Category: لاہور

لاہور: ‏وزیراعلی مریم نواز شریف نے پنجاب میں کینسر کے علاج کی جدید ترین ٹیکنالوجی متعارف کرانے کا فیصلہ کیا ہے-

باغی ٹی وی: چین سے کینسر کا جدید طریقہ علاج اور مشینری لانے پر اتفاق کیا گیا،سرجری اور کیمو تھراپی کے بغیر کینسر کا علاج ممکن ہو سکے گا ، نواز شریف کینسر ہسپتال میں چین کے تعاون سے جدید مشینری اور طریقہ علاج شروع کیا جائے ، وزیر اعلی پنجاب مریم نواز شریف کے چین کے سرکاری دورے کے دوران ہائی گیا میڈیکل ٹیکنالوجیز کے صدر ڈاکٹر لو فو لیانگ سے ملاقات میں امور طے پا گئے

ڈاکٹر فولیانگ کی کمپنی عالمی سطح پر کینسر کے جدید ترین علاج اور مشینری میں خصوصی مہارت کے حوالے سے معروف ہے ڈاکٹر فولیانگ اور ان کی ٹیم نے انٹرونشل آن کالوجی اور کو آلبیشن طریقہ علاج اور مشینری کے بارے میں بریفننگ دی ،ڈاکٹر فولیانگ نے ٹیومر کی فریز اور ہیٹ کے ذریعے علاج کی حکمت عملی پر روشنی ڈالی –

‘ہائی گیا’ ایڈوانس میڈیکل سسٹم کے ذریعے اب تک کینسر کے دس ہزار مریض صحت یاب ہو چکے ہیں ،چین کے 25 صوبوں میں 100 سے زائد ہسپتالوں میں ‘ہائی گیا’ طریقہ علاج رائج ہوچکا ہے ،وزیراعلی پنجاب مریم نواز شریف نے کینسر کے جدید علاج اور مریضوں کےمکمل صحت مند ہونے کی شرح کو سراہا ، ہائی گیا’ طریقہ علاج اور مشینری سے کینسر کے مریضوں کو کیموتھراپی اور سرجری کی تکلیف سے بچایا جا سکتا ہے-

رائیونڈ: جاتی امرا کے سامنے سے ایک ٹائم ڈیوائس آلہ برآمد ہوا ہے-

باغی ٹی وی:جاتی امرا میں شریف خاندان کی رہائش گاہ کے قریب سے شیر کے مجسمے جیسی مشکوک ڈیوائس برآمد ہوئی ، پولیس کی بھاری نفری موقع پر پہنچ گئی، بم ڈسپوزل سکواڈ طلب کر لیا گیا-

پولیس ذرائع کے مطابق نامعلوم افراد نے یہ ٹائم ڈیوائس پھینک کر فرار ہو گئے نامعلوم افراد نے شیر نما مجسمہ بھی ٹائم ڈیوائس کے ہمراہ پھینکا، واقعے کی اطلاع ملتے ہی پولیس کی بھاری نفری موقع پر پہنچ گئی اور جاتی امرا جانے والا راستہ ٹریفک کے لیے بند کر دیا گیا،پولیس نے علاقے کی ناکہ بندی کر کے مزید تحقیقات شروع کر دی ہیں۔

ابتدائی طور پر ڈیوائس کو مشتبہ سمجھا گیا، لیکن بم ڈسپوزل اسکواڈ کی جانب سے کی گئی جانچ پڑتال کے بعد یہ ڈیوائس کلینر قرار دی گئی، جس کا مطلب ہے کہ یہ کسی قسم کی دھماکہ خیز مواد نہیں تھا۔

پولیس نے واقعہ کی مزید تحقیقات شروع کر دی ہیں اور علاقے میں سی سی ٹی وی کیمروں کی مدد سے مشتبہ افراد کی شناخت کی کوشش کی جا رہی ہے۔ اس واقعے سے متعلق مختلف پہلوؤں پر تفتیش جاری ہے اور قانون نافذ کرنے والے ادارے اس معاملے کی گہرائی سے چھان بین کر رہے ہیں۔

یہ واقعہ لاہور میں سیکیورٹی صورتحال پر سوالات اٹھاتا ہے اور عوام میں تشویش کا باعث بن رہا ہے پولیس اور دیگر ادارے اس نوعیت کے واقعات کی روک تھام کے لیے اقدامات اٹھانے پر غور کر رہے ہیں-

لاہور کی اسپیشل کورٹ سینٹرل میں منی لانڈرنگ کے مقدمے کی سماعت ہوئی جس میں پاکستان تحریک انصاف (پی ٹی آئی) کے رہنما اور سابق وزیرِ اعلیٰ پنجاب چوہدری پرویز الہٰی کے بیٹے راسخ الہٰی اور دیگر افراد کے خلاف تحقیقات جاری ہیں۔ اس دوران عدالت نے پی ٹی آئی کے رہنما مونس الہٰی کی اہلیہ کو بھی کیس میں طلب کر لیا۔

سماعت کے دوران مونس الہٰی کی اہلیہ کی طرف سے ایک درخواست دائر کی گئی، جس میں کہا گیا تھا کہ ان خواتین کو مقدمے کی پیشیوں سے مستقل طور پر استثنیٰ دیا جائے۔ وکیل نے مؤقف اپنایا کہ ایف آئی اے نے سیاسی بنیادوں پر یہ مقدمہ درج کیا ہے اور ان خواتین کو بھی اس میں نامزد کر دیا ہے، حالانکہ تحقیقات میں ان کے خلاف ابھی تک کوئی جرم ثابت نہیں ہو سکا۔عدالت نے اس درخواست پر اپنا مؤقف بیان کرتے ہوئے کہا کہ پہلے ایک یا دو سماعتوں میں ان خواتین کو عدالت میں پیش ہونا پڑے گا، جس کے بعد عدالت درخواست پر غور کرے گی اور ممکنہ طور پر خواتین کو مقدمے کی پیشیوں سے استثنیٰ دے دیا جائے گا۔

سابق وزیرِ اعلیٰ پنجاب چوہدری پرویز الہٰی کے بیٹے راسخ الہٰی اور دیگر کے خلاف منی لانڈرنگ کے مقدمے کی مزید سماعت 6 جنوری 2024 کو ہوگی، جس میں عدالت مزید دلائل سن کر فیصلہ کرے گی۔

یہ مقدمہ وفاقی تحقیقاتی ادارے (ایف آئی اے) کی جانب سے درج کیا گیا ہے، جس میں الزام عائد کیا گیا ہے کہ چوہدری پرویز الہٰی اور ان کے اہل خانہ نے مبینہ طور پر غیر قانونی طریقے سے مالیاتی سرگرمیاں کیں اور منی لانڈرنگ کی۔ اس کیس کی سیاسی نوعیت بھی زیر بحث ہے اور اپوزیشن جماعتیں اسے سیاسی انتقام کے طور پر دیکھتی ہیں۔

منی لانڈرنگ کیس میں پی ٹی آئی کے رہنما مونس الہٰی کی اہلیہ کو عدالت نے طلب کر لیا ہے، اور خواتین کی پیشی سے استثنیٰ کی درخواست پر فیصلہ آئندہ سماعت تک مؤخر کر دیا گیا ہے۔ کیس کی تحقیقات اور سماعت 6 جنوری 2024 کو دوبارہ ہوں گی۔

وزیر اعلیٰ پنجاب مریم نوازشریف کے دورے چین کا پہلا روز،بیجنگ میں مصروفیت سے بھر پوردن کا آغازہو گیا

کاشتکاروں اور زراعت کے فروغ کے لئے تاریخی اقدام،وزیر اعلٰی مریم نواز شریف کی کاوش رنگ لے آئی، چینی کمپنی پنجاب میں روبوٹک زرعی آلات مینوفیکچرنگ پلانٹ لگائے گی، محکمہ زراعت حکومت پنجاب اور اے آئی فورس ٹیک کے درمیان ایم او یو پر دستخط ، وزیر اعلیٰ مریم نواز بھی موجود تھیں،وزیر اعلیٰ مریم نوازشریف نے پنجاب میں جدید روبوٹک زرعی مشینری مینوفیکچرنگ کیلئے تعاون کی یقین دہائی کروائی

وزیر اعلیٰ پنجاب مریم نوازشریف کی اے آئی فور س ٹیک کے بانی ڈاکٹرہان اور سی ای او سے ملاقات ہوئی،ملاقات میں وزیر اعلیٰ مریم نوازشریف نے پنجاب میں جدید زرعی اصلاحات کے بارے میں آگاہ کیا،وزیر اعلیٰ مریم نوازشریف نے روبوٹک ٹیکنالوجی سے مزین جدید ترین زرعی آلات کا معائنہ کیا،وزیر اعلیٰ مریم نوازشریف نےپنجاب میں ایگریکلچر سیکٹر میں روبوٹیک مشینری اور ٹولز متعارف کرانے کے عزم کا اظہار کیا اور کہا کہ پنجاب میں زراعت کے جدید ٹیکنالوجی اپنا کر کاشتکار کو خوشحال بنانا ہمارا عزم ہے۔ اے آئی فور س ٹیک پنجاب میں روبوٹک زرعی آلات کا مینوفیکچرنگ پلانٹ لگائے گا،وزیر اعلیٰ کی دعوت پر اے آئی فور س ٹیک کا وفد جلد پنجاب کا دورہ کرے گا

واضح رہے کہ وزیر اعلیٰ پنجاب مریم نواز کمیونسٹ پارٹی آف چائنہ کی خصوصی دعوت پر گزشتہ روز چین پہنچ گئیں جہاں ایئرپورٹ پر ان کا پرتپاک استقبال کیا گیا۔مریم نواز بیجنگ ایئرپورٹ پہنچیں جہاں استقبال کیلیے کمیونسٹ پارٹی آف چائنا کے اعلیٰ عہدیدار موجود تھے۔ وزیر اعلیٰ پنجاب ہوائی اڈے پر گلدستہ پیش کیا گیا اور چین میں پاکستان کے سفیر خلیل ہاشمی اور ان کی اہلیہ نے بھی خیر مقدم کیا۔وزیر اعلیٰ پنجاب نے کیمونسٹ پارٹی آف چائنا کے اعلیٰ سطحی وفد سے ملاقات کی۔ سربراہ چینی وفد نے مریم نواز اور ان کے وفد کی آمد پر شکریہ ادا کیا۔اس موقع پر مریم نواز کا کہنا تھا کہ پاک چین دوستی بلندی کی انتہاؤں کی طرف گامزن ہے، چین کے اشتراک سے پنجاب کو اقتصادی اور معاشی بلندیوں پر لے جانا چاہتے ہیں۔ یاد رہے کہ مریم نواز چین کا دورہ کرنے والی پہلی پاکستانی خاتون وزیر اعلیٰ ہیں۔ وزیر اعلیٰ کے ہمراہ وفد میں مریم اورنگزیب، عظمیٰ بخاری اور دیگر شامل ہیں۔

وفاقی وزیرداخلہ محسن نقوی نے وفاق المدارس کے سرپرست اعلیٰ مولانا فضل رحیم اشرفی سے ملاقات کی۔ اس ملاقات میں وفاقی وزیرداخلہ نے مولانا فضل رحیم اشرفی کی خیریت دریافت کی اور ان کے لیے نیک خواہشات کا اظہار کیا۔

ملاقات کے دوران وفاقی وزیرداخلہ نے دینی مدارس کے مسائل پر تفصیلی گفتگو کی۔ اس موقع پر مولانا فضل رحیم اشرفی نے کہا کہ دینی مدارس کے معاملات پر سیاست نہیں ہونی چاہیے۔ انہوں نے مزید کہا کہ وفاقی حکومت نے ہمیشہ مدارس کے مسائل کو مثبت انداز میں حل کرنے کی کوشش کی ہے، اور ہم بھی اس سلسلے میں اپنا بھرپور کردار ادا کریں گے۔مولانا فضل رحیم اشرفی نے اس بات پر زور دیا کہ پنجاب میں بھی وفاقی حکومت کی طرز پر مدارس کو محکمہ تعلیم کے تحت ہونا چاہیے تاکہ ان کے معاملات کو بہتر طریقے سے حل کیا جا سکے۔

وفاقی وزیرداخلہ محسن نقوی نے اس بات کی یقین دہانی کرائی کہ حکومت دینی مدارس کے حوالے سے مثبت اقدامات کرے گی اور ان کے مسائل کو حل کرنے کے لیے بھرپور تعاون فراہم کیا جائے گا۔ملاقات کے اختتام پر مولانا فضل رحیم اشرفی نے وفاقی وزیرداخلہ محسن نقوی کے لیے دعا کی اور ملک کی سلامتی، ترقی اور خوشحالی کے لیے دعا بھی کی گئی۔

وزیراعظم شہباز شریف نے جاتی امراء میں پارٹی قائد میاں نواز شریف سے اہم ملاقات کی۔

باغٰی ٹی وی کے مطابق وزیراعظم شہباز شریف نے لاہور جاتی امراء میں پارٹی قائد میاں نواز شریف سے اہم ملاقات کی، جس کے دوران دونوں رہنماؤں نے ملکی معاشی اور سیاسی صورتحال پر تفصیل سے گفتگو کی۔میاں نواز شریف نے وزیراعظم کو ملک کی معاشی صورتحال میں بہتری اور خاص طور پر اسٹاک ایکسچینج میں نئے ریکارڈ بنانے پر مبارکباد دی۔وزیراعظم نے اس موقع پر میاں نواز شریف کو ایس آئی ایف سی کے تناظر میں بیرونی سرمایہ کاری میں پیش رفت سے آگاہ کیا۔ملاقات میں ملک کی مجموعی سیاسی صورتحال اور 26 نومبر کے واقعات پر بھی تبادلہ خیال کیا گیا۔دونوں رہنماؤں نے سول نافرمانی کی کال پر بھی تفصیل سے بات کی، اور اس بات پر اتفاق کیا کہ ملکی سلامتی اور قومی یکجہتی کو نقصان پہنچانے والوں کا محاسبہ کیا جائے گا۔نواز شریف نے وزیراعظم کو ہدایت دی کہ مدارس بل پر مولانا فضل الرحمان کے تحفظات دور کیے جائیں، اور وزیر اعظم نے اس بات کی تصدیق کی کہ مولانا فضل الرحمان کو مدارس بل پر اعتماد میں لیا جائے گا۔دونوں رہنماؤں نے ملکی ترقی کی راہ میں رکاوٹ ڈالنے والوں کے خلاف سخت اقدامات کرنے پر اتفاق کیا۔وزیراعظم نے میاں نواز شریف کو سعودی عرب سمیت دیگر ممالک سے پاکستان میں سرمایہ کاری کے لیے بڑھتی ہوئی دلچسپی سے بھی آگاہ کیا۔ملاقات کے دوران، نواز شریف اور وزیراعظم شہباز شریف نے خوارج کے خلاف جام شہادت نوش کرنے والوں کو خراج عقیدت پیش کیا۔ وزیراعظم نے میاں نواز شریف کو اپنے حالیہ دورہ سعودی عرب کی رپورٹ بھی پیش کی۔بعد ازاں مسلم لیگ ن کے سربراہ نواز شریف اور وزیر اعظم شہباز شریف نے جاتی امراء میں والدین کی قبروں پر حاضری دی اور فاتحہ خوانی کی۔