لاہور

لاہور:ایس ایس پی انویسٹی گیشن محمد نوید کی زیر صدارت انویسٹی گیشن ہیڈکوارٹرز میں اہم کرائم میٹنگ منعقد ہوئی جس میں ٹاؤن شپ اور چوہنگ سرکل کے ڈی ایس پیز کے علاوہ انچارج انویسٹی گیشنز نے شرکت کی۔ میٹنگ میں مختلف مقدمات کی تفتیش کی موجودہ صورتحال پر تفصیلی جائزہ لیا گیا۔

ایس ایس پی محمد نوید نے پینڈنگ اور زیر التواء مقدمات کی پراگریس کا بغور جائزہ لیتے ہوئے انچارج افسران کو ہدایت دی کہ وہ زیر تفتیش مقدمات کی روزانہ کی بنیاد پر مانیٹرنگ کریں تاکہ مقدمات میں کوئی تاخیر نہ ہو۔ انہوں نے اس بات پر زور دیا کہ افسران سنگین نوعیت کے واقعات پر فوراً موقع پر پہنچ کر اپنی نگرانی میں شواہد اکٹھے کریں تاکہ ملزمان کے خلاف مضبوط چالان تیار کیا جا سکے۔ناقص کارکردگی پر متعدد انچارج افسران کو وارننگ دی گئی اور ان کی سرزنش بھی کی گئی۔ ایس ایس پی محمد نوید نے کہا کہ "خواتین کے ساتھ زیادتی، ظلم و تشدد اور ہراسگی کے مقدمات کی تفتیش میں کسی قسم کی کوتاہی برداشت نہیں کی جائے گی۔” انہوں نے مزید کہا کہ ایسے مقدمات میں مضبوط چالان مرتب کر کے ملزمان کو قانون کے تحت سخت سزا دلوانا ضروری ہے تاکہ مجرموں کو عبرت کا نشانہ بنایا جا سکے۔ایس ایس پی انویسٹی گیشن نے فنانشل کرائمز کے مقدمات کی تفتیش کو بھی اہمیت دی اور افسران کو ہدایت کی کہ وہ ان مقدمات کے چالان جلد از جلد عدالتوں میں جمع کروائیں تاکہ انصاف کے عمل کو تیز کیا جا سکے۔ایس ایس پی محمد نوید نے اس بات کا اعادہ کیا کہ "میرٹ پر سمجھوتا کسی صورت برداشت نہیں کیا جائے گا۔” انہوں نے اس عزم کا اظہار کیا کہ محنتی اور ایماندار افسران کی ہر سطح پر حوصلہ افزائی کی جائے گی اور ان کو انعامات دے کر ان کی کاوشوں کا اعتراف کیا جائے گا۔آخر میں، ایس ایس پی انویسٹی گیشن نے افسران کو اپنی کارکردگی مزید بہتر بنانے کی ترغیب دی اور اس بات پر زور دیا کہ وہ عوامی مسائل کو فوری طور پر حل کرنے میں پیش پیش رہیں۔ "ہمیں عوام کے اعتماد کو بحال کرنے کے لیے سخت محنت اور ایمانداری کے ساتھ کام کرنا ہو گا، تاکہ ہر شہری کو انصاف مل سکے۔”

شہری کو فائرنگ کرکے زخمی کرنے والا اشتہاری ملزم منصور گرفتار
ڈی آئی جی انویسٹی گیشن ذیشان اصغر کی ہدایت پر اشتہاری ملزمان کےخلاف کریک ڈاؤن جاری ہے،انچارج انویسٹی گیشن تھانہ باٹا پور صداقت علی نے پولیس ٹیم کے ہمراہ کارروائی کی،1سال قبل شہری کو فائرنگ کرکے زخمی کرنے والا اشتہاری ملزم منصور گرفتارکرلیا،ملزم سے آلہ اقدام قتل پسٹل برآمد کر لیا گیا،ملزم منصور نے 1سال قبل بچوں کے لڑائی جھگڑے کی بناء نوید کو فائرنگ کرکے زخمی کردیا اور موقع سے فرار ہو گیا تھا،
ملزم کو جدید ٹیکنالوجی سمیت ہیومین انٹیلیجنس کی مدد سے گرفتار کیا گیا،پولیس حکام کا کہنا ہے کہ ملزم اب پولیس کی گرفت میں ہے تمام قانونی تقاضوں کو پورا کرکے قرار واقعی سزا دلوائی جائےگی،اشتہاری ملزمان کے خلاف انویسٹی گیشن پولیس کی کارروائیاں جاری رہیں گی

علاوہ ازیں اقبال ٹاؤن پولیس کا احسن اقدام سامنے آیا ہے،اقبال ٹاؤن پولیس نے گمشدہ 10 سالہ علی حسن اور 9 سالہ زنیرہ کو والدین سے ملوا دیا،دونوں بچوں کو سیف سٹی اور لوکل کیمرہ جات کی مدد سے تلاش کیا گیا،بچوں میں اپنے بچھڑے والدین سے مل کر خوشی کی لہڑ دوڑ آئی والدین نے پولیس کو دعائیں دیں،

جسم فروشی کے مکروہ دھندے میں ریکارڈ یافتہ ہوٹل کی چھت سے گر کر ہلاک
التاج ہوٹل مزنگ کے باہر ڈیڈ باڈی ملنے کا معاملہ ،پولیس حکام کے مطابق مزنگ پولیس بسلسلہ گشت التاج ہوٹل کے باہر سے گزر رہی تھی جنہیں اچانک بلڈنگ کی چھت سے کسی چیز کے گرنے کی آواز آئی ،پولیس فوری موقع پر پہنچی تو انہیں وہاں ایک شخص کی باڈی ملی جس کی سانسیں چیک کرنے پر ہلاک پایا گیا ،ڈیڈ باڈی کی شناخت عون حیدر کے نام سے ہوئی جو جسم فروشی کے مکروہ دھندے میں ریکارڈ یافتہ تھا اور متعدد بار جیل جا چکا تھا،مزنگ پولیس نے فوری کاروائی عمل میں لاتے ہوئے شواہد اکٹھے کرنے شروع کر دیے ،عون حیدر ہوٹل کی پانچویں منزل پر کھڑکی سے ٹیک لگائے گھڑا تھا جسکا اچانک پاؤں پھسلا اور کھڑکی سے نیچے آ گرا،پولیس نے فوری کاروائی عمل میں لاتے ہوئے ایمبولینس بلائی اور باڈی کو مردہ خانہ منتقل کر دیا ،

زہریلی شراب فروخت کرنے والے 222 ملزمان گرفتار
صوبائی دارالحکومت میں پولیس نے زہریلی شراب فروخت کرنے والے 222 ملزمان کو گرفتار کر کے ہزاروں لٹر شراب برآمد کرلی۔ڈی آئی جی آپریشنز فیصل کامران نے بتایا ہے کہ پولیس نے مشتبہ علاقوں میں چھاپے مار کر شراب بنانے والی متعدد بھٹیاں تباہ کردیں اور بڑی مقدار میں زہریلی شراب ضبط کرلی۔ان کا کہنا تھا کہ رواں سال اب تک 66 ہزار 505 لیٹر شراب برآمد کی جا چکی ہے، ملزمان کے خلاف شہر کے مختلف تھانوں میں 3 ہزار 864 مقدمات درج کئے گئے، غیرقانونی شراب کے مکروہ دھندے میں ملوث 3 ہزار 966 افراد کو جیل بھجوایا گیا۔فیصل کامران نے بتایا کہ کچی شراب میں استعمال ہونے والے زہریلے کیمیکلز اکثر جان لیوا ثابت ہوتے ہیں، کرسمس اور سال نو پر غیر قانونی اور زہریلی شراب کی ترسیل میں اضافہ ہوتا ہے، غیر قانونی شراب کی ترسیل روکنے کے لیے اضافی ناکے اور چیک پوائنٹس لگائے گئے ہیں۔ڈی آئی جی آپریشنز نے عوام سے اپیل کی کہ مشتبہ سرگرمی کی اطلاع دے کر ہماری مدد کریں، عوام کا تعاون ہی معاشرتی برائیوں کے خاتمے کا سب سے مؤثر ذریعہ ہے

جسٹس جمال مندوخیل نے جسٹس منصور علی شاہ کو جوابی خط لکھ دیا

دہلی میں فضائی آلودگی،بچے بیمار،شہری دہلی چھوڑنے لگے

وزیر اعلیٰ پنجاب مریم نواز شریف کی زیر صدارت گوانگ ژو میں انوسٹمینٹ کانفرنس کا انعقاد ہوا

وزیر اعلیٰ مریم نوازشریف نے ورکنگ گروپ قائم کرنے , فوکل پرسن مقرر اورہیلپ ڈیسک قائم کرنے کا اعلان کیا،گول میز کانفرنس میں چین اور ہانگ کانگ کی 60سے زائد نمایاں کمپنیوں کے حکام نے شرکت کی،ہیلتھ،آرٹی فیشل انٹیلی جنس،زراعت،انفارمیشن ٹیکنالوجی،ویسٹ مینجمنٹ، سولرانرجی اور دیگر سیکٹرز کے نمائندگان شریک ہوئے،چین کی نمایاں کمپنیوں کے نمائندوں نے اپنے اداروں کے بارے میں تفصیلی بریفنگ دی،پاک چائنا کی فری ٹریڈ کے بارے میں تجاویز اور سفارشات کا جائزہ لیا گیا، وزیر اعلیٰ مریم نوازشریف نے چین کی ٹیکنالوجیز کمپنیوں کو آپریشن شروع کرنے کی دعوت دی،چینی ٹیکنالوجی کمپنیز نے پنجاب میں سرمایہ کاری کیلئے اظہار دلچسپی کیا،چینی کمپنیوں کو پنجاب میں ون ونڈو آپریشن سے سہولت دینے کا فیصلہ کیا گیا

وزیر اعلیٰ مریم نواز نے پنجاب کو چینی کمپنیوں کے لئے”لینڈ آف اپرچونیٹی“ قرار دیا،وزیر اعلیٰ پنجاب مریم نواز شریف نے انوسٹمیںٹ کانفرنس میں شرکت کے شرکاء کاشکریہ ادا کیا،وزیر اعلیٰ مریم نوازشریف نے پنجاب کے معاشی،جغرافیائی اور کاروباری اہمیت پر تفصیلی بریفنگ دی،چینی کمپنیوں کے نمائندوں نے وزیر اعلیٰ مریم نوازشریف کے ویژن کو سراہا،چینی کمپنیوں نے پنجاب میں نو پلاسٹک کے مہم کے آغاز کو سراہا،وزیراعلیٰ پنجاب مریم نواز کا کہنا تھا کہ پنجاب میں ماحولیات کے تحفظ کیلئے ”نو ٹو پلاسٹک“مہم شروع ہوچکی ہے۔ ماحول کو متاثر کرنے والے پلاسٹک کی خرید و فروخت اور تیاری پر پابندی عائد کررہے ہیں۔چھٹی کے باوجود چینی کمپنیوں کے حکام کی آمد ہمارے لیے بے حد حوصلہ افزاء امر ہے۔ستھراپنجاب کے تحت زیرویسٹ مشن شروع ہوچکا ہے،چینی کمپنیوں کی معاونت اور اشتراک کار کا خیر مقدم کریں گے۔ویسٹ کو قابل تجدید انرجی میں تبدیل کرنے کے پراجیکٹ شروع کررہے ہیں۔زراعت کوجدت کی راہ پر گامزن کرتے ہوئے میکانائزیشن کی جارہی ہے۔سستی بجلی کے حصول کیلئے ونڈ مل،سولر انرجی اور قابل تجدید انرجی کے ذرائع پر توجہ دی جارہی ہے۔ ایکو سسٹم میں بہتری کیلئے انڈسٹری میں اصلاحات متعارف کرائی جارہی ہے۔پنجاب میں سولر انرجی کی طلب میں مسلسل اضافہ ہورہا ہے۔ پنجاب میں سولرائزیشن کے لئے میگا پراجیکٹ کا آغاز ہوچکا ہے۔سولرائزیشن پراجیکٹ میں چینی کمپنیوں کے اشتراک کار کا خیر مقدم کریں گے۔ زراعت کے سب سیکٹر میشن مینوفیکچرنگ، فوڈ پراسیسنگ اور ہائیبرڈ بیج ڈویلپمنٹ کو اشتراک کار سے ممکن بنائیں گے۔ پنجاب میں ینگ انڈسٹریل ہیومن ریسورس کے قابل قدر اثاثے کو استعمال میں لانا چاہتے ہیں۔بائیو اور ہائیڈروجن ٹیکنالوجی کے استعمال سے رجوع کرنا چاہتے ہیں۔ آئی ٹی کے شعبے میں جدت لانا وقت کی ضرورت ہے۔پنجاب میں ای کامرس،انکیوبیٹر سنٹر،ای لرننگ میں سرمایہ کاری کو ویلکم کریں گے،نوازشریف آئی ٹی سٹی کو سٹیٹ آف دا آرٹ بنانا چاہتے ہیں،چینی کمپنیاں یہاں سرمایہ کاری کرسکتی ہیں،پاک چائنا تعلقات کے فروغ کیلئے چینی سرمایہ کاروں کا رد عمل حوصلہ افزاء ہے۔پاکستان وسطی ایشیا، مڈل ایسٹ اور دیگر ممالک کیلئے گیٹ وے کی حیثیت رکھتا ہے۔ پاکستان گلوبل ٹریڈ روٹ کا قابل قدر حصہ ہے۔ٹیلی میڈیسن ٹیکنیک کیلئے چین کے ہیلتھ سسٹم سے مستفید ہونگے۔ زراعت میں نینو ٹیکنالوجی کے ذریعے انقلاب برپا کیا جاسکتا ہے۔ پنجاب میں واٹر ایفی شنٹ اریگیشن سسٹم متعارف کرانا چاہتے ہیں۔ چین کی کمپنیوں کے لئے پنجاب میں کاروباری مواقع سے فائدہ اٹھانا کا بہترین وقت ہے۔

اسلام آباد: ہوٹل میں لڑکی کی لاش ملنے کا کیس، ملزم علی رضا گرفتار

پارلیمنٹ مشترکہ اجلاس، وزیراعظم نے ایڈوائس صدر کو بھجوا دی

وزیرِ اعلیٰ پنجاب، مریم نواز شریف، شنگھائی سے سفر کرتے ہوئے چینی شہر ڈسٹرکٹ یانٹین پہنچ گئیں جہاں انہوں نے عالمی شہرت یافتہ جینیاتی تحقیق اور میڈیسن کمپنی بی جی آئی جینومکس کے حکام کے ساتھ اہم ملاقات کی۔ اس ملاقات میں کینسر اور دیگر جینیاتی بیماریوں کے علاج کے لیے بی جی آئی جینومکس کی خدمات حاصل کرنے کے حوالے سے گفتگو کی گئی۔

وزیرِ اعلیٰ پنجاب مریم نواز شریف اور بی جی آئی جینومکس کے حکام نے مشترکہ طور پر کینسر کے علاج اور دیگر جینیاتی مسائل میں تعاون کے لیے ایک مفاہمتی یادداشت پر دستخط کیے۔ اس معاہدے کے تحت بی جی آئی جینومکس پنجاب حکومت کی معاونت کرے گا تاکہ جدید جینیاتی ٹیکنالوجی کے ذریعے بیماریوں کی تشخیص اور علاج کو مزید مؤثر بنایا جا سکے۔وزیرِ اعلیٰ مریم نواز شریف نے بی جی آئی جینومکس کے ساتھ زرعی شعبے میں بھی تعاون بڑھانے کی تجویز دی۔ ان کا کہنا تھا کہ صوبے میں رائس پروڈکشن کی نئی ٹیکنیکس متعارف کرانے اور صحت کے شعبے میں نئے ورکنگ گروپ کے قیام کے حوالے سے بھی بات چیت کی جا رہی ہے۔وزیرِ اعلیٰ پنجاب نے بی جی آئی جینومکس کے صدر مسٹر وانگ جیان، سی ای او ین یی، اور دیگر سینئر حکام سے ملاقات کی اور جینیاتی سیکوئنسنگ اور ڈی این اے سنتھیسز کے جدید طریقوں پر تفصیلی بریفنگ حاصل کی۔ اس موقع پر انہوں نے بی جی آئی کی ریسرچ اور جینیاتی ٹیکنالوجی کے استعمال کی کامیابیوں کو سراہا۔

بی جی آئی جینومکس نے پنجاب میں ریسرچ سینٹر قائم کرنے کی پیشکش پر مثبت ردِ عمل ظاہر کیا اور کہا کہ وہ پنجاب حکومت کے ساتھ تعاون بڑھانے کے لیے تیار ہیں۔ وزیرِ اعلیٰ مریم نواز شریف نے بی جی آئی جینومکس کو پنجاب میں جینیاتی جانچ کے لیے لیبارٹریز اور طبی نمونوں کی نقل و حمل کے شعبے میں سرمایہ کاری کی دعوت دی۔بی جی آئی جینومکس دنیا بھر میں 100 سے زائد ممالک میں اپنی خدمات فراہم کر رہا ہے اور جدید جینیاتی طریقوں کے ذریعے مختلف بیماریوں کی بروقت تشخیص اور علاج میں نمایاں کامیابیاں حاصل کر چکا ہے۔ اس کمپنی نے انسانی صحت، زراعت، اور دیگر شعبوں میں اپنی تحقیق کے عملی اثرات پر روشنی ڈالی۔بی جی آئی جینومکس نے پنجاب حکومت کے ساتھ جینیاتی سیکوئنسنگ اور بیماریوں کی تشخیص میں جدید ترین ٹیکنالوجی کے استعمال کے حوالے سے بریفنگ دی اور کہا کہ اس کی تحقیق کا مقصد عوام کی صحت میں بہتری لانا ہے۔

وزیرِ اعلیٰ مریم نواز شریف نے کہا کہ پنجاب حکومت صحت کے شعبے میں انقلاب لانے کے لیے پُرعزم ہے اور بی جی آئی جینومکس کے تعاون سے صوبے میں صحت کے معیار کو مزید بہتر بنایا جائے گا۔ ان کا کہنا تھا کہ پنجاب میں جدید تحقیق اور ٹیکنالوجی کا فروغ ان کی حکومت کی ترجیح ہے اور وہ بی جی آئی جینومکس کے ساتھ بھرپور تعاون کے خواہاں ہیں۔وزیرِ اعلیٰ نے مزید کہا کہ بی جی آئی جینومکس کی فیسلٹی کا قیام پنجاب میں میڈیکل ریسرچ کے لیے ایک اہم سنگ میل ثابت ہوگا اور اس کی مدد سے صوبے میں جدید طبی تحقیق کو مزید فروغ ملے گا۔وزیرِ اعلیٰ مریم نواز شریف نے زراعت کے شعبے میں بی جی آئی جینومکس کے تعاون سے زیادہ پیداوار والے بیج کی تیاری پر بھی بات کی اور کہا کہ اس شعبے میں بھی ان کی خدمات انتہائی اہم ثابت ہو سکتی ہیں۔

وزیرِ اعلیٰ پنجاب نے کہا کہ یہ دورہ پاک چین کے درمیان جاری تعاون میں ایک اہم سنگ میل کی حیثیت رکھتا ہے اور یہ دونوں ممالک کے درمیان تعاون کو مزید مستحکم کرے گا۔بی جی آئی جینومکس کی ٹیم نے اس موقع پر اس بات کا یقین دلایا کہ وہ پنجاب کے صحت اور زراعت کے شعبوں میں مکمل تعاون فراہم کریں گے اور صوبے میں جدید طبی ٹیکنالوجی کے فروغ کے لیے ہر ممکن کوشش کریں گے۔

وزیر اعلیٰ مریم نواز کی ہواوے کو نوازشریف آئی ٹی سٹی میں آفس کی پیشکش

پنجاب کو معاشی طورپر مستحکم اور ایک عوامی فلاحی صوبہ بنانا چاہتی ہوں،مریم نواز

مریم کی دستک: جدید سہولیات پنجاب کےعوام کی دہلیز پر

چولستان کے دل میں ایک خواب بسا ہوا ہے، ایک ایسا عہد جو اس خشک صحراء میں زندگی کی نئی لہر دوڑانے کا ہے۔ لیکن چولستان کینال منصوبہ، جو تبدیلی کی ایک بڑی امید بن کر ابھرا ہے، اب ایک تنازعہ کا شکار ہو چکا ہے۔ کچھ لوگ اس پر سوال اٹھاتے ہیں کہ کیا اس منصوبے سے کم دریا کے علاقے (لوئر ریپیئرین) کے پانی کی فراہمی متاثر ہو گی؟ لیکن کیا اس خواب کو شک و شبہات کی نظر ہو کر روکا جا سکتا ہے؟

چولستان کینال منصوبہ دریائے ستلج سے پانی موڑ کر چولستان کے 452,000 ایکڑ اراضی کو سیراب کرے گا۔ اس منصوبے کا تخمینہ لاگت 211 ارب روپے ہے اور یہ چولستان کی مزید ترقی کے لیے ایک عظیم تر منصوبے "گریٹر چولستان اسکیم” کا سنگ بنیاد بھی ہے، جس کے تحت اگلے مرحلے میں تقریباً دوگنا رقبہ سیراب کیا جائے گا۔پاکستان کا 1991 کا واٹر اپورٹمنٹ ایکورڈ صوبوں کو اپنی پانی کی ضروریات کو پورا کرنے کے لیے جدت اختیار کرنے کا اختیار فراہم کرتا ہے۔ اس کے باوجود، ہر سال ہمارے دریاؤں میں اوسطاً 141 ملین ایکڑ فٹ (MAF) پانی بہتا ہے، لیکن اس میں سے 26 ملین ایکڑ فٹ (MAF) — جو کہ چار دیمیر بھاشا ڈیموں کو بھرنے کے لیے کافی ہے، ہر سال سمندر میں ضائع ہو جاتا ہے، جو ساحلی علاقوں کو نمکین پانی کے داخلے سے بچانے کے لیے درکار مقدار سے کہیں زیادہ ہے۔

چولستان کینال منصوبہ سندھ اور پنجاب میں سرپلس پانی کو مؤثر طریقے سے استعمال کرنے کے لیے تیار ہے۔ یہ منصوبہ پانی کی کمی کو پورا کرنے کے بجائے زیر استعمال پانی کو زمین کی پیداوار بڑھانے کے لیے موڑ کر چولستان کی سرزمین کو زرخیز بنانے کی کوشش کرے گا۔ سیلابی موسم میں سندھ کو 45% اور پنجاب کو 12% اضافی پانی ملتا ہے۔ یہ صورتحال سندھ میں پانی کے ضیاع کی اہمیت کو اجاگر کرتی ہے، کیونکہ سندھ میں ہر سال 18 ملین ایکڑ فٹ (MAF) پانی سمندر میں ضائع ہو جاتا ہے۔

پنجاب کے پاس 47 ملین ایکڑ فٹ (MAF) پانی ہے، جو 8 ملین ایکڑ زرعی اراضی کو سیراب کرتا ہے، جبکہ سندھ میں 40 ملین ایکڑ فٹ (MAF) پانی 3.21 ملین ایکڑ اراضی تک ہی پہنچ پاتا ہے۔ چولستان کینال، جو صرف 0.59 ملین ایکڑ فٹ (MAF) پانی پنجاب کے حصے سے لے گا، اس توازن کو متاثر نہیں کرے گا بلکہ کم استعمال ہونے والے پانی کو پیداواری اراضی میں تبدیل کرے گا۔

گرین پاکستان انیشیٹیو چولستان کینال منصوبے کا تکمیل کار ہے، جو بنجر زمینوں کو زرخیز کھیتوں میں تبدیل کرنے، غذائی تحفظ کو فروغ دینے اور پائیدار ترقی کے لیے تعاون پر مبنی زراعت کے ذریعے معاونت فراہم کرتا ہے۔ زمین کے متنوع ماڈلز اور کسانوں کے لیے تخصیص شدہ ایگری مالز کی فراہمی اس بات کو یقینی بنائے گی کہ کسانوں کو درکار وسائل اور مدد مل سکے۔

چولستان کینال اور گرین پاکستان انیشیٹیو کا مجموعہ ایک خوبصورت اور پائیدار ماحولیاتی نظام کی تخلیق کرے گا، جو خشک صحراء کو سرسبز و شاداب زمینوں میں تبدیل کر کے اس خواب کو حقیقت میں بدلنے کا وعدہ کرتا ہے۔چولستان کینال منصوبہ نہ صرف چولستان کو ایک نئی زندگی دے گا بلکہ پورے پاکستان کے زرعی منظرنامے میں انقلاب برپا کرنے کی صلاحیت رکھتا ہے۔ یہ منصوبہ پانی کی بہتر تقسیم، زرعی پیداوار میں اضافہ اور ماحولیات کی بہتری کے لیے ایک روشن مثال بنے گا، جو ایک خوشحال اور پائیدار پاکستان کی طرف ایک قدم اور بڑھائے گا۔

پانی ہے تو زندگی ہے،چولستان نہر کی تعمیر،افواہیں اور حقائق

صحرائے چولستان میں انڈس تہذیب کا قدیم شہر دریافت

آرمی چیف کی ہدایت پرچولستان میں امدادی کیمپ قائم

وطن پرجان قربان کرنےوالوں کواہل وطن کی جانیں عزیز: چولستان میں فری میڈیکل کیمپ ، خدمت انسانیت جاری